އެހެނަސް…(8)

“ހެެއި..” މަލާކް ސިއްސައިގެން ދިޔައީ އަލޫކް އައިސް ގޮވާލުމުންނެވެ. ދާދި ގާތުގައި އަލޫކް ހުއްޓިލުމުން މަލާކް ގެ ހިތްތެޅިގަތެވެ. ދުވި މީރު ސެންޓުވަހުން މަލާކްގެ ސިކުނޑި ތާޒާވެގެން ދިޔައެވެ. “އަނެއްފަރާތަށް އެނބުރިބަލަ!” އަލޫކްގެ އެނުސީދާ އަމުރާއެކު މަލާކް އަނެއްފަރާތަށް އެބުރުނެވެ. އަލޫކްގެ އެދުމުގެ މަތިން އިސްތަށިގަނޑު އެއްފަރާތް ކޮށްލިއިރު އޭނާގެ ހިތް ހީވަނީ މޭފަޅާފައި ނުކުންނަން އުޅޭ ހެންނެވެ.

“އޯން..އަލޫކް..ވަރަށް ލޯބި…” މަލާކްގެ ކަރުގައި އަލޫކް އަޅުވައިދިނީ ރިހި ކުލައިގެ ރީތި “ލޮކެޓް” އެކެވެ. އޭގެ ފުލުގައި އިން ހިތް ހުޅުވާލިއިރު އޭގެ ތެރޭގައި ވަނީ ލިޔުންކޮޅެކެވެ.

“އައި ލަވް ޔޫ…” އަލޫކްގެ ދުލުން ނުކުތީ އެތިން ލަފްޒެވެ. “އެންޑް އަދި އެބޮތް އެއް ގިފްޓް، އޭގެ ފަހުގަ ވީކޭން ކޯލް އިޓް އަ ނައިޓް، އޯކޭ؟” މަލާކް ގާތުގައި ޕިޔާނޯ ކުޅޭ ގޮނޑީގައި އިށީނުމަށް ބުނުމަށްފަހު އަލޫކްވެސް އޭނާއާއި ޖެހިގެން އިށީނދެލިއެވެ.

“ބޭބީ އައެމް ޑާންސިންގް އިންދަ ޑާރކް، ވިތް ޔޫ ބިޓްވީން މަައި އާރމްސް.. ބެއަރފުޓް އޮން ދަ ގްރާސް، ލިސެނިންްގް ޓު އަވަރ ފޭވަރިޓް ސޯންގް، ވެން އައި ސޯ ޔޫ އިންދަ ޑްރެސް ލުކިންގް ސޯ ބިއުޓިފުލް އައި ޑޯންޓް ޑިޒާރވް ދިސް، ޔޫ ލުކް ޕާރފެކްޓް، ޓުނައިޓް….
އައި ހޭވް ފައިތް އިން ވަޓް އައިސީ، ނައު އައި ނޯ އައި ހޭވް މެޓް އޭން އޭންޖަލް އިން ޕާރސަން، ޝީ ލުކްސް ޕާރފެކްޓް، އައި ޑޯންޓް ޑިޒާރވް ދިސް، ޔޫ ލުކް ޕާރފެކްޓް..”
އަލޫކް ޕިޔާނޯ ކުޅެމުން ‘އެޑް ޝީރަން’ގެ ‘ޕާރފެކްޓް’ ލަވައިން ތަންކޮޅެއްކިޔާ ނިމުނު އިރު މަލާކް އިނީ ލަދުންގޮސް ހަލާކުވެފައެވެ. “ހައު ވޯޒް އިޓް؟ ރީތިތަ؟” ލަދުން އިން ވަރުން މަލާކްއަކަށް އަނގައިންނެއް ނުބުނެވުނެވެ. އޭނާ ހިނިތުންވެލާފައި ހަމައެކަނި ބޯ ޖަހާލީއެވެ.

އެންމެ މިނެޓެއްވެސް ލަސްނުކޮށް އަލޫކް، މަލާކް ލައިދޭން ދިޔައެވެ. ދަންވަމުން ދާތީއާއިވެސް އެކުގައެވެ.

މަލާކް ކާރުންފައިބުމިގެ ކުރިން އަލޫކް ސުވާލުކޮށްލިއެވެ. “ހައު ވޯޒް ޓުނައިޓް؟” “ޓު ބީ އޮނެސްޓް، އަންއެކްސްޕެކްޓެޑްލީ އެމޭޒިންގް! ތޭންކްސް ފޯރ އެވެރިތިން..ބާއި…ސީ ޔޫ..” “ސީޔޫ ޓޫ..”

މަލާކް މަޑުމަޑުން ދޮރުހުޅުވާލިއެވެ. ދޮރުހުޅުވި އޭނާގެ ތަޅުދަނޑިން އެތެރެއިން ތަޅުލުމަށްފަހު އިނގިލި ކުރި ޖައްސަމުން ހިނގާފައި ގޮސް އޭނާގެ ކޮޓަރި ދޮރު ހުޅުވާހުޅުވާ ހުއްޓައި ނުހާ ކޮޓަރިން ބޭރަށް ނުކުތެވެ. އަދި ލާނެތް ފާޑަކަށް ބަލަހައްޓައިގެން ހުއްޓެވެ. “ކީއްވީ؟ވަޓް ނުހާ؟” “އަހަހަ…ސޯ..ޕްރޮޕޯޒް ކުރީތަ؟؟؟؟!” “ޔެސް…” “އޯއެމްޖީ މަލާ!!! ޔޫ ގާއިސް އާރ ނައު ޑޭޓީންގް؟؟؟ އަންބިލީވެބަލް!! އޯން..އައެމް ސޯ ހެޕީ ފޮރ ޔޫ!!!” ނުހާ ހީވަނީ ގަޔަށް ހިނިއަރައިގެން އުޅޭ ހެންނެވެ. ނުހާ ކުރުނުކޮށް ކިޔަންފެށުމުން މަލާކް ޚުލާސާކޮން ކަންތައްވީ ގޮތް ކިޔައިދިނުމަށްފަހު ދެމީހުންވެސް އެމީހެއްގެ ކޮޓަރިއަށް ވަނެވެ.

މެސެޖެއް އައުމުން މަލާކް ފޯނުބަލާލިއެވެ. އެތުންފަތުގައި ލުއި ހިނިތުންވުމެއް ދުވެލިއެވެ. އަލޫކް ގެ މެސެޖެކެވެ. “ގުޑްނައިޓް ލަވް…” މެސެޖުގައި އޮތީ އެހެންނެވެ. މަލާކްވެސް ރިޕްލައިކޮށްލުމަށްފަހު ގޮސް ހެދުން ބަދަލުކޮށް ނިދަން ތައްޔާރުވެލިއެވެ. އަދި އޮށޯވެލަމުން ގަޑި ބަލާލިއިރު އެއްގަޑިބައިވެ ބޮޑުވެއްޖެއެވެ.

އެތައްއިރަކު ފުރޮޅި ފުރޮޅި އޮތުމަށްފަހުވެސް މަލާކްގެ ލޮލަށް ނިދި އަންނަ ގޮތެއް ނުވިއެވެ. އެންމެފަހުން ފޯނުނެގުމަށްފަހު ހާވަންފެށިއެވެ. ފޭސްބުކްއާއި ސްނެޕްޗެޓްހާވާލުމަށްފަހު، އިންސްޓަގްރާމްގެ ބަޔޯގައި ޕްރޮޕޯޒްކުރި ޑޭޓްލިޔެލިއެވެ. އަދި އަލޫކްދިން ފިނިފެންމަލުގެ ފޮޓޯއެއް ޕޯސްޓްކޮށްލިއެވެ. އިންސްޓަގްރާމުން އަލޫކްގެ ޕްރައިވެޓް އެކައުންޓް ފެނޭތޯ އަތްފުނާއެޅުމަށްފަހު މާދަން އަލޫކް ގާތުގައި އަހަން ނިންމުމަށްފަހު ފޯނު ބާއްވާލިއެވެ. އަދި އަނެއްކާވެސް ނިދޭތޯ މަސައްކަތް ކުރިއެވެ.

އަލޫކްގެ ހާލަކީވެސް އެއީއެވެ. ދެލޮލަށް ނިދި ނައިސް ވިސްނުމުގައި އޮތީއެވެ. މަލާކް އުފާވެފައި ހުރުމުން އޭނާގެ ހިތްވެސް އުފަލުން ފޮޅިދެއެވެ. ބަޔާންކުރަންދަތި ހިތްހަމަޖެހުމެއްލިބެއެވެ. އޭނާގެ ޙަޤީޤަތްވެސް ކިޔައިދޭން ބޭނުންވެއެވެ. ނަމަވެސް އެދުހުކުން މަލާކް ކިހާ ދެރަވާނެހެއްޔެވެ؟ މަލާކް ހިތަށް އަރާނީ ކީކޭބާއެވެ؟ އޭނާ ދޫކޮށްލާފައިދާނީބާއެވެ؟

ނިދެމުން ދިޔަ މަލާކަށް ސިއްސައިގެންގޮސް ހޭލެވުނެވެ. އެއްޗެއް ހަނދާންވެގެނެވެ. އަލޫކްގެ ކޮޓަރި ޑަސްބިނުން ފެނުނު އެއްޗިއްސެވެ. އެރޭ ސިޑިގޮޅިކައިރިން އަލޫކްފެނުނު ޙާލަތެވެ. ވިލާދާގެ އޮފީހުން އަލޫކް ނުކުމެގެންއައި އިރު ހުރި މާޔޫސީ ގޮތެވެ. ވިލާދާގެ ލެޕްޓޮޕްގެ ވޯލްޕޭޕަރެވެ. މިހުރިހާ ކަމަކުން މަލާކްގެ ސިކުނޑީގައިބޮޑު ހައިޖާނުގަނޑެއް އުފައްދަމުން ދިޔައެވެ. އަލޫކްއަކީ ހަމަ އެކަހަލަ މީހެއްހެއްޔެވެ؟ އޭނާއަށް އެހެންދިމާވީ ކީއްވެހެއްޔެވެ؟ އަނެއްކާ ވިލާދާއާއި އަލޫކްއާ އެއްވެސް ގުޅުމެއް އޮންނަނީ ބާއެވެ؟

“ތިކަން ތިކުރަނީ ބައްޕައާއި އޭނަޔާ ވެގެންނެއްނުންތޯ..؟ އެހެންވީމަ އަޅުގަނޑަށް ފެންނަ އެންމެ ރަނގަޅުގޮތަކީ ތިކަމުގެ ތެރެއަށް އަޅުގަނޑު ނުވަދެ ހުރުން…އޭނާ ހިތްހަމައެއް ނުޖެހޭނެ…ދެން..މިވަގުތުގޮސްލީ!” ޑީންގެ އޮފީހުން ނުކުންނަށް އަލޫކް ހިނގައިގަތެވެ. “ދަރިފުޅު ކޮންއިރަކުންތަ ‘އޭނަ’ ކިޔުން ހުއްޓާނީ؟ ބަލަ އެއީ އަލޫކްގެ މަންމަ_” “އެއީ އަހަރެންގެ މަަންމައެއްނޫން…ސޮރީ ޑޭޑް! އައި ގޮޓަ ގޯ..އައި ހޭވް އަ މީޓީންގް!” ޑީން ބުނަންއުޅުނު އެއްޗެއް ފުރިހަމަ ނުވަނީސް އަލޫކް އެހެން ބުނުމަށްފަހު އޮފީހުން ނުކުމެގެންދިޔައެވެ. އޭނާ އެއަންހެންމީހާއަކަށް ދުވަހަކުވެސް މަންމައެއް ނުކިޔާނެއެވެ. ކިތަންމެ ވަރެއްވިޔަސް ހެވެއެވެ. އެއަންހެންމީހާއާއި ދިމާލަށް ރުހުމުގެ ލޮލަކުން ބަލާނީވެސް ކިހިނެއްހެއްޔެވެ؟ އެވަރު އަންހެނަކަށް އޭނާ މަންމަގެ މަޤާމްދޭނީ ކިހިނަކުންހެއްޔެވެ؟

ކާރަށް އެރުމަށްފަހު އަލޫކް މަލާކްގެ ނަންބަރަށް ގުޅާލިއެވެ. ދެފަހަރަކު ފޯނު ރިންގުވިފަހުން މަލާކް ފޯނު ނެގިއެވެ. “ހެއި..އައެމް ކަމިން ޓު ގެޓް ޔޫ…ރެޑީ ވެގެން ފައިބޭ!” މަލާކަށް އިތުރު އެއްޗެކޭ ނުބުނެވެނީހެން އަލޫކް ފޯނު ކަނޑާލިއެވެ. އޭނާގެ ހުރިހާވެސް އެއްޗަކީ މަލާކެވެ. މަލާކްނެތިއްޔާ އޭނާ ނޭވާލާނީ ކިހިނެއްހެއްޔެވެ؟ އެއީ އޭނާގެ އުފަލެވެ. އުންމީދެވެ. ވިންދެވެ. އަމިއްލަ ނަފްސަށްވުރެވެސް ބޮޑަށް އޭނާ މަލާކަށް އިތުބާރުކުރެއެވެ. އޭނާ މިކަމުން ސަލާމަތްކޮށްދެވޭނެ ހަމައެކަނި މީހަކީ އެއަންހެންކުއްޖާއެވެ. ހަމަ ޙަޤީޤަތުގައިވެސް މަލާކަށް އެކަން ވެދާނެ ހެއްޔެވެ؟ އެކަން އިނގޭ ދުހުކުން މަލާކް އަލޫކް ދޫކޮށް ދާނީ ބާއެވެ؟ ރުޅިއަންނާނެބާއެވެ؟ ފޫހިވާނީ ބާއެވެ؟

-ނުނިމޭ-