ލޯތްބައްޓަކައި(25ވަނަ ބައި)

‎ތިންމަސް ވޭތުވެގެން ދިއައީ ހަލުވިކަމާ އެކީގައެވެ. އޮފީހުގައި މަސައްކަތުގައި މަސްޢޫލު ވެ އިން ނިކްޔަންއަށް ރިންގުވަމުން ދިޔަ އޭނާގެ ފޯނަށް ޖަވާބު ދެވޭ ވަރުވީ ދެވަނަ ރިންގާ އެކީގައެވެ. ފޯނު ކަންފަތުގައި ޖަހާލުމާއެކު ލިބުނު ޚަބަރަކުން ފޯނު ނިކްޔަން ގެ އަތުން ދޫވެގެން ތިރިޔަށް ވެއްޓި ދިއައިރު، ދުވެފައި ނިކްޔަން އޭނާގެ ކެބިން އިން ނިކުމެގެން ދިއައެވެ. އޭރު އޮސްޓްރޭލިއާގެ އުޑުމަގި ބަނަކުރަމުން ދިޔަ ވިލާތަށް ވާރޭގެ ކަނިތަށް އޮއްސައިލާފިއެވެ.

‎

‎ބާރުދުވެލީގައި ކާރު ދުއްވާފައި ގޮސް ނިކްޔަން ކާރު ޕާރކު ކޮއްލީ ސިޑްނީގް މާޓާރ ހޮސްޕިޓަލުގެ ކުރިމައްޗަށެވެ. ކާރުން ނިކުމެގެން ދުވެފަ ގޮސް ހޮސްޕިޓަލަށް ވައިތް ނިކްޔަން ލިޕްޓަށް އަރައި ދެވަނަ ފަންގިފިލާޔަށް ފިއްތާލިއެވެ. ލިފްޓަށް އެރުމަށްފަހު ނޭވާ ނުލެވި ހާސް ވާކަހަލަ ގޮތެއް ވާންފެށުމުން ނިކްޔަން ކަރުގައި އޮތް ކަޅު ކުލައިގެ ޓައީ އަށް ދަމައި ދޫކޮއްލިއެވެ. އޭރު އޭނާގެ މޫނުމަތިން ދާތިކި ބަބުޅަން ފަށައިފިއެވެ. ތުނި ކޮށް ފަޅަން ފަށާފައި ހުރި ތުނބުޅީގައި އަތް ހިންގާލަމުން، ނިކްޔަން ހަމަޖެހިލަން މަސައްކަތް ކުރިއެވެ. ދެވަނަ ފަންގިފިލާއަށް ލިފްޓު ހުއްޓުމާއި އެކީ ލިފްޓުން ފައިބައިގެން ގޮސް އައިސީޔޫގެ ކުރިމަތީގައި ހުއްޓިލި ނިކްޔަން ފެނުމުން ޑޮކްޓަރު ކޯޓު ލައިގެން ހުރި ފަލަކް އައިސް ނިކްޔަންގ ކޮނޑުމަތީގައި އަތް ބާއްވާލިއެވެ. އެޔާއެކު ފަހަތަށް އެނބުރިލަބުން ނިކްޔަން ފަލަކްގެ އަތުގައި ހިފާލިއެވެ. “ކޮބާ…ކޮ..ކޮބާ މަންމަ؟” ނިކްޔަންއަށް ވާހަކަ ދެއްކުނީވެސް އަޅައަޅައިގަންނަމުންނެވެެ. އޭރު ފަލަކްގެ ލޮލުން ހުއްޓުމެއްނެތި ކަރުނަ އަންނަމުން ދިޔައެވެ.
‎”ދަރިފުޅާ، މިވަގުތު ހިތްވަރު ކުރަންވާނެ، ދަރިފުޅުގެ މަންމަ މިދުނިޔެ ދޫކޮށް ހިނގައްޖެ” ފަލަކްއާއި ނިކްޔަން އާއި އަރާ ހަމަކޮށްލަމުން ނަޔާޒް އެހެން ބުނެލި އިރު އޭނާގެ އަޑުގައިވެސް ވަނީ ހިތާމައެވެ. ކަރުނައަޅައި ނުރުޔަސް ރޫމާގެ ވަކިވެދިޔުމުން އޭނާއަށްވެސް ފުން އަސަރުތަކެއް ވަނީ ކޮއްފައެވެ. ނަޔާޒްގެ ދުލުން އިވުނު ޖުމްލަޔާއެކު ނިކްޔަންގެ ހުރިހާ ހަރަކާތެއް ހުއްޓުނެވެ. މަޑުމަޑުން ކައިރީގައި ހުރި ގޮނޑިބަރީގައި އޭނާޔަށް އިށީނދެވުނު އިރު ދެލޯ ކަރުނުން ފުރި ބާރުވާ ކަމުގެ އިޚުސާސް އޭނާޔަށް ދިއައީ ކުރެވެމުންނެވެ. ނިކްޔަންގެ ގާތުގައި އިށީންނަމުން ފަލަކް ނިކްޔަންގެ ކޮންޑުމަތީގައި އޭނާގެ އަތް ބާއްވާލިއެވެ. ވޭތުވެ ދިޔަ ތިންމަސް ތެރޭގައި ފަލަކްއަށް ލިބުނު އަނިޔާގެ ސަބަބުން އެދެމެދުގައި ކުރިން އޮތްފަދަ އެކުވެރިކަމެއް ވަނީ އާލާވެފައެވެ. ދެ ހިތުގައި ވެސް އެއް ވިންދެއް ޖަހަމުން ދިޔަ ނަމަވެސް، ހިތުގެ އަޑު އަހާކަށް އެކަކަށްވެސް ފުރުސަތެއް ނުލިބުނެވެ. އެޔަށް ވުރެން ބޮޑަށް ދެމީހުންނަށްވެސް ސަމާލުކަން ދެވުނީ ރޫމާގެ ބަލިހާލަށެވެ. “ޔަން…ންން” ފަލަކްގެ އަޑު ޖެހުމާއި އެކު ފަލަކްއާއި ދިމާލަށް އެނބުރެމުން ނިކްޔަން ފަލަކްގެ ގައިގައި ބައްދާލިއެވެ. މިއަދު އެ ކޮނޑެއްގައި ބޯ އަޅައިގެން އޮވެ ހިތުގެ ޝަކުވާތަކާއި އުދާސްތަށް ބޭރު ކޮއްލާނެ ފަރާތެއް އޭނާއަށް ބޭނުންވެއެވެ. “ޔަން..ނުއްކޮ…ޝީ ނީޑްސް ޔޫ” އިރުކޮޅަކަށްފަހު ނިކްޔަންގެ ދެކޮނޑުގައި ހިފައި ދުރު ކޮށްލަމުން ފަލަކް ބުނެލިއެވެ. ލޮލުން ފައިބަން ތައްޔާރަށް ހުރި ކަރުނަތިކި ފޮހެލަމުން ނިކްޔަން އިންތަނުން ކޮއްޅަށް ތެދުވެލިއެވެ. “ކޮބާ ނުހާ؟” ނަޔާޒް ގާތު ނިކްޔަން އަހާލުމާއިއެކީ ކުރިމައްޗައް ހުރި ޕްރައިވެޓް ރޫމް ތަކާއި ދިމާލަށް އިޝާރާތް ކުރަމުން ނަޔާޒް ހިނގައިގަތެވެ. ނިކްޔަން ހުރިތާ ހުއްޓި ހުރުމުން ނިކްޔަންގެ އަތުގައި ހިފާލަމުން ފަލަކްވެސް ނަޔާޒްގެ ފަހަތުން ހިނގައިގަތެވެ. ރޫމް ނަމްބަރު 109 ގައި ނުހާ އޮތް އިރު ދެލޯ މެރިފައި ވީނަމަވެސް އޭނާގެ މޫނުމަތިން ކަރުނައިގެ އަސަރު ފާޅުވާން ހުއްޓެވެ. ނިކްޔަން ގޮސް ނުހާ ބޭއްވިފައި އޮތް އެނދުގެ މަގަތުގައި އިށީނދެލިއިރު ފަލަކް އާއި ނަޔާޒް ތިބީ ކޮއްޅަށެވެ. ނުހާގެ އަތުގައި ހިފާލަމުން ނިކްޔަން ނުހާގެ އަތްތިލަ ގެނެސް އޭނާގެ ދެލޮލުގައި ޖައްސާލިއެވެ. މި މަންޒަފު ބަލަން ހުރި ފަލަކްއަށް ސިފަވީ އޭނާގެ ލޯބިވާ މަންމައާއި ބައްޕަ ނިޔާވިދުވަހު އޭނާ އުޅުނު ގޮތެވެ. އެދެމީހުން އޭނާ ދޫކޮށް ދިޔަގޮތެވެ. ނުހާ ހޭއެރުމުން ރޫމާގެ ޖަނާޒާ ބޭއްވިގެން ދިއައެވެ. ކަރުނަ އަޅައި ނުރުޔަކަސް ނަޔާޒް އާއި ނިކްޔަންގެ މޫނުމަތި ވަނީ މިލާފައެވެ. އެއްވެސް ދިރުމެއްވެސް ނެތްފަދަ އެވެ. ފަލަކްގެ ކޮނޑުމަތީ ބޯއަޅައިގެން އޮވެ ނުހާ ރޮމުން އެތަށް ޝަކުވާ އެއް ކުރިއިރު، ފަލަކްގެ ދެލޮލުންވެސް ކަރުނަ ނުހިކެއެވެ. އޭނާ ބިކަ ހާލުގައި ޖެހުނު ދުވަހު އެހީތެރިވެދީ، މަންމައެއްގެ ލޯބި ރޫމާ ވަނީ އޭނާއަށް ދީފައެވެ. މޮޅަށް ކިޔެވުމުގެ ފުރުސަތު ހޯދައިދީ އޭނާގެ ހުވަފެންތަށް ހަޤީގަތަކަށް ހެދުމުގައި އޭނާއަށް ހިއްވަރުލައިދީ އެހީތެރިވީ ވެސް ހަމަ ރޫމާއެވެ. އާއިލާއެއް ނެތި ދާނެ ތަނެއް ނެތިފައި ހުރި ދުވަހު އޭނާއަށް ބޯހިޔާވަހިކަމެއް ދިނީވެސް ރޫމާއެވެ. ނަމަވެސް، މިއަދު ރޫމާވެސް އޭނާ ދޫކޮށް ދިއައީއެވެ.

‎ކަންފަތުގައި ޖަހައިގެން ހުރި ފޯނު ތިރި ކޮއްލި އިރު ރާއިދާގެ ލޮލުން ކަރުނަ އޮހިގައިންފިއެވެ. ކައިރީގައި ހުރި ސޯފާގައި އޭނާއަށް އިށީނދެވުނު އިރު ލޮލުމަތީގައި އޭނާއަށް އަތް އަޅާލެވުނެވެ. ހުރި ހަމައެކަނި ދައްތަ އޭނާ ދޫކޮށް އެދިއައީ އޭނާދެކެ ހިތްހަމަ ނުޖެހި ހުރެއެވެ. ވާނީވެސް އެހެންނުނ ހެއްޔެވެ. މުދަލާ ފައިސާގެ ދަހިވެތި ކަމުގައި އެޅުނު ކަތި ފިޔަވަޅެއްގެ ސަބަބުން ކުށެއްނެތް ބަޔަކަށް އޭނާއަށް ވަނީ އަނިޔާތަކެއް ދެވިފައެވެ. ލޯބީގެ ދަހިވެތިކަމުގައި އޭނާ ވަނީ ބައެއްގެ ދިރުއުޅުން ސުންނާފަތި ކޮއްލާފައެވެ. އޭނާގެ އަމިއްލަ އެދުން ބޮޑުކަމުގެ ސަބަބުން ހުރި ހަމައެކަނި ދައްތަ އޭނާ ދެކެ ހިތްހަމަނުޖެހުނު އިރު، އޭނާގެ ފިރިމީހާވެސް މި ފަނާވެނިވި ދުނިޔެއާއި އަލްވިދާ ކީ އޭނާގެ ސުންޕާ ކަމުގެ ސަބަބުންނެވެ. ކުށެއް ނެތް މައުސޫމު އަންހެން ކުއްޖަކަށް އެތަށް އަނިޔާއެއްދީ، އެކުއްޖާގެ އެތަށް ހައްޤެއް އެކުއްޖާ އަތުން އޭނާ ވަނީ ނިގުޅއިގެންފައެވެ. އޭނާއަކީ ކުށްވެރިއެކެވެ. ޤާތިލެކެވެ. އަނިޔާވެރިއެކެވެ.

‎މާލޭގެ ބަނދަރަށް ކައިރި ކުރި ލޯންޗުން ފޭބި ޔަނާގެ މޫނުމަތީގައި ވަނީ ރީތި ހިނިތުންވުމެކެވެ. ތިން މަސް ދުވަހުގެ ޕްރޮގްރާމް ޝޫޓިންގް ނިންމާލާފައި އަނބުރާ ދިރިއުޅޭ މާހައުލަށް އާދެވުމުން އޭނާގެ ބޮލަށް ފަސޭހަ ވެގެން ދިއައެވެ. ނަމަވެސް ރާއްޖެތޭރެގެ އެ ހިތްފަސޭހަ މާހައުލު އޭނާއަށް މާކަމުދެއެވެ. ޤުދުރަތީ ރީތި އެ ވެށީގައި އުޅެލާފައި މާލެ އައުމުން އެ ރަށްތަކާއި މާލެޔާއި އޭނާއަށް އަޅާ ކިޔާ ލެވުނެވެ. ރާއްޖެތެރޭ ރަށްތަކުން އޭނާއަށް އެންމެ ކަމުދިޔައީ ރަށްރަށުގެ ރައްޔިތުންގެ ހިތްހެޔޮކަމާއި އެކުވެރިކަމެވެ. އެމީހުންގެ މެހެމާންދާރީގެ ފުރިހަމަ ކަމެވެ. ޓެކްސީއެއްގައި ގެޔަށް ދެވުމުން ފޮށި ހިފައިގެން ޔަނާ އެތެރެއަށް ވައިން އިރު އޭނާގެ މަންމަ ވަރުދާ އެގޭ ގޯތިތެރޭގައި ހުރި ކުޑަ ޖޯލި ފަތީގައި އިށީނދެލައިގެން އިނެވެ. ފަހަތުން ގޮސް ވަރުދާގެ ދެލޯ މަތީ އަތް އަޅަމުން ޔަނާ މަންމާއޭ ކިޔައި ހަޅޭއްލަވައި ގަތެވެ. އެނބުރި ޔަނާއާއި ދިމާލަށް ބަލާލަމުން ޔަނާގެ ގައިގައި ވަރުދާ ކުޑަކޮން ބައްދާލިއެވެ. ޒުވާން އަންހެން ދަރިފުޅު ތިންމަސްދުވަސް ވަންދެން ދުރުގައި ހުންނަން އޭނާގެ ހިތް އެއްބަސް ނުވިޔަސް ޔަނާ އެކަމަށް އެދުނުވަރުން ވަރުދާ އެއްބަސްވީއެވެ. “ދަރިފުޅު ހޯދަން ވަރަށް ގަނައިން އައި ފިރިހެން ކުއްޖެއް” މަންމަ ކައިރީ ޖޯލީގައި އިށީނދެ ހަމަޖެހިލަމުން ޔަނާ އެ މަންމަޔާ ދިމާލަށް ބަލާލީ ކާކުހޭ އަހާފަދަ ގޮތަކަށެވެ. “ވަރަށް ރަނގަޅު ކުއްޖެއް އެއީ…ވަރަށް ގިނައިން ޓީވީ އިންވެސް ފެނޭ” އަނެއްކާވެސް ވަރުދާ ބުނެލިއެވެ. “ކާކުތަ މަންމާ؟” “އައްސަލާމު ޢަލައިކުމް” މީހަކު ސަލާން ގޮވާލި އަޑަށް ވަރުދާ ގޭގެ ދޮރާއި ދިމާލަށް ބަލާލި އިރު، އެ އިވުނު އަޑުގެ ސަބަބުން ޔަނާ ހުރީ ހުއްޓުން އަރާފައެވެ. “އާލިމް، އަވަހަށް އާދޭ” ޖޯލިފަތިން ކޮއްޅަށް ތެދުވަމުން ވަރުދާ ވާހަކަދެއްކި އިރު އޭނާގައި އަޑުގައި ކުރިންނުވާފަދަ އުފާވެރިކަމެއް ވީ ކަން ޔަނާ އަށް ނަގައިގަނެވުނެވެ. “ޔަނާ، މީ އޭ މަންމަ ބުނި ކުއްޖަކީ…” ވަރުދާ ޔަނާއަށް ގޮވާލުމުން ޔަނާ އިންތަނުން ކޮށްޅަށް ތެދުވީ ނަމަވެސް އިސްއުފުލާ ބަލާވެސް ނުލައެވެ. އާލިމްއާއި ހަތަރު ކަޅި ހަމަ ނުކުރަން އޭނާ ހުވާކޮށްގެން ހުރީ ފަދައެވެ. މިއާ ހިލާފަށް އެގެއަށް ވަނީން ސުރެން އާލިމްގެ ނަޒަރު ޔަނާއިން ވަކި ނުވެއެވެ. ވަރުދާގެ އެދުމަށް އާލިމް ހަވީރުގެ ސައިގައި ބައިވެރިވުމަށް މަޑުކުރި އިރު ސައި ބޯން މޭޒު ކައިރީ ތިބި އިރުވެސް ޔަނާ ބަަލަމުން ދިއައީ އާލިމް އާއި ދިމާލަށް ނުބަލާ ވޭތޯއެވެ.

‎ގަޑިން ހައެއްޖހައިގެން ގޮސް މަޢުރިބު ނަމާދަށް ބަންގި ގޮވަންދެން ވަރުދާ، އާލިމް ދިޔަ ނުދީ އެގޭގައި ހިފެހެއްޓިއިރު ޔަނާ ހުރީ އޭނާގެ މަންމަގެ މި ފެންނަމުންދާ އެކުވެރި އަނގަ ގަދަ މިޒާޖުގެ ސަބަބުން އާޝޯހުވެފައެވެ. އެހެންޏާ މަޖުބޫރުވުމުން ނޫނީ މީހަކާ ވާހަކަ ނުދައްކާ ވަރުދާ އާލިމް އައީން ސުރެ އަނގަ ހުއްޓާނުލަޔޭ ބުންޏަކަސް ދޮގަކަށް ނުވާނެއެވެ. އާލިމްވެސް ވަރުދާގެ ކޮންމެ ވާހަކައެއްގައި ބައިވެރިވަމުން ދިއައިރު، ވަރުދާ އާލިމްއާއި މުހާތަބު ކުރަނީވެސް ދަރިފުޅާއޭ ކިޔައިގެންނެވެ. “ދައްތާ އަހަރެން ދެން ގޮސްލީއޭ…” ސޯފާއިން ތެދުވަމުން އާލިމް ބުނެލިއެވެ. އެޔާއެކު އިވިގެން ދިޔައީ އެގޭ ފުރާޅަށް ހަމަލާދޭންފެށި ވާރޭ ތިކިތަކުގެ އަޑެވެ. އާލިމް ދާން އުޅޭތީ އުފަލުން ހެވި ދިލިފައި އިން ޔަނާގެ މޫނުމަތިން ފޫހިކަން ފާޅުވެގެން ދިއައެވެ. “ޔަނާ، ދޭބަލަ އާލިމް ކާރާ ހިސާބަށް ގެންގޮސްދޭން ކުޑަ ނަގައިގެން…” ވަރުދާ ބުނެލުމާއި އެކީ ފާޑަކަށް ޔަނާ ވަރުދާއާއި ދިމާލަށް ބަލައިލިއެވެ. “ދޭބަލަ އަވަަހަށް އޭނަޔަށްވެސް ލަސް ވާނެޔޭ” ވަރުދާ ދެވަނަ ފަހަރަށް ބުނުމުން ގަދަ ކަމުން ހިނިތުންވެ ހުރެ ޔަނާ ބަދިގޭ ކައިރީގައި ހުރި ކަބަޑު ކައިރިޔަށް ޖެހިލީ ކުޑަ އެއް ނެގުމަށެވެ. “ދަރިފުޅު އަޅާ ނުލައްޗޭ….ޔަނާ ވަރަށް އެކްޓު ބޮޑުވާނެ އަބަދުވެސް” ހީގަންނަމުން ވަރުދާ ބުނެލި ޖުމްލައާއި އެކު އާލިމްއަށްވެސް ހެވުނެވެ. ޔަނާގެ އެ ސިފަ އޭނާއަށް ވަނީ އެތަށް ފަހަރަކު ފެނިފައި ވިއްޔާއެވެ. ކުޑަ ހިފައިގެން ޔަނާ އައުމުން ޔަނާގެ ފަހަތުން އާލިމްވެސް ހިވެ. ދޮރުން ބޭރަށް ނިކުތުމަށްފަހު ޔަނާ ކުޑަ ހުޅުވާލުމާއިއެކު އާލިމްވެސް އައިސް އެކުޑަ ދަށަށް ވަނެވެ. އެހާ ބޮޑު ކުޑައަކަށް ނުވުމުން ދެމީހުންނަށްވެސް ތިބެންޖެހުނީ ދާދި ކައިރީގައެވެ. އާލިމް އާއި ދިމާލަށް ބަލައިވެސް ނުލައި ޔަނާ ގޭގެ ދޮރާށިން ނިކުމެގެން ގޮސް މަގަށް ނިކުމެ ހިނގައިގަތެވެ. ދެނަމާދު ދޭތެރޭ ގަޑި ކަމަށްވުމާއި ބޯކޮށް ވާރޭ ވެހެމުން ދިއުމުގެ ސަބަބުން އެ ހިމަ ގޯޅިގަނޑަކު މީހެއްގެ ހިލަމެއްވެސް ނެތެވެ. ވަކި ހިސާބަކަށް ދެވުނުތަނާ ޔަނާއަށް ހުއްޓެން މަޖުބޫރުވީ އާލިމް އޭނާގެ އަތުގައި ހިފައި ހުއްޓުވުމުންނެވެ. އާލިމް އާއި ދިމާލަށް އެނބުރެމުން ޔަނާ ބަލާލީ ކިހިނެއްވީ ހޭ އަހާފަދަ ގޮތަކަށެވެ. “ކޯއްޗެއް ފޮރުވަން ތިއުޅެނީ” ޔަނާއާއި ގާތަށް ޖެހިލަމުން އާލިމް އަހާލިއިރު ވާރޭ އިތުރަށް ބޯ ކޮއްލައިފިއެވެެ. “އެއްޗެއް ފޮރުވަން އެބަ އުޅެންތަ؟” ނުވާ ކަމަށް ހެދެމުން ދުރު ބަލާލަމުން ޔަނާ ވާހަކަދެއްކިއެވެ. “އަހަންނަށް ފިލަންވެގެންތަ ތިން މަސް ދުވަހަށް މާލެއިން ބޭރަށް ދިއައީ؟” އަނެއްކާވެސް އާލިމް ކޮއްލީ ސުވާލެކެވެ. “އަހަރެން ކީއްކުރަންތަ އާލިމްއަށް ފިލަންވީ؟” ޔަނާވެސް ދޫ ދޭކަށް ބޭނުމެއް ނުވިއެވެ. “ދެން ކީއްވެ އަހަންނާ ހަތަރު ކަޅި ހަމަކޮއްގެން ހުރެ ވާހަކ ދައްކަން ނުކެރިގެން ތިއުޅެނީ؟، ތި ދެލޯ ތެރޭގަ ހުރި ކޯއްޗެއްތަ އަހަންނަށް ނުދައްކަން ތިއުޅެނީ؟” އަނެއްކާވެސް އާލިމް އަހާލިއެވެ. “ތީ އާލް އަށް…އާލިމްއަށް ހީވާ ގޮތެއް” ” އާލް….އިނގޭތަ އަހަންނަށް ތިނަމުން ކިޔަނީ ކޮންބައެއްކަން….އަހަރެންގެ ގާތް މީހުން” ޔަނާއަށް އާލް އޭ ބުނެވުމުން އޭނާ ހުރީ ފާޑަކަށް ރަކި ވެފައެވެ. “ސޯ…ރަފްގާއަކީވެސް ވަރަށް ގާތް މީހެއްތަ؟” އާލިމްގެ ދެލޮލަށް ބަލާލަމުން ޔަނާ އަހާލުމާއި އެކީ އާލިމްގެ ލުއި ހުނުމުގެ އަޑު އިވިގެން ދިއައެވެ. “އާރ ޔޫ ޖެލަސް… އައިޝަތް ޔަނާ؟” ލާނެއް ރާގަކަށް އަހާލަމުން އާލިމް އިހުނަށްވުރެން ޔަނާއާއި ގާތް ވެލިއެވެ. އޭރު އަމިއްލަ ހިތުގެ ވިންދު އަވަސްވެފައި ވީކަން ޔަނާއަށް އިހުސާސް ކުރެވުނެވެ. ކުޑަގެ އަތްގަނޑުގައި ބާރަށް ހިފަހައްޓާލަމުން ޔަނާ ދެލޯ މަރާ ބާރުކޮއލީ އެހާ ގާތުން އާލިމްގެ ތޫނު ދެލޮލަށް ބަލަން އޭނާއަށް ކުޅަދާނަ ނުވުމުންނެވެ.
“ޔަނާ” އާލިމް ޔަނާއަށް ގޮވާލުމާއިއެކީ ޔަނާ އޭނާގެ ދެލޯހުޅުވާ އާލިމްއާއި ދިމާލަށް ބަލާލިއެވެ. “އަހަންނާ ކައިވެނި ކުރާނަންތަ” އާލިމް ކޮއްލި ސުވާލާއި އެކު ސިހިފަ ޔަނާ އާލިމްއާއި ދިމާލަށް ބަލާލިއެވެ. އެއީ އޭނާ އެއްގޮތަކަށްވެސް އުންމީދު ކޮއްގެން ހުރި ސުވާލެއް ނޫނެވެ. “އާލިމް އަހަންނާ ކައިވެނި ކުރަން ބޭނުންވާ ސަބަބަކީ ކޮބާ؟” އެ ކައިރިމިނުގައި ހުރެ ޔަނާ އަހާލިއެވެ. “ސަބަބަކީ ރޭގަނޑު ނިދާފަ އޮންނަ އިރު ހުވަފެނުންވެސް އަހަންނަށް ޔަނާ ފެނުން….ދުވާލު ހޭލާ ހުންނަ އިރު ކުރިމަތިންވެސް ފެންނަހެން ހީވަނީ…ޔަނާގެ ހުރިހާ ސިފައެއް އަހަންނަށް ކަމުދިއުން…ޔަނާދެކެ އަހަންނަށް އިންތިހާއަށް، ޔަނާއާ ނުލާ ނޫޅެވޭ ވަރަށް ލޯބިވެވުން” އާލިމްގެ ކޮންމެ ލަފްޒެއް ޔަނާގެ ހިތަށް ފިނި ކަމެއް ގެނެސްދން އިރު، އެރީތިމޫނުމަތީގައި ރީތި ހިނިތުންވުމެއްވެސް ކުރަހާލަ ދިނެވެ. “އަހަންނާ ކައިވެނި ކުރާނަންތަ؟” އާލިމް އަހާލިއެވެ. ޔަނާގެ ޖަވާބު އަޑުއެހުމަށް އޭނާގެ ހިތްވަީ ބޭގަރާރުވެފައެވެ. އިހުނަށްވުރެ އާލިމްއާއި ކައިރި ވެލަމުން ޔަނާ އާލިމްގެ ތުންފަތަށް ބޮސްދިނެވެ. ޔަނާގެ މި ކުއްލި އަމަލުން ހައިރާން ވީ ނަމަވެސް، ޔަނާގެ ހިމަ އުނަގަނޑުގައި އަތް އަޅުވާލަމުން އާލިމްވެސް ޔަނާގެ ތުނި ތުނިތުންފަތުން ލައްޒަތު ލިބިގަތެވެ. ނޭވާ ކޮޅަށް ދިއުމުން ދެމީހުންވެސް އެކަކު އަނެކަކާއި ދުރުވެލިއެވެ. އާލިމްގެ އަތަށް ކުޑަ ލައިދެމުން ދުވެފައި ޔަނާ ގޮސް ގެއަށް ވައިން އިރު އޭނާގެ ހިތް ހީވަނީ މޭފަޅާފައި ނިކުމެދާނެ ހެނެވެ. ޔަނާ ދިއަ ދިމާލަން ބަލަން ހުރި އާލިމްގެ ތުންފތްމަތީގައިވީ ހިތްހަމަޖެހުމުގެ ހިނިތުންވުމެކެވެ.

‎”ޔެސް މޭމް… މިއަދު ޔަނާ އެއައީ” އޮފީހުގެ ކެބިންގައި އިނދެ ވިޝާލް ދިއައީ ފޯނުން ވާހަކ ދައްކަމުންނެވެ. “އަހަރެންނަށް ތިކޮޅަށް ދެވޭނީ އަދި އެއް ހަފްތާ ފަހުން….މޭކް ހަރ ސޯ ބިޒީ ދެޓް ޝީ ޑަސަންޓް ހޭވް ޓައިމް ޓު ބްރީތް” އެކޮޅުން އިވުނީ އަންހެނެއްގެ އަޑެވެ. “ޔެސް މޭމް” ފޯނު ބާއްވަމުން ވިޝާލް އޭނާގެ ގޮނޑީގައި އިށީނދެ ހަމަޖެހިލިއެވެ.

‎ރޫމާގެ ޖަނާޒާގެ ކަންތަން ނިމުމުން ގެއަށް އައި އެންމެންގެ މޫނުމަތީގައި ވަނީ ހިތާމައިގެ އަސަރުތަކެވެ. ރޮއެ ރޮއެ ނުހާގެ ދެލޯކައިރި ދުޅަވެފައި ހުރި އިރު ދެންތިބި އެންމެންގެ މޫނުމަތީގައި އެއްވެސް ދިރުމެއް ނެތެވެ. މަޑު ކުރަން ނަހަދާ ނުހާ އޭނާގެ ކޮޓަރިއަށް ދިއުމުން ނަޔާޒް ވެސް ނިކްޔަންގެ ކނޑުމަތީގައި އަތްބާއްވާލުމަށް ފަހު ގޮސް އޭނާގެ ކޮޓަރިއަށް ވަނެވެ. އެޔާއެކު ކައިރީގައި ހުރި ސޯފާގައި އިށީނދެލަމުން ނިކްޔަން އޭނާގެ އިސްތަށިގަނޑުގެ ތެރެއަށް އަތް މަހާލިއެވެ. “ޔަން” ނިކްޔަންގެ ކައިރީގައި އިށީންނަމުން ފަލަކް ގޮވާލިއެވެ. “ފަލަކް…ކިހިނެއް އަހަރެން ނުއްކޮއަށް ހިއްވަރު ލައިދޭނީ….ކިހިނެއް ނުއްކޮއަށް ވިސްނައިދޭނީ…އައި ޑޯންޓް ހޭވް އެނީ ސްޓްރެންތް ވިތް އިން މައިސެލްފް، ފަލަކް….އައިއޭމް ނޮޓް ދެޓް ސްޓްރޯންގް” މޫނުމަތިން އަތް ނަގަމުން ނިކްޔަން ވާހކަ ދެއްކިއެވެ. ” ނޯ ޔަން…ޔޫ އަރ ސްޓްރޯންގް…ޔަން ހަނދާންވޭތަ އަހަރެންގެ ބައްޕަ ނިޔާވި އިރު ޔަން އަހަންނަށް ހިއްވަރު ލައިދިން ގޮތް…ޔަން އެންނު އަހަރެން ކައިރީ ބުނީ ބިލީވް އިން ޔުއާރ ސެލްފް އޭ….މިއަދު ޔަން ތިހެން ވީކް ވެ އުންމީދު ކަނޑާލައިފިއްޔާ ކާކު ނުއްކޮއަށް ހއްވަރުލައިދޭނީ….ޔަން ޔޫ ކޭން ޑޫ ދިސް” ފަލަކްއާއި ދިމާލަށް ނިކްޔަން ބަލާލީ އަހަންނަކަށް ނުވާނެޔޭ ބުނާ ފަދަޔަކުންނެވެ. “ފަސްޓް ދޭބަ ފްރެޝް ވެލަން….” ފަލަކް ބުނި ބަސް އަހަމުން ނިކްޔަން ކޮޓަރިޔަށް ގޮސް ފެންވަރާ ތަޒާވެލިއެވެ. ފަލަކް ގާތު އެބަ އަންނަން ކަމުގައި ބުނެ ނިކްޔަން މިސްރާބު ޖެހީ ނުހާގެ ކޮޓަރިޔާއި ދިމާލަށެވެ. އެ ކޮޓަރީގެ ދޮރު ހުޅުވާލުމަށް ފަހު ވައިން ނިކްޔަންއަށް ރޫމާގެ ފޮޓޯފްރޭމެއް ހިފައިގެން އޮވެ އެނދުމަތީ ނިދިފައި އޮތް ނުހާ ފެނުމުން ގޮސް އެ ފްރޭމް ނަގައި ސައިޑް ކަބަޑް މަތީގައި ބޭންދިއެވެ. އެ ފްރޭމްގައި އިންރޫމާގެ ފޮޓޯގައި ފިރުމާުމަށްފަހު ނުހާގެ ގައިގައި ރަޖާ އަޅާދިނުމަށްފަހު ނިކްޔަން އެކޮޓަރިން ނިކުތީ ހުރިހާ ލައިޓެއް ނިއްވައި އެ ކޮޓަރި އަނދިރި ކޮއްލުމަށް ފަހުގައެވެ. އެޔަށް ފަހު ގޮސް އަމިއްލަ ކޮޓަރިއަށް ވައިން ނިކްޔަން، ގޮސް އެނދުގެ މަގަތުގައި އިށީނދެލިއެވެ. އޭރު ފަލަކްއަށް އޮތީ ނިދިފައެވެ. ފަލަކްގެ މޫނުމައްޗަށް ވެއްޓިފައި އޮތް އިސްތަށި ކޮޅުގެންގޮސް ފަލަކްގެ ކަންފަތުގައި އަޅުވައިލަމުން ނިކްޔަން ތިރިވެލާ ފަލަކްގެ ނިއްކުރިއަށް ބޮސްދިނެވެ. ފަލަކްއާއި ދުރުވެލަން އުޅުނު ނިކްޔަން މަޑުޖެހުނީ ދެލޯ ހުޅުވާލައިގެން އޭނާއާއި ދިމާލަށް ބަލަން އޮތް ފަލަކް ފެނުމުންނެވެ. ހަތަރު ކަޅި ބައްދަލު ވީ ހިނދު ދެން ނިކްޔަންގެ ނަޒަރު ދަތުރު ކުރީ ފަލަކްގެ ތުނި ފިޔާތޮށި ކުލައިގެ ތުންފަތަށެވެ. ނިކްޔަންގެ ހޫނު ނޭވާތަށް އޭނާގެ މޫނަށް އެޅެން ފެށުމުން ފަލަކް އޭނާގެ ދެލޯ މަރާލީ ނިކްޔަންއަށް ހުއްދަ ދެމުންނެވެ. މަޑުމަޑުން ނިކްޔަން ފަލަކްގެ ތުންފަތުގައި ބޮސްދިން އިރު، ނިކްޔަންގެ ކޮންމެ ބީހުމަކަށް ފަލަކް ދިއައީ އިޖާބަ ދެމުންމެވެ. ދެޖިސްމު އެކުވެ ލޯބީގެ މާތަށް ފޮޅެމުން ދިއައިރު ދެމީހުންގެ ހިތުގައި ވެސް ޖަހަމުން ދިއައީ އެއްވިންދެކެވެ. ކުޅެވެމުން ދިއައީ އެއް ރާގެކެވެ.

‎މޭރޭ ހާތް މޭ ތޭރާ ހާތް ހޯ
‎ސާރީ ޖަންނަތޭ މޭރޭ ސާތް ހޯ
‎ތޫ ޖޯ ޕާސް ހޯ ޕިރް ކިޔާ ޔޭޖަހާ
‎ތޭރޭ ޕިޔާރް މޭ ހޯ ޖާއޫ ފަނާ

‎ޖިތްނޭ ޕާސް ހޭ ކުޝްބޫ ސާސް ކޭ
‎ޖިތްނޭ ޕާސް ހޯޓޯކެ ސަރްގަމް
‎ޖޭސޭ ސާތް ހޭ ކަރްވަޓް ޔާދް ކޭ
‎ޖޭސޭ ސާތް ބާހޯ ކި ސަންގަމް

‎ޖިތްނޭ ޕާސް ޕާސް ކްވާބޯކީ ނަޒަރް
‎އުތްނޭ ޕާސް ތޫ ރެހެނާ ހަމްސަފަރް
‎ޖޯ ތޫ ޕާސް ހޯ ޕިރް ކިޔާ ޔޭ ޖަހާ
‎ތޭރޭ ޕިޔާރް މޭ ހޯ ޖާއޫ ފަނާ

ނުނިމޭ

މިވާހަކައިގެ ދެންއޮތް އެޕިސޯޑުގެ ލިންކު ކޮމެންޓް ސެކްޝަންގެ ތިރީގައި ވާނެއެވެ.