ކަލާޔާ ނުލާ 1

“ޒޯޔާ…ދަރިފުޅާ ޒޯޔާ … ” ޒުލޭޙާ އޭނާގެ ދަރިފުޅަށް ފަތިސްނަމާދަށް ގޮވިއެވެ. ޒޯޔާ އަވަހަށް ތެދުވެގެން ގޮސް ފެންވަރައިގެން ނިކުމެ ނަމާދު ކޮށްލިއެވެ. ނަމާދު ކޮށް ނިމުމުން މުޞޮށްލަ މޭޒުމަތީ ބާއްވައިފައި މަންމަ ކައިރިއަށް ބަދިގެއަށް ދިއައެވެ. ޒުލޭޙާ އާއި އެކު ރޮށި ފިހެގެން ސައި ބޯން އިށީނެވެ.

ޒޯޔާއަކީ ޒުލޭޙާއަށް ށާއި ފާރޫޤް އަށް ލިބިފައި ހުރި ހަމައެކަނި ދަރިއެވެ. އެ ދެމީހުން ވެސް  ޒޯޔާ ދެކެ ވަނީ އަމަށަކު ލޯތްބެއް ނޫނެވެ. ޒޯޔާއަށް ކުޑަކުޑަ އަނިޔާއެއް ލިބުނަސް އެދެމީހުން ވަރަށް ޙާސްވެއެވެ. ޒޯޔާގެ އާއިލާގައި އިތުރު މީހަކު ނުހުރެއެވެ. ޒޯޔާގެ ދެފަރާތުގެ މާމައާއި ކާފަ ވަނީ ޒޯޔާ އުފަން ވުމުގެ ކުރިން ވެސް ނިޔާވެފަ އެވެ.ޒޯޔާގެ މަންމަ އާއި ބައްޕަ އާއިލާގައި އެދެމީހުން ފިޔަވާ އެއާއިލާގައި އިތުރު ކުއްޖަކު ނުތިބެއެވެ.  ޒޯޔާގެ ބައްޕަ އަކީ ބޯޓު ދަތުރު ކުރާ މީހަކަށް ވާތީ ޒޯޔާމެން ގެ ހަދާފައި ވަނީ ވަރަށް ފެންވަރުގައެވެ. ޒޯޔާއަށް ވަކިން ބޮޑު ކޮޓަރިއެއް ހުންނައިރު އެކޮޓަރި ފަރުމާކޮށް ފައި ވަނީ ރަތާއި ހުދު ކުލައިން ނެވެ.ހުރިހާ ފަރުނީޗަރު ތަށްވެސް ވަނީ ހުދާއި ރަތުން ނެވެ. ކިންގް ސައިޒްގެ ބޮޑު އެދުގައި އޮތް މަޑު ކަފަގަނޑު އޮތީ ރަތް ކުލައިން ނެވެ. ބާލިސް ތަށް ހުރީ ހުދު ކުލައިންނެވެ. ދޮރު ފޮތިތަށް ވެސް ވަނީ ރަތާއި ހުދުން ނެވެ. ޒުލޭޙާއާއި ފާރޫޤްގެ ކޮޓަރި ފިޔަވާ ކުއްޔަށް ދޭން ހަދާފައި ހުރި ދެ ކޮޓަރި ހުއްޓެވެ. ބޮޑު ސިޓިން ރޫމްއަކާއި ބަދިގެއާއި ކާގެ އާއި އެކު އުން ބޮޑު ކޮޓަރި އެއް ވެއެވެ. ގޭފެންޑާއި ބޮޑު އުދޯޔެއްއެލުވާފައި ހުއްޓެވެ. އެ އުދޯލި ހުރީ ޒޯޔާ ކޮޓަރީގެ ކުޑަ ދޮރާއި ދިމާާލަށް ށެވެ. އުދޯލި ގޭގެ ކުރިމަތީ މާގަސް އިންދާފައި އޮތް ބޮޑު  ތަނެއް އޮތެވެ. އެ ތަނާ އުދޯޔާ ދޭތެރޭ ގޭޓާއި ހަމަ އަށް ގާފަތުރާފައި އޮތެވެ. ގޭޓުން ވަންނަތަނާ ހަމައިން އުދޯލިގެއާއި ހަމައަށް ބޮޑު މަސް ފެން ގަނޑެއް އޮތެވެ. އެ މަސްފެން ގަނޑުގައި އެކި ކަހަލަ މަސް އުޅެއެވެ. އެ މަސް ފެން ގަޑުގައި މަދުމަދުން ލޮޓަސް ހެދިފައި ހުރުމުން އިތުރަށް ފުރި ހަމަ ކަމަށް ދައްކައެވެ.

ޒޯޔާ ސައިބޮއިގެން , އަވަހަށް ވަޒީފާއަށް ދާން ތައްޔާރުވިއެވެ. ނޫކުލައިގެ ޖިންސް އަކާއި ރީދޫކުލައިގެ ގަމީހެއްގައި ހުރިއިރު ވަރަށް ރީތްޗެވެ. ޒޯޔާގެ ފަން ރަންކުލައަރާ އިސްތަށިގަނޑުގައި ފުނާ އަޅާލުމަށްފަހު އެފަރާތަށް ގެނެސް އިސްތަށިގަނޑު ދޫކޮށް ގަތާލިއެވެ. އެ އޮމާން މޫނުގައި ފުށްމާގަނޑު ހާކާލިއެވެ. މުށިކުލައިގެ ކަޅި އެއްވާ ބޮޑު ދެލޮލުގެ ދިގު އެސްފިޔަތަކުގައި މަސްކަރަ އަޅާލިއެވެ. މަޑު ފިޔާތޮށި ކުލަގެ ތުންފަތުގައި ލިޕް ގުލޮސް އެއްހާކާލިއެވެ. އެ ރީތި ކަމުގައި ޖެހި އެތަށް ހިތެއް ޒަޙަމް ވާނެކަން ގައިމެވެ.

ތައްޔާރުވެގެން ދަބަސް ހިފައިގެން ނިކުމެ ސްކޫޓަރ އަށް އަރައިގެން ޒޯޔާ ރީނާމެން ގެއަށް ދާން މިސްރާބް ޖެއެވެ. ރީނާއަކީ ޒޯޔާގެ ކުޑައިރުން ފެށިގެންވެސް އެންމެގާތް ރަޚްމަތް ތެރިޔާއެވެ. ރީނާ ވަރަށް ކުޑައިރު ރީނާގެ ބައްޕަ ނިޔާވިއެވެ. ރީނާގެ މަންމަ ފާޒިޔާ އަށް އަޅާލާނެ މީހަކުނެއް ދުވަހު އެ އާއިލާއަށް އެހީތެރިވީ ޒޯޔާގެ މަންމަ އާއި ބައްޕަ އެވެ.  ފާޒިޔާގެ އެދެމައިން ހަރަދު ކުރަނީ ފާރޫޤް އެވެ. ފާޒިޔާވެސް ޒޯޔާ ދެކެނިީ އަމިއްލަ ދަރިއެކޭ އެއްގޮތަށް ށެވެ.

ރީނާ އަކީވެސް ޒޯޔާއެކޭ އެއްވަރަށް ރީތިކަމެއް ލިބިފައިވާ ކުއްޖެކެވެ. ޒޯޔާއާއި ރީނާގެ އިސްކޮޅުން އެއްވަރެވެ. އެހާ ދިގުނޫނަސް ކުރެކޭ ނުބުނެވޭނެވެ. ރީނާގެ ގަސްކުލައިގެފަން ކުރު އިސްތަށިކޮޅެއް އޮވެއެވެ. ރީނާއަކީވެސް ޒޯޔާއެކޭ އެއްފަދައިން ވަރަށް އާދައިގެ ގޮތަކަށް ލޯބިކުރާ ކުއްޖެކެވެ.

ރީނާގެ ގެ ކައިރިއަށް އައިސް ޒޯޔާ ސްކޫޓީ ބަރުގޮނު އަޅުވާލިއެވެ. ރީނާ ދުވަމުން އައިސް ސްކޫޓީ ފަހަތަށް އެރިއެވެ. ފާޒިޔާ ދޮރުމަތީ ނިކުމެ ހުރުމުން ޒޯޔާއާއި ރީނާ ފާޒިޔާއަށް ހަނާ އަޅާލުމަށް ފަހު އޮފީހަދާން މިސްރާބު ޖެހިއެވެ.

އޮފީސް ދޮރުމަތީ ސްކޫޓިީ ބެހެއްޓުމަށް ފަހު ސައިން ވެލަން ދިޔައެވެ. ދެން އެމީހުން ނަށް ހާއްސަކޮން ހުންނަ ކެބިން އަށް ވަދެ މަސައްކަތައިގެން ކުރި އަށް ދިޔައެވެ.

އޮފީހުގެ އެހެން މުއަށްޒަފަކުު އައިސް ރީނާއަށްށާއި ޒޯޔާއަށް ކައުންސިލަރުގެ އިސްވެރިއަކު ގޮވައިލައްވާކަމަށް ބުނުމުން ދެމީހުން މީޓިން ރޫމަށް ގޮސް ވަނެވެ. މީޓިން ރޫމްގައި އެދެކުދިންގެ އިންތިޒާރުގައި އިން އިސްމާއިލް އާދަމް ޒޯޔާމެން ވަނުމުން އިށީނުމަށް އެންގިއެވެ. ޒޯޔާމެން އިށީނުމުން އިސްމާއިލް އޭނާ ދައްކަން އުޅުން ވާހަކަ ފެށިއެވެ.

“މިއަންނަ ބޮޑު ޢީދު މިރަށަށް މާލޭގެ ވަރަށް މަޝްހޫރު ލަވަކިޔުން ތެރިއެއް ގެންނަށް އަޅުގަނޑުމެން ވަނީ ނިއްމާފައި, އަޅުގަނޑު ބޭނުންވަނީ ތިދެކުދިން އެމީހުންނާއި ސަމާލުވާން އަޅުގަނޑަށް ހީވަނީ ދެބޭފުޅުން ހެން ދުރުވަނީ … އެހެން ވީމަ އެމީހުން ތިބޭނެ ތަނަކާއި އެމީހުން ނަށް ކެއުމުގެ ކަންތަން ހަމަޖައްސަން ވާނީ ތި ދެކުދިން .. އަދި ތި ބޭނެ އަޅުގަނޑު ރަށުތެރޭން ނަގާފައިިބި ތިން ފިރިހެން ކުދިން އެކުދިން ކައިރީ ކަމަކު ބޭނުން ވެއްޖެއްޔާ އަންގާލަނި ކިން ކޮށްދޭނެ… ވާނެތޯ ތި ދެކުދިންނަށް މިކަން…”އިސްމާއިލް ދެކުދިންނަށް ބަލައިލީ ޖަވާބު ބޭނުމޭ ބުނާފަދަ ގޮތަކަށް ށެވެ.

” އަޅުގަނޑު މެންގެ މައްސަަލައެއް ނެއް … އަޅުގަނޑުގޭގައި ހުރެވޭނެ .. އަޅުގަނޑުމެންނަށް ކައްކާފައި ކާންވެސް ދެވިދާނެ އެކަމަކު އެމީހުން ކާނެ އެއްޗެއް އިގިއްޖެއްޔާ ވަރަށް ފަސޭހަވާނެ …” ޒޯޔާ ޖަވާބު ދާރީ ވިއެވެ. އިސްމާއިލް އެދެކުދިން އަތަށް ފައިލެއް ހަވާލު ކުރިއެވެ.

ޒޯޔާ ކެބިން އަށް ވަދެ އެފައިލް އަށް ވަލާލިއެވެ. ފައިލް ގައި ބޮޑު އަކުރުން އަޔާން ބިން ޒިޔާދު ލިޔެފައި އޮތެވެ. ޒޯޔާ މަޑުމަޑުން އެނަށް ކިޔައިލިއެވެ. ޒޯޔާ އެފައިލް ހުޅުވާކަށް ނޫޅުނެވެ. އެތަނުގައި ހުރި އެހެން ފައިލް ތަކެއް  ތެރެއަށް ލުމަށް ފަހު މަސައްކަތަގެން ކުރިއަށް ދިޔަ އެވެ.

– ނުނިމޭ –