ސާޖަރީއަށްޓަކައި ތައްޔާރު ކުރެވިފައި އޮތް ބަލިމީހެއްގެ ނަތީޖާ ނިކުންނަން ޖެހޭނީ އެގޮތަށް ކަމަށްނުވާތީވެއެވެ. ޒޯ އަފާފަށް ޖަވާބެއްނުދީ ހުރިގޮތަށް ހުއްޓާ ކުއްލިއަކަށް އެ ރޫމުގެ ދޮރު ހުޅުވިގެން ދިޔައީ ސާޖަރީއަށްޓަކައި އަފާފް ގެންދިޔުމަށް އައި ނަރުހުންގެ ސަބަބުންނެވެ. ހަމަ އެއާއެކު ޒޯގެ ހިތް އަވަސްވިއެވެ. އޭނައަށް ވަގުތުން ވާހަކަ ދެކެވުނެވެ.
“ނޫން! މަޑުކޮށްލާ!!!” ޒޯ ނުހަނު ހަރު އަޑުން އިއްވާލުމުން އެ ނަރުހުންގެ ޙަރަކާތްތައް މަޑުވި ވަގުތު އަފާފަށް ވެސް އޭނަގެ ހުރިހާ ސަމާލުކަމެއް އެ އަޑަށް ދެވުނެވެ.
“އޭނަ ސާޖަރީއެއް ނެހެދޭނެ. އޭނަ ބަނޑުބޮޑު!” ޒޯ ނުހަނު ސީރިއަސްކަމާއެކަމާއެކީ އިއްވާލި ވާހަކައިން އަފާފް ގަނޑުވެގެން ދިޔައެވެ. ފުރަތަމަ ފަޅި ސިކުންތުގައި އޭނަގެ ހިތަށް އުފާވެރިކަމެއް ވެރިވާން އުޅުނެއްކަމަކު މާ ގިނައިރެއްނުވެ އޭނަ މިއަދުވީ ޙާލަތު އޭނަގެ ސިކުނޑި އޭނައަށް ހަނދާން ކޮށްދިނެވެ. އޭނައަށް އެކަމާމެދު ވެސް ރަނގަޅަށް ނުވިސްނެނީސް އެތާތިބި ނަރުހުން ވާހަކަ ދެއްކި އަޑު އިވުނެވެ.
“ކޮންކަހަލަ ވާހަކައެއްތަ ތި ދައްކަނީ ޒޯ؟ ޒޯއަށް އެނގޭނެއެއްނު ޓެސްޓްތައް ހަދާފަކަން ބަލި މީހަކު މިހާ ހިސާބަށް ގެނެވޭނީ؟” އޭގެ ތެރެއިން ނަރުހަކު ސުވާލުކުރިއެވެ. އެވަގުތު އެތަނުން އަޑުގަދަވެގެން ދިޔަ އަޑު އިވުނު ހުސެއިން ވެސް ބުމަގޮށްޖެހިފައި ހުރެ ހުޅުވިފައިވި ދޮރުން އެތެރެއަށްވަނެވެ.
“އެނގޭ. އެކަމަކު ދެންމެ އަހަރެން އަމިއްލައަށް މި ކިޓްއިން ޓެސްޓް ހެދީމަ ދެއްކީ އެހެން ނަތީޖާއެއް. އޭނަ އެ އިނީ ބަލިވެ!” ޒޯ އޭނަގެ އަޑަށް ބާރު ލާފައި އެންގި ވާހަކައިން އަފާފްގެ ހިތުތެރޭގައި މަސްހުނި ވެފައިވި ޖަޒުބާތުތަކެއްގެ ރާޅުބާންޏެއް ނެގިއެވެ. އެވަގުތު އޭނައަށް ނޭނގުނު ކަމަކީ އޭނަގެ މޫނުމައްޗަށް ވެރިވަމުން ދިޔަ ކުލަވަރުތައް ފެނިފައި އޭނަގެ ބައްޕަގެ މޫނު ރުޅިން ރަތްވެގެން ދިޔަކަމެވެ. އެ ރުޅީގައި އޭނަ ވާހަކަ ދައްކަން ފެށީ ކުއްލިއަކަށެވެ.
“ކަލޭމެން ތި ދައްކަނީ ކޮން ވާހަކައެއްތަ؟! ތި ބުނާ ކިޓްއަކުން ނުބައި ނަތީޖާއެއް ވެސް ލިބިދާނެކަން ނޭނގޭ މީހުން ނަރުހުންނަށްވަނީ ކީއްވެބާއޭ ހިތަށްއަރަނީ! މަގޭ ދަރިފުޅަކީ ވަރިވެފަ ހުރި އަންހެން ކުއްޖެއް! އޭނަ ކިހިނެއް ބަލިވެ އިންނާނީ؟” ހުސެއިން އިނގިރޭސި ބަހުން ވާހަކަ ދައްކަމުން، ޙަޔާތުގައި ވެސް ފުރަތަމަ ފަހަރަށް އޭނަގެ ދަރިފުޅަށް އޮޅުވާލިއެވެ. އެ ބަސްތައް ބުނި ހިނދު އަފާފްގެ މާޔޫސްވަމުން ދިޔަ މޫނުމަތި ފެނިފައި ހުސެއިނަށް އަމިއްލަ ނަފްސު ކުށްވެރިވެސް ކުރެވުނެވެ. އެހެނަސް އޭނަ މި ކުރާ ކޮންމެ ކަމެއް ކުރަނީ ހަމައެކަނި އަފާފަށް ރަނގަޅަށްކަމަށް ބުނެ ހުސެއިން އެ ނަފްސަށް ބަހަނާ ދެއްކިއެވެ. އަފާފްގެ ފެންކަޅިވެގެން ދިޔަ ލޯ ފެނިފައި ޖަޒުބާތުގައި ނުޖެހުމަށްޓަކައި ހުސެއިން އިތުރަށް ވާހަކަ ދެއްކިއެވެ.
“ދެންވެސް މަގޭ ދަރިފުޅު ގޮވައިގެން ސާޖަރީ ހަދަން ގެންދޭ. އޭނަގެ އިޙްޞާޞްތަކާ ކުޅެން އިތުރަށް ނަހަދާތި!” ހުސެއިން އޭނަގެ ރުޅިވެރިކަން ގަދަކުރަމުން އަޑު ހަރުކޮށް ބުނެލިއެވެ. އެ ހިނދު ޒޯއަށް ހުރި ގޮތަށް ހުސެއިނަށް ބަލަހައްޓައިގެން ހުރެވުނީ އޭނައަށް ދެންމެ ފެނުނު ކަންތައްތަކަށް ޚުދު އޭނައަށް ވެސް ޝައްކު ކުރެވެން ފެށުމުންނެވެ. އޭނައަކީ ދުވަހަކުވެސް އޭނަގެ ވަޒީފާގައި އޭނައަށް ހީވާ ހީވުމެއްގެ މައްޗަށް ބަލި މީހަކަށް ވެސް އަދި ބަލި މީހެއްގެ ޢާއިލާއަށް ވެސް ނުބައި ޚަބަރެއް ދީފައިވި މީހެއްނޫނެވެ. އޭނަ މި ދާއިރާގައި އުޅޭތާ އަހަރުތަކެއް ވޭތުވެފައިވާތީ ޓެސްޓްތަކެއް ހެދުމުގެ ކުރިން ވެސް ބަލި މީހަކަށް ކުރިމަތިވާ ޢަލާމާތްތަކާއި ޙާލަތުގެ ގޮތުން އެމީހަކަށް ދިމާވެގެން އުޅެނީ ކޮންކަމެއްކަން، ވެގެން އުޅޭ ގޮތާއި އެއްގޮތަށް އޭނައަށް ގިނަފަހަރު އަންދާޒާ ކުރެވެއެވެ. ވީއިރު މިއަދު މިވީ ކިހިނެއްތޯ އޭނަގެ ހިތަށްއެރިއެވެ. ޒޯ އެންމެ އަޅައިގަތީ އޭނައަށް އެ ފެންނަމުންދާ އަންހެން ކުއްޖާ ވަރިވެފައިވި ވާހަކަ އިވުމުންނެވެ.
އޭނައަށް ހީވީ ނުބައި ހީވުމެއް ކަމަށް ނިންމަން އުޅުނު ވަގުތު ހުރިހާ ނަރުހުންނާއި ސާޖަރީގައި ބައިވެރިވާ އެހެން ޑޮކްޓަރަކުވެސް ވަދެގެން އައިސް، އަފާފް ދުވާ އެނދަކަށް ބަދަލު ކުރިއެވެ. ނަރުހުން ބުނުމުން އަފާފް ދިރުމެއްނެތް ބުދެއްހެން އޮށޯވެ ދެލޯ މަރާލީ މުޅި ދުނިޔެއަށް ވެސް ދެލޯ މަރާލަން އެވަގުތު ބޭނުންވި ފަދައަކުންނެވެ. އޭނަ އެވަގުތު އުފާވާންވީ ކަމެއް ދެރަވާންވީ ކަމެއް އޭނައަށް އެއްގޮތަކަށް ވެސް ނުވިސްނެއެވެ. އޭނަގެ ހިތަށް ވެރިވަމުން ދިޔަ ނޭދެވޭ އިޙްޞާޞްތަކެއްގެ މައްޗަށާއި، އޭނަގެ ޙަޔާތުގައި ހިނގަމުން މިދާ ކަންތައްތަކުގެ މައްޗަށް އޭނައަށް އެއްވެސް ބާރެއް ނުހިންގޭނެހެން ހީވިއެވެ. އެހިނދު ހުރިހާ ކަމެއްގެ މައްޗަށް ކުޅަދުންވަންތަވެވޮޑިގެންވާ ފަރާތުގެ މަތިން އޭނަގެ ހިތް އޭނައަށް ހަނދާންކޮށްދިނެވެ. ހަމަ އެއާއެކު އޭނަގެ އެނދު ދުއްވާލެވުނު ވަގުތު އޭނަގެ ދުލުން ބޭރުވީ އޭނަ ﷲ އަށް ވަކީލުކޮށްފިކަމަށް ވައި އަޑުން ބުނެލި ބަސްތަކެވެ. އެ ބަސްތަކުން ނޭނގޭ ސަބަބަކާހުރެ އަފާފްގެ ހިތަށް ހަމަޖެހުމެއް ލިބުނެވެ. ކޮންމެ ގޮތަކަށް ކަންތައްވިޔަސް ﷲ އޭނައަށް ދެރަގޮތެއް މެދުވެރި ނުކުރައްވާނެކަން އޭނައަށް ޔަޤީން ކުރެވުނެވެ. ރޫމުން އަފާފްގެ އެނދު ނެރެވުނު ވަގުތު އޭނަގެ ހިތުގައި ސާބިތުކަމެއްވީ އެހެންވެއެވެ.
އަފާފް އޭނަގެ ޙާލަތާމެދު ހިތްހަމަޖެހުނެއްކަމަކު މަންޒަރު ބަލަން ހުރި ޒޯއަށް ދެންވެސް ހުރެވުނީ ހިތްހަމަ ނުޖެހިފައެވެ. އެންމެން ލޯމަތިން ގެއްލުމުން ވެސް އޭނައަށް ދެންމެ ދެކެވުނު ވާހަކަތަކުގެ މަތިން ވިސްނެމުން ދިޔައެވެ. އެ އަންހެން ކުއްޖާ ބަނޑުބޮޑުނުވާނެހެން ޒޯއަށް ދެންވެސް ޤަބޫލުކުރަން ދަތިވިއެވެ. އެ އަންހެން ކުއްޖާއަކީ ވަރަށް ފަހަކަށް ވަރިވެފައިވި ކުއްޖަކަށް ވެސް ވެދާނެ ނޫންތޯ ޒޯގެ ހިތަށްއެރިއެވެ. އަދި އަމުދުން އެ އަންހެން ކުއްޖާވެސް އެ ޓެސްޓުގެ ނަތީޖާއަށް އެދިއެދި ހުންނާނީ އެ ޚަބަރުގައި ކޮންމެވެސް ވަރެއްގެ ޙަޤީޤަތެއް ވާތީވެ ނޫންތޯ ޒޯގެ ހިތް ބުންޏެވެ. އެއީ ތެދަކަށް ވެއްޖެނަމަ އެ އަންހެން ކުއްޖާއަށް ލިބޭނީ ހާދަ ބޮޑު ގެއްލުމެކެވެ. ހާދަ ބޮޑު ހިތާމައެކެވެ. އެ ހިތާމަ ތަޞައްވުރު ކުރެވުނު ތަނާހެން ޒޯއަށް އެތަނުން ނިކުންނަން ހިނގައިގަނެވުނެވެ.
ޒޯ އެ ދިޔަ ގޮތަށް ދިޔައީ ރިސެޕްޝަނާއި ދިމާލަށެވެ. ރިސެޕްޝަނަށް ގޮސް އޭނަ ވަގުތުން އެ ޕްރައިވޭޓް ރޫމުގައި އޮތް ބަލި މީހަކީ ކާކުތޯ އޭނައަށް ބަލައި ދިނުމަށް އެދުނެވެ. ރިސެޕްޝަންގައި ހުރި ކުއްޖާއަށް އެއީ އަފާފް ހުސެއިން ކަން އެނގުނުތަނާހެން އެތާހުރި ކޮމްޕިއުޓަރުން ނުލިބޭނެ މަޢުލޫމާތުތައް ވެސް އެކުއްޖާ ދޭންފެށިއެވެ.
“އެކުއްޖާގެ މީހަކާ ނޫނަސް އެކުއްޖާގެ މީހުންނާ ކޮންޓެކްޓް ކުރެވޭނެ މީހުންގެ ނަންބަރުތައް ހޯދިދާނެ. އަފާފަކީ ގެތައް ޢިމާރާތް ކުރާ ކުންފުންޏެއްގެ ވެރިއެއް. އެ އޮފީހަށް ގުޅާލީމަ ކޮންޓެކްޓް ކުރެވިދާނެ. އޭނަ ބަލާނެ މީހަކު ނެތީތަ؟” ރިސެޕްޝަންގައި ހުރި ކުއްޖާ ވާހަކަތައް ކިޔައިދެމުން އަހާލިއެވެ. ޒޯ އެއީ އިވުނު ސުވާލަކަށް ނެހެދިއެވެ.
“އެހެންވީމަ އެ އޮފީހަށް ގުޅާލަބަލަ.” ޒޯ އެދުނެވެ.
“އޮފީސް މި ގަޑީގަ ހުޅުވާފަ ހުންނާނެކަމެއް ނޭނގޭ. ބަލަމާ!” ރިސެޕްޝަންގައި ހުރި ކުއްޖާ އެހެން ބުނެ އެތާހުރި ފޯނު ނެގިއެވެ. އެއަށްފަހު ނަންބަރުތަކަށް ފިތާލަމުން ފޯނު ކަންފަތުގައި ޖައްސާލިއެވެ.
**
އޭގެ އަނެއްދުވަހަށް ނިންމަންޖެހޭ މަސައްކަތްތައް ގިނަވުމުން އެލެގެންޓް ހޯމްސްގެ ބައެއް މުވައްޒަފުން ހަވީރު އޮފީހަށް ގޮސް ރޭގަނޑު ވަންދެން ވެސް އޯވާރޓައިމަށް މަސައްކަތް ކުރަން ތިއްބެވެ. ރޭގަނޑުވަމުން ދިޔަ ވަރަކަށް އެކި މުވައްޒަފުން ސައިން އައުޓް ވަމުން ގޮސް އެންމެ ފަހުން ބާކީ ހުރީ ޝަބާއެވެ. ރޭގަނޑު 9:30 ވާން ގާތްވެފައި ވަނިކޮށް ޝަބާ ވެސް ސައިން އައުޓްވުމަށްޓަކައި އެންމެ ތިރީ ފްލޯއަށް ދިޔައެވެ. އަންހެނުންގެ ބައިގައި ހުންނަ ރިސެޕްޝަނާއި އޭނަ އަރައި ހަމަވީ ވަގުތަކީ އެތާނގައި ހުރި ފޯނު ރިންގުވާން ފެށި ވަގުތެވެ. ފޯނާއި ދިމާލަށް ޝަބާއަށް ބަލާލެވުނީ ޙައިރާންވެފައި ހުރެއެވެ. އެންމެ ފަހަކަށް މިފަދަ ވަގުތެއްގައި އެ ފޯނު ރިންގުވީ ހަނދާނެއް އޭނަ ނުވުމުންނެވެ. އެންމެ ފުރަތަމަ ނުނަގަން ހިތަށްއެރިއެވެ. އެހެނަސް މިއީ ބޮޑު ކަމަކަށް ވެދާނެކަމަށް އޭނަ ހިތް ބުނީތީ އޭނަ ގޮސް ފޯނު ނެގީއެވެ.
“އައްސަލާމްޢަލައިކުމް، އެލެގެންޓް ހޯމްސް.” ޝަބާ ޖަވާބުދާރީވިއެވެ. އެއާއެކު އެކޮޅުން އިވެން ފެށީ ބޭރު މީހަކު އިނގިރޭސިން ވާހަކަ ދައްކާ އަޑެވެ.
“ހެލޯ! އަފާފްގެ ޢާއިލާ މީހަކާ ވާހަކަ ދެއްކިދާނެތޯ؟” އެކޮޅުން ރިސެޕްޝަނުގައި ހުރެ ވާހަކަ ދެއްކީ ޒޯ ނޫން ދެވަނަ މީހެއްނޫނެވެ. އެވަގުތު އޭނައަށް ނޭނގުނުކަމަކީ މިފަހަރުވެސް އެންމެ މުހިއްމު ވަގުތުގައި އޭނަގެ ފުރަގަހުގައި ހުރި ހުސެއިނަށް އޭނަގެ ވާހަކަ އިވުނު ކަމެވެ.
“އަމް…..އަޅުގަނޑު މީ އަފާފްގެ ޢާއިލާ މީހެއް. ކިހިނެއްތަވީ އަފާފްއަށް؟” ޝަބާ ނުހަނު ވިސްނުންތެރިކަމާއެކީ ބުނެލިއެވެ. މިއަދު އަފާފް އޭނައާއި ދުރުވެފައިވިޔަސް އޭނަ އަފާފް އޭނަގެ ޢާއިލާއެއްގެ ގޮތުގައި ނޫނީ ނުދެކެއެވެ. އެހެންނޫނަސް އޭނަ އެކޮޅުން އިވޭނެ ވާހަކައެއް އަޑުއަހަން ކެތްމަދުވިއެވެ. އަފާފަށް ދެރަގޮތެއް ދިމާވީއޭ ހިތަށްއެރި ވަގުތު އެ ހިތް ބިރުވެސް ގަތެވެ.
“މި ވާހަކަ ދައްކަނީ ހޮސްޕިޓަލުން އަފާފް ބަލަމުން ދިޔަ ނަރުހެއް. އަފާފް ބަނޑުބޮޑުވުމުގެ ބޮޑު ފުރުޞަތެއް އޮތްއިރު ވެސް އޭނަ ވަނީ ލޮލުގެ ސާޖަރީއަކަށް ވައްދާލެވިފަ. ސާޖަރީ ހެދީމަ ދަރިފުޅަށް ވަރަށް ބޮޑަށް ގެއްލުންވާނެ. އަދި ލޮލަށް ވެސް މާ ބޮޑު ފައިދާއެއް ނުކުރުން އެކަށީގެންވޭ. އައިއްސަ އޭނަ ސަލާމަތް ކޮށްދީ. މިތާނގަ ހުރީ އަފާފަށް ހެޔޮއެދޭ މީހެއް ނޫންހެން އަހަންނަށް ހީވަނީ.” ޒޯ ބުނެލި ވާހަކަތަކުން ފޯނުގެ އަނެއްކޮޅުގައި ހުރި ޝަބާގެ ސިކުނޑި ހާސްވިއެވެ. އޭނައަށް އިވުނު ވާހަކަތައް ޤަބޫލުކުރަން ވެސް ދަތިވިއެވެ. އެ ވާހަކަތައް ދޭހަކުރެވުނުތަނާހެން އޭނައަށް ވާހަކަ ދެކެވުނެވެ.
“ކީއްވެ ހޮސްޕިޓަލުން އޭނަގެ ސާޖަރީއެއް ހަދަންވީ؟ ޑޮކްޓަރަށް ނުފެންނަނީތަ އޭނަގެ ރިޕޯޓް؟!” ޝަބާއަށް ހަރުއަޑުން ސުވާލު ކުރެވުނެވެ. ޝަބާ ކުރި ސުވާލުން ޒޯގެ ހީ ޔަޤީނަކަށް ބަދަލުވިއެވެ. ހަމަ އެ ހިނދު ޙައިރާންވެސްވިއެވެ.
“ހޮސްޕިޓަލްގެ ރިޕޯޓުން ނުދައްކާ އެކަމެއް. އޭނަ…..” ޒޯއަށް އެހާ ހިސާބަށް ވާހަކަ ދެކެވުނުތަނާހެން އޭނަގެ ފުރަގަހުން އައި މީހަކު އައި އޭނަގެ އަތުން ކޯޑްލެސް ފޯނުގެ އަތްގަނޑު ޖަހައިގަނެ ބިންމައްޗަށް ވައްޓާލިއެވެ. ލިބުނު ސިހުމާއެކީ ޒޯއަށް ފަސްއެނބުރި ބަލާލެވުނެވެ. އެވަގުތު އެތާނގައި ހުރީ ރުޅީގައި ގޮތް ހުސްވެފައިހުރި ހުސެއިން ނޫން ދެވަނަ މީހެއްނޫނެވެ.
“ކަލޭ ތިއުޅެނީ މޮޔަވެގެންތަ؟ އެމެރިކާއިން އަޔަސް މާ މޮޅުކަމަށް ހެދެން އުޅޭނެ ކަމެއްނެތް. ޢާއިލާ މީހުން އެ ޢާއިލާގެ މަޞްލަޙަތަށްޓަކައި ދޮގު ރިޕޯޓެއް ހަދާފަ ޑޮކްޓަރުންނަށް ދެއްކިޔަސް އެއީ އަދި މައްސަލައެއްނޫން. އެއީ އެހެން ނޫނަސް ކަލެއާ ބެހޭ ކަންތައްތަކެއްނޫން!” ހުސެއިން ރުޅި އައިސްފައިވި މިންވަރުން ހިނދުކޮޅަކަށް ވިޔަސް އޭނަގެ ހޭ ބަލިވިފަދައެވެ. އޭނައަށް އަމިއްލަ ދުލުން އަމިއްލަ ނަފްސު ބޭޒާރުކޮށްލެވުނެވެ. އެހެނަސް ދެންވެސް އެވަގުތު ހުސެއިނަށް މޭފުއްޕާލާފައި ހުރެވުނީ އޭނަ އެ ދެއްކީ މޮޅު ވާހަކައެއްކަމަށް އަމިއްލަ ނަފްސަށް ވިސްނައިދެވުނީތީވެއެވެ.
ހުސެއިން ވާހަކަ ދެއްކުން ހުއްޓުމުން މުޅި ތަނަށް ހިމޭންކަމެއް ވެރިވި ފަދައެވެ. އެ ހިމޭންކަމުގެ ތެރެއިން އޭނަ ޒޯއަށް އަމާޒުކޮށް ބުނެލި ބަސްތައް، އެ ވެއްޓުނު ފޯނުގެ އަނެއްކޮޅުގައި ހުރި ޝަބާއަށް ވެސް އިވުނެވެ. އޭނަ ބުނީ ކޮންމެ ގޮތެއްވިޔަސް އެ ސާޖަރީ ހެދޭނެ ކަމަށެވެ.
**
ހުސެއިންގެ ބަސްތައް އިވިފައި ޝަބާގެ ސިކުނޑި ސުމަކަށްދާ ހިސާބަށް ދިޔައެވެ. އޭނައަށް ހުއްޓުން އަރާފައި ސިކުންތުކޮޅެއް ވަންދެން ހުރެވުނެވެ. އެހެނަސް މާ ގިނައިރެއްނުވެ ޝަބާ ހަމަ އެ ރިސެޕްޝަނުގައި ހުރި ފޯނުން ނަންބަރުތަކަށް ފިތާލުމަށްފަހު ކަންފަތުގައި ޖައްސާލިއެވެ. އޭނަ ގުޅީ ޝަރަފް ނޫން ދެވަނަ މީހަކަށް ނޫނެވެ. އެހެންމީހަކަށް ނުވިޔަސް ޝަރަފް ވަރުގަދަ ޢަޒުމަކާއެކީ އަފާފް ސަލާމަތް ކުރާނެކަން ޔަޤީންވީތީވެއެވެ.
ރޭގަނޑުގެ އެވަގުތު ޝަރަފް އިނީ އާދައިގެ މަތިން އޭނަގެ ކޮޓަރީގައި އެރޭ ކެއުމަށްފަހު އޭނަގެ ފޯނުން ލެކްޗަރެއް އަޑުއަހާށެވެ. ފަހަކަށް އައިސް އޭނައަށް ގިނައިން އަޑުއެހެނީ ރަނގަޅު ބައްޕައިންނާއި މަންމައިންނަށް ވެވޭނެ ގޮތްތައް ކިޔައިދީފައި ހުންނަ ލެކްޗަރުތަކެވެ. ބައްޕައަކު ދަރިއަކަށްޓަކައި ކުރާ ދުޢާ އިޖާބަވާނެ ވާހަކައާއި، ދުނިޔެ ދޫކޮށްދާއިރު ޞާލިޙު ދަރިއަކު ހުރިނަމަ ސުވަރުގޭގައި ދަރަޖަ މަތިވެގެން ދާނެ ވާހަކަ ފަދަ ހަނދުމަކޮށްދިނުންތައް އިވެމުން ދިޔަދިޔަހެން އޭނަ އެފަދަ ޒިންމާއެއް ނަގަން ކެތްމަދުވަމުން ދިޔައެވެ. އޭނަ އިތުރަށް ކެތްމަދުވަމުން ދިޔައީ ޚުދު އޭނަ ކުޑައިރު އޭނަ ވަކި ހިސާބަކުން މަޙްރޫމްވެގެން ދިޔަ ލޯބި އޭނަގެ ދަރިފުޅަށް ފުރިހަމައަށް ދިނުމަށެވެ. އޭނަގެ ދަރިފުޅު ލޯބިން މަޙްރޫމްވުމުގެ ސަބަބުން ގޯސްމަގެއް ޚިޔާރުކުރާކަށް އޭނަ އެއްގޮތަކަށް ވެސް ބޭނުމެއްނުވިއެވެ. އޭނަ މިއަދުވެސް ރިސޯޓަށް އަނބުރާ ނުގޮސް ހުރީ އެކަމުގެ ބިރަށްޓަކައެވެ. އޭނަ އަދިވެސް އަފާފާއި އެއްފަސްގަނޑެއްގައި ހުރީ މިއަދު ނޫނަސް އަވަސް މުސްތަޤްބަލެއްގައި އޭނައާއި އަފާފް ގުޅިގެން ދާނެ ކަމުގެ އުއްމީދުގައެވެ. އަދި އިހަކަށް ދުވަހު އާހިލް ގެއަށް އައިސް ހުސެއިން ދެއްކި ވާހަކައެކޭ ކިޔާފައި ބުނެލި ވާހަކައެއްގެ ސަބަބުންވެސްމެއެވެ. އާހިލް ބުނި ގޮތުގައި ހުސެއިން އެ ދަރިފުޅަށް ގެއްލުންވާނެއޭ ކިޔާފައި ފޯނުން ދައްކަމުން ދިޔަ ވާހަކަ އޭނައަށް ސާފެއްނުވިއެވެ. އޭނަ ދުވަހެއްގެ ކޮޅުން ވެސް އެއްވެސް މީހެއްގެ އަތުން އެ ދަރިފުޅަށް ގެއްލުމެއް ލިބިދިޔަ ނުދޭނެއެވެ.
ލެކްޗަރުގެ ތެރެއިން އެ ޝުޢޫރު ޝަރަފްގެ ހިތަށް ވެރިވީތަނާހެން އޭނަގެ އަތުގައި އޮތް ފޯނު ރިންގުވާން ފެށިއެވެ. ފޯނުގެ ސްކްރީނުން ދޮންތަގެ ނަން ފެނިފައި ޝަރަފްގެ ދެބުމަ ކައިރިވިއެވެ. އޭނަ ލަސްތަކެއްނުކޮށް ފޯނު ނަގައި ކަންފަތުގައި ޖައްސާލިއެވެ. އެއާއެކު އޭނައަށް ސަލާންވެސް ނުގޮވެނީސް އެކޮޅުން ދޮންތަ ވާހަކަ ދެއްކިއެވެ. ހާސްވެފައިވި އަޑަކުން ދޮންތަ ދައްކަން ފެށި ވާހަކަތަކުން ޝަރަފްގެ ދެލޯ ބޮޑުވިއެވެ. އޭގެ ދެވަނަ ސިކުންތުގައި އޭނައަށް ދެފައި މައްޗަށް ކޮޅަށް ތެދުވެވުނެވެ. އެއަށްފަހު ދޮންތަ ރޮވެން ކައިރިވެފައިހުރެ އެކޮޅުން ދެއްކި ވާހަކަ ފުރިހަމަ ވެސް ނުވަނީސް ޝަރަފް ކޮޓަރިން ނިކުންނަން ހިނގައިގަންނަމުން ފޯނު ކަނޑާލިއެވެ.
ޢިމާރާތުން ނިކުމެ ޝަރަފް ކާރެއް ހޯދާ ކަހަލަ ޚިޔާލެއްވެސް ނުކުރިއެވެ. އެ ހިސާބުގައި އޮތް ޕާޓީއެއްގެ ސަބަބުން ކާރޫބާރޫ ބޮޑުވުމުން ވަގުތު ފާއިތުވާއިރުވެސް ކާރެއްގައި އޭނައަށް އޭނަގެ މަންޒިލާއި ހަމައަށް ދެވޭނެހެން ހީނުވުމުންނެވެ. ޢިމާރާތުން ނިކުތްއިރު ވެސް ޝަރަފް ދިޔައީ ހުސެއިނަށް ގުޅަމުންނެވެ. އޭނަ ފޯނު ނަގައިފިނަމަ އޭނައާއި ދިމާލަށް ކިޔާނެ އެތަކެއްޗެއް އޭނަގެ ހިތުތެރޭގައި އުތުރި އަރަމުން ދިޔައެވެ. އެހެނަސް ކޮޓަރިން ނިކުތީއްސުރެ އެހާ ހިސާބަށް އައިއިރު އޭނައަށް ހުސެއިނަށް 10 ފަހަރު ގުޅުނުއިރު ވެސް އޭނަ ފޯނެއް ނުނަގައެވެ. 10 ވަނަ ފަހަރަށް ވެސް ފޯނު ކެނޑިގެން ދިޔުމުން ޝަރަފްގެ ދަތްކުނޑި ވިކުނެވެ. ރުޅި އައި ވަގުތު އޭނަގެ ހިތް ބިރުވެރިކަމުން ވެސް ވަށާލެވިގެން ދިޔައެވެ. މިއަދު އޭނަގެ ހިތާމައިން ފުރިފައިވި ޙަޔާތަށް އަންނަން އުޅޭ އެންމެ އުފަލެއްވެސް އޭނައަށް ގެއްލެން އުޅޭހެން ހީވުމުންނެވެ. އެހެން ހީވި ތަނާހެން ޝަރަފަށް ފައިގައި ހުރި ބާރުމިނަށް ދުއްވައިގަނެވުނެވެ.
**
**
ހުސެއިނަށް ޝަރަފްގެ ކޯލްތައް ލިބެމުން ދިޔައީ އަފާފް ސާޖަރީއަށްޓަކައި ވައްދާލެވެން އުޅުނު ވަގުތު އޭނަގެ ނަފްރަތު އަމާޒުވެފައިވި ނަރުސްކުއްޖާ ދެންވެސް އަފާފްގެ ޑޮކްޓަރާއި ވެސް އޭނަ ބަލިވެ އިނދެދާނެކަމަށްބުނެ ވާހަކަ ދައްކަމުން ދިޔަ ވަގުތެވެ. އެ ނަރުސްކުއްޖާ ދައްކަމުން ދިޔަ ކޮންމެ ވާހަކައަކަށް ހުސެއިން އޭނަގެ އަމިއްލަ ރައްދެއް ދެމުން ދިޔައެވެ. ކޮންމެ ގޮތެއްވިޔަސް މޮޅުވާނީ އޭނަގެ ކޮޅުކަން ހުސެއިނަށް ޔަޤީންވެފައިވި ފަދައެވެ. ޝަރަފްގެ ކޯލްތައް ގިނަވުމުން އެ ޒުވާބުގެ ތެރެއިން ވެސް އެ ކޯލްތަކުގެ ފަހަތުގައިވި ސަބަބާއިމެދު އޭނައަށް ވިސްނާލެވުނީ އެހެންވެއެވެ. ޝަރަފް އެ ގުޅަނީ މި ޚަބަރު އޭނައަށް ލިބުމުންކަން ޔަޤީންވި ވަގުތު ހުސެއިންގެ ހިތް ނުތަނަވަސްވިއެވެ. އޭނަ ވަގުތުން ދުރަށް ޖެހިލަމުން އެވަގުތު ގޭގައި ހުރި ޝާދިޔާއަށް ގުޅާލީ އޭނަގެ ޚިޔާލު ހޯދުމަށެވެ.
“ތިވާނީ އޭނައަށް އެނގުނީކަމަށް. އޭނަ ތިތަނަށް އަންނާނެ މިހާރު ރަނގަޅަށްވިއްޔާ. އޭނަ ހޮސްޕިޓަލަށް ވަނަނުދީ ހުއްޓުވާނެ ބަޔަކު ހޯދާ.” ޝާދިޔާ ޖެހިލުންކުޑަ ކަމާއެކީ އެފަދަ ނަޞޭޙަތެއްދިނެވެ. އޭނަގެ ހިތުން ރަޙުމާއި ކުލުނުގެ ހުރިހާ އަސަރެއް ފިލާފައިވި ފަދައެވެ. އެކަމާމެދު ހުސެއިން ޙައިރާންވި މިންވަރުން އޭނައަށް ވާހަކަ ދެކެވުނެވެ.
“ޝާދިޔާއަށް ހިއެއްނުވޭތަ އެއީ މާ ބޮޑުވަރުހެން؟” ހުސެއިނަށް އަހާލެވުނެވެ.
“ބޮޑުވަރޭ؟ ކީކޭ ތި ކިޔަނީ؟ ބޮޑުވަރުވާނީ އަހަރުމެންގެ ދަރިފުޅަށް ދަރިއަކު ލިބިގެން އިންނާނެ މީހަކު ނުލިބިގެން އުޅޭ ދުވަހަކުން!” ޝާދިޔާ ވިސްނުންތެރިކަމާއެކީ އެހެން ބުނެލީ ހުސެއިންގެ ބަލި ފަޔަށް ވިސްނާފައެވެ. އޭނަ އެހެން ބުނުމާއެކު ހުސެއިނަށް ފުން ނޭވައެއް ދޫކޮށްލެވުނެވެ. އެއަށްފަހު އޭނަ އިތުރު އެއްޗެކޭ ނުބުނެ ފޯނު ކަނޑާލިއެވެ. އެއަށްފަހު ސިކުންތުކޮޅެއް ވަންދެން ފޯނަށް ބަލަހައްޓައިގެން ހުރެފައި އޭނަ ޝާދިޔާ އެ ބުނި ގޮތަށް ކަންތައް ކުރިއެވެ.
މަގުގެ ޕޭވްމެންޓުން ދުވެފައި ދިޔަ ޝަރަފްގެ މޭތެރޭގައި އޮތް ހިތް ބާރަށް ތެޅެމުން ދިޔައެވެ. ނޭނގޭ ސަބަބަކާހުރެ އޭނައަށް ރަނގަޅު ވަގުތަށް އަފާފްގެ ކައިރިއަށް ނުދެވިދާނެކަމަށް އޭނަގެ ހިތް ބުނަމުން ދިޔައެވެ. އެ ޚިޔާލު ސިކުނޑިއަށް ވެރިވަމުން ދިޔަދިޔަހެން އޭނަގެ ހަށިގަނޑަށް ވަރުބަލިކަމެއް އިޙްޞާޞްވެ އޭނަގެ ލޮލުން ދިލަ ނަގަން ފެށިއެވެ. އޭނަގެ ދަރިފުޅު އޭނައަށް ސަލާމަތް ނުކުރެވޭނެކަމަށް ހިތް ބުނަން ފެށި ވަގުތު އޭނަގެ ހިތަށް އުނދަގޫވިއެވެ. އެ ދަރިފުޅާ އޭނަ އެއްފަހަރުވެސް ބައްދަލުނުވެ އޭނައާއި ވަކިވެދާނެކަމަށް ހިތް ބުނި ވަގުތު އޭނަގެ ލޯ ކަރުނުން ފުސްވިއެވެ. އެ ކަރުނަތަކެއްގެ ސަބަބުން އޭރު އޭނަ 2 ގޯޅިއެއްހާ ދުރުން ފެންނަމުން ދިޔަ ހޮސްޕިޓަލް ވެސް އޭނައަށް ފެންނަމުން ދިޔައީ ފުސްކޮށެވެ. މާގިނައިރެއްނުވެ އޭނަގެ ފައިން ވާގި ދޫވާން އުޅުނުހެން ހީވި ވަގުތު ޝަރަފަށް ސިހުމެއް ލިބިގެން ދިޔައީ ދުރުން އެއްލާލެވުނު ބިއްލޫރި ފުޅިއެއް އޭނަގެ ބޮލުގެ ފުއްކިބައިގައި ޖެހި، ތަޅައިގެން ދިޔުމުންނެވެ.
**
ހުސެއިންގެ އެތައް ޒުވާބުތަކާއި، ޝާދިޔާ ފަހުން އައިސްގެން ސިއްރުސިއްރުން ޑޮކްޓަރަށް ދިއްކޮލި ލާރިކޮޅެއްގެ ސަބަބުން ތިއޭޓަރަށް ވެއްދި، ސާޖަރީއަށްޓަކައި ތައްޔާރު ކުރެވިފައި އޮތް އަފާފަށް އެ އެނދުމަތީގައި އޮވެ ދެލޯ ހުޅުވާލެވުނީ ކުއްލިއަކަށެވެ. ކޮންމެވެސް ބޮޑު ނުބައެއް ވެއްޖެހެން އޭނައަށް ހީވީ ކީއްވެކަމެއް ނޭނގެއެވެ. އޭނަގެ ހިތަށް އެވަގުތު ވެރިވެފައިވީ ޝަރަފްގެ ނަމެވެ. އޭނަ ޝަރަފްވީ ތަނެއް އެވަގުތު އިންތިހާއަށް އެނގެން ބޭނުންވިއެވެ. އެހެނަސް ތިއޭޓަރުގެ ތެރެއިން އިވެމުން ދިޔަ އެކި އާލާތްތަކެއްގެ އަޑުތަކާއި ފިޔަވަޅުތަކެއްގެ އަޑު އިވިފައި މިތަނުން ދެން އޭނައަށް ބޭރުވެވޭނެ އެއްވެސް ގޮތެއްނެތްކަން އޭނައަށް ޔަޤީންވިއެވެ. އެހެންކަމުން ހިތާހިތުން އޭނައަށް ޝަރަފަށްޓަކައި ދުޢާކުރެވުނެވެ. އަދި ހަމަ އެހިނދު އޭނަ ބަލިވެ އިންނަމަ އޭނަގެ ދަރިފުޅުވެސް ރައްކާތެރިކޮށްދެއްވުމަށް އެދި ދުޢާކުރެވުނެވެ. އެ ދުޢާކުރެވުނު އިރު އެންމެ މޮޅު ރައްކާތެރިއަކީ ﷲ ކަން ހަނދާންވުމުން އަފާފްގެ ހިތަށް އަނެއްކާވެސް ހަމަޖެހުމެއް ވެރިވާން ފެށިއެވެ. އޭގެ މާގިނައިރެއް ނުވެ އޭނަގެ އަނގަމަތީގައި މާސްކެއް އެޅުނުތަނާހެން ލަސްލަހުން އޭނަގެ ދެލޯ މެރި، އޭނަގެ ހޭ ނެތުނެވެ.
**
ފުޅި ގޮސް ޖެހުމާއެކު ޝަރަފްގެ ހެއަށް ގޮތެއްވިއެވެ. އެހެނަސް އޭނަ ގަދަކަމުން ދެލޯ މަރައި ތަގުޅި ކޮށް ބޮލުގައި ހިފަހައްޓާލަމުން ބޯހޫރުވާލިއެވެ. އެއަށްފަހު އޭނަ ފަހަތް ބަލަން އުޅުނުތަނާހެން އަނެއްކާވެސް އެތާހުރި އޭނަ ނުދަންނަ މީހެއްގެ އެތިފަހަރެއް އޭނަގެ ގަޔަށް އެރިއެވެ. އޭނައާއި އެއްވަރަކަށް ހަށިގަނޑު ހުރި އެ ފިރިހެން މީހާއާއެކީ 6 ވަރަކަށް މީހުން އެތާނގައި ތިބިތަން ފެނިފައި ޖެހިލުންވިއެއްކަމަކު ޝަރަފް ފަހަތަކަށް ނުޖެހުނެވެ. އޭނަގެ ގައިގައި ދެން ޖަހަން އައި މީހާގެ އަތް ޝަރަފް ފަރިތަކަމާއެކީ ހުއްޓުވިއެވެ. އެހެނަސް މާގިނައިރެއްނުވެ އެހެން މީހަކު އައިސް އޭނަގެ ބުރަކަށީގައި ވަޅި އެޅިއެވެ. އެކަހަލަ ކަމަކަށް އުއްމީދުކޮށްގެން ނެތް ޝަރަފަށް ވީ ތަދާއެކީ ހުރި ގޮތަށް ހުރެވުނެވެ. އެހެނަސް އޭނަ ދެންވެސް އޭނަގެ ދިފާޢުގައި އަތް އުފުލޭތޯ މަސައްކަތް ކުރިއެވެ. އެހެނަސް އެމީހުން ޚުށިޔާރުކަމާއެކީ ޝަރަފް އުއްމީދު ނުކުރާ އެކި ގޮތްގޮތަށް އޭނައަށް އަނިޔާ ކުރަން ފެށުމުން ޝަރަފް ވަރުބަލިވާން ފެށިއެވެ. އެންމެފަހުން އެމީހުންގެ ތެރެއިން އެކަކަށްފަހު އަނެކަކު ޝަރަފްގެ މޫނުމައްޗަށް އެތިފަހަރެއް ވިއްލަން ފެށުމުން ވެސް ޝަރަފަށް އެއްކަމެއްވެސް ނުކުރެވޭވަރުވިއެވެ. މާ ގިނައިރެއްނުވެ ޝަރަފްގެ ކަޅި މައްޗަށް އަރައިގެން ގޮސް ދެލޯ މެރި އޭނަ ބަންޑުން ގޮސް ބިންމަތީގައި ޖެހުނެވެ. އެވަގުތު އޭނަގެ ދެލޯ މެރިފައިވިޔަސް އޭނަގެ ހޭ ހުއްޓެވެ. އެހެންކަމުން އޭނައަށް ވަށައިގެންވި އަޑުތައް އިވެމުން ދިޔައެވެ. އޭނަ ވެއްޓުނުތަނާހެން އޭނައަށް ކުރިން އިވިފައިވި ހުނުމެއްގެ އަޑު އިވެން ފެށުމުން ޝަރަފަށް އޭނަގެ ދެލޯ ހަނިގޮތަކަށް ހުޅުވާލެވުނެވެ. އެއީ ކާކުގެ ހުނުމެއްކަން އެނގުނު ވަގުތު ޝަރަފަށް ހީވީ އޭނައަށް އޮވެވުނީ އޭނަގެ މާޒީގައި ހިނގި މަންޒަރެއްގެ ތެރޭގައި ހެންނެވެ. އޭނައަށް ހީވީ ރަނގަޅަށެވެ. އެ ހުނުމަކީ ވިޔާމް ނޫން ދެވަނަ މީހެއްގެ ހުނުމެއް ނޫނެވެ.
“ހެހެ…..ހަނދާންތައް އާ ކޮށްލުމަކީ ހާދަ ސަޅިކަމެކޭ ދޯ ޝަރަފް؟ ޓު ބީ އޮނެސްޓް އަހަރެން ހިއެއްނުކުރަން އަހަންނަށް މިފަހަރު ޝަރަފްގެ މައްޗަށް ބާރު ހޯދޭނެ ކަމަށް. އެކަމަކު ބަލިކަށިމީހުން ވާނީ ބަލިކަށި މީހުންނަށްތާ ދޯ؟ ކިތަންމެ ވަރުގަދަ ހަށިގަނޑެއް ހުއްޓަސް؟ އަދި ކީކޭ ބުނީ؟ މަށަށްވުރެ ކަލެއަށް މުއްސަނދި ވެވޭނެއޭތަ؟ ކަލެއަށް ފައިސާ ނުލިބޭތީ ކަލެއާ ކަލޭގެ އަންހެނުންވެސް ޙަޤީޤަތުގަ އެ ވަކިވީ. ކާކު އެމީހެއްގެ އަންހެން ދަރި ފަޤީރު މީހަކާ ދެވައިގެން އުޅެން ބޭނުންވާނީ؟” ވިޔާމް ގޮސް އޭނަ އެންމެ ކުރީގައިވެސް ހެދިފަދައިން ގޮސް ޝަރަފްގެ ބުރިކަށި މަތީގައި އޭނަ އެއްފައި އެޅިއެވެ. ޒަޚަމްގެ މަތީގައި އެ ބަރު ފިޔަވަޅު އެޅުމުން ވީ ތަދާއެކީ ޝަރަފަށް ބޯ ވަތަށް ޖަހާލެވުނެވެ. އެހެނަސް އޭނަގެ ހިތަށް ވެރިވެފައިވީ އިންތިހާ ދަރަޖައިގެ ރުޅިވެރިކަމެވެ.
“ތިބުނާ ރިސޯޓެއްވެސް ނޭޅޭނެ. ބަލާތި! އެޅޭނީ މީހަކު ދުނިޔޭގަ ހުރެގެނެއްނު؟” ވިޔާމް އެހެން ބުނެ ޝަރަފާއި ދުރުވެލަމުން އެތާ ބިންމަތީގައި ތެޅިފައި އޮތް ފުޅީގެ ބައެއް ނެގިއެވެ. އެއަށްފަހު އަތުގައި ހުރި ބާރަކާއެކީ އޭތި ޝަރަފްގެ ބޮލާއި ދިމާލަށް އަމާޒުކުރިއެވެ. އެހެނަސް އެ އަމާޒު ފުރިހަމަ ނުވަނީސް ބާރުގަދަ އަތަކުން އޭނަގެ އެ އަތުގެ ކުޑަ ހުޅުގައި ހިފަހައްޓާލެވުނެވެ. ވީ ނުރުހުމުގައި ވިޔާމް ނުބައި އެއްޗެކޭ ކިޔާލަމުން ފަސްއެނބުރި ބަލާލުމާއެކު މުޅި އެ މޫނުމަތީގެ ކުލަވަރު ބަދަލުވިއެވެ. އެ މޫނުމަތިން މުޅިންހެން ފެންނަން ފެށީ ނުތަނަވަސްކަމެވެ. އިސާހިތަކު އޭނަގެ އަތުގައި އޮތް ފުޅީގެ ބައި އޭނަގެ އަތުން ދޫވެ ބިންމަތީގައި ޖެހި، ތަޅައިގެން ދިޔައެވެ. އެ އަޑަށް ޝަރަފަށް އޭނަގެ މޫނު އެއްފަރާތަކަށް އަނބުރާލެވުނީ މަންޒަރު ފެނޭތޯއެވެ. އެހެނަސް ވިޔާމްގެ އަތުގައި ހިފަހައްޓައިގެން ހުރި ބިޔަ ހަށިގަނޑެއްގެ ވެރިޔާ އޭނައަށް ފެންނަމުން ދިޔައީ ފުސްކޮށެވެ. އޭނަ ބަލަބަލާ ހުއްޓާ އެ މީހަކު ވިޔާމްގެ އަތް ގަދަކަމުން ވައްޓާލަމުން ދޫކޮށްލިއެވެ. ވިޔާމް ދެންވެސް އެ ހުރިގޮތަށް ހުރީއެވެ. ޝަރަފް އިތުރަށް ސާފުކޮށް ބަލަން ލޮލަށް ބާރުލީހެން އޭނަގެ ބޮލުގައި ރިއްސަން ފެށިއެވެ. އެ ރިހުމުގައި އޭނަ ހޭނެތެން އުޅުނު ވަގުތު އެ ބިޔަ ހަށިގަނޑުގެ ވެރިޔާ ޝަރަފްގެ އެއްއަތް އޭނަގެ ކޮނޑަށް އެރުވިކަން ޝަރަފަށް އެނގުންވިއެވެ. އެއަށްފަހު ދެންވީނުވީއެއް ނޭނގުނެވެ.
**
ދުޅަ ގަޑިއިރުގެ ސާޖަރީއަކަށްފަހު އަފާފް ތިއޭޓަރުން ނެރުނުއިރު ޝާދިޔާއާއި ހުސެއިން ތިއޭޓަރުގެ ކައިރީގައި ހުރި ބެންޗުގައި ތިއްބެވެ. ޑޮކްޓަރު ނިކުތުމާއެކު އެމީހުން އަފާފާއި ބެހޭގޮތުން ސުވާލުކުރިއެވެ.
“ހީވަނީ ރަނގަޅުވާނެހެން. އެކަމަކު އަޅުގަނޑަށް ދެއްކި ރިޕޯޓަކީ ގޯސް އެއްޗަކަށް ވާނަމަ ފަހަރެއްގަ އަނެއްކާވެސް ދޭތެރެ ދޭތެރެއިން އަނދިރިވާގޮތް ވެދާނެ.” ޑޮކްޓަރު ޚަބަރު ދިނެވެ. އެ ޚަބަރާއިމެދު ހިސާބަކަށް ހިތް ހަމަ ނުޖެހިފައިތިބެ އާދައިގެ މަތިން ހުސެއިނާއި ޝާދިޔާ އަފާފަށްޓަކައި އެންމެ އަގުބޮޑު ޕްރައިވޭޓް ރޫމެއް ހޯދައި އެ ރޫމަށް ވެއްދިއެވެ. އަފާފް ހޭއެރުމުގެ އިންތިޒާރުގައި އެ ދެމަފިރިން ތިބީ އެ ރޫމުގައި ހުރި ސޯފާއެއްގައެވެ. ހިމޭންކަމާއެކީ ތިބޭތާ އިރުކޮޅެއް ވީފަހުން ޝާދިޔާ ވާހަކަ ދެއްކިއެވެ.
“އަސްލު އޭނަގެ ލޮލުގެ ފެނުން ވެސް އަނބުރާ ނައިއްޔާ ރަނގަޅީ މި ވަގުތަށް. އެހެންނޫނީ އަފާފަށް މިހުރިހާ ޙަޤީޤަތެއް އެނގުން ވަރަށް ގާތް.” ޝާދިޔާއަށް ބުނެލެވުނެވެ. އެ ވާހަކައާމެދު އަންތަރީސްވީވަރުން ހުސެއިނަށް ރުޅިވެރިކަމާއެކީ ޝާދިޔާއޭ ކިޔައި ގޮވާލެވުނެވެ. ބަދަލުގައި ޝާދިޔާ ވެސް ރުޅި އިސްކުރިއެވެ.
“މަށަށް ރުޅި އަންނާނެ ކަމެއް. މިއަދު ހުސެއިން ވެސް ތިހިރީ މަ ދައްކާ ގިނަ ވާހަކަތަކާ ޤަބޫލުވެގެން. މަ ކޮންމެ ވާހަކައެއްވެސް ދައްކަނީ އަފާފަށް ވިސްނާފައޭ! އޭނައަށް ދެވަނަ ދިރިއުޅުމެއް ފެށިގެން އޭނަގެ ފެނުން އަނބުރާ އައިއްޔާ އޭނަ ކުރީގެ ދިރިއުޅުމުގެ މަތިން ހަނދާން ނައްތާލަން ފަސޭހަވާނެއެއްނޫންތަ؟” ޝާދިޔާ ބުންޏެވެ. ހުސެއިނަށް އެ ވާހަކައަށް ބުނާނެ އެއްޗެއް ނޭނގުނެވެ. އެހެންކަމުން އޭނަ ފުން ނޭވައެއް ދޫކޮށްލަމުން މޫނު އަނބުރާލިއެވެ. ހަމަ އެ ހިނދު އެމީހުންގެ ކުރިމަތީގައި ހުރި އެނދުގައި އޮތް އަފާފް ލޯމަތީގައި އެޅިފައިވި ބެންޑޭޖާއެކީ ދެފަރާތަށް ދެފަރާތަށް މޫނު އަނބުރަން ފެށިއެވެ. އެއާއެކު ހުސެއިން ވަގުތުން ޑޮކްޓަރަކަށް ގޮވަން ދިޔައިރު ޝާދިޔާ އަފާފްގެ ކައިރިއަށް އައެވެ. މިނެޓްތަކެއްގެ ތެރޭގައި ޑޮކްޓަރަކާއި ނަރުހަކު އައިސް އަފާފްގެ ކައިރީގައި މަޑުކޮށްލަމުން އަފާފް ތެދުކުރުވިއެވެ. އެ ހިނދު އަފާފްގެ ހަނދާނަށް އަންނަމުން ދިޔައީ އޭގެ އަހަރެއްހާ ކުރީގެ ހަނދާނެވެ. ހަމަ މިފަދަ ގޮތަކަށް އޭނަގެ ލޮލުގައި ބެންޑޭޖް އެޅިފައިވި ގޮތެވެ. އެދުވަހު އެ ހިތަށް ވެރިވެފައިވި ނުތަނަވަސްކަމެވެ. އެދުވަހު ޑޮކްޓަރު ކުރި ސުވާލު އެވަގުތު އެތާނގައި ހުރި ޑޮކްޓަރު ވެސް ކުރިއެވެ. މީގެ އަހަރެއްހާ ކުރިއާއި ޚިލާފަށް އަފާފް ތަދުނުވާ ވާހަކަ ބުނެލީ ސާބިތުކަމާއެކީގައެވެ. އެވަގުތު ޝާދިޔާ ރޯ ކަމަށް ހެދެމުން ދިޔައެވެ.
“ލޮލުގެ ފެނުން އަނބުރާ އައިސްގެން އަފާފަށް ފެންނަން ހުރީ އެހާ އުފާވެރި ޙަޔާތެއްނޫން. މިއަދު ނުފެނުނަސް އިން ޝާ ﷲ އަފާފަށް އުފާވެރި ޙަޔާތެއް ލިބޭ ދުވަހަކުން ލޮލުގެ ފެނުން އަނބުރާ ލިބޭނެ. ދަރިފުޅު ދެރަނުވައްޗޭ!” ޝާދިޔާ ރޮވިފައިވި އަޑަކުން ބުންޏެވެ. އެވަގުތު ހުސެއިން ވެސް އެތާނގެ ކައިރިއަށް އައިސް މަޑުކޮށްލިއެވެ. އެ ދެމީހުންނަށް ވެސް ނޭނގުނު ކަމަކީ އަފާފް އެއްގޮތަކަށް ވެސް ދެރަނުވާކަމެވެ. އޭނަގެ ހިތުގައި ދުވަހަކުވެސް ނުވާފަދަ އުއްމީދެއް ވާކަމެވެ. އެ އުއްމީދު ފުރިހަމަވުމުން އޭނަ ޙަޤީޤަތް ހޯދައި ބަލަން ކެތްމަދުވެފައިވި މިންވަރެވެ. އަފާފްގެ އެ ކެތްތެރިކަން ކޮޅުންލާން އުޅުނު ވަގުތު ޑޮކްޓަރު އޭނަގެ ލޯމަތީގައި ހުރި ބެންޑޭޖް ނަގަން ފެށިއެވެ. ސިކުންތުކޮޅެއްގެ ތެރޭގައި އެ ބެންޑޭޖް އަފާފްގެ ލޯމަތިން ނެގުނެވެ. އަފާފް ލަސްލަހުން އޭނަގެ ލޯ ހުޅުވައި ބަލާލިއެވެ. އެއާއެކު އޭނަގެ އަނގައިން ނިކުތް ކުރު ނޭވައެއްގެ އަޑު އިވުނެވެ.
ނުނިމޭ
Other Articles
ނަމަވެސް.. 3
ރީތި ސޫރައެކޭ 4-
45 Comments
Comments are closed.
Assalaam’alaikum. varah varah bodah maafah edhen mihaa lasveema. jana vaahaka liyan huttaa dhimaavi kamakun varah gina iru vandhen liyun medhukenduny. varah masakkaiy kurin mi bai kuree baithakaa evvaru kureveytho. ekamaku mihaa hisaabun up kolly ithurah lasnukuranvegen. In Sha Allah jana maadhamaa haveeru 5:30 hikah haairu mi bai dhigu kohdheynan. jana varah beynun jana nimman beynunvi hisaabah mi bai nimman. mi bai ge nama badhaleh annaane dhigu kurevunyma In Sha Allah. ehenvyma haveeru check kollun edhen. Jazaakumullah Khairan!
PS: kureege baithakaa gulhun huri fb post thah thursday ga fennaane vaahaka bunelan In Sha Allah.
Nimunee?
adhi nunimey 😀
Alhey haadha kurukoh☹️
mihaaru dhiguvejje dho fathu 😉
Masha allah mi baives vvv reethi???❤waiting next part?
Alhamdhulillah! (All praise and thanks belong to Allah) 😀 <3 next part maadhamaa haveeru ehen noony reygandu In Sha Allah. avahah genesdheveytho balaanan In Sha Allah 🙂
Mashaa Allah.. v reethi. Waiting for the next part… i luv ur stories Jana..❤❤
Alhamdhulillah! <3 next part maadhamaa In Sha Allah 🙂
Jana vaahaka liyan feshumun mi noon vaahakaeh nuves kiyey, maasha Allah varah reethi , adhi ehaame furihama, waiting for next part?
hehe….rangalhu vaahaka thah kiyanvaane ekamaku ingey freedom? 😀 Khaassakoh Quranuga hunna vaahaka thah. jana ge vaahaka thah dhuvahakuves ehaa furihama eh nuvaane. aslu e vaahaka thakuge reethikan nufennany aharumen eah samaalukan nudheythy. they are just so amazing! <3 <3 <3
Anyways next part maadhamaa ingey In Sha Allah 😀
Maasha Allah mi part vx v v v reethi ❤️❤️❤️… Eagerly waiting for the next part ???
Alhamdhulillah! <3 😀 next part maadhamaa ingey shifoo? In Sha Allah 😀
Fast
thikan kureveytho mi balany In Sha Allah 🙂
Varah reethi ehaa furihama
Alhamdhulillah! 🙂
Masha Allah … Story habeys ….. Janaa varah rythi story .keep it up janaa… Luv n miss u.. Waiting for the next part❤❤❤
Alhamdhulillah! Jazaakillah Khairan for the support, sis 😀 Love you too. <3 <3 <3 next part maadhamaa In Sha Allah 🙂
Masha Allah ….. Janaa varah rythi story .keep it up janaa… Luv n miss u.. Waiting for the next part❤❤❤
🙂
Jana varah good ??????????????
Thanks jana
When next part?
jana good eh noon ingey 😛 ehaa gina dhuvas vandhen up nukureveynethy edhuvahu dhigu kolladhiny. hehe 😀 next part maadhamaa In Sha Allah <3 <3 <3 <3 <3 <3
Vaahaka miharv rythivey eba Masha Allah
Alhamdhulillah! Shukuriyya siththi dhekey goiy angaala dhineethee. adhives reethi kureveytho balaanan In Sha Allah 🙂
Alhamdhlillah ❤️ V salhi mi part..
Alhamdhulillah! <3 😀
Maa shaa Allah! Vrh reethi vaahakaeh miee.. Adhi ehaame Iburaiyytheri.. Jana ge vaahaka thakun dheeny ethakeh filaavalhu thakeh kiyun therinnah foaru kohdheythy varah ufaavey.. In aha Allah, Jana thikuraa masakkathuge sababun ethah bayakah hidhaayaiyy dhehkevumuge medhuveriyakah Jana vedhaane… Thikuraa hiyyvarah hama saabas… Adhi shukuriyyaa… Kuriyah oiyy bai ves varah reethi vaane kamah ummeedhu kuran.. Jana ge vaahaka thah ginain kiyan libeyne kamah ummeedhu kuran.. Jazakillah khairan.. Jana thikuraa masakkathuga maaiyy Allah barakaaiyy lavvaashi..?❤️❤️❤️
Maashaa Allah.. Varah reethi vaahakaeh miee… Jana ge vaahaka thakun dheeny ethakeh filaavalhu thakeh kiyuntherinnah foarukohdheythy varah ufaavey.. Jazakillah khairan? Jana ge vaahaka thakuge sababun ves ethah bayakah hidhaayaiyy dhehkevumuge medhuveriyakah Jana vedhaane, in aha Allah.. Maaiyy Allah Jana thikuraa masahkathuga barakaaiyy lavvaashi…?❤️❤️❤️
Maa sha allah… varah reethi vaahakaeh miee.. adhi varah iburaiyytheri… varah ufaavey jana ge vaahaka thakuga varah bodah dheeny kan kamah samaalukan dheefa vaathy.. jana ge vaahaka thakun kiyuntherinnah varah gina filaavalhu thakeh ves aslu hageegathugai dhasvaane.. adhi ethah bayakah hidhaayaiyy dhekkevumuge medhuveriyakah ves jana vedhaane, in sha allah… hama gaimuves jana ge vaahaka thah kiyan feshi fahun GIRL ah dheeny kan kamah ithurah faruvaatheri vaan baarulibijje… jazaillah khairan… jana thikuraa masahkathah fah fashun shukuru dhannavan.. adhi hama saabass… jana thikuraa masakkathuga maaiyy allah barakaaiyy lavvaashi… ekalaange dheenuge magugai kuraa konme kamehgai ekalaange barakaaiyy lavvaane.. in sha allah… kuriyah oiyy thaa ves jana ge gina vaahaka thakeh kiyan libeyne kamah ummeedhu kuran.. adhi teenage dhuvasvarah ali alhuvaalaifa inna vaahakaeh kiyaalan libeyne kamah ummeedhu kuran.. aee, gaaiyy ganadakah hama varah gina kudhin noony hurihaa kudhin kahala gothakah kujjaa ge dhiriulhumah emme bodu badhaleh anna umuraky aee kamugai vaathy.. varah gina kudhinnah faidhaa kuraane eyrun… in sha allah.. jazakillah khairan…
Subhaanallah GIRL. Girl ge comment kiyaafa vvvvvv ufaavi jana. Alhamdhulillah! gina faharu jana ves handhaan nethey goiy vey aslu migothah vaahaka thah liyan feshy keevvegen kan. Girl ge thi commentun e handhaan anekkaaves varah rangalhah thaazaa vejje. Alhamdhulillah! GIRL ah jana ge vaahakain faidhaa eh kuriyya kury hama ekani Allah ge iraadhafulhun. hidhaayaiy dhakkavaany hama ekani Allah. ey jana kuraa kamakah vaanama mi vaahaka kiyaa emmenge hiythakahves evvarakah asareh kurees. hehe… 🙂
jana ves aslu varah liyaa hiyvvey teenage aa behey gothun. ekamaku kurin liyunu dhe vaahaka ves ehen hureema mifaharu kudakoh thafaathu kollan vegen ebai madhu kolly. ehen hedhyma mi vaahakain libey faidhaa ehaa bodeh noonhen ves jana ah heevaa faharu eba aadhey. hehe….In Sha Allah adhi jana ge ithuru vaahaka thah fenigen dhaane. hurihaa kiyuntherin jana attakai dua kohdhinumaky v bodu edhumeh. adhi jana ves thiya kiyuntherinnahttakai dua kohdheynan In Sha Allah. Maai Allah alhamen kuraa komme heyo kameggai barakaaiy lavvai alhamennah hidhaayaiy ithuru kohdhevvaashi. Ameen! Baarakallah Feeki! <3
Sharaf ge Beybe dwh e salaamai kuree anyways story v nice waiting
salam. alhugandah heevanee ey viyam menge boss hen. hehey.. ?
Salaam. Yaa Sharaf ge beybe hen heevany. And zo is his wife. I guess?
haadha salhi guess thakey mihiry hahthahaaves. 😀 hehe…..dhen balamaa vaagotheh In Sha Allah 🙂
Maa sha allah.? Varah reethi. When next part?
Alhamdhulillah! Next part maadhamaa In Sha Allah 🙂
Koba aneh part ? Up kohdheyn buni dhuwas wes gohssi dhw
Alhey xeyboo jana nubunamey 57 vana part up vaane dhuvaheh. jana buny mi bai dhigu kureveyne vaguthu vaahaka. hama edhuvahu dhigu kohdheefa hunnaany ingey 😀
Kon irakun next part Jana??? Vrh reethi mi part ves…? Waiting for the next part..?❤️❤️❤️?????
Alhamdhulillah! Next part maadhamaa In Sha Allah 🙂 <3 <3 <3 <3
Assalaam’alaikum 😀 thi hurihaa kiyuntherinna mihaa dhuvas vandhen dhuruga ulhevunu kamattakai maafah edhen. jana mi hurihaa dhuvahu varah burakoh masakkaiythakeh nimmamun dhiyaee. ehenve mi bai dhigukoffa dhen oiy bai up vaane dhuvasves neyngy. ekamaku mihaaru Alhamdhulillah e masakkaiythah nimijje. ehenveema maadhamaa haveeru vaahakaige anebbai up vaane In Sha Allah 😀 mihaaru midhany fb post thah liyamun. In Sha Allah mirey comment thakah reply koffa fb post thah genesdheynan. varah loabi comment thah mifaharu mihiry ves Alhamdhulillah! :’) thiya kiyuntheringe faraathun thiya dhey hiyvvarattakai Jazaakumullah Khairan. adhi mi vaahakain thiya kiyuntherinnah faidhaa eh kuranya ey libey varah bodu hiyvvareh. 😀 <3 Maai Allah alhamen emmennah hidhaayaiy ithuru kohdhevvaashi. Ameen!
FB Post (English)
Why is it that when we lose something of this temporary world, we turn towards other people? How could they help us anyway? Who is giving them their rizq? Who is in control of your rizq and theirs?
I’m reminded of an example as I ask these questions. And of course nothing can be compared to Allah swt. This example is just so that we can reflect on how we behave when something that we love is taken away from us. Whether it’s our health, our wealth, our houses, our families or anything that we value.
Imagine a boss that you have, who is very considerate. I know different people have different kinds of bosses. The kind of bosses who make you want to frown and the kind of bosses who inspire you to wake up every day to go to work. Regardless, let’s imagine a boss who is of the latter type. And you are working in his or her company or organization. Your boss is one who consistently checks upon the employees under him. Every time he sees you he smiles and asks you personally about how everything is going. The boss regularly holds meetings just to listen to complaints of each and every single employee and fix those issues. He keeps asking you and the other employees whether there is any request just to ensure that your work life is better than before.
Now imagine this. Imagine that you are writing an extremely important document on your computer at work. You have worked on this document related to a project that you are in charge, for about 6 months now. This document might even get you a promotion so you are very excited. But just as you were about to be done with it, the computer shuts down and all of it is gone, in a split second. You try to restart the computer but it doesn’t. The technician comes and tells you that it cannot be fixed. All of your hopes died in an instant, just because you lost one resource. You lie back on your chair, not knowing what to do.
In this situation, who will you approach first? A coworker who works with you? If you share what happened with a coworker, what are the chances of getting help? And if they did help, will they be able to extend the date of the project? Or will they be able to cover the losses that you might suffer because you lost the project? Or at least will they be willing to buy you a new computer to work with? No! They cannot do any of these.
However, if you approached your boss instead, the one who owns the whole place, will he do something to help you? Absolutely! Especially when your boss is not so merciless. He will immediately give you support saying that it’s not your fault. And because you worked so hard on the project, he might assign you with a bigger project that will get you a higher promotion. And the computer he will buy for you this time, will be much better than the previous one you had.
So when we lose something in life, instead of turning to other people around us, who are having problems just like we do, we must turn towards the One Who Owns all of what is in the skies and the earth. Because it is only He Who can solve our problems for us completely. It is only He Who can turn our hardships into ease. And it is only He Who can bring peace to our hearts. If a boss who cannot control everything that happens to you can be so good to you, how perfect will Allah be, in handling your affairs, while He is the Most Merciful and He does whatever He does out of Wisdom, Knowing what is best for you? Subhaanallah!
May Allah make us of those who turn to Him over and over again. Ameen!
FB Post (English)
You know what’s beautiful? When Allah puts us in a situation where we have no one but Him to help us, so that we realize that He in fact is the One Who is enough for us. This could be a severe situation, like you being on a hospital bed inside a theatre while you are waiting for the doctors to start your surgery, or be it one of those ‘silly’ fears like being scared to cross the room because there is a spider on the ceiling. Whatever the fear, whatever the sadness, Allah is enough for you to over come them. And you will only realize the power of those words, when you say them right at a moment where you feel helpless, and Allah takes you out of it.
So if you are going through a hard time, say these words and mean them In Sha Allah. Hasbiyallah!
Assalaam’alaikum. jana heekuri varah vure gina vaguthu negi mi post thah liyan. hehe….In Sha Allah mi post thakuge dhivehi post thah dhen oiy bayaa eky genesdheynan 🙂 alah vaahaka kiyan feshi hurihaa kiyuntherin mi page ah ziyaarai koh post thah kiyaalumaky varah bodu edhumeh. fb ga noolhey kiyuntherinnattakai baithakuge dhashun comment thakegge sifaigai post thah fennaane vaahaka bunelan 🙂
https://www.facebook.com/Asr-1445208739121696/