އިންތިޒާރު 3

“ދޮންބެ ދައްތައަށް އެކްޓިން ކުރަން ޖެހިއްޖިއްޔާ ވަރަށް މޮޅުވާނެކަން ޔަގީން” ސަނާގެ މޫނުމަތިން ފެންނަން ހުރި ކުލަވަރުން ހެމުން ޒާޔާ ބުނެލިއެވެ.

“އެއީ އެކްޓިންގ އެއްނޫނޭ، ހަމަ ރިއަލް” ކާރުގައި އިނދެ ހަމަޖެހިލަމުން ސަނާ ބުނެލިއެވެ. ސަނާ މިހެން ބުނުމުން ޒާޔާ އަށް އަނެއްކައިވެސް ހެވުނެވެ.

” ސީރިއަސްކޮށޭ، ބައެއްފަހަރު އަހަރެނގެ ހިތަށއަރާ އަހަރެނގެ މައިދައިތައަކީ މަންމައެއްނޫނޭ، ދައްތައޭ، މިހާރުވެސް ހީވަނީ މަގޭ ދަރިއެއްނޫންހެން ހިތާނަކޮށްގެން އެއުޅެނީ، ދައްތައާއި ބޭބެގެ ދަރިއެއްހެން. އެހެންނުވާނީ ޝާންއަކީ މަންމަމެން އެކްސްޕެކްޓް ނުކޮށް ހުއްޓާ ވަރަށް ފަހުން ލިބުން ކުއްޖެއް، އެން އޭރު މަންމަ އަބަދު ބަލިވެ އުޅޭނީ، ޝާން ވަރަށް ކުޑައިރު ދައްތައާއި ބޭބެ މެރީ ކޮށްފި، ޝާންގެ ހުރިހާކަމެއް ކޮށްދީ ޝާން ގިނަ ދުވަހު ބެލީ ދައްތަ، އުފަން ދަރިއަކު ދެކެ ލޯބިވާފަދައިން ދައްތަ ޝާންދެކެވެސް ލޯބިވޭ، މިހާރުވެސް ޒަކޫ އާއި ހެދިގެން ދައްތަމެން އުޅޭވަރުން ހީވަނީ ދައްތަމެންގެ މާމަ ދަރިފުޅުހެން.” މަޖާ ރާގެއްގައި ސަނާ ވާހަކަ ދައްކަމުން ދިޔައެވެ.

**********************************************************

ޒާޔާމެންނަށް ގެއަށް އާދެވުނު އިރު ދިހަގަޑި ބައިވެބޮޑުވެއްޖެއެވެ.

“ޒާޔާ…..”ޒާޔާ ގޭތެރެއަށް އެޅި ފުރަތަމަ ފިޔަވަޅާއެކު ނޫރާ ބާރަށް ގޮވާލުމާއެކު އައިސް ޒާޔާގެ ގައިގައި ބައްދާލިއެވެ.

ނޫރާ އަކީ ޔަޝްރާ އަދި އަޖަމަލްގެ ހަގު ދަރިފުޅެވެ. ދެން ތިބެނީ އެއްމާބަނޑު އަންހެން ކުއްޖަކާއި ފިރިހެންކުއޖެކެވެ. ޒަޔާން އަދި ނާޔާ އެވެ.

“އޯމައި ގޯޑް، ސީރިއަސްލީ އެމް ސޯ ސޯ ސޯ ހެޕީ ޓު ސީޔޫއަގެއިން.” ނޫރާ ޒާޔާގެ ގައިގައި ބައްދައިގެންހުރެ އުފަލުން ބުނަމުންދިޔައެވެ. ނޫރާ ޒާޔާގެ ގައިން ދޫކޮށްލުމަށްފަހު ޒާޔާ އެއްޗެކޭ ބުނަންވައިރަށް އަނެއްކާވެސް ބައްދައިގެންފައި އުފަލުން ފުމެމުން ދިޔައެވެ.

     ނޫރާއާއި ޒާޔާ އެބައްދަލުވީ ދެ އަހަރެއްހާދުވަސް ފަހުންނެވެ. އެންމެފަހުން ޔަޝްރާގެ އާއިލާގެ މެންބަރުން އައިއިރު ޒާޔާހުރީ މާލެއިން ބޭރުގައިކަމުން ނޫރާއާއި ބައްދަލުވާގޮތް ނުވީއެވެ. ސަލްމާމެން އެމެރިކާއަށާއި އެނޫންވެސް ގައުމުތަކަށްދާއިރު ދުވަހަކުވެސް ޒާޔާ އެމީހުންނާއިއެކު ނުދެއެވެ. ކޮންމެވެސް ބަހަނާއެއް ދެއްކުމަށްފަހު އަބަދުވެސް އެކަމަކުން ރެކެއެވެ. ޒާޔާ އޭނަގެ ފެނަވަރުން އުޅެން ބޭނުނަވާކަހަލައެވެ.

     ނަމަވެސް އެދެކުދިންގެ މެދުގައިވި ރަހުމަތްތެރިކަން އަދިވެސ ވަނީ އެންމެ ވަރުގަދަކޮށެވެ. މިވީދުވަސްތަކުގައިވެސް ފޭސްބުކްއިންނާއި އެހެނިހެން ކޮމިޔުނިކޭޝަން ތަކުގެ އެހީގައި އެކުދިންވަނީ ކޮންޓެކްޓް ބާއްވާފައެވެ.

“ދެކުދިން ދޮރުމަތީތިބެގެންތަ ހުރިހާ ވާހަކައެއް ދައްކާނީ؟” ނޫރާގެ މަންމަ ޔަޝްރާ ބުނެލިއެވެ.

“ދޭގެޓް ކްރޭޒީ ވެން ދޭ ސީއީޗްއަދަރ” ނޫރާގެ ދޮންތަ ނާޔާ އޭނަގެ މަންމަ ގާތުގައި މަޑުމަޑުން ބުނެލިއެވެ. ޔަޝްރާ މަޑުން ހީލިއެވެ. ނޫރާއާއި ނާޔާގެ މިޖާޒުގައި އުޑާއި ބިމާހައި ތަފާތު ހުރެއެވެ. ނޫރާއަކީ ސަކަރާތްބޮޑު ކުއްޖެކެވެ. ނަމަވެސް ނާޔާއަކީ މަޑުމައިތިރި ކުއްޖެކެވެ. ވާހަކަ ދެއަކުމުގައިވެސް އޭނައަކީ ބަސްމަދު ކުއްޖެކެވެ.

“އެތެދެއް! އައި ހޭވް މެނީތިންގްސް ޓް ޝެއަރ، ހިނގާބަ މައްޗަށް”ނޫރާ ޒާޔާގެ އަތުގައި ހިފައި ކިޔަންފެށިއެވެ. ޒާޔާ ޔަޝްރާމެންނަށް ބަލާލުމަށްފަހު ހިތްހެޔޮކަމާއި އެކު ހިނިތުންވެލިއެވެ. އަދި ނޫރާއާއިއެކު ކޮޓަރިއަށް ދިއުމަށް ސިޑިއާއި ދިމާއަށް ހިނގައިގަތެވެ.

“މަންމާ އަޅުގަނޑު މިދަނީ ޝާންގުޅައިގެން ހޮސްޕިޓަލްއަށް” ސަނާ ބަލްގިސް ގާތުގައި ބުންޏެވެ.

“މަންމަ ބުނި ޒަކޫ ދޫކޮށްލަނީމެންދުރު ފަހުގައޭ، ވީމަ ހިނގާ ދޮންތަމެންވެސް ދާނަން ޒަކޫގާތަށް” ސަނާއަށް ބަލާލުމަށްފަހު ޔަޝްރާވާހަކަދެއްކިއެވެ.

“އެހެންކިހިނެތް ކަމުދާނީ، އަދި ދެންމެ ތިއާދެވުނީވެސް، އެންވެސް އެއްޗެއް ނުވެސް ކައި އަދި ތިތިބީ، ވަރުބަލިވެސް ވެފަނުން ތިބޭނީ” ޔާސިރު ސޯފާގައި އިށިއިންނަމުން ޔަޝްރާއަށް ބުނެލިއެވެ.

“އެތެދެއް، ހިނގާ ހުރިހާކުދިން އަވަހަށް ސައިބޯން. މަންމަމެންވެސް ވީނޫންތޯ އަޅުގަޑުމެންނާއި ބައިވެރިވާން.” ސަލަމާ ޔާސިރުގެ ވާހަކައަށް ތާއީދުކުރަމުން ވާހަކަދެއްކިއެވެ. ބަލްގިސްވެސް ޔަޝްރާމެންނަށް ސައިބުއިމަށް ބުނުމުން ގެންގުޅޭކުއްޖަކަށް ގޮވާފައި ސައިހެދުމަށް ސަލްމާ ބުންޏެވެ.

ޒާޔާއާއި ނޫރާ ވާހަކަދައްކަން ތިބީ ނޫރާ މަޑުކުރުމާށް ހަމަޖެހިފައިވާ ކޮޓަރީގައެވެ. ދެކުދިންވެސްތިބީ ގިނަދުވަސްތަކަކަށްފަހު ބައްދަލުވުނމުން ނުހަނު އުފާވެފައެވެ.

“ސޯ ކޮބާތަ ޒާގެ މިސްޓަރ ރައިޓް؟” ނޫރާ ޒާޔާއާއި ދިމާކޮށްލިއެވެ. އުމުރުން ވިހި އަހަރު ފުރުނުއިރުވެސް ޒާޔާ އެއްވެސް ފިރިހެންކުއްޖެއްގެ ވާހަކަ ނުދައްކާތީ ނޫރާ އޭނައާ އަބދުވެސް ދިމާކުރަނީ މިސްޓަރ ރައިޓް އަށް އިންތިޒާރުކުރާ ވާހަކަ ދައްކަމުންނެވެ.

“ދެން ނޫރާ! އައި ޑޯންޓް ހޭވް އެނީވަން، އޯކޭއި، އެން ބިސައިޑް ދެއަހަރުފަހުން މީޓްވީމަވެސް އެއީތަ އެންމެ ފުރަތަމަ އަހަން އެނގުނު އެއްޗަކީ” ޒާޔާ ރުޅިއައިކަމަށް ކަމަށް ހަދާލާފައި ބުނޏެވެ. އަދި ނޫރާއާއި ދިމާއަށް ކުޝަންއެއް އެއްލިއެވެ.

“އޯކޭ އޯކޭ! އަދި ހަނދާންނެތިފައޭ މި ހުންނަނީ، އައި ހޭވް އަ ސަޕްރައިޒް ފޯޔޫ، ނޫރާމަޖާގޮތަކަށް ބުނެލިއެވެ. “އެކަމް އޭގެ ކުރިން ލޯމަރާ” ނޫރާ މިހެން ބުނުމުން ޒާޔާ ނޫރާއާދިމާއަށް ލޯއަޅާލުމަށްފަހު ލޯމަރާލިއެވެ.

“އޯޕެން ޔޯރ އައިސް” ނޫރާ ލަސްލަހުން ކިޔާލިއެވެ.

“ވާއު” ނޫރާގެ އަތުގައި އޮތް ނޫކުލައިގެ ދިގު މެކްސީ ފެނިފައި ޒާޔާ އުފާވެފައި ބުންނެވެ. ކުދި އެސްތަކަކުން ހެދުމުގެ މަތީބައި ޖަރީކުރެވިފައިވާ ގަދަނޫކުލައިގެ އެ ހެދުން ޒާޔާއަށް ވަރަށް ކަމުދިޔައެވެ. ހެދުމުގެ އަތުކުރިއަށް ވަނީ ރޫއަރުވާފައެވެ. ރޫތަކު ދޭތެރޭގައި ހަރުކޮށްފައި ހުރި އެސްތައް ފެންނައިރު ރީތި ގޮތެއް ހުއްޓެވެ.

ހެދުން ޒާޔާއަތަށް ދިނުމަށްފަހު ދެން ނޫރާ ދައްކާލީ އެއާގުޅޭ މަޑުނޫކުލައިގެ ޝޯވލް އެކެވެ.

“ކިހިނެތް އެނގުނީ މިހާ ޕަރފެކްޓްކޮށް ހެޔޮވަރު ހެދުމެއް ގެންނަން” ހެދުން ގައިގައި ޖައްސައިގެން ހުރެ ޒާޔާ ސުވާލުކޮށްލިއެވެ.

“ގަތީކީނޫން، ފެހީ” ނޫރާބުންޏެވެ. “ސީރިއަސްލީ ފެހީއޭ، ޔާދެން އަހަރެންގެ ގައިން މިނަނަގާފަ ފެހީ އެކަމް ތަންކޮޅެއް ކުރުކޮށް” ޒާޔާ ގަބޫލު ނުކުރާ ގޮތަކަށް ބަލަހައްޓައިގެން ހުރުމުން ނޫރާ ޒާޔާއާއި ދިމާކޮށްލިއެވެ.

ޒާޔާއަކީ އިސްކޮޅުން ކުރުކޮށް ހުރިނަމަވެސް ރީތި ކުއްޖެކެވެ. ޒާޔާ ކުރުކަމުން ނޫރާ ޒާޔާއާއި ދިމާކުރެއެވެ. ނޫރާ އެހެންބުނުމުން ޒާޔާ މޫނު ކުނިކޮށްލިއެވެ. އަނެއްކައިވެސް ދެކުދިންގެ ސަކަރާތް ފެއްޓިއްޖެއެވެ.

“ދަރިފުޅާ ކީއްވެތަ މިފަހަރު ޒަޔާން ނައީ، މަންމަ ހީކުރީ ޒަޔާންވެސް އަންނާނެކަމަށް” ކާމެޒުކައިރީ ސައިބޯން ތިބެގެން ވާހަކައިގެ ތެރެއިން ބަލްގިސް ޔަޝްރާއާއި ސުވާލުކޮށްލިއެވެ.

“ޒަޔާންވެސް އަންނަން ހުރީ، އެކަމަކު އޭނަ މިހާރު ހަދަމުން އެދާ ކޯހުގެ އެގްޒާމްއެއް އެބައޮތް ދެދުވަސްތެރޭ، އެހެންވެގެން ނައީ، އަޖްމަލްގެ ބޭބެމެންވެސް ވީ ޗުއްޓީ ހޭދަކޮށްލުމަށް ގޮސްފަ، އެހެންވީމަ އެކޮޅުގަ ބިޒްނަސް ބަލަހައްޓަންވެސް ކޮންމެވެސް މީހަކު ހުންނަންވާނެއްނު، ދޮގެއްތޯ ބައްޕާ.” ޔަޝްރާ އޭނަގެ މަންމައާއި ވާހަކަ ދައްކަމުން އަބްދުﷲވެސް އެވާހަކައިގައި ބައިވެރިކޮށްލިއެވެ.

މެންދުރު ފަސްވިއިރު ޝާންގެ ދެމަފިރިން އެމީހުންގެ ދަރިފުޅު ޒަކްވާން ގޮވައިގެން ގެއަށް އައިސްފިއެވެ. އުފާވެރި މާހައުލެއްގައި އެދުވަސް ހޭދަވަމުން ދިޔައެވެ. ޒަކުވާން ހިތާނަ ކުރުމާއި ގުޅިގެން ބާއްވާ ހަފްލާ ފެށެން ވަގުތު ކުޑަތަންވަމުން ދިޔައެވެ. ގޭތެރޭގައިވާ ގަރޑަން އޭރިއާއާއި ހޯލް އާއި ޓެރަސް ވަނީ މެހެމާނުންނަށް ތައްޔާރު ކުރެވިފައެވެ. ޒަކްވާން ބާއްވާފައިވަނީ ހޯލްގެ އެއްފަރާތުގައެވެ. ކުލަކުލައިގެ ބޮކިތަކުންނާއި އެކި ކާރޓޫން ކެރެކްޓާރސް ތަކުން ވަނީ ގޭތެރެ ޒީނަތްތެރި ކުރެވިފައެވެ. ބޮޑުބެރު ގުރޫޕްވެސް ދަނީ މެހެމާނުން އަންނަންވާއިރަށް ތައްޔާރުމަމުންނެވެ. ގޭގެ ހުރިހާ މެންބަރުންވެސް ތިބީ ތައްޔާރުވެގެންނެވެ.

ޒާޔާ ހުރީ އޭނަގެ ކޮޓަރީގައި ރީތިވުމަށެވެ. ނޫރާ އޭނައަށް އެހީތެރިވުމަށް އުޅުނެވެ. ނޫރާ ހިތްހަމަޖެހޭ ގޮތަކަށް ޒާޔާއަށް ޝޯވލްވެސް އެޅުނު ކަމަކަށް ނުވިއެވެ. ދެކުދިން ރީތިވެގެން ތިރިއަށް ފޭބިއިރު ގޭގެ އެންމެން ތިބީ ރެޑީވެގެން ޒަކޫ ގާތުގައެވެ. މެހެމާނުން އަންނަންވާއިރު ޒަކޫއަށް އާއިލާ މީހުން ގެނެސްފައިވާ ހަދިޔާތައް ދެނީއެވެ. ޒާޔާއާއި ނޫރާވެސް އެމީހުންގާތު މަޑުކޮށްލިއެވެ.

ގޭގެ ބެލްޖަހާލި އަޑު އިވުނީ އެވަގުތުއެވެ.

“މެހެމާނުން އަންނަގަޑި ޖެހުނީތަ، އެކަމް އަދި ކިރިޔާ ހަތެއް އެޖެހީ، އިންވައިޓް ކުރީ 7:30 އަކަށްނުން” ޝާން ގަޑިބަލާލުމަށްފަހު ޔާސިރުގާތުގައި އަހާލިއެވެ.

ސަލްމާ ނޯކަރަކަށް ގޮވާލުމަށްފަހު ދޮރުހުޅުވަން ދިއުމަށް ބުންޏެވެ.

ދޮރުންވަދެގެން އައި ޒުވާނާފެނުމުން އެންމެންގެ މޫނުމަތިން އުފާވެރިކަން ފެނިގެން ދިޔައެވެ. ނަމަވެސް އެއާއި ހިލާފާށް ޒާޔާއަށް އިސްޖަހާލެވުނެވެ. ދެއަތް ޖޯޑުކޮށްލެވުނީ އަތުގައި މަޑު ތުރުތުރުލުމެއް އެކުލެވިގެން ދިއުމުންނެވެ. އޭނާ ފިނިވާންފެށިއެވެ. އެދޮން ކޯތާފަތަށް މަޑު ރަތްކުލައެއް ވެރިވެގެން ދިޔައެވެ.

ޝާން ކުރިއަށް ޖެހިލާފައި އެޒުވާނާގައިގައި ކުޑަކޮށް ބައްދާލިއެވެ. އަދި ކޮނޑުގައި މަޑުމަޑުން ދެފަހަރަކު ޖަހާލިއެވެ.

” މަމް” ޝާން އާއި ދުރަށް ޖެހިލުމަށްފަހު އެތެރެއަށް ހިނގައިގަންނަމުން އެޒުވާނާ ބުނެލިއެވެ.

ނުނިމޭ

ކިޔުންތެރިން މިވާހަކައާދޭތެރޭ ދެކޭގޮތް ކޮމެންޓު ކުރުން އެދެނ 🙂