އަނދިރިފަރާތް (ކިއު&އޭ)

ޝުބާ

1)އެޖެންސީގައި އުޅޭ މީހުންގެ ތެރެއިން ޝުބާ އެންމެ ލޯބިވަނީ ކާކު ދެކެ؟

ޝުބާ: (ހިނިގަނޑެއް ޖަހާލާފައި) އެޖެންސީގަ އުޅޭ ހުރިހާ އެންމެން ވެސް އަނެއް ގޮތަށް ވަރަށް ފްރެންޑްލީވާނެ. އެކަމަކު އަހަރެން އެންމެ ގާތް ވާނީ އަރޫންއާ.. ސޯ…. އަރޫން.

2)އެންމެ ދެކެން ބޭނުންވާ ދުވަހަކީ ކޮބާ؟

ޝުބާ: އަސްލު އަހަރެން އެޖެންސީގެ މަސައްކަތްތައް މިކުރަނީ ވަރަށް ވަރަށް ކުރާ ހިތުން. އެކަމަކު މަންމަމެންނަށް މިކަން އެނގެއްޖިއްޔާ….ވަރަށް ނުރުހުންވާނެ. ބޭނުންވަނީ މަންމަމެންނަށް މިކަން އެނގޭ ދުވަހަކުންވެސް އަހަރެން މި ކުރާ މަސައްކަތް އެމީހުން ބަލައިގަންނަން. އެ ދުވަސް ކަންނޭނގެ އެންމެ ދެކެން ބޭނުންވަނީ.

3)ޝުބާ ލޯބިވަނީ ކާކު ދެކެ؟

ޝުބާ: ލޯބި ތި ބުނަނީ ކޮން ކަހަލަ ލޯތްބެއްގެ ވާހަކަ ތަ އަސްލު؟ ލޯބިވޭ ބައިވަރު މީހުން ދެކެ. ފެމެލީ ދެކެ ވެސް. އަދި ފްރެންޑްސް ދެކެ ވެސް. އެޖެންސީގަ އުޅޭ މީހުން ދެކެ ވެސް. އަދި……………………………. (ފުން ނޭވައެއް ދޫކޮށްލާފައި) ޝާކިން ދެކެ ވެސް.

4)އެންމެ ލޯބިވަނީ ޝާކިން ދެކެތަ ނޫނީ ރޫޝިން ދެކެތަ؟

ޝުބާ: ރޫޝިން އިޒް ޖަސްޓް މައި ފްރެންޑް އިނގޭ. ރޫޝިން އަހަރެން ދެކެ ލޯބި ވިޔަސް އަހަންނަށް އޭނަ ދެކެ ލޯތްބެއް ނުވެވޭނެ ދޯ. އަހަރެން ލޯބިވަނީ……. ޝާކިން ދެކެއޭ. އެއީ އެނެމީ އަކަށް ވިޔަސް…

5)ޝުބާ ލޯބިވަނީ ޝާކިން ދެކެތަ؟ ނޫނީ އަރޫން ދެކެތަ؟

ޝުބާ: (ހިނިގަނޑެއް ޖަހާލާފައި) އަނެއްކާ؟ އަރޫން އަކީ މަގޭ ބެސްޓީ ދޯ. އަރޫން ދެކެ ލޯބިވަނީ ހަމަ ފްރެންޑެއް ގޮތަށޭ.

6)ގައުމާއިމެދު ވިސްނާފަ ޝާކިން ދޫކޮށްލާނަންތަ؟

ޝުބާ: (ފުންނޭވައެއް ދޫކޮށްލާފައި) އަސްލު.. އަސްލު ތީ ވަރަށް އުނދަގޫ ސުވާލެއް ޖަވާބުދޭން. އަހަރެން ޝާކިން ދެކެ ލޯބިވީ ގަސްތުގައެއް ނޫން ދޯ. ލޯބިވެވުނީ. ޝާކިން އަކީ ކާކުކަން އެނގުނު ދުވަހު…. ހާދަ ދެރަވިއޭ. އެނީވޭ، އަހަރެން ޝާކިންއާ ރައްޓެހިވީ ވެސް ގައުމަށްޓަކާ ދޯ؟ ގައުމު އިސްކުރަން ޖެހޭނީ ކޮންމެ ގޮތެއް ވިޔަސް.

7)ޝުބާ. އައި ލަވް ޔޫ. ވިލް ޔޫ ބީ މައިން؟

ޝުބާ: (މޭގައި އަތް އަޅާލާފައި) މައި ގުޑްނެސް! ތިހާ ޑައިރެކްޓް ކޮށް މީހުންނަށް ކޮންފެސް ކުރާކަށް ނުވާނެ. މީ ޓިޕެއް އިނގޭ. ދެން ވެސް ތިހެން ނުހަދާތި. ހައްހައް.

8)އެޖެންސީއިން ވަކި ކޮށްފިއްޔާ ކޮން ކަހަލަ އިހުސާސެއް ކުރެވޭނީ؟

ޝުބާ: ވަރަށް ވަރަށް ދެރަވާނެ އަސްލު. އެއީ ކަރާޓީ، ބޮކްސިންގް ކަހަލަ ކަންތައްތަކަކީ އަހަރެން ވަރަށް ކުރާ ހިތްވާ ކަންތައް. ކުޑައިރުއްސުރެ ވާން ބޭނުންވީ އެކަހަލަ ކޮންމެވެސް ކަމެއް ކުރާ މީހަކަށް. ސިފައިންގެއަށް ވަންނަންވެސް ހިޔާލު ކުރިން. ދެން އެހެން ހުއްޓާ އެޖެންސީ އިން ޗާންސް ލިބުނީމަ ވަރަށް އުފާވި. ބޭނުމީ ހަމަ އެޖެންސީގެ މަސައްކަތުގަ އުޅެން އަބަދަށްވެސް.

9)ޝުބާ ތީ އެޖެންޓެއް ކަން ޝުބާގެ ފެމެލީއަށް އެނގޭތަ؟

ޝުބާ: ނޯ. އެނގެއްޖިއްޔާ ދޭ ވިލް ކިލް މީ.

10) ޝުބާ އަށް ކަމުދާ ފިރިހެނެއްގެ ކިބައިގައި ހުންނަން ޖެހޭނެ ސިފަތަކަކީ ކޮބާ؟

ޝުބާ: (ހިނިގަނޑެއް ޖަހާލާފައި) ލެޓްސް ސީ. ކެއާރ ކުރަން ވާނެ. މަޑުމައިތިރި ވާން ވާނެ. އަހަރެން ދެކެ ވަރަށް ވަރަށް ވަރަށް ވަރަށް ލޯބިވާން ވާނެ. ހުރިހާ ސީކްރެޓެއް ކިޔައިދޭން ވާނެ. ދެން ހޭންޑްސަމް ވާން ވެސް ޖެހޭނެތާ ދޯ. ހެހެ.

11)އޭ މަރުވީތަ؟

ޝުބާ: (ދެލޯ ބޮޑުކޮށްލާފައި، ވަރަށް ސީރިއަސްވެލާފައި) ވެދާނެ މަރުވީ ކަމަށްވެސް. ސީޒަން ޓޫ ކިޔާލީމަ އެނގޭނީ ތިއެއް.

އަރޫން

1)ޝުބާ ދެކެ ލޯބިވޭތަ؟ ޝުބާ ދެކެ ލޯބިވޭތަ؟ ޝުބާ ދެކެ ލޯބިވޭތަ؟

އަރޫން: ހާދަ ގިނައިން ތިހެން ތި އަހަނީ؟ ބިރުވެސް ގަނެއްޖެ.. އާން ލޯބިވޭ.. (ހީލާފައި) މި ބުނީ… ފްރެންޑެއް ގޮތަށް އިނގޭ.

2)އެންމެ ފުރަތަމަ ޝުބާ ފެނުނީމަ ހިތަށް އެރީ ކީކޭ؟

އަރޫން: (ނުލަފާ ހިނިގަނޑެއް ޖަހާލާފައި) ހިތަށްއެރީ އެއީ ބޮޑު ސައިކޯއެކޭ.

3)ޝުބާ އާ މެދު ދެކެނީ ކިހިނެއް؟

އަރޫން: ހުސް ޝުބާއާ ބެހޭ ސުވާލުތަ ތި ކުރަނީ؟ ހައްހައް. ޝުބާއާ މެދު ދެކޭ ގޮތް ދޯ. (ބޯ ކަހާލާފައި) ވަރަށް ގާތް މީހެއް އެއީ. ވަރަށް މަޖާވާނެ. ސަޕޯޓިވް ވާންޖެހޭ ހާލަތްތަކުގަ ވަރަށް ސަޕޯޓިވް ވެސް ވާނެ. ހަމަ އެންމެ ބެސްޓު އެއީ.

4)އަރޫން. ޝުބާ އެއީ އަރޫން ގެ ކާކު؟

އަރޫން: ތި ސުވާލު އެހި ގޮތުން ވަރަށް ބިރުގަނެއްޖެ އިނގޭ. ހީވަނީ ޝުބާގެ މަންމަ އަހާލިހެން ވިއްޔަ. ހެހެ. ދެން ހަމަ ނޭނގޭތީތަ ތި އަހަނީ؟ ޝުބާ އަކީ މަގޭ ބެސްޓީ އެއްނު؟

5)ކާކު ދެކެ ލޯބިވަނީ؟

އަރޫން: ތި ބުނީ އިޝްޤީ ލޯތްބޭ މިކިޔާ ލޯބީގެ ވާހަކަ ކަމަށް ވެއްޖިއްޔާ…. އަމްމް… ލެޓް މީ ތިންކް.. ނުވެވެއޭ އަދި މީހަކު ދެކެ ލޯތްބެއް.

6)މިއުޅެނީ އިންނާނެ މީހަކު ނުވެގެން #. އަރޫން މަށާ މެރީ ކުރަންވީނު؟

އަރޫން: (ދެލޯ ބޮޑުކޮށް، މޭގައި އަތް އަޅާލާފައި) ފުރަތަމަ ފަހަރަށް މީހަކު އަހަންނަށް ކޮންފެސް ތި ކުރީ. ނޭނގިފަ މިއިނީ ޖަވާބު ދޭން ވެސް.

7)ޝުބާ ދެކެ ލައިކްވޭ ދޯ؟ ދޯ؟ ދޯ؟

އަރޫން: (ހެމުންހެމުން) ހަމަ އަސްލަށްވެސް ބިރުގަނޭ އެބަ މިހާރު. ޝުބާ އެއީ ބެސްޓީއޭ، ބެސްޓީއޭ، ބެސްޓީއޭ.

8) އެޖެންސީ އިން އެންމެ ކްލޯޒްއީ ކާކާ؟ އަދި ކީއްވެ؟

އަރޫން: ޝުބާއާ މާޒްއާ ރިޒާމްއާ artículo. މި ތިން މީހުންނާ އެންމެ ކްލޯޒް ވާނީ. އެއީ، އަހަންނާ ވަރަށް ގުޅޭ ތިން މީހުން. އެހެންވެ. އަދި އެއް ޓީމެއް ވީމަ ގިނަ ފަހަރު އެކީގަ ވޯކް ކުރަން ޖެހެނީ.

9)އަސްލު އެރޭ ޝުބާއަށް ހެލިކޮޕްޓަރުން ހަމަލާ ދިނީ ކޮންބައެއް؟ އަދި އެއީ ކީއްވެ؟

އަރޫން: (ފުންނޭވައެއް ދޫކޮށްލާފައި) އެއީ ރާޖް ސާރ އާ ޝާކިން. އެމީހުންނަށް އަސްލު އެނގޭ އެމީހުންނަށް އެޖެންސީގެ މީހުން ފާރަލާކަން. އެހެންވެ ޝުބާ ވެސް އެޖެންސީ މީހެއް ގޮތަށް ޑްރެސްކޮށްފަ ހުރިތަން ފެނުނީމަ އެމީހުން އެޓޭކް ކުރީ ހެން ހީވަނީ.

10)ޝުބާއާ މެރީ ކޮށްފާނަންތަ؟

އަރޫން: (މޫނުގައި ދެއަތް އަޅާފައި) އަޅެ ފަހެ މީ ޝުބާއާ ބެހޭ އިންޓަވިއުއެއްތަ؟ މަ ބޭޒަރުވަނީތަ މިއޮއް؟ (ކުއްލިއަކަށް ތެޅިގަނެފައި) އޭނ… ނޫން.. އިނގޭ… މި ބުނީ ނޫނެކޭ…… ހެހެ

ޝާކިން

1)ޝުބާ ދެކެ ލޯބިވެވުނީ ކޮން ސަބަބަކާ ހުރެ؟

ޝާކިން: ޕްރައިމެރީ ގުރޭޑުން ފެށިގެން ވެސް އޭނަ އުޅުނީ އަހަންނެކޭ އެއް ކުލާހެއްގަ. އެކަމަކު އަހަންނަށް އޭނަ އަނެއްހެން ފާހަގަވާން ފެށީ… އެގާރާގައި އުޅުނު އަހަރު. އޭނަގެ ހުންނަނީ ވަރަށް މަޖާ ޕާސަނަލިޓީ އެއް. އަބަދުވެސް އުޅޭނީ މުޅި ކުލާސް ހިންގާލައިގެން. އެހެންވެ ކަންނޭނގެ އަސްލު. (ހީލާފައި) އެންޑް ޝީ އިޒް ޓޫ ކިއުޓް.

2)ޝާކިން. ޝާކިން އަކީ ޝުބާގެ ކާކު؟

ޝާކިން: ބޯއީފްރެންޑް.

3)ޝުބާ ދެކެ ހަމަ އަސްލުވެސް ލޯބިވޭތަ؟

ޝާކިން: (މަޑުމަޑުން ބޯ ޖަހާލި.)

4)ޝާކިން ތި ވަނީ ޝުބާ ދެކެ ހަޤީޤީ ލޯބިތަ؟

ޝާކިން: (ފާޑަކަށް ބަލާލާފައި) އެންމެން އަހަންނަށް ތި ގޮތަށް ޝައްކު ކުރިޔަސް، އަހަރެން އޭނަ ދެކެ ވަނީ ހަގީގީ ލޯބި.

5)ކީއްވެ އަމިއްލަ ގައުމު ދެކެ ފޫހިވަނީ؟

ޝާކިން: ގައުމުގެ މަސްލަހަތު އޮންނަ ގޮތުން. ނިކަން ބަލާބަލަ ވަމުން ދާ ގޮތް؟

6)ޝާކިން އަސްލަށްވެސް ޝުބާ ދެކެ ލޯބިވޭތަ؟ މިހެން މި އެހީ މާލޭގަ ޝުބާ ހުރިކަން އެނގޭ އިރުވެސް މާލެއަށް އެޓޭކް ކުރީމަ.

ޝާކިން: (ދެލޯ ހަނިކޮށްލާފައި) ޔޫ؟ ތީ ކާކު؟ ކިހިނެއް އެނގުނީ އަހަރެމެން ކަމެއް މާލެއަށް އެޓޭކް ކުރީ؟ މީޓް މީ އާފްޓާ ދިސް އިންޓާވިއު.

6)ޝުބާ ކައިރީގަ ރޫޝިން އުޅޭތަން ފެނުނީމަ ކުރެވެނީ ކޮން ކަހަލަ އިހުސާސެއް؟

ޝާކިން: (ފުން ނޭވައެއް ދޫކޮށްލާފައި) އަހަންނަކަށް ހިޔެއް ނުވޭ ރޫޝިން ގެ ނިޔަތް ރަނގަޅު ހެނެއް. އޭނަ ޝުބާއަށް ބަލާ ގޮތުން ހީވާގޮތެއް މިބުނީ. އޭނަ ޝުބާމެން ގޭގަ އުޅޭތީ އަސްލު ވަރަށް ހިތްހަމަނުޖެހޭ.

ޝާކިން: ނިމުނީތަ އިންޓަވިއު؟ (ނުރައްކާތެރި ގޮތަކަށް.) ކޮބާ އަހަންނާ އެއްކަލަ ސުވާލު ކުރި ކުއްޖާ؟ އޭނަގެ އަނގަ ބަންދުކުރަން އެބަޖެހޭ.

ޝިބާން

1)ކީއްވެތަ ޝުބާއަށް އަބަދު ޖެއްސުން ކުރަނީ؟

ޝިބާން: (ބުމަ އަރުވާލާފައި) ޖެއްސުންކުރާ މީހުންނަށް ޖެއްސުން ކުރަންވާނެތާ.

2)ކީއްވެ އެންމެ ފުރަތަމަ ރޫޝިން ދެކެ ރުޅިއައީ؟

ޝިބާން: ރުޅިއަންނާނެދޯ! މަންމަމެން ވެސް ކަންތައް ކުރާ ގޮތް އެހެރީ. ޝުބާއަށް އެކަނި ކޮޓަރިއެއް ދީފަ، މަށަށް ޖެހުނީ އެހެންމީހަކާ އެކީ މަގޭ ރޫމް ޝެއާރ ކުރަން.

3)ކޮންމެ ރެޔަކު ދަންވަރު ގުޅަނީ ކޮން ބިޓަކަށް؟

ޝިބާން: މަގޭ ބިޓާއެއްނު؟

4)ރޭގަނޑު ގުޅައިގެން ތި އޮންނަ ބިޓާ ގުޅައިގެން އާންމު ގޮތެއްގައި ކިތައް ގަޑިއިރު ހޭދަކުރަންތަ؟ އަދި އެއީ ކީއްވެތަ؟

ޝިބާން: ކަޑަދޯ؟ ހާދަ ޕްރައިވެޓް ސުވާލޭ ތި ކުރަނީ؟ އެކަމަކުވެސް ބުނެފާނަން. އާންމު ގޮތެއްގަ ދޯ…. ލެޓް މީ ކައުންޓް… ( އިނގިލިތައް ބިނދަބިނދާފައި) ފައިވް؟ ފައިވް ހެން ހީވަނީ. ދެން ތި އަހަނީ އެއީ ކީއްވެހޭ؟ އެއީ ބިޓު ދެކެ ލޯބިވާތީނު؟

5)ޝިބާންގެ ގާލްފްރެންޑަށް މަގޭ ސަލާމް ބުނެދޭން ކެރޭނެތަ؟

ޝިބާން: (ދެލޯ ބޮޑުކޮށް، ދެބުމަ ކައިރިކޮށްލާފައި) މަގޭ ބިޓު ސެޓުކުރަންތަ ތިއުޅެނީ؟ ނުވާނެ ތިކަމެއް!

6)ޝުބާއާ ނުބެހިބަލަ!

ޝިބާން: ނުވެއް ބެހެމެއްނު ދޯ އަނެއްހެނެއް. ދެން އެއީ ލޯބިން ކުރާ ޖެއްސުމޭ.

7)ޝުބާއަށް ކެއާރ ކުރަންޖެހޭ ވަރަށް ކެއާރ ކުރެވޭ ކަމަށް ގަބޫލުކުރަންތަ؟

ޝިބާން: (އިރުކޮޅަކު ވިސްނަން އިނދެފައި) އާނ ދެން. މަގޭ ހުރި ހަމައެކަނި ސިސްޓާރ ދޯ އެއީ. ކެއާރ ކުރަން އިނގޭ. އެކަމަކު… ކެއާރ ކުރަންޖެހޭ ވަރަށް ކެއާރ އެއް ނުކުރެވޭ ކަންނޭނގެ ދޯ.

8)ޝުބާއާ ބެހޭ ގޮތުން ކުޑަ އެއްޗެއް ބުނެލަބަލަ.

ޝިބާން: އެއީ ބޮޑު މޮޔައެއް. ވަރަށް ބޮޑުވެލައިގެން އުޅޭނީ. ވަރަށް ކަންކަން އެނގޭ ކަމަށް ހެދިގެން އުޅޭނީ. އެކަމަކު އަސްލު ޝީ ހޭޒް ލައިކް ޒީރޯ އިންޓެލިޖެންސް. ކުޑަކޮށް ސައިކޯ ވެސް ވާނެ. އުހުން! ކުޑަކޮށެއް ނޫން. ބޮޑު ސައިކޯއެއް އެއީ!

އާރިފް ސާރ

1)އެޖެންސީއިން އެންމެ ކަމުދަނީ ކޮން އެޖެންޓެއް؟

އާރިފް ސާރ: އެތައް ބައިވަރު އެޖެންޓުން އުޅޭއިރު، ތި ކަހަލަ ސުވާލަކަށް ޖަވާބުދޭން ވަރަށް އުނދަގޫވާނެ. ކުޅަދާނަ ބައިވަރު ކުދިން އެބަތިބި.

2)ޝުބާއާ ބެހޭގޮތުން އެއްޗެކޭ ބުނެބަލަ.

އާރިފް ސާރ: (ކުޑަކޮށް ވިސްނާލާފައި) ޝުބާ ދޯ. އަހަރެމެން ޝުބާ އެޖެންސީއަށް ނެގީ ކުޅަދާނަ ކުއްޖެއްގެ ގޮތުގަ ފެންނާތީ. އޭނަ އެއީ ވިސްނުންތޫނު ކުއްޖެއް ހަގީގަތުގަ. ފިޒިކަލީ ވެސް ވަރަށް ފިޓް. ބަޓް… (ދެއަތަށް ބޯހޫރާލާފައި) ޝީ އިޒް ސޯ އިރިސްޕޮންސިބަލް އެންޑް ސޯ އިގްނޯރެންޓް ބައެއް ފަހަރު. ވަރަށް ބޯހަރު ކުއްޖެއް އެއީ ކޮންމެ ގޮތެއް ވިޔަސް.

3)އަހަރެން ވެސް ތި އެޖެންސީއަށް ވައްދަދޭންވީނު؟

އާރިފް ސާރ: ގާބިލްކަން ތިމާގެ ގައިގަ އެބަހުރިތަ؟ އެހާ ހިތްވަރު އެބަހުރިތަ؟ އައި ޑޯންޓް ތިންކް ސޯ. ކޮންމެ ކޮންމެ މީހަކަށް ވަދެވޭނެ ތަނެއް ނޫން މީކީ.

4)އެޖެންސީ އުފެދިގެން އައީ ކިހިނެއް އަސްލު؟

އާރިފް ސާރ: އެޖެންސީގެ ބާނީ އަކީ ރާއްޖޭގެ ވަރަށް ބޮޑު މުއްސަންޖެއް. ދެން، ނަން ހާމަކުރެވޭކަށް ނެތް އެ ބޭފުޅާގެ ސަލާމަތައްޓަކާ. ޖަޕާނުގެ ސީކްރެޓް އެޖެންސީއަކާ ގުޅިގެން އެ ބޭފުޅާ މި އެޖެންސީ އުފެއްދީ.

5)އެޖެންސީއަށް ކުދިން ނެގުމުގައި ބަލަނީ ކޮން ކަންތައްތަކަކަށް؟

އާރިފް ސާރ: ފުރަތަމަ ކަމަކަށް، އެކުއްޖާގެ ކިބައިގައި އާދަޔާ ޚިލާފު ޓެލެންޓެއް ހުރުން. މިސާލަކަށް، ތަފާތު އެއްޗެހި އިންވެންޓް ކުރުމުގެ ހުނަރު ހުރުން. ހުނަރޭ މި ބުނަނީ…. އާދައިގެ ހުނަރެއް ނޫން އިނގޭ. ރާއްޖޭގެ އެކި ކަންކޮޅުތަކުން މިކަހަލަ ހުނަރު ހުރި މީހުން ހޮވާލައިގެން އެޖެންސީއަށް މި ނަގަނީ…. ދެން ދެވަނަ ކަމަކަށް، ފައިޓިންގް ސްކިލްސް ހުންނަން ޖެހޭނެ. މެންޓަލީ އެޖެންސީގެ ކަންތައްތައް ހޭންޑަލް ކުރެވޭ ވަރުގެ މީހަކަށް ވާންވާނެ.

6)އެޖެންސީއިން އެންމެ ބަސްއަހަނީ ކާކު؟

އާރިފް ސާރ: ތިއެއް ބުނާކަށް އަހަންނަކަށް ނޭނގޭނެ. އެއީ މި އެޖެންސީގަ އެކި ބްރާންޗް ތަކާ އެކި ޓީމްތައް އެބަ ހުރި.. އަހަރެންގެ ދަށުގައިވާ ޓީމުން އެންމެ ބަސްއަހާ މީހަކު ނަގަންޏާ…. އެއީ މާޒް.

7)އެޖެންސީގެ ބޮޑުމީހާ އަކީ ކާކު؟

އާރިފް ސާރ: ތިއެއް ހާމަކުރެވޭކަށް ނެތް.

8)އެޖެންސީގެ ކަންތައްތައް ހިނގާ ގޮތް ކިޔާދީބަލަ.

އާރިފް ސާރ: އެޖެންސީގަ ހުންނާނެ ތަފާތު ޓީމުތައް. އެއިން ކޮންމެ ޓީމެއްގައި އިސްކޮށް ހުންނާނެ އެކަކު. އެގޮތުން، އަހަރުމެންގެ ޓީމުގައި އިސްކޮށް މި ހުންނަނީ އަހަރެން. ދެން އޭގެއިން ކޮންމެ ޓީމެއްގެ ތެރޭގައި ވެސް ހުންނާނެ ތަފާތު ސެކްޝަން ތައް. މިސާލަކަށް އައިޓީ ސެކްޝަން، ލެބޯރެޓޮރީ ސެކްޝަން، ޓްރެއިނިންގް ސެކްޝަން. ޓީމުގެ އިސް މީހާގެ އިރުޝާދާ އެއްގޮތަށް ޓީމު ތެރޭގައި ކަންތައް ހިނގާނީ. މީ މި ވަގުތަށް ހިއްސާކޮށްލެވެން އޮތް މައުލޫމާތު ތަކަކީ.

މާޒް.

1)އާ ޔޫ ސިންގަލް؟

މާޒް: (ދެ ފަރާތަށް ބޯ ހޫރާލި)

2)ޝުބާ އާއި އަރޫން އަދި ރިޒާމް ގެ ތެރެއިން އެންމެ ގާތް ވާނީ ކާކާ؟ އަދި އެއީ ކީއްވެ؟

މާޒް: (ކުޑަކޮށް ވިސްނާލާފައި) ރިޒާމްއާ ކަންނޭނގެ އަނެއްހެން ގާތް ވާނީ. އެއީ ދެމީހުންނަކީވެސް ލައިކް މައިންޑެޑް ދެމީހުން. އެކަމަކު ވޯކް ކުރާއިރު ގިނައިން އުޅެވެނީ އަރޫންއާއެކީ. އެކަމަކު އަރޫން އަކީ އަހަންނަށް ވުރެ ކުޑަ މީހެއް ދޯ؟ ހީ އިޒް ލައިކް އަ ޔަންގަރ ބްރަދާރ ޓު މީ އަސްލު.

3)ޝުބާ އާ މެރީ ކޮށްފާނަންތަ؟

މާޒް: ތީ ދެން ކުރާ ކަހަލަ ސުވާލެއް ވެސް ނޫނެއްނު؟ އެހެންނޫނަސް، އައި އޭމް މެރިޑް އޭ. (ސްޕޮއިލަރ އެލާޓް! ?)

4)މާޒް. މަށާ ސެޓުވާނަންތަ؟

މާޒް: (މޫނަށް ވައްތަރެއް ޖައްސާލާފައި) ދެއަންބަށް އިންނަން ބޭނުންތަ؟

ރިޒާމް.

1)ކޮބާ ނެތްތަ އާ ވައްތަރެއްގެ ބޭހެއް؟ މަށަށް ފަލަވާ ކަހަލަ ބޭހެއް ހަދައި ދީބަލަ.

ރިޒާމް: އާ ވައްތަރުގެ ބޭސް އެބަހުރި. ބަޓް، އެ ބޭސްތައް ހަދަނީ ހަމައެކަނި އެޖެންސީގެ ބޭނުމަށް ދޯ؟ އާންމު ރައްޔިތުންނަށް ބޭސް ހަދައިދޭ މީހެއް ނޫނޭ މިއީ.

2)ޝުބާ އާ މެރީ ކޮށްފާނަންތަ؟

ރިޒާމް: (ދެލޯ ބޮޑުކޮށް، އަނގަބޮޑަށް ހުޅުވާލާފައި) ވައި އޮން އާތް ވުޑް އައި ޑޫ ދެޓް؟ ދުނިޔެއިން އަންހެނުން ހުސްވިޔަސް މަ އޭނައަކާ ނީންނާނަން. އެހެން ނޫނަސް މެރީ ކުރާ ހިޔާލެއް އަހަރެންގެ ނެތޭ.

3)އަހަރެން މިއުޅެނީ ފަލަވާތީ. ހިކިވާ ކަހަލަ ބޭހެއް ހަދާފަ ވިއްކާކަށް ގަސްތެއް ނުކުރަންތަ؟

ރިޒާމް: (ކުޑަކޮށް ވިސްނާލާފައި) ހުމްމް… ތީ އަސްލު ބޭޑް އައިޑިޔާ އެއް ނޫން އިނގޭ. އެޖެންސީގެ މަސައްކަތުން ރިޓަޔާ ކޮށްފަ ތިކަން ކަންނޭނގެ ކުރަންވީ. (އެއްލޯ މަރާލާފައި) މާކެޓް ހޯދައިދޭނަން ދޯ؟

4)މިހާ ތަނަށް އުފެއްދުނު އެންމެ ކަމުދާ އީޖާދަކީ ކޮބާ؟

ރިޒާމް: އެންމެ ކަމުދާ އީޖާދު ދޯ… ނޭނގެ އެހެން ބުނާކަށް. އަހަރެން އުފައްދާ ހުރިހާ އީޖާދެއްވެސް އަހަންނަށް ކަމުދެ. ޑޯންޓް އަންޑާ އެސްޓިމޭޓް މީ އިނގޭ. އެޖެންސީގައި އުޅޭ އެންމެ މޮޅު އެކަކު އަހަންނަކީ. (މޭގައި އަތް ޖައްސާލާފައި) މީ ފޮންޏެއް ނޫން އިނގޭ.

5)އެޖެންސީގަ އުޅޭ ހިތްވޭތަ؟

ރިޒާމް: ޔޭސް. އެންމެ ކުޑަކުޑަ އިރުއްސުރެ އަހަންނަކީ އެއްޗެހި، އާ އެއްޗެހި ހެދުމަށް ޝައުގު ހުންނަ މީހެއް އިނގޭ. އުމުރުން އެންމެ ނުވަ އަހަރުގަ އަހަރެން އަމިއްލައަށް އުފައްދައިފިން އިރުގެ ހަކަތައިން މޫދުގަ ދުވާ ކުޑަ ބޯޑެއް. ހަމަ ތެދެކޭ މީ. ފޮންޏެއް ނޫނޭ މީ!  ދެން އަހަރެންގެ މި ޓެލެންޓް ކުރިއަރުވަން އެޖެންސީ އިން ޗާންސް ލިބުނީމަ ދެން އަހަންނަށް ހީވީ ބޮޑު ޖަވާހިރެއް ލިބުނުހެން!

ރޫޝިން.

1)ގިޓާ ކުޅެން ޝަޢުޤު އުފެދުނީ ކިހިނެއް؟

ރޫޝިން: (ކަރުކެހިލާފައި) އަސްލު އެއީ… ބައްޕަ ދިން ގިޓައެއް. ދެން ރައްޓެހިން ކައިރިން އޭތި ކުޅެން ދަސްކުރީ. ދެން ޝައުގުވެސް އުފެދުނީ އޭރު.

2)ކިހާ ވަރަކަށް ޝުބާ ދެކެ ލޯބިވަނީ؟

ރޫޝިން: (ފުންނޭވައެއް ދޫކޮށްލާފައި) ދެން ތިހެން ބުނަން އެނގޭތަ؟ ލޯތްބަކީ ސްކޭލްއަކުން މެޝާރ ކުރާ އެއްޗެއް ނޫން ދޯ. ބުނެލަން އޮތީ އަހަރެން ޝުބާ ދެކެ ވަނީ ހަގީގީ ލޯތްބޭ. ލައި ޑިޓެކްޓާރ ވެސް އެކަން ކަށަވަރު ކޮށްދީފި ދޯ!

3)އަސްލު ކީއްވެ ބައްޕަ މަރުވެފައޭ ބުނީ؟

ރޫޝިން: (ހިނިތުންވުން ފަނޑުވެގެން ދިޔަ) ތި ވާހަކަ ފަހުން ކިޔައިދިނަސް އޯކޭތަ؟ އެހާ ފަސޭހަ ވާހަކައެއް ނޫން ތީ ދައްކަން.

4)ބޭނުންތަ ސީކްރެޓް އެޖެންސީގަ އުޅެން؟

ރޫޝިން: (ހީލާފައި) އަސްލު ވަރަށް ކޫލް ތަނެއް މިއީ. ކާކު ބޭނުންނުވާނީ މިތަނުގަ އުޅެން. ފުރަތަމަ، އައި ވޯޒް ފްރީކްޑް އައުޓް ދޯ! ހައްހައް. އަހަރެން ހީކުރީ ޝުބާ އަކީ ޑްރަގް ޑީލް ކުރާ މީހެއް ކަމަށް ފުރަތަމަ. އެކަމަކު މިހާރު އެބަ އެޑްޖަސްޓްވޭ މިތަނަށް.

5)ޝުބާ ޝާކިންއާ އެކީ އުޅޭތަން ފެނުނީމަ ކޮން ކަހަލަ އިހުސާސެއް ކުރެވެނީ؟

ރޫޝިން: ލޯބިވާ މީހާ އެހެން މީހަކާއެކު ލޯބިން އުޅޭތަން ފެނުނީމަ ކޮން ކަހަލަ އިހުސާސެއްބާ ކުރެވޭނީ؟ (ހިތްދަތި ގޮތަކަށް ހީލާފައި) ބައެއްފަހަރު ހީވޭ ހިތް ފަޅައިގެން ދާހެން.

6)ގިޓާރ ގަ ޖަހާފަ އިނީ ކޮން ލެޓާޒް ތަކެއްތަ؟

ރޫޝިން: (އެއް ބުމަ އަރުވާލާފައި) އެއީ ލިބުނު އިރު ވެސް ހުރި ލެޓާރޒް ތަކެއް. ވެދާނެއްނު ބްރޭންޑް ނޭމް އަކަށް ވެސް؟

7)ޝުބާ ދެކެ ލޯބިވޭތަ؟

ރޫޝިން: ވަރަށް ބޮޑަށް.

8)ކިތަށް ކުދިންނާ ރައްޓެހިވިންތަ؟

ރޫޝިން: (މޫނުގައި އެއް އަތުން ފިރުމާލާފައި) އަސްލު ބުނަންތަ؟ އަހަރެން ފަހަތުން ބައިވަރު އަންހެންކުދިން އުޅުނު އިނގޭ. ހާއްސަކޮށް އަދި އަހަރެން ގިޓާ ޖަހާތީ އަންހެންކުދިންނަށް އަހަރެން ވަރަށް ކަމުދާ ކަމަށް ވަނީ. ހާދަ ބައިވަރު ސިޓީތަކާ މެސެޖުތައް އާދެއޭ… އެކަމަކު… ނުވަން އެއިން އެއްވެސް ކުއްޖަކާ ރައްޓެއްސެއް.. ސޯ، ޒީރޯ. ހަމައަސްލުވެސް މީ ތެދެކޭ!

~ނިމުނީ~