ލޯތްބައްޓަކައި(ފަހުބައި)

“ދޮންބޭ…ވަޓް އިޒް ރޯންގް ވިތް ޔޫ….ޑިޑް ޝީ ޓެލް ޔޫ؟” ނުހާ އަނެއްކާވެސް ވާހަކަ ދެއްކުމުން ނިކްޔަންގެ ފިޔަވަޅުތައް މަޑުޖެހިލިއެވެ. އަދި އެނބުރި ނުހާއާއި ދިމާލަށް ބަލާލީ ސުވާލުގެ ނަޒަރަކުންނެވެ. ފަލަކް އޭނާގެ ގާތުގައި ބުނަން އޮންނާނީ ކޮންވާހަކަ އެއް ހެއްޔެވެ. “ނުއްކޮ އަކަށް ނޭނގެ ވެގެން މިއުޅެނީ ކިހިނެއްކަމެއް އެކަމު ޔޫ ނީޑް ޓު ނޯ ދިސް” ނުހާ ވާހަކަދެއްކިއެވެ. “ނުއްކޯ…ސީދާ ސީދަލަށް ބުނެބަ ވަޓް ޑޫ ޔޫ މީން” “ޝީ އިޒް ޕްރެގްނެންޓް” ނުހާ ބުނެލި ޖުމްލައާއިއެކު ނިކްޔަންގެ ދެލޯ ބޮޑުވެގެން ދިއައެވެ.

ނުހާއާއި ދިމާލަށް ބަލަހައްޓައިގެން ނިކްޔަންއަށް ހުރެވުނީ ގަބުއަރާފައެވެ. އޭނާގެ ކަންފަތުގައި ނުހާ ބުނީ އެ ތިން ލަފުޒު ގުގުމަމުން ދިއައެވެ. ތިރިވެ ސޯފާގައި ނިކްޔަންއަށް އިށީނދެވުނު އިރު، ފަލަކް ނިކްޔަންގެ ގާތުގައި އެވާހަކަ ނުބުނާކަން ނުހާއަށް ދެނެގަނެވުނެވެ. އިސްތަށިގަނޑުގެ ތެރެއަށް ދެއަތް ހިންގާލަމުން ނިކްޔަންއަށް ދެލޯ މަރާލެވުނެވެ. އޭނާއަށް މިކުރެވުނީ ކީއްހެޔެވެ. “ދޮންބެއަށް ރިއަލައިޒް ނުވިޔަސް އައި ނޯ ފަލަކްދައްތަ ދޮންބެ ދެކެ ލޯބިވާކަން…ޔޫ ޝުޑް ހޭވް ސީން ހައު ހެޕީ ޝީ ވޯޒް ވެން ޝީ ގޮޓް ޓު ނޯ” ނިކްޔަންއާއި އެއްވަރަށް ތިރިވެލަމުން ނުހާ ވާހަކަ ދެއްކިއެވެ. ބޯ ހިއްލާލަމުން ނިކްޔަން ނުހާއާއި ދިމާލަށް ބަލާލި އިރު އޭނާގެ ގަދަ މުށި ކުލައިގެ ދެލޮލުގައި ކަރުނަތައް ވިދަވިދާ ހުއްޓެވެ.

ނިކްޔަން ހުރީ އޮޅުމެއްގެ ތެރޭގައެވެ. ފަލަކް ލޯބިވަނީ އޭނާ ދެކެ ނަމަ ޑައިރީގައި އާލިމް ދެކެ ލޯބިވާ ވާހަކަ އޮތީ ކީތްވެ ހެއްޔެވެ. އިންތަނުން ނިކްޔަންއަށް ކޮއްޅަށް ތެދުވެވުނީ، އޭނާއަށް އެ ޑައިރީގެ އެއްބައި ނުކިޔޭކަން ހަނދާންވުމުންނެވެ. އަމިއްލަ ނަފްސަށް އަޑުލަމުން، ޖީބުގައި އޮތް ފޯނު ނަގައި ނިކްޔަން ލޫތްގެ ނަމްބަރަށް ޑައިލް ކޮއްލިއެވެ. އަދި ލޫތްގެ އަތުން އާލިމްގެ ނަމްބަރު ހޯދުމަށްފަހު އާލިމްގެ ނަމްބަރަށް ޑައިލް ކޮއްލީ ހިތާހިތުން ފަލަކް ހެޔޮހާލުގައި ލެއްވުމަށް އެދި ދުޢާ ކުރަމުންނެވެ.

“ހަލޯ” ސައިޑު ކަބަޑު މަތީގައި އޮތް ރިންގުވަމުން ދިޔަ އޭނާގެ ފޯނުނަގައި ކަންފަތުގައި ޖަހާލަމުން، އެނދުގެ ހެޑްބޯރޑުގައި ލެގިލައިގެން އިން ޔަނާއަށް ހިނިތުންވެލަމުން އާލިމް އެނދާއި ދުރަށް ޖެހިލިއެވެ. “އާލިމް، ކޮބާ ފަލަކް؟ ފަލަކް އެބަހުރި ދޯ އާލިމްގެ ކައިރީގަ؟ އިޒް ޝީ އޯލްރައިޓް؟” އެއްފަހަރާ ނިކްޔަން ތިން ސުވާލު ކޮއްލި އިރު، އާލިމް ހުރީ ނިކްޔަންގެ އެ ސުވާލުތައް ފަހުމް ނުވެފައެވެ. ފަލަކް އޭނާގެ ކައިރީގައި ހުރިތޯ ނިކްޔަން އެ އަހަނީ ކީއްވެ ހެއްޔެވެ. ފަލަކްއާއި ނިކްޔަން އޭގެ ފަހުން އަދިވެސް ބައްދަލު ނުވަނީ ހެއްޔެވެ. އެހެންވީރުން ފަލަކް އެދިޔައީ ކޮންތާކަށް ބާއެވެ. އާލިމްގެ މޫނުމަތިން ފައުޅުވި ކަންބޮޑުވުމުގެ އަސަރު ފެނި ކޮންމެވެސް ކަމެއް ގޯސް ވެއްޖެކަން ޔަނާއަށްވެސް ނަގައިގަނެވުނެވެ. އެއާއިކު ޔަނާގެ މޫނުމަތީގައިވީ ރީތި ހިނިތުންވުން ފިލައިގޮސް ނުތަނަވަސްކަމުގެ ކުލަތައް އެ މޫނުގައި ފާއްދާލިއެވެ.

“ފަލަކް ނިކްއާ ބައްދަލު ކުރާކަށް ނުދޭތަ؟ ނިކް ތި ވިސްނަނީ މުޅިން ނުބައިކޮން…ފަލަކް ލޯބިވަނީ ނިކް ދެކެ…ނިކް ހޮސްޕިޓަލުން ދިޔަ ތާ އިރުކޮޅެއްފަހުން ފަލަކްވެސް ގޮއްސި…” އާލިމްގެ ވާހަކަތައް އަޑުއަހަން ހުރި ނިކްޔަން ވެގެން އުޅޭގޮތް އާލިމްއަށް ކިޔައިދިނެވެ. އަދި އޭގެފަހުން ފަލަކް ގެއަށް ނާންނަ ކަމަށާއި، ފަލަކްގެ ފޯނަށްވެސް ނުގުޅޭ ވާހަކަ ބުންޏެވެ. “ނިކް…އައި ނޯ ހައު ޓު ފައިންޑް ހާރ…ވިހި މިނެޓުތެރޭ އޭޑީކޭ ކުރިމަތިން އަހަރެންނާ ބައްދަލު ކުރޭ” ފޯނު ބޭއްވުމަށްފަހު އާލިމް އެނބުރި ޔަނާއާއި ދިމާލަށް ބަލާލިއެވެ. “ޔަނާ…” “ގޯ އާލް…އެއީ އާލްގެ އެންމެ ގާތް އެކުވެރިން…ދޭ ނީޑް ޔޫ” ޔަނާގެ ފަރާތުން ލިބުނު ހިތްވަރާއި އެކު އާލިމް ނިކްޔަންއާއި ބައްދަލު ކުރަން ދިއުމަށް އަވަސްވެގަތެވެ. އަދި ލޫތްއާއި ހަމްދާންއަށް ގުޅައި ވެގެން އުޅޭގޮތް އަންގާލުމަށްފަހު އޭޑީކޭ ކުރިމަތިން ބައްދަލުކުރަން އައުމަށް އެދުނެވެ.

ފަނޑު އަލިކަމަށް ދެލޯ ހާނަން މަސައްކަތް ކުރަމުން ފަލަކް ތެދުވެ އެ ގުދަނުގެ ތަޅުންގަނޑު މަތީގައި އިށީނދެލިއެވެ. މިއީ ކޮންތަނެއް ބާއެވެ. މިތަނަށް އޭނާ ގެނައީ ކާކު ބާއެވެ. ފަލަކްއަށް އެ ގުދަނުގެ ދޮރާއި ދިމާލަށް ބަލާލެވުނީ ދޮރު ހުޅުވުނު އަޑަށެވެ. ދޮރުން ފޭދިފައިހުރި ގަދަ އަލީގެ ސަބަބުން، ދޮރު ކުރިމަތީގައި ހުއްޓިހުރި މީހާގެ މޫނު ފެންނަ ގޮތެއް ނުވިއެވެ. ކުއްލިއަކަށް ލޮލަށް އެހައި ގަދަ އައްޔެއް އެޅުމުން ފަލަކްއަށް އޭނާގެ ދެލޯ މަރާ ތަގުޅި ކޮއްލެވުނެވެ. ދެލޯ ހުޅުވާލިއިރު އޭނާގެ ކުރިމަތީގައި މީހެއް ހުއްޓިހުރިތަން ފެނުމުން، އިސްހިއްލައި ފަލަކް މައްޗައް ބަލައިލީ އެއީ ކާކު ތޯ ބަލައިލުމަށެވެ. ކަޅުކުލައިގެ ދިގު ކައްޓެއްލީ އޮފަ އަރާ ބޫޓަކަށް އެ މީހާ އަރައިގެން ހުރުމުން އެއީ އަންހެނެއްކަން ސާބިތުވެއެވެ. ހަަމަ އެކުލައިގެ ކޯޓު ފަޓުލޫނެއްގައި ހުރި އެ އަންހެންމީހާގެ މޫނު ފެނުމުން ފަލަކްގެ ދެލޯ ބޮޑުވެގެން ދިއައެވެ. “ރަފްްފްފް…”

ވިހި މިނެޓު ފަހުން ހަތަރު ޒުވާނުން އޭޑީކޭ ކުރިމަތިން ބައްދަލުކުރިއިރު، ކޮންމެ މީހެއްގެ މޫނުމަތީގައިވެސް ވަނީ ކަންބޮޑުވުމާއި ހާސްކަމެވެ. ހާއްސަކޮށް ނިކްޔަންއެވެ. ފަލަކް ހޯދުމަށްޓަކައި ނަމަވެސް، ހަތަރު އެކުވެރިން ހަތް އަހަރަށްފަހު އެތަންވި މީ ފުރަތަމަ ފަހަރެވެ. ބެހިލައިގެން އޭޑީކޭ ކައިރީގެ މަގުތައް ހޯދަން ހަތަރު މީހުން ފެށިއިރު، ހުރިހާ އެންމެންވެސް ނިކްޔަންއަށް ހިތްވަރު ލައިދިނެވެ.

ހަނި ގޯޅިތައް ބަލަމުން ގޮސް ފިހާރައެއް ފެނުމުން ލޫތް އެތަނަށް ވަދެ ފަލަކްގެ ފޮޓޯ އެ ފިހާރައިގެ ސޭޓަށް ދައްކައިލިއެވެ. “ބޭބޭ…މިތާ ކައިރިންވިޔަސް މި ކުއްޖާ ދެކުނިން ތޯ؟” ލޮލުގައި އިން އައިނު ރަނގަޅު ކޮއްލަމުން ސޭޓުމީހާ ލޫތް ދިއްކޮއްގެން ހުރި ފޯނުގައި އިން ފޮޓޯއަށް ފުންކޮށް ބަލައިލިއެވެ. “އާން އިރުއޮއްސި ފިހާރަ ބަންދު ކުރަން އުޅެނި ކޮށް ތި މަންޖެ އައި ފެންފުޅިއެއް ގަންނަން” ސޭޓުގެ ފަރާތުން ލިބުނު މައުލޫމާތާއި އެކު ލޫތް އެހެން މީހުނަށް ގުޅައި އެ ގޯޅިއަށް އައުމަށް އެދުނެވެ.

ލޫތް ބުނި ގޯޅިގަނޑުގެ ތެރެއަށް ވަދެގެން ދިއަ ނިކްޔަންއަށް މަޑުޖެހި ލެވުނީ އޭނާއަށް އެއްޗަކަށް އެރުނު ކަމުގެ އިހުސާސް ކުރެވުމުންނެވެ. އޭރު ތަންކޮޅެއް ދުރުގައި ހުރި އެ ފިހާރައިގެ ކުރިމަތީގައި އާލިމް، ލޫތް އަދި ހަމްދާން ތިއްބެވެ. ތިރިވެ އޭނާއަށް އެރުނީ ކޯޗަކަށް ތޯ ބަލައިލި ނިކްޔަންއަށް އޭނާގެ ބޫޓުގެ ކައިރީގައި އޮތް ކަޅުކުލައިގެ ފޯނު ފެނުމުން ވަގުތުން އެއީ ކާކުގެ އެއްޗެއްކަން އިނގުނެވެ. އާއެކެވެ. އެއީ ފަލަކްގެ ފޯނެވެ. ފޯނު ނަގަން އޭޔާއި ދިމާލަށް އަތް ގެންދިޔަ ނިކްޔަންއަށް ފޯނާއި ތަންކޮޅެއް ދުރުގައި އޮތް ރިހި ކެވެލިކޮޅު ފެނުމުން ހައިރާންވެ ހުރެ އެދޭތި އަތަށް ނަގަމުން ކޮއްޅައް ތެދުވިއެވެ. “ނިކް އެހެރީ އެ ފިހާރަ” ނިކްޔަންގެ ގާތަށް އައިސް
ހުއްޓިލަމުން ހަމްދާން ބުނެލިއިރުވެސް ނިކްޔަންގެ ސަމާލުކަން ހުއްޓިައިވަނީ އޭނާގެ އަތުގައި އޮތް ކެވެލިކޮޅަށެވެ. “އައި ނޯ ވެއާރ ޝީ އިޒް”.

“ހާއި ފަލަކް ދައްތާ” ދައްތަ އެ ލަފުޒަށް ބާރުލަމުން ރަފްގާ ބުނެލިއިރު އޭނާގެ އަޑުގައި ވަނީ މަލާމާތާއި ނަފްރަތެވެ. “ލޯންގް ޓައިމް ނޯ ސީ ދޯ….ކަމްއޮން މިހާރު ފަލަކް ތީ ހަަމައެކަނި އަހަރެންގެ އެއްބަފާ ދައްތަ އެއް ނޫނޭ…އަހަރެންގެ ތުއްތުދައްތަ ވެސްނު…” ފަަލަކް އާއި އެއްވަރަށް ތިރިވެލަމުން ރަފްގާ ވާހަކަ ދެއްކިއެވެ. ރަފްގާއާއި ދިމާލަށް ބަލަހައްޓައިގެން ހުރި ފަލަކްގެ ދެލޮލުގައި ވަނީ ޝަކުވާއާއި ހައިރާންކަމެވެ. “އަހަރެންގެ ތުއްތުއާ އިނދެގެން ހުރެ ތިފާޑަށް ތެޅޭކަށް ލަދެއް ނުގަނޭތަ؟ އޯހޯ އަހަރެން ހަނދާންނެތުނީ އޭ…ތީ އިއްޔައަކު މިއަދަކު ކަލޭ އުޅެން ފެށިގޮތެއް ނޫނޭ ދޯ….މީގެ ހަތްއަހަރު ކުރިންވެސް، ތުއްތުއާ އާލް އާ ދެމީހުންގެ އެޓެންޝަން ނުލިބެނީސް ކަލޭގެ ހިތެއް ނުފުރޭ ވިއްޔަ…” ރަފްގާގެ ކޮންމެ ލަފްޒެއް ފަލަކްގެ ހިތުގައި އެތައް ސުވާލެއް އުފައްދަމުން ދިއައެވެ.

“އެކަމު ބުނަން އެނބުރި އާލްގެ ދިރިއުޅުމަށް ކަލޭ އައުން އެއީ ކަލޭއަށް ކުރެވުނު އެންމެ ބޮޑު ކުށް….ރީއްޗައް ތުއްތު އާއެކީ އަރާމުގަ ލައްޒަތުގަ އުޅެންވީނު ކީއްކުރަން އާލްގެ ދިރިއުޅުމަށް ކަލޭ އައީ….ބޮޑު އުނދަގުލަކަށް ވެއްޖެޔޭ ތި އަންހެނުންނާ ހެދި ވެސް….އެކަކު އަހަރެންގެ އާލް އާ މާ ކައިރި ވާން އުޅުނީމަ ކޯމާޔަށް ފޮނުވާލާފަ އޮއްވާ އަނެއްކާ އަނެކަކު އައިއްސި އެންނު… ބަލަ އާލް ނޫން އެހެންމީހެއް ހަމަ ތީގެން އެކަކަށްވެސް ނުފެންނަނީތަ؟” ރަފްގާގެ ދުލުން އަޑުއިވިގެން ދިޔަ ވާހަކަތަކާއި އެކު ފަލަކްގެ ދެލޯ ބޮޑުވެގެން ދިއައެވެ. ޔަނާގެ އެ ހާލަތު ކުރިމަތިވީ ރަފްގާގެ ސަބަބުން ހެއްޔެވެ. “ސިއްރެއް ބުނަންތަ؟ ޔޫ އަރ ތިންކިންގް ރައިޓް…އެ ޔަނާއާ އާލް އާ ދުރުކުރަންވެގެން އަހަރެން ކުރުވި އެކްސިޑެންޓެއް އެއީ…އޯ އެންޑް ބައިދަވޭ މީ އަހަރެން އެކްސިޑެންޓެއް ކުރުވި ފުރަތަމަ ފަހަރެއް ނޫން އިނގޭ… 26 ނޮވެމްބަރު….ހަނދާންއެބަހުރިތަ؟ އުފް ފަަލަކް…އަމިއްލަ ބައްޕަ ނިޔާވި ތާރީޚުވެސް ހަނދާންނެތީތަ؟” ރަފްގާގެ ސުވާލާއިއެކު ފަލަކް ވާހަކަ ދައްކަން މަސައްކަތް ކުރިނަމަވެސް އަނގަމަތީގައި އަޅާފައިވީ ފޮތިގަނޑުގެ ސަބަބުން އޭނާގެ އަޑެއް ބޭރެއް ނުވިއެވެ.

“ލެޓް މީ ހެލްޕް ޔޫ ޑާރލިންގް” ފަލަކްގެ އަނގަމަތީގައި އަޅާފައި އިން ފޮތިކޮޅު ތިރިކޮއްލައިދެމުން ރަފްގާ އަނެއްކާވެސް ފަލަކްއާއި ދިމާލަށް ބަލާލިއެވެ. “ޔޫ….ޔޫ ކިކި…ކިލްޑް ހިމް” ފަަަލަކްގެ އަޑު ނިކުތީވެސް ކެނޑިކެނޑިގެންނެވެ. “ހައްހައްހާ….ނޫނޭ ފަލަކް…އަހަރެންމީ އެހާވެސް ގޯސް މީހެއް ނޫން އަމިއްލަ ބައްޕަ މަރާލާކަށް…ޑޯންޑް ޔޫ ނޯ…އެ އެކްސިޑެންޓްގަ އަސްލު މަރުވާންޖެހޭ މީހަކީ ތީ އޭ….ބައްޕަ އެއް ނޫން….އެންޑް ޔެސް އައި ޑިޑިންޓް ޕްލޭން ދެޓް ވަން….އެއީ އަހަރެންގެ މަންމައަށް ކުރެވުނު މިސްޓޭކެއް” ކޮއްޅައް ތެދުވެލަމުން ރަފްގާ ވާހަކަ ދެއްކިއެވެ.

“އިނގޭތަ އަހަރެން މިއަދު ކަލޭއަށް މިހުރިހާ ވާހަކައެއް މި ކިޔާދެނީ ކީއްވެކަން….ކޮޒް މި ވާހަކަތައް އެހެން މީހަކަށް ކިޔައިދޭކަށް ކަލޭ ސަލާމަތަކުން ނުހުންނާނެ” ކޯޓުގެ ޖީބުން ވަޅިއެއް ނަގައި އަތަށް ހެޔޮވަރު ކޮއްލަމުން ފަލަކްއާއި ދިމާލަށް ރަފްގާ އެނބުރިލިއިރު އޭނާގެ ދެލޮލާއި މޫނު މަތީގައިވަނީ ނުރައްކާތެރިކަމެވެ. އޭނާގެ އެތެރެ ހަށީގައި އަނދަމުން ދިއައީ ނަފްރަތުގެ އަލިފާނެެވެ. ވަޅި ހިފައިގެން ފަލަކްއާއި ދިމާލަށް ރަފްގާ ހިނގައިގަތްއިރު ބިރުން ގޮސް ފަލަކްއަށް ފަހަތަށް ޖެހިލެވުނެވެ.

ދެމީހުނަށްވެސް އެއްފަހަރާ އެ ގުދަނުގެ ދޮރާއި ދިމާލަށް ބަލާލެވުނީ، ދޮރު ހުޅިވިގެން ގޮސް ފާރުގައި ޖެހުނު އަޑަށެވެ. ފުލުހުންނާއި އެކު ދޮރުގެ ކުރިމަތީގައި ހުރި ނިކްޔަން ފެނުމުން ފަލަކްއަށް އެދިމާލަށް ބަލާލެވުނެވެ. ނިކްޔަންއަށް ފަލަކް ގެއްލުމުގެ ފަހަތުގައިވަނީ ރަފްގާގެ އަތެއްކަން އިނގުނީ ފަަލަކްގެ ފޯނުގެ ކައިރިން އޭނާއަށް ފެނުނު ކެވެލި ކޮޅުގެ ސަބަބުންނެވެ. އެއީ ރަފްގާގެ ސޯޅަވަނަ އުފަން ދުވަހު ހާއްސަކޮން ޑިޒައިން ކޮއްގެން އޭނާ ރަފްގާއަށް ހަދިޔާކުރި ކެވެލި ކޮޅެކެވެ.

އޭރު ރަފްގާގެ މޫނުމަތީގަިއި ވަނީ ބިރުވެރިކަމެވެ. “ފަލަކް” ދުވެފަ އައިސް ނިކްޔަން ފަލަކްގެ ކައިރިއަށް ތިރިވެ ފަލަކްގެ އަތްފައި މޮހެލާދިން އިރު، ފުލުހުންގެ ދެ އޮފިސަރަކު އައިސް ރަފްްގާގެ އަތުގައި އޮތް ވަޅި އަތުލައި އޭނާގެ އަތުގައި ބިޑި އަޅުވައިފިއެވެ. “ދޫކުރޭ ހަަމަމިހާރު އަަހަރެންގެ އަތުން ދޫކުރޭ….ނޫނީ….ނޫނީ ތި އެންމެންގެ ދުވަސް ދުއްވާލާނަން…އެންމެން މަރާލާނަން…އެކަކަށްވެސް ސަލާމަތެއް ނުވެވޭނެ…” ފުލުހުންގެ ކިބައިން ސަލާމަތްވުމަށް ގަދަ ހަދަމުން ރަފްގާ ހަޅޭއްލަވަން ފެށިއިރު، އޭނާގެ ނަފްސާނީ ހާލަތު ރަނގަޅު ނޫންކަން ބަލާލި ކޮންމެ މީހަކަށްވެސް ދެނެގަނެވޭނެއެވެ.

“އާލް…އާލް..އާލްއަށް އިނގެއެންނު އަހަރެން އާލްދެކެ ލޯބިވާވަރު….އާލްގެ ލޯތްބައްޓަކައޭ އަހަރެން މިހުރިހާ ކަމެއް ކުރީ…އާލް އަހަރެންނަށް މިހެންނަހަދާ….” އެ ގުދަނުގެ ދޮރު ކައިރީގައި ހުރި އާލިމް ފެނުމުން ރަފްގާ އަނެއްކާވެސް ހަޅޭއްލަވައިގަތެވެ. “އޮފިސާރ…ޓޭކް ހާރ އަވޭ…” ފުލުސް އޮފިސަރުގެ ގާތުގައި އާލިމް ބުނުމާއިއެކީ އެމީހުން ރަފްގާ އެތަނުން ގެންދިޔައިރުވެސް އޭނާ ދިއައީ މޮޔަވެފައި ހުރި މީހެއް ފަދައިން ހަޅޭއްލަވަމުންނެވެ. ރަފްގާގެ އެ ހާލަތާއި ސިފަ ފެނި ނިކްޔަން ހުރީ ހައިރާން ވެފައެވެ. އެއީ ހަމަ އޭނާގެ ރަފް ކޮއްކޮ ހެއްޔެވެ. އެނބުރި ފަލަކްއާއި ދިމާލަށް ނިކްޔަން ބަލާލިއިރު އެ ރީތި ދެލޮލުން ކަރުނަތައް އޮހޮރެމުން ދިއައެވެ. ފަލަކްއާއި ނިކްޔަންއަށް ވަގުތު ކޮޅެއް ދެމުން އާލިމް، ހަމްދާން އަދި ލޫތްވެސް އެތަނުން ދިއައިރު، ހުރިހާ ކަމެއް ރަނގަޅުވީތީ ހިތާހިތުން ތިން ޒުވާނުން ވެސް މާތްﷲ އަށް ޝުކުރުވެރިވިއެވެ. ރަފްގާއާއި އެކު ރާއިދާވެސް ހައްޔަރު ކުރެވުނެވެ.

“ފަލަކް…އައި އޭމް ސޯ ސޮރީ…އަހަރެން…” ނިކްޔަންއަށް ބުނެވުނީ އެހިސާބަށެވެ. ނިކްޔަންގެ ތުންފަތްމަތީގައި އިނގިލި ޖައްސާލަމުން ފަލަކް ބޯ ހޫރުވާލީ މާފައް ނޭދުމަށް އެދެމުންނެވެ. “ޔަން އިޓްސް އޯލް މައި ފޯލްޓް….އަހަރެން އޭގެން އެއްވެސް ވާހަކައެއް ޔަންއަށް ނުކިޔައިދިނީ….ބަޓް ޓްރަސްޓްމީ ޔަން…އޭރު އަހަރެން ކޮންމެ މީހެއްދެކެ ލޯބިވިޔަސް….ކޮންމެ މީހަކާ އެކުގަ ވާން ބޭނުންވިޔަސް…މިހާރު އަހަރެންގެ ލޯތްބަކީވެސް، އުފާވެރިކަމަކީވެސް އަދި ދިރިއުޅުމަކީވެސް ތީ….އައި ލަވް ޔޫ ޔަން” ރޮވޭ ހާލު ފަލަކް އޭނާގެ އިހުސާސްތައް ބަޔާން ކުރިއިރު، ފަލަކްގެ ކަރުނަތައް ފޮހެލައިދެމުން، އެ ތުނި ހަށިގަނޑުގައި ނިކްޔަން އޭނާގެ ދެއަތް ވަށާލިއެވެ. “އައި ލަވް ޔޫ މޯރ” ނިކްޔަންގެ އަނގައިން ބޭރުވީ ޖުމްލައާއިއެކު ރޮމުން ރޮމުން ނަމަވެސް ފަލަކް ހިނިތުންވެލިއެވެ. އަދި އިތުރަށް ނިކްޔަންގެ މޭތެރޭގައި ބޮނޑިވެލީ އަބަދުވެސް އެ ހިމާޔަތަށް އެދޭ ހާލުގައެވެ.

“ދެން ތިވަރަށް ރޯކަށް ނުވާނެ…ނައު އެވްރީތިންގް އިޒް އޯލް ރައިޓް…ފަލްކީ ރޮންޏާ އަހަރެމެންގެ ބޭބީ ވެސް ދެރަވާނެ” ފަަލަކް އޭނާގެ ހަށިގަނޑާއި ދުރު ކޮއްލަމުން ނިކްޔަން ބުނެލީ ފަަލަކްގެ ބަނޑުމަތީގައި އޭނާގެ އަތް ބާއްވާލަމުންނެވެ. ލަދުވެތި ހިނިތުންވުމެއް ފަލަކްގެ މޫނު މައްޗަށް ވެރިވެގެން ދިއައިރު، ނިކްޔަންގެ ގާތުގައި އެވާހަކަ ބުނާނީ ނުހާކަން ފަލަކްއަށް އިނގެއެވެ.

އެއްހަފްތާ ފަހެވެ. ދަރުބާރުގޭގެ ރަންނަ ބަނޑޭރި މާލަން ތައްޔާރު ކުރެވިފައިވަނީ ކައިވެނީގެ ހަފްލާ އަކަށެވެ. ގަދަ ފެހި ކުލައިގެ ފަރުދާތަކާއި، ހުދު ކުލައިގެ މާތަކުން މުޅި މާލަން ޒީނަތްތެރި ކުރެވިފައި ވީއިރު، ރަން ކުލައިގެ ބޮކިފަތި ތަކުގެ ރަންއަލި މުޅި ތަނަށް ވަނީ ފެތުރިފައެވެ. ކައިވެނި ކުރެވޭ ޖޯޑު ތިބުމަށް ޚާއްސަ ކުރެވިފައިވާ ތަނުގައި އާލިމްއާއި ޔަނާ ހުއްޓި ތިބި އިރު، އެދެމީހުންގެ މޫނުމަތީގައި ވެސްވަނީ ނުފިލާ ހިނިތުންވުމެކެވެ. ކައިވެނީގެ ހުުދު ހެދުމުގައި ޔަނާ ހުރި އިރު، ކޮއްފައިވާ ލުއި މޭކްއަޕުގެ ސަބަބުން ޔަނާގެ ރީތިކަން އެތައް ގުނައަކަށް ވަނީ އިތުރުވެފައެވެ. ޔަނާގެ ކައިރީގައި ހުއްޓިލައިގެން އާލިމް ހުރި އިރު، ލައިގެން ހުރި އަޅި ކުލައިގެ ކޯޓުފަޓުލޫނުގައި އޭނާވެސް ފެންނަނީ ނުހަނު ހިތްގައިމު ކޮއްނެވެ. އިސްތަށިގަނޑު ރީތި ގޮތަކަށް ސްޓައިލް ކޮއްލާފައި ހުރި އިރު، އެ މޫނުމަތީގައި ވަނީ ހިތްކަތިލާފަދަ ހިނިތުންވުމެކެވެ.

އާލިމްމެން ހުއްޓި ތިބި ތަނާއި ތަންކޮޅެއް ދުރުގައި ނިކްޔަންއާއި ފަލަކް، ޝޫރާއާއި ހަމްދާން އަދި ޒުމާއާއި ލޫތް ހުއްޓި ތިބި އިރު، ހަ ޒުވާނުންވެސް ހެދުން އަޅާފައިވަނީ ޕާރޓީގެ ކުލަޔާއި އެއްގޮތަށެވެ. ގަދަ ފެހި ކުލައިގެ މާރމެޑް ހެދުމުގައި އަންހެންވެރިން ތިބި އިރު، ފިހިރިހެންވެރިން ލައިގެން ތިބީ ހުދު ގަމީހާއި، އަޅި ފަޓުލޫނެވެ. ކޮންމެ މީހެއްގެ މޫނުމަތީގައިވެސް ވަނީ ހިނިތުންވުމެވެ. އުފާވެރިކަމެވެ. ލޯތްބައްޓަކައި ކުރި މި ދިގު ދަތުރުގައި ކާމިޔާބުވުމުގެ ހިތްހަމަޖެހުމެވެ.

“ޔޫ އަގެއިން!” ބުއިންތައް ބަަހައްޓާފައި ހުރި މޭޒުން ފެންތައްޓެއް ހިފައިގެން ދިޔަ ނުހާގެ ގައިގައި ޖެހުނު މީހެއްގެ ސަަބަބުން އޭނާގެ އަތުގައި ހުރި ފެންތަށި ލައިގެން ހުރި ހެދުމަށް އެޅި، އެ މީހާގެ މޫނު ފެނުމާއި އެކު ނުހާ ހަޅޭއްލަވައިގަތެވެ. ކައިލާން މިފަހަރުވެސް ހުރީ ނުހާގެ މޫނަށް ގެއްލިފައެވެ. “އަރރގްގް” އޭ ބުނެ ކައިލާން އާއި ދުރަށް ނުހާ ހިނގައިގަތް އިރު، މި މަންޒަރު ބަލަން ތިބި ފަލަކްއާއި ނިކްޔަންގެ މޫނުމަތީގައި ދުވެލީ ހިނިތުންވުމެކެވެ.

***********
ފަލަކްއާއި ނިކްޔަން، އެމީހުންގެ ދިރިއުޅުން ރާއްޖެ ބަދަލު ކުރިއިރު، އޭގެ ނުވަ މަސް ފަހުން ފަލަކް ލޯބި ލޯބި ފިރިހެން ކުއްޖެއް ވިހިއެވެ. ނިއަލް ބިން ނިކްޔަން ނަޔާޒް ގެ ނަމުން އެ ތުއްތު ކުއްޖާއަށް ނަން ދެވުނެވެ. ނިއަލްއަށް ވިލު ނޫކުލައިގެ ކަޅިއާއަކާއި ގަދަ މުށިކުލައިގެ އިސްތަށިގަނޑެއް ލިބިފައިވީއިރު، އެމީހުންގެ ލޯބިވާ ދަރިފުޅާއި އެކު ފަލަކްއާއި ނިކްޔަން އުޅެމުން އައީ އުފާވެރިކަމާއި އެކީގައެވެ.

ދެ އަަހަރު ފަސް….

ޓްރީ ޓޮޕް ހޮސްޕިޓަލުގެ ވިހާ ކޮޓަރީގެ ދޮރު ކުރިމަތީގައި ދެކޮޅު ދެކޮޅަށް ހިނގާލަ ހިނގާލަ އާލިމް ހުރި އިރު، އޭނާގެ މޫނުމަތީގައި ވަނީ ނުތަނަވަސްކަމެވެ. ޔަނާގެ ޕްރެގްނެންސީ ކޮމްޕްލިކޭޓެޑް ވުމާއި ގުޅިގެން، ޔަނާ ބަނޑުބޮޑު ވުމުންވެސް ޑޮކްޓަރުވަނީ ދަރިއެއް ވިހުމުގެ ބާރު ޔަނާގެ ހަށިގަނޑުގައި ނެތް ވާހަަކަ ތަކުރާރުކޮށް ބުނެފައެވެ. އެކުވެރިޔާއަށް ހިއްވަރު ލައިދޭން ނިކްޔަން ހުރިއިރު އޭނާގެ މޫނުމަތީގައި ވެސް ވަނީ ކަންބޮޑުވުމުގެ އަސަރު ތަކެވެ.

ތުއްތު ކުއްޖެއްގެ ރުއިމުގެ އަޑަށް ދެމީހުންނަށްވެސް ވިހާ ކޮޓަރީގެ ދޮރާއި ދިމާލަށް ބަަލާލެވުނު އިރު، އުފަލުންގޮސް އާލިމްއަށް ނިކްޔަންގެ ގައިގައި ބައްދާލެވުނެވެ. އިރުކޮޅެއްފަހުން ތުއްތު ކުއްޖެއް އުރާލައިގެން ހުރެ ވިހާ ކޮޓަރިން ފަލަކް ނިކުތެވެ. އާލިމްގެ އަތަށް އެ ކުއްޖާ ލައިދެމުން އަންހެން ކުއްޖެއް ކަމުގައި ފަަލަކް ބުނެލިއެވެ.

ދެދުވަސް ފަހެވެ. ޔަނާއާއި ދަރިފުޅުގެވެސް ހާލު ރަނގަޅުވުމުން ގެއަށް ދޫކޮއްލުމުގެ ފޯރމުތަށް ފުރުމަށް އާލިމް ކައުންޓަރު ކައިރިއަށް ދިއުުުމުން، އެނދުގައި ނިދާފައި އޮތް އޭނާގެ ލޯބިވާ ދަރިފުޅަށް ބަލާލުމަށްފަހު، ޔަނާ އެ ޕްރައިވެޓް ރޫމުގެ ފާހަނައަށް ވަދެލީ ތާޒާ ވެލުމަށެވެ.

ފޯރމުތަށް ފުރާލުމަށް ފަހު ފަަލަކްއާއި އެކީ އާލިމް ޔަނާ އޮތް ރޫމަށް އައީ ގެއަށް ދިއުމުގެ ކުރިން އަދި އެއްފަަހަރު ފަލަކް ލައްވައި ޔަނާގެ ހާލަތު ރަނގަޅު ތޯ ޗެކު ކޮއްލުމަށެވެ. ނަމަވެސް، އެ ކޮޓަރިއަށް ވައިން އާލިމްއާއި ފަަލަކްގެ ވެސް ދެލޯ ބޮޑުވެގެން ދިއައީ ބޭބީގެ އެނދު ހުސްކޮން އޮތުމުންނެވެ. ފާހަަނައިން ނިކުތް ޔަނާއަށް ވެސް ވީ އެވަރެވެ. “ޔަނާ ކޮބާ ބޭބީ…؟” ފެންކަޅިވެ ހުރެ އާލިމް ޔަނާގެ ގާތުގައި އަހާލިއިރު ޔަނާގެ ލޮލުން ހޯސްލާފައި ކަރުނަ އަންނަމުން ދިއައެވެ. ވަގުތުން ފަލަކް ހޮސްޕިޓަލުގެ ސެކިއުރިޓީ ޑިޕާރޓްމެންޓަށް ގުޅި އިރު، ޚަބަރު ހުސްވެގެން ވެއްޓެން ދިޔަ ޔަނާގެ ގައިގައި އާލިމް އަށް ހިފަހައްޓާލެވުނީ ހަަމަ ކިރިޔާއެވެ. އެވަގުތު ދެ ފުލުސް އޮފިސަރުންނާއި އެކު ނިކްޔަން އެތަނަށް އައެވެ. “އާލް…ރަފްގާ ޖަލުން ފިލައިފި”

ފަސް އަހަރު ފަސް

ފަސް އަހަރުވެގެން ދިއައިރުވެސް އާލިމްއާއި ޔަނާއަކަށް އެމީހުންގެ ދަރިފުޅެއް ނުފެނުނެވެ. އަދި ފުލުހުންނަކަށް ރަފްގާއެއްވެސް ނުހޯދުނެވެ. ކޮންމެ ދުވަހަކު އެ ދަރިފުޅުގެ ހަނދާނުގައި ޔަނާއާއި އާލިމް އެތައް ކަރުނައެއް އަޅައެވެ. ޔަނާއަށް އިތުރަށް ކުދިން ނުލިބޭތީ، ފަސް އަހަރު ކުރިން އާލިމްއާއި ޔަނާ ކުއްޖަކު އެޑޮޕްޓުކުރިއެވެ. އެ ކުއްޖާގެ އުމުރުން އެންމެ ތިންމަހުންސުރެ އަމިއްލަ ދަރިއެއްްގެ ގޮތުގައި އާލިމްއާއި ޔަނާ އެ ކުއްޖާ ބަލަމުން އައީ އެދެމީހުންގެ ނަން އެ ޔަތީމު ކުއްޖާއަށް ދީގެންނެވެ. ޤާނޫނީ ގޮތުންވެސް އައިޝަތް ޔަލްވީ އާލިމް އަކީ ޔަނާއާއި އާލިމްގެ ދަރިއެކެވެ. ޔަލްވީގެ ހަޤީގަތް ހަމައެކަނި އިނގެނީ ޔަނާއާއި އާލިމްގެ އިތުރުން، ފަލަކްއާއި ނިކްޔަންއަށެވެ.

“މަންމީ ކޮބާ ފަަލަކް ދޮންތަމެން” ބަދިގޭގައި ހުރި ޔަނާގެ ހެދުމުގެ ފަސްބައިގައި އެލިގަންނަމުން ފަސް އަހަރުގެ ޔަލްވީ އޭނާގެ ލޯބި ލޯބި އަޑުން އަހާލިއެވެ. “ޕްރިންސެސް….ދޮންތަމެން އަންނާނެ އިރުކޮޅަކުން ވެއިޓް އޯކޭ” ޔަލްވީއާއި އެއްވަރަށް ތިރިވެލަމުން، ޔަލްވީގެ ބުޅި އިސްތަށިކޮޅުގައި ފިރުމާލަމުން ލޯތްބާއިއެކު ޔަނާ ބުންޏެވެ. ދޮން ހަންގަނޑަކާއި އެކު ޔަލްވީއަށް ލިބިފައިވަނީ ކަޅުކަން ގަދަ ބުޅި އިސްތަށި ކޮޅަކާއި ހަަމަ އެކުލައިގެ ކަޅިއެކެވެ. “ޑެޑީ” ގޭގެ ދޮރު ހުޅުވުނު އަޑަށް ޑެޑީ އޭ ކިޔައި ދުވެފައި ގޮސް ޔަލްވީ ސިޓިން ރޫމަށް ނިކުތެވެ.

އޭރު ނިކްޔަންއާއި ވާހަކަ ދައްކަމުން އާލިމް ގޭތެރެއަށް ވަދެގެން އަންނަނީއެވެ. އާލިމްގެ ގައިގައި އޮޅުލައި ގަންނަމުން ޔަލްވީ އާލިމްއާއި ދިމާލަށް އޭނާގެ ބޮޑު ދެލޮލުން ބަލާލިއެވެ. ލޯތްބާއި އެކު ޔަލްވީ ނަގައި އުރާލަމުން، ޔަލްވީގެ ކޮލަށް އާލިމް ދޮނެއް ދިނެވެ. “ހާއި ނިކް ބޭބޭ، ވެއަރ އިޒް އަލް؟” ކައިރީގައި ހުރި ނިކްޔަންއަށް ބަލާލަމުން ޔަލްވީ އަހާލިއެވެ.

“މިސިންގް މީ؟” ފަލަކްއާއި އެކު އައިސް އެތާގައި ހުއްޓުނު ހަތް އަހަރުގެ ފިރިހެން ކުއްޖާ އަހާލުމާއި އެކީ އާލިމްގެ އުރުން ފައިބައިގެން އެ ކުއްޖާގެ ގާތަށް ޔަލްވީ ދުއްވައިގަތެވެ. ވިލު ނޫކުލައިގެ ކަޅީގެ ވެރި އެ ފިރިހެން ކުއްޖާއަށް ލިބިފައިވަނީ އަލި ހަންގަނޑަކާއި މުށި ކުލައިގެ ފަން އިސްތަށި ކޮޅެކެވެ. “ކަމް އެންޑް ކެޗް މީ ޔޫ ނޫޑުލް ހެއާރ” ޔަލްވީއާއި ދިމާލަށް ދޫ ނެރެލަމުން ނިއަލް ދުއްވައިގަތުމާއި އެކީ ނިއަލްގެ ފަހަތުން ޔަލްވީވެސް ދުއްވައިގަތެވެ. މި މަންޒަރު ބަލަން ތިިބި ޔަނާ އާލިމް އަދި ފަލަކްއާއި ނިކްޔަންގެ ހުނުމުގެ އަޑު އެ އުފާވެރި މާހައުލުގައި ގުގުމައިގެން ދިއައެވެ. އޭނާގެ ބަނޑުން ވިހެއި ދަރިފުޅުގެ ހަނދާން އާވުމާއި އެކު ޔަނާގެ ލޮލުން ކަރުނަ ފާއްދާލިއިރު، ޔަނާގެ ކޮނޑުގައި އަތް ބާއްވާލަމުން ފަލަކް ބޯ ޖަހާލީ އެކުވެރިޔާއަށް ހިއްވަރުދެމުންނެވެ.

ހަވީރުގެ ވަގުތެވެ. އަތިރި މަތީގެ ވެލިގަނޑުގައި އިށީނދެލައިގެން އިން ރަފްގާގެ ނަޒަރު ހުއްޓިފައި ވަނީ އޭނާގެ ކުރިމަތީގައި އިން ލޯބި ލޯބި އަންހެން ކުއްޖާއަށެވެ. އެކުއްޖާގެ ފަން އިސްތަށިކޮޅު ކޮނޑާއި ހިސާބަށް އަރާއިރު، ދޮން ހަންގަނޑަކާއި އެކު އެކުއްޖާއަށް ލިބިފައިވަނީ ގަދަ މުށިކުލައިގެ ކަޅިއެކެެވެ. ފިޔާތޮށި ކުލަ އަރާ އެކުއްޖާގެ ތުންފަތާއި ހީލާއިރު ދެކޮލަށް އެޅޭ ދެއަޑިކޮޅު އެ ކުއްޖާގެ ލޯބިކަމާއި މައުސޫމުކަން އިތުރު ކޮއްދެެއެވެ. “މަންމި ރޮނީތަ؟” ރަފްގާގެ ލޮލުން ފޭބި ކަރުނަތިކި ފޮހެލައިދެމުން އެ ކުއްޖާ އަހާލިއެވެ. “ނޫން މަަންމިގެ އޭންޖަލް މަންމި ކައިރީގަ ހުއްޓާ މަންމި ކިހިނެއް ރޯނީ ދޯ….” އެ ލޯބި ކުއްޖާ ގެނެސް އޭނާގެ މެޔާލައި ބޮނޑިކޮއްލަމުން ރަފްގާ ބުނެލިއެވެ.

“ރީޝާ އިރު އޮއްސެެނީނު، ހިނގާދާން އައިމީ ގޮވައިގެން” އެދެމައިންގެ ކައިރިއަށް އައިސް ހުއްޓުނު އަންހެންމީހާ ރީޝާއޭ މުހާތަބުކޮށް ވާހަކަ ދެއްކީ ރަފްގާއާއެވެ. އިންތަނުން ތެދުވެ ލައިގެން ހުރި އަބާޔާއިން ވެލިި ފޮޅާލަމުން، އަޅައިގެން ހުރި ބުރުގާ ރީތި ކޮއްލަމުން، އައިމީގެ އަތުގައި ހިފާލައިގެން ރަފްގާ އެއްގަމަށް މިސްރާބުޖެހިޔެވެ.

އައިމީއަކީ މީގެ ފަސް އަހަރު ކުރިން ޖަލުން ފިލައިގެން ގޮސް އޭނާ ވަގަށް ނެގި އާލިމްއާއި ޔަނާގެ ދަރިފުޅެވެ. އޭނާ އެކުއްޖާ ވަގަށް ނެގީ ޔަނާގެ ކިބައިން ބަދަލުހިފުމަށް ނަަމަވެސް، އެ ތުއްތު ކުއްޖާ ދެކެ އޭނާ އިންތިހާއަށް ލޯބިވެއެވެ. އާލިމްދެކެ އޭނާ ވީ ލޯބި އައިމީދެކެ ވެސް ރަފްގާވެއެވެ. މައިވަންތަ ލޯބި އޭނާގެ ހިތުގައި އައިމީ އާއި މެދު އުފެދިފައިވަނީ އިންތިހާއަށެވެ. އައިމީ ގޮވައިގެން ރަފްގާ ދިރިއުޅެމުން އެއަންނަނީ ލ.ގަމުގައެވެ. އާ ނަމަކާއި އެކީގައެވެ. އާލިމްގެ ލޯބި ދުވަހަކު ނުލިބުނަސް، އައިމީ އޭނާއާއި ވަކި ވާކަށް ރަފްގާ ނޭދެއެވެ. އެ ދަރިފުޅަކީ އޭނާގެ ދިރިހުރުމުގެ ހަމައެކަނި މަޤުސަދެވެ. އޭނާގެ ދެލޮލުގެ ނޫރެވެ.

ނޯޓް؛ މި ވާހަކައިގެ ސީޒަން އެކެއް މިހާ ހިސާބުން ނިމުނީއެވެ. އިންޝާﷲ އަވަސް މުސްތަގުބަލެއްގައި ސީޒަން ދޭއް ތިޔަ ކިޔުންތެރިންނާއި ހަމަޔަށް ގެނެސްދޭނަމަވެ.

މި ވާހަކަޔަށް ތި ދެއްވި ސަޕޯރޓާއި ލޯތްބައް ޝުކުރުވެރިވަމެވެ. އަދި ވަރަށް އަވަަހަށް އަޅުގަނޑުގެ އާ ވާހަކަ “އިންތިހާ” ތިޔަ ބޭފުޅުންނާއި ހަމަޔަށް ގެެނެސްދޭނެ ވާހަކަ ވެސް ދަންނަވަމެެވެ.