ލޯތްބަކީ 11

މިހަފްތާ އެއްކޮއް ޝައިރާއިނީ ހަވީރާއި ރޭގަނޑު ޑިއުޓީއެވެ. ޖެހިގެންއައިރޭގަވެސް ޑިއުޓާއަށް ދިޔައިރު ވަކި ހިސާބަކުން ޝައިރާގެ ފަހަތުން މީހަކު އަންނަކަމުގެ އިހުސާސް ޝައިރާއަށް ކުރެވުނެވެ. ފަހަތްބަލާވެސްނުލާ ޝައިރާ ޔަޤީންކުރީ އެއީ ފިހާރައަށް ޖެއްސުންކުރަން އެއަންނަސޮރު މިރޭވެސް ޝައިރާ ބިރުގަންނަވާލަންއަންނަނީކަމަށެވެ. މިސޮރަށް މިރޭ ވަރުގަދަ ލަނޑެއަދޭނަމޭ ހިތާ އެއެނބުރުނު ގޮތަށް އުޑުފައިން އިށީންދެފާ ތަނެއްދޮރެއްނުބަލާ އަވަސްއަވަހަށް ވެލިއުކަންފެށީއެވެ. ހިތްހަމަޖެހޭވަރު ކޮށްނިމުމުން ކާމިޔާބީގެ ހިނިތުންވުމަކާއިއެކު ޝައިރާ އިންތަނުން ތެދުވެ ހިންދެމިލާފަ ބަލާލިއިރު ކަމަކުދާކައްނެތެވެ. އެނުދަންނަ ސޮރުކަމަށް ހީކޮށް އެމީހެއްގެ ބޮލާ، ދެލޮލާއި އަނގަފުރޭވަރަށް މި ވެލިއުކާލެވުނީ ޝައިރާ ވަޒީފާއަދާކުރާ ފިހާރާގެ ބޮޑުމީހާ ނިޒާރުގެއެވެ. ދެން ހަދާނެގޮތެއް ނޭނގިފާ އިސްދަށަށް ޖަހައިގެން ހުރެވުނީ ކުރެވުނު ކުއް ގަބޫލުކުރާހާލުއެވެ.

“އެކޮއި މީކޮންކަމެއް؟ އެކޮއި ބަލީތަ؟ ތިހާ ބަސްއަހާ މަޑުމަޑުން ހުންނަކުއްޖަކު ތިހެން އުޅެންވީގޮތެއް ބޭބެއަކަށް ނުވިސްނުން.” ދެލޯ އުނގުޅަމުން، ބޮލުން ވެލިފޮޅަމުން ނިޒާރު ވާހަކަދެއްކިއެވެ. ނިޒާރަކީ ރުޅިމަޑު ހިތްހެޔޮ މީހެއްކަން އެއީ ޝައިރާގެ ނަސީބުކަންނޭނގެއެވެ. އެހެންނޫންނަމަ އެހާރީތިކޮއް ވާހަކަނުދެއްކީހެވެ. ވަގުތުން ވަޒީފާއިންވެސް ޝައިރާ ވަކިކުރީހެވެ.

“މާފްކުރައްވާ. ރޭގަވެސް އަޅުގަނޑު ފިހާރަޔަށްއައި މަގުމަތީގަ ކުއްޖަކު އަޅުގަނޑު ބިރުގަންނަވާލީ، އެހެންވެ މިރޭވެސް އެކުއްޖާކަމަށް ހީކޮއް އެހެންހެދީ.” ޝައިރާ އެހެންހެދި ސަބަބު ބުނެދިނުމުން ނިޒާރު ބޭނުންވީ ނިޒާރައް ވެވެން އޮތްއެހީތެރިކަމެއް ފޯރުކޮއްދޭށެވެ. އެއީ މިޒަމާނުގާ އެކަނި ދާއަންހެންކުދިންނައް މިއުޅޭ ފިރެހެނުންގެ ދުއްތުރާ ވަރަށް ބޮޑުވާނެތީއެވެ. އެގޮތުން އެކުއްޖަކު ޝައިރާއަށް އެނގޭނަމަ ނިޒާރުގެގާތު ބުނުމަށް އެދުނެވެ. ނިޒާރުކިތަންމެ މުސްކުޅިވެފަ ހުއްޓަސް އޭނައަކީ ރަށު އެންމެންވެސް ގަދަރުކުރާ މީހެއްކަމުން ޝައިރާއަށް އެކުއްޖަކު ބުނެދެން އެނގޭނަމަ މާބޮޑަށްވެސް އެކަމުގައި ނިޒާރު އެހީތެރިވެދެވޭނެއެވެ.

“ނޫން ނުދަންނަން. އެވެދާނެ ރޭގަ އަޅުގަނޑު އެކަނިދާތަން ފެނުނީމާ މަޖަލަކަށް ހަދާފަ ބިރުގަންނަވާލީކަމަށް. އެއީ ރޭގަނޫނީ ނުދެކެން އެކުއްޖާއެއް.” ޝައިރާ ތެދުހާމަކުރަން ފަސްޖެހުނެވެ. ކީއްވެކަމެއް ނޭނގެއެވެ. އެކުއްޖަކު ކޮންމެދުވަހަކު ފިހާރަޔަށް އަންނަވާހަކަ ޝައިރާއެއް ނިޒާރުގަގާތު ބުނާކަށް ބޭނުމެއްނުވިއެވެ. އެކުއްޖާދެން ނައިސްދާނެތީ ކަމަށްވެސް ވެދާނެއެވެ. އެކުއްޖާ ފެނުމުން ހިންހަމަޖެހެނީ ކަމަށްވެސް ވެދާނެއެވެ ނޫނީ އެކުއްޖާއާއި ޖަދަލުކުރަން ޝައިރާއަށް މަޖާވަނީ ކަމައްވެސް ވެދާނެއެވެ. ކިތަންމެ އެއްޗެއް ކިޔަސް ހަޤީޤަތުގާ އެކުއްޖާދެކެ ޝައިރާ ނަފްރަތެއް ނުކުރެއެވެ. އެއީ ކީއްވެކަމެއް ނޭނގެއެވެ. ކޮންމެގޮތެއްވިޔަސް އެކުއްޖަކު އަންނަން ޝައިރާގެ ހިތްއެދެއެވެ. އެއީ ކޮންގެއެއްގެ ކާކުކަން ނޭނގުނަސް ހެޔޮއެވެ.

“އެހެންތަ. އެކަމަކު ދެން އެކުއްޖަކު އެކޮޔަށް އުނދަގުލެއްކުރިޔަސް ނިޒާރުބެ ކައިރިބުނައްޗޭ. ނުބުނެ ހުންނަންޏާ ކަންތައްތައް މާބޮޑަށް ގޯސްވެދާނެ. ނިޒާރުބެ އަސްލު މިއައީ ފިހާރައިން ނޫޑުލީސް ކޭހެއްބަލާ. އެކޮއި ފިހާރަހުޅުވަން ދާތަންފެނިގެން މިއައީވެސް.” ނިޒާރު، ޝައިރާއާއި ވާހަކަދައްކަމުން ފިހާރަޔަށްގޮސް ނޫޑުލީސް ކޭސް ހިފައިގެން ނިކުމެވުނީ އަޔާންގެ ކުރިމައްޗަށެވެ. “އަނހާ އެކޮއި އަޙުމަދު ކަމަކުތަ؟” އަޔާންއަކީ ނިޒާރުގެ އަވައްޓެރި ކުއްޖެއްކެވެ. އަޔާންގެ ގެޔާއި ނިޒާރުގެ ގޯތި ހުންނަނީ ޖެހިޖެހިގެންނެވެ. ނިޒާރަކީ އަވައްޓެރިންނަށްވެސް އެހާމެ ހެޔޮމީހެކެވެ. “މާބޮޑު ކަމަކުނޫން ބޭބޭ. މިފިހާރައިގަ ހުންނަ ކިއްލި މީރުކަމުން މިއައީ ކައިގެން ކިއްލިއެއް ގަންނަން. އެކަމަކު ބޭބެގެ ބޮލުގައި ހާދަހާވެއްޔެއް އެބަހުއްޓޭ. އަނެއްކާ މިރަށަށް ނަގޫރޯޅިއެއް އެރީތަ؟ އެކަމަކު ހިޔެއްނުވޭ ރަށުތެރެއަށް ބަލާލާފައި އެކަހަލަ ކަމެއް ހިނގިހެނެއްވެސް.” އެބުނާހެން މަތިމަތިން ބޯ ފޮޅާލިޔަސް ނިޒާރުގެ ބޯފުރާ ހުރީ ހުސްވެއްޔެވެ.

“ނޫނޭ އެކޮއި ތިޔަކަހަލަ ކަމެއް ނޫންވީއެއް. ބޭބެގެ ފިހާރާގަ މީނަ މަންޖެއާއި ކުއްޖަކު ރޭގަ ދިމާކޮއްލީމަ މިރޭވެސް އެކުއްޖާ ކަމަށް ހީކޮއް އެމަންޖެ ވެލިއުކީ އެކުއްޖާ ފައްސާލަން އެކަމަކު ވެލި މިއުކުނީ ބޭބެގެ ބޮލަށް.” ނިޒާރުގެ ޖަވާބު އަޑުއިވިފައި އަޔާންގެގާތަށްއައީ އަމަށަކު ހިންޏެއްނޫނެވެ. އެކަމަކު އިތުރަށް ނިޒާރުއާއި ވާހަކަނުދައްކަން އަވަސް އަވަހައް ފިހާރަތެރެއައް އަޔާން ދެމިގަތީ ނިޒާރުބެ ވާހަކައެއްގެ ތެރެއިންވިޔަސް އަޔާންގެ ނަމުން މުޚާތަބް ކޮއްފާނެކަމުގެ ބިރަށެވެ. ހަމަގައިމުވެސް އަދިއެއް އެއީ އަޔާންކަން ޝައިރާއަށް އެނގޭކަށް އަޔާން ބޭނުމެއްނުވެއެވެ. ނަސީބަކުން އަޔާންއާއި ވާހަކަދައްކަން މަޑުކުރުމުގެ ބަދަލުގައި ނިޒާރުވެސް މިސްރާބުޖެހީ ގެއާދިމާލަށެވެ.

“އެކުއްޖާ މިހުރީ މަންޖެގެ ކުރިމަތީގާ، ނިކަންދެން ވެލިޖަހާބަލަ. މިމަންޖެ މުސްކުޅިއެއްވެސް ދުލެއްނުކުރެޔޭދޯ. މަށަށް އެނގޭ އެއީ މަށަށްދޭން އުޅުން ލަނޑެއްކަން ހެހެހެހެ….. އެކަމު ކީއްވެޔޯ ނިޒާރުބެކައިރި ނުބުނީ އެއީމަށޭ. ގައިމުވެސް އެއީ މަގޭކަމެއްކަން ބޭބެގެގާތު ނުބުނާކަން މަށަށް ޔަގީން. ބޭބެކައިރި ބުނީމަ މަށަށް ނާދެވޭނެ ކަންއެނގޭތީތަ ނުބުނީ. ސަމްތިންގް ސަމްތިންގް.” އަޔާޔް އެހެންބުނިގޮތުން ޝައިރާ ހީވީ ލަދުންގޮސް ދުވެފިލާފާނެހެންނެވެ. އެކަމަކުވެސް ނޫންކަމަށް ހަދާ ފޯނާކުޅޭންއިނީއެވެ. އަޔާންއަށް ޝައިރާގެ މޫނުމައްޗައް ބަލާލުމުން ޝައިރާއިނީ ލަދުންކަން މާރަނގަޅަށްވެސް އެނގުނެވެ.

“އާހް ހާދަލޯތްބޭ ބްލަޝްވީމަ. މަގޭ ހިތުގެ ހިނގުންވެސް ހީވަނީ ހުއްޓިދާނެހެން.” އަޔާން މޭމަތީގަ ފިރުމާލާފަ އެހެންބުނެލިގޮތުން ޝައިރާހީވީ އަޔާންއަށް ފިލަންވެގެން ލަދުންގޮސް އެހުރިދިމާއިން ބިންފަޅާފަ އަޑިޔައްގޮސް ދާނެހެންނެވެ.

ޝައިރާގެ އަޔާންއަށް ބަލާލާތޯ ޝައިރާގެ އަތުން ފޯނު ޖަހައިގަތެވެ. ދެންއައި މޮޅު ހިޔާލަކުން ޝައިރާގެ ފޯނު ނަންބަރު ހޯދަންކަމަށްހަދާ އަޔާންގެ ފޯނަށް ގުޅާކަމަށް ހަދާލީއެވެ. ހަގީގަތުގައި ޝައިރާގެ ފޯނުނަންބަރު އަޔާންއަށް އެނގެއެވެ. އެކަމަކު އެކަމެއް ޝައިރާއަކަށް ނޭނގޭނެތީވެ ނަންބަރު ހޯދާކަމުގެ އެކްޓިންއެއްކޮއްލީއެވެ. މިހުރިހާކަމެއް ކުރަންދެންވެސް ޝައިރާއަށް އިނދެވުނީ ބަލަހައްޓައިގެންނެވެ. ހީވާގޮތުން ނަންބަރު ދޭންވެގެން ހަމަގަސްތުގާ ކަމެއްނުކޮއް އިނީއެވެ.

“މަށަށް މިއޮތީ މަންޖެގެ ނަންބަރުވެސް ލިބިފާ. އަދި ނަމާ އުޅޭގެޔާވެސް ހޯދާނަން. އަދި މަންޖެ ސެޓުވެސް ކުރާނަން.” އަޔާން އެހެންބުނުމުން ޝައިރާގެ ހިތްތެޅިލީ ކީއްވެކަމެއް ނޭނގެއެވެ. “ތިހާ ބުރަމަސައްކަތެއްނުކޮއް މަގޭކައިރި އަހާބަލަ. މަ ބުނާނަމޭ. އެކަމަކު ތިމީހާގެ ނަންވެސް ބުނަންވާނެ.” މިއޮއްހާއިރު ޝައިރާއިނީ ލަަދުން އަނގައިންބުނަން ނުކެރިފާއެވެ. އެކަމުކުވެސް އެމީހެއްގެ ނަންހޯދަން ހިތްއެދޭންފެށުމުން އެކަންނުކޮށް ކެއްނުވީއެވެ. “އޯކޭ. މަށަށް ކިޔާނީ އަޙްމަދު ޔާން. ގޭގެ ނަމަކީ ބްލެކް ރޯޒް.” ސީދާ ނަންނުބުންޏަސް އަޔާން ދޮގުހަދަން ބޭނުންނުވީއެވެ. ޔާންއަކީ ރައްޓެހިން އަޔާންއަށް ކިޔާނަމެވެ. “ވާއު ޔާން. މީހާޔާއެއްވަރަށް ނަންވެސްއެހާފުރިހަމަ. އެކަމަކުވާ މަށަށް މިވަނީ ކިހިނެއްތަ؟ ތަނަކުން ފިރެހެނެއް ފެންނައިރަށް ހިތުގެ ވިންދު އަވަސްވަން ޖެހޭތަ. ދުވަހަކު ނުފެންނަ އަޔާންއަކަށް ވެސް ހިތްކިޔާނެ އަނެއްކާ އަނެއްކޮޅުން މިގޮތްނޭނގޭ، އިހަކަށްދުވަހު ފެނުން ޔާންއެއް. އަދި އެހާ މިޖާޒު ތަފާތުދެމީހުން. އަޔާންއާއި ދިމާލަށް ކިތަންމެ އެއްޗެއްކިޔަސް އެހާރީތިކޮށް އަޔާން ވާހަކަދައްކަނީ، އެޔާ ޚިލާފަށް މި ޔާން އުޅެނީ މަށާ ޖަދަލުކުރަން. އެކަމަކު މިދެމީހުނަށްވެސް އެބަ މިހިތްކިޔާ. އަޅެ މަގޭ ހަށިގަނޑުގަ ދެހިތް އޮތީތަ؟ ހަމަ ހުވާ މަމޮޔަވެދާނެ” ޝައިރާ ހިތާހިތާކިޔާލިއެވެ. ޝައިރާއަށް ނޭނގިއޮތީ ޔާންއަކީވެސް އަޔާންއަކީވެސް ހަމައެކަކުކަމެވެ.

“އައިމް ޝައިރާ. މަނުބުނަން ފުރިހަމަނަން ބުނެދޭނަމެކޭއެއް އެންޑް ގޭގެނަން ބުނެދޭނަމެކޭވެސް ނުބުނަން.” އަނެއްކާވެސް ޝައިރާގެ އެޖަދަލުވެރި ގޮތްގަނޑު އަލުންފެށީއެވެ. ކުޑަވަގުތު ކޮޅަކަށް ނަމަވެސް ޝައިރާ އެހާފަސޭހައިން އަޔާންބުނާކަމެއް ކޮއްދޭނެކަމަށް ހީކުރެވުނީތީވެސް އަޔާންއަށް އަމިއްލަ ބޮލުގެފުއްކިބާގައި ޖަހާލެވުނެވެ. “މަބުނިންދޯ މަހޯދަނަމޭވެސް.” އަޔާންވެސް އަނގައިންދެރަނުވާން ބުނެލިއެވެ.

މިފަހަކަށް އައިސް ބުނެދެންނޭނގޭ ކިތަންމެ ބަދަލެއް ޝައިރާއަށް އާދެވެ. ރޭގަނޑު 10 ޖަހާއިރު ޑިއުޓީ ނިންމާފަ ގެޔަށް ދެވުންއިރަށް ވައިފައި ޖައްސާލެވުނީ އާދައިގެމަތިންވެސް އަޔާންގެ ހަބަރެއްވިތޯއެވެ. މާޔޫސްކަމާއިއެކީ އެނދުމައްޗައް ފޯނުއެއްލާލެވުނީ އެއްވެސް މެސެޖެއް އައިސްފާނެތުމުން އެކަމާ ވިސްނަންބޭނުންނުވާތީއެވެ. އެކަމަކު އެކަންވެސް ވީ ނާކާމިޔާބެވެ. ކުއްލިއަކަށް އިވުނީ ފޯނަށް މެސެޖެއް އައިއަޑެވެ. ތެޅިތެޅިއޮތް ހިތަކާއިއެކު ފޯނުބަލާލީ އެއީ އަޔާންގެ މެސެޖެއްތޯ ނޫނީ ޔާންގެ މެސެޖެއްތޯ. ދެމީހުންކުރެ ކޮންމެ މީހެއް މެސެޖުކުރިނަމަވެސް އެހިތް އުފަލުން ނަށާނެކަން ގައިމެވެ.

=ނުނިމޭ=