ކަލަޔާ ނުލާ 11

އަޔާން ޒޯޔާއަށް ފޮނުވާފައި އިން މެސެޖް ޒޯޔާއަށް ކިޔުނީ ކިތަށް ފަހަރު ކަމެއްވެސް ޒޯޔާއަށް ނޭގެއެވެ. އެ މެސެޖް ގައި ލިޔެފައި އޮތް ބަސްކޮޅު ބަދަލު ވުމަށް އެދެވުނީ އެތަށް ފަހަރަކުއެވެ. ނަމަވެސް އެއީ ނުވާނޭ ކަމެއް ކަން ޒޯޔާއަށް އަށްވެސް އެނގެއެވެ. އެކަން ޒޯޔާގެ ބަސްނާހާ ހިތަށް ވިސްނައި ދޭނީ ކިހިނަކުން ހެއްޔެވެ؟  ދެލޮލުން ހުސްވުމެއް ނެތި އަންނަމުން ދިޔަ ކަރުނަތަށް ޒޯޔާގެ އަތްތިލައިގެ ނުފުށުން ފޮހެލުމަށް ފަހު ތުރުތުރު އަޅަމުން ދިޔަ އަތުން  ފޯނުނަގައި އަޔާންގެ ނަންބަރަށް ޑައިލް ކޮށްލިއެވެ.

ބާރު ސްޕީޑްގައި ލޯންޗު ދުއްވަމުންދިޔައެވެ.  އަޔާން އޭނާގެ ފޯނުން ޒޯޔާއަށް ފޮނުވި މެސެޖަށް އަށް ބަލާލިއެވެ. އަޔާންގެ ހިތް ގޮވާ އާދޭސް ކުރަމުން ދިޔައީ ޒޯޔާއަށް އެހެން ނުހެދުމަށްށެވެ. ނަމަވެސް އަޔާން ކަންތައް ކުރަމުން ދިޔައީ އަޔާންގެ ސިކުނޑިން ވިސްނައި ދެމުން ދިޔަ ގޮތަށްށެވެ. ފޯނުގައި އިން ސިމް ނެގުމަށްފަހު އެސިމް ކަނޑުގެ ލޮނުގަނޑު ތެރެއަށް ދޫކޮށްލިއެވެ. ” އަޔާ… ކީއްތިކުރީ … ” ފަޔާޒް އަށް އަހަލި ލެވުނެވެ. ދެވަނަ ސިކުންތުގައި އިންތިހާ ދަރަޖައަށް ދެރަވެސް ވިއެވެ. ރީނާގެ ނަންބަރު ދިން ދުވަހު އޭނާ އެ ނަންބަރު ސޭވް ކުރެވުނީ އަޔާންގެ ސިމް އަށްށެވެ. އެދުވަހު ފަޔާޒްގެ ފޯންގެ ޗާރޖު ހުސްވެފައި އޮތުމުން އޭނާ ގެންގުޅުނީ އަޔާންގެ ފޯންނެވެ. އަދި މިއުޅެނީ އޭނާގެ ނަންބަރުން ރީނާއަށް ގުޅައިވެސް ނުލެވި ގެންނެވެ. “…. އެއީ…. އެނަންބަރ އަށް މީހުން އުދަނގޫ ކުރަން ގުޅާތީ ….” އަޔާން އޭނާގެ މޫނުމަތިން އޭނާގެ ހިތުގައި ހިނގަމުންދާ އިހުސާސްތައް ފޮރުވަމުން ބުނެލިއެވެ. ފަޔާޒް ކިތަންމެ ދެރަވި ނަމަވެސް އަޔާން އާއި ދިމާލަށް އެއްޗެއް ބުނާކަށް ނުކެރުނެވެ.  ﷲ އަށް ދުޢާ ކޮށްލެވުނީ ތަގުދީރުގައި ކޮންމެވެސް ހާލެއްގައި ރީނާއާއި ބައްދަލު ކޮށްދިނުމަށްށެވެ.

ޒޯޔާ އެތަށް ފަހަރަކު އަޔާންގެ ނަންބަރަށް ގުޅިއެވެ. ނަމަވެސް ކޮންމެ ފަހަރަކު ލިބެނީ އެއް ޖަވާބެކެވެ. އަޔާންގެ ފޯން އޮތީ ނިއްވާލާފައެވެ ބުނާ ކޮންމެ ފަހަރަކު ޒޯޔާގެ ލޮލުގައި ކަރުނަތަށް ގިނަވެ، އެ ކަރުނަތަށް ލޮލުން ފޭދިގެން ފައިބަން ފަށައެވެ. ވިހިފަހަރަށް ވުރެ ގިނަފަހަރު ގުޅުމަށް ފަހު އިތުރަށް ގުޅަނެ ހިތްވަރު ނެތުމުން ޒޯޔާ ފޯން އުނދުމައްޗަށް އެއްލައިލިއެވެ. އަދި އެނދުކައިރި އަށް ތިރިވެ، އެނދުގައި ބޯއަޅައިގެން އޮވެ ރޮއެެ ގަނެވުނެވެ. ” އަޔާން އަހަރެން ނަށް ތިހެން ތިހަދަނީ ކީއްވެ …. އަހަރެންގެ ކުށަކީ ކޮބާ… އަޔާން އެއް ނޫންތަ އަހަރެން ގާތު ބުނީ އަހަރެން ދެކެ ލޯބި ވެއޭ … މިހާރު ކީއްވެ … ކީއްވެ … ” ޒޯޔާ ރޮމުން އަމިއްލަ ނަފުސާ ޝަކުވާ ކުރުރަމުން ދިޔައެވެ.

އިރުއޮށްސި އަނދިރި ވެއްޖެވެ. ރީނާއަށް ހޭލެވުނީ ބަންގީގެ އަޑަށްށެވެ. ދެލޯ އުނގުޅާލުމަށް ފަހު ގަނޑިއަށް ބަލައިލެވުނެވެ. އެގެވީ އިޝާ ނަމާދަށް ކަން އެނގުމުން ރީނާ އަށް އެހާ ލަސްވަންދަން ނިދުނީ ކަން އެނގުނެވެ. ހެނދުއްސުރެ އެއްޗެއް ނުކައި ހުރެވުނުކަން ވެސް އެގުނީ ބަނޑުހައިވެފައި ހުރުމުންނެވެ. ސިޓިން ރޫމްގެ ބޮކި ދިއްލައި ލުމަށްފަހު ގޮސް ކޮޓަރި އަށް ވަންއިރު އެނދު ކައިރީ އެނދުމަތީ ބޯއަޅައި ލައިގެން އިން ޒޯޔާ ފެނުމުން ރީނަ ގޮސް ޒޯޔާއަށް ގޮވައިލިއެވެ. ޒޯޔާ ގާތު އިޝާ ނަމަދަށް ގޮވައިފިކަމަށް ބުނެ ރީނާ ތުވާއްޔެއް ހިފައިގެން ގޮސް ފާހާނައަށް ވަނެވެ. ޒޯޔާ ދުވެފައި ގޮސް ފޯނުނެގިއެވެ. އަޔާންގެ މިސްކޯލެއް ނަމަވެސް އޮތްތޯ ބަލަންށެވެ. ނަމަވެސް އެއްވެސް މިސްކޯލެއް ނޫނީ މެސެޖެއްވެސް އައިސް ފަކާ ތެވެ.

ރީނާ ފާހާނައިން ނިކުތުމުން ޒޯޔާ ގޮސް ފާހާނައަށް ވަނެވެ. ރީނާއަށް ޒޯޔާގެ ދުޅަވެފައިވާ މޫނު ނުދައްކައި ވޭތޯ ޒޯޔާ މަސައްކަތް ކުރިއެވެ. އެމޫނު ރީނާއަށް ފެނުންނަމަ ރީނާ ވަގުތުން އެކަން ނަގައި ގަންނާނެއެވެ. ރީނާއާއި ޒޯޔާ ނަމާދު ކޮށްލައިގެން ކާން ދިޔައެވެ. ކާންތިބިއިރު އެތަނުގައި ވަނީ އިންތިހާ ދަރަޖައިގެ ފަޅުކަމެވެ. އިރު ކޮޅަކުން ރީނާގެ ފޯން ރިންގުވާން ފެށިއެވެ. “މަންމަ…” ރީނާ ފޯންނަގަމުން ޒޯޔާ ގާތު ބުނެލިއެވެ.  ޒޯޔާ ހިނިތުން ވެލިއެވެ. ” ހަލޯ … މަންމަ މާދަން ހެނދުނު ފުރާ ލޯންޖުން ރަށަން ދާން … މި އުނޅެނީ … ދަރިފުޅުމެން ކައިފިން ތަ…” ފާޒިޔާ ބުނެލިއެވެ. ” ލައްބަ މަންމާ … ކާން މިތިބީ …” ރީނާ ޖަވާބު ދިނެވެ.

ޒޯޔާއާއި ރީނާ އަތްމަތި އަވަސް ކޮށްލާފައި އުޅުނީ ފާޒިޔާ ބަލައި ބަނދަރަށް ދިޔުމުގެ ކުރިން ނިމޭތޯ އެވެ. ” ރީ އަވަހަށް ނިކުމޭ އެއޮތް ދިހަ މިނެޓަށް ވީ …” ރިނާ ބޭރުގައި ހުރެ ގޮވައިލިއެވެ. ” ހިނގާ ދާން …” ލާފައި ހުރިި ޓީޝާޓުގެ  އަތްކުރި ރީތި ކޮލަމުން ރީނާ ގެއިން ނިކުންނަމުން ބުނެލިއެވެ. އެދެމީހުން  ބަނދަރަށް ދިޔައިރު ލޯންޗު ބަނދަރުން ވަންނަނީ އެވެ. ފާޒިޔާ ލޯންޗު ޖެޓީއާއި ކައިރި ކުރުމުން ފޭބިއެވެ. ބަރޯ ހިފައިގެން ޒޯޔާ ލޯންޗާއި ގާތް ވުމުން ފަޅުވެރި އަކު ފާޒިޔާގެ ސާމާނު ބަރޯ އަށް އެރުވައި ދިނެއެވެ. ފާޒިޔާ ފެނުމުން ރީނާ އާއި ޒޯޔާ ފާޒިޔާ ގައިގައި ބައްދައިލިއެވެ. އެ ދެކުދިންގެ ލޮލުން ކަރުނަ އައީ އެކުދިންގެ އިހުތިޔާރަކާ ނުލައެވެ. ” އަހަ … މަންމަ މަތިން ތިވަރަށް މިސް ވިތަ ” ފާޒިޔާ ދެއަތުން ޒޯޔާއާއި ރީނާގެ ލޮލުން އައިސްފައިވާ ކަރުނަތަށް ފޮހެލަމުން ކޮންމެ ކުއްޖެއްގެ ނިންކުރީ ގައި ބޮސްދިނެވެ. އެއީ އޭނާގެ ދެލޮލުގެ ދެނޫރެވެ. އެކުދިންގެ ލޮލުން އަންނަ ކޮންމެ ކަރުނައަކުން އަސަރުކުރާނީ އޭނާގެ ހިތަށް ށެވެ.

ޓީވީއިން އަންނަމުން ދިޔަ ޑުރާމާއެއް ބަލަން ތިންމައިން ތިބީ ސޯފާގައެވެ. ” އެ ކުދިން ދިޔައީތަ … ރަނގަޅައް ކާންދިނިންތަ … ” ފާޒިޔާ ފެށީ އަޔާން އާއި ފަޔާޒް ގެ ވާހަކަ އެވެ. ރީނާއާއި ޒޯޔާގެ މޫޑް މުޅިން ހަރާބު ވިއެވެ. އެވަގުތު ފާޒިޔާ ޓީވީ ބަލަން އިނިމުން އެކަމެއް އޭނާއަކަށް ނަގައެއް ނުގަނެވުނެވެ. ” ލައްބަ މަންމާ .. ރީނާ ވަރަށް ކުރު ޖަވާބެއް ދިނެވެ. ” މަންމަ ނިދި އައިއްސި މިދަނީ ނިދަން …” ފާޒިޔާ އެހެން ބުނެ ކޮޓަރިއަށް ދާން ހިގައިގަތުމުން ރީނާއާއި ޒޯޔާ އެއްފަހަރާ އިންތަނުން ތެދުވެ ފާޒިޔާ ފަހަތުން ހިނގައި ގަތެވެ. ” އަޅުގަނޑު ނިދާނީ މަންމަ ކައިރީ ….” ރީނާއާއި ޒޯޔާ އެއްފަހަރާ ބުނެލިއެވެ.  ފާޒިޔާ ކައިރިއަށް ހިނިއައެވެ. އެއީ އެކުދިން އަބަދުވެސް ކަމަކާ މާ ބޮޑަށް ފިކުރު ކުރާނަމަ ކަންތަށް ކުރާ ގޮތެވެ. ފާޒިޔާ ހީކުރީ އެކުދިން އެކަނި އުޅުމުން މާ ބޮޑަށް މަންމަ މަތިން ހަދާން ވީކަމައްށެވެ.

ރީނާއާއި ޒޯޔާ އެނދުގެ ދެފަރާތުގައި ބާލީހެއް މަތީ ބޯއަޅައިލައިގެން އޮތްއިރު ފަޒިޔާ އެދެކުދިން މެދުގައި އެނދުގެ ފަޑީގައި ލެގިލައިގެން އެ ދެކުދިންގެ ބޮލުގައި ފިރުމަމަމުން އެރަށަށް ގޮސް ހިނގި އެތަށް މަޖާ ކަމެއްގެ ވާހަކަ ކިޔައި ދެމުން ދިޔައެވެ. އިރު ކޮޅަކުން ބަލައި ލިއިރު ދެކުދިންވެސް ތިބީ ނިދާފައެވެ. ފާޒިޔާ ޒޯޔާގެ މޫނުމައްޗައް ވެއްޓިފައި ހުރި އިސްތަށިތަށް އެއްފަރާތް ކޮށްލިއެވެ. އެ މޫނުމަތިން ހިތްދަތިކަން ފަޒިޔާއަށް ފެނިގެން ދިޔައެވެ.

” ޒުލޭޙާ … ބަލާބަލަ ޒުލްގެ ދަރިފުޅު މިހާރު … މިއީ އެ ކުޑަ ކުޑަ ޒޯ އެއް ނޫން … އަހަރުމެން ބުނަމެއްނު  އަބަދުވެސް އަހަރުމެންގެ މި ދެ ދަރިފުޅު ކައިވެނި ކޮށްގެން އެ މީހަކާ އިންނަ ދުވަކީ އަހަރުމެން އެންމެ ދެކެން ބޭނުންވާ ދުވަހޭ … އެދުވަހުން މި ޕަރީން ފަދަ ދެކުދިން މި ދުނިޔޭގަވެސް ތިބި އެންމެ ރީތި ކުދިންނޭ ބުނާ ވަރަށް ރީތި ކުރާނީ އަހަރުމެން ދެ އަތުންނޭ…. އެކަމަކު ޒުލް … މިއަދު ޒުލް މި ދަރިފުޅު އަހަރެންނާ ހަވާލް ކޮށްފަ ތި ދިޔައީ … ބަލާބަލަ … ޒޯ ހީވަނީ ހަމަ ޒުލް ހެން … އަހަރެން ބިރުގަނޭ … ޒުލްގެ މި އަމާނާތަށް އަހަރެންގެ ސަބަބުން ހާނިކައެއް ވެދާނެތީ… އަހަރެންނަށް އިނގޭ އަހަރެން ކައިރީ ނުބުންޏަސް ޒޯ ޒުލްގެ މަތިން ހަނދާން ވާނެ ކަން …” ފާޒިޔާ ދެލޮލުން އައިސް ފައިވާ ކަރުނަތަށް ފޮހެލިއެވެ. އަދި  ޒޯޔާގެ ނިތަށް ބޮސް ދިނުމަށް ފަހު އެމޫނުގައި ފިރުމައި ލިއެވެ. ޒޯޔާއަކީ  އޭނާގެ ކުއްޖަކަށް ނުވިނަަމަވެސް ޒޯޔާދެކެ އޭނާ ވަނީ މަޔަކު ދަރިއަކު ދެކެ ވާ ލޯތްބެވެ. ފާޒިޔާ  ޒޯޔާއާއި ރީނާ ގައިމަތިން ރަޖާ ގަނޑު އަޅައި ދިނުމަށް ފަހު ސިޓިން ރޫމަށް ނިކުމެ ސޯފާގައި އޮށޯތެވެ.

************************************************************************

ދުވަސްތަށް މާޒީ ވަމުންދާ ވަރަކަށް ކޮންމެ މީހެއްގެ ހަޔާތުގެ ސޮފުހާތަކުގައި އާކަންތައްތަކެއް ލިޔެވެމުން ދިޔައެވެ. ރިނާގެ ހަޔާތުގެ ސޮފުހާތަކުގައި ފަޔާޒްގެ ނަން ނުލިޔެވި ދާނެ އެންމެ ދުވަހެއްވެސް ނުދާނެވެ. އަދި އެހެންމެ ޒޯޔާގެ ހިޔާލުތަކުގެ ކަނޑުގައި އަޔާން އާއި އެކު ހޭދަކުރެވުނު ވަގުތުތަށް  ވާޔާވިހިރެމުން  އޭނަގެ މާޒީގެ ސޮފުހާތަކުގައި ފެވެމުން ދިޔައެވެ. ކިތަންމެ ނުވިސްނަށް ހިތްވަރު ކުރިއަސް އެކަން ކުރުން ވަނީ ޒޯޔައަށް ނާދިރު ކަމަކަށްށެވެ.

ޒޯޔާ އާއި ރީނާ  އޮފީހުގައި ވަރަށް ބުރަކޮށް މަސައްކައް ކޮށްފައި ގެއަށް އައި ގޮތަށް ސޯފާއަށް ހަށިގަނޑު ދަމައި ލެވުނެވެ. ޒޯޔާ މި ފަހަކަށް އައިސް ކުޑަ ކަމެއް ކޮށްލިއަސް ވަރުބަލި ވަނީ މާ އަވަހައްށެވެ. ރީނާ ގަތު ޒޯޔާ އެވާހަކަ ބުނުމުން ރީނާ ބުނީ ޒޯޔާ ރަނގަޅައް ނުކާތީ އެހެން ވަނީ ކަމައްވެނައެވެ. ޒޯޔާ އެހެންވެ އެކަމާ އަޅައެއް ނުލައެވެ.

ރީނާ އެއްޗެއްބުނަށް އަނގަ ހުޅުވައިލިތަނާ ޒޯޔާ އަނގަމަތީ އަތް އަޅައިގެން ދުވެފައި ގޮސް ފާހާނައަށް ވަނެވެ. ފާހާނަ ތަށި ކައިރިއަށް ތިރި ވެވުމާއި އެކު ހެޑުލެވެން ފެށިއެވެ. ރީނާ ޒޯޔާ ފަހަތުން ދުވެފައި އައިސް ފާހާނަ ދޮރުމަތީ ފެންފުޅިއެއް ހިފައިގެން ހުއްޓުނެވެ. ޒޯޔާ ކޮޅައް ތެދުވުމާއި އެކު މޫނުމައްޗަަށް އަދިރިވެ ގައިން ވަރުދޫވެގެން ވެއްޓެން ދިޔަވަގުތު ރީނާއަށް ޒޯޔާ ގައިގައި ހިފަހައްޓައި ލައިގެން އެތަނުގައި އިށީދެވުނެވެ. ” މަންމާ … އައިސްބަލަ …މަންމާ…” ބަދިގޭގައި އަވަދިނެތި އުޅުނު ފަޒިޔާ ރީނާ ގޮވާ އަޑަށް އެތަނައް ދުވެފައި ދިޔައެވެ.

•  ޒޯޔާ ހޮސްޕިޓަލަށް ގެނެސް ފަރުވާ ދެމުން ދިޔައިރު ރީނާއާއި ފާޒިޔާ އަވަސް ފަރުވަދޭ ކޮޓަރީގެ ބޭރުގައި މަޑުކޮށްލައިން ތިއްބެވެ. އެދެމީހުންވެސް ތިބީ  އިންތިހާ ދަރަޖައަށް ކަންބޮޑުވެ ހާސްވެފައެވެ. އިރުކޮޅަކުން އަންހެން ޑޮކުޓަރެއް އެކޮޓަރީގެ ދޮރު ހުޅުވާފައި ނިކުތެވެ. ” ޒޯ … އަށް ކިހިނެއްވީ … ޒޯ ރަނގަޅުތަ … ” ރީނާ އަވަސް އަވަހަށް ޑޮކުޓަރ ކައިރިއަށް ގޮސް އަހާލެވުނެވެ. އެވަގުތު ޑޮކުޓަރު ދިން ހަބަރަކުން މުޅި ދުނި އެނބުރި ގަންހެން ފާޒިޔާއަށް ހީވިއެވެ.
  •  – ނުނިމޭ –

މިވާހަކައިގެ ދެންއޮތް އެޕިސޯޑުގެ ލިންކު ކޮމެންޓް ސެކްޝަންގެ ތިރީގައި ވާނެއެވެ.