Skip to content
އެސްފިޔަ

ގެއްލިދިޔަ ހަޔާތް…. 22

ޒާހިދު އެހެން އެހުމާއެކު ތުއި ގޮތަކަށް އެތެރެއަށް ވަނުމަށް އިޝާރާތްކޮށްލަމުން އެކުއްޖާ އެތެރެއަށް ހިނގައިގަތެވެ.މޫނުން އޮހެރެމުން ދިޔަ ދާތިކިތައް ގަމީހުގެ އަތުން ފޮހެލަމުން ޒާހިދު އެތެރެއަށް ވަނެވެ.

އެތެރެއަށް ވަދެގެން ދިޔައިރު އެކި އުމުރުފުރައިގެ މީހުން މަސްހުނިވެ، ފާހިޝް އަމަލްތަކުގެ ތެރެއަށް ޢަރަޤުވަމުންދިޔަ މަންޒަރު ފެންނަމުންދިޔައެވެ. ޒާހިދު ހިނގަމުން ދިޔައީ އެއްކަލަ އަންހެން ކުއްޖާގެ ފަހަތުންނެވެ. ދަނބު ކުލައިގެ ދޮރަކާ ހަމައަށް ދެވުމާއެކު އެކުއްޖާގެ ފިޔަވަޅަށް ހުއްޓުންއެރިއެވެ. އެކޮޓަރި ތެރެއަށް ވަންނާށޭ ބުނެލަމުން އެކުއްޖާ އެތަނުން ދިޔައެވެ. އަސްލަމް ވީ އެކޮޓަރިތެރޭގައިކަން ވިސްނުމާއެކު ހިން ދިރުވާލަމުން ޒާހިދު އެކޮޓަރިއަށް ވަނެވެ. އެވަގުތު ފެނުނު މަންޒަރުން ޒާހިދުގެ ލޭ ކެކިގެން ދިޔައެވެ. އެހެނަސް އިސްވެ ކުރިއަށް އެންމެ ފިޔަވަޅެއްވެސް އެޅެން ނެތްކަން އެނގުމުން ޒާހިދު ނިކަމެއްޗަކު ފަދައިން އިސްދަށަށް ޖަހާލިއެވެ. މިއަދު އެކޮޓަރިތެރޭގައި ހިނގަމުން އެދާ ލާއިންސާނީ ޖަރީ މާ ހިންގުމަށް މަގުފަހިކޮށްދިން މީހަކީ ޚުދު ޒާހިދެވެ. އާއެކެވެ. ކޮޓަރިތެރޭގައި ހުރި ވަށް، ބޮޑު އެނދުގައި އެތައް ބައެއްގެ ވަކިތަކުގެ ޝިކާރައަކަށް ވަމުން އެދަނީ މިންހާއެވެ. އެފަކީރުގެ އަރުތެރެއިން އެންމެ ބަހެއްވެސް ބޭރުކޮށްލެވޭހާ ހިތްވަރެއް އެހަށިގަނޑަކު ނެތެވެ. އެހެނަސް އެހަށިގަނޑަށް ދަހިވެތިވެފައިވާ ޝިކާރަވެރިންނަކަށް އެހަށިގަނޑުގައި އަޅަމުންދާ ވޭނެއް އިހުސާސް ނުކުރެވޭ ކަހަލައެވެ. އެތަނުގައި އިތުރަށް އެންމެ ސިކުންތަކަށްވެސް ކެތް ނުކުރެވޭނެކަން އެނގުމުން ޒާހިދު އަވަސް އަވަހަށް އެތަނުން ނިކުތުމަށް ހިނގައިގަތެވެ.

” ހޭއި..ބަޑީ….“ އަސްލަމްގެ އަޑަށް ކޮޓަރިން ބޭރަށް ނިކުންނަން ހިނގައިގަތް ޒާހިދުގެ ފިޔަވަޅަށް ހުއްޓުން އެރިއެވެ. އެހެނަސް ފަސް އެނބުރި ބަލާލާކަށް ޒާހިދުގެ ހިތެއް ބޭނުމެއް ނުވިއެވެ.

” ކަމޯން… ލެޓްސް ގޯ…“ ޒާހިދުގެ ކޮނޑަށް އަތް ވައްޓާލަމުން އަސްލަމް ބޭރަށް އިޝާރާތް ކުރިއެވެ. ހިތުގައި އަނދަމުން ދިޔަ އަލިފާންގަނޑު އެތެރެއަށް ހިންދާލަމުން އަސްލަމްއާ އެކު ބޭރަށް ޒާހިދު ނިކުތެވެ. އޭރުވެސް މުޅި ގޭތެރޭގައި މިއުޒިކުގެ އަޑު ގުގުމަމުންދިޔައެވެ. މިއުޒިކުގެ ޖޯޝާއި ފޯރީގައި އެތައް ޖިސްމެއް އެކުވެ މަސްހުނިވަމުންދިޔައެވެ.

ގެއިން ބޭރަށް ނިކުންނަން ހިނގައިގަންނަމުން އަސްލަމް ވަގުތުން މިސްރާބު ބަދަލުކޮށްލިއެވެ. އަސްލަމްގެ ފަހަތުން ޓެރެސްއަށް އަރަން ޒާހިދުވެސް ހިނގައިގަތެވެ. ރެއަކީ ފިނި ރެއެއް ނަމަވެސް ޒާހިދަކަށް އޭގެ އެއްވެސް އަސަރެއް ނުކުރާކަހަލައެވެ. މުޅި މީހާ ވަނީ ދާހިއްލާ ފޯވެފައެވެ. ފުރަތަމަ ފަހަރަށް އަމިއްލަ ނަފްސު ދެކެވެސް ޒާހިދު ޖެހިލުންވެފައިވާކަހަލައެވެ. ޓެރެސްއަށް އެރުމާއެކު ޖެހިލި ފިނި ވައިރޯޅިން ޒާހިދު ތުރުތުރުއަޅައިގަތެވެ.

” އައްދެ… ހަމަ އެހާ ފިނީތަ؟“ ޒާހިދަށް ވީގޮތް ފެނުމުން އަސްލަމް ހިނިގަނޑެއް ޖަހާލަމުން އަހާލިއެވެ.

“ އުހުނ… ފިންޏެއް ނޫން..“ ހަމަޖެހިލެވޭތޯ ޒާހިދު މަސައްކަތްކުރިއެވެ.

” އޯކޭ… ކަމް ޓު ދަ ޕޮއިންޓް… މިގަޑީގަ ތިއައީ އަނެއްކާ ކޮންކަމަކާ ލައިގަތީތަ؟“ ސިގިރޭޓެއް ރޯކޮށްލަމުން ޒާހިދާ ދިމާލަށް ތޫނު ނަޒަރަކުން އަސްލަމް ބަލާލިއެވެ. އަސްލަމްގެ އެސުވާލާއެކު ޒާހިދުގެ އަތްފައި ފިނިވެގެންދިޔައެވެ. ބުނާނެ އެއްޗެއް ޒާހިދަކަށް ނޭނގުނެވެ. ގަބުވެފައި ހުރެވުނީއެވެ.

” ވަޓްސް އަޕް ބްރޯ؟ އާންސަރ މީ!!!“ އަސްލަމްގެ އަޑު ގަދަވެގެންދިޔައެވެ.

” އައި ވޯންޓް ޓު ކުއިޓް!!!“ ހިތްވަރުކޮށްފައި ޒާހިދު ބުނެލިއެވެ. އެއާއެކު އަސްލަމްގެ އަތުގައި އޮތް ސިގިރޭޓްބުރި ވެއްޓުނެވެ.

” މާނައަކީ؟؟؟“ އަސްލަމް ވާހަކަދެއްކީ ސީދާ ޒާހިދުގެ މޫނަށް ބަލަހައްޓައިގެން ހުރެއެވެ. ސުވާލަށް ޖަވާބުދިނުމުގެ ބަދަލުގައި އަތުގައި އޮތް ރަތް ކުލައިގެ ފައިލް އަސްލަމްއާ ދިމާލަށް ޒާހިދު ދިއްކޮށްލިއެވެ. ފައިލަށް އަސްލަމް ބަލާލީ  ވިސްނުންތެރިކަމާއެކުގައެވެ.

“ ލަވް؟؟؟ އިޒް އިޓް؟؟؟“ އަސްލަމްގެ މޫނުމައްޗަށް ވިހަ ހިނިތުންވުމެއް ވެރިވިއެވެ. އެ ހިނިތުންވުމުގެ މާނަ ނަގާނެ ގޮތެއް ޒާހިދަކަށް ނުވިސްނުނެވެ.

” މައްސަލަގަނޑަކަށް ހަދާކަށް އަހަރެން ބޭނުމެއް ނޫން… އަހަރެން ބޭނުމީ ދެން މުޅިން އެހެން ދިރިއުޅުމެއް ފަށަން… އަހަރެން މި ގޭންގުގެ އެއްވެސް މައުލޫމާތެއް އެއްވެސް މީހަކާ ހިއްސާއެއް ނުކުރާނަން… އަހަރެންނަށް އިތުބާރުކުރޭ“ ޒާހިދު ވާހަދެއްކީ އާދޭހުގެ ރާގެއްގައެވެ.

” ލުކް… އައި ޑޯންޓް ޓްރަސްޓް އީވެން މައި ޝެޑޯ…“ އަސްލަމްގެ މޫނުމައްޗަށް ރުޅިވެރިކަން ފެތުރިގެންދިޔައެވެ.

” ޕްލީޒް… އިޓްސް އަ ރިކުއެސްޓް… އައި ކާންޓް ޓޭކް އިޓް އެނީމޯރ…“ ޒާހިދު ކުރިއަށް ޖެހިލަމުން ވާހަކަދެއްކިއެވެ.

” މައްސަލައަކީ ޒާހިދެއް ނޫން.. މައްސަލައަކީ ޒާހިދުގެ ވާން އުޅޭ އަނބިމީހާ… ހަނދާންކުރާތި….. އަހަރެން ކަލޭ މިފޮނުވާލަނީ ހިތުން ރުހުމުންނެއް ނޫން…“ އަސްލަމް އަނެއް ފަރާތަށް އެނބުރި ސިގިރޭޓެއް ރޯކޮށްލިއެވެ.

” ތޭންކްސް ބްރޯ… ތޭންކްސް އަ ލޮޓް…“ ޒާހިދު އުފަލުން ގޮސް އަސްލަމްގެ ގައިގައި ބައްދާލިއެވެ. އެއާއެކު އަސްލަމް ޒާހިދުގެ ކޮނޑުގައި އަތުން ޖަހާލިއެވެ. އެވަގުތު ޒާހިދުގެ ފޯނު ރިންގުވާންފެށިއެވެ. ގުޅަނީ ރޭޝަމްކަން އެނގުމާއެކު ފޯނަށް ޖަވާބުދެމުން ޒާހިދު އެތަނުން ދިޔުމަށް ހިނގައިގަތެވެ. ފުން ނޭވާއެއް ބޭރުކޮށްލަމުން ޒާހިދު ގޮސް ސައިކަލަށް އަރާ ދުއްވާލިތަން ބަލަން ޓެރެސް މަތީގައި އިން އަސްލަމްގެ ތުންފަތަށް ވިހަ ހިނިތުންވުމެއް ވެރިވިއެވެ. “އަހަރެންގެ ހިޔަނި އަބަދުވެސް ކަލެއަށް ފާރަލާނެ…“ ހިތާ ހިތާ އަސްލަމް ކިޔާލިއެވެ.

“ އަސްލުވެސްތަ؟ އަހަރެންނަށް ގަބޫލެއްވެސް ނުކުރެވޭ ޒާހިދު އެކަންތައް އެއްކޮށް ދޫކޮށްލީކަމަށް….. ތޭންކްސް މައި ލަވް…“ ހެވިފައިހުރެ ރޭޝަމް ވާހަކަދެއްކިއެވެ.

” އެނީތިންގ ފޯރ ޔޫ މައި ޕްރިންސެސް…“ ރޭޝަމްގެ ކޮލުގައި ޒާހިދު ހިފާލިއެވެ.

” ސޯ އާރ ޔޫ ރެޑީ ޓު ބީ މައި ހަޒްބެންޑް؟؟“ ޒާހިދުގެ އަތުގައި ހިފާލަމުން ރޭޝަމް އަހާލިއެވެ.

” ކޮންއިރަކުތަ އަހަރެން ބުނީ ރޭޝަމްގެ ހަޒްބެންޑަށް ވާނަމޭ؟“ ރޭޝަމްގެ އަތް ފޮޅުވާލަމުން ޒާހިދު ބުނެލިއެވެ. އެއާއެކު ރޭޝަމްގެ މޫނުމަތިން ފެންނަމުންދިޔަ އުފާވެރިކަމުގެ ކުލަވަރު މޮޅިވެރިކަމަށް ބަދަލުވިއެވެ. ފެންކަޅިވެފައިވާ ހާލު ސުވާލުގެ ނަޒަރަކުން ޒާހިދާ ދިމާލަށް ރޭޝަމް ބަލާލިއެވެ.

“ސާބަސް މޮޔަގަނޑު… އަދިވެސް އަހަރެންނަށް އިތުބާރެއް ނުކުރަންތަ؟ އަޅެ ދޫނިގަނޑާ ނިއިނދެ ދެން ވަކި ކާކާ އަހަރެން އިންނާނީ؟“ ކުރެވުނު ސަމާސާއާ މެދު ޒާހިދު ކިތަންމެ ހިނިއައިސްފައި ހުއްޓަސް ރޭޝަމް ހުރީ ހިތްހަމަނުޖެހިފައެވެ.

” ތިކަހަލަ ސަމާސާ ދެން އަހަރެންނާ ނުކުރާތި.. އަހަރެން ތަޅުވަން ނޫޅޭ… އެހާ ހިތްވަރެއް ނެތް…“ އާދޭހުގެ ރާގެއްގައި ރޭޝަމް ވާހަކަދެއްކިއެވެ.

” އޯކޭ… ސޮރީ މައި ޕްރިންސެސް… ސޯ ލެޓްސް ގެޑް ރެޑީ ފޯރ އަވަރ މެރީޖް“ ރޭޝަމްގެ މޫނުގައި ލޯބިން ފިރުމާލަމުން ޒާހިދު ބުނެލިއެވެ. އެއާއެކު ރޭޝަމްގެ މޫނުމައްޗަށް އަނެއްކާވެސް އުފާވެރިކަމުގެ ކުލަވަރު ފެތުރިގެންދިޔައެވެ.

ހަފްތާއެއް ފަހެވެ. ކައިވެނީގެ ހުރިހާ ކަމެއް ހަމަޖައްސައި ތާރީޚެއް ކަނޑައަޅާ ނިމިއްޖެއެވެ. ދުވަސް ކައިރި ވުމާއެކު ރޭޝަމްއަށް އާދަޔާ ޚިލާފު އިހުސާސްތަކެއް ކުރެވެންފެށިއެވެ. ޒާހިދުގެ ހާލަކީވެސް އެއީއެވެ. ކެތްމަދުވެފައިވާ ހާލު ދެމީހުންވެސް ދިޔައީ ކައިވެނީގެ މާތް ގުޅުމުން ގުޅޭނެ ވަގުތަކަށް އިންތިޒާރުކުރަމުންނެވެ.

” ދެން ޒާހިދު…. އަޅެ ދޭބަ ދުރަށް.. މީހަކަށް ފެނިއްޖެއްޔާ ކީކޭ ބުނާނީ؟“ ކޮޓަރިތެރޭގައި ރީތިވާން އިން ރޭޝަމް ޒާހިދު ދުރަށް ކޮއްޕާލިއެވެ.

” އުހުނ.. ނުދެވޭނެ ދެން ދުރަކަށް… ތީ އަހަރެންގެ އަނބިމީހާއެއްނު… އަސްލުވެސް ހާދަ ރީއްޗޭ ދޯ މިރޭ…“ ރޭޝަމްއާ ގާތްވެލަމުން ޒާހިދު ރޭޝަމްގެ އަތުގައި ހިފާލިއެވެ.

” އަނބިމާހާއެއް ނޫން.. ވާން އުޅޭ އަނބިމީހާ… ލޮލް…“ ސަމާސާ ރާގެއްގައި ރޭޝަމް އެހެން ބުނިއިރު ލަދުން ގޮސް ރޭޝަމްއަށް އިސްދަށަށް ޖަހާލެވުނެވެ.

” ހެހެ.. މީހާ ލަދުން ގޮސް ވިރިވިރި ހުންނައިރުވެސް ސަމާސާ ކުރަން އުޅޭތި، މޮޔަގަނޑު..“ ޒާހިދު ހިނިގަނޑެއް ޖަހާލިއެވެ. އަދި ރޭޝަމްގެ ގައިގައި ލޯބިން ބައްދާލިއެވެ.

” އަހަރެންނަށް ދެރަގޮތެއް ނަހަދައްޗޭ ޕްލީޒް“ ރޭޝަމް ޒާހިދުގެ ތަނަވަސް މޭމަތީގައި މޫނު ޖައްސާލިއެވެ.

” އަހަރެން ވައުދުވަން ރޭޝަމްއަށް ދުވަހަކުވެސް ދެރައެއް ނުދޭނެކަމަށް… އެކަމަކު ރޭޝަމް ދުވަހަކުވެސް އަހަރެން ދޫކޮށްލާފަ ގޮސްގެން ނުވާނެ… ދިރިއުޅުމުގަ ކޮންމެފަދަ ހާލަތެއް އަޔަސް އަހަރެންނަށް އިތުބާރުކުރަންވާނެ..“ ޒާހިދު ރޭޝަމްގެ ބުރަކަށީގައި އޯގާތެރިކަމާއެކު ފިރުމާލިއެވެ.

ގަޑިން ރޭގަނޑު އަށެއް ޖެހިއިރު ގާޒީއާ އި ހެކިވެރިން އައިސް ތިއްބެވެ. ލަތީފާއި މާލްމެން ރީތިވެލައިގެން ސިޓިންގ ރޫމުގައި ވާހަކައިގައި ތިއްބެވެ. ތަންކޮޅެއް ދުރުގައި ރުޅި މޫނު ހަދައިގެން ލީޒާވެސް ހުއްޓެވެ. ސިޓިންގ ރޫމުގައި ފިޔާތޮށި ކުލައިގެ ފޮތިގަނޑެއް އަޅާފައި ހުރި މޭޒެއްގެ ދޮށުގައި ގާޒީއާއި ހެކިވެރިން އިށީނުމާއެކު ޒާހިދާއި ރޭޝަމް ކޮޓަރިން ނިކުމެގެން އައެވެ. ފިޔާތޮށި ކުލައިގެ ގަމީހަކާއި ހުދު ކުލައިގެ ޖީންސެއް ލައިގެން ހުރިއިރު ޒާހިދު ވަރަށް ވެސް ސްމާރޓެވެ. ޒާހިދުގެ ބޮލުގައި އޮތް ދިގު އިސްތަށިގަނޑު ވަނީ ކުރިއަށްވުރެ ކުރުކޮށް، ރީތި ގޮތަކަށް ކޮށާލާފައެވެ.

” ވަރަށް ހޮޓް އިނގޭ…“ ސިޓިންގ ރޫމުތެރެއަށް ވަދެގެން އައި ޒާހިދުގެ ރައްޓެހިންގެ ތެރެއިން އަންހެން ކުއްޖަކު ޒާހިދަށް ތައުރީފުކުރިއެވެ.

” އެހެންތަ ވަނީ؟ އެކަމަކު މަގޭ ޕްރިންސެސް މާ ލޯބި މިރޭ… އަޅެ ނޫންތަ؟“ ކައިރީގައި އިން ރޭޝަމްއަށް ބަލާލަމުން ޒާހިދު ހީލިއެވެ. ތެދެކެވެ. ރޭޝަމް މިރޭ ވަރަށް ވެސް ލޯތްބެވެ. ހުދުކުލައިގެ ދިގު، ފިޔާތޮށި މާތަކުން ޒީނަތްކުރެވިފައިވާ ހެދުމުގައި އިން އިންއިރު ރޭޝަމްގެ ހަށިގަނޑަށް އިތުރު ފުރިހަމަކަމެއް ގެނެސްދެއެވެ.

” އެބުނާހެން… ޒާހިދު ހާދަ ކާމިޔާބޭ ދޯ… އަސްލުވެސް ހަމަ ރޭޝަމްއަށް ތައުރީފުކޮށްކޮށް ބަސްހުސްވެދާނެ..“ އެތަނުން ދިގުކޮށް ހުރި ޒުވާނަކު ޒާހިދަށް އާނ ބަސް ދިނެވެ.

ކައިވެނިކޮށް ނިމުނުއިރު ޒާހިދުގެ ހިތް އުފަލުން ގޮސް ނަށަމުންދިޔަކަހަލައެވެ. ރޭޝަމްވެސް ހުރީ އުފަލުން ފޮޅިފައި ކަމުގައި ވިޔަސް ކުޑަކޮށް ޖެހިލުންވެފައެވެ. އެއީ އަލަތު ކައިވެނީގެ ރޭ ކޮންމެ އަންހެންކުއްޖަކަށްވެސް ކުރެވޭނެ އިހުސާސެކެވެ.

ކައިވެނިކޮށް ނިމުމާއެކު އެންމެންވެސް ޒާހިދަށާއި ރޭޝަމްއަށް މަރުހަބާ ކިޔަމުންދިޔައެވެ. އަދި ތައްޔާރުކުރެވިފައިވާ ކެއުމާއިގެން ކުރިއަށް ދަމުން ދިޔައެވެ.

” އަންގާވެސް ނުލަމެއްނު.. އެކަމަކުވެސް ހަމަ މަރުހަބާ ކިޔާލަން ވެގެން މިއައީ..“ ދޮރުން ވަދެގެން އައި އަސްލަމްގެ އަޑު ޖެހުމާއެކު ޒާހިދުގެ މޫނުމަތިން ފެންނަމުން ދިޔަ އުފާވެރިކަމުގެ އަސަރު ފިލައިގެން ދިޔައެވެ. ހިތްހަމަނުޖެހިފައި ހުރެ ރޭޝަމްވެސް އަސްލަމާ ދިމާލަށް ބަލާލިއެވެ.

” ވަރަށް މަދު ބަޔަކަށް އެންގީ.. އެހެން ނޫނަސް ބޮސް ތީ ނުލާހިކު ބިޒީކޮށް އުޅޭ މީހެއް.. އެހެންވެ އެންގިޔަސް ނާދެވޭނެކަމަށް އަހަރެން ހީކުރީ..“ ހަމަޖެހިލެވޭތޯ ޒާހިދު މަސައްކަތްކުރިއެވެ.

” މުހިއްމު ކަންތަކަށް އަހަރެން ވަގުތު ހުސްކުރަން… ވަރަށް ގުޅޭ…ވަރަށް ލޯބި ދޫންޏެއް ތިހިފީ…“ ރޭޝަމްއާ ދިމާލަށް އަސްލަމް ބަލާލިއެވެ. ރުޅިވެރިކަމާއެކު ރޭޝަމް އަނެއް ފަރާތަށް މޫނު އަނބުރާލިއެވެ.

” އޯކޭ.. ދެން ދަނީ… މިއޮތީ ގިފްޓް.. ވަރަށް ހާއްސަ ހަދިޔާއެއް މީ.. މިވަރުގެ ހަދިޔާއެއް ހަމަ އެކަކަށްވެސް
ނުދެވޭނެ..“ ހިނިގަނޑެއް ޖަހާލަމުން އަސްލަމް އެތަނުން ނިކުމެގެން ދިޔައެވެ. އަތުގައި އޮތް ޕާރުސަލަށް ޒާހިދަށް ބަލާލެވުނީ
ހިތުގެ ވިންދު އަވަސްވެފައިވާ ހާލުގައެވެ. ކައިރީގައި ހުރި މޭޒުމަތީގައި ޕާރުސަލް ބޭއްވުމަށްފަހުވެސް އިރުއިރުކޮޅާ ޒާހިދަށް
ބެލެމުން ދިޔައީ އެޕާރުސަލާ ދިމާލަށެވެ. އޭގެތެރޭގައިވާ އެއްޗެއް ޒާހިދު ބަލަން ބޭނުންވަނީ އެކަނި ހުރެގެންނެވެ. ރޭޝަމް
ކުރިމަތީގަ ހުރެ އެޕާރުސަލް ކަނޑާކަށް ޒާހިދު އެއްގޮތަކަށް ވެސް ބޭނުމެއްނޫނެވެ.

ދަންވަރުގެ ވަގުތެވެ. ފެންވަރައިގެން ރޭޝަމް ނިކުތްއިރު އެނދުގައި އޮށޯވެލައިގެން ޒާހިދު އޮތެވެ. ރޭޝަމް ފެނުމާއެކު މަސްތީ ގޮތަކަށް ރޭޝަމްއަށް ބަލާލަމުން ޒާހިދު އެނދުން ތެދުވިއެވެ. ލަދުގަތް ނަމަވެސް އެކަން ދައްކަން ބޭނުން ނުވުމާއެކު ރޭޝަމް އަވަސް އަވަހަށް ބޮލުގެ އިސްތަށިގަނޑުން ފެން ހިއްކަން ފެށިއެވެ. ޒާހިދު ރޭޝަމްއާ އަރާ ހަމަވުމާއެކު ރޭޝަމްގެ އަތުގައި ހިފަހެއްޓިއެވެ.

” ގެނޭ އަހަރެން ފެން ހިއްކަދޭނަން…“ ޒާހިދު ރޭޝަމް އަތުން ތުވާލި އަތުލަމުން ބުނެލިއެވެ.

” އުހުނ… އަހަރެން ހިއްކަފާނަމޭ…“ ރޭޝަމް ބޯހޫރާލަމުން އިސްދަށަށް ޖަހާލިއެވެ. އެވަގުތު ޒާހިދު ރޭޝަމްގެ ކަނދުރާގައި ތުންފަތް ޖައްސާލިއެވެ. ޒާހިދުގެ އެބީހިލުމުން ރޭޝަމްގެ ހަށިގަނޑުގެ އެންމެ ހިމަ ނާރުތަކަށްވެސް އަސަރުކުރުވިއެވެ.

” ހާދަ ލޯތްބޭ ދޯ ބުރުގާ ނާޅާ ހުންނައިރު…. އައި ލަވް ޔުއަރ ކާރލީ ހެއަރ….“ ރޭޝަމްގެ ބުޅި އިސްތަށިގަނޑުގައި އަތްލަމުން ޒާހިދު ވާހަކަދެއްކިއެވެ.

” ގޯނި ފުލަށް ލާނެ ކަމެއް ނެތް…“ ރޭޝަމް ގާތަށް ހިނިއައެއް ކަމަކު ޒާހިދުގެ ދުލުން ތައުރީފުގެ ބަސްތައް އަޑުއަހަން ކިތަންމެހާވެސް ހިތް އެދެމުންދިޔައެވެ.

” އަސްލުވެސް އޭ…. ވަރަށް ފުރިހަމަ…. ވަރަށް ލޯބި ތި ޓީޝާޓާ ސޯޓް ލައިގެން ހުންނައިރު…… އައި ލަވް ޔޫ ދޫނީ…“ ޒާހިދު ރޭޝަމް ގައިގަ ބާރަށް ބައްދާލިއެވެ. ރޭޝަމްވެސް އުފަލާއެކު އެދެއަތުގެ ހިމާޔަތް ހޯދިއެވެ. އެރެއަކީ އެދެލޯބިވެރިންގެ ހަޔާތަށް އައި އެންމެ އުފާވެރި ރެއެވެ.

އިރުއެރުމާއެކު ރޭޝަމް އަވަސްވެގަތީ ސައި ތައްޔާރުކުރުމަށެވެ.އޭރު އިމްލީވެސް ބަދިގެތެރޭގައި އަވަދިނެތި އުޅެއެވެ.ސައި ތައްޔާރުކޮށް ނިމުމާއެކު ޒާހިދަށް ގޮވަން ރޭޝަމް ދިޔައެވެ.އޭރުވެސް ޒާހިދު އޮތީ ގަދަ ނިދީގައެވެ.ރޭޝަމް ގޮވާ ގޮވާ ޒާހިދު ތެދުވާކަށް ނޫޅުނެވެ. (ނުނިމޭ)

މިވާހަކައިގެ ދެންއޮތް އެޕިސޯޑުގެ ލިންކު ކޮމެންޓް ސެކްޝަންގެ ތިރީގައި ވާނެއެވެ.

Comments (83)

  1. Hairaan

    Varah reethi

    1. starfish
      Hairaan

      thanks hairaan.
      ur 1st
      congra

  2. Aisha

    Nice inge?

    1. starfish
      Aisha

      thanks aisha

  3. Thannu

    Starfish vareh hama neh ingey… u r the best….ekm vrh dheravey minhaa eulhey haalun… adhi salaamaiy vaane dw?? Luv u starfish

    1. starfish
      Thannu

      minhaa ah vaagoy ingeyny part 24 in aey last part..
      thanks thannu
      love u 2

  4. Any

    Bunane ehcheh neii v furihama

    1. starfish
      Any

      thanks any

  5. Shann

    Wow, mihaaru up kohla dhiny dhw.. Nuney vaa thy hiyvaru gadha kuhjeh igey.. Hama ahssari bahaa saabas dheyhaavey.. Thivareh hama nethey bunan jeheyney.. Starfish ge khonme story ves kiyaahithun kiyaaleveynekan hama yagyn, masha allah.. Hurihai gothakunves thy hama number one ey bunelan jeheyny.. Luv u

    1. starfish
      Shann

      love u 2 shann
      v ufaavehjje mirey vx shann ge commenteh fenifa.
      thanks a lot shann

  6. Aroo

    Varah reethi. ..

    1. starfish
      Aroo

      thanks

  7. Aroo

    Varah reethi..

    1. starfish
      Aroo

      thanks aroo

  8. Sham

    varah rythi.. when is the next part? can’t wait for it

    1. starfish
      Sham

      2morow mornin ga

    2. starfish
      Sham

      thanks sham

  9. JUMA

    Salhi…? whn nxt???

    1. starfish
      JUMA

      thanks juma
      2morow mornin

  10. sana

    Ahssaribahaa saabas dheyvaru vey…… Hama super mi part…….keep it up ??????

    1. starfish
      sana

      thanks sana…

  11. samahaa

    Waau very very very very nice ……. You are number 1 writer…..and this is my favorite story in esfiya hama bunaane ehcheh ves neh….. Super super super?

    1. starfish
      samahaa

      thanks samahaa
      maadhan ehkoh mi story nere nimeyne

  12. ޟshaa

    V reethi aneh kaa zahid ah kihinehh v baa

    1. starfish
      ޟshaa

      thanks

  13. unaal

    maashallah.. speechless hama..
    vrh lwbi..n vrh rom mi part..

    1. starfish
      unaal

      hihihihihiii
      thanks unaal

    2. unaal
      unaal

      welcome ???

  14. starfish

    hear is part 22 ..enjoy

  15. Lam

    Vvvv reethi..

    1. starfish
      Lam

      thanks lam

  16. hash

    very nice…

    1. starfish
      hash

      thanks hash

  17. reader

    zaahid aa reysham vaki vaneetha. gelli dhiya hayai kiya thee

    1. starfish
      reader

      reader ah bunelan othy happy ending ekey mi story ga innanee..
      thanks reader

    2. Sav
      reader

      hyvany zahid ge maazyve gosfaiva gellidhiya hayaaiy reysham ge sababjn alun libunyma kiya namehhen ☺

  18. Shai ???

    Waau v v v reethi hama v v habeys v molhu liyun theriyeh theee i love my friend keep it up??????????

    1. starfish
      Shai ???

      thanks shai
      love u 2

  19. Navya

    Vv reethi mi part ves ❤

    1. starfish
      Navya

      thanks navya

  20. roya

    dhen bunaane ehcheh neyge story reethi kamun…. Its too good…

    1. starfish
      roya

      thanks roya

  21. Meena

    Haadha reehchey..
    Varah kiyaa hithun kiyaalevenee..aslam dhin gift ga oii ehcheii balaalan ves beynun vefa mi hun’nany..
    Mi Vaahaka ninmaa gothah ehen Vaahaka eh up kuran fashahchey..
    Hama yageen kiyaanan..
    Ehaaves reethi mi Vaahaka ves..
    Varah varah varah reethi..
    Keep it up starfish..

    1. starfish
      Meena

      thanks meena
      meena haadhahaa loabi vey kyntha.. gina kiyun therin e vaahaka beynuvanya e story gehna gothah mihury

  22. Naxy

    ????????… varah salhi

    1. starfish
      Naxy

      thanks naxy

  23. ?

    Haadha reehchey mibaie ?

    1. starfish
      ?

      thankssss

  24. Mary

    Very nice starfish thanks ❤❤❤??

    1. starfish
      Mary

      thanks mary
      welcome

  25. Kitty ❤️

    Alheyy reysham aa zahidh a vaki vaanetha dhn ?
    Varah reethi story ❤️
    One of the best story n you are the best writer ?

    1. starfish
      Kitty ❤️

      thanks kitty
      mistory ga innany happy ending eh

  26. bdsm

    do you have something for shann?
    i feel that thru the comments lol

    1. starfish
      bdsm

      what u mean by something for shann ey?

  27. Shashee

    Varah salhi mi story

    1. starfish
      Shashee

      thanks shashee

  28. Eem

    Aslam ey raystham ge dad athah vaanee.. kobaatha reysham ge dad? Vara vara reethi mi baives.. hurihaa beyeh ves kiyan comment nukurevunass. Thee hama enme best writer!starfish vareh nei..thee no:1.. mihaathanah esfiya ga kiyaalevey enme reethi vaahaka mee..

    1. starfish
      Eem

      reysham ge dad maruvefa
      thanks eam

  29. starfish

    alugandu mivaahaka ninmaafa gehnan gasdhukohgen gehnan uley vaahaka aky haadhahaa loabi vey..
    e vaahaka aky kurin kohnme vx kujjaku e kuhjjaage vaahaka ekey kiyaagen esfiyaa ga up kuri vaahaka eh…alugandu mi vaahaka gehnan miuleny e vaahakaa ge author aky aluganduge rahtehseh .. e vaahaka aky alugandah v reethi vaahaka eh… e vaahaka kiyun therin edhenya mihiry gehna gothah alugandu frnd kairi ahaigen ..

    1. Hairaan
      starfish

      Thivaahaka upkurey alhugadu thaaeedhu.konduvahakun upkuranfasany

    2. starfish
      starfish

      mivaahaka nimey irah

  30. Eem

    Avahah geness dhee thi vaahaka ves vara kiyaalaa hiyvejje

    1. starfish
      Eem

      thanks eam

  31. Dhaai

    Varah molhu liun theri eh

    1. starfish
      Dhaai

      thanks dhaai

  32. azoo

    v.reethi story v.ves reethi

    1. starfish
      azoo

      thanks azoooo

  33. Rsh

    V Salhi
    Waiting for next

    1. starfish
      Rsh

      thanks rsh

  34. unaal

    starfish liyaa knmme stry eh vc iraadhakureh viyya kiyaanan….perfect writer eh gaiga hunnan jehey hurihaa sharutheh u have…so yess.. inshallah vaahaka nerefiyya ufalaaeku ehvc foohi kameh nethi kiyaanan..

    1. starfish
      unaal

      thanks unaal
      ur a true reader

  35. Shaa

    V nice when next part

    1. starfish
      Shaa

      thanks

  36. Aru❤️❤️

    Starfish thiee girl eh tha noony boy eh tha??? Anyway vvvvv salhi mi vaahaka ✨??❤️

    1. starfish
      Aru❤️❤️

      girl
      thanks

  37. Thannu

    Miheylyy hama mi vaahaka kiyaalaa hithun…. part 23 inthw heylaafa furathama vx mi belyyy…. inthixaaring……….

    1. starfish
      Thannu

      hihiii
      thanks

  38. Anaa

    Wooooow Hama mivareh neh v habeyssss ❤️❤️❤️❤️❤️???????

    1. starfish
      Anaa

      thanks anaa

  39. Sav

    vvvrythi story. you are one great author starfish.. also e story gennanya e story liyun faraathuge details kolhaka ehchihi include kollan ragalhu just to avoid comments against the story.. ehennuny kiyaanr mee ehen kujjehge story ekey :/ i guess i have read that story. want to read again..

    1. starfish
      Sav

      thanks sav
      i will do that

  40. Meena

    Avahah e Vaahaka ves up kuran fashan v nu..
    Kiyaahithun mi hun’nany..
    Konirakun part 23 up kohlaanee..
    Mihaaru keiimadhuvefa mi hun’nany kiyaalaahithun..
    Starfish please avahah up kohlabaa

    1. starfish
      Meena

      thanks meena

Comments are closed.