Skip to content
އެސްފިޔަ

އުޖާލާވެގެންދިޔަ ޙަޔާތް (10)

އެތައްޒަމާންތަކަކަށްފަހު އަރީފް މާލެއައީ ދައްތައެއް ކައިވެނިކުރާތީކަމުގައިވިޔަސް ހިތުގައި ފޮރުވިފައިވަނީ ވަރުގަދަ އަޒުމެކެވެ. ދެއެކުވެރިންވެސް ފުރިހަމަ އުންމީދާއެކު އަތުކުރިއޮޅާލީ ނަސީމްއަށާއި ނަސްރީނާއަށް އިންސާފު ހޯދައިދިނުމުގެ ނިޔަތުގައެވެ.

*******

ހަނދު އޭގެ ދައުރު އެންމެ ފުރިހަމަގޮތުގައި އަދާކުރުމަށްފަހު އިރަށް ތަންދެމުން ފަހަތަށް ޖެހިލިއެވެ. އިރުއަރަމުންދިޔައިރު އޭގެ ރަންދޯދިތަކުން ކަނޑުގެ ލޮނުގަނޑު ވިދާބަބުޅަމުންދިޔަ މަންޒަރު ބަލަންހުރި އިރު ރިމްޝާހުރީ އާޝޯޙްވެފައެވެ. ނަމަވެސް ޤުދުރަތުގެ އެފަދަ ރީތި މަންޒަރުތައް ދައްކުވައިދިނުމަށް ކުޅަދުންވަަންތަވެރި ފަރާތުގެ މަތިން އޭނާ ކުޑަކޮންވެސް ހަނދުމަވާހެނެއް ހިއެއްނުވެއެވެ. ހޫނު ކޮފީއެއްބޮމުން ރިމްޝާ އިނީ ގޭގެ ބެލްކަނީގައި އިން ކުޑަގޮނޑިއެއްގައެވެ. އެއެޕާޓްމެންޓްހުރީ ފުދޭވަރަކަށް މަތީ ފަންގިފިލާއެއްގައިކަމުން ބެލްކަނީގައި އިންނައިރު ވަށައިގެންވިމާޙަލު ނުހަނު ރީއްޗަށް ފެންނަމުންދިޔައެވެ. މަޑުމަޑުން ޖެހެމުންދިޔަ ވައިރޯޅިތަކުގެ އިތުރުން ބެލްކަނީގައި ބަހައްޓާފައިހުރި މާގަސްތަކުގެ ސަބަބުން އެތަން ފެންނަމުންދިޔައީ ވަރަށްވެސް ހިތްގައިމުކޮށެވެ. ހުކުރުދުވަސްކަމުން އޮފީހަށްދާން ނުޖެހޭތީ އޭނާ އިނީ ހިސާބަކަށް ހިތްހަމަޖެހިފައެވެ.

” އޭ އަސްލުވެސް މިތަން ހާދަބޮޑޭ. ނަސީބެއްނު އެހެން ތަނެއް ނުހިފުންކަން. މަ މެލޭގަ އުޅޭ ރޫމްގެ ދެގުނަ އެބަހުރި ދޯ މިތާ.” އައިހަމް ކުއްޔަށް ހިފައިގެންއުޅޭ ކޮޓަރީގެ ތެރެޔަށް ވަންނަމުން އަރީފް އެހެންބުނީ ވަށައިގެން ތަންތަން ހޯދަމުންދިޔަ ޙާލުގައެވެ. ވަދެގެންދިޔަގޮތަށްގޮސް އައިހަމް އަތަށް ދަބަސްދެމުން އެތަނަވަސް ކޮޓަރިތެރޭގައިހުރި ކިންގް ސައިޒްގެ ބޮޑު އެނދުމައްޗަށް ވެއްޓިގަތެވެ. ހިނިގަނޑެއްޖަހާލާފައި އައިހަމް ގޮސް ލެޕްޓޮޕް ނަގާފައި އޭގެން ކޮންމެވެސް މަސައްކަތެއްކުރަންފެށިއެވެ. ” އޭ އިއްޔެ ގުޅިއޭ އަރީ ބައްޕަ. އަހަރެންނަށް ކޫލް ބޮސްއެއް އިނގޭ މިހިރީ ލިބިފަ. އަހަރެން އޮފް ހަމަވީމަ ދާވާހަކަ ބުނީމަ ބުނީ އަރީއާ ދެމީހުން މަޖާކޮށްލާފަ ދެމީހުން އެއްކޮށް ދާށޯ.” ކުއްލިޔަކަށް ހަނދާންވި ފަދައަކުން އައިހަމް ބުންޏެވެ. އަރީފްއާއި އައިހަމް މަސައްކަތްކުރަމުންދިޔައީ އަރީފްގެ ބައްޕަ އަނީސްގެ އޮފީހުގައެވެ. ” އޯހޯ. އެހެންވީމަ މަ އަންނައިރަށް ދާންތާދޯ ނިންމައިގެން ތިހުރީ.” އެނދުމަތީގައި އޮވެފައި ކުއްލިއަކަށް ފުންމައިގެން އަންނަމުން އަރީފް ބުންޏެވެ. އަރީފްގެ އަތުގައި އޮތް ބާލީސް ފެނިފައި އައިހަމްވެސް ވަގުތުން ލެޕްޓޮޕް ބައިންދާފައި ދުއްވައިގަތީ އަރީފްގެ ފަރާތުން އަންނާނެ ހަމަލާއިން ފިލުމަށެވެ. އަރީފް ބަލާކަށްނުހުރެ ބާލީސް އައިހަމް އާއި ދިމާއަށް ހޫރާލިއެވެ. އެގޮތުގައި ދެއެކުވެރިންވެސް ސަކަރާތްޖެހުމުގައި އުޅެނިކޮށް މިޝާލްގެ ފޯނުކޯލެއް އައެވެ.

އާދައިގެ ގޮތަކަށްހުރި ކޮޓަރިއެކެވެ. މެންދުރުގެ ހޫނުގަދަ ވަގުތު ހާމަޔަށް އިރުގެ އަލިކަން ލިބެމުންދިޔަ ނަމަވެސް ކުޑަދޮރުގައި ހުރި ދޮރުފޮތިތަކުން ހުރިހާ ދޮރެއް ނިވާކޮށްފައިހުރުމުގެ ސަބަބުން އެކޮޓަރިތެރޭގައިވަނީ ފަނޑު އައްޔެކެވެ. އެނދުގައި އޮށޯވެލައިގެން އޮތް ދެބައިއުމުރުގެ އަންހެނާގެ ނަޒަރު ސީދާވެފައިވަނީ މަޑުމަޑުން އެނބުރެމުންދިޔަ ފަންކަލަށެވެ. އިތުރު އެހެން މަޚްލޫޤެއްގެ ހިލަމެއްވެސް ނުވާ އެގޭގައި އޮތްއިރު އެއަންހެނާގެ ދެލޯ ތެއްމަމުންދިޔައީ ދިޔައީ ހޫނުކަރުނަތިކިތަކުންނެވެ. ދޭތެރެޔަކުން ގިސްލުމުގެ އަޑު އިވެމުންދިޔައެވެ. އެއަންހެނާގެ ހަށިގަނޑު އަނަރޫފަވެފައިވާއިރު ދެލޯވަނީ ވަޅުވަދެފައެވެ. ހިތްދަތިކަމާއި ކުށްވެރިކަމުގެ އިޙްސާސުން އެއަންހެނާ ދިޔައީ ވަށާލެވެމުންނެވެ.

ހުކުރުނަމާދަށް ގޮސްފައި މިޝާލް ގެއަށްއައި އިރު މީޝާމެން އުޅުނީ ކާންހަދާށެވެ. “މިއަދު ހަވީރަށް ރަނގަޅު އެއްޗެއް ތައްޔާރުކުރައްޗޭ. އަހަރެންގެ ދެރައްޓެހިންނަށް އިންވައިޓްކުރިން ހަވީރަށް.” ސިޓިން ރޫމްގައިހުރި ސޯފާގައި އިށީންނަމުން މިޝާލް ބުންޏެވެ. ” އޯކޭ. އޯޑަރ ކުރާނީ ދޯ ކޮންމެސް އެއްޗަކަށް. އޭރުން މާ ރަނގަޅުވާނެ އައި ތިންކް.” މީޝާވެސް އޭނަގެ ހިޔާލުފާޅުކޮށްލިއެވެ. ” އޯކޭވާނެ ތިގޮތްވެސް.” މީޝާގެ ހިޔާލާ އެއްގޮތަށް އެއްބަސްވަމުން މިޝާލްވެސް ކާންދިޔައީ ރިމްޝާ ކާން ހަދާނިންމާފައި ގޮވާލުމުންނެވެ.

ހަވީރުގެ ހިތްގައިމު ވަގުތެވެ. ދުއްވާއެއްޗެހިން ތޮއްޖެހިފައިވާ މަގުމަތީގައި ދެޒުވާނުންވެސް ސައިކަލެއްގައި ދަތުރުފެށިއެވެ. ދިހަވަރަކަށް މިނެޓްގެ ދަތުރަކަށްފަހު އެދެމީހުންގެ މަންޒިލާހަމައަށް ފޯރިއެވެ. މާކަބޮޑު ވިސްނުމެއްނެތި  އެޑްރެސްކިޔާލުމަށްފަހު ކުރިމަތީގައިހުރި އެޕާޓްމެންޓްގެ ބެލްޖަހާލިއެވެ. ގިނައިރު މަޑުކުރާކަށްނުޖެހުނެވެ. ދޮރު ހުޅުވާލައިފިއެވެ. ނަމަވެސް ކުރިމައްޗަށް ބަލާލުމާއެކު ދެޒުވާނުންވެސް ހުރިފިޔަވަޅުމަތީ ގަނޑުވެފައިތިބީ އެސްފިޔަވެސް ޖަހާލަން ނޭންގިފައެވެ.

Comments (11)

  1. Hairaan

    Ehaa ginadhuvas kohfa up kurany ehaa kurukoh

    1. No one
      Hairaan

      Sry dear.. 10 ga upheythy vr bxy ehnve lass vany.. hope u will understand.

    2. No one
      Hairaan

      Ulheythy*

  2. Neih bunaa hitheh

    Vrh reethi mi part ves waiting for next part ?

    1. No one
      Neih bunaa hitheh

      Thankss.

  3. Hoodh

    Vrh reethi story but up kolleveyleh lahee maa

    1. No one
      Hoodh

      Thanks. I will try to upload next part as soon as possible.

  4. Hairaan

    No one …sorry

  5. Ibsha

    Kba part 11

  6. kookie

    hey No One.. alhe koba tha next part.. varah kiyaahithun ey miulheny. keeve tha up nukurany. are u bxy.

  7. starlight vixx

    Hey no one where is story

Comments are closed.