ބަދަލުވި ހަޔާތް – 2 – ފަހުބައި

އެވަގުތު އަހަރެންގެ ފައިދަށުން ބިންގަނޑުކެހިގެން ދިޔަފަދަ އިޚްސާސެއްކުރެވުނެވެ. ހިތްހުއްޓުނުހެންހީވިއެވެ. އަހަންނަށް މިކުރެވޭ އިޙްސާސްތައް ގަލަމަކުން ބަޔާންނުކުރެވޭހާ ފުނެވެ. ދެލޯ ފުރި ބާރުވަމުންދިޔަ ކަރުނަތައްއޭގެ މަގާމު ދޫކޮށް ފައިބައިގަތީ އެވަގުތުއެވެ. އަހަރެންނަށް ފެނުނީ އަހަރެންގެ ލޯބިވާ މަންމަ އަހަރެން އުމުރަށް ދޫކޮށް މި ދުނިޔެއަށް އަލްވަދާއު ކިޔާފައިވަނިކޮށެވެ.

*************

އަހަރެންގެ މަންމައާ ބައްޕަވެސް އަހަރެން ދޫކޮށްދިޔައީއެވެ. ނަމަވެސް އަހަރެން ކެއްތެރިވާނަމެވެ. ފުރާނަގެންދަވާ ވަކި ފަރާތެއްވާކަން އަހަރެން ދަންނަމެވެ.

( 1 މަސް ފަސް )

“ޕްލީޒް ދައްތާ….މިޔަދު އަޅުގަނޑު ސުކޫލަށް ދިޔަދީ….ދެން އަޅުގަނޑު އެކަހަލަ ކަމެއް ނުކުރާނަމޭ…ޕްލީޒް ދައްތާ…މާފުކުރޭ އަޅުގަނޑަށް….” އަހަރެން ބުނަމުން ދިޔައީމެވެ.

“އެ ހެދުން އިސްތިރި ކުރާށޭ ބުނީމާ ކީއްކުރަން އެ ވިރުވާލީ…ބަލަ އެއީ އެރޭ މަ ޕާޓަިއަކަށް ދާންވެގެން ގަނުން ހެދުމެކޭ…ދެން ކާކުމަށަށް އެ ހެންދުން ދޭނީ…ކަލޭތަ…ނޫނީ ކަލޭގެ އަމާތަ….އޮވްހް..ކަލޭގެ އަމާ ކިހިނެއްބާ ދޭނީ….ކައްވަޅުގައެއްނުވީ….ތި ދެއަތަކުންނު އެ ހެނދުން ވިރުވާލީ…އަދަބުވެސް ލިބޭނެ…އާދޭ…” ސައިރާ ރުޅިއައިސް ރަތްވެފަހުރެ ހިތުހުރި އެއްޗެއް ޔާނާއާ ދިމާލަށް ކިޔަމުން ދިޔައެވެ.

މުޅި މޫނުގައި ހުސް ފައުންޑޭޝަން ހާކާފައިވާއިރު ލައިގެންހުރި ހެދުން ބާރުކަމުން ދެންމެ ދެންމެ އިރައިގެން ގޮސްދާނެފަދައެވެ. ސައިރާ އެދިޔަ ގޮތަށްގޮސް ބަދިގެއަށް ވަދެ ދޯފަތްހޫނު ކޮއްލިއެވެ. އަދި ބަލާކަށްނުހުރެ ޔާނާގެ ކަނާއަތްތިލައިގައި ޖެއްސިއެވެ. އެވަގުތު އަތަށް ނެގި ދިލައިން ވޭނުންފުރިގެންވި ގަތަކަށް ޔާނާއަށް ހަޅޭއްލަވައިގަނެވިނެވެ.

“އޭތް…ކޮން ހަޅޭކެއް…”ސައިރާ ޔާނާ ހަޅޭއްލަވައިގަތުމުން ޔާނާގެ ކަންކަށި މައްޗަށް ހޫނު އެތިފަހަރެއް ވީއްލާލިއެވެ.

“ދެން ސުކޫލަށް ދޭބަލަ….އޯކޭ ދިޔަސް..” ނުލަފާ ވައްތަރަކަށް ހީލައިގެންހުރެ ސައިރާ ބުނެލިއެވެ. މަޖުބޫރު ވެފައިވާ އަޅެއްހެން އިސްޖަހައިލައިގެންހުރެ ވާއަތުން ކަނާއަތުގައި ހިފަހައްޓާލިއަގެން ހުރި ޔާނާ އޭނާ ނިދާ ކޮޓަރިއަށް ވަނެވެ. ކޮޓަރިއެއްވެސް ނޫނެވެ. އެތަން ވައްތަރީ ކުޑަ ގުދަނަކާއެވެ.

މަންމަ މަރުވުމުން ޔާނާ ބަދަލުވީ ނައިލާ ގެއަށެވެ. އޭގެ ހަފްތާއެއްފަހުން ނައިލާ މާލެ ބަދަލުވީ ކިޔެވުމަށެވެ. ނައިލާ ދިއުމުން އެގޭގައި އުޅެނީ ނައިލާ މަންމަ ސައިރާ އާއި ޔާނާއެވެ. ނައިލާގެ ބައްޕަ ނިޔާވީ ބޯޓުދަތުރެއްގައެވެ. ނައިލާ ދިއުމުން ސައިރާ ޔާނާއަށް މަސައްކަތްކުރަން ޖެއްސިއެވެ. އަދި އެކަމެއް ރަނގަޅަށް ނުކުރެވެއްޖެނަމަ އަދަބުދީ އަނިޔާވެސް ކުރެއެވެ.

ޔާނާ ހިއްވަރުކުރަމުން ސުކޫލަށް ދާން ރެޑީވިއެވެ. ގެއިން ނުކުންނަނިކޮށް ސައިރާގެ އަޑުއިވުމެވެ.

” އެކެއްކައިރީވެސް ބުނެގެންނުވާނެ ތީ މަކުރިކަމެކޭ..”ސައިރާ ބުނެލިއެވެ. ޔާނާ ހައެކަނި ބޯ ޖަހާލީއެވެ.

ސުކޫލު ގޭޓުން ވަންނަން ދިޔަ ޔާނާއަށް އެތައް ބައެއްގެ ނަޒަރުތައް ހުއްޓެމުންދިޔައެވެ. ނަމަވެސް ޔާނާ އަޅައެއް ނުލައެވެ. ކުލާހަށްވަދެ ގޮނޑި ދުރަށް ޖައްސާލިއެވެ. ގޮނޑީގައި އިށީންނަން އުޅުގުވަގުތު ފަހަތުގައި އިން އަންހެން ކުއްޖަ ޔާނާގެ ގޮނޑި ދުރަށް ޖައްސާލިއެވެ. އެދިޔަ ބާރުމިނުގައި ޔާނާ ގޮސް ޖެހުނީ ބިންމަތީގައެވެ. ހިއްވަރުކޮއްފައި ޔާނާ ކަނާއަތް ވިއްދާލަމުން ތެދުވާން އުޅުނު ވަގުތު އަތަށްނެގި ވޭނީ ދިލައަކުން ލޮލުން ކަރުނަ ހިލުނެވެ. މިއީ ކޮންމެ ދުވަހެއްގެވެސް އާދައެވެ. ސުކޫލަށް ގޮއްސިއްޔާ އެތައް ކުދިންނެއްގެ މަލަމާތާ އުނދަގުލާ ކުރިމަތި ލާން ޖެހެއެވެ. ނަމަވެސް މި ބަދަލުވަމުންދާ ހަޔާތާ އެކުވެސް ޔާނާ ގެ އުންމީދަކީ ކިޔަވައިގެން މޮޅުމީހަކަށް ވުމެވެ.

( 3 އަހަރުފަސް )

މިއަދު އައިލީން އަކީ ކުޑަކުދިންގެ ޚާއްސަ ޑޮކްޓަރެކެވެ. އޭނާގެ ބަދަލުވަމުންދިޔަ ޚަޔަތާއެކު ލިބުނު ވޭނާއި އަނިޔާއާ ހުރިހާކަމެސް ތަހަންމަލު ކުރަމުންވެސް އޭނާގެ އަޒުމު ގުޑުވައި ނުލައި އެ އަޒުމު އޭގެ އެންމެ ފުރިހަމަކަމާއެކު ޔާނާ ކާމިޔާބުކުރިއެވެ. އޭނަގެ ހަޔާތިގައި އައި ކޮންމެ އަޑިގަނޑެއްގައި ކެއްތެރިކަމާއެކު ވިއެވެ. އެހެންވުމާއެކު މިއަދު ޔާނާގެ ބަދަލުވި ހަޔާތައެކު އޭނާއަކީ ކާމިޔާބީ ކުޑަކުދިންގެ ޚާއްސަ ޑޮކްޓަރެކެވެ.

_ ނިމުނީ _