ވަންހަނާ – 03

ކުއްލިއަކަށް އެތާގައި ހުރިމީހާ ރަޔާންގެ އަތުގައި ހިފައިގެން ހިނގައިގަތީ ޖަލާއި ދިމާލަށެވެ. ވަކިހިސާބަކަށް އެރުމުން ރަޔާންގެ ލޮލުގައި އަޅައިގަތީ އެޖަލުތެރެއަށް ލައި ބަންދުކޮއްފައިވާ މީހެކެވެ. ވަކި ހިސާބަކަށް ދެވުމުން އެއީ ކާކުކަން ރަޔާންއަށް އެނގިއްޖެއެވެ. އެއީ ރިވްލާންއެވެ.

****************

ޖަލުތެރޭގައި ރަޔާންއަށް ހުރެވުނީ ބުނާނެއެއްޗެއް ނޭންގިފައެވެ. އެވަގުތު ރިވްލާންހުރީ ރަޔާންއާއި ދިމާލަށް ބަލާށެވެ. އިރުކޮޅަކު ރަޔާންއާއި ދިމާލަށް ބަލަން ހުރެފައި ރިވްލާން އަހާލިއެވެ.  “ކޮންނަމެއް ކިޔަނީ ؟”. ރިވްލާންގެ ސުވާލަށް ޖަވާބުދިނުމުގެ ގޮތުން ރަޔާން އޭނާގެ ފުރިހަމަނަން ބުންޏެވެ. އަދި ރިވްލާންގެ އެދުމުގެމަތިން ރަޔާންއަށް ދިމާވި ހުރިހާ ކަމެއް އަލިފުން ޔާއަށް ކިޔައިދިނެވެ. ރަޔާންގެ ވާހަކަތަށް އަޑުއެހުމަށްފަހު ރިވްލާން ކުރީ އެންމެ ސުވާލެކެވެ. ” ދެން ކޮބާ އެ ޕެންޑްރައިވް؟  ޕެންޑްރައިވް އެބަ އޮތްތަ؟” . ރިވްލާން އެހެން ބުނުމާއިއެކު ރަޔާން އޭނާގެ ޖީބްގައި އަތް ޖައްސާލަމުން ބޮލުގެ އިޝާރާތުން އާންއެކޭ ބުންޏެވެ. އަދި ރިވްލާން އަތްދިއްކޮލަމުން ޕެންޑްރައިވް ދޭށޭ ބުނުމުން ރަޔާންގެ ޖީބުން ޕެންޑްރައިވް ނެގުމަށްފަހު ރިވްލާންއަށް ޕެންޑްރައިވް ހަވާލު ކުރިއެވެ.

ރަޔާން ޕެންޑްރައިވް ހަވާލުކުރުމުން ރިވްލާން އަވަސް އަވަހަށް އޭނާ ލައިގެންހުތި ޖިންސުގެ ފައިކުރި އޮޅާލުމަށްފަހު ފައިކުރި ތެރެއަށް ޕެންޑްރައިވް ލައި ފޮރުވަމުން ބުންޏެވެ. ” މިތަނުން ސަލާމަތްވާން ބޭނުމިއްޔާ، އަހަރެން އަތުގައި ޕެންޑްރައިވް އޮތްވާހަކަ އެކަކު ކައިރިވެސް ނުބުނާތި”. ރަޔާންއަށް އަދިވެސް ހުރެވުނީ ބޮޑު ސުވާލު މާކެއްގެ ތެރޭގައެވެ. ވަމުން މިދަނީ ކޮންކަމެއްކަމެއް އޭނާއަށް އަދިވެސް ނޭންގެއެވެ. އިނގޭހާވެސް އެއްޗަކީ މިތަނުގައި ފޮރުވިފައިވާ އެތަށް ސިއްރުރަކެއް ވާކަމެވެ. މިކުޑަކުޑަ ދިވެހިރާއްޖޭގައިވެސް ވަންހަނާވެފައިވާ އެތަށް ކަމެއް ވާކަމެވެ. ރަޔާން ބޭނުންވީ ވަމުންމިދާ ހުރިހާކަމެއް އޭނާއަށްވެސް އިނގޭށެވެ. އަދި އެހުރިހާކަމެއް ކިޔައިދިނުމަށް ރިވްލާން ކައިރި އެދުނެވެ. ފުންނޭވާއެއް ލުމަށްފަހު ރިވްލާން އޭނާށް ދިމާވިހުރިހާކަމަކާއި އިނގޭ ހުރިހާކަމެއް ރަޔާންއަށް ކިޔައިދެމުން ދިޔައިރު ރަޔާން ދެލޯބޮޑުކޮއްގެން ރިވްލާންގެ ވާހަކަތަށް އަޑުއަހަމުން ދިޔައެވެ.

ރިވްލާންއަކީ މީގެ 1 ހަފްތާކުރިން ވީނުވީއެއް ނޭންގި ގެއްލިފައިވާ، އުމުރުން 35 އަހަރުގެ ލޯޔަރެކެވެ. ރިވްލާންއަށްވެސް ވަނީ ސަރުކާރުން ކުރަން ނިންމާފައިވާ ކަންތައްތަކާއި ކޮއްފައިވާ އެތަށް ކަމެއްގެ މަޢުލޫމާތު ލިބިފައެވެ. އަދި އެމަޢުލޫމާތުތަށް މީޑިޔާ އަށް ހިއްސާކުރުމުގެކުރިން އޭނާވަނީ ހައްޔަރުކޮއް މިފަޅުރަށަށް ގެނެއްސައެވެ. މިރަށުގައި ޤާނޫނާއި ޤަވާއިދާ ހިލާފް އެތަށްކަމެއް ހިނގަމުން ދެއެވެ. އޭގެތެރޭގައި މަސްތުވާތަކޭތީގެ ވިޔަފާރިއާއި މީހުންމެރުމާއި ރާއްޖޭގައި ހިނގާ ކުދިބޮޑު ހުރިހާ ޖަރީމާއެއް ހިމެނެއެވެ. މިރަށަށް އެމީހުން ދީފައިވާ ނަމަކީ އައްޑާއެވެ. އަދި އައްޑާ ހިންގުމާއި ހަވާލުވެގެން ހުންނަނީ އެލެކްސް ކިޔާ މީހެކެވެ. މީނަގެ އަސްލު ނަމާއި އޭނާގެ ހަޤީގަތެއް އެކަކަށްވެސް ނޭންގެއެވެ. އޭނާގެ ދަށުން މިރަށުގައި ސަތޭކައަށްވުރެއްގިނަ ގާޑުން މަސައްކަތް ކުރަމުންދެއެވެ.

ރިވްލާންގެ ވާހަކަ މެދުކެނޑުނީ ކުއްލިއަކަށް ހަރުގޭގެ ދޮރު ހުޅުވުންއަޑަށެވެ. އެވަގުތު ރަޔާން އާއި ރިވްލާން އެދިމަޔަށް ބަލައިލިއިރު ދެގާޑުން ހަރުގެތެރެއަށް ފިރިހެނަކު ގޮވައިގެން ވަދުނެވެ. އެފިރިހެން މީހާގެ އަތުގައިވަނީ ބިޑި އަޅުވާފައެވެ. ރިވްލާންއަށް އެފިރިހެންމީހާ ފެނުމުން ލިބުނީ ކުއްލި ސިހުމެކެވެ. އެއީ އޭނާގެ އެންމެ ގާތް އެކުވެރިޔާ ފައިސަލްއެވެ. ރިވްލާން ހައްޔަރު ކުރުމުގެ ކުރިން ސަރުކާރުތެރޭގައި ހިނގަމުންދާ ހުރިހާކަމެއްގެ މައުލޫމާތު އޭނާވަނީ ފައިސަލްއަށް ހިއްސާކޮއްފައެވެ. އަދި އެވެބްސައިޓްގެ ލިންކުވެސް ރިވްލާންވަނީ ފައިސަލްއަށް ދީފައެވެ. އަދި ރިވްލާންއަށް އެއްވެސް ގޮތެއްވެއްޖެނަމަ ވެބްސައިޓްގައިވާ ހުރިހާ މައުލޫމާތެއް މީޑިޔާއަށް ހަވާލުކުރުމަށް އެދިފައެވެ. ރިވްލާން ކުއްލިއަކަށް ގެއްލުމާއިގުޅިގެން ފައިސަލް ވަނީ އެވެބްސައިޓަށް ވަދެ ވެބްސައިޓްގައިވާ ހުރިހާ މައުލޫމާތެއް ޑައުންލޯޑްކޮށް ޕެންޑްރައިވްއަކަށް ކޮޕީކޮއްފައެވެ. އަދި އެމައުލޫމާތުތަށް މީޑިޔާއަށް ހަވާލުކުރަން ދިޔަމަގުމަތީގައި ފައިސަލްވަނީ ހައްޔަރު ކޮއްފައެވެ.

ފައިސަލްގެ މޫނު ވެގެންދިޔައީ ރަޔާންއަށްވެސް ފެނިފައިވާ މޫނަކަށެވެ. ރަޔާން ރަނގަޅަށް ވިސްނާލިއެވެ. އާންއެވެ. އެއީ ރަޔާންއަށް ފެނިފައިވާ މުނެކެވެ. އެދުވަހު ރަޔާން ކޮލެޖުން ނިންމައިގެން ގެއަށް ދިޔަމަގުމަތީގައި ރަޔާންގެ ގައިގައި އައިސް ޖެހިގަތީ ފައިސަލްއެވެ. އަދި ރަޔާންއަށް މުގުމަތިން ހޮވުނު ޕެމްޑްރައިވްއަކީވެސް ފައިސަލްގެ ޕެންޑްރައިވްއެވެ. ފައިސަލް އެދުވަހު ބިރުގަނެ ހާސްވެފައި ހުރީ ކީއްވެގެންކަށް ރަޔާންއަށް އިނގިއްޖެއެވެ.

ދެގާޑުންއައިސް ޖަލުކުރިމައްޗަށް އެރުމަށްފަހު ފައިސަލްގެ އަތުގައި އަޅުވާފައިވާ ބިޑި ނައްޓާލިއެވެ. އަދި ފައިސަލް ޖަލަށް ލުމަށްފަހުދެގާޑުންވެސް ހަރުގެތެރެއިން ނުކުތެވެ. ފައިސަލް ފެނުމުން ރިވްލާންއަށް ލިބުނު އިފަލެއްގެ ބޮޑުކަމުން ފައިސަލް ގައިގައި ބައްދައިގަނެވުނެވެ. އެއަށްފަހު ރިވްލާން ފައިސަލްއާއި ސުވާލެއް ކޮއްލިއެވެ. ” ޕްރޮޖެކްޓް އެކްސް އަކީ ކޯޗެއްކަން އިނގިއްޖެތަ؟” . ރިވްލާން ކުރި ސުވާލުގެ ޖަވާބުގައި ފައިސަލް ބުންޏެވެ. ” އާން.. ވަރަށް ރަނގަޅަށް އިނގިއްޖެ.. އަދި މިކަންތަށް ނުހުއްޓުވިއްޖެއްޔާ ކުރިއަށް އޮތް 20 އަހަރުތެރޭގައި ރާއްޖޭގައި ދިރިއުޅޭނީ ، ރާއްޖޭގެ މިހާރުގެ އާބާދީގެ ދެބައިކުޅާ އެއްބައި..”

ފައިސަލްގެ ވާހަކަ މެދުކެނޑުނީ ކުއްލިއަކަށް ހަރުގޭގެ ދޮރު ހުޅުވުންއަޑަށެވެ. އެވަގުތު ބޮޑު ގުރޫޕެއް ހަރުގެތެރެއަށް ވަދެގެން ޖަލާއި ދިމާލަށް އަންނަތަން ފެނުނެވެ. ގުރޫޕްގެ އެންމެ ކުރީގައިހުރީ އޮފީސް ސޫޓްގައި ހުރި ފިރިހެނެކެވެ. އޭނާ ހުރީ ހުދުކުލައިގެ ޕްލާސްޓިކް މާސްކެއް އަޅާފައެވެ. އެމާސްކުގައި ކަޅުކުލައިގެ މަތިމަހަކާއި ތުނބުޅިއެއް ކުރަހާފައިވާއިރު މާސްކުން ފެނިގެންދަނީ ނުލަފާ ހިނިތުންވުމެކެވެ. އެއީ އެލެކްސް އެވެ. އޭނާގެ ފަހަތުން ކަޅުކުލައިގެ ފޮތިމާސްކު އަޅާފައިތިބި ދިހަވަރަކަށް ގާޑުން އައެވެ.

އެލެކްސް އައިގޮތަށް އައިސް ޖަލުގެ ކުރިމައްޗަށް އެރިއިރު އޭނަގެ ގާޑުންތަށް އޭނަގެ ފަހަތުގައި ތިއްބެވެ. އެލެކްސް ޖަލު ކުރިމައްޗަށް އެރުމަށްފަހު ރަޔާންމެންނާއި ދިމާލަށް ބަލަންހުރެފައި ކުއްލިއަކަށް ބޯ އަރިކޮއްލުމަށްފަހު ނުލަފާގޮތަކަށް “ހެލޯ ގާއިސް” އޭ  ބުންޏެވެ.

****************

ތިންވަނަ އެޕިސޯޑް ނިމުނީ

****************