ފަނާ 17

ެ،” މާހީ ދެން ކެތެއްނުވާނެ އަހަންނަކަށް، އައި، ލަވް ޔޫ… އަަހަރެން މާހީދެކެ ވަރަށް ލޯބިވޭ…” ތުރުުތުރު އަޅަމުން ދިއަ އަޑު އިވި ޒައިދުގެ މޫނަށް ބަލަލިއިރު އެދެލޮލުން ފައިބަމުން ދިއަ ކަރުނަ ތިކި ފެނި އަހަރެންގެ ހިތް ގަނޑުވެ ނެވާ ތާށިވިއެވެ.އޮހޮރިގެން ދިއަ ފެނުގެ ސާލެއްހެން އަހަރެންގެ ލޯ ފުރި ބަންޑުން ވިއެވެ. ދެލޯ މަރާލުމާއެކު ޒައިދުގެ އަތުގެ ތެރެއަށް ވަދެވުނީ ބޭއިހްތިޔާރުގައެވެ. އަހަރެންނަށް ގިސްލެވެމުން ދިއައީ އުފަލުންނެވެ. ޒައިދު ދެއަތުން އަހަރެން ވަށާލަމުން މަޑުން މަޑުން އަހަރެންގެ ބުރަކަށީގައި ފިރުމަމުން ދިއައިރު އަހަރެންގެ ހިރުގައަޅާވޭނާއި ޒައިދުގެ ހިތުގެ ރިހުންވެސް އެއްކޮން ފިލުވާލަން އުޅުނުކަހަލައެވެ. އިރުކޮޅެއްވީފަހުން އަހަރެންގެ އަޑު މަޑުވިއިރު ތުންފަތް ހަރަކާތް ކޮށްލީ ނޭގުމެއްގެ ތެރޭގައެވެ. ” މި ދުނިޔޭން އަހަރެން ލޯބިވި ހަމަ އެކަނި މީހަކީތީ. ޒައިދު އަށް އަހަރެންގެ ހިތް އަބަދުވެސް އިތުބާރު ކުރޭ، އެކަމަކު ކީއްކުރާނީ، ހަޔާތުގަ ލިބުނު ފިލާވަޅުތަކުން އަހަންނަށް ދަސްވި އެއްޗަކީ އެއްވެސް މީހަކަށް އިތުބާރު ކުރާކަށް ނުވާނެކަން، އެއީ ހުދު އަމިއްލަ މަންމަ ކަމުގައި ދެކުނު މީހަކަމަސް ވިއަސް، އިތުބާރު ކުރުމަކީ މޮޔަކަމެއްކަން، އެހެންވެ އަހަރެންނަށް އެކަން ފާޅޫކުރަން ނުކެރުނީ، އެކަމުވެސް ހިތް އަބަދުވެސް ޒައިދުއަށް އެދި ގޮވާ، ޒައިދު އަހަރެން ރައްކާތެރި ކޮށްދޭ ކޮންމެ ފަހަރަކު މިހިތް ލޯބިން ފުރި އުތުރޭ، އެކަމަކު އެލޯބިވެސް ހުވަފެނަކަށް ވެދާނެތީ ބިރުގަނީ، ވަރަށް ބޮޑުވޭނަކަށް ލުއި ލިބިއްޖެ ހިތަށް މިއަދު ހަމަޖެހުން ލިބިއްޖެ،ޒައިދު، އަހަންނަށް ތި ކޮށްދިން ހުރިހާ ކަމަކަށް ސުކުރުވެރިވާނީ ކިހިނެއް ކަމެއް ނޭގެ…” ޝްޝް…….މާޙީ ޕްލީސް ދެން ހުއްޓާލާ،” ގިސްލަމުން އަހަރެން ދައްކަމުން ދިއަ ވާހަކަ ތަކަށް ހުއްޓުން އައީ ޒައިދު އަހަރެންގެ ތުންފަތު ގައި އިގިލި ކުރި ޖައްސާލުމުން ނެވެ. މަޑުމަޑުން ޒައިދުގެ އަތުން އަހަރެންގެ ލޮލުން ފައިބަމުން ދިއަ ކަރުނަތައް ފޮހެލަމުން އަހރެންގެ ލޯމަތީ ޒައިދުގެ ތުންފަތް ޖައްސާލުމުން ގައިން ހީބިހި ނަގާ ލޯލިތައް ކޮޅަށް ޖެހިގެން ދިއައިރު، ވިހައެއްޗެއް ކަށިޖެހި ފަދައިން ތެޅިގަނެފައި ދުރަށް ދެވުނީ ހިތަށް ކުރި ނުބައި އަސަރަކުން ނެވެ. އާއެކެވެ. ފިރިހެނުންގެ ބީހުންތައް އަހަރެންނަށް މިހާރު ވަނީ ޒަހަރަކަށް ވެފައެވެ. އެކަމަކު ޒައިދުއާއި މެދު ހިތުގައި ނުބައި ޙީއެއް ނެތަސް ގަންނަ ބިރު އެކަމަށް ދެކޮޅޫހަދަމުން ދިއައެވެ. ޒައިދުގެ ލޮލަށް ހުއްޓިފައިވާ ނަޒަރު ވަކިކޮށްލަމުން އިސްޖަހާލެވުނު އިރު، ޒައިދު ސޮރީ އެޭ ބުނެ އަހަރެންގެ ކޮލުގައި ފިރުމާލިއެވެ.

މޭޒުމަތީ ހިހޫވެފައި ހުރި ދެ ކޮފީ ޖޯޑަށް ނަޒަރު ހިންގާލަމުން އެ ގެންގޮސް ޒިންކު ތެރެއަށް އޮއްސާލާ އަނެއްކާވެސް ހޫނު ކޮފިއެއް ހަދަންވެގެން ކޮފީއަޅައިގެން އައިސް ކާމެޒު ކައިރީ މަޑުކޮށްލީ މެވެ. އޭރުވެސް ޒައިދު ހުރި ފިޔަވަޅު މަތީ ހުރެ ހިނިތުންވަމުން އަހަންނަށް ބަލަމުން ގެންދެއެވެ. އަހަރެން ޒައިދުއަށް ފުރަގަސް ދީގެން ކޮފީގިރަން ހުއްޓާ ފަހަތުން ޒައިދު އައިސް އަހަރެންގެ ކޮނޑުގައި ދަތްދޮޅީ ޖައްސާލަމުން ވާހަކަ ދައްކަން ފެށީއެވެ.” މާޙީގެ ލައިފު އެއްކޮށް ނޭގުނަސް ވަރަށް ބޮޑަށް އަހަރެންނަށް މިހާރު މިގޭން ލިބޭ އަނިޔާތައް އިހްސާސް ކުރެވިއްޖެ، މާހީ ބޭނުން އިރަކު އަހަންނަށް ހުރިހާ ކަމެއް ހިއަސާ ކުރޭ، އަހަރެން އަޑުއަހާނަށް، އަދި ދުވަހަކުވެސް މާހީ އަށް ދެރައެއްދީ މާހީ ދޫކޮށްލާފަ ނުދާނެ ކަމަށް ވައުދުވަން، މާޙީ އަހަރެންގެ ލޯބި ހެޔޮހިތުން ގަބޫލް ކޮށްފިންތަ، ތީ އަހަންނަށް މިހާރު އެންމެ ގާތް މީހަކީ، ހަމަ އެގޮތަށް މާޙީ ވެސް އަހަރެންމީ މާޙީގެ އެންމެ ގާތް، މާހީ އެންމެ އިތުބަރު ކުރާ ލޯބިވެރިޔާ ކަމުގައި ގަބޫލްކުރާނަންތައް؟، ތީ އަހަރެންގެ ގާރލްފްރެންޑަށް ވެދާނަންތަ؟ ޕްލީސް އާންސާރ މީ، ؟ މާހީ ޖަވާބެއް ދީ ބަލަ، ހެޔޮ ވިސްނަން ވަގުތު ކޮޅެއް ނެގިއަސް އެކަމަކު އެންމެ ދުވަހެއް އިނގޭ ލިބެނީ، ” ޒައިދުގެ ވާހަކަތަޢް އަޑުއަހަމުން ކޮފީ ބޮމުން ދިއައިރު އެންމެ ފަހު ޖުމްލަ އަށް ހޫމް އަޅުވާލަމުން ހިނިތުންވެލީމެވެ. ފުރަތަމަ ފަހަރަށް ހަޔާތުގައި އައި ލޯބިވެތި ވަގުތުކޮޅު ޒައިދާއި އެކީ ހޭދަކޮށް ލުމަށް ފަހު އަލްވަދާއު ކިޔީ ނިދަން ވަންނަ ދިއަ ޒައިދު ގޮސް ކޮޓަރި އަށް ވަދެ ގެއްލުމުން ނެވެ،. ޒައިދު ލޯމަތިން ގެއްލުމުން ހިތަށް ލިބިފައިވި ހަމަޖެހުން ކޮޅޫވެސް ގެއްލެން އުޅޭހެން ހީވުމުން އަވަހަށް ގޮސް ފެންތައްޓެއް ބޮއިގެން ކޮޓަރިއަށް ވަދެ އެދުގައި ޖައްސާލީމެވެ. ލޯމަރާ ބާރު ކޮށްގެން އޮތަސް ނިދި ވަނީ އަލްވަދާއު ކިޔާފައެވެ. ޒައިދުގެ ތަސްވީރު ލޯ ކުރިމަތީ ބުރުޖަހަމުން ގެންދިއައިރު، މަންމަ ސާއިނާގެ މަތިން ހަނދާންވެ ނުތަނަވަސް ވާން ފެށިއެވެ. އަހަރެންގެ ހިތުގައި ކުޑަނަމަވެސް ކުލުނެއް ސާއިނާ އަށް އުފެދިފައިވިއަސް ވީ މަންމަ ކަމުގައި ދެކުގެން އެތައް އަހަރަކު އުޅެފައިވުމުން ނެވެ. އެކަމަކު ހަގީގަތް އެނގުމުން އަހަރެންގެ މައުސޫމް ކަން ނަގާލި އެ އަންހެނާއަށް ހިތުގައި ނަފްރަތުގެ ހުޅުރޯވެ އަދަމުން ދިއައެވެ.

މަޑު މަޑުން ގޮދަޑި ހިއްލާލަމުން އޭގެ ދަށުގައި އޮތް މަންމަގެ ޑައިރީގެ ގަނޑުތައް ނަގާ ހޯދާލީ އަހަރެންގެ މަންމަ ގެ ހަގީގަތް ހޯދާހިތްވިލެއް ބޮޑުކަމުންނެވެ. މަންމަ އާއި ގުޅޭ ކުޑަ ނަމަވެސް އެއްޗެއް އިނގޭތޯ ބލާލުމަށް އަހަރެން ތުދުވެ ގޮސް ލައިޓްގެ އަލި އެންމެ ގަދަ ހިސާބު ފާހަގަކޮށް އެތާނގައި އިށީދެލީމެވެ. އެކި އެކި ސޮފްހާ ވަކިވަކިން ބަލަމުން ދަނިކޮށް ލޮލުގައި އަޅައިގަތް ތަންކޮޅަކުން ވީ އުފަލުން ތެދުވެވުނީ ނޭގި ހުއްޓައެވެ. އޭގަ އޮތީ ގެމަނަފުއްޓެކޭ ޖަހަފައެވެ. އެއީ ދެން އޮންނަ އަތޮޅުގެ ރަށެކޭ ހިތަށް އެރުމުންަ މާޔޫސްވިއެވެ. އެހެނަސް އަޒުމު ކަނޑައެޅީ އެރަށައް ގޮސްގެންވެސް މަންމަ އާއި ބެހޭ ހުރިހާ އެއްޗެއް ހޯދައި،މަންމަގެ އާއިލަ މީޙުންނާއި ބައްދަލު ކުރުމަށެވެ.

ހެދުނު އަށެއް ގަޑިން ޖެހުމާއި އެކުހެން ރޭގެ ނިދިން ހޭލެވުނު އިރު މާލަސްވެފައި ހުރުމުން މާޔޫސް ވާގޮތްވިއެވެ. އެހެނަސް އަވަސްއަވަހަސް ނުކުމެ ބަލާލިއިރު، ބަދިގެ މޭޒު ކައިރީ ތިބި ޔޫނުސް އާއި ޒައިދު ފެނި ހިތް ނުހުއްޓުނީ ކިރިޔާއެވެ. ފުރަތަމަވެސް ހިތަށް އެރީ މަންމަ އާއި އަޒާލް ބެ ގެއަށް އައީބާއެވެ. ހިތްތެޅިތެޅިއޮތްވާ އަހަރެންގޮސް ބަދިގެއަށ ވަންއަޑަށް ޔޫނުސްބެ އެބުރި ބަލާލަމުން ގޮވާލިއެވެ.” ކަނބުލޯ، އަވަހަށް އާދޭ ސައިބޯން، ރޭގަވެސް ތިހުރީ ނުކައި ހުސްބަނޑާ، ބޭބެއާއި، ޒައިދުވެސް ހާންތިވެގެން، މިތާ ކައިރީ ހުރި ހޮޓަލަކުން މި ކާއެއްޗެހި ގެނައީ، އަވަހަށް ސައިބޯން އިށީދޭ..” ޒައިދުގެ ބައްޕަގެ ބަސްތަކަށް ބޯޖަހާލަމުން އަހަރެން ގޮސް އިށީނީ މޭޒުގެ އަނެއް ފަރާތުގައެވެ. ޒައިދުގެ ނަޒަރު އިރު އިރުކޮޅުން އަހަންނަށް އަމާޒުވަމުން ދިއައިރު، ލަދުން ގޮސް ވިރޭހެން ހީވާ ވަރުވެއެވެ. އިސްއުފުލާލަން ވެސް ނުކެރުނީ ޒައިދު އާއި އަހަރެންގެ ބަދަލުވެފައިވާ ގުޅުމުގެ ސަބަބުންނެވެ. ޒައިދު ލާނެތް ފާޑަކަށް ހިނިތުން ވެލަމުން އެއްލޯ މަރާލި މަންޒަރު ފެނި އިސީނަމުން ދިއަ ގޮނޑިން އަރިއަލާލައިގެން ނުވެއްޓުނީ ހަމަ ކިރިއާއެވެ. ލޯ އަޅާލަމުން އިށީދެލައި މޭޒުމައްޗަށް ނަޒަރު ހިންގާލިއިރު، ހެދިކާގެ އިތުރުން ރޮށްޓާއި މަސްހުނިން ފަޅުފިލުވާލާފައިވެއެވެ. އަހަރެން ތައްޓެއް ނަގާ މަސް ހުނި ކޮޅެއް އަލާލަމުން ކާން ތައްޔީރުެލި ތަނާ، މާޙީގެ ވެސް ފޭވަރިޓޭ ކިޔާ ޒައިދުގެ ކައރީގައި ހުރި ސޭންޑްވިޗް ތަށި ކައިރި ކޮށްލުމުން ހައިރާންވެފައި ޒައިދުގެ މޫނަށް ބަލާލަމުން ޔޫނުސްބެ އާއި ދިމާއަށް ބަލާލެވުނެވެ. ނަސީބަކުން ޔޫނުސްބެ އިނީ ކެއުމުގެ ތެރެއަށް ގެއްލިފައެވެ،. އެހެންނޫންނަމަ ދެންމެ އަހަންނަށް ލިބުނު ހާސް ކަން ފެނި ކޮންމެވެސް އެއްޗެއް ވިސްނުނީހެވެ. ” ދަރިފުޅާ ޒައިދު، ބައްޕަ ބުނީ މެންނު އެކުވެރި އެއްގެ ވާހަކަ، އޭނަގެ ކޮއްކޮ އޭ ރޭގަ ޕޮލިސް ސްޓޭޝަން އިން އެދިމާވީ، ސާނިމް، އިނގޭނުން އެތާ ބޮޑަކަށް ހުރި، އެމީހުން މިހާރު އުޅެނީ މާބައިދޫގަ ކަމަށް ވަނީ، ބައްޕަ މިއަދު ގުޅާލިން ނަޖީބުއާއި، ބުނީ ދޭތެރެއަކުން ޖައްސާލާނަމޭ، އަހަރެމެންވެސް އަންނަ ވާނެ އޭ ބުނި އެމީހުންގެ އާއިލާ އާއި ބައްދަލު ކޮށްލަން، ބައްޕަބުނިން ދަރިފުޅާ ވާހަކަ ދައްކާލާފަ ޖަވާބެއް ދޭނަމޭ، އެހާ އަވަހަށް ނެތޭނުންދޯ އަދި ދެވޭކަށްވެސް، މާހީގެ ކަންތައްތައް ހަމައަކަށް ވެސް ނޭޅޭ އަދި، އެހެންނޫނަސް މާހީ އެކަނި ކޮށްލާފައި މިއަދު ދެވޭކަށްވެސް ނެތެއްނު، އެހެންވީމަ ދެން ފަހުން ދޯ އެކަމާއި އުޅޭނީ، ހިވާގޮތުން ހޮނިހިރު ދުވަހު އަންނާނެ، ނަޖިބު މިރަށަށް” ޔޫނުސްބެ ހުއްޓާނުލާ ވާހަކަ ދައްކަމުން ދިއަ އިރު، ޒައިދުވެސް ބައްޕައާއި އެއްބައިވެލަމުން ވާހަކައިގެން ކުރިއަށް ދިއައެވެ.

ހަވީރުގެ ވަގުތެވެ. ފެންވަރާލައިގެން ނިކުމެ އަހަރެން އެންމެނަށް ސައިހަދާ ނިންމާލަމުން ގަޑި ބެލިއިރު، ހަތަރެއް ޖަހަނީއެވެ. ކުއްލިއަކަށް ޔޫނުސްބެގެ އަޑު އިވިގެން ބަލާލިއިރު، ދަބަހެއް އަޅުވައިގެން ހަލުވިކޮން އައިސް ޔޫނުސްބެ، ސައިބޯން އިށިދެއްޖެ އެވެ. “ކަނބުލޯ މާދަމާ ނުވައެއްޖަހާއިރު، ސްޓޭޝަން އަށް ދަޏަް އަންގާފަ އެބައޮތް، ތިން މީހުން ވެސް ދާންޖެހޭ ހަނދާން ކޮށް ތައްޔާރުވާތި، ބޭބެ މިދަނީ، މުހިއްމު ކަމެއް ޖެހިގެން، ޒައިދާއި ދެކުދިން ބަލައިގެން އުޅޭތި ގޭތެރޭގަ، ބޭބެއަށް އާދެވޭނީ، ދިހައެއްގެ، ފަހު،، އެއްވެސް ކަމަކާ ނުވިސްނާ، ދެރަނުވޭ، އިރާދަށްކުރެއްވިއަޔާ، ކަނބުލޮގެ ހަޔާތުގެ އަދިރި ދުވަސްތައް ވެސް ފަސްދީދާނެ، ވަރަށް އަވަހަށް، “ޔޫނުސްބެ، އަހަރެންގެ ބޮލުގައި ފިރުމާލަމުން ހިތްވަރު ދެމުން ދިއައިރު، އަމިއްލަ ބައްޕައެއދައިއަށްްދޭ ފަދައިން ހިމާޔަތުގެ އިހްސާސްވިއެވެ. ދުވަހަކު މައިންބަފައިންގެ ރުހުމާއި ލޯތްބާއި ނުލިބުނަސް،މިއަދު ހިލޭ ބަެއެއްގެ ކައިރިން ލިބެމުންދާ އޯގާތެރިކަމާއި، ލޯބިން އަހަރެންގެ ބަލިކަށިވެފައިވާ ހިތަށް ހަމަޖެހުން ލިބިދީފިއެވެ…. ޔޫނުސްބެ ސައިބޯގެން ގޭ ނުކުމެގެން ދިއަ މަންޒަރު ބަލަން ހުއްޓާ ޒައިދު ނުކުމެއް އަހަރެން ސިއްސާލުމުން ޒައިދުގެ ފަހަތުން ދުއްވައި ގަނެވުނީ، ބޭއިހްތިޔާރުގައެވެ. ސޯފާއަށް ވެއްޓީގަންނަމުން،އަންނާށޭ ކިޔާ ޒައިދު އަހަންނަށް ގޮވާލުމުން ވަކިން އިން ސޮފާގައި އިން ބާލީސް ނަގާ ޒައިދާއި ދިމާއަށް ހޫރާލަމުން، ބޮލުގެ އިސާޜާތުން ނުނެކޭބުނަމުން ސައިބޯން ހިގާސޭ ބުނެ އަހަރެން ގޮސް ސައިބޯން އިއްތީމެވެ. ޒައިދުވެަސް އިރުކޮޅަކުން ތެދުވެގެން އައިސް ޖައްސާލީ އަހަރެން އިން ގޮނޑީގެ އެއްކައިރީގައެވެ. އަހަރެން ތެދުވެންނަށް އުޅުމުން ހިފަހަޢްޓާލަމުން ޒައިދު ހަދާންކޮށްދިނީ ޖަވާބު ކޯބާހޭ، ކިޔާ ރޭގެ، ހާދިޝާ މަތިންނެވެ. އަހަރެން ހަނު އިނީ ހިތުގައި އޮތް ލަފްޒުތައް ދުލައް ގެންނަށް ނުކެރިގެންނެވެ. ސައިބޯން ނިމުންއިރުވެސް އަހަރެންނަށް އިތުރަށް އެއްޗެކޭ ނުބުނެވުމުން، ޒައިދު ދެރަވެލާފައި، އިންތިޒާރު ކުރާނަމޭ، ބުނެ،ތެދުވަމުން ބޭރަށް ދަނީއޭ ބުނެ އައުމަށް އަހަންނަށް ދައުވަތު ދިނެވެ. ކޮންތާކަށް ހޭ އަހާލެވުނީ، ރަށުގެ މީހުން ގެ ނަފްރަތުގެ ސަބަބުން ނާއި، މަންމަ މިއޮތްހާ ދުވަހު ގައިދު ހާނާއެއްގައި ގެންގުޅެފައިވުމުން، ނިކުންނަށް ޖެހިލުންވާތީއެވެ. ބީޗަށޭބުނެ ޒައިދު، ނުކުމެ ދޮރުކައިޜީ މަޑުކޮށްލުމުން އަހަރެން ތަށިތައް މަތިޖަހާ އަވަސްއަވަހަށް ބޯ ރީތިކޮށްލަމުން ނުކުމެލިއިރު ޒައިދު ދޮރުކައިރީ ހުއްޓެވެ. ޒައިދުގެ ފަހަތުން ގޮސް އަތިރިއަށް ފައިބައިގެން ދޮންވެލި ގަނޑުމަތީ،ޖައްސާލަމުްނ އެކިއެކި މަޖަ ކަންތަތަކާއި ކުޅިވަރުތައް ޒައިދާއި ހިއްސާކުރެވެން ފެށުނީ،ވެފައިހުރި އުފަލެއްގެ ބޮޑެކަމުންނެވެ. ޒައިދުވެސް އަހަންނާއި،ބައިވެރިވަމުން ދިއައީ ހަމައެކަނި އަހަރެންނަޓަކައެވެ، މޫޑު ރަގަޅުކޮށްލަމުން ޒައިދުވެސް މަޖާވެލައި، ސަމާސަކުރަން ފެށިއެވެ، ނަމަވެސް އަހަންނަށް ނޭގުނީ އަހަރެންގެ ލޮލުން ފައިބަމުންދިއަކަރުނަތްއް ގިނަވަމުން ދިއަކަމާއި، އަހަރެންގެ ހަށިގަނޑުން ހުރަހެން ނެތި ފެންނަމުން ދިއަ ޒަހަމްތަކާއި ލަކުނުތަކަށް ޒައިދުގެ ލޯއަމާޒު ވެފައިވާކަމެވެ. ޒައިދު އަގަރެންގެ މޫނުގައި ދެއަތުން ހިފަހައްޓާލުމުން އަހަރެން ފަޅައިގެން ދިއައެވެ. ގިސްލެވެން ފެށުމުން ދެ ކަކޫ ނަގާ މޫނު ފޮރުވާލިއިރު، ޒައިދުގެ އަތްވަނީ އަހަރެންގެ ކޮނޑުގައެވެ.، މާޙީ ތިހެން ނުހަދާ، ޕްލީސް. ނުރޮއި، ތީ އަހަންނަށް ދެކެން ފަސޭހަ މަންޒަރެއް ނޫން، މާޙީ ދުވަހަކވެސް ރޯކަށް އަހަރެން ބޭނުމެއް ނޫން.، މާހީއަށް ލިބުނު އަނިޔާތަށް ފަސޭހަނުވިއަށް ދެން ތިހިތުގާ ލަކުނެއް ލާކަށް އަހަރެންގެ ފުރާނަ ހުރިހާ ހިނަކު ނުކެރޭނެ، މާހީ ރޯތަށް ބެލުމަށް ވުރެ މާރަގަޅު މިއޮތް ކުރިމަތީ އޮތް ކަނޑަށް އަރަގުވެ ދިއައަސް” ޒައިދު ފަހުން ބުނެލި ޖުމްލައިން އިސްއުފުލާލަމުން ޒައިދުގެ ތުންފަތުގައި އަތްޖައްސާލެވުނޯ ދެފަރާތަށް ބޯހޫރާލަމުންނެވެ. އަޑު ވެސް ތާށިވެފައިވީކަހަލައެވެ. އަހަންނަކަށް އަނގައިން ބަހެއް ނުބުނެވުނެވެ… ޒައިދު އިރުކޮޅަކު އެހުން އިނުމަށް ފަހު ތެދުވުމުން އަހަރެން ވެސް ތެދުވެހިތްދެމިލީ ކަރުނަތައް ފޮހެލަމުންނެވެ. އޭރު، ވަށައިގެންވާ ހިތްގައިމު މާހައުލުން އުފާލިބިގަތުމަށް މީހުން ޖަމާވަމުން ދިއައެވެ. ޒައިދު، ހިގާލަން ދާން ހިގާށޭކިޔާ އަހަރެންގެ އަތުގައި ހިފައިލިއެވެ les en anmeldelse. އަހަރެން ލަސްފިޔަވަޅުތަކެއް އަޅަމުން ދިއައިރު، ބަންދުވެފައިވާ އަތް ޒައިދުގެ އަތްތެރޭ ނައްޓުވައިލީ، އަސްލަހަތަށް ބަލާފައެވެ. މީޙަކަށް ފެނިގެން ޒައިދުގެ އަގު ވެއްޓޭކަށް ދުވަހަކުވެސް ބޭނުން ނުވާތީއެވެ…މަޑު މަޑުން ހިގަމުން ދިއަ ޒައިދާއި އަހަރެންގެ ފިޔަވަޅުތަކަށް ހުއްޓުމެއް އައީ، ފަހަތުން އިވުނު އަންހެނެއްގެ އަދުންނެވެ.” ހޭއި ޒައިދޫ…މަގޭ ބެސްޓީ މިތާގަ،،،ަ އޯ މައި ގޯޑް “ފަހަތަށް އެނބުރި ބަލާާލިއިރު ކުރިމަތީ ހުރި އަންހެން ކުއަޖާގެ އެ ލަފްޒުތައް ވަކިވަކިން އަހަރެންގެ ކަންފަތަށް އިވެމުން ދިއަައިރު، ހެވިފައިހުރެ ޒައިދުގެ ގައިގާ އައިސް ބައްދާލި އެެް ކުއްޖާ ފެނި ފަހަތަށް ޖެހެވުނު އިރު،ދެއަތް މުއްކަވާ ބާރުކޮށް ލެވުނެވެ……..ނުނިމޭ