“ކާކުތަ މި ދަންވަރު ތާކުންތާކު ނުޖެހޭ ދޮގު ޚަބަރުތަކަކައިގެން މެސެޖްކޮށް އެ ގުޅައިގަތީ؟ ކުރާނެ ކަންތައް ހުސްވީތަ ދޭތެރެ ޖައްސަން އެ އެނބުރިގަތީ.. މުޅި ރޭ ޚަރާބުކޮށްލައިފި..” ޔޫޝައު އިނީ ރުޅިއައިސްފައެވެ. އޭނާއަށް ދެން އެރޭ ނުނިދޭނެތީއެވެ. އޭނާއަކީ ނިދާފައި ހޭލެވިއްޖެނަމަ ދެން ނިދޭ މީހެއް ނޫނެވެ. ދަންވަރުގެ އެވަގުތުގައި ހޭލެވުމުން އައިކާގެ ހާލު ބަލާލައި ހުރިހާ ކަމެއްވެސް ރަނގަޅުތޯ ބަލާލަން ޔޫޝައު ބޭނުންވިއެވެ. އޭނާ މިދުވަސްކޮޅު ނިދާ އުޅެނީ އައިކާގެ ކޮޓަރީގައިކަމަށް ވިޔަސް ލަމްހާ ކުޑަކޮށް ބަލިވެ އުޅޭތީ އޭނާ އެރޭ އެކޮޓަރިއަށް ނިދަން އައީއެވެ. އޭނާ އެއްވެސް ފިކުރެއްނެތި އައިކާގެ ކޮޓަރި ދޮރު ހުޅުވާލި ވަގުތު ފެނުނު މަންޒަރުން އޭނާގެ ދެލޯ ބޮޑުވިއެވެ.
“އައިކާާ……..” ޔޫޝައުގެ އަޑަށް އައިކާއަށް ސިހިފައި ހޭލެވުނެވެ. އެވަގުތު އޭނާގެ މޭމަތިން ގޮސް ކޮނޑުގައި ބާއްވާލާފައި އޮތް އަތް ފެނުމުން އޭނާއަށް ކައިރީގައި އޮތް މީހާއަށް ބަލާލެވުނެވެ. އޭރު އަޑިއަޑިން ހެމުން ދެލޯ މަރާލައިގެން އައްޒާމް އޮތެވެ. އޭނާ ހުސްގަޔާ އޮތްއިރު ބުރަކަށީގެ މެދާއި ހަމައަށް އޮތީ ބެޑްޝީޓް އަޅާލާފައެވެ. އައްޒާމް އޮތީ މޫނު ވަތަށްވާ ގޮތަށްކަމުން އައިކާއަކަށް އެއީ އައްޒާމްކަމެއް ނޭނގެއެވެ.
“ކިހިނެއްވީ؟ މާބާރަށް ތި ހަޅޭއްލަވަނީ؟ ބިރުވެރި ހުވަފެނެއް ފެނުނީތަ؟” ނިދި އަޑަކުން އައިކާ އަހާލީ ޔޫޝައު ކަމަށް ހީކޮށް އޭނާގެ ބޮލުގައި ފިރުމާލަމުންނެވެ.
“ގޮތްކުޑަ އަންހެނާ!” ޔޫޝައުގެ އަޑު އައީ ދޮރާއި ދިމާލުންނެވެ. އައިކާއަށް ދޮރާއި ދިމާއަށް ބަލާލެވުނުއިރު ޔޫޝައު އޭނާއާ ދިމާއަށް އަންނަނީއެވެ. އޭނާއަށް ޤަބޫލު ނުކުރެވިފައި ބަލާލެވުނީ އޭނާގެ ކައިރީގައި އޮތް މީހާއަށެވެ. އެވަގުތު އައްޒާމް ލަސްލަހުން ދެލޯ ހުޅުވާލަމުން ފުރޮޅިލިއެވެ. އެވަގުތު އައިކާއަށް އަނގަމަތީ އަތްއަޅާލެވުނީ އޭނާގެ ކައިރީގައި އޮތީ ޔޫޝައު ނޫންކަން އެނގުނީމައެވެ. އިސާހިތަކު އޭނާގެ ދެލޮލަށް ކަރުނަތައް ޖަމާވެގަތެވެ.
“ޔޫޝް!”
“ޚަބަރުދާރު! ކަލޭގެ ތި މުޑުދާރު ދުލުން އަހަރެންގެ ނަންވެސް ނުކިޔާތި!” ޔޫޝައު ހުރީ ވަރަށް ރުޅިއައިސްފައެވެ. އެވަގުތަކީ އަޑުގަދަވެގެން ލަމްހާއަށް ހޭލެވުނު ވަގުތެވެ. އަޑު އަންނަނީ އައިކާގެ ކޮޓަރިންކަން އެނގުމުން އޭނާ ހައިރާންވެ ހުރެ ކޮޓަރިން ނުކުތެވެ. އޭނާއަށް އެ އިވެނީ ޔޫޝައުގެ އަޑުކަން އޭނާއަށް ޔަޤީނެވެ.
“ޔޫޝް! އަޑުއަހާބަލަ.. އަހަރެން އެއްވެސް..”
“ހުއްޓާލާ! އެއްވެސް ކަމެއް ނުހިނގާނަމަ މިތާ އައިކާ ކައިރީގަ ހިލޭ ފިރިހެނަކު އޮންނަންވީ ކީއްވެ؟ އައިކާ ތިގޮތަށް ހުންނަންވީ ކީއްވެ؟ އަދިވެސް އޮޅުވާލަން ތިއުޅެނީ އަހަރެން މީ މޮޔައެއްކަމަށް ހީކޮށްތަ؟” އައިކާގެ އެއްވެސް ވާހަކައެއް އަޑުއަހާކަށް ޔޫޝައު ބޭނުމެއްނުވިއެވެ. އޭނާއަށް ބޮޑަށް ޤަބޫލުކުރެވުނީ އޭނާގެ ލޮލަށް ފެނުނު މަންޒަރުތަކެވެ. އެކަމުގެ ފަހަތުގައި ބައެއްގެ ރޭވުމެއް ވެދާނެކަމަށް އޭނާގެ ސިކުނޑިއަށް އެއްފަހަރުވެސް ނުވިސްނުނެވެ.
“ނޫން ޔޫޝް.. އަހަރެން ދުވަހަކުވެސް..”
“އަހަރެން ބޭނުމެއްނޫން ތިކަހަލަ މީހަކާ އެކީ އެންމެ ހިނދުކޮޅަކުވެސް އުޅޭކަށް.. ތިހުރީ ވަރިކޮށްފަ.. ނުކުމޭ މިގެއިން!” ޔޫޝައުގެ ދުލުން އެ ބަސްތައް ނުކުތް ވަގުތަކީ ލަމްހާއަށް އެކޮޓަރިއަށް ވަދެވުނު ވަގުތެވެ. އޭނާއަށް ޔޫޝައު ބުނި ބަސްތައް ރަނގަޅަށްވެސް އަޑުއިވުނެވެ.
“ޔޫޝައު!” ލަމްހާގެ އަޑަށް ޔޫޝައު ފަސްއެނބުރި ބަލާލިއެވެ.
“ކިހިނެއްވެގެން މިއުޅެނީ؟ ކީއްވެ އައިކާ ވަރިކުރަންވީ؟” ލަމްހާއަކަށް އޭރު އައިކާއެއް އަދި އައްޒާމްއެއްވެސް ނުފެނެއެވެ. އެހެންކަމުން އެތާނގައި ހިނގި އެއްވެސް ކަމެއް އޭނާއަށް ވިސްނާލާކަށް ނޭނގުނެވެ.
“ލަމް ދޭ ކޮޓަރިއަށް..”
“ކިހިނެއްތަ ވެގެން މިއުޅެނީ؟” ލަމްހާ އަނެއްކާވެސް އެހެން ބުނަމުން އެތެރެއަށް ވަތް ވަގުތު އޭނާއަށް ހުއްޓުން އެރީ ހުސްގަޔާ އައިކާގެ އެނދުގައި އިށީނދެލައިގެން އިސްޖަހައިގެން އިން އައްޒާމް ފެނިފައެވެ. އައިކާ ހުރީ އެނދު ކައިރީ ހުރެ ހެދުން ރަނގަޅުކޮށްލަނީއެވެ.
“ހެޔޮނުވާނެ ޔޫޝް! އަހަރެން ވަރިނުކުރޭ.. އަހަރެން އެއްވެސް ނުބައިކަމެއް ނުކުރަން.. އަހަރެންނަކަށް ނޭނގެ އައްޒާމް މިތަނަށް ވަނީ ކިހިނެއްކަމެއް.. އޭނައަކީ ވަރަށް ނުބައި މީހެއް..” އައިކާ އާދޭސްކުރިއެވެ.
“ހުއްޓާލާ! އަހަރެންނަށް ހެޔޮނުބައި ކިޔައިދޭކަށް އައިކާއަކަށް ނޭނގޭނެ.. ނޫންނަމަ އަހަރެންނާ އިނދެގެން ހުރެ، އަހަރެން ލަމްހާ ކައިރިއަށް ދިޔައިމަ ހިލޭ ފިރިހެނަކު ވައްދައިގެން ހިތަށްއެރިހާ ގޮތަކަށް ނޫޅުނީސް.. ނޭނގެ މީ މިރޭ އެކަނި ހިނގި ކަމެއްކަމެއްވެސް.. ރަނގަޅަށް ވިއްޔާ މިކަން އޮންނާނީ އެގޭތެރެއިން ފެށިފަ..” ޔޫޝައުގެ ވާހަކަތަކުން އައިކާ ވަރަށް ހިތުގައި ޖެހުނެވެ. އޭރު އައްޒާމް އިސްޖަހައިގެން އިނީ ވަގު ވައްތަރަކަށް ހީފައެވެ. ޔޫޝައުގެ ވާހަކަ އެހުރީ ހަމަ އޭނާ ބޭނުންވީ ގޮތަށެވެ. ލިބުނު ކާމިޔާބާމެދު އޭނާގެ ހިތް އުފަލުން ނަށަމުން ދިޔައެވެ.
“ނޫން ޔޫޝް.. އަހަރެންނަށް އިތުބާރުކޮށްބަލަ.. ލޮލަށް ފެންނަ ކޮންމެ ކަމަކީ ހަޤީޤަތެއް ނޫނޭ.. އަހަރެން އެއްވެސް ގޯސް ގޮތަކަށް ނޫޅެން.. ﷲ ގަންދީ ހުވާކޮށްފަ މިބުނީ..” އައިކާ އެހެން ބުނަމުން ޔޫޝައުގެ އަތުގައި ހިފަން އުޅުނެވެ.
“އަތްނުލާތި! އަހަރެން ގައިގަ.. ތިކަހަލަ މުޑުދާރު އަތަކުން އިންސާނެއް ގައިގަ އަތްލަން ހެޔޮވެސް ނުވާނެ.. އަހަރެން ބޭނުމެއްނޫން ތިކަހަލަ މީހެއްގެ މޫނުވެސް ދެކޭކަށް.. ދާންއުޅޭ މިތަނުން..” ޔޫޝައު ދުރަށް މޫނު އަނބުރާލަމުން އެހެން ބުނެލިއިރު އޭނާގެ ދެލޮލުން ރުޅިވެރިކަމާއި އެއްވަރަށް ހިތާމަ ފާޅުވެއެވެ.
“ޔޫޝައު! ތިހެން ނުހަދާ.. މިއޮއް ދަންވަރު އޭނަ ގެއިން ނެރެ އެއްލާލީމަ އޭނަ ދާނީ ކޮންތާކަށް؟ ކަމުގެ ހަޤީޤަތް ނުބަލާ ގޮތް ނުނިންމާ.. ފަހުން ހިތާމަކުރަން ޖެހިދާނެ..” އެންމެފަހުން ލަމްހާއަށް ނުހުރެވިގެން ބުންޏެވެ.
“އިތުރަށް އެނގެންޖެހޭ ހަޤީޤަތެއް ނެތް.. ހުރިހާ ކަމެއް ހިނގީ އަހަރެންގެ ލޯކުރިމަތީގައި.. އެއީ ރީތި ސިފައެއްގަ ހުރި ނުބައި މީހެއް.. އަދި މީނދަ އެއްޗަކުވެސް އެބައިނެއްނު ފާޑަކަށް އިސްޖަހައިގެން.. ނުކުމޭ މިގެއިން.. ލަދެއްވެސް ނުގަނެޔޭ.. ހަމަ މިހާރު ނުކުމޭ މިގެއިން!” އައްޒާމްއާ ދިމާއަށް ޔޫޝައު ހަޅޭއްލަވައިގަތެވެ. އައްޒާމް މަޑުމަޑުން ތެދުވެ އެނދު ކައިރީ އޮތް އޭނާގެ ޓީޝާޓާއި ސޯޓު ލައިގެން ކޮޓަރިން ނުކުންނަން ހިނގައިގަތެވެ. އޭނާ ގޮސް ލަމްހާއާ އަރައި ހަމަވި ވަގުތު އޭނާއަށް ލަމްހާއާ ދިމާއަށް ބަލާލެވުނެވެ. ހަތަރުކަޅި ހަމަވުމާއެކު އޭނާ އަވަހަށް އިސްދަށަށް ޖެހިއެވެ. ދޮރުން ނުކުންނަމުން އައްޒާމް އައިކާއަށް ބަލާލަމުން އެއްމިޔަކަނުން ހީލަމުން އެއްލޯ މަރާލިއެވެ. އައްޒާމް ނުކުތްތަން ބަލާލި ލަމްހާއަށް އައްޒާމްގެ އެ ހަރަކާތް ކިތަންމެ ރަނގަޅަކަށްވެސް ފެނުނެވެ. އޭނާގެ ސިކުނޑީގައި ކޮށާލީ ކުރީ ދުވަހުގެ ހާދިސާއެވެ. އެކަމުގައި އައިކާގެ ކުށެއް ނެތްކަމުގައި އޭނާގެ ހިތް ބުނެއެވެ. ނަމަވެސް އޭނާގެ އަތުގައި އެއްވެސް ހެއްކެއްނެތި އޭނާއަށް އެކަމާ އެއްޗެއް ބުނެވޭކަށްވެސް ނެތެވެ. އެހެންކަމުން އޭނާ އެކަމާ ބެހޭގޮތުން އެއްވެސް އެއްޗެއް ނުބުންޏެވެ.
“ޔޫޝް! އަހަރެންނަށް ތިހެން ނުހަދާ.. އަހަރެން ބޭނުން ހުރިހާ ވާހަކައެއް ކިޔައިދޭން.. އަހަރެންނަށް އެންމެ ފުރުސަތެއް ދީ..” އައިކާ ޔޫޝައުގެ އަތުގައި ހިފަމުން ބުނެލިއެވެ. އެއާއެކު ޔޫޝައު އައިކާގެ އަތް ފޮޅުވާލިއެވެ.
“އައިކާ ތީ އަހަރެންގެ އަނތްބެއް ނޫން.. އަހަރެން އައިކާ ދޫކޮށްލައިފިން.. މިހާރު އަހަރެން ހިތުގަ އައިކާއަށްޓަކައި އޮތީ ނަފުރަތު.. ހަމައެކަނި ނަފުރަތު.. އެހެންވީމަ އަހަރެންގެ އަތުންފައިން ގޯހެއް ނުހެދެނީސް އަވަހަށް މިތަނުން ރައްކާވޭ!” ޔޫޝައު ރުޅިވެރިކަމާއެކު ބުންޏެވެ. އަދި ލަމްހާ ގާތު ކޮޓަރިއަށް އަންނާށޭ ބުނެފައި ގޮސް ކޮޓަރިއަށް ވަދެ ދޮރު ޖެހިއެވެ.
“ލަމް! އަހަރެން ދެން ކިހިނެއް ހަދާނީ؟ މި ދަންވަރު އަހަރެން ދާނީވެސް ވަކި ކޮންތާކަށް؟” އައިކާ ރޮމުން ލަމްހާގެ ގައިގައި ބައްދާލިއެވެ.
“އަހަރެންނަކަށް ނޭނގެ ކުށްވެރިޔަކީ ކާކުކަމެއް.. އަހަރެންނަކަށް ޤަބޫލެއް ނުކުރެވޭ އައިކާ އެކަހަލަ ކަމެއް ކޮށްފާނެ ކަމަކަށް.. އެކަމަކު އަހަރެންގެ ސުވާލަކީ އައްޒާމް މިއޮއް ދަންވަރު މިގެއަށް ވަނީ ކިހިނެއްހޭ؟ އަދި އެވެސް މިކޮޓަރިއަށް ވަދެވެންވީ ކީއްވެހޭ؟” ލަމްހާ އައިކާގެ ބުރަކަށީގައި ފިރުމަމުން އަހާލިއެވެ.
“އަހަރެންނަކަށް ނޭނގެ އޭނަ މިގެއަށް ވަނީ ކިހިނެއް ކޮންއިރަކު ކަމެއް؟ އަދި މިކޮޓަރިއަށް ވަނީ ކިހިނެއްކަމެއްވެސް.. ޔޫޝް ނިދަން ދިޔައިމަ އަހަރެންވެސް އޮށޯވެ ނިދީ.. ދެން އަހަރެންނަށް ހޭލެވުނީ ޔޫޝް މާބާރަށް އަހަރެންނަށް ގޮވީމަ.. އަހަރެން ހީކުރީ އަހަރެން ކައިރީ އޮތީ ޔޫޝްކަމަށް.. ހުވަފެނެއް ފެނިގެންކަމަށް ހަޅޭއްލަވައިގަތީ.. އެކަމް ފަހުން އެނގުނީ އައްޒާމްކަން..” އައިކާ އޮޅުންފިލުވައިދިނެވެ.
“ކޮންމެވެސް ގޯހެއް އެބައުޅޭ..” ލަމްހާގެ ތޫނުފިލި ސިކުނޑިއަށް ވިސްނުނެވެ.
“އެކަމް އަހަރެން ކިހިނެއް ހަދާނީ؟ މަންމަމެންނަށް އެނގިއްޖެއްޔާ އެމީހުން ކިހާ ދެރަވާނެ.. މާލޭގަ އަހަރެންގެ އެކަކުވެސް ނެތް.. އަހަރެން ގޮސް ވަންނާނީ ކޮންތާކަށް؟” އައިކާ ދެރަވެފައި ބުނެލިއެވެ.
“އަހަރެންނަކަށްވެސް ނޭނގެ.. އެކަމް އައިކާ މިރޭ މިގޭގަ ހުރުން އެއްގޮތަކަށްވެސް ރަނގަޅެއް ނުވާނެ.. އެއީ މިރޭ ޔޫޝައު އެހުރީ ވަރަށް ރުޅިއައިސްފަ.. މިރޭ އެކަކު ކިޔާ އެކައްޗެއްވެސް އޭނައަކަށް އަޑެއް ނީވޭނެ.. ޤަބޫލެއް ނުކުރެވޭނެ.. އެހެންވީމަ ބޭކާރު މަސައްކަތްތަކެއް ކުރުމުގެ ބޭނުމެއްނެތް.. އައިކާގެ ރައްޓެއްސެއްވެސް ނޫޅޭތަ މާލެގަ؟” ލަމްހާ އެހެން އަހާލުމުން އައިކާ ބޯޖަހާލިއެވެ.
“މަޑުކޮށްލައްޗޭ.. އަހަރެންގެ ރައްޓެއްސަކަށް ގުޅާލާނަން މިރޭ އެގޭގަ އައިކާއަށް ހުރެލެވިދާނެތޯ ބަލާލަން..” ލަމްހާ އެހެން ބުނެފައި އޭނާގެ ކޮޓަރިއަށް ގޮސް ފޯނު ހިފައިގެން އައެވެ. އަދި ނަންބަރަކަށް ގުޅާލިއެވެ.
“ހެލޯ ނަޝްވާ.. މި ގުޅާލީ ކުޑަ ކަމަކުއޭ.. އަހަރެންގެ ރައްޓެއްސަކަށް މިރޭ ތިގޭގަ ހުރެލެވިދާނެތޯ ބަލާލަންވެގެން.. ބޭނުންވަނީ މިރޭ އޭނަ ނިދާލާނެ ތަންކޮޅެއް..” ލަމްހާ ބުނެލިއެވެ.
“ކާކުބާ އަނެއްކާ؟ ތިގޭގަ ބެހެއްޓެން ނެތީތަ؟”
“އާނ.. ބެހެއްޓެން ނެތީމައޭ މި ގުޅީ.. އެއީ ރައްޓެއްސެއް.. އަހަރެން ފަހުން ހުރިހާ ވާހަކައެއް ކިޔައިދޭނަން.. ތިގޭގަ ހުރެވިދާނެތަ؟ މިރޭ އެކަނި..” ލަމްހާ އަހާލިއެވެ.
“އާނ.. ހުރެވިދާނެ.. އެކަމް އަންހެންކުއްޖެއްތަ؟”
“އާނ.. އޭނައަށް ރަނގަޅަށް ނިދޭނެގޮތް ހަމަޖައްސައިދެއްޗޭ..” ލަމްހާ އެހެން ބުނެލުމުން ނަޝްވާ އެއްވެސް މައްސަލައެއް ނެތްކަމަށް ބުންޏެވެ.
“ހަމަޖެހިއްޖެ.. ނަޝްވާ ވަރަށް ރަނގަޅުވާނެ..” ލަމްހާ ހިނިތުންވެލަމުން ބުނެލިއެވެ.
“އަވަހަށް ތައްޔާރުވެލާ..” ލަމްހާ ހިނިތުންވެލަމުން އެހެން ބުނިނަމަވެސް އޭނާ ހުރީ އައިކާ ދާތީ ދެރަވެފައެވެ. އައިކާ ފާޚާނާއަށް ވަދެ ހެދުން ބަދަލުކޮށްލައިގެން ނުކުމެ ފޮށްޓަށް އެއްޗެހި އަޅަން އުޅުނުއިރު އޭނާގެ ދެލޮލުން ކަރުނަ ހިކޭއިރެއް ނާދެއެވެ. އޭނާ އެގޭގައި ލަމްހާއާއި ޔޫޝައުއާއެކު އުޅުނު އުފާވެރި ދުވަސްތައް އޭނާގެ ލޮލުކުރިމަތީގައި ސިފަވަމުން ދިޔައެވެ. އޭނާގެ އުފާވެރި ޙަޔާތުގެ ނިމުން މިފަދަ ގޮތަކަށް ނިމިދާނެކަމަކަށް އޭނާއަށް ހީކުރެވިފައެއްވެސް ނުވެއެވެ. އޭނާ ނުކުރާ ކުށެއްގެ އަދަބު މިގޮތަށް ލިބިދާނެ ކަމަކަށް އޭނާ ހިއެއްނުކުރެއެވެ. އޭނާގެ ދިރިއުޅުމަށް މި ޖެހުނީ ކާކުގެ އެސްފީނާއެއްބާއޭ އޭނާގެ ހިތަށްއެރިއެވެ.
ފޮށި ތައްޔާރުކޮށްގެން ނުކުތްއިރު ލަމްހާވެސް ހުރީ ބޭރަށް ނުކުމެއެވެ. ޔޫޝައުވެސް ސޯފާގައި އިށީނދެގެން އިންއިރު އިނީ ވިސްނުމެއްގައެވެ.
“ވަރަށް ހަނދާންވާނެ..” ލަމްހާ އައިކާގެ ގައިގައި ބައްދާލަމުން ބުނެލިއެވެ.
“އަހަރެންވެސް..” އައިކާ އެހެން ބުނެލިއިރު އޭނާގެ ދެލޮލުން ކަރުނަތައް އޮހިގެންފިއެވެ. ލަމްހާ ވަރަށް އޯގާތެރިކަމާއެކު އައިކާގެ ދެލޯ ފޮހެލައިދިނުމަށްފަހު އޭނާގެ އަތަށް ގަނޑުކޮޅެއް ލައިދިނެވެ. އެއީ އޭނާ ދާންވީ އެޑްރެސް ލިޔެފައިވާ ގަނޑުކޮޅެވެ. ގަދަކަމުން ހިނިތުންވުމެއް ވެރިކުރުވަން މަސައްކަތްކުރަމުން އައިކާ ފޮށި ހިފައިގެން ނުކުންނަމުން ޔޫޝައުއަށް ބަލާލިއެވެ. އޭރު ޔޫޝައުވެސް އިނީ އައިކާއާއި ދިމާ ބަލާށެވެ. ނަމަވެސް އައިކާ ބަލާލުމާއެކު އޭނާ ދުރަށް މޫނު އަނބުރާލިއެވެ. އެވަގުތު އައިކާއަށް އިތުރަށް ކެތްނުވެގެން އަވަސްއަވަހަށް ގެއިން ނުކުތެވެ.
(ނުނިމޭ)
މިވާހަކައިގެ ދެންއޮތް އެޕިސޯޑުގެ ލިންކު ކޮމެންޓް ސެކްޝަންގެ ތިރީގައި ވާނެއެވެ.
Other Articles
ޢެދެމޭ އުފާ….(42)
ހާމަ ކުރީމާ ލޯބި މަވާކަން
32 Comments!
Comments are closed.
Assalaam A’laikum!! Miothy “AIKAA” vaahakaige 24 vana bai.. Ummeedhu kuran hurihaa kudhinnahves kamudhaane kamah.. Mistakes faahaga kohdhinumaky Saandyge v bodu edhumeh.. Love u all 🙂
Mibai ehen baithakaa balaafa v kuruvaane.. Khithaanee season veema Saandy midhuvaskolhu v bixy.. Ehenveema ehaa gina vagutheh nulibey vaahaka up kollaakah.. Ekam vaahaka nimumakaa gaaiyvefa otheema dhen medhukan’daalan beynun nuvaathy type kurevunu varakun up kuramun midhany.. Ummeedhu kuran kiyuntherinnah understand vaane kamah.. Maadhamaa 25 vana bai dhigukoh up kolladheynan.. Insha Allah!! 🙂
Noooo..saandy plx aikaa aai yooshau gulhuvahcheyy??????..cant wait to read the nxt prt..
ThanQ Mysh.. Mihaaru up kollaafa innaany 🙂
Varah reethi.. Ekam ehaa gina dhuvas kohffa genna iruvves kuda ethikolheh v ma hiy hama eh nujehey
ThanQ Love.. Ehaa gina dhuvaheh nuve ehnu.. Enme 2 dhuvas.. Friday e-ee Saandyge chutty dhuvaheh veema fridayga up nukurany 🙂
Saandy dhn Aika Maaz kairiah fonuvaa!! Eyrah reethi vaani!!
ThanQ Mal 🙂
Reethi
ThanQ Rread 🙂
How r u Mr white saandy beach??
Long time no seeeeee..????????,
Anyways hahaha! Miss eh nuve ……. miss vaa varah vure writer maa molhy
Ahah.saandy ur always in meh mind.. u never go… but dnt be happy ur bad deeds are always in meh mind… not ur sooo called gud deeds.. ryn kys
Dhnfaharakun dhigukoh genesdheche plz plz
ThanQ sum.. Yes.. Dhigukoh up kollaafa innaany mihaaru 🙂
Wowwwwwwwwwww……. saandy this is amazing. …. ??????? I love this story?????????????? waiting for tmrw….. keep it up saandy…..❤❤❤??????????
ThanQ JUMA 🙂
Ethah faharaku belin story upload kohfa thw iny? finallyy…☺ mi part vx Nice?? Poor aika? yushau vx kamuge dhekolhu nubala aika ah ehn hadhaakah nuvaanu.. aika dhn maz gaathah dhaan jeheyny dhw! Waiting for nxt part? goodluck saandy?
ThanQ Sham.. Let’s see dhw 🙂
Mihaaru vaahaka thah medhu kandigen Vaanuvaa neygy up kuraaleh lass vaney
Reet! Sorry baeh faharu lasvaathy.. Ekam mi vaahaka up nukoh 2 dhuvahahvure ginaeh nuvaane 🙂
Kurin buni ekkoh type koh nimifa yey. Huss fake excuse thah.
Vahaka reehchas liyuntheriya hadhaa goiy vai. So i’m stopping to read ur stories.
Busy vaanekan gaboolu kuran. Type koh nimijjey kiyaigen dhogu hedhun massala akee
ThanQ Rashy.. Rashy ah thiothy v bodah olhifa.. Saandy buny liye nimifa oiy vaahaka.. Liyuny fothehgaeyves bunefa onnaane 🙂
noo saandy alheyyy dont do that to aikaa?????
Btw, i love love love love love love this story
ThanQ sumi 🙂
Alheyy aika ah thihn nahadhabala ?? .. ekm mi part maa kury? next part thankolheh dhigukh genesdhehchey.. love this story ?..
ThanQ Rau.. Yes dhigukoh up kollaafa innaane mihaaru 🙂
meehun wahaka ah support dheythy tha ehaa kuri ? i mean we understand that ur busy and all but atleast kuraakameh rangalhah kuranwaanu
Sorry dear.. Ehenve eh noon kuruvany.. Baeh faharu busy veema ehaa vaguthu nuvany.. Ekam up kuraane dhuvas buneveythy e bunaa dhuvahah up kuran vegen type kollevey hisaabu up kolladheny 🙂
Kobaa vaahaka up kuraavaahaka bunymenun adhives up vaavaru nuvany tha alhe avaha up koladhyba
ThanQ Miyu.. Mihaaru up kollaafa innaany 🙂
Saandy eveni miveni dhuvahaku story up kuraanamey nubuniyyaa aslu rangalhu vaanee.. soo that we dnt have to wait for sooo long.. up nukuraa thaanga habaru ves nuvaathy massala akee.. atleast enmme last part ge comments baiga vaanuvaa angaalaafa iniyyaa aslu varah rangalhu.. story reethiveema story ah inthizaaru kureveny.. bt mihen vaathy kudakoh disappoint vey.. bt will wait for the story
ThanQ Aish.. Up kollaafa innaany mihaaru.. Sorry baeh faharu lasvaathy.. V masakkaiy kuran bunaa dhuvahu up kolladheveythoa.. Ekam busy dhuvaskolheh veema hama vaavaru 🙂