“ކޮންމެ މީހަކު ދިނަސް ތީތި ކަނޑާބަލަ ކާ އެއްޗެއް ހުރިތޯ ބަލަން.” ޒޯ ސަމާސާ ރާގަކަށް ބުނެލިއެވެ. އެ ވާހަކައަށް އަފާފް ކުޑަކޮށް ހީލަމުން އެ ކޮތަޅުގެ ތެރޭގައި އޮތް ޕާރުސަލް ނަގައި ކަނޑަން ފެށިއެވެ. އޭގެ ބޭރުގައިވި ގަނޑު ނައްޓާލުމަށްފަހު އެ ފޮށި ހުޅުވާލުމާއެކުހެން އަފާފް ހުއްޓުން އަރާ ގޮތްވިއެވެ. ފޮށީގެ ތެރެއިން ފެނުނީ އަންހެނަކާއި ފިރިހެނަކު އެކަކު އަނެކަކަށް ބަލަހައްޓައިގެން ހެވިފައި ތިބި މަންޒަރުގެ ފޮޓޯއެއް ބޭރުގައި ޖަހާފައިވި އަލްބަމެކެވެ. އާދައިގެ މަތިން އަފާފަށް ފިރިހެން މީހާއަށް ބެލުމެއްނެތި އޭގައި ހުރި އަންހެން ކުއްޖާއަށް ބެލުނެވެ. އެއާއެކު އެއީ އޭނަކަން އެނގުންވުމުން އަފާފްގެ މެއަށް ގޮތެއްވިއެވެ. އެކުއްޖާ ލައިގެން ހުރި ޝިފޯން ފޮތީގެ ހެދުން ފެނިފައި އެއީ ހަމަ އޭނަކަން ޔަޤީންވިއެވެ. އޭނަ އެ ހެދުމުގައި އެފަދަ ގޮތަކަށް ހުންނާނީ ކާކާ އެކީކަން އެނގުންވުމުން އޭނައަށް ކެތްމަދުވެގެން ދިޔަ ހިތަކާއެކީ ދެން ހުރި ސޫރައަށް ބަލާލެވުނެވެ. އެއާއެކު ހިނދުކޮޅަކަށް ނަމަވެސް އަފާފްގެ ހިތް ހުއްޓުމަކަށް އައެވެ.
“ޝަރަފް…” އަފާފަށް އެ ނަން ކިޔާލެވުނީ ވައި އަޑުންނެވެ. އޭނައަށް ފުރިހަމަ ހިނިތުންވުމެއް ދީގެން ކަޅުކުލައިގެ ކޯޓު ފަޓުލޫނުގައި ހުރި އެ ޒުވާނާއަކީ ކާކުކަން އެނގުމުން އަފާފަށް އެ ޒުވާނާގެ މޫނާއި ދިމާލުން ފޮޓޯގައި އަތް އަޅާލެވުނެވެ. އެ ހިނދު ކުއްލިއަކަށް އޭނަ ޝަރަފާއި އެކީ ހޭދަކުރި ހުރިހާ ވަގުތުތަކުގެ ހަނދާންތައް ދުވަހަކުވެސް ސާފުނުވާ ވަރަށް އަފާފަށް ސާފުވެގެން ދިޔަދިޔަހެން އަފާފްގެ މޫނުމައްޗަށް ހިތާމަވެރި ހިނިތުންވުމެއް ވެރިވިއެވެ. ޝަރަފަކީ އޭނަ ހީކުރި ވަރަށްވުރެ ވެސް ރީތި ސޫރައެއްގެ ވެރިއެކޭ ހިތް ބުނި ހިނދު އަފާފަށް ހީލެވުނެވެ. އޭނަގެ ސޫރައާމެދު ސުވާލުކުރާ ކޮންމެ ފަހަރަކުހެން ޝަރަފް ދިން ސަމާސާވެރި ޖަވާބުތައް ހަނދާންވެފައެވެ. އަފާފަށް ކުއްލިއަކަށް އެ އަލްބަމް ހުޅުވާލެވުނީ އުފާވެރިކަމުން ފުރިގެން ދިޔަ ހިތަކާއެކީގައެވެ. އަލްބަމްގެ ތެރެއިން ފެންނަން ފެށި ފޮޓޯތަކުން އެ އުފާވެރިކަން އެތައް ގުނައަކަށް އިތުރުވާން ފެށިއެވެ. ކައިވެނީގެ ރޭ ނެގުނު ފޮޓޯތައް ބަލަން ވެސް އަފާފަށް އިނދެވުނީ ހިނިތުންވުމެއްގައެވެ. ގިނަ ފޮޓޯތަކުން އޭނަ ނުބެލިޔަސް ޝަރަފް އޭނައަށް ލޯތްބާއެކީ ބަލަހައްޓައިގެން ހުރި މަންޒަރު ފެނިފައި އަފާފްގެ ހިތް ލޯބިން ފުރިގެންއައެވެ. އެއިން ވެސް ދޭހަކުރެވެނީ ޝަރަފް އޭނަދެކެ ވީ އިޚްލާޞްތެރި ލޯބިކަން އަފާފަށް އެނގުންވިއެވެ. ކައިވެނީގެ ފޮޓޯތަކަށްފަހު ވެސް އެކި ދުވަސް މަތިން އެމީހުން އެކީގައި ހޭދަކުރި ވަގުތުތަކުގެ ފޮޓޯތައް ހުއްޓެވެ. އެއީ ގިނަފަހަރު ޝަބާ އެގެއަށް ގޮސް ނަގާ ފޮޓޯތަކެވެ. ޝަރަފް މިހިރީ އެ ފޮޓޯތައް ވެސް ނަގައި ރައްކާކޮށްފައިތާއޭ އަފާފްގެ ހިތަށްއެރިއެވެ.
އަލްބަމްގެ ފޮޓޯތަކަށް ގެއްލިފައި އިނދެ ގަނޑުތައް ހިއްލަމުން ދަނިކޮށް ހުސްގަނޑުތައް ފެންނަން ފެށުމުން އަފާފްގެ ހިތުގައި ޝަކުވާއެއް އުފެދުނެވެ. އޭނަ އެއްޗެކޭ ބުނަން އުޅުނުތަނާހެން ދެން ޖެހިގެން އައި ގަނޑުގައި ހަރުކުރެވިފައިވި ނޫކުލައިގެ ގަނޑުކޮޅެއް އަފާފަށް ފެނުނެވެ. އޭގައި އިނގިރޭސި ބަހުން ލިޔެވިފައިވި އެއްޗެއް އަފާފަށް ކިޔާލެވުނެވެ.
“=ޕިކްޗާރސް އޮފް ބޭބީ އަފޫ ކަމިންގް ސޫން=
ޑެޑީ ކާންޓް ވެއިޓް ޓު ހޯލްޑް ޔޫ. ޑެޑީ ލަވްސް ޔޫ އެންޑް މޮމީ ލޯޑްސް!” ޝަރަފް ލިޔެފައިވި ބަސްތައް ކިޔާފައި އަފާފްގެ ދެލޯ ކަރުނުން ފުސްވިއެވެ. އެ ކަރުނަތަކުގެ ތެރެއިން ކަރުނައެއް ގޮސް އެ ގަނޑުކޮޅުގައި ޖެހި ދެލި ފޭދިގެން ދިޔައެވެ. އެ ހިނދު ގިސްލެވެން ފެށި އަފާފަށް އެކަން ފާހަގައެއްވެސް ނުވިއެވެ. އެތައް ދުވަހެއް ފަހުން ޝަރަފްގެ ޚަބަރެއް ލިބުމުން އުފާވީ ހިނދު ޝަރަފް އަދިވެސް ވީ އޭނައާއި ކިހާ ދުރުގައި ކަން އެނގުންވުމުން ދެރަވީ މިންވަރުންނެވެ. އަފާފަށް ބަލަން އިން ޒޯ ކެތްނުކުރެވިގެން އަފާފްގެ ކޮނޑުމަތީގައި އެއްއަތް އަޅާލަމުން ވާހަކަ ދެއްކިއެވެ.
“ހުއްޓާލާ އަފޫ…..އިން ޝާ ﷲ ޝަރަފް ވަރަށް އަވަހަށް އަންނާނެ އަފޫއާ ބޭބީ ކައިރިއަށް. އެހެންވެ އަހަރެން މި ބުނަނީ އެހާ ބުރަކޮށް ނޫޅެ ކައިގެން ބޭސްކައިގެން އުޅޭށޭ. އޭރުންނެއްނު ޝަރަފް އަންނައިރު ބޭބީވެސް ރަނގަޅު ޞިއްޙަތެއްގަ އޮންނާނީ؟” ޒޯ އޭނަ މި ހުރިހާ ދުވަހު ފޮރުވަން އުޅުނު ޙަޤީޤަތްތަކުގެ ބައެއް ފާޅުކުރެވުނީ އެއީ ޝަރަފް ވެސް ބޭނުންވާ ގޮތްހެން ހީވުމުންނެވެ. އެ ވާހަކަ ނިމުނު ހިނދު އެ ދެކެވުނު ވާހަކަތަކާމެދު ހިތާމަ ކުރެވުނީ އެއްވެސް ކަމެއް އަފާފަށް ހާމަ ނުކުރަން ޝިނާޒް އޭނައަށް ހަނދާން ކޮށްދީފައިވި މިންވަރުންނެވެ. އެކަމުގެ ސީރިއަސްކަން އެނގުންވުމުން ޒޯ އޭނަގެ ވާހަކަ ބަދަލުކުރަން އުޅުނެވެ. އެހެނަސް އޭގެ ކުރިން ކަރުނަތައް ފޮހެމުން އަފާފް ވާހަކަ ދެއްކިއެވެ.
“އޭނަ ކޮބައިތަ؟! ޒޯއަށް އެނގޭތަ؟” އަފާފަށް އަވަސްއަވަހަށް އެހެން އަހާލެވުނީ ރޮވިފައިވާ އަޑަކުންނެވެ. ޒޯ ހިނދުކޮޅަކަށް ވިސްނުމަށްފަހު ޖަވާބުދިނެވެ.
“ޒޯއަށް އެނގޭ. އެކަމަކު ޝަރަފް ހުރީ ކޮންތާކުކަން އަދި ބުނެދެވޭކަށް ނެތް. އޭނަ ހުރީ ސައްޙަ ސަލާމަތުން. މި ހުރިހާ ދުވަހު އަހަރެން ދިން ލާރިއަކީ ވެސް އޭނަ ފޮނުވި ލާރި. މި ހަދިޔާއަކީ ވެސް އޭނަ ފޮނުވި ހަދިޔާއެއް. ހެހެ…..މިހިރީއެއްނު އަފޫއަށް އެންމެ މީރު ވައްތަރުގެ ޗޮކްލެޓާއި ކޭކުވެސް އަޅާފަ؟ އޭނަ ވަރަށް ހަނދާންވޭ އަފޫ މަތިން. ވަރަށް ކަންބޮޑުވޭ އަފޫއަށް ތި ޙާލަތުގަ ކަމެއް ދިމާވެދާނެތީ……އޭނައަށްޓަކައި ދުޢާ ކުރޭ އަފޫ. އޭނަ އުޅެނީ ވަރަށް ބޮޑު ކަމެއްގެ ތެރޭގަ. އަފޫއަށް ނާންގާ ގޮއްސަ އެ ހުންނަނީ އަފޫއަށް ވެސް ރަނގަޅަކަށް. މި ހުރިހާ ކަމެއް މިވަގުތު ދޭހަ ނުކުރެވުނަސް އަދި ފަހުން ކުރެވޭނެ އިން ޝާ ﷲ. މި ވަގުތަކީ ޝަރަފަށްޓަކައި އަމިއްލަ ނަފްސަށާއި ދަރިފުޅަށް ބަލައިގެން އުޅުން. އަދި ހުރިހާ ކަމެއް ރަނގަޅުވާނެ ގޮތެއް ހައްދަވައިދެއްވުމަށް އެދި ދުޢާކުރުން.” ޒޯ ބުނެލިއެވެ. އޭނަ ދެއްކި ވާހަކަތަކާމެދު އަފާފަށް ވިސްނުނެވެ. ޒޯ ނުބުންޏަސް ޝަރަފް ވަނީ ބޮޑު ކަމެއްގެ ތެރޭގައޭ ބުނުމުން އަފާފް ވަގުތުން ހަނދާނަށް އައީ ޝަރަފް އަޅަން ފެށި ރިސޯޓެވެ. ޝަރަފް އޭނައާއި ދުރުގައި ހުންނަންވީ ސަބަބަކާމެދު ވިސްނާލުމުން އަފާފްގެ ލޮލަށް ވަގުތުން ސިފަވެގެން ދިޔައީ ވިޔާމާއި ރަމީޒްގެ ސޫރައެވެ. ޝަރަފް އޭނައާއި ދުރުގައި ހުރީ އެމީހުން ކުރި ކަމެއްގެ ސަބަބުންތޯ އަފާފްގެ ހިތް ސުވާލުކުރިއެވެ. އެކަމާމެދު އަފާފަށް ބޭއިޚްތިޔާރުގައި ސުވާލުކުރެވުނެވެ. އެހެނަސް ޒޯ އޭނަ އާދޭސްކުރުމުން ވެސް އިތުރު ޖަވާބެއް ނުދިނެވެ. އެހެންކަމުން އަފާފް އިތުރު ސުވާލުތައް ނުކޮށް ހުއްޓާލިއެވެ. އޭނައަކީ ގޮތް ދޫނުކުރާ މީހަކަށް ނުވާތީވެއެވެ. އޭނައަށް އަދި އެނގެން ނެތް ކަމެއް ހޯދަން އުޅުމުގެ ބަދަލުގައި އަފާފް ޒޯ ބުނިގޮތަށް ކަންތައް ކުރިއެވެ. ދަރިފުޅަށްޓަކައި ރަނގަޅު ޞިއްޙަތެއް ދެމެހެއްޓުމަށް ޢަޒުމް ކަނޑައެޅިއެވެ. އަދި ޝަރަފަށްޓަކައި އިހުނަށްވުރެ ގިނަ ދުޢާތައް ކުރަން ފެށިއެވެ. ޝަރަފްގެ ދުޝްމިނުންގެ މައްޗަށް އޭނައަށް ކާމިޔާބު ދެއްވުމަށް އެދިއެވެ.
އެ ހިނދުން އެ ހިނދަށް ވެސް އަފާފްގެ އެ ދުޢާތައް އޭނަ ހީކުރި ވަރަށްވުރެ ވެސް ފުރިހަމައަށް އިޖާބަވާން ފެށި ފަދައެވެ. އޭނަ ދުޢާކުރީ ހަމައެކަނި ޝަރަފަށްޓަކައި ވިޔަސް އޭނައަށް ވެސް ދުޝްމިނުންނަށް ވެފައިވި އެ ބައިގަނޑު އޭނައާއި ދެކޮޅަށް ރޭވި ރޭވުންތައް ވެސް ނާކާމިޔާބުވާން ފެށިއެވެ. ރަމީޒް އޭނަ ވަޢުދުވީ ފަދައިން އަފާފްގެ ‘އަތް ދޮވެލުމަށްޓަކައި’ މަސައްކަތް ފެށީ އެ ރެއެވެ. އޭނައަކީ އެ ފަދަ ކަންތައް ކޮށްދޭނެ ވަރަށް ގިނަ ޤާނޫނީ ވަކީލުން ދަންނަ މީހެކެވެ. އެހެނަސް އޭނަ އުޅެ އުޅެ އަފާފްގެ ވިޔަފާރި ޖަހައިގަންނަން އޭނައަށް އެހީވެވިދާނެ ފަދަ މީހަކާއި ބައްދަލުވާ ގޮތެއްނުވެއެވެ. ގިނަ މީހުން ބުނި ގޮތުގައި އަފާފް އެ ވިޔަފާރި ހިންގުމުގައި ގެންގުޅެފައިވާ އުކުޅުތަކެއްގެ ސަބަބުން ކޯޓެއްގެ ތެރެއިން އެހާ ފަސޭހައިން އެ ވިޔަފާރި ޖަހައިގަތުމަކީ ނާދިރު ކަމެކެވެ. އޭނަ އެރޭ ބައްދަލުކުރި 5 ވަނަ ވަކީލު ވެސް އެފަދަ ވާހަކައެއް ބުނުމުން ރަމީޒް އައި ރުޅީގައި އޭނަ އިން ގޮނޑިން ތެދުވިއެވެ.
“ކަލޭމެން ކޯޗެއް ކިޔަވައިގެންތަ މާ ބޮޑުވެލައިގެން އައިސްފަ ތިތިބެނީ؟” ރަމީޒް އެ ވަކީލާއި ދިމާލަށް އެއްޗެހި ގޮވިއެވެ. ރަމީޒް ހުތުރު ބަސްތައް ބުނެ ނިކުމެގެން ދާށޭ ބުނުމުން އެ ވަކީލު މީހާ އިތުރު އެއްޗެކޭ ނުބުނެ އެތަނުން ނިކުމެގެން ދިޔައެވެ. އެ މީހާ ލޯމައްޗަށް ގެއްލުމުން ރަމީޒް ސޯފާގައި އިށީނދެ ނިތުގައި ހިފަހައްޓާލަމުން ފުން ނޭވައެއް ދޫކޮށްލިއެވެ. އެ ހިނދު ދުރުގައި މަންޒަރު ބަލަން ހުރި ވިޔާމް ވާހަކަ ދެއްކިއެވެ.
“އިޓްސް އޯކޭ ރަމީޒްބެ. އެ އަފާފަކަށް ދެން އިތުރު ކަމެއް ކުރަން ނުޖެހޭ. އެ ހުސެއިން ނަގާފަހުރި ލޯންތައް ދެއްކުމުގަ ދެން އޭނަގެ މުޅި ޢުމުރު ވޭތުވާނީ. މިހާރު ހުއްޓުވަން ޖެހިފައި ހުރި މީހަކީ ޝަރަފް.” ވިޔާމަށް އެހާ ހިސާބަށް ވާހަކަ ދެކެވުނުތަނާހެން ރަމީޒް ވާހަކަ ދެއްކިއެވެ.
“އޭނަ ވެސް ނުހުއްޓުވިގެނެއްނު މި އުޅެނީ؟ އޭނަ ރިސޯޓު މިހާރު އެ އަޅަނީ ފްރެޑްގެ އެހީގަ. އެއީ މެލްބަން ގެ އެންމެ މުއްސަނދި މަހުޖަނުންގެ ތެރެއިން އެކަކު. އޭނައާއި ބެހޭ މީހަކު ސަލާމަތެއް ނުވާނެ. މަގޭ ބޯ ހަލާކު އެބަވޭ!!!” ރަމީޒް އިންތިހާ ދަރަޖައިގެ ރުޅިވެރިކަމާއެކީ ވާހަކަ ދައްކަމުން އެތާ މޭޒުމަތީގައި ހުރި ތަށްޓަކުން އެތިފޮދެއް ބޯލިއެވެ. ވިޔާމް ހިނދުކޮޅެއް ވަންދެން ވިސްނަން ހުރުމަށްފަހު ވާހަކަ ދެއްކިއެވެ.
“އަދި ގޮތް ހުސްވާކަށް ނުޖެހޭ ރަމީޒްބޭ. އަދި ކުރެވިދާނެ ވަރަށް ބައިވަރު ކަންތައް އެބަހުރި. އަހަރެން ބޭނުންވަނީ ޚުދު އަހަރެންގެ ދެއަތުން ޝަރަފް ބަރުބާދު ކޮށްލަން. ވަރަށް ރުޅި އައި އެ އަފާފް މަށާ އޭނަ އަޅުވައި ކިޔުނީމަ. ދައްކާލާނަން ކާކުގެ ކަން ޙައިސިއްޔަތަކާއި ހައިބަތެއް ހުރީ!……ރަމިޒްބޭގެ ވެސް އެހީއެއްނެތި އަހަރެން ބޭނުންވަނީ އޭނަގެ އެ ހުރިހާ މަސައްކަތް ފުނޑުފުނޑުކޮށްލަން. ބޭބެ އެގޮތަށް އެއްބަސްވާނަމަ.” ވިޔާމް އެހެން ބުނެލީ ދެބުމަ ކައިރިކޮށްގެން ހުރެ ސާބިތު ކަމާއި އެކީގައެވެ. ރަމީޒް ވިޔާމަށް ބަލަން އިނދެފައި ވިޔާމަށް ކުރެވުނު އިތުބާރެއްގެ ސަބަބުން އެންމެ ރަނގަޅޭ ބުނެލެވުނެވެ.
ޝަރަފާއި ދެކޮޅަށް ރޭވުމެއް ރާވަން ކެތްމަދުވެފައިވި މިންވަރުން އޭގެ އަނެއްދުވަހު ވިޔާމް އެ ރިސޯޓަށް ދިޔުމަށްޓަކައި ދަތުރު ފެށިއެވެ. ރިސޯޓަށް ދިޔަ މަގުމަތީގައި ވެސް އޭނަ ޝަރަފްގެ އެކިއެކި ސޯޝަލް މީޑިޔާ ޕްރޮފައިލްތަކަށް ވަދެ ރިސޯޓު އިޝްތިހާރު ކުރަން ފެށިތޯ ބެލިއެވެ. އެއާރޕޯޓުގެ ޑިޕާރޗާރގައި އެންމެ ފުރަތަމަ ވެސް އޭނަ ވަނީ ޝަރަފްގެ ފޭސްބުކް ޕްރޮފައިލަށެވެ. ވިޔާމް ހީކުރިހެން ރިސޯޓުގެ ރަނގަޅަށް ހެދިފައި ހުރި ތަންތަނުގެ ފޮޓޯ ލެވި އެތަނަށް ދާ ހިތްވާ ކަހަލަ ބަސްކޮޅުތަކެއް ލިޔެ ވަރަށް އަވަހަށް ހުޅުވެން އުޅޭ ވާހަކަ ހުރި ޕޯސްޓްތައް ދޭތެރެ ދޭތެރެއިން ފެންނަން ހުއްޓެވެ. އެހެނަސް ޝަރަފްގެ ޕްރޮފައިލުގައި ގިނައީ ދީނީ އެކިއެކި ވާހަކަތައް ހުރި ޕޯސްޓްތަކެވެ. ފުރަތަމަ ސިކުންތުގައި އެފަދަ ޕޯސްޓްތައް ފެނިފައި ވިޔާމަށް ހެވުނެވެ. ޝަރަފް އެ އުޅެނީ އަނބިދަށުވެގެން ތާއޭ އޭނަގެ ހިތް ބުނެ މަލާމާތްކުރިއެވެ. އެހެނަސް ވަކި ހިސާބަކުން މި ދީން ޤަބޫލުކުރަންވީ ކީއްވެކަމާ ބެހޭގޮތުން ލިޔެފަ ހުރި ޕޯސްޓްތައް ފެނިފައި ވިޔާމް އެ އެއްޗެހި ކިޔަން ފެށީ ބޮޑާވެފައިވި ހިތަކާއެކީގައެވެ. ހަމަ ޔަޤީނުން ވެސް ބުއްދި ޤަބޫލުކުރާ ފަދަ ވާހަކައެއް އެއަކުން ނުފެންނާނެކަމަށް އޭނަގެ ހިތް ބުންޏެވެ. އެހެނަސް ޤަލަމް ސޫރަތުގެ އާޔަތެއްގެ މަތީގައި ޝަރަފް ލިޔެފައި އޮތް ވާހަކައިން ވިޔާމް ހުއްޓުން އަރާ ގޮތްވިއެވެ. އޭގައިވަނީ ރަސޫލާ ޞައްލަ ﷲ ޢަލައިހި ވަސައްލަމް މެދުވެރިވެގެން އަހަރުމެންނާއި ހަމައަށް އައި ބަސްފުޅަކީ ޙައްޤު ބަސްފުޅެއްކަން އެނގޭ އެންމެ ބޮޑު ހެއްކަކީ އެކަލޭގެފާނުގެ އަޚްލާޤްކަމެވެ. އެކަލޭގެފާނަކީ މުޅި ދުނިޔެވެސް ދުށް އެންމެ ތެދުވެރި، އަމާނާތްތެރި އަދި ޢަދުލުވެރި އިންސާނާކަމެވެ. އަހަރުމެންނަށް ދުވަހަކުވެސް އެކަލޭގެފާނާއި އެއްވަރު ނުވެވުނަސް އެކަލޭގެފާނު ގެނެސްދެއްވި ﷲ ގެ ބަސްފުޅަކީ އެފަދަ ސިފަތައް އަހަރުމެންގެ ކިބައިގައި އަށަގަންނަން އެހީވެދޭ ބަސްފުޅެއްކަމެވެ. އެކަން އިޙްޞާޞް ކުރެވޭނީ އެ ބަސްފުޅާއި ގާތްވެ އެ ބަސްފުޅާއިމެދު ދިރާސާކޮށް ވިސްނައި ފިކުރު ކުރުމުން ކަމެވެ. އެ ބަސްތައް ކިޔާފައި ވިޔާމްގެ ނިތަށް ރޫގިނަވީ އުނދަގުލެއްވެގެން އުޅޭ ފަދައަކުންނެވެ. މީ ކޮންކަހަލަ ވާހަކައެއްތޯ އޭނަގެ ހިތަށްއެރިއެވެ. ރަސޫލާ ޞައްލަ ﷲ ޢަލައިހި ވަސައްލަމް އާއި ބެހޭގޮތުން އޭނައަށް މާ ގިނަ އެއްޗެއް ނޭނގުނަސް އެއީ މާތް އަޚްލާޤެއްގެ ބޭކަލެއްކަމަށް އޭނަވެސްވަނީ އަޑުއަހާފައެވެ. އެކަލޭގެފާނަކީ ކިހާ ތެދުވެރި ބޭކަލެއްކަމާމެދު ވެސް އޭނަ ވަނީ އަޑުއަހާފައެވެ. އަދި އެކަލޭގެފާނަށް ފުރައްސާރަކޮށް ޙަމަލާދިން މީހުންނަށް ވެސް އެކަލޭގެފާނު މަޢާފު ދެއްވައި، ހުރިހާ އެންމެންނާއި މެދު ވެސް އެންމެ ރަނގަޅަށް ކަންތައް ކުރެއްވި ވާހަކަ ވެސް ވިޔާމް އަޑުއެހިއެވެ. އެހެނަސް ރަސޫލާ ޞައްލަ ﷲ ޢަލައިހި ވަސައްލަމްއަކީ އެއީ އަދި ވަކި މީހެއްނޫންތޯ ހިތަށްއެރިއެވެ. މި ޒަމާނުގައި އެފަދަ އަޚްލާޤެއް ހުންނާނީ ކާކު ހެއްޔެވެ؟ އަދި އަމުދުން ޝަރަފް އެ ބުނާ ބަސްފުޅާއި އެއްގޮތަށް އުޅޭ މީހުންގެ މިޒާޖު ވިޔާމްގެ ތަޖުރިބާއިން އެނގިފައިވާ ގޮތުގައި މާ ބޮޑަށް ވެސް ގޯހެވެ. އެ ޚިޔާލު ހިތަށް ވެރިވީ ވަގުތު އޭނަގެ މަންމަގެ ‘ޤަތުލު’ގެ ފަހަތުގައިވި މީހުންގެ ސޫރަތައް ހަނދާނަށް އައުމުން ވިޔާމްގެ ދަތްކުނޑި ވިކުނެވެ. އިސާހިތަކު ޝަރަފް އެ ދެއްކީ އެއްވެސް ޙަޤީޤަތެއް ނެތް ވާހަކައެއް ކަމަށް އޭނައަށް ނިންމުނެވެ.
ވިޔާމަށް ނޭނގުނު ކަމަކީ އޭނަގެ އެ ޚިޔާލު ވަރަށް އަވަހަށް ބަދަލުވާން އުޅޭ ކަމެވެ. އަދި އެދުވަހު އޭނަ އެ ފެށި ދަތުރަކީ އޭނަގެ އެ ޚިޔާލު ބަދަލުކުރުވާނެ މަންޒިލަށް އޭނަ ގެންދާނެ ދަތުރުކަން އޭނައަކަށް ނޭނގެއެވެ.
ފްލައިޓް ޑިލޭވުމުގެ ސަބަބުން ވިޔާމަށް ރިސޯޓާއި ހަމައަށް ދެވޭ ގޮތްވީ އެރޭގެ ވަގުތެއްގައެވެ. ރިސޯޓު ހުންނަ ހިސާބަށް ދެވުނުއިރު އޭނަ ބަނޑުހައިވެފައި ހުރި މިންވަރުން ވިޔާމް އެތާ ކައިރީގައި ހުރި ރެސްޓޯރެންޓަކަށް ދިޔައެވެ. އޭނަ ގޮސް އެތާ ވަކިން ހުރި މޭޒެއްގެ ދޮށުގައި އިށީން ވަގުތަކީ ވަރަށް ހައިބަތު ހުރި ބައިގަނޑެއް އެ ރެސްޓޯރެންޓަށް ވަތް ވަގުތެވެ. ފަނޑު އަލީގެ ތެރެއިން ވިޔާމް އެމީހުންނަށް ރަނގަޅަށް ބަލާލިއިރު އެންމެ ފުރަތަމަ ވެސް މެލްބަންގެ މަޝްހޫރު ވިޔަފާރި ވެރިޔާ ކަމަށްވާ ފްރެޑް ފެނިފައި އޭނަގެ މެއަށް ފިނިވިއެވެ. ފްރެޑް ވާހަކަ ދައްކަމުން ދިޔަ މީހުންނަށް ބަލާލިއިރު އޭނަގެ އަންހެން ދަރިފުޅުހެން ހީވާ ކުއްޖަކާއި ޝިނާޒާއި ޝަރަފްގެ އިތުރުން ނަބީހްވެސް ފެނިފައި ޙަސަދައިގެ އަލިފާންގަނޑެއް އޭނަގެ ހިތުތެރޭގައި ރޯވިއެވެ. އޭނަ ބަލަބަލާ ހުއްޓާ އެ އެންމެން އެކީގައި ގޮސް ބޮޑު މޭޒެއްގެ ދޮށުގައި އިށީނެވެ.
“ޝަރަފް ވަރުބަލިވެފައޭ ދޯ މިހިރީ އެންޖޯއިކުރަން އައިއިރު؟” ފްރެޑް ގޮނޑީގައި އިށީންނަމުން ހެވިފައި ހުރެ ބުންޏެވެ.
“ޝަރަފް ހުންނާނީ އަބަދު ފޫހިވެފަ މިކަހަލަ ތަނަކަށް އައިއްޔާ.” ޝިނާޒް ބުންޏެވެ.
“އެހެންނެއްނޫން. އެހާ ބޮޑު ކަމެއްގެ ތެރޭގަ އުޅޭއިރު މާ ގިނައިން މި ކަހަލަ ކަންތައް ކުރަންވީމަ ކަމަކު ނުދަނީ.” ޝަރަފް ހިނިތުންވުމަކާއެކީ ސަބަބު ކިޔައިދިނެވެ. އޭނަ އަފާފަށް ދިން ހަދިޔާއަށްފަހު އަފާފް އުފާވި ވާހަކަ އެނގުނީއްސުރެ އޭނަގެ ހިތަށް ހިސާބެއްގެ ހަމަޖެހުމެއް ލިބިފައިވިއެވެ. އޭނަގެ މޫނުމަތިން އުޖާލާކަމެއް ފެންނަމުން ދިޔައީވެސް އެ ހަމަޖެހުމުގެ ސަބަބުންނެވެ.
“ކަމޯން ޝަރަފް! އަހަރެން އައިމަ ކޮންމެހެން ވެސް ޝިނާޒް ޖެހޭނެއެއްނު މިފަދަ ބައްދަލުވުމެއް ރާވަން؟ އެހެންނޫނީ އޭނަ ނުވެސް ވާނެވިއްޔާ މަގޭ ދަނބިދަރިއަކަށް. ހެހެހެ….އެހެންނޫނަސް ބޮޑުކަމެއްގެ ބޮޑުބައެއް ނިމުނީމަ އެކަން ފާހަގަވެސް ކުރަންވާނެއެއްނު ޝަރަފް؟ ރިސޯޓުގެ ދެބައިކުޅަ އެއްބައި މަސައްކަތް މިހާރުވެސް ނިމިއްޖެ. މި ބާރުމިނުގައި މަސައްކަތް ގޮސްފިނަމަ ފަސް ވަރަކަށް މަސްތެރޭ ރިސޯޓު މުޅިން އެކީ ނިމޭނެ. އޭގެ ކުރިން ރިސޯޓަށް މުވައްޒަފުން ހޯދަން ވެސް ޝަރަފް ފަށަން ޖެހޭނެ. ކޮން ކަހަލަ މުވައްޒަފުންނެއް ޝަރަފް ބޭނުންވަނީ؟ ޙަލާލް ރިސޯޓެއްވީމަ އިސްލާމް ދީނަށް ލޯބިކުރާ ކުދިންދޯ ތިބެންވާނީ؟” ފްރެޑް ވާހަކަ ދައްކަމުން ގޮސް ސުވާލުކުރިއެވެ. ދުރުގައި ހުރި ވިޔާމަށް އެ ސުވާލުގެ ޖަވާބަކަށް އިންތިޒާރު ކުރެވުނީ ކީއްވެކަމެއް ނޭނގެއެވެ.
“އެންމެ ބޮޑަށް އެދެނީ އެހެން. އެކަމަކު އޭގެ މާނައެއްނޫން ރަނގަޅު އަޚްލާޤަށް ލޯބިކުރާ މީހުން އަހަރެން ރިސޯޓަށް ނުވައްދާނަމޭ. ބޭނުންވަނީ އެ ތަނަކީ އެ ތަނެއްގެ މުވައްޒަފުން ވެސް އެކަކު އަނެކަކަށް އިޙްތިރާމްކޮށް އެކަކު އަނެކަކަށް ރަޙުމްކުރާ ބަޔަކަށްވުން. މުވައްޒަފުން އެހެންވެގެން ނޫނީ އެ ރިސޯޓަށް އަންނަ ބަޔަކަށް އިސްލާމްދީނުގެ ރީތިކަން ނުއެއް ފެންނާނެ.” ޝަރަފް އަމިއްލަ ޚިޔާލުތަކުގެ ހުރެ ވާހަކަ ދެއްކިއެވެ. އޭނަ އެ ވާހަކަތައް ދެއްކީ އެންމެ ފަހަކަށް އޭނަގެ ހިތަށް އަސަރު ފޯރުވި ޤަލަމް ސޫރަތުގެ އާޔަތާއިމެދު ވިސްނަމުންނެވެ. އިސްލާމްދީނަށްޓަކައި ޙައްޤު ބަސް ފަތުރަން އަނގަ ހުޅުވުމުގެ ކުރިންވެސް އޭނަ މުޚާތަބު ކުރަން އުޅޭ މީހުން އޭނަދެކެ ލޯބިވާ ބަޔަކަށް ހަދަންޖެހޭކަން އޭނައަށް ދަސްވީ އެ އާޔަތުންނެވެ. ރަސޫލާ ޞައްލަ ﷲ ޢަލައިހި ވަސައްލަމްގެ އަޚްލާޤަށްޓަކައި އިހުނަށްވުރެ ވެސް ފުން ލޯތްބެއް އުފެދިގެން ދިޔައީ އެ އާޔަތުގެ ސަބަބުންނެވެ.
އެ މޭޒުދޮށުގައި ތިބި މީހުންގެ ތެރެއިން އެކަކަށް ވެސް ނޭނގުނު ކަމަކީ ޝަރަފްގެ ބަސްތަކުން އެންމެ ބޮޑު އަސަރެއް ކުރީ ދުރުގައި އިން ވިޔާމްގެ ހިތަށްކަމެވެ. ނޭނގޭ ސަބަބަކާހުރެ އެ މޭޒުދޮށުގައި ތިބި އެންމެ އެއީ ވަރަށް “ސަޅި” ޚިޔާލެއް ކަމަށް ބުނަން ފެށުމުން އޭނައަށް އެ ޚިޔާލާއި އެއްބަސްވެވުނީ ބޭއިޚްތިޔާރުގައެވެ.
“ހެހެ….ޝަރަފް ތި ވާހަކަ ދައްކަނީ ހަމަ އަފޫ ވާހަކަ ދައްކާ ގޮތަށް. އަފޫވެސް އޭނަގެ އޮފީހާއި ބެހޭގޮތުން ބުނެ ހަދާނީ އެހެން.” ޝަރަފްގެ ވާހަކައިން އަފާފް މަތިން ހަނދާންވީ މިންވަރުން ޒޯއަށް ބުނެލެވުނެވެ. އޭނަ އެހެން ބުނުމާއެކުހެން މުޅި ތަނަށް ހިމޭންކަމެއް ވެރިވިއެވެ. ވާނުވާއެއް ނޭނގިފައި އިނީ އޭނަގެ ބައްޕަ އެކަންޏެވެ.
“ކޮން އަފޫއެއް؟” ފްރެޑް ސުވާލުކުރިއެވެ. ޒޯއަށް ބަލާލެވުނީ ޝިނާޒަށެވެ. ޝިނާޒް ފުން ނޭވައެއް ދޫކޮށްލަމުން އެއީ ޝަރަފްގެ އަންހެނުންނޭ ބުނެލީ ފްރެޑްއަށް ހުރިހާ ޙަޤީޤަތެއް ކިޔައިދޭން ނިންމަމުންނެވެ. ފްރެޑްގެ ފަރާތުން ޝަރަފާއި އަފާފް ގުޅުވަން އެހީއެއް ލިބިދާނެކަމުގެ އުއްމީދުގައެވެ. ފްރެޑް އިތުރު ސުވާލުތައް އުފައްދަން ފެށުމުން ޝިނާޒް ފޮރުވުމެއްނެތި ހުރިހާ ވާހަކައެއް ކިޔައިދޭން ފެށިއެވެ. އެ ހިނދު މަންޒަރު ބަލަން އިން ވިޔާމްގެ މޭތެރޭގައި ނުތަނަވަސްކަމުގެ ރާޅު ބާންޏެއް ނެގިއެވެ. އޭނަ ވަގުތުން ތެދުވެގެން ގޮސް ފްރެޑް އޭނަގެ ކޮޅަށް ޖައްސަން ބޭނުންވިއެވެ. އެހެނަސް ޝަރަފް ދެންމެ ދެއްކި ވާހަކަތަކުން މޭތެރޭގައި އުފެދިފައިވި ހައިޖާނެއްގެ ސަބަބުން އޭނައަށް އެއްވެސް ޙަރަކާތެއް ނުކުރެވުނެވެ. ފަހުން ދުވަހަކުން ފްރެޑްއާއި ވާހަކަ ދައްކައި އޭނައާއި ޝަރަފް ދޭތެރެ ޖައްސަން ނިންމަމުން ވިޔާމަށް އިންގޮތަށް އިނދެވުނެވެ. ވާހަކަ ނިމުނުތަނާހެން ފްރެޑްގެ ހުރިހާ ރުޅިއެއް އޭނައަށާއި ބޮޑުބޭބެއަށް އަމާޒުވީ ގޮތުން ވިޔާމްގެ ހިތް ބިރުގަންނަ ގޮތްވިއެވެ. ފްރެޑް ވާހަކަ ފެށީ ވެސް ނުބައި ބަސްތަކަކުންނެވެ.
“އެއީ ކޮން ކަހަލަ ބައެއްތަ؟ ހާދަ ނުބައި މީހުންނަށް ވީމައޭ ޝަރަފްއާ ދެކޮޅު ވާނީ! އެ ރަމީޒަކީ އޮސްޓްރޭލިޔާގަ އުޅުނުއިރު އޭނަ އުޅުނު ހިސާބަށް ވެސް ކުރިމަތިވި މުޞީބާތެއް! އެ ޢުމުރުގަ ވެސް އޭނަ ބޭވަފާތެރިވެ އަނިޔާ ކުރީ ކިތައް ކުދިންނަށް ކަމެއް ނޭނގޭ. މަގޭ ކައިރި ބުނެބަލަ ތި ރަމީޒަކާއި ވިޔާމެއް ތިބި ތަނެއް! މުޅި ޢުމުރު ދުވަހަށް ކުޑަ ގޮޅިއަކަށް ލެވޭވަރު ކުރާނަން!” ފްރެޑް ރުޅިވެރިކަމާއެކީ ބުނެލިއެވެ. އިސްޖެހިފައި ފްރެޑްގެ ވާހަކަތައް އަޑުއަހަން އިނދެފައި ޝަރަފް އިސްއުފުލާލި ވަގުތަކީ އޭނައާއި، ދުރުގައި އިން ވިޔާމްގެ ހަތަރުކަޅި ހަމަވީ ވަގުތެވެ. ވިޔާމްގެ މޫނުމަތިން ފުރަތަމަ ފަހަރަށް ނުތަނަވަސްކަމެއް ޝަރަފަށް ފެނުނު ވަގުތަކީ އެއީއެވެ. އެ ނުތަނަވަސްކަމުގެ ފަހަތުގައިވަނީ ދާދި ދެންމެއަކު ވިޔާމްގެ މައްޗަށް އޭނައަށް ލިބުނު ބާރުކަން ޝަރަފަށް އެނގުންވިއެވެ. ވިޔާމް އޭނައާއިމެދު ތަކުރާރުކޮށް ކަންތައް ކޮށްފައިވި ގޮތުން ފްރެޑްގެ ބާރުގައި ވިޔާމާއި ބަދަލު ހިފަން ޝަރަފް ބޭނުންވިއެވެ. އެހެނަސް އެ ވަގުތުވެސް އޭނަގެ ހަނދާނަށް އައީ މަޢާފުކުރުމުގެ މާތްކަމާއި ބެހޭ އާޔަތެކެވެ. ހަމަ އެއާއި ވިދިގެން ޔޫސުފް ޢަލައިހިއްސަލާމް އެކަލޭގެފާނުގެ ބޭބެމެންނަށް މަޢާފު ދެއްވި ގޮތެވެ. މީގެ އިތުރުން ރަސޫލާ ޞައްލަ ﷲ ޢަލައިހި ވަސައްލަމް ވެސް އެކަލޭގެފާނުގެ ޙަޔާތުގައި ކަންތައް ކޮށްފައިވި ގޮތެވެ. މި ހުރިހާ ކަމެއް ހަނދާނަށް އައުމުން ޝަރަފަށް އޭނަ ދޭންވީ ޖަވާބު ޔަޤީންވިއެވެ.
“ނޫން. އަހަރެން ބޭނުމެއްނޫން ބަދަލު ހިފާކަށް. އެގޮތަށް ހަދައިފިއްޔާ އޭނައަށް ދުވަހަކުވެސް ރަނގަޅު ގޮތް ނުފެނި ހިނގައިދާނެ. އެކަމަކު މި ރިސޯޓު އެޅި މިތާނގައި ކަންތައް ހިނގާ ގޮތް ފެނިފައި ފަހަރެއްގަ ﷲ ގެ އިރާދަފުޅުން އޭނައަށް ހިދާޔަތް ލިބުމުގެ ފުރުޞަތު އެބައޮތް…….އަހަރެން ބޭނުން އެ ސަވާބާއި ދަރުމަ. ހެހެ…އެހެންނޫނަސް އަހަރެން އަފޫ ކައިރިއަށް ދެން ދާން ބޭނުންވަނީ ރިސޯޓު އަޅާ ނިންމާލާފަ.” ޝަރަފް އޭނަގެ ވާހަކަ ނިންމާލީ ހިނިތުންވުމަކާއެކީގައެވެ. އެ ހިނދު ވިޔާމް އިނީ ޝަރަފް ދެންމެ އެ ބުނި ބަސްތައް ބުނީ ކީއްވެކަމާމެދު އޮޅުން އަރާފައެވެ.
ކުރީކޮޅު އޮޅުން އެރިއެއްކަމަކު އޭނަގެ ޖާސޫސުން އުޅޭ ގެސްޓް ހައުސްއަށް ދިޔަ މަގުމަތީގައި އެއީ ޝަރަފް އޭނައަށް ދައްކަން ކުރިކަމެކޭ ހިތަށްއެރިއެވެ. އެހެނަސް ގެއަށް ދިޔުމުން ޚުދު އޭނަގެ ޖާސޫސުން ވެސް ޝަރަފްގެ ވާހަކަ ދައްކަން ފެށުމުން ވިޔާމަށް ޙައިރާންކަމެއް ލިބުނެވެ.
“އެއީ ޙަޤީޤަތުގަ ވެސް ވަރަށް ރަނގަޅު ބޮސްއެއް. ދުވަހަކުވެސް ނުދެކެން އެހާ ރަނގަޅު ވެރިއެއް. އަހަންނަކީ ތަންތަން ރާވައި ހަދާ މީހެއް. އެކަމަކު އޭނައަށް އަހަރެންގެ ނަންވެސް އެނގޭ. އަހަންނާ ވާހަކަ ދައްކާ ބައެއްފަހަރު އަހަރެންގެ މަސައްކަތުގަ ވެސް އެހީވެދޭނެ. އަހަރެންގެ ޢާއިލާ ކިހިނެއްތޯ އަހައި ޢާއިލާއާ ބައްދަލުނުކޮށް ގިނަ ދުވަސްވެ ބައްދަލުކުރަން ބޭނުންވާނަމަ ފޮނުވަން ވެސް ފޮނުވާ. މާ ޝާ ﷲ! މިއީ ވެސް އޭނަ ކިޔާތީ ކިޔޭ ބަސްތައް މިހާރު.” ވިޔާމަށްޓަކައި މަސައްކަތް ކޮށްދޭ މެދުޢުމުރުގެ ފިރިހެނަކު އޭނައަށް ކިޔައިދިނެވެ. ދެން ތިބި މީހުންނާއި ވެސް ވާހަކަ ދެއްކުމުން ހުސްވެސް ޝަރަފްގެ ރަނގަޅު ވާހަކަތައް އިވެން ފެށުމުން ވިޔާމްގެ ރުޅި ގަދަވާ ގޮތްވިއެވެ. އެ ރުޅި އަމާޒުވީ އެންމެ ފަހަކަށް އޭނަ ވާހަކަ ދެއްކި މީހާއަށެވެ.
“އެއީ ކަލޭގެ މެންގެ ފަރާތުން އެއްވެސް އުނދަގުލެއް ނުވާތީ އޭނަ އެހެން އެހަދަނީ. އެއީ ހުސް ރިސޯޓަށް ރަނގަޅަކަށްޓަކައި ކުރާ ކަންތައް. މާދަމާ ކަލޭ ގޮސް އޭނަގެ ފައިސާ ވަގަށް ނަގާފަ އެހެން މީހެއްގެ ބޮލުގަ އެ ޒިންމާ އަޅުވަބަލަ. އެނގިދާނެ އެއީ ކިހާ ރަނގަޅު މީހެއްކަން!” ވިޔާމް އެމީހާ ގާތު އެހެން ބުނެލީ އެގޮތަށް ކަންތައް ކުރުމުން ކުޑަމިނުން އޭނަގެ ޖާސޫސުންގެ ނަޒަރިއްޔާތު ބަދަލުވެދާނެއޭ ހިތާއެވެ.
އެހެނަސް ކަންވެގެން ދިޔައީ ވިޔާމް ހީވެސް ނުކުރާ ފަދައަކުންނެވެ. އޭނަ އެކަން ކުރުމަށް އެދުނު ޖާސޫސް އޭގެ އަނެއްދުވަހު އެމީހުންގެ އުކުޅުތައް ބޭނުންކޮށްގެން ޝަރަފަށް ނޭނގޭނެ ފަދައަކުން އޭނަގެ ވޮލެޓް ނެގިއެވެ. އެއަށްފަހު ވިޔާމް އެދުނު ގޮތަށް އެ ވޮލެޓް ބޭއްވީ ރިސޯޓުގެ މަސައްކަތު މީހުންގެ ތެރޭގައި އުޅޭ ވަރަށް ނިކަމެތި ޢާއިލާއަކަށް ނިސްބަތްވާ ފުރާވަރުގެ ކުއްޖެއްގެ ގޭގައެވެ. ޝަރަފް ވޮލެޓް ނެތިގެން ހޯދަމުން އެކި އެކި މުވައްޒަފުން ކައިރިން އަހަން ފެށިއެވެ. މުވައްޒަފުންގެ ތެރެއިން ޖާސޫސެއްގެ ކައިރިން އަހާލުމާއެކުހެން އޭނައަށް ޖަވާބު ލިބުނެވެ.
“އެއީ އެ އިކުރާމު އޭ ނެގީ. މަ ދުށިން!” އެ ކުއްޖާ އެތާ ކައިރީގައި ހުއްޓާ ޖާސޫސް މީހާ މަލާމާތުގެ ރާގަކަށް އެ ކުއްޖާއާއި މުޚާތަބު ކުރުމުން އެތާތިބި އެންމެންނަށް ހެވެން ފެށިއެވެ. އެ ހިނދު ޝަރަފް ނުރުހުންވީ ވަރުން މީހެއްގެ ނަމަކީ ހޭންޖެހޭ ސަބަބެއް ނޫންކަމަށް ސީރިއަސް ކަމާއެކީ އެންމެންނަށް އެންގިއެވެ. އެމީހުން ހިމޭންވުމުން އިކްރާމް އޭނަ ނުނަގާ ކަމަށް ބުންޏެވެ. ޖާސޫސުންގެ ބަސްތަކަށް ބަރޯސާވެ ޝަރަފް އިކްރާމްގެ ގެ ބަލާލަން ބޭނުންވީ އިކްރާމްގެ މައުސޫމްކަން އެންމެންނަށް ސާބިތުކޮށްދިނުމަށެވެ. އިކްރާމްއަށް ތުޚުމަތު ކުރި ބަޔަކު ވެސް އެ ދަތުރުގައި ގެންދިޔައީ އެހެންވެއެވެ. އެހެނަސް އެގޭގައިވި އިކްރާމްގެ ކުޑަ ކޮޓަރީގެ ތެރެއިން ވޮލެޓް ފެނިފައި ޝަރަފް މާޔޫސްވާ ގޮތްވިއެވެ. ފުރަތަމަ ސިކުންތުގައި ރުޅި އިސްކުރަން ބޭނުންވިއެއްކަމަކު އިކްރާމް ދެންވެސް ހިތާމަވެރިކަމާއި ޙައިރާންކަން އެކުލެވޭ މޫނަކާއެކީ އޭނައަށް ބަލަހައްޓައިގެން ހުންނަން ފެށުމުން ފައިސާ ބޭނުންވަނީތޯ ޝަރަފް މަޑުމައިތިރި އަޑަކުން އިކްރާމް ކައިރިން އަހާލިއެވެ. ޝަރަފްގެ އެ ޙަރަކާތުން އެތާނގައި އެވަގުތު ތިބި މީހުންނާއި އެމީހުންގެ ތަންކޮޅެއް ފަހަތުގައި ނިވާވެގެން ހުރި ވިޔާމްގެ ހިތް ވެސް ވިރިގެން ދާން ފެށިއެވެ. އެއަށްވުރެ ވެސް ބޮޑަށް ވިޔާމްގެ އެ ހިތް ޙައިރާން ކުރުވީ އިކްރާމް ދެންވެސް ތިމަންނަ ނުނަގާ ކަމަށް ބުނުމުން ޝަރަފް ދެންވެސް ރިސޯޓަށް ގޮސް އެހެނިހެން މުވައްޒަފުންނާއި ސުވާލުކޮށްގެން ޙަޤީޤަތާއި ހަމައަށް ދިޔަ ގޮތުންނެވެ. އަދި އެންމެންގެ ހާޒިރީގައި އިކްރާމްގެ ބޮލުގައި ދޮގު އިލްޒާމްތައް އެޅުވި އެންމެން ލައްވާ އިކްރާމަށް މަޢާފަށް އެދުނު ގޮތުންނެވެ. އެރޭވެސް އޭނަގެ ހުރިހާ ޖާސޫސުން ގެއަށް އައިސް ޝަރަފަށް ތަޢުރީފު ކުރަން ފެށުމުން ވިޔާމްގެ ބޯ ފަޅައިގެންދާހާ ވަރުވިއެވެ. އެރޭ ނިމިގެން ދިޔައީ ވިޔާމް އައި ރުޅީގައި އެކި އެއްޗެހި ތަޅައި އޭނަގެ މުޅި ކޮޓަރި އެފުށްމިފުށަށްޖެހި ފަހުންނެވެ. އޭނަ ދެން ކަމެއް ކުރިއްޔާ ކުރާނީ އެއްވެސް މީހަކު މެދުވެރިނުވެ ޚުދު އޭނަގެ އަމިއްލަ އަތުންކަމަށް އޭނައަށް ނިންމުނެވެ.
އެ ނިންމުން ނިންމިއެއްކަމަކު އޭނަ ޝަރަފަށް ދޭން ބޭނުންވާ އަނިޔާއަކަށްވާނީ ކޮންކަމެއް ކަން ވިޔާމަކަށް ނުނިންމެއެވެ. އޭނައަށް ނިންމުނުހާ ވެސް ކަމަކީ އޭނަ ދޭނީ ބޮޑު އަނިޔާއެއްކަމެވެ. އޭނައަށް ނޭނގުނުކަމަކީ އޭނަގެ ހިތަށް ދުވަހަކުވެސް ނުކުރާވަރުގެ އަސަރެއް ކުރަން އުޅެނީ އެ ޙާދިޘާގެ ތެރެއިންކަމެވެ.
އެދުވަހުގެ ހަވީރު ވަގުތެއްގައި ވިޔާމް ރިސޯޓު ޞަރަޙައްދާއި ހިސާބަށް ދިޔަތާ މާ ގިނައިރެއްނުވެ ޝަރަފް ކޮންމެވެސް މުވައްޒަފަކާއި ވާހަކަ ދައްކަމުން ދިޔަ އަޑު އިވުނެވެ. ދައްކަމުން ދިޔަ ވާހަކަތަކުގެ ތެރެއިން ޝަރަފް އެ ދާން އުޅެނީ ހަދަން ފަށާފައިވި ތިން ބުރީގެ ޢިމާރާތެއްގެ މައްޗަށްކަން ވިޔާމަށް އެނގުނެވެ. އެއާއެކު ލިބުނު ނުލަފާ ޚިޔާލުން ވިޔާމްގެ މޫނުމައްޗަށް އެފަދަ ހިނިތުންވުމެއް ވެސް ވެރިވިއެވެ. އެއަށްފަހު އޭނަ ޝަރަފާއި ދުރުދުރުން އޭނަގެ ފަހަތުން ދިޔައެވެ.
އެ ޢިމާރާތް ވެގެން ދިޔައީ ވިޔާމް ރާވާފައި އޮތްގޮތަށް ކަންކުރަން ނުހަނު ލާމަސީލު ޢިމާރާތަކަށެވެ. އެ ޢިމާރާތުގެ ވަށައިގެން ދަގަނޑުތައް ޖަހާފައި ވުމުންނެވެ. އެހެންކަމުން ވިޔާމް ޝަރަފް މެން ދިޔަތާ އިރުކޮޅެއްފަހުން ސިމިންތިން އަޅާފައިވި އެ ޢިމާރާތަށް ވަދެގެން ދިޔައީ އަމިއްލަ ނަފްސާއި ހެމުންނެވެ. މިއަދު ކޮންމެހެން ވެސް ޝަރަފަށް ނިމުމެއް ގެންނަން އޭނަ ބޭނުންވިއެވެ. އެއީ ކީއްވެކަމެއް ޙަޤީޤަތުގައި އޭނައަށް ސާފުވާ ގޮތެއްވެސް ނުވިއެވެ. މިހާރު އެކަން ވަނީ ބަދަލު ހިފުމަށްވުރެ ވެސް ބޮޑަށް އެހެން ކަމަކަށް ބަދަލުވެފައެވެ. ޝަރަފަށް އޭނައަށްވުރެ ގިނައިން ތަޢުރީފު ލިބޭތީ އެކަން ބަދަލުކުރުމަށްޓަކައި ކުރު ގޮތެއް އޭނަ ބޭނުންވާ ފަދައެވެ.
މާ ގިނައިރެއްނުވެ ވިޔާމްގެ އިންތިޒާރު ނިމުމަކަށްއައެވެ. ޝަރަފް އޭނައާއެކީ މުވައްޒަފުންގެ މަސައްކަތްތައް ބަލާހަދާ އެ ބޭރު މީހާއާއެކީ ޢިމާރާތުގެ އެންމެ މަތީގައި ހުރި ތަޅުންގަނޑު މައްޗަށް އެރިއެވެ. ޝަރަފާއި ވާހަކަ ދައްކަން ހުރެފައި އެމީހަކު ތިރިއަށް ފައިބަން ފެށިއެވެ. އެމީހާ ފޭބިއިރު ސިޑީގެ ކައިރީގައި ވިޔާމް ހުއްޓެއްކަމަކު އެމީހަކަށް ވިޔާމް ފާހަގައެއް ނުވިއެވެ. ލިބުނު ރަނުގެ ފުރުޞަތުގެ ބޭނުން ހިފައި ވިޔާމް މައްޗަށް އަރަން ފެށިއެވެ. އެންމެ މައްޗަށް އަރައި ޝަރަފް އޭނައަށް ފަސްދީގެން އެ ތަޅުންގަނޑު ނިމޭ ހިސާބާއި ނުހަނު ކައިރީގައި ހުރި މަންޒަރު ފެނިފައި ވިޔާމްގެ ހިތަށްވެރިވި ޖޯޝަށްވުރެ ބިރުވެރިކަން އިތުރުވިއެވެ. މިކަހަލަ ކަމެއް ކުރަން އުޅުމުގެ ކުރިން އޭނަގެ ހިތަށް ބިރުވެރިކަމެއް ވެރިވީ މީ ފުރަތަމަ ފަހަރެވެ. އެކަން އެގޮތަށްވީތީ އޭނައަށް އަމިއްލަ ނަފްސަށް ނަފްރަތު ވެސް ކުރެވުނެވެ. ކޮންމެ ގޮތެއްވިޔަސް ވިޔާމް ސާބިތުކަން ވެރިވެފައިވި މޫނަކާއެކީ ޝަރަފާއި ދިމާލަށް ދާން ފެށިއެވެ. މުޅި އެ ހިސާބު ގަނޑުންވެސް ޖެހެމުން ދިޔަ ވައި ރޯޅީގެ އަޑު ފިޔަވައި އެހެން އަޑެއް ނުއިވެއެވެ. ޝަރަފް ފަސްއެނބުރި ބަލާފާނެތީ ޖެހިލުންވެހުރެ ފަރުވާތެރިކަމާއެކީ ހިނގަމުން ގޮސް ވިޔާމް އެންމެ ފަހު ޝަރަފާއި އެއްފިޔަވަޅު ދުރުގައި ހުއްޓުނެވެ. އެއަށްފަހު އޭނަ ދެލޯ މަރައިގެން ހުރެފައި ކުއްލިއަކަށް ދެލޯ ހުޅުވައި ހަޅޭލައްވައިގަންނަމުން ޝަރަފްގެ ބުރަކަށީގައި އަތް އަޅައި ކޮއްޕާލަން އުޅުނެވެ. އެހެނަސް އެވަގުތު ޝަރަފް ޚުޝިޔާރުކަމާއެކީ ދުރުވެލުމުގެ ނަތީޖާއެއްގެ ގޮތުން ވެއްޓެން ދިޔައީ ވިޔާމެވެ. ވިޔާމަށް އޭނަގެ ފިޔަވަޅުތަކުގެ މައްޗަށް ވެސް ބާރު ނުހިންގެވުމުގެ ސަބަބުން އޭނަ ބަންޑުން ގޮސް ޢިމާރާތުން ވެއްޓެން އުޅުނެވެ. އެހެނަސް ވެއްޓެން ދިޔައިރު މީހަކު އޭނަގެ އެއްއަތުގައި ހިފަހައްޓާލުމުން އޭނަ މުޅިން ނުވެއްޓި އެ އަތާއި އެލުވުނެވެ.
ނުނިމޭ
މިވާހަކައިގެ ދެންއޮތް އެޕިސޯޑުގެ ލިންކު ކޮމެންޓް ސެކްޝަންގެ ތިރީގައި ވާނެއެވެ.
Other Articles
އިންތިޒާރުގައި ހުންނަމޭ ލޯބިން 2
ފްރީ ވައިފައި
44 Comments!
Comments are closed.
Assalaam’alaikum. fahubai dhiguveema dhe bayakah mi bahaalee. mirey ekko genesdheynee ey hithah araafaves ehaa laskuran beynumeh nuvi. In Sha Allah fahu baige fahu bai maadhamaa rey 🙂 LOL!
Me first… 🙂 <3<3<3
Kiyaalaifa comment eh eba kollan ingey jana.. hehe.. 🙂
Ahsalaam alaikumm…
Maasha allah mi vaahaka vrh reethi….
Alhugandu mi vaahaka comment nukuriyass baraa barah kiyann mi alhuganduge first comment….
Kiyaaa kiyaaa foohi nuvaa varuge vaahaka eh meee….mi vaahaka inn vrh ginna iburaii thakeh libigenn dhey…
Alhugadah vrh reethi mi vaahaka
Fahu bayey jahaafa nunimey jeheema eyge maana akee e’ee fahu bayeh nooney… Ehenveeema aslu e hedhunee vrh bodu dhogeh… Ekam fahubaii nujahaaa ehen comment kolleema readers innah ingeyne dhw keehvegen kan fahubaii nugenas dhevunee… ?
Bad jana jahaafa in dhw last episodege part 1ey ehenvyma e dhogakah nuvanedhw
fahu baige 1 dhw.. so dhogeh hedhifakaa nei dhw.
MASHA ALLAH.. vvv reethi mi part… waiting for ending of the ending???
Itxxx no “alhuvaa”kiyun.. Itxxx “alhaaa” kiyun
Ethankolhu rangalhu kollahchey
Itxx not alhuvaa kiyun..
Itxxx alhaakiyun
Jazakallah khairan jana..n masha allah..story is just awesome..curiously waiting for fahu baige fahubai ? <3
Ahsalaaam alaikummm
Maashaa allah mi vaahaka vrh reethi
Mi alhuganduge first comment
Mi vaahaka ah comment nukuriyass alhugandu vi vaahaka kiyaannn….
Mi vaahaka inn vrh gina iburaiithakeh libey kann ufalaa ekeee alhugandu faahaga kurann….
Fahu baii vrh kiyaalaa hiyveyy…..waiting…
Waiting…..
FEE AMAANIHLAAH
Ending is going to be damn interesting ❤️ Thank you
Jana story varah reethi MSA. May allah bless u jana. Jana kahala kudhin ginakurahvvashie ameen.
Janage hijra story kiyaafa alhugandu ge life ehkoh badhaluviyyey bunumakun dhogakah nuvaane. Jana thikuraa masahkathugai allah barakaai lahvaashieve. Dhen alhugandu beynun jana aa frnd vaan. Jana aa frndvaan kihineh tho hadhanjeheyny?
Masha Allah masha Allah ?????alhugadu coment nuiuriyas alugadu baraabarah my story Kiyan mihaa reethi dheeni iburehtheri vaahka eh nukiyea ehaa ves janasis ge hurihaa story eh ves v reethi masha allah???
Maasha Allah. V. Furihama ❤️
Thy abadhu wes bai bayah bahan wefa oih wahaka eh nun mihaaru ! Hywany wahaka liyany mihaaru majubooru wegen henn Jana varah bodah Faru wa Kuda mihaaru aslu !
Masha Allah…..
Balabalaa hutta up v mi. Varah furihama… comment nukurias gavaidhun mi vaahaka kiyan. Varah ibraitheri vaahaka eh. Hithah aranee mi vaahaka akii nafsu islaah kuran libunu ithuru furufathekey. Jana ge mi masahkathugai Allah barakaai lavvaashi.
Maa shaa allah.. vrh reethi… hama kiyaalaa hithun kiyey mi vaahaka… mi part ves vrh iburaiyytheri.. avahah genesdhehchey dhn oiyy bai.. vrh kiyaalaa hiyy vey eba mi reethi reethi vaahakaige fahu bai.. 🙂
aslu kiyan feshy nimeyne kamah. hehey… ekamu aslu fahubai 1 jahaafa ineema eyruvs shahku vi.
anyways story vvv nice. Maashaa Allah… ❤❤
This story ixx amazing..
Maasha allah??????
Jazakallah khairan jana?
May allah bless yuh with goodness n happy ??
Jana thee fb in e fenna Jannath Adam tha?
She is Jana Mohamed
ey dhemeehehe. ?
jannath ey thankolheh kurin alhuganduge frnd eh. n nw janaa ey frnd eh. so i knw it. ?
jana and sharaf ge bai dhigu koh genesdheebala next part gai
☺.. jana n sharaf eh nooney dear… afoo n sharaf… …
Vrh reethi mi part vx Ma Sha Allah.. ❤❤ curiously waiting for the last part.. ekm ehaa avahah story nimeykah vx beynumeh noon.. Mee vrh iburaitheri vaahaka eh.. ND Jana one request from me.. after you finish plz mail me this story.. plxx.. may Allah bless u with full of happiness.. ❤❤❤❤????lysm
Masha allah. V. Nice…
Jana ge vaahaka thakaki varah iburaitheri vaahaka thakeh.varah kiyaa hithun mi bai ves mi kiyuni. Waiting 4 nxt part..
Masha Allah mi baives vv reethi❤❤????
Varah reethi????
Dhogeh dhogakah nuvaane gotheh bunebala… Dhogu hedhumaky varah foohivaa kameh… Jana ge vaahaka thah varah reethi… bt mi vaahaka nimey bai genes dheyn janaa ulhey gothun varah foohi… Ehen kiyan feshi fahun mihaaru 10 varakah bai genes dheefi kanneyge. Kiyun therin mivaahaka nunimigen shakuvaa kuranyky noon… dhen ehen kiyan jehey kamakah nudheken… Fahu bai liyefa up kuraa iru fahu bai jahaafa up kureema nimuny… dhogu hedhyma ithubaaru gehleyny.
True
Mashaa allah.jana kihinetha.vahaka nimedhen mihunanee commenet nukolaa.vahaka reethi kamun hama bunaane eche nethee.ehaa ves furihama.dheeni vahaka thigotha genes dhaythi v ufaave.v molhu ege vahaka liyan.heekura vahaka nimaafa ves aavahakaye v avaha kiyaala libene kame.
Kobaa fahubai 2????
Jana kobaa? Hama kiyaahithun nuhurevigen mi ahaaly! Jana alhe avahaha upckohdhyba
kehtheri kamuge meyvaa fonivaane. jana try kuraane mirei up kuran. in sha allah.. so hurihaa kudhin lets nidhaalan ulhey dhn. fathihu heylaa fathihuge vaajib n sunnai thah adhaa kurumah fahun story in thw balaalaanee. eyrun in sha allah.. kiyaalan libeyne.
V kada up kuraaleh las v ma. Ethah baeh ge inthizaaru
Fahubai othyma hykury ninmaalaafa kamah. Anyways ths story x awsome. Ma sha Allah
Jana keehkuran dhogu hadhany upload kuraanamey kiyaafa.. Thikan nuvanyyaa huttaalan vynu. V foohivejje.. Thivarah dheenee naseyhai dhey iruves neygeytha dhogu hedhumun libey azaab?? Igeynama thihen kanthakeh nukurees ???
Kobaatha jana dhogu hadhaafa? Jana bunefa eba in dhw in sha allah ey.. ehn v ma e dhogu hedhunyky nooney.. in sha allah ge maana ingey namakaa ‘thi Jana’ ehves thihen nubunaane..
In Sha Allah kiyaafa ves vaudhu fuhdhan vevunu haa varakah masakkaiy kuranvaane dho jana’s fan? 🙂
Jana ehaa busy kohleh ulhamun ves Vaahaka genes dhay kamah takai jaxakillh khaeran. Kameh dhimaa nuvaanama Jana vaudhu fuhdhaa. Ma sha Allah. Jana ge dhedhuniye ge hayaaih bahjjaveri kurahvaashi . Ithuru kaamiyabee ah edhen.??
E oiy reethi vaahaka nimunee ???
Assalaam Alaikum ☺
I couldn’t find the FB page ? … can u help me to find the page…