ވިކާޝްގެ ޝަރުތު ކިތަންމެހާވެސް ފުރިހަމައަށް ޝިކާއަށް އިވިއްޖެއެވެ. އޭނާ އިސްޖަހާލައިގެން ހުރުމުން ވިކާޝް ވާހަކަދެއްކިއެވެ.
” އެއްބަސް ނުވަންޏާ އަހަރެންނަށް ބުނެވޭނީ ނޫނެކޭ! ދެން ޝިކާ ދޭ މިގޭން.. އަހަންނަށް ވަރިހަމަ ތިޔަ ދަރިފުޅު ވައްޓާލިޔަސް.. ތިހާ ބޮޑު މުއްސަންޖަކަށް ތިޔަކުއްޖާ ވައްޓާލާ މަރާނުލެވޭންވީ ކީއްވެ؟ “
ވިކާޝް އެހެން ބުނީ ޝިކާގެ ހިތަށް އަސަރުކުރުވަން ވެގެންނެވެ. ޝިކާއަށް އިތުރަށް ރޮވުނެވެ. އޭނާ ދެލޮލުން ކަރުނަ ފުހެލުމަށްފަހު ބާރުލާފައި ބުނެލިއެވެ.
” އަހަރެންގެ ހަށީގައި ފުރާނަހުރި ހިނދަކު މި ދަރިފުޅެއް މަރައެއް ނުލާނަން..”
ޝިކާގެ ދުލުން ބޭރުވީ ވިކާޝް ބޭނުންވާ ފަދަ ޖަވާބެކެވެ. ޝިކާގެ ޅަ ސިކުނޑިއަށް ވިސްނެނީ ވިކާޝް ވިސްނައިދިން އެއްޗެކެވެ. ވިކާޝްދަނީ ޝިކާގެ ސިކުނޑިއާއި ކުޅެމުންނެވެ.
” އޯހް.. ވަރަށް ރަނގަޅު.. ދެން ދޭ އަވަހަށް.. ގޮސް ދުނިޔެއާއި ކުރިމަތިލައި.. މާދަމާ ނޫން ކަމެއްނޭނގެ ބައްޕަ ސަލާމަތުން ހުއްޓާ ފެންނާނީ.. އޭރުން ޝކާ ދޭނީ ކޮންޖަވާބެއް؟ ހުރިހާ ހުތުރެއްވެސް ޝިކާއަށް..”
އެއީ ތެދެކޭ ޝިކާގެ ހިތަށް އެރިއެވެ. ދެން އޭނާއަށް ވިސްނުނީ އޭނާގެ މުދަލާއި ފައިސާ އާއި މެދުގައެވެ. ޝިކާގެ އަބުރާއި އިއްޒަތަށްވުރެން އަގުބޮޑު އެއްވެސް އެއްޗެއް ނުވާނެޔޭ އޭނާގެ ހިތަށް އެރިއެވެ. ގޮތް ހުސްވެގެން ޝިކާ ވިކާޝްގެ އަތުގައި ހިފާލިއެވެ،
” އަހަންނާ ކައިވެނިކުރާނަމަ އަހަރެން އެ ހުރިހާ އެއްޗެއްވެސް ވިކާޝްއަށް ހިބަކޮށްދޭނަން…”
ޝިކާ އެހެން ބުނުމާއި އެކު ވިކާޝްއަށް ޝިކާގެ ގައިގައި ބައްދާލެވުނެވެ. އޭނާ ބައްދާލީ އުފަލުންނެވެ. އެއްފަހަރުން މުއްސަނދިވީތީއެވެ. ޝިކާ އާޢި ވިކާޝްގެ ދެމެދު ހިނގި ގުޅުމުގެ ވާހަކަ އާނިޔާއަށް ސިއްރުކުރުމަށް ވިކާޝް ވަނީ ޝިކާ ގާތުން އެދިފައެވެ، ބަނޑުބޮޑު ވާހަކަވެސް ނުބުނުމަށް އޭނާ އެދުނެވެ. އެއީ އެކަން އެނގިއްޖެނަމަ ވިކާޝްގެ ނިޔަތަކީ ކޮބާކަން އާނިޔާއަށް އޮޅިދާނެތީއެވެ.
********************************
ކޯޓަށް ފޯރމްލީފަހުން ހަފްތާއެއް ވަނީއެވެ. ޝިކާ އާޢި އިންނަން އުޅޭކަން އާނިޔާއަށް އެނގޭނީ މިޔަދު ކަމަށްބުނެ، ވިކާޝް ޝިކާ ޖެހލުންކުރުވިއެވެ،
” އެކަމު ބުނީމެއްނު ސިއްރުންނޭ އިންނާނީ ދެން ކީއްވެ ބުނީ ؟ “
ޝިކާ ހާސްވިއެވެ. އާނިޔާ އޭނާދެކެ އަންނާނެ ރުޅި ހިތަށް އަރާފައެވެ.ހަޤީޤަތުގައި މިއީ އާނިޔާ އާޢި ވިކާޝް ރޭވިގެން ކުރާކަމެއްކަން ޝިކާއަށް ނޭނގެއެވެ. އޭނާ ކަންތައް ކުރަނީ ވިކާޝްބުނާ ގޮތަށެވެ،
އާނިޔާ އިނީ ރޯށެވެ. މެދުގޭގައި ހުރި ބޮޑާށިމަތީގައެވެ. ޝިކާ ވަރަށް ލަދުން ހުރެ ކޮޓަރިން ނުކުމެ އާނިޔާގެ ކުރިމަތީހުއްޓުނެވެ،
” އަހަރެންނަށް މަޢާފްކުރޭ! އަހަރެން ވިކާޝްދެކެ ލޯބިވާތީ އަހަރެން އޭނާ އާއި އިންނަން ބޭނުންވީ… އަހަރެންގެ އެދުމަށް ވިކާޝް އާނއެކޭ އެ ބުނީ އަހަރެންގެ ސަފާރީ އާޢި ފައިސާތައް އޭނާއަށް މިލްކު ކުރީމަ.. ފަހަރެއްގައިވެސް އާނިޔާ ދެރަކުރަން ކުރި ކަމެއްނޫން އެއީ… އާނިޔާއަށްވެސް އުފަލުގަ އުޅެވޭނެ.. ވިކާޝް އަހަރެމެން ދެމީހުންނަށް ދެރަގޮތެއް ނަހަދާނެ…”
ޝިކާގެ ޖުމުލަ އާއި އެކު އާނިޔާ ފުންމައިގެން ތެދުވެ އަނދައިގަންނަމުން ބުނެލިއެވެ.
” ޗި! ދެރަގޮތެއް ނަހަދާނެޔޭ!! ބަލަ އެއީ މަގޭ ފިރިމީހާއޭ.. އޭނަ އަހަންނާއި އެކު އެހާ ލޯބިން އުޅެ އުޅެ ހުއްޓާ ކަލޭ އައިސް ފައިސާ ދައްކައިގެން އޭނަ އަނބުރާލީ.. އަހަރެންނަށް ކިރިޔާވެސް ގޮތެއް އޮތްނަމަ އަހަރެން ދެއަތްބަށް އިނދެގެނެއް ނޫޅޭނަން.. އަހަރެންނަށް އަޅާލާނެ މީހަކު ނެތީމަ އަހަރެން މި ހުންނަނީ އެއްޗެއް ނުބުނެ…”
އާނިޔާ އެތިވަރުތައް ގޮވާލުމަށްފަހު ޝިކާ ރޮއްވާލިއެވެ. އަދި ބާރު ބާރަށް ގޮސް ކޮޓަރިއަށް ވަނެވެ، ވަނުމާއި އެކު ވިކާޝް އަތްޖަހަން ފެށިއެވެ. ތުވާލިން ކަރުނަތައް ފޮހެލަމުން އާނިޔާ ވިހަ ގޮތަކަށް ހީލީ ވިކާޝް އާއި ދިމާއަށް ބަލާލަމުންނެވެ،
” މޮޅު.. ދޫނި ވަރަށް މޮޅު.. ދެން މާދަމާ އޭނަޔާ އިންނާނީ.. ފޯރމްލީ ފަހުން ހަތްދުވަސް މިވީނު ދެން.. ދެރަނުވައްޗޭ.. މާދަމާ އެއީ އަހަރެމެން ދެމީހުން އުދުހޭ ދުވަސް….”
***************************
ކައިވެނިކޮށްގެން ދެމީހުން އެކުގައި ގެއަށްވަނުމާއި އެކު އާނިޔާ ކިޔާލީ ހޫނު މަރުހަބާއެކެވެ. ޝިކާ ހުރީ ހައިރާންވެފައެވެ. އާނިޔާގެ ހިނިތުންވުން ފެނި ޝިކާއަށްވެސް ހެވުނެވެ.
” ކޮންމެ ގޮތެއް ވިޔަސް ނުރުހުންވެ ދުޝަމަން ވެގެން އުޅުނީމަ ދެމީހުންގެ ދިރިއުޅުންވެސް ގެއްލޭނީ.. އެކުގައި އުޅެންޏާ އުޅެވޭނީ ރަނގަޅަށް އުޅެގެން.. އަހަރެން ވިކާޝްގެ ޙަޔާތުން ދިޔުމުން ގެއްލޭނީ އަހަރެންގެ ޙަޔާތް.. ޝިކާއަށްވެސް ދެއަތްބަށް އިނދެގެން އުޅެވެންޏާ އަހަރެންނަށް ވަކި ނޫޅެވޭންވީ ކީއްވެ؟ އަހަރެންވެސް ވިކާޝްދެކެ ލޯބިވެޔޭ.. “
ހީލަމުން އާނިޔާ އެހެން ބުނި އިރު އޭނާގެ ދެލޮލުގައިވާ ހިތާމަވެރިކަން ވިކާޝްއަށް ފާހަގަ ކުރެވުނެވެ. ވިކާޝް ކޮންމެވެސް ވަރަކަށް ދެރަވިއެވެ. އޭނާ އާނިޔާ އާއި ކައިވެނިކުރީ އާނިޔާދެކެ ވަރަށް ލޯބިވެގެންނެވެ.
” ތޭންކްސް އާނީ…”
ވިކާޝް ސިހުނީ ޝިކާގެ އަޑުންނެވެ. އާނިޔާ ބަލާލީ ވިކާޝްއަށެވެ،
” ދޭ ޝިކާ ގޮވައިގެން ކޮޓަރިއަށް.. އަހަރެން ހުންނާނެ ޝިކާގެ ކޮޓަރި ވަރަށް ރީތި ކޮއްލާފަ.. “
އާނިޔާ މަޑުމަޑުން ބުންޏެވެ. ފުރަތަމަ ހިނގައިގަތީ ޝިކާއެވެ. ވިކާޝް ހިފާލީ އާނިޔާގެ އަތުގައެވެ. އަދި މަޑުމަޑުން ފިރުމާލަމުން ބުންޏެވެ،
” މިހާރު ހިތަށް އަރާ މި ކައިވެނި ނުކުރެވުނު ނަމައޭ.. އަހަންނަކަށް ހިއެއްނުވޭ އާނީ ނޫން މީހަކާ އެކު……. “
އާނިޔާ ވިކާޝްގެ ތުންފަތުގައި އިނގިލި ޖައްސާލިއެވެ. އަދި ބޯހޫޜާލަމުން ބުންޏެވެ،
” ނޫން… ދޭ.. އެއީވެސް އަހަރެންފަދައިން ވިކާޝްގެ އަތްބެއް..”
އެވަގުތު އާނިޔާގެ ދެލޮލުން ކަރުނަތައް ފައިބައިގަތެވެ. އާނިޔާއަށް އަސަރުކޮއްފައި ވާވަރު ވިކާޝްއަށް އެނގުނެވެ. ފައިސާގެ ބޭނުމުގައި އާނިޔާ އެނިންމުން ނިންމި އިރަކު ވިކާޝް އެހެން މީހެއްގެ ގާތަށް ދާތަން ފެނުމުން އޭނާއަށް ކުރާނެ އަސަރު އޭރު އޭނާއަށް އިހުސާސް ނުކުރެވުނީއެވެ. އާނިޔާ އޭނާގެ ކޮޓަރިއަށް ވަނީ ބާރުބާރަށް ގޮހެވެ. އެ ކޮޓަރީގެ ދޮރު ޖެހުމާއި އެކު ވިކާޝްއަށް ހިންދިރުވާލެވުނެވެ. އާނިޔާ ދެރަވެފައި ހުރިވަރު ފެނުމުން ބުނެދޭން ނޭނގޭ ގޮތަކަށް އޭނާއަށްވެސް އަސަރު ކުރިއެވެ،
” ވިކާޝް…….”
ލޯތްބާއި އެކު ޝިކާ ގޮވާލިއެވެ. ވިކާޝް ސިހިފައި ބަލާލަމުން ގަދަކަމުން ހީލިއެވެ.
” މިހާރު ތިއީ މަހުޖަނެއްނު!!!! ބޯޑު ސަފާރީއެއްގެ ވެރިއެއް… އުފަލެއްނުވޭތަ؟ އަދި ރީތި ރީތި އަތްބެއްވެސް ލިބުނީ.. ދުވަސްކޮޅަކުން ބައްޕައަކަށްވެސް ވާނެ..”
ޝިކާގެ ވާހަކަތަކުން ވިކާޝްގެ ގާތަށް އައީ ރުޅިއެވެ. އެހެނަސް އޭނާ އެކަމެއް ނުދައްކައެވެ. އޭނާގެ ހިތުގައި ދެންމެ ފެނުނު އާނިޔާގެ މޫނު ކުރެހެމުންދެއެވެ. ވިކާޝް ޝިކާ އާއި ދިމާއަށް ހިނގައިގަތެވެ.
ޝިކާ ހުރީ ވިކާޝްގެ ލޯތްބަށް އެދިއެދިއެވެ. ވިކާޝް ޝިކާ ބޭނުންވާ ހުރިހާ އުފަލެއް އޭނާއަށް ދިނެވެ. ޝިކާ ވިކާޝްގެ މޭގައި ބޯއަޅާލިއެވެ،
” ދެން އަބަދުވެސް އަހަރެމެންނާއި އެކު ދޯ އުޅޭނީ.. ހަމަހަމައަށް ކަންތައް ކޮއްދީފިނަމަ ވަރަށް އުފާވާނެ..”
ޝިކާއަށް އެހެން ބުނެވުމާއި އެކު އޭނާގެ ބަނޑަށް ކުއްލިއަކަށް ތަދެއް އެރިއެވެ. އޭނާގެ ބަނޑުގައި ރިއްސަންފެށިއެވެ. ޝިކާ ބަނޑުގައި އަތްއަޅައިގެން އޮވެ ކުރުވެގަތެވެ.
” ވަރަށް ގަދައަށް ރިއްސާތަ؟”
ވިކާޝް އެހެން ބުނުމުން ޝިކާ ބޯޖަހާލިއެވެ. ގިފިއްޔަށް ދާން ބޭނުން.. ފެންވަރާލަން.. ވިކާޝް އަހަންނަށް އެހީވެދޭންވީނު..
ޝިކާ ބަލިގޮތަކަށް އެހެން ބުނުމުން ވިކާޝް ޝިކާ ނެގިއެވެ. އަދި އަތުލަފިކޮއްގެން އޭނާ ގޮވައިގެން ގިފިއްޔަށް ދިޔައެވެ. ވިކާޝް ހުރީ އެތެރޭގެ ދޮރުކައިރީގައެވެ. ޝިކާ އެއްޗެހި ބޭލުމަށްފަހު ބާރަށް ވިކާޝްއަށް ގޮވާލިއެވެ. ވިކާޝް ބަލާލަމުން ޝިކާގެ ގާތަށް ދިޔައެވެ،
” ހުސްލޭ.. ދަރިފުޅު… ވެއްޓުނީތަ؟ ””
ޝިކާއަށް ރޮވުނެވެ. ވެއްޓޭނީ ބަނޑުބޮޑުވެގެން ނޫންހޭ ވިކާޝްގެ ހިތަށް އެރިއެވެ. އޭނާގެ މައްސަރުކަންތައް ލައިގަތް އިރުވެސް ޝިކާއަށް ހޭވެރިކަން ނުވެއެވެ. އެދުވަހު ގިރި ފޭރުފަނިތައްޓަށް ވިކާޝްލީ ބޭސްގުޅައިގެ ސަބަބުން ޝިކާ ވަރަށް ބޮޑަށް ބަލިވެ ހޮޑުލައި ހެދިއެވެ. އެއީ އޭނާ ޝިކާ އާޢި ކައިވެނިކުރުމަށް ޖަހާލި މަޅިއެކެވެ،
” ކީއްކުރާނީ؟ އަހަރެމެންގެ ދަރިފުޅުވެސް… “
ވިކާޝް ޝިކާގެ ގައިގައި ހިފަހައްޓާލިއެވެ. ޝިކާ ދެލޯމަރާލަމުން ފުންނޭވާއެއް ލިއެވެ. ތަންކޮޅެއް ކުރިން މިކަން ވީނަމަވެސް އޭނާގެ އެއްވެސް މުދަލެއް ވިކާޝްއަށް މިލްކުކޮށެއް ނުދިނީސްކަން ޔަޤީނެވެ. ނަސީބުގެ ބޯޅަ އޮތީ ވިކާޝްގެ ކޮޅުގައެވެ. އޭނާ ވަރަށް ރަނގަޅަށް ކުޅޭނެކަން ގައިމެވެ.
” ހޮސްޕިޓަލަށް ދިޔައީމަ އެނގޭނެ މީހުންނަށް.. އާނިޔާއަށްވެސް އެނގޭނެ.. އޭރުން އޭނައަށް އިނގޭނެ އަހަރެމެން މިހެންވެކަން އިނީ.. ދެން އަޅާނުލާ.. މަޑުމަޑުން އުޅުނީމަ ރަނގަޅުވާނެ.. “
ވިކާޝް ދެރަވާކަމަށް ހެދިގެން ޝިކާ ހިތްހަމަ ޖައްސައިދިނެވެ.
*******************************************************
ވިކާޝް އާނިޔާގެ ކޮޓަރިއަށް ވަތްއިރު އާނިޔާ އޮތީ ބަންޑުން ރޯށެވެ. ވިކާޝް އާނިޔާގެ ގާތުގައި އިށީނެވެ،
” އާނީ.. ދެން އަބަދު ރޮންޏާ އަހަރެން ކިހިނެތް އުފަލުގަ ހުންނާނީ.. އަހަރެން އެބަ ވިސްނަން ވަރަށް މޮޅު ގޮތެއް… އަހަރެން މިދައްކާ ވާހަކަ އަޑުއަހާބަލަ..”
ވިކާޝް އާނިޔާގެ ބޮލުގައި ފިރުމާލިއެވެ. އާނިޔާ ބަލާލަމުން ތެދުވެ ވިކާޝްގެ ކޮނޑުގައި ބޯއަޅާލިއެވެ،
” އަހަރެން ސަފާރީގަ އެއް ދަތުރު ކުރާނަން.. ގާތްގަނޑަކަށް ހައެއްކަ މަސްކޮއްފަ އަހަރެން އަންނާނީ.. ސަފާރީ ވިއްކާލާފަ ފައިސާކޮޅު ހިފައިގެން އައިސް އަހަރެން އާނީ އުޅޭނީ އާނިޔާ އާޢި އެކު…”
ވިކާޝް އޭނާގެ ނިންމުން ހާމަކުރިއެވެ. އާނިޔާގެ މޫނުމަތީގައި ސުވާލުމާކުތައް އެނބުރެންފެށިއެވެ،
” ދެން ޝިކާ ؟ “
” އެއީ ކާކުތަ؟ އޭނަ ވަރިކުރާނީ… އޭނަ ފޮނުވާލާނީ.. ހަޤީޤަތުގަ އަހަރެންނަށް އާނީ ދެކެ ލޯބިވާވަރު އިހުސާސް މި ކުރެވުނީ އަދިކިރިޔާ.. އަހަރެން ފަހަރެއްގާވެސް އާނީ ދެރައެއް ނުކުރާނަން..މިގޭގެ ހުސްބައިގަ ބޮޑު ގެއެއް އަޅައިގެން މުއްސަނދި ދިރިއުޅުމެއް އުޅޭނީ.. މިގެ ތަޅައެއް ނުލެވޭނެ.،. މަންމަމެން ބުނެފައޮތީ މިގޭގަ އުޅުމަށް.. މަންމަ އާއި ަބއްޕަގެ ވަރަށް ބުރަ މަސައްކަތުން ރާނާފަ ހުރި ގެއެއްވީމަ މިގެ ތަޅާނުލުމަށް އެމީހުން ވަސިއްޔަތްކުރި.. ދެން އެކަމު މުއްސަނދިވީމަ މިގެޔަކު ނޫޅެވޭނެ އެއްނު.. މި ގޯތީގަ ބޮޑު ބޮޑު ގަނޑުވަރެއް އަޅާނީ ދޯ…”
ވިކާޝް އާނިޔާގެ ގައިގައި ބައްދާލިއެވެ. އާނިޔާއަށް ވިކާޝްގެ ކަނދުރާގައި ބޮސްދެވުނީ އުފަލުންނެވެ،
*******************************
ޝިކާގެ މައްސަރު ދުވަސްވަރު ނިމިއްޖެއެވެ. އޭނާ ހީކުރީ ކުއްޖާ ބައިގެންދިޔައީކަމަށެވެ. އެހެން އޭނާއަށް ހީކުރަންޖެހުނީ މީގެ ކުރިން ދުވަހަކުވެސް ބަނޑުގައި ނުރިއްސާ ޝިކާ އެދުވަހު ބަނޑުގައި ރިއްސާފައި އެކަންތައް ލައިގަތުމުންނެވެ، ޝިކާ އަނެއްކާވެސް ވިކާޝްގެ ލޯބި ބޭނުންވިއެވެ. އޭނާ ކައިވެނި ދުވަހުއްސުރެން ވިކާޝްގެ ފަރާތުން އެއްވެސް ލޯތްބެއް ނުލިބެއެވެ،
ޝިކާ އޮތީ ކޮޓަރީގައެވެ. ވިކާޝް އެތެރެއަށް ވަންނަމުން ވާހަކަ ދައްކަންފެށިއެވެ،
” ލޯބި.. މިޔަދު ފުރަންވެގެން މިއުޅެނީ…”
އެޖުމުލަ އާއި އެކު ޝިކާ ކޮޅަށް ޖެހުނެވެ. އޭނާ ހައިރާންވެފައި ބަލާލިއެވެ،
” ކޮންތާކަށް؟ ކިހިނެތްވީ؟ “
ޝިކާގެ ޖުމުލަ އާއި އެކު ވިކާޝް ޝިކާގެ ގައިގައި ބައްދާލަމުން ބުންޏެވެ،
” ސަފާރީގަ ދަތުރެއް އަޅާލަން..ހަ މަސް ދުވަސް ވާނީ.. އޭގެ ވެރިމީހާ އަދި އޭގަ ބުރެއް ނާޅައެއްނު.. އެހެންވީމަ ޖެހޭނެ އެއްނު އެކަންވެސް ކޮއްލަން..”
ވިކާޝް އެހެން ބުނުމުން ޝިކާ ވަރަށް ދެރަވިއެވެ.
” ބައްޕަވެސް ނިޔާވީކަމުގައި މިހާރު އެންމެންވެސް އެ ނިންމީ… އެހެންވެ ދޯ ފުރަން އެ އުޅެނީ.. އެކަމު އަހަރެން ބުނިން ނުފުރާ މަޑުކުރާށޭ އަހަރެން ބުނަންދެން..”
ޝިކާއަށް ބުނެވުނެވެ. ވިކާޝް ޝިކާގެ މޫނަށް ބަލާލަމުން ހޭންފެށިއެވެ،
” ލޯބިގަނޑު ހަނދާން ނެތުނީތަ؟ ދެން އެއަށް ހިނގާނީ އަހަރެންގެ އަމުރެއްނު…”
ތެދެކެވެ. މިހާރު އެއީ ޝިކާގެ އެއްޗެއްނޫނެވެ. ޝިކާ ވަރަށް ދެރަވިއެވެ. ވިކާޝް ޝިކާގެ މޫނުގައި ބޮސްދެމުން ނުކުންނަން ހިނގައިގަތެވެ.
” ދެން މިހާރު ދަނީތަ؟ “
ޝިކާ ދެރަވެފައި ބުންޏެވެ، ވިކާޝް ހުއްޓުނެވެ. ތަންކޮޅަކަށް ހިނގާލާފައި އައިސް އޭނާ ޝިކާގެ ކުރިމައްޗަށް ހުއްޓުނެވެ،
” އާނިޔާ އެބަ އއްޗެހި ފޮއްޓަށް އަޅާ.. “
ވިކާޝް އެހެން ބުނުމުން އޭނާ ފުރަން އެ އުޅެނީ މިހާރުކަން ޝިކާއަށް އެނގުނެވެ.
” އެކަމަކު.. އަހަރެން އަދި ބޭނުން…. “
ޝިކާ ލަދުންހުރެ އެހެން ބުނުމާއި އެކު ވިކާޝްއަށް ހެވުނެވެ. އޭނާ ބަލާލީ ޝިކާއަށެވެ. ޝިކާ ހުރީ ވިކާޝްގެ އަތުގެ ފިރުމުންތަކަށް އެދި އެދިއެވެ، ވިކާޝް މަޑުމަޑުން ޝިކާގެ ގާތަށް ޖެހުނެވެ. އޭނާ ޝިކާގެ ކަނދުރާގައި އެއް އަތުން ހިފާލިއެވެ. އަދި މޫނާއި މޫނު ގާތްކޮއްލިއެވެ. ޝިކާއަށް ލޯ މަރާލެވުނެވެ. ދެއަތުން ވިކާޝްގެ ހަށިގަނޑުގައި ބައްދާލެވުނެވެ.
**************************
ޝިކާގެ ކޮޓަރިން ނުކުމެގެން ވިކާޝް ދިޔައީ އާނިޔާގެ ކޮޓަރިއަށެވެ. އޭރު އާނިޔާ ފޮށި ހިފައިގެން ނުކުންނަން އުޅެއެވެ. އާނިޔާގެ އަތުގައި ހުރި ފޮށި ދޫވީ ވިކާޝް އޭނާގެ ގައިގައި ހިފައިގަތުމުންނެވެ. އާނިޔާގެ މޫނުގައްޔާއި ކަރުދަށުގެ އެތަންމިތަނުގައި އޭނާ މޫނު ހާކަމުންދެއެވެ، އާނިޔާއަށްވެސް ބޭ އިހްތިޔާރުގައި ވިކާޝްގެ ގައިގައި ފިރުމަން ފެށުނެވެ،
” ވަރަށް ހަނދާންވާނެ….”
ވިކާޝް ގަމީސް ލަމުން ބުންޏެވެ. އާނިޔާ ހީލީ ލަދުންހުރެއެވެ،
” ހަމަސް ވަންދެން ކެތްކުރައްޗޭ ؟ “
ވިކާޝް އާނިޔާގެ ތުންފަތުގައި އިނގިލި ޖައްސާލަމުން ބުންޏެވެ. އާނިޔާ ހޫމްސޭ ބުނެ އިނގިލީގައި ދަތް އަޅާލިއެވެ. އެ ކޮޓަރިން ދެމީހުން އެއްކޮށް ނުކުތް އިރު ޝިކާ ހުރީ ސިޓިންގ ރޫމުގައެވެ.
” ދެކުދިން ރަނގަޅަށް އުޅޭތި.. ދެކުދިން ބަހައްޓާފައި ދާންވެސް ވަރަށް ދެރަވޭ.. ހަމަސް ދުވސް ހިނގައިދާނެ ވަރަށް އަވަހަށް.. އިންތިޒާރު ކުރާތި.. ރަނގަޅަށް އުޅޭތި…”
ވިކާޝް ޝިކާ އާއި ސަލާމްކޮއްލިއެވެ. އަދި އާނިޔާ އާއިވެސް ސަލާމްކޮއްލުމަށްފަހު ދެމީހުންގެ މޫނަށް ބަލާލިއެވެ. ހީލަމުން އޭނާ ގެއިން ނުކުތެވެ. އޭނާ ގޮސް އޮބަންދެން ދެމީހުންވެސް ވިކާޝްއަށް ބަލަން ތިބީއެވެ،
******************************
ވިކާޝް ދިޔަފަހުން އެއްވެސް ހަބަރެއް ނުވެއެވެ. ވާނީވެސް އެހެންނެވެ. ޚަބަރު ވެވޭނެ އެއްވެސް ގޮތެއްވެސް ނެތެވެ. ދެން އޭނާ އަންނަންދެން އިންތިޒާރު ކުރުން ނޫން ގޮތެއްވެސް ނެތެވެ، ރޭގަނޑުގެ ކެއުން ނިންމާލުމަށްފަހު އާނިޔާ އާޢި ޝިކާ ތިބީ ބޮޑާށީގައެވެ. ދުފާލާށާއި އެކު ވާހަކަ ދައްކާލުމަށެވެ.
” ބައެއް ފަހަރު ދާނެ ޗައިނާ ހިސާބުގަނޑަށްވެސް…. މުޅި ދުނިޔޭގަ ދަތުރުކުރާނީ…”
ކައިގެން ނުކުމެ އާނިޔާ އާއި ޝިކާ ތިބީ ވާހަކަ ދައްކާށެވެ،ސަފާރީގެ ކަންތައްތައް ޝިކާ އާނިޔާއަށް ކިޔައިދެނީއެވެ. ދެމީހުންވެސް އުޅެނީ ވަރަށް ހަމަޖެހިގެންނެވެ، ވިކާޝް ދިޔައީ ދެމީހުންނަށްވެސް ހުވަފެން ދައްކައިދީފައެވެ. ވިކާޝް އެނބުރި އައިސް ޝިކާ ވަރިކޮށް ފޮނުވާލުމަށްފަހު އާނިޔާ އާއި އެކު އުފަލުގައި އުޅޭނެކަމަށް އޭނާ ވަނީ ވަޢުދުވެފައެވެ. އެހެންކަމުން އާނިޔާ އުއްމީދުކުރަނީ އެ ދުވަހަކަށެވެ، ޝިކާގެ ނަޒަރުގައި ވިކާޝް، ޝިކާ އާއި އެކު ކުރިންވެސް ރެޔެއް ހޭދަކުރި ކަމީ އާނިޔާއަށްވުރެން އޭނާ ޝިކާދެކެ ލޯބިވާ ކަމެކެވެ. އަދި އާނިޔާއަށް އެވަރުގެ ބޮޑު ސިއްރެއް ސިއްރުކޮއްފައި އޮތުމަކީވެސް އޭނާދެކެ ވިކާޝް މާ ބޮޑަށް ލޯބިވާ ކަމުގެ ހެއްކެކެވެ. އާނިޔާއަށްވުރެން އެތައް ގޮތަކުން ޝިކާ ރީތިވެސްމެއެވެ. އެހެންކަމުން ކޮންމެވެސް ދުވަހަކުން ޝިކާއަށް ވިކާޝް އެއްކޮށް ލިބޭނެކަމަށް އޭނާ އުއްމީދު ކުރއެއެވެ، ދެމީހުންވެސް އެފަދަ އުއްމީދުތައް ކުރާތީ ހިތާއި ހތުން އުފަލުގައި އުޅެމުންދެއެވެ،
” އާނ ތިހެން ބުނީމަ މިހަނދާންވީ.. އަހަރެންނަށް ރޭގަ ފެނުނު ވަރަށް ބިރުވެރި ހުވަފެނެއް…. ބޭރުގައުމެއްގަ އުޅުނީ.. ވަރަށް ބިރުވެރި ތަނަކަށް ދެވުނީ.. ހުސް ގަބުރުންނޯ އެތާ އޮތީ.. ހަނދާންނެތިފައި ހުއްޓަ އެ ހަނދާންވީ … ދެން ނުކެރޭނެ އެކަނި ނިދާކަށްވެސް………..”
އާނިޔާ އެހެން ބުނީވެސް ބިރުން އިނދެފައެވެ. ޝިކާ ހޭންފެށިއެވެ،
” ހިނގާ މިރޭ އަހަރެންގެ ކޮޓަރީގަ ނިދަން.. މަވެސް އަސްލު އެކަނި ނިދަން ވަރަށް ޖެހިލުންވޭ…”
ޝިކާ ބުންޏެވެ، އާނިޔާ ބޯޖަހާލިއެވެ،
**************************************
ޝިކާ ގޮދަނޑީގައި އޮށޯތްވަގުތު އާނިޔާ އައިސްވަނެވެ. އަދި ތަޅުލުމަށްފަހު ޝިކާއަށް ބަލާލިއެވެ. އާނިޔާ ހިތްހަމަ ނުޖެހުނެވެ. ޝިކާ އޮތީ ކުރު ސޯޓު ބުރިއަކާއި އަތްކަނޑާފައިވާ ޓީޝާޓެއް ލައިފައެވެ. އާނިޔާއަށް ހިތާ ހިތުން ޝިކާއަށް އެއްޗެހި ކިޔާލެވުނެވެ. އާނިޔާ ފެނުމާއި އެކު ޝިކާ ބުންޏެވެ،
” ވަރަށް ނދިވެސް އެބައާދެ…. އާނީވެސް ދެން ނިދަންއުޅޭ..”
ޝިކާ އެނބުރުނީ ފާރާއިވީ ދިމާއަށެވެ. އާނިޔާވެސް އޮށޯވެ ޝިކާއަށް ފުރަގަސްދީގެން ދެލޯމަރާލިއެވެ. އެއާއި އެކު ވިކާޝް ފުރައިގެން ދަމުން އޭނާއަށް ލޯބިކޮއްލިވަގުތު ހަނދާންވުމާއި އެކު ދެލޯ ހުޅުވާލެވުނެވެ. އޭނާ ވިކާޝްމަތިން ވަރަށް ބޮޑަށް ހަނދާންވެއްޖެއެވެ. އަދި މިއުޅެނީ އެއް ހަފްތާވެސް ނުވެއެވެ. ހަ މަސްދުވަސް ވަންދެން އިންތިޒާރު ކުރަންޖެހެއެވެ،އާނިޔާ ފުރޮޅިލިއެވެ. އަދި ނިދޭތޯ ވަރަށް މަސައްކަތްކުރިއެވެ. ޝިކާ އޮތީ ނިދާފައިތޯ އޭނާ ބަލާލީ ކުޑަކޮށް ގާތްވެލާފައެވެ. ޝިކާ އޮތީ ގަދަ ނިދީގައެވެ. އާނިޔާވެސް މޯޅިއަކަށް ދެމިލުމަށްފަހު ދެލޯމަރާލިއެވެ،
އާނިޔާގެ ހަށިގަނޑުގައި މީހަކު ބީހޭ ހެން އޭނާއަށް ހީވާންފެށިއެވެ. އުނދަގުވާވަރަށް އިހުސާސްތައް ބޭރުވުމުން އޭނާއަށް ނިދީގެތެރެއިން ނުކުމެވުނެވެ. އޭރު ޝިކާ އޮތީ އޭނާގެ ގައިގައި ޖެހި ފިތިގެންނެވެ، ނިދާފައެވެ. ނިދީގައި ޝިކާ އާނިޔާގެ ގައިގައި ފިރުމަމުންދެއެވެ. އާނިޔާދުރަށް ދާން ބޭނުންވި ނަމަވެސް ދުރަށް ޖެހޭހިތެއް ނުވިއެވެ. އޭނާ މަޑުމަޑުން އޮތީއެވެ.ޝިކާގެ ގައިގައި އާނިޔާއަށް އަތްޖައްސާލެވުމާއި އެކު ޝިކާ ލޯ ހުޅުވާލިއެވެ. އާނިޔާ ސިހުނެވެ. އެކަކު އަނެކަކަށް ބަލާލިހިނދު ތިބެވުނު ގޮތުން ދެމީހުން ފުރަތަމަ ލަދުގަތެވެ. އެހެނަސް އެކަކަށްވެސް ދުރަކަށް ނުދެވުނެވެ.
**************************
ދުވަސްތައް ހަލުވި ކަމާއި އެކު ބާރަށް ދަތުރުކުރަމުންދެއެވެ. ވިކާޝް އަންނަ ދުވަސްވެސް ވަރަށް ގާތްވެއްޖެއެވެ، އާނިޔާ އާޢި ޝިކާގެ ހަނދާނުގައި ވިކާޝްގެ ނަންވެސް ނެތްކަހަލައެވެ. އެމީހުން ވިކާޝް ބޭނުމެއްނުވެއެވެ. ދެމީހުންގެ ޣާފިލް ކަމުގެ ދުނިޔެއަކަށް ދަތުރުކުރީ އެއްވެސް ހިޔާލެއް ފިކުރެއް ނެތިއެވެ. މާތް ﷲއަށް ބިރުވެތި ވުމެއްނެތިއެވެ.
” އޭނަ ބުނި މަ ގާތު ޝިކާ ވަރިކޮއްފަ އަހަރެންނާ އިންނާނަމޭވެސް،.. ޝިކާ ފޮނުވާލާފަ އަހަރެން ގޮވައިގެން އުދުހޭނަމޯ….”
ކައިރީގައި އޮތް ޝިކާގެ އިސްތަށިކޮޅާއި ކުޅެމުން އާނިޔާ ބުންޏެވެ. ޝިކާގެ މޫނު ރަތްވެގެން ދިޔައީ ރުޅިއައިސްގެންނެވެ.
” އޭނަ ހަމަ ތިހެން ބުނީތަ؟ ކިހާ ނުބައި މީހެއް އެއީ؟ މަގޭގެ ފައިސާގެ ބޭނުމުގަ ބަލާބަލަ އޭނަ ކުރި ކަންތައް؟ ކުޅިސަމާ ދައްކާލާނަން މިފަހަރު.. އަހަރެން މި ބުނީނު އަހަރެންނާ އިނުމުގެ ކުރިން އޭނަ އަހަރެންގެ ގަޔަށްވެސް އެރިޔޭ… އޭނަ އެކަންތައް އާނީއަށް ސިއްރު ކުރީ…މިހާރު މަށަށް އާނީގެ ފަރާތުން ހުރިހާ އެއްޗެއް އެނގި ސާފުވީމި. “
ވިކާޝްގެ ރޭވުންތައް އާނިޔާ އާއި ޝިކާ އެކަކު އަނެކަކަށް ކިޔާދެމުން ދިޔައެވެ، އާނިޔާއަށްވެސް ވިކާޝްއަށް ނަފްރަތު ކުރެވުނެވެ. ވިކާޝް ލޯބިވަނީ އާނިޔާދެކެ ކަން ހަނދާން ނައްތާލިއެވެ.
” އޭނަ އައީމަ ދެމީހުންވެސް ވަރިވާނީ… އޭރުން ހުންނާނެ އެއްނު ރީތި ވެފަ.. އަހަރެމެން ދެމީހުންނަށް އުޅެވޭނެ އެއްނު..”
ޝިކާ އާނިޔާގެ ބޮލުގައި ފިރުމާލިއެވެ.
********************************************
ލޯންޗް ރަށުގެ ޖެޓީއަށް ގާތްކުރި އިރު މެންދަމު ދޭއްޖަހަނީއެވެ. ވިކާޝް ބާރުބާރަށް ހިނގައިގަތީ ގެއާއި ދިމާއަށް ދިޔުމަށެވެ. ލޯބިވާ ދެއަނބިން ދުށުމަށް އޭނާގެ ދެލޯ އެދެނީއެވެ. އަވަސް ފިޔަވަޅުތަކަކާއި އެކު އޭނާ އައިސް ބޭރުގޭގެ ދޮރު ދަމާލިއެވެ. ސިޓިންގރޫމުގެ ދޮރު ބޭރުން ހުޅުވުނަސް ކޮޓަރިތައް ހުންނާނީ ތަޅުލާފައޭ އޭނާގެ ހިތަށް އެރިއެވެ. އޭނާ ގެނައި ސާމާނުތައް ބޮޑާށިމަތީގައި ބެހެއްޓުމަށްފަހު ދާނީ ކޮން ކޮޓަރިއަކަށް ކަމެއް ނޭނގި ހުރެ ވިސްނާލިއެވެ. ދެއަނބިންނަށް ހަމަހަމަ ކަމާއި އެކު ކަންތައްކުރުމަށް އޭނާވަނީ ހިތުގައި ޢަޒުމް ކަނޑައަޅާފައެވެ. ފުރަތަމަ ދާނީ ދޮށީ އަނބި ކައިރިއަށޭ ހިތަށް އެރުމަށްފަހު އެ ދިމާއަށް ހިނގައިގަތެވެ. އޭނާ ފިނިވެފައި ހުރެ ދޮރުގައި އަތްލުމަށްފަހު އެތެރެއަށް މަޑުމަޑުން ކޮއްޕާލިއެވެ. މަކުޑި ނާޅުވާ ހުރުމުން ދޮރު ވަރަށް ފަސޭހައިން ހުޅުވުނެވެ. ތަރުފާލިމަތީގައި އޮތް ގޮދަނޑީގައި އާނިޔާއެއް ނެތެވެ. ދެކޭހިތުން ކެތްމަދުވެފައި ހުރި ވިކާޝްއަށް ލިބުނީ ސިހުމެކެވެ. ޝިކާގެ ކޮޓަރީގައި އޭނާ އޮވެދާނެޔޭ ހިތާ އޭނާ އަވަސް އަވަހަށް އެކޮޓަރި ދޮރުމަތީގައި ހުއްޓުނެވެ. އޭނާ ފެނުމުން އެ ދެކުދިން އުފާވާނެ ވަރު ހިތައް އަރުވާލާފައި ވިކާޝް ހަމަޖެހިއެވެ. އެވަގުތު އެތެރޭން އިވެމުންދިޔައީ ޝިކާ އާއި އާނިޔާގެ އަޑެވެ. ވިކާޝް މަޑުމަޑުން ދޮރުގައި ކަންފަތްޖައްސާލިއެވެ. އޭނާއަށް ހުރެވުނީ ކުޑަ އިރުކޮޅެއްގައެވެ. ދެލޯ ބޮޑުވަމުން ދިޔުމާއި އެކު މީހާ ދާހިއްލާ ފޯވިއެވެ. ގައިގައި ހުރި ބާރެއް ލާފައި ދޮރުގައި ފައިން ޖެހުމާއި އެކު އެތެރޭގައި އިން މަކުޑި ދޮރުކަނިން ވަކިވެގެން ދޮރު ހުޅުވުނެވެ. އޭރު ވިކާޝްގެ އަތްވަނީ ގޮށްމުއްކަވާލާފައެވެ. އާނިޔާ އާއި ޝިކާގެ ދެލޯ ބޮޑުވެގެން ދިޔައެވެ. އަވސް އަވަހަށް ދެމީހުންނަށްވެސް ދުރަށް ޖެހެވުނެވެ. އެމީހުން ބިރުން ރޫރޫއަޅަމުން ދިޔައެވެ. އަވަސް އަވަހަށް ހަށިގަނޑު ނިވާކުރާނެ އެއްޗެއް ހޯދުމަށް އެމީހުން އެތަން މިތަން ބަލަން ފެށިއެވެ،
” ކޯއްޗެއް ހޯދާކަށް؟ އެއްވެސް އެއްޗެއް ހޯދާނެ ކަމެއް ނެތް،…މު..މުޑު.. މުޑުދާރު އަންހެނުންތައް…..”
ވިކާޝްގެ ދެލޮލުން ނޭނގި ނަމަވެސް ފެންތައް ފައިބަން ފެށިއެވެ. ބެޑްޝީޓުން ނިވާވެގެން އެދެމީހުން ތިބީ ސިހި ސިހިއެވެ.
” ކޯޢްޗެއް ފޮރުވާކަށް؟ ކާކަށް ފޮރުވާކަށް؟ ކަލޭމެން އުރެދިގެން ދިޔައިރުވެސް ނޭނގެނީތަ؟ފާހިޝް ޢަމަލުތަކުގައި މަޖާނަގަމުންދަނީ ބިރުވެތިވާންޖެހޭ ފަރާތެއް ވާކަން ހަނދާންނެތުނީތަ؟ “
ދަތްކުނޑި ވިކާލަމުން ވިކާޝްއަށް އާނިޔާގެ މޫނުމަތީގައި އެތިފަހަރެއް އަޅާލެވުނެވެ. އާނިޔާ އައްދިއްޔޯއޭ ކިޔާ ބާރަށް ރޮއިގަތެވެ.
” މިޔަދު ތަދުވާތީތަ ތި ރޮނީ ؟ މާދަމާ އޮންނާނީ ވާނެ ތަދާއި މެދު ވިސްނައެއް ނުލަމުތަ؟ ކޮބާ ކަލޭ ކުރި ނަމާދުތައް؟ އަހަރެން ދިޔައިއްސުރެން ނަމާދެއް ނުކުރަންދޯ… “
ވިކާޝް ކަރު ބުޑުން އަޑުނެރުނެވެ. އޭނާއަށް އައިސްފައިވާ ބާރު ބުނެދޭންވެސް ނޭނގެއެވެ. ޝިކާ އިނީ އިސްޖަހައިގެންނެވެ. ވިކާޝް ދެއަތުން ބޮލުގައި ހިފަހައްޓައިގެން ހުރެ ކޮޓަރި ތެރޭގައި ހޫރެމުން ދިޔައެވެ.
” އަހަރެން މިއައީ އަހަރެންގެ ހުރިހާ ކުށަކަށް ތަޢުބާވެގެން…އަހަންނަށް ކުރެވިފައިވާ ހުރިހާ ކަމެއް ތި ދެމީހުންނަށް ކިޔަދޭން ނިންމައިގެން.. އަހަރެން މިއައީ ޝިކާގެ ޙައްޤު ޝިކާއަށް މިލްކުކޮށް ދީފައި އެ ހުރިހާ ލިޔެކިޔުމެއްވެސް ހިފައިގެން.. އަދި އެއްވެސް މީހަކަށް ދެރައެއް ނުދީ އެއް އާއިލާއެއްގެ ގޮތުގައި އުޅެން ބޭނުންވެގެން އެހާ އަވަހަށް މި އައީ..އެކަމަކު…. އެކަމަކު….”
ވިކާޝްއަށް އެއް އަތުން ފާރުގައި ބާރަށް ޖެހުނެވެ. އޭނާ ދެލޯ މަރާ ފިއްތަމުން އަނެއްކާވެސް ހަޅޭއްލަވައިގަތެވެ.
” ކެލޭމެންނަށް އެނގޭތަ ތީ ކިހާ ނުބައިކަމެއްކަން؟ ހިސާބުބައްލަވާނޭ ދުވަހުން ކަލޭމެންގެ މަޤާމަކީ ކޮބާކަން އިނގޭތަ؟ ހެޔޮމަގުން އެއްކިބާވެ ނުބައި މަގަށް އަރައިގެން ތިޔަދަނީ ގަދަފަދަ ވެގެންވާ ޢަޒާބުގެ ތެރެއަށް….”
ވިކާޝް އެހެން ބުނަމުން ތިން ހަތަރު ފަހަރު ފާރުގައި ގޮށްމުށުން ޖެހިއެވެ. އެއަށްފަހު އޭނާ ކުއްލިއަކަށް ތަރަފާލި މައްޗަށް ތިރިވަމުން އެމީހުންގާތަށް ޖެހިގަތެވެ. މޮޔައެއް ފަދައިންނެވެ. ވާނީވެސް އެހެންނެވެ.ނުބައި ޢަމަލްތަކުން އެއްކިބާވެ ކުރެވުނު ފާފަތަކަށް ތަޢުބާވެގެން ސުލްޙަ މަސަލަސް އާއިލާއެއް ބިނާކުރުމަށް އައި ހިނދު ދެ އަނބީން މިތިބީ ޝައިތާނީ ވަބާގައި ޖެހި ފޯވެފައެވެ.
” އެނގޭތަ ތިކަމުގެ ޙުކުމް…. ތީ ނުބައިވެގެންވާ ފާފައެއް.. ތިކަމުގެ ޙުކުމަކީ ޤަތުލް…ޢަޒާބުގެ ތެރެއަށް ތި ދެމީހުންވެސް ތި ދިޔައީ އަމިއްލައަށް…. އަހަރެން ކަލޭމެންނަށް ނަފްރަތު ކުރަން.. އިސްލާމީ ޤައުމުތަކުގައި ތިޔަފަދަ ނުބައި ޢަމަލްތައް ކުރުން މިވަނީ ގިނަވެފައި… އަހަރެން ބޭނުން އަހަރެންގެ ދީން ހިމާޔަތްކުރަން…..މާތް ﷲ އާއި ކީރިތި ރަސޫލާ އެންގެވި ގޮތަށް އުޅުމަކީ އާޚިރަތްދުވަސް ކާމިޔާބު ކުރެވޭނެ ހަމައެކަނި ގޮތް…”
ދެލޮލުން ކަރުނަ ފުހެމުން ވިކާޝް ވާހަކަ ދެއްކިއެވެ. ކުއްލިއަކަށް އޭނާގެ ބޮލަށް ބާރުގަނޑެއް އެރިއެވެ. ވިސްނަންވާ ވަރަށް ވުރެން އިތުރަށް އޭނާ ވިސްނީކަން ކަށަވަރެވެ. ބޮލަށް ވީ ތަދުން އޭނާ ތަޅުމުގައި އެނބުރެމުންދެއެވެ. އެއާއި އެކު މައިތިރިވިއެވެ. ފާރުގައި ލައްވެގެން ތިބި އާނިޔާ އާއި ޝިކާ އެކަކު އަނެކަކަށް ބަލާލި އިރު ދެމީހުންވެސް ބިރުން ރޫރޫ އަޅައެވެ. އިސާހިތަކު ވިކާޝް ތެދުވެ ޝިކާގެ ކަރުގައި ހިފިއެވެ. ޝިކާއަށް ނޭވާލާންވެސް އުނދަގޫ ވާވަރަށެވެ. މޫނުގައި އަތްއަޅައިގެން އާނިޔާ ރޯންފެށިއެވެ. ވިކާޝް ޝިކާގެ ކަރުގައި ހިފައިގެން ހުރެ ކޮޓަރީގެ މޭޒާއި ދިމާއަށް ދިޔައެވެ. ޝިކާ ހުރީ ދެލޯ ބޮޑުވެފައެވެ. މޭޒުމަތީގައި އޮތް ޓޭޕްރޯލު ނެގުމަށްފަހު އޭނާ ޝިކާގެ ކަރުން ދޫކޮއްލިއެވެ. ޝިކާ ކެއްސަން ފެށިއެވެ. އަވަސް އަވަހަށް ޝިކާގެ އަނގަމަތީގައި ޓޭޕް އެޅުމަށްފަހު އޭނާ ގޮނޑިއަށް ވައްޓާލަމުން ޝިކާ ގޮނޑި އާއި އެކު ބަނެވެ. އަދި މޫނުމަތީގައި އަތް އަޅައިގެން އިން އާނިޔާގެ އަތުގައި ހިފައިގެން ދަމަމުން ބޭރަށް ނެރުނެވެ،ވިކާޝްގެ ހަރަކާތްތައް އާދަޔާ ޚިލާފަށް އަވަހެވެ.
” ހެޔޮނުވާނެ ވިކާޝް.. އަހަރެން ދޫކޮއްލާ.. އަހަރެން މިހެން ހުއްޓާ ބޭރަށް ނުނެރޭ.. ހެޔޮނުވާނެ..”
ވެލިތަކުމަތީގައި އާނިޔާ ދަމަމުން ވިކާޝް ދެއެވެ. އާނިޔާގެ އެއްވެސް ޖުމުލައެއް އޭނާއަށް އަޑު ނީވޭ ފަދައެވެ. ވިކާޝް އާނިޔާ ވެއްދީ ކާގެއަށެވެ، އަދި އާނިޔާއަށް އަނިޔާކުރަން ފެށިއެވެ، އޭނާ އައިސްފައިވާ ރުޅި ކޮންޓްރޯލެއް ނުކުރެވުނެވެ. އާނިޔާ ތަޅުންގަނޑުމަތީގައި ބޭއްވުމަށްފަހު އާނިޔާގެ ބަނޑުމައްޗަށް ޖެހިގަތެވެ. އަދި ކަރުގައި ހިފާ މޫނުގައި ތަޅަންފެށިއެވެ. އާނިޔާ ރޮމުން ހަޅޭއްލަވަމުން ދެއެވެ. އެ އަޑު އަހާނީ ކާކު ހެއްޔެވެ؟ ދަންވަރުގެ ވަގުތެވެ. މީހުން އުޅޭ ހިސާބެއް ނޫނެވެ. އާނިޔާގެ އަނގައިން ލޭ އައިސް ހިރި ނުލެވޭ ވަރު ވުމުން ވިކާޝް އާނިޔާ ދޫކޮއްލިއެވެ. އަދިވެސް އޭނާ ހުއްޓާކަށް ނޫޅުނެވެ. ބޭރަށް ނުކުމެ އޭނާ އެނބުރި ކާގެއަށްވަނީ ފަލަ ވާގަނޑެއް ހިފައިގެންނެވެ. މޭޒުމައްޗަށް އެރުމަށްފަހު ފަންކަލުގައި ވާގަނޑު އެއްސިއެވެ. އޭރުވެސް އާނިޔާގެ އަނގައިން ލޭތައް ބޮކިޖަހާފައި އާދެއެވެ. ވިކާޝް ފަރުވާލެއް ނުބަހައްޓައެވެ. ހަކަތަ ހުސްވެފައިވާ އާނިޔާގެ ކަރަށް މަޅިގަނޑު ވެއްދުމަށްފަހު އޭނާ ރުޅިވެރި ނަޒަރަކުން އާނިޔާގެ މޫނަށް ބަލަމުން ވާފަށަށް ދަމާލިއެވެ. އެއާއި އެކު އަނގައިގައި ހުރި ލޭތައް ބުރަބުރައިގެން އެރީ ފަންކަލަށެވެ.އާނިޔާގެ ހަށިގަނޑާއި ފުރާނަ ވަކިވިއެވެ. ވިކާޝް އެއް އަތުން އަނގަމަތި ފުހެލަމުން މަރުވެފައިވާ އާނިޔާއަށް ބަލާލީ ރުޅިއައިސް ރަތްވެ ހުރެއެވެ،
ހޫރެމުން ހޫރެމުން އޭނާ ގޮސްވަނީ ޝިކާ އިން ކޮޓަރިއަށެވެ. ޝިކާގެ ކުރިމަތީގައި އޭނާ އިށީނެވެ. އަދި ރޮމުން ރޮމުން ބުނެލިއެވެ
” އާނީ.. އަހަރެންގެ އާނީ… މަރާލެވިއްޖެ!!…”
ވިކާޝް ދެފައި ވަށްކޮއްގެން އިނދެ ރޮމުން ދިޔައެވެ. ޝިކާގެ ދެލޯ ބޮޑުވެގެން ދިޔައެވެ. އޭނާ ބިރުގަތެވެ. ވިކާޝް އޭނާއަށް ހަދާފާނެ ގޮތެއް ނޭނގޭތީއެވެ. ކުއްލިއަކަށް ވިކާޝް ތެދުވެ ޝިކާގެ ކަރުގައި ހިފިއެވެ. ޓޭޕްފަށް އިނުމުގެ ސަބަބުން ޝިކާގެ އަޑު ބޭރެއްވެސް ނުވިއެވެ. އޭނާ މަރުވާކަށް މާ ގިނަ ވަގުތެއް ނުނެގިއެވެ. ދެލޯ ބޮޑުވެ ހުރެ އޭނާވެސް މަރުވީ ވިކާޝްގެ އަތުންނެވެ. ޝިކާގެ ހަށިގަނޑު ހިމޭން ވުމާއި އެކު ވިކާޝްއަށް ސިހުން ލިބުނެވެ. އޭރު ކަނބިލި ގޮވާ އަޑު އިވެން ފަށައިފިއެވެ. ފަތިސްވަނީބާވައޭ އޭނާ ހިތަށް އެރިއެވެ. އޭނާ ދާހިއްލަން ފެށިއެވެ. ހާސްވެ މީހާ ރޫރޫ އަޅަންފެށިއެވެ. ކުރެވުނު ކަންތަކާއި މެދު ބިރުގަންނަން ފެށިއެވެ. އޭނާ ދުވެފައި ގޮސް ކާގެއަށް ވަނެވެ. ދަންޖެއްސި ގޮތަށް ހަރަކާތްހުއްޓި ދެލޯ ބޮޑުވެ، އަނގައިން ތިރިއަށް ލޭ ފައބަ ފައިބާހުރި އާނިޔާ ފެނުމުން ވިކާޝް ބިރުގަތެވެ.
އަލިވާން ވާއިރަށް ، ދަމާފައި ވިކާޝް އާނިޔާ ގިފިއްޔާއި ހަމައަށް ގެނެވުނެވެ، އޭނާ އާނިޔާގެ ހަށިގަނޑު ވަޅަށް ވައްޓާލުމަށްފަހު ރަނގަޅަށް ވަޅުގައި މަތިއެޅިއެވެ، އަދި ދުވެފައި ގޮސް ކޮޓަރިއަށް ވެނެވެ. ޝިކާގެ މޫނަށް ބަލާލެވުނެވެ. ވިކާޝްގެ ހިތްތެޅޭލެއް ބާރުކަމުން އޭނާއަށް ހަރަކާތްކުރަންވެސް އުނދަގޫވިއެވެ. ޝިކާ އުފުއްލާލައިގެން ގެނެސް އޭނާ ބޮޑާށި ތަންދަށަށް ކޮއްޕާލުމަށްފަހު ބޭރުގައި ހުރި ލަކުޑިތައް އެތަނަށް ވައްދާ ޝިކާގެ ހަށިގަނޑު ފޮރުވިއެވެ.
އޭރު ފަތިސްނަމާދު ބަންގީގެ އަޑު އިއުލާންކުރަން ފެށިއެވެ.
އަލިވުމާއި އެކު ވިކާޝް ބިރުގަންނަން ފެށިއެވެ. ގޭތެރޭގައި ގަބުރެ ބާއްވައިގެން ގޭގައި ހުންނަން އޭނާ ނުހަނު ޖެހިލުންވެސް ވިއެވެ. އަދި އޭނާއަށް ކުރެވުނު ކަމާއި މެދު ޖެހިލުންވެ ބިރުވެތިވާ ޙާލު އޭނާ ދުޢާ ކޮއްލަ ކޮއްލާ އިނެވެ.
************************
އިރުއޮއްސެން ގާތްވުމާއ އެކު ވިކާޝް ގިފިއްޔަށް ވަނެވެ. އަދި ވަލެއްގެ އެހީގައި އާނިޔާ ވަޅުންނަގަން އޭނާ މަސައްކަތްކުރިއެވެ. ވަރަށް އިރުން އޭނާއަށް އެކަން ކުރެވުނު އިރު އަނދިރިވެސް ވެއްޖެއެވެ. އޭނާގެ ހަށިގަނޑަށްވަނީ ވަރަށް ބޮޑެތި ބަދަލުތަކެއް އައިހެވެ. އާނިޔާ އޮތީ ނިވާކަމެއްނެތް ޙާލުގައެވެ. ފޯވެފައިވާ އާނިޔާގެ ހަށިގަނޑު ގައި ވާގަނޑު އައްސާ ބާރުކޮއްލިއެވެ. ވަޅުގެ ފެންގަނޑު ކުނިވާނެކަން އޭނާއަށް އެނގެއެވެ، ވަޅުދިޔަ ހިއްކާނަމޭވެސް އޭނާގެ ހިތަށް އެރިއެވެ. އޭނާ ވަޅުގެ ތެރެއަށް ބަލަން ހުރެ އާނިޔާގެ ފުރާނަނެތް މަސްގަނޑަށް ބަލާލިއެވެ، އަދި ދަމަމުން އަވަސް އަވަހަށް އާނިޔާ ގެންގޮސް، މެންދުރުގަޑީގައި ވަލަށްވަދެ އޭނާ ކޮނުނު ވަޅުގެ ތެރެއަށް އާނިޔާ ވައްޓާލުމަށްފަހު އޭނާ ގެއަށް ދިޔައީ ޝިކާ ބަލައެވެ. ނޭވާ ހިފަހައްޓައިގެން ހުރެ ލަކުޑިތައް ބޮޑާށި ދަށުން ނެރެމުންދިޔައެވެ. ޝިކާ ފެނުމާއި އެކު ވިކާޝްއަށް ދުރަށް ޖެހެވުނެވެ. ދެލޯ ހީވަނީ ނުކުމެފައިވާހެންނެވެ. ހީވަނީ އޭނާއަށް ބަލަން އޮތްހެންނެވެ. ޝިކާވެސް އޮތީ އާނިޔާ ފަދައިން އެއްވެސް ފޭރާމެއް ނެތިއެވެ. ވިކާޝް ބިރުން ހުރެ ޝިކާ ދަމާފައި ނެރުނެވެ. އަދި އޭނާގެ ގައިގައިވެސް ވާފަށް އެއްސުމަށްފަހު ދަމަންފެށިއެވެ. އަނދިރި ވަލުގެ ތެރެއަށް އޭނާވަނީ ފިތާބައްތީގެ އެހީގައެވެ. އާނިޔާ އޮތް ވަޅުގެ ތެރެއަށް ޝިކާވެސް ވައްޓާލުމަށްފަހު ވިކާޝް ފަސްއަޅަންފެށީ ހިތް އަތަށް ލައިގެންނެވެ. އޭނާއަށް ހީވަނީ އެ ދެ ގަބުރު ދެންމެ ދެންމެ ވަޅުން އަރާފާނެ ހެންނެވެ. އަދި އޭނާގެ ބޮލުގައި ހިފާ ވަޅުގެ ތެރެއަށް ވައްޓާލަފާނެޔޭވެސް ވިކާޝްއަށް ހީވަމުން ދިޔައެވެ. ފަސްއަޅާ ބާރުކުރުމަށްފަހު ފަތްތައް ވަޅުގެ މައްޗަށް އަޅަންފެށިއެވެ. ހިތްބިރުގަނެފައިވާ ވަރުން އޭނާ ތުރުތުރުލަމުންދެއެވެ. މަސައްކަތް ނިމުމަށްފަހު އޭނާ ދުއްވައިގަތީ ވަލުން ބޭރު ވުމަށެވެ. ބާރުބާރަށް އައިސް އޭނާ ގެއަށްވަތް ގޮތަށް ބޮޑާށި މައްޗަށް ވެއްޓުނީ ހެއަށް ގޮތްވެގެންނެވެ
އޭނާއަށް އެހެން އޮވެވުނީ އިރުކޮޅަކުއެވެ. ސިހިފައި ތެދުވެވުނެވެ. އޭރު ގޭތެރެވަނީ އެއްކޮށް އަނދިރިވެފައެވެ. އޭނާ ބައްތި ދިއްލާލުމަށްފަހު މެދުގޭގެ ބޮކި ޖއްސާލިއެވެ. އަދި މަޑުމަޑުން ކާގެއަށް ދިޔައީ ގައިގައި އެއްވެސް ވަރެއްނެތް މީހަކު ދާފަދަ ގޮތަކަށެވެ. އޭނާ ތަޅުމުގައި ހުރި ލޭތައް ސާފުކުރުމަށްފަހު ފަންކަލަށްބަލާލިއެވެ. ފަންކަލުގައި ހިސާބަކަށް ލޭ ހުރިނަމަވެސް އޭނާ އަޅާނުލާ ނުކުތީ ކޮންމެ ގޮތެއް ވަރިހަމަކޮއްފައެވެ. ވިކާޝްވަނީ ހިމޭންވެފައެވެ. އޭނާ ގޭތެރެއަށްވަދެ ދަބަސް ހިފައިގެން ނުކުތީ ބޭރަށެވެ، ބަނދަރަށް ނުކުތްއިރު މާލެދާން ފުރާ ލޯންޗެއްދުއްވާލަނީއެވެ. އޭނާ ހަނާ އަޅާލުމާއި އެކު އެ ލޯންޗް ގާތްކޮއްލީ ފާލަމާއެވެ. އޭނާ އެއަށް އެރުމަށްފަހު ޝީޓްގައި ހަމަޖެހިލިއެވެ. އަދި ލޯންޗަށް ދައްކާވަރަށް ފައިސާ ބެހެއްޓުމަށްފަހު ދެން ހުރި ހުރިހާ ރުފިޔާއެއް ރޭގަނޑުގެ ކަނު އަނދިރީގެ ތެރެއަށް ދޫކޮއްލީ ލޯންޗުން ބޭރަށެވެ.
މާލޭ ފަޅަށް ވަތް އިރު ޝިކާގެ ސަފާރީ އޮތްތަން ފެނުނެވެ، އެ ސަފާރީ އޭނާ ވިއްކާލިކަމީ އޭނާގެ ނަސީބެވެ، އެހެން ނަމަ ސަފާރީ ޝިކާއަށް މިލްކު ކުރެވި އޭގެ މީހުން ޝިކާ ހޯދާނެކަން ޔަޤީނެވެ. މިހާރު އެއްވެސް މީހަކު އެމީހުންނެއް ނުހޯދާނެއެވެ. ޝިކާ އާއި އާނިޔާ އަދި ވިކާޝްއަށް ވީ ގޮތެއް މީހުންނަކަށް ނޭނގޭނެއެވެ، ބޮޑު ރަށަކަށް ވާއިރު ގިނަ މީހުންނަށް އެއީ ކޮންބައެއް ކަމެއް ވެސް ނޭނގޭނެއެވެ، ވިކާޝް ވިސްނުމެއްގައި ހުރެ ހިނގައިގަތީ ދާނެ މިސްރާބެއް ނެތިއެވެ.
*****************************
މާޒީ ކިޔައިދީ ނިންމާލުމަށްފަހު ވިކާޝް އަހަރެންނަށް ބަލާލިއެވެ. އަހަރެންނަށް ހުރެވުނީ ގަބު ވެފައެވެ. ހަރަކާތްތައް ހުއްޓިފައެވެ. އަހަރެންގެ މޫނަށް ފުން ނަޒަރަކުން ވިކާޝް ބަލަމުން ދެއެވެ. އަހަރެންގެ ދުލުން ބޭރުވާނެ ޖުމުލައެއްގެ އިންތިޒާރުގައެވެ. ހިމޭންވަގުތުކޮޅެއް މެދުވެރި ވީނަމަވެސް ގިނަ އިރު ކުރާކަށް ވިކާޝް ބޭނުމެއްނުވިއެވެ. އޭނާ އައިސް އަހަރެންގެ ދެކޮނޑުގައި ހިފާ ތަޅުވައިގަތެވެ.
” ޝަނޫ! އެއްޗެއް ބުނެބަލަ.. ޕްލީޒް.. އެއްޗެއް ބުނެބަލަ! “
ވިކާޝްގެ ދެލޮލުން ފެންތައް ފައިބައިގަތެވެ. އޭރުވެސް އަހަރެންނެއް ނުރޮމެވެ.
( ނުނިމޭ )
ވިކާޝްގެ ޝަރުތު ކިތަންމެހާވެސް ފުރިހަމައަށް ޝިކާއަށް އިވިއްޖެއެވެ. އޭނާ އިސްޖަހާލައިގެން ހުރުމުން ވިކާޝް ވާހަކަދެއްކިއެވެ.
” އެއްބަސް ނުވަންޏާ އަހަރެންނަށް ބުނެވޭނީ ނޫނެކޭ! ދެން ޝިކާ ދޭ މިގޭން.. އަހަންނަށް ވަރިހަމަ ތިޔަ ދަރިފުޅު ވައްޓާލިޔަސް.. ތިހާ ބޮޑު މުއްސަންޖަކަށް ތިޔަކުއްޖާ ވައްޓާލާ މަރާނުލެވޭންވީ ކީއްވެ؟ “
ވިކާޝް އެހެން ބުނީ ޝިކާގެ ހިތަށް އަސަރުކުރުވަން ވެގެންނެވެ. ޝިކާއަށް އިތުރަށް ރޮވުނެވެ. އޭނާ ދެލޮލުން ކަރުނަ ފުހެލުމަށްފަހު ބާރުލާފައި ބުނެލިއެވެ.
” އަހަރެންގެ ހަށީގައި ފުރާނަހުރި ހިނދަކު މި ދަރިފުޅެއް މަރައެއް ނުލާނަން..”
ޝިކާގެ ދުލުން ބޭރުވީ ވިކާޝް ބޭނުންވާ ފަދަ ޖަވާބެކެވެ. ޝިކާގެ ޅަ ސިކުނޑިއަށް ވިސްނެނީ ވިކާޝް ވިސްނައިދިން އެއްޗެކެވެ. ވިކާޝްދަނީ ޝިކާގެ ސިކުނޑިއާއި ކުޅެމުންނެވެ.
” އޯހް.. ވަރަށް ރަނގަޅު.. ދެން ދޭ އަވަހަށް.. ގޮސް ދުނިޔެއާއި ކުރިމަތިލައި.. މާދަމާ ނޫން ކަމެއްނޭނގެ ބައްޕަ ސަލާމަތުން ހުއްޓާ ފެންނާނީ.. އޭރުން ޝކާ ދޭނީ ކޮންޖަވާބެއް؟ ހުރިހާ ހުތުރެއްވެސް ޝިކާއަށް..”
އެއީ ތެދެކޭ ޝިކާގެ ހިތަށް އެރިއެވެ. ދެން އޭނާއަށް ވިސްނުނީ އޭނާގެ މުދަލާއި ފައިސާ އާއި މެދުގައެވެ. ޝިކާގެ އަބުރާއި އިއްޒަތަށްވުރެން އަގުބޮޑު އެއްވެސް އެއްޗެއް ނުވާނެޔޭ އޭނާގެ ހިތަށް އެރިއެވެ. ގޮތް ހުސްވެގެން ޝިކާ ވިކާޝްގެ އަތުގައި ހިފާލިއެވެ،
” އަހަންނާ ކައިވެނިކުރާނަމަ އަހަރެން އެ ހުރިހާ އެއްޗެއްވެސް ވިކާޝްއަށް ހިބަކޮށްދޭނަން…”
ޝިކާ އެހެން ބުނުމާއި އެކު ވިކާޝްއަށް ޝިކާގެ ގައިގައި ބައްދާލެވުނެވެ. އޭނާ ބައްދާލީ އުފަލުންނެވެ. އެއްފަހަރުން މުއްސަނދިވީތީއެވެ. ޝިކާ އާޢި ވިކާޝްގެ ދެމެދު ހިނގި ގުޅުމުގެ ވާހަކަ އާނިޔާއަށް ސިއްރުކުރުމަށް ވިކާޝް ވަނީ ޝިކާ ގާތުން އެދިފައެވެ، ބަނޑުބޮޑު ވާހަކަވެސް ނުބުނުމަށް އޭނާ އެދުނެވެ. އެއީ އެކަން އެނގިއްޖެނަމަ ވިކާޝްގެ ނިޔަތަކީ ކޮބާކަން އާނިޔާއަށް އޮޅިދާނެތީއެވެ.
********************************
ކޯޓަށް ފޯރމްލީފަހުން ހަފްތާއެއް ވަނީއެވެ. ޝިކާ އާޢި އިންނަން އުޅޭކަން އާނިޔާއަށް އެނގޭނީ މިޔަދު ކަމަށްބުނެ، ވިކާޝް ޝިކާ ޖެހލުންކުރުވިއެވެ،
” އެކަމު ބުނީމެއްނު ސިއްރުންނޭ އިންނާނީ ދެން ކީއްވެ ބުނީ ؟ “
ޝިކާ ހާސްވިއެވެ. އާނިޔާ އޭނާދެކެ އަންނާނެ ރުޅި ހިތަށް އަރާފައެވެ.ހަޤީޤަތުގައި މިއީ އާނިޔާ އާޢި ވިކާޝް ރޭވިގެން ކުރާކަމެއްކަން ޝިކާއަށް ނޭނގެއެވެ. އޭނާ ކަންތައް ކުރަނީ ވިކާޝްބުނާ ގޮތަށެވެ،
އާނިޔާ އިނީ ރޯށެވެ. މެދުގޭގައި ހުރި ބޮޑާށިމަތީގައެވެ. ޝިކާ ވަރަށް ލަދުން ހުރެ ކޮޓަރިން ނުކުމެ އާނިޔާގެ ކުރިމަތީހުއްޓުނެވެ،
” އަހަރެންނަށް މަޢާފްކުރޭ! އަހަރެން ވިކާޝްދެކެ ލޯބިވާތީ އަހަރެން އޭނާ އާއި އިންނަން ބޭނުންވީ… އަހަރެންގެ އެދުމަށް ވިކާޝް އާނއެކޭ އެ ބުނީ އަހަރެންގެ ސަފާރީ އާޢި ފައިސާތައް އޭނާއަށް މިލްކު ކުރީމަ.. ފަހަރެއްގައިވެސް އާނިޔާ ދެރަކުރަން ކުރި ކަމެއްނޫން އެއީ… އާނިޔާއަށްވެސް އުފަލުގަ އުޅެވޭނެ.. ވިކާޝް އަހަރެމެން ދެމީހުންނަށް ދެރަގޮތެއް ނަހަދާނެ…”
ޝިކާގެ ޖުމުލަ އާއި އެކު އާނިޔާ ފުންމައިގެން ތެދުވެ އަނދައިގަންނަމުން ބުނެލިއެވެ.
” ޗި! ދެރަގޮތެއް ނަހަދާނެޔޭ!! ބަލަ އެއީ މަގޭ ފިރިމީހާއޭ.. އޭނަ އަހަންނާއި އެކު އެހާ ލޯބިން އުޅެ އުޅެ ހުއްޓާ ކަލޭ އައިސް ފައިސާ ދައްކައިގެން އޭނަ އަނބުރާލީ.. އަހަރެންނަށް ކިރިޔާވެސް ގޮތެއް އޮތްނަމަ އަހަރެން ދެއަތްބަށް އިނދެގެނެއް ނޫޅޭނަން.. އަހަރެންނަށް އަޅާލާނެ މީހަކު ނެތީމަ އަހަރެން މި ހުންނަނީ އެއްޗެއް ނުބުނެ…”
އާނިޔާ އެތިވަރުތައް ގޮވާލުމަށްފަހު ޝިކާ ރޮއްވާލިއެވެ. އަދި ބާރު ބާރަށް ގޮސް ކޮޓަރިއަށް ވަނެވެ، ވަނުމާއި އެކު ވިކާޝް އަތްޖަހަން ފެށިއެވެ. ތުވާލިން ކަރުނަތައް ފޮހެލަމުން އާނިޔާ ވިހަ ގޮތަކަށް ހީލީ ވިކާޝް އާއި ދިމާއަށް ބަލާލަމުންނެވެ،
” މޮޅު.. ދޫނި ވަރަށް މޮޅު.. ދެން މާދަމާ އޭނަޔާ އިންނާނީ.. ފޯރމްލީ ފަހުން ހަތްދުވަސް މިވީނު ދެން.. ދެރަނުވައްޗޭ.. މާދަމާ އެއީ އަހަރެމެން ދެމީހުން އުދުހޭ ދުވަސް….”
***************************
ކައިވެނިކޮށްގެން ދެމީހުން އެކުގައި ގެއަށްވަނުމާއި އެކު އާނިޔާ ކިޔާލީ ހޫނު މަރުހަބާއެކެވެ. ޝިކާ ހުރީ ހައިރާންވެފައެވެ. އާނިޔާގެ ހިނިތުންވުން ފެނި ޝިކާއަށްވެސް ހެވުނެވެ.
” ކޮންމެ ގޮތެއް ވިޔަސް ނުރުހުންވެ ދުޝަމަން ވެގެން އުޅުނީމަ ދެމީހުންގެ ދިރިއުޅުންވެސް ގެއްލޭނީ.. އެކުގައި އުޅެންޏާ އުޅެވޭނީ ރަނގަޅަށް އުޅެގެން.. އަހަރެން ވިކާޝްގެ ޙަޔާތުން ދިޔުމުން ގެއްލޭނީ އަހަރެންގެ ޙަޔާތް.. ޝިކާއަށްވެސް ދެއަތްބަށް އިނދެގެން އުޅެވެންޏާ އަހަރެންނަށް ވަކި ނޫޅެވޭންވީ ކީއްވެ؟ އަހަރެންވެސް ވިކާޝްދެކެ ލޯބިވެޔޭ.. “
ހީލަމުން އާނިޔާ އެހެން ބުނި އިރު އޭނާގެ ދެލޮލުގައިވާ ހިތާމަވެރިކަން ވިކާޝްއަށް ފާހަގަ ކުރެވުނެވެ. ވިކާޝް ކޮންމެވެސް ވަރަކަށް ދެރަވިއެވެ. އޭނާ އާނިޔާ އާއި ކައިވެނިކުރީ އާނިޔާދެކެ ވަރަށް ލޯބިވެގެންނެވެ.
” ތޭންކްސް އާނީ…”
ވިކާޝް ސިހުނީ ޝިކާގެ އަޑުންނެވެ. އާނިޔާ ބަލާލީ ވިކާޝްއަށެވެ،
” ދޭ ޝިކާ ގޮވައިގެން ކޮޓަރިއަށް.. އަހަރެން ހުންނާނެ ޝިކާގެ ކޮޓަރި ވަރަށް ރީތި ކޮއްލާފަ.. “
އާނިޔާ މަޑުމަޑުން ބުންޏެވެ. ފުރަތަމަ ހިނގައިގަތީ ޝިކާއެވެ. ވިކާޝް ހިފާލީ އާނިޔާގެ އަތުގައެވެ. އަދި މަޑުމަޑުން ފިރުމާލަމުން ބުންޏެވެ،
” މިހާރު ހިތަށް އަރާ މި ކައިވެނި ނުކުރެވުނު ނަމައޭ.. އަހަންނަކަށް ހިއެއްނުވޭ އާނީ ނޫން މީހަކާ އެކު……. “
އާނިޔާ ވިކާޝްގެ ތުންފަތުގައި އިނގިލި ޖައްސާލިއެވެ. އަދި ބޯހޫޜާލަމުން ބުންޏެވެ،
” ނޫން… ދޭ.. އެއީވެސް އަހަރެންފަދައިން ވިކާޝްގެ އަތްބެއް..”
އެވަގުތު އާނިޔާގެ ދެލޮލުން ކަރުނަތައް ފައިބައިގަތެވެ. އާނިޔާއަށް އަސަރުކޮއްފައި ވާވަރު ވިކާޝްއަށް އެނގުނެވެ. ފައިސާގެ ބޭނުމުގައި އާނިޔާ އެނިންމުން ނިންމި އިރަކު ވިކާޝް އެހެން މީހެއްގެ ގާތަށް ދާތަން ފެނުމުން އޭނާއަށް ކުރާނެ އަސަރު އޭރު އޭނާއަށް އިހުސާސް ނުކުރެވުނީއެވެ. އާނިޔާ އޭނާގެ ކޮޓަރިއަށް ވަނީ ބާރުބާރަށް ގޮހެވެ. އެ ކޮޓަރީގެ ދޮރު ޖެހުމާއި އެކު ވިކާޝްއަށް ހިންދިރުވާލެވުނެވެ. އާނިޔާ ދެރަވެފައި ހުރިވަރު ފެނުމުން ބުނެދޭން ނޭނގޭ ގޮތަކަށް އޭނާއަށްވެސް އަސަރު ކުރިއެވެ،
” ވިކާޝް…….”
ލޯތްބާއި އެކު ޝިކާ ގޮވާލިއެވެ. ވިކާޝް ސިހިފައި ބަލާލަމުން ގަދަކަމުން ހީލިއެވެ.
” މިހާރު ތިއީ މަހުޖަނެއްނު!!!! ބޯޑު ސަފާރީއެއްގެ ވެރިއެއް… އުފަލެއްނުވޭތަ؟ އަދި ރީތި ރީތި އަތްބެއްވެސް ލިބުނީ.. ދުވަސްކޮޅަކުން ބައްޕައަކަށްވެސް ވާނެ..”
ޝިކާގެ ވާހަކަތަކުން ވިކާޝްގެ ގާތަށް އައީ ރުޅިއެވެ. އެހެނަސް އޭނާ އެކަމެއް ނުދައްކައެވެ. އޭނާގެ ހިތުގައި ދެންމެ ފެނުނު އާނިޔާގެ މޫނު ކުރެހެމުންދެއެވެ. ވިކާޝް ޝިކާ އާއި ދިމާއަށް ހިނގައިގަތެވެ.
ޝިކާ ހުރީ ވިކާޝްގެ ލޯތްބަށް އެދިއެދިއެވެ. ވިކާޝް ޝިކާ ބޭނުންވާ ހުރިހާ އުފަލެއް އޭނާއަށް ދިނެވެ. ޝިކާ ވިކާޝްގެ މޭގައި ބޯއަޅާލިއެވެ،
” ދެން އަބަދުވެސް އަހަރެމެންނާއި އެކު ދޯ އުޅޭނީ.. ހަމަހަމައަށް ކަންތައް ކޮއްދީފިނަމަ ވަރަށް އުފާވާނެ..”
ޝިކާއަށް އެހެން ބުނެވުމާއި އެކު އޭނާގެ ބަނޑަށް ކުއްލިއަކަށް ތަދެއް އެރިއެވެ. އޭނާގެ ބަނޑުގައި ރިއްސަންފެށިއެވެ. ޝިކާ ބަނޑުގައި އަތްއަޅައިގެން އޮވެ ކުރުވެގަތެވެ.
” ވަރަށް ގަދައަށް ރިއްސާތަ؟”
ވިކާޝް އެހެން ބުނުމުން ޝިކާ ބޯޖަހާލިއެވެ. ގިފިއްޔަށް ދާން ބޭނުން.. ފެންވަރާލަން.. ވިކާޝް އަހަންނަށް އެހީވެދޭންވީނު..
ޝިކާ ބަލިގޮތަކަށް އެހެން ބުނުމުން ވިކާޝް ޝިކާ ނެގިއެވެ. އަދި އަތުލަފިކޮއްގެން އޭނާ ގޮވައިގެން ގިފިއްޔަށް ދިޔައެވެ. ވިކާޝް ހުރީ އެތެރޭގެ ދޮރުކައިރީގައެވެ. ޝިކާ އެއްޗެހި ބޭލުމަށްފަހު ބާރަށް ވިކާޝްއަށް ގޮވާލިއެވެ. ވިކާޝް ބަލާލަމުން ޝިކާގެ ގާތަށް ދިޔައެވެ،
” ހުސްލޭ.. ދަރިފުޅު… ވެއްޓުނީތަ؟ ””
ޝިކާއަށް ރޮވުނެވެ. ވެއްޓޭނީ ބަނޑުބޮޑުވެގެން ނޫންހޭ ވިކާޝްގެ ހިތަށް އެރިއެވެ. އޭނާގެ މައްސަރުކަންތައް ލައިގަތް އިރުވެސް ޝިކާއަށް ހޭވެރިކަން ނުވެއެވެ. އެދުވަހު ގިރި ފޭރުފަނިތައްޓަށް ވިކާޝްލީ ބޭސްގުޅައިގެ ސަބަބުން ޝިކާ ވަރަށް ބޮޑަށް ބަލިވެ ހޮޑުލައި ހެދިއެވެ. އެއީ އޭނާ ޝިކާ އާޢި ކައިވެނިކުރުމަށް ޖަހާލި މަޅިއެކެވެ،
” ކީއްކުރާނީ؟ އަހަރެމެންގެ ދަރިފުޅުވެސް… “
ވިކާޝް ޝިކާގެ ގައިގައި ހިފަހައްޓާލިއެވެ. ޝިކާ ދެލޯމަރާލަމުން ފުންނޭވާއެއް ލިއެވެ. ތަންކޮޅެއް ކުރިން މިކަން ވީނަމަވެސް އޭނާގެ އެއްވެސް މުދަލެއް ވިކާޝްއަށް މިލްކުކޮށެއް ނުދިނީސްކަން ޔަޤީނެވެ. ނަސީބުގެ ބޯޅަ އޮތީ ވިކާޝްގެ ކޮޅުގައެވެ. އޭނާ ވަރަށް ރަނގަޅަށް ކުޅޭނެކަން ގައިމެވެ.
” ހޮސްޕިޓަލަށް ދިޔައީމަ އެނގޭނެ މީހުންނަށް.. އާނިޔާއަށްވެސް އެނގޭނެ.. އޭރުން އޭނައަށް އިނގޭނެ އަހަރެމެން މިހެންވެކަން އިނީ.. ދެން އަޅާނުލާ.. މަޑުމަޑުން އުޅުނީމަ ރަނގަޅުވާނެ.. “
ވިކާޝް ދެރަވާކަމަށް ހެދިގެން ޝިކާ ހިތްހަމަ ޖައްސައިދިނެވެ.
*******************************************************
ވިކާޝް އާނިޔާގެ ކޮޓަރިއަށް ވަތްއިރު އާނިޔާ އޮތީ ބަންޑުން ރޯށެވެ. ވިކާޝް އާނިޔާގެ ގާތުގައި އިށީނެވެ،
” އާނީ.. ދެން އަބަދު ރޮންޏާ އަހަރެން ކިހިނެތް އުފަލުގަ ހުންނާނީ.. އަހަރެން އެބަ ވިސްނަން ވަރަށް މޮޅު ގޮތެއް… އަހަރެން މިދައްކާ ވާހަކަ އަޑުއަހާބަލަ..”
ވިކާޝް އާނިޔާގެ ބޮލުގައި ފިރުމާލިއެވެ. އާނިޔާ ބަލާލަމުން ތެދުވެ ވިކާޝްގެ ކޮނޑުގައި ބޯއަޅާލިއެވެ،
” އަހަރެން ސަފާރީގަ އެއް ދަތުރު ކުރާނަން.. ގާތްގަނޑަކަށް ހައެއްކަ މަސްކޮއްފަ އަހަރެން އަންނާނީ.. ސަފާރީ ވިއްކާލާފަ ފައިސާކޮޅު ހިފައިގެން އައިސް އަހަރެން އާނީ އުޅޭނީ އާނިޔާ އާޢި އެކު…”
ވިކާޝް އޭނާގެ ނިންމުން ހާމަކުރިއެވެ. އާނިޔާގެ މޫނުމަތީގައި ސުވާލުމާކުތައް އެނބުރެންފެށިއެވެ،
” ދެން ޝިކާ ؟ “
” އެއީ ކާކުތަ؟ އޭނަ ވަރިކުރާނީ… އޭނަ ފޮނުވާލާނީ.. ހަޤީޤަތުގަ އަހަރެންނަށް އާނީ ދެކެ ލޯބިވާވަރު އިހުސާސް މި ކުރެވުނީ އަދިކިރިޔާ.. އަހަރެން ފަހަރެއްގާވެސް އާނީ ދެރައެއް ނުކުރާނަން..މިގޭގެ ހުސްބައިގަ ބޮޑު ގެއެއް އަޅައިގެން މުއްސަނދި ދިރިއުޅުމެއް އުޅޭނީ.. މިގެ ތަޅައެއް ނުލެވޭނެ.،. މަންމަމެން ބުނެފައޮތީ މިގޭގަ އުޅުމަށް.. މަންމަ އާއި ަބއްޕަގެ ވަރަށް ބުރަ މަސައްކަތުން ރާނާފަ ހުރި ގެއެއްވީމަ މިގެ ތަޅާނުލުމަށް އެމީހުން ވަސިއްޔަތްކުރި.. ދެން އެކަމު މުއްސަނދިވީމަ މިގެޔަކު ނޫޅެވޭނެ އެއްނު.. މި ގޯތީގަ ބޮޑު ބޮޑު ގަނޑުވަރެއް އަޅާނީ ދޯ…”
ވިކާޝް އާނިޔާގެ ގައިގައި ބައްދާލިއެވެ. އާނިޔާއަށް ވިކާޝްގެ ކަނދުރާގައި ބޮސްދެވުނީ އުފަލުންނެވެ،
*******************************
ޝިކާގެ މައްސަރު ދުވަސްވަރު ނިމިއްޖެއެވެ. އޭނާ ހީކުރީ ކުއްޖާ ބައިގެންދިޔައީކަމަށެވެ. އެހެން އޭނާއަށް ހީކުރަންޖެހުނީ މީގެ ކުރިން ދުވަހަކުވެސް ބަނޑުގައި ނުރިއްސާ ޝިކާ އެދުވަހު ބަނޑުގައި ރިއްސާފައި އެކަންތައް ލައިގަތުމުންނެވެ، ޝިކާ އަނެއްކާވެސް ވިކާޝްގެ ލޯބި ބޭނުންވިއެވެ. އޭނާ ކައިވެނި ދުވަހުއްސުރެން ވިކާޝްގެ ފަރާތުން އެއްވެސް ލޯތްބެއް ނުލިބެއެވެ،
ޝިކާ އޮތީ ކޮޓަރީގައެވެ. ވިކާޝް އެތެރެއަށް ވަންނަމުން ވާހަކަ ދައްކަންފެށިއެވެ،
” ލޯބި.. މިޔަދު ފުރަންވެގެން މިއުޅެނީ…”
އެޖުމުލަ އާއި އެކު ޝިކާ ކޮޅަށް ޖެހުނެވެ. އޭނާ ހައިރާންވެފައި ބަލާލިއެވެ،
” ކޮންތާކަށް؟ ކިހިނެތްވީ؟ “
ޝިކާގެ ޖުމުލަ އާއި އެކު ވިކާޝް ޝިކާގެ ގައިގައި ބައްދާލަމުން ބުންޏެވެ،
” ސަފާރީގަ ދަތުރެއް އަޅާލަން..ހަ މަސް ދުވަސް ވާނީ.. އޭގެ ވެރިމީހާ އަދި އޭގަ ބުރެއް ނާޅައެއްނު.. އެހެންވީމަ ޖެހޭނެ އެއްނު އެކަންވެސް ކޮއްލަން..”
ވިކާޝް އެހެން ބުނުމުން ޝިކާ ވަރަށް ދެރަވިއެވެ.
” ބައްޕަވެސް ނިޔާވީކަމުގައި މިހާރު އެންމެންވެސް އެ ނިންމީ… އެހެންވެ ދޯ ފުރަން އެ އުޅެނީ.. އެކަމު އަހަރެން ބުނިން ނުފުރާ މަޑުކުރާށޭ އަހަރެން ބުނަންދެން..”
ޝިކާއަށް ބުނެވުނެވެ. ވިކާޝް ޝިކާގެ މޫނަށް ބަލާލަމުން ހޭންފެށިއެވެ،
” ލޯބިގަނޑު ހަނދާން ނެތުނީތަ؟ ދެން އެއަށް ހިނގާނީ އަހަރެންގެ އަމުރެއްނު…”
ތެދެކެވެ. މިހާރު އެއީ ޝިކާގެ އެއްޗެއްނޫނެވެ. ޝިކާ ވަރަށް ދެރަވިއެވެ. ވިކާޝް ޝިކާގެ މޫނުގައި ބޮސްދެމުން ނުކުންނަން ހިނގައިގަތެވެ.
” ދެން މިހާރު ދަނީތަ؟ “
ޝިކާ ދެރަވެފައި ބުންޏެވެ، ވިކާޝް ހުއްޓުނެވެ. ތަންކޮޅަކަށް ހިނގާލާފައި އައިސް އޭނާ ޝިކާގެ ކުރިމައްޗަށް ހުއްޓުނެވެ،
” އާނިޔާ އެބަ އއްޗެހި ފޮއްޓަށް އަޅާ.. “
ވިކާޝް އެހެން ބުނުމުން އޭނާ ފުރަން އެ އުޅެނީ މިހާރުކަން ޝިކާއަށް އެނގުނެވެ.
” އެކަމަކު.. އަހަރެން އަދި ބޭނުން…. “
ޝިކާ ލަދުންހުރެ އެހެން ބުނުމާއި އެކު ވިކާޝްއަށް ހެވުނެވެ. އޭނާ ބަލާލީ ޝިކާއަށެވެ. ޝިކާ ހުރީ ވިކާޝްގެ އަތުގެ ފިރުމުންތަކަށް އެދި އެދިއެވެ، ވިކާޝް މަޑުމަޑުން ޝިކާގެ ގާތަށް ޖެހުނެވެ. އޭނާ ޝިކާގެ ކަނދުރާގައި އެއް އަތުން ހިފާލިއެވެ. އަދި މޫނާއި މޫނު ގާތްކޮއްލިއެވެ. ޝިކާއަށް ލޯ މަރާލެވުނެވެ. ދެއަތުން ވިކާޝްގެ ހަށިގަނޑުގައި ބައްދާލެވުނެވެ.
**************************
ޝިކާގެ ކޮޓަރިން ނުކުމެގެން ވިކާޝް ދިޔައީ އާނިޔާގެ ކޮޓަރިއަށެވެ. އޭރު އާނިޔާ ފޮށި ހިފައިގެން ނުކުންނަން އުޅެއެވެ. އާނިޔާގެ އަތުގައި ހުރި ފޮށި ދޫވީ ވިކާޝް އޭނާގެ ގައިގައި ހިފައިގަތުމުންނެވެ. އާނިޔާގެ މޫނުގައްޔާއި ކަރުދަށުގެ އެތަންމިތަނުގައި އޭނާ މޫނު ހާކަމުންދެއެވެ، އާނިޔާއަށްވެސް ބޭ އިހްތިޔާރުގައި ވިކާޝްގެ ގައިގައި ފިރުމަން ފެށުނެވެ،
” ވަރަށް ހަނދާންވާނެ….”
ވިކާޝް ގަމީސް ލަމުން ބުންޏެވެ. އާނިޔާ ހީލީ ލަދުންހުރެއެވެ،
” ހަމަސް ވަންދެން ކެތްކުރައްޗޭ ؟ “
ވިކާޝް އާނިޔާގެ ތުންފަތުގައި އިނގިލި ޖައްސާލަމުން ބުންޏެވެ. އާނިޔާ ހޫމްސޭ ބުނެ އިނގިލީގައި ދަތް އަޅާލިއެވެ. އެ ކޮޓަރިން ދެމީހުން އެއްކޮށް ނުކުތް އިރު ޝިކާ ހުރީ ސިޓިންގ ރޫމުގައެވެ.
” ދެކުދިން ރަނގަޅަށް އުޅޭތި.. ދެކުދިން ބަހައްޓާފައި ދާންވެސް ވަރަށް ދެރަވޭ.. ހަމަސް ދުވސް ހިނގައިދާނެ ވަރަށް އަވަހަށް.. އިންތިޒާރު ކުރާތި.. ރަނގަޅަށް އުޅޭތި…”
ވިކާޝް ޝިކާ އާއި ސަލާމްކޮއްލިއެވެ. އަދި އާނިޔާ އާއިވެސް ސަލާމްކޮއްލުމަށްފަހު ދެމީހުންގެ މޫނަށް ބަލާލިއެވެ. ހީލަމުން އޭނާ ގެއިން ނުކުތެވެ. އޭނާ ގޮސް އޮބަންދެން ދެމީހުންވެސް ވިކާޝްއަށް ބަލަން ތިބީއެވެ،
******************************
ވިކާޝް ދިޔަފަހުން އެއްވެސް ހަބަރެއް ނުވެއެވެ. ވާނީވެސް އެހެންނެވެ. ޚަބަރު ވެވޭނެ އެއްވެސް ގޮތެއްވެސް ނެތެވެ. ދެން އޭނާ އަންނަންދެން އިންތިޒާރު ކުރުން ނޫން ގޮތެއްވެސް ނެތެވެ، ރޭގަނޑުގެ ކެއުން ނިންމާލުމަށްފަހު އާނިޔާ އާޢި ޝިކާ ތިބީ ބޮޑާށީގައެވެ. ދުފާލާށާއި އެކު ވާހަކަ ދައްކާލުމަށެވެ.
” ބައެއް ފަހަރު ދާނެ ޗައިނާ ހިސާބުގަނޑަށްވެސް…. މުޅި ދުނިޔޭގަ ދަތުރުކުރާނީ…”
ކައިގެން ނުކުމެ އާނިޔާ އާއި ޝިކާ ތިބީ ވާހަކަ ދައްކާށެވެ،ސަފާރީގެ ކަންތައްތައް ޝިކާ އާނިޔާއަށް ކިޔައިދެނީއެވެ. ދެމީހުންވެސް އުޅެނީ ވަރަށް ހަމަޖެހިގެންނެވެ، ވިކާޝް ދިޔައީ ދެމީހުންނަށްވެސް ހުވަފެން ދައްކައިދީފައެވެ. ވިކާޝް އެނބުރި އައިސް ޝިކާ ވަރިކޮށް ފޮނުވާލުމަށްފަހު އާނިޔާ އާއި އެކު އުފަލުގައި އުޅޭނެކަމަށް އޭނާ ވަނީ ވަޢުދުވެފައެވެ. އެހެންކަމުން އާނިޔާ އުއްމީދުކުރަނީ އެ ދުވަހަކަށެވެ، ޝިކާގެ ނަޒަރުގައި ވިކާޝް، ޝިކާ އާއި އެކު ކުރިންވެސް ރެޔެއް ހޭދަކުރި ކަމީ އާނިޔާއަށްވުރެން އޭނާ ޝިކާދެކެ ލޯބިވާ ކަމެކެވެ. އަދި އާނިޔާއަށް އެވަރުގެ ބޮޑު ސިއްރެއް ސިއްރުކޮއްފައި އޮތުމަކީވެސް އޭނާދެކެ ވިކާޝް މާ ބޮޑަށް ލޯބިވާ ކަމުގެ ހެއްކެކެވެ. އާނިޔާއަށްވުރެން އެތައް ގޮތަކުން ޝިކާ ރީތިވެސްމެއެވެ. އެހެންކަމުން ކޮންމެވެސް ދުވަހަކުން ޝިކާއަށް ވިކާޝް އެއްކޮށް ލިބޭނެކަމަށް އޭނާ އުއްމީދު ކުރއެއެވެ، ދެމީހުންވެސް އެފަދަ އުއްމީދުތައް ކުރާތީ ހިތާއި ހތުން އުފަލުގައި އުޅެމުންދެއެވެ،
” އާނ ތިހެން ބުނީމަ މިހަނދާންވީ.. އަހަރެންނަށް ރޭގަ ފެނުނު ވަރަށް ބިރުވެރި ހުވަފެނެއް…. ބޭރުގައުމެއްގަ އުޅުނީ.. ވަރަށް ބިރުވެރި ތަނަކަށް ދެވުނީ.. ހުސް ގަބުރުންނޯ އެތާ އޮތީ.. ހަނދާންނެތިފައި ހުއްޓަ އެ ހަނދާންވީ … ދެން ނުކެރޭނެ އެކަނި ނިދާކަށްވެސް………..”
އާނިޔާ އެހެން ބުނީވެސް ބިރުން އިނދެފައެވެ. ޝިކާ ހޭންފެށިއެވެ،
” ހިނގާ މިރޭ އަހަރެންގެ ކޮޓަރީގަ ނިދަން.. މަވެސް އަސްލު އެކަނި ނިދަން ވަރަށް ޖެހިލުންވޭ…”
ޝިކާ ބުންޏެވެ، އާނިޔާ ބޯޖަހާލިއެވެ،
**************************************
ޝިކާ ގޮދަނޑީގައި އޮށޯތްވަގުތު އާނިޔާ އައިސްވަނެވެ. އަދި ތަޅުލުމަށްފަހު ޝިކާއަށް ބަލާލިއެވެ. އާނިޔާ ހިތްހަމަ ނުޖެހުނެވެ. ޝިކާ އޮތީ ކުރު ސޯޓު ބުރިއަކާއި އަތްކަނޑާފައިވާ ޓީޝާޓެއް ލައިފައެވެ. އާނިޔާއަށް ހިތާ ހިތުން ޝިކާއަށް އެއްޗެހި ކިޔާލެވުނެވެ. އާނިޔާ ފެނުމާއި އެކު ޝިކާ ބުންޏެވެ،
” ވަރަށް ނދިވެސް އެބައާދެ…. އާނީވެސް ދެން ނިދަންއުޅޭ..”
ޝިކާ އެނބުރުނީ ފާރާއިވީ ދިމާއަށެވެ. އާނިޔާވެސް އޮށޯވެ ޝިކާއަށް ފުރަގަސްދީގެން ދެލޯމަރާލިއެވެ. އެއާއި އެކު ވިކާޝް ފުރައިގެން ދަމުން އޭނާއަށް ލޯބިކޮއްލިވަގުތު ހަނދާންވުމާއި އެކު ދެލޯ ހުޅުވާލެވުނެވެ. އޭނާ ވިކާޝްމަތިން ވަރަށް ބޮޑަށް ހަނދާންވެއްޖެއެވެ. އަދި މިއުޅެނީ އެއް ހަފްތާވެސް ނުވެއެވެ. ހަ މަސްދުވަސް ވަންދެން އިންތިޒާރު ކުރަންޖެހެއެވެ،އާނިޔާ ފުރޮޅިލިއެވެ. އަދި ނިދޭތޯ ވަރަށް މަސައްކަތްކުރިއެވެ. ޝިކާ އޮތީ ނިދާފައިތޯ އޭނާ ބަލާލީ ކުޑަކޮށް ގާތްވެލާފައެވެ. ޝިކާ އޮތީ ގަދަ ނިދީގައެވެ. އާނިޔާވެސް މޯޅިއަކަށް ދެމިލުމަށްފަހު ދެލޯމަރާލިއެވެ،
އާނިޔާގެ ހަށިގަނޑުގައި މީހަކު ބީހޭ ހެން އޭނާއަށް ހީވާންފެށިއެވެ. އުނދަގުވާވަރަށް އިހުސާސްތައް ބޭރުވުމުން އޭނާއަށް ނިދީގެތެރެއިން ނުކުމެވުނެވެ. އޭރު ޝިކާ އޮތީ އޭނާގެ ގައިގައި ޖެހި ފިތިގެންނެވެ، ނިދާފައެވެ. ނިދީގައި ޝިކާ އާނިޔާގެ ގައިގައި ފިރުމަމުންދެއެވެ. އާނިޔާދުރަށް ދާން ބޭނުންވި ނަމަވެސް ދުރަށް ޖެހޭހިތެއް ނުވިއެވެ. އޭނާ މަޑުމަޑުން އޮތީއެވެ.ޝިކާގެ ގައިގައި އާނިޔާއަށް އަތްޖައްސާލެވުމާއި އެކު ޝިކާ ލޯ ހުޅުވާލިއެވެ. އާނިޔާ ސިހުނެވެ. އެކަކު އަނެކަކަށް ބަލާލިހިނދު ތިބެވުނު ގޮތުން ދެމީހުން ފުރަތަމަ ލަދުގަތެވެ. އެހެނަސް އެކަކަށްވެސް ދުރަކަށް ނުދެވުނެވެ.
**************************
ދުވަސްތައް ހަލުވި ކަމާއި އެކު ބާރަށް ދަތުރުކުރަމުންދެއެވެ. ވިކާޝް އަންނަ ދުވަސްވެސް ވަރަށް ގާތްވެއްޖެއެވެ، އާނިޔާ އާޢި ޝިކާގެ ހަނދާނުގައި ވިކާޝްގެ ނަންވެސް ނެތްކަހަލައެވެ. އެމީހުން ވިކާޝް ބޭނުމެއްނުވެއެވެ. ދެމީހުންގެ ޣާފިލް ކަމުގެ ދުނިޔެއަކަށް ދަތުރުކުރީ އެއްވެސް ހިޔާލެއް ފިކުރެއް ނެތިއެވެ. މާތް ﷲއަށް ބިރުވެތި ވުމެއްނެތިއެވެ.
” އޭނަ ބުނި މަ ގާތު ޝިކާ ވަރިކޮއްފަ އަހަރެންނާ އިންނާނަމޭވެސް،.. ޝިކާ ފޮނުވާލާފަ އަހަރެން ގޮވައިގެން އުދުހޭނަމޯ….”
ކައިރީގައި އޮތް ޝިކާގެ އިސްތަށިކޮޅާއި ކުޅެމުން އާނިޔާ ބުންޏެވެ. ޝިކާގެ މޫނު ރަތްވެގެން ދިޔައީ ރުޅިއައިސްގެންނެވެ.
” އޭނަ ހަމަ ތިހެން ބުނީތަ؟ ކިހާ ނުބައި މީހެއް އެއީ؟ މަގޭގެ ފައިސާގެ ބޭނުމުގަ ބަލާބަލަ އޭނަ ކުރި ކަންތައް؟ ކުޅިސަމާ ދައްކާލާނަން މިފަހަރު.. އަހަރެން މި ބުނީނު އަހަރެންނާ އިނުމުގެ ކުރިން އޭނަ އަހަރެންގެ ގަޔަށްވެސް އެރިޔޭ… އޭނަ އެކަންތައް އާނީއަށް ސިއްރު ކުރީ…މިހާރު މަށަށް އާނީގެ ފަރާތުން ހުރިހާ އެއްޗެއް އެނގި ސާފުވީމި. “
ވިކާޝްގެ ރޭވުންތައް އާނިޔާ އާއި ޝިކާ އެކަކު އަނެކަކަށް ކިޔާދެމުން ދިޔައެވެ، އާނިޔާއަށްވެސް ވިކާޝްއަށް ނަފްރަތު ކުރެވުނެވެ. ވިކާޝް ލޯބިވަނީ އާނިޔާދެކެ ކަން ހަނދާން ނައްތާލިއެވެ.
” އޭނަ އައީމަ ދެމީހުންވެސް ވަރިވާނީ… އޭރުން ހުންނާނެ އެއްނު ރީތި ވެފަ.. އަހަރެމެން ދެމީހުންނަށް އުޅެވޭނެ އެއްނު..”
ޝިކާ އާނިޔާގެ ބޮލުގައި ފިރުމާލިއެވެ.
********************************************
ލޯންޗް ރަށުގެ ޖެޓީއަށް ގާތްކުރި އިރު މެންދަމު ދޭއްޖަހަނީއެވެ. ވިކާޝް ބާރުބާރަށް ހިނގައިގަތީ ގެއާއި ދިމާއަށް ދިޔުމަށެވެ. ލޯބިވާ ދެއަނބިން ދުށުމަށް އޭނާގެ ދެލޯ އެދެނީއެވެ. އަވަސް ފިޔަވަޅުތަކަކާއި އެކު އޭނާ އައިސް ބޭރުގޭގެ ދޮރު ދަމާލިއެވެ. ސިޓިންގރޫމުގެ ދޮރު ބޭރުން ހުޅުވުނަސް ކޮޓަރިތައް ހުންނާނީ ތަޅުލާފައޭ އޭނާގެ ހިތަށް އެރިއެވެ. އޭނާ ގެނައި ސާމާނުތައް ބޮޑާށިމަތީގައި ބެހެއްޓުމަށްފަހު ދާނީ ކޮން ކޮޓަރިއަކަށް ކަމެއް ނޭނގި ހުރެ ވިސްނާލިއެވެ. ދެއަނބިންނަށް ހަމަހަމަ ކަމާއި އެކު ކަންތައްކުރުމަށް އޭނާވަނީ ހިތުގައި ޢަޒުމް ކަނޑައަޅާފައެވެ. ފުރަތަމަ ދާނީ ދޮށީ އަނބި ކައިރިއަށޭ ހިތަށް އެރުމަށްފަހު އެ ދިމާއަށް ހިނގައިގަތެވެ. އޭނާ ފިނިވެފައި ހުރެ ދޮރުގައި އަތްލުމަށްފަހު އެތެރެއަށް މަޑުމަޑުން ކޮއްޕާލިއެވެ. މަކުޑި ނާޅުވާ ހުރުމުން ދޮރު ވަރަށް ފަސޭހައިން ހުޅުވުނެވެ. ތަރުފާލިމަތީގައި އޮތް ގޮދަނޑީގައި އާނިޔާއެއް ނެތެވެ. ދެކޭހިތުން ކެތްމަދުވެފައި ހުރި ވިކާޝްއަށް ލިބުނީ ސިހުމެކެވެ. ޝިކާގެ ކޮޓަރީގައި އޭނާ އޮވެދާނެޔޭ ހިތާ އޭނާ އަވަސް އަވަހަށް އެކޮޓަރި ދޮރުމަތީގައި ހުއްޓުނެވެ. އޭނާ ފެނުމުން އެ ދެކުދިން އުފާވާނެ ވަރު ހިތައް އަރުވާލާފައި ވިކާޝް ހަމަޖެހިއެވެ. އެވަގުތު އެތެރޭން އިވެމުންދިޔައީ ޝިކާ އާއި އާނިޔާގެ އަޑެވެ. ވިކާޝް މަޑުމަޑުން ދޮރުގައި ކަންފަތްޖައްސާލިއެވެ. އޭނާއަށް ހުރެވުނީ ކުޑަ އިރުކޮޅެއްގައެވެ. ދެލޯ ބޮޑުވަމުން ދިޔުމާއި އެކު މީހާ ދާހިއްލާ ފޯވިއެވެ. ގައިގައި ހުރި ބާރެއް ލާފައި ދޮރުގައި ފައިން ޖެހުމާއި އެކު އެތެރޭގައި އިން މަކުޑި ދޮރުކަނިން ވަކިވެގެން ދޮރު ހުޅުވުނެވެ. އޭރު ވިކާޝްގެ އަތްވަނީ ގޮށްމުއްކަވާލާފައެވެ. އާނިޔާ އާއި ޝިކާގެ ދެލޯ ބޮޑުވެގެން ދިޔައެވެ. އަވސް އަވަހަށް ދެމީހުންނަށްވެސް ދުރަށް ޖެހެވުނެވެ. އެމީހުން ބިރުން ރޫރޫއަޅަމުން ދިޔައެވެ. އަވަސް އަވަހަށް ހަށިގަނޑު ނިވާކުރާނެ އެއްޗެއް ހޯދުމަށް އެމީހުން އެތަން މިތަން ބަލަން ފެށިއެވެ،
” ކޯއްޗެއް ހޯދާކަށް؟ އެއްވެސް އެއްޗެއް ހޯދާނެ ކަމެއް ނެތް،…މު..މުޑު.. މުޑުދާރު އަންހެނުންތައް…..”
ވިކާޝްގެ ދެލޮލުން ނޭނގި ނަމަވެސް ފެންތައް ފައިބަން ފެށިއެވެ. ބެޑްޝީޓުން ނިވާވެގެން އެދެމީހުން ތިބީ ސިހި ސިހިއެވެ.
” ކޯޢްޗެއް ފޮރުވާކަށް؟ ކާކަށް ފޮރުވާކަށް؟ ކަލޭމެން އުރެދިގެން ދިޔައިރުވެސް ނޭނގެނީތަ؟ފާހިޝް ޢަމަލުތަކުގައި މަޖާނަގަމުންދަނީ ބިރުވެތިވާންޖެހޭ ފަރާތެއް ވާކަން ހަނދާންނެތުނީތަ؟ “
ދަތްކުނޑި ވިކާލަމުން ވިކާޝްއަށް އާނިޔާގެ މޫނުމަތީގައި އެތިފަހަރެއް އަޅާލެވުނެވެ. އާނިޔާ އައްދިއްޔޯއޭ ކިޔާ ބާރަށް ރޮއިގަތެވެ.
” މިޔަދު ތަދުވާތީތަ ތި ރޮނީ ؟ މާދަމާ އޮންނާނީ ވާނެ ތަދާއި މެދު ވިސްނައެއް ނުލަމުތަ؟ ކޮބާ ކަލޭ ކުރި ނަމާދުތައް؟ އަހަރެން ދިޔައިއްސުރެން ނަމާދެއް ނުކުރަންދޯ… “
ވިކާޝް ކަރު ބުޑުން އަޑުނެރުނެވެ. އޭނާއަށް އައިސްފައިވާ ބާރު ބުނެދޭންވެސް ނޭނގެއެވެ. ޝިކާ އިނީ އިސްޖަހައިގެންނެވެ. ވިކާޝް ދެއަތުން ބޮލުގައި ހިފަހައްޓައިގެން ހުރެ ކޮޓަރި ތެރޭގައި ހޫރެމުން ދިޔައެވެ.
” އަހަރެން މިއައީ އަހަރެންގެ ހުރިހާ ކުށަކަށް ތަޢުބާވެގެން…އަހަންނަށް ކުރެވިފައިވާ ހުރިހާ ކަމެއް ތި ދެމީހުންނަށް ކިޔަދޭން ނިންމައިގެން.. އަހަރެން މިއައީ ޝިކާގެ ޙައްޤު ޝިކާއަށް މިލްކުކޮށް ދީފައި އެ ހުރިހާ ލިޔެކިޔުމެއްވެސް ހިފައިގެން.. އަދި އެއްވެސް މީހަކަށް ދެރައެއް ނުދީ އެއް އާއިލާއެއްގެ ގޮތުގައި އުޅެން ބޭނުންވެގެން އެހާ އަވަހަށް މި އައީ..އެކަމަކު…. އެކަމަކު….”
ވިކާޝްއަށް އެއް އަތުން ފާރުގައި ބާރަށް ޖެހުނެވެ. އޭނާ ދެލޯ މަރާ ފިއްތަމުން އަނެއްކާވެސް ހަޅޭއްލަވައިގަތެވެ.
” ކެލޭމެންނަށް އެނގޭތަ ތީ ކިހާ ނުބައިކަމެއްކަން؟ ހިސާބުބައްލަވާނޭ ދުވަހުން ކަލޭމެންގެ މަޤާމަކީ ކޮބާކަން އިނގޭތަ؟ ހެޔޮމަގުން އެއްކިބާވެ ނުބައި މަގަށް އަރައިގެން ތިޔަދަނީ ގަދަފަދަ ވެގެންވާ ޢަޒާބުގެ ތެރެއަށް….”
ވިކާޝް އެހެން ބުނަމުން ތިން ހަތަރު ފަހަރު ފާރުގައި ގޮށްމުށުން ޖެހިއެވެ. އެއަށްފަހު އޭނާ ކުއްލިއަކަށް ތަރަފާލި މައްޗަށް ތިރިވަމުން އެމީހުންގާތަށް ޖެހިގަތެވެ. މޮޔައެއް ފަދައިންނެވެ. ވާނީވެސް އެހެންނެވެ.ނުބައި ޢަމަލްތަކުން އެއްކިބާވެ ކުރެވުނު ފާފަތަކަށް ތަޢުބާވެގެން ސުލްޙަ މަސަލަސް އާއިލާއެއް ބިނާކުރުމަށް އައި ހިނދު ދެ އަނބީން މިތިބީ ޝައިތާނީ ވަބާގައި ޖެހި ފޯވެފައެވެ.
” އެނގޭތަ ތިކަމުގެ ޙުކުމް…. ތީ ނުބައިވެގެންވާ ފާފައެއް.. ތިކަމުގެ ޙުކުމަކީ ޤަތުލް…ޢަޒާބުގެ ތެރެއަށް ތި ދެމީހުންވެސް ތި ދިޔައީ އަމިއްލައަށް…. އަހަރެން ކަލޭމެންނަށް ނަފްރަތު ކުރަން.. އިސްލާމީ ޤައުމުތަކުގައި ތިޔަފަދަ ނުބައި ޢަމަލްތައް ކުރުން މިވަނީ ގިނަވެފައި… އަހަރެން ބޭނުން އަހަރެންގެ ދީން ހިމާޔަތްކުރަން…..މާތް ﷲ އާއި ކީރިތި ރަސޫލާ އެންގެވި ގޮތަށް އުޅުމަކީ އާޚިރަތްދުވަސް ކާމިޔާބު ކުރެވޭނެ ހަމައެކަނި ގޮތް…”
ދެލޮލުން ކަރުނަ ފުހެމުން ވިކާޝް ވާހަކަ ދެއްކިއެވެ. ކުއްލިއަކަށް އޭނާގެ ބޮލަށް ބާރުގަނޑެއް އެރިއެވެ. ވިސްނަންވާ ވަރަށް ވުރެން އިތުރަށް އޭނާ ވިސްނީކަން ކަށަވަރެވެ. ބޮލަށް ވީ ތަދުން އޭނާ ތަޅުމުގައި އެނބުރެމުންދެއެވެ. އެއާއި އެކު މައިތިރިވިއެވެ. ފާރުގައި ލައްވެގެން ތިބި އާނިޔާ އާއި ޝިކާ އެކަކު އަނެކަކަށް ބަލާލި އިރު ދެމީހުންވެސް ބިރުން ރޫރޫ އަޅައެވެ. އިސާހިތަކު ވިކާޝް ތެދުވެ ޝިކާގެ ކަރުގައި ހިފިއެވެ. ޝިކާއަށް ނޭވާލާންވެސް އުނދަގޫ ވާވަރަށެވެ. މޫނުގައި އަތްއަޅައިގެން އާނިޔާ ރޯންފެށިއެވެ. ވިކާޝް ޝިކާގެ ކަރުގައި ހިފައިގެން ހުރެ ކޮޓަރީގެ މޭޒާއި ދިމާއަށް ދިޔައެވެ. ޝިކާ ހުރީ ދެލޯ ބޮޑުވެފައެވެ. މޭޒުމަތީގައި އޮތް ޓޭޕްރޯލު ނެގުމަށްފަހު އޭނާ ޝިކާގެ ކަރުން ދޫކޮއްލިއެވެ. ޝިކާ ކެއްސަން ފެށިއެވެ. އަވަސް އަވަހަށް ޝިކާގެ އަނގަމަތީގައި ޓޭޕް އެޅުމަށްފަހު އޭނާ ގޮނޑިއަށް ވައްޓާލަމުން ޝިކާ ގޮނޑި އާއި އެކު ބަނެވެ. އަދި މޫނުމަތީގައި އަތް އަޅައިގެން އިން އާނިޔާގެ އަތުގައި ހިފައިގެން ދަމަމުން ބޭރަށް ނެރުނެވެ،ވިކާޝްގެ ހަރަކާތްތައް އާދަޔާ ޚިލާފަށް އަވަހެވެ.
” ހެޔޮނުވާނެ ވިކާޝް.. އަހަރެން ދޫކޮއްލާ.. އަހަރެން މިހެން ހުއްޓާ ބޭރަށް ނުނެރޭ.. ހެޔޮނުވާނެ..”
ވެލިތަކުމަތީގައި އާނިޔާ ދަމަމުން ވިކާޝް ދެއެވެ. އާނިޔާގެ އެއްވެސް ޖުމުލައެއް އޭނާއަށް އަޑު ނީވޭ ފަދައެވެ. ވިކާޝް އާނިޔާ ވެއްދީ ކާގެއަށެވެ، އަދި އާނިޔާއަށް އަނިޔާކުރަން ފެށިއެވެ، އޭނާ އައިސްފައިވާ ރުޅި ކޮންޓްރޯލެއް ނުކުރެވުނެވެ. އާނިޔާ ތަޅުންގަނޑުމަތީގައި ބޭއްވުމަށްފަހު އާނިޔާގެ ބަނޑުމައްޗަށް ޖެހިގަތެވެ. އަދި ކަރުގައި ހިފާ މޫނުގައި ތަޅަންފެށިއެވެ. އާނިޔާ ރޮމުން ހަޅޭއްލަވަމުން ދެއެވެ. އެ އަޑު އަހާނީ ކާކު ހެއްޔެވެ؟ ދަންވަރުގެ ވަގުތެވެ. މީހުން އުޅޭ ހިސާބެއް ނޫނެވެ. އާނިޔާގެ އަނގައިން ލޭ އައިސް ހިރި ނުލެވޭ ވަރު ވުމުން ވިކާޝް އާނިޔާ ދޫކޮއްލިއެވެ. އަދިވެސް އޭނާ ހުއްޓާކަށް ނޫޅުނެވެ. ބޭރަށް ނުކުމެ އޭނާ އެނބުރި ކާގެއަށްވަނީ ފަލަ ވާގަނޑެއް ހިފައިގެންނެވެ. މޭޒުމައްޗަށް އެރުމަށްފަހު ފަންކަލުގައި ވާގަނޑު އެއްސިއެވެ. އޭރުވެސް އާނިޔާގެ އަނގައިން ލޭތައް ބޮކިޖަހާފައި އާދެއެވެ. ވިކާޝް ފަރުވާލެއް ނުބަހައްޓައެވެ. ހަކަތަ ހުސްވެފައިވާ އާނިޔާގެ ކަރަށް މަޅިގަނޑު ވެއްދުމަށްފަހު އޭނާ ރުޅިވެރި ނަޒަރަކުން އާނިޔާގެ މޫނަށް ބަލަމުން ވާފަށަށް ދަމާލިއެވެ. އެއާއި އެކު އަނގައިގައި ހުރި ލޭތައް ބުރަބުރައިގެން އެރީ ފަންކަލަށެވެ.އާނިޔާގެ ހަށިގަނޑާއި ފުރާނަ ވަކިވިއެވެ. ވިކާޝް އެއް އަތުން އަނގަމަތި ފުހެލަމުން މަރުވެފައިވާ އާނިޔާއަށް ބަލާލީ ރުޅިއައިސް ރަތްވެ ހުރެއެވެ،
ހޫރެމުން ހޫރެމުން އޭނާ ގޮސްވަނީ ޝިކާ އިން ކޮޓަރިއަށެވެ. ޝިކާގެ ކުރިމަތީގައި އޭނާ އިށީނެވެ. އަދި ރޮމުން ރޮމުން ބުނެލިއެވެ
” އާނީ.. އަހަރެންގެ އާނީ… މަރާލެވިއްޖެ!!…”
ވިކާޝް ދެފައި ވަށްކޮއްގެން އިނދެ ރޮމުން ދިޔައެވެ. ޝިކާގެ ދެލޯ ބޮޑުވެގެން ދިޔައެވެ. އޭނާ ބިރުގަތެވެ. ވިކާޝް އޭނާއަށް ހަދާފާނެ ގޮތެއް ނޭނގޭތީއެވެ. ކުއްލިއަކަށް ވިކާޝް ތެދުވެ ޝިކާގެ ކަރުގައި ހިފިއެވެ. ޓޭޕްފަށް އިނުމުގެ ސަބަބުން ޝިކާގެ އަޑު ބޭރެއްވެސް ނުވިއެވެ. އޭނާ މަރުވާކަށް މާ ގިނަ ވަގުތެއް ނުނެގިއެވެ. ދެލޯ ބޮޑުވެ ހުރެ އޭނާވެސް މަރުވީ ވިކާޝްގެ އަތުންނެވެ. ޝިކާގެ ހަށިގަނޑު ހިމޭން ވުމާއި އެކު ވިކާޝްއަށް ސިހުން ލިބުނެވެ. އޭރު ކަނބިލި ގޮވާ އަޑު އިވެން ފަށައިފިއެވެ. ފަތިސްވަނީބާވައޭ އޭނާ ހިތަށް އެރިއެވެ. އޭނާ ދާހިއްލަން ފެށިއެވެ. ހާސްވެ މީހާ ރޫރޫ އަޅަންފެށިއެވެ. ކުރެވުނު ކަންތަކާއި މެދު ބިރުގަންނަން ފެށިއެވެ. އޭނާ ދުވެފައި ގޮސް ކާގެއަށް ވަނެވެ. ދަންޖެއްސި ގޮތަށް ހަރަކާތްހުއްޓި ދެލޯ ބޮޑުވެ، އަނގައިން ތިރިއަށް ލޭ ފައބަ ފައިބާހުރި އާނިޔާ ފެނުމުން ވިކާޝް ބިރުގަތެވެ.
އަލިވާން ވާއިރަށް ، ދަމާފައި ވިކާޝް އާނިޔާ ގިފިއްޔާއި ހަމައަށް ގެނެވުނެވެ، އޭނާ އާނިޔާގެ ހަށިގަނޑު ވަޅަށް ވައްޓާލުމަށްފަހު ރަނގަޅަށް ވަޅުގައި މަތިއެޅިއެވެ، އަދި ދުވެފައި ގޮސް ކޮޓަރިއަށް ވެނެވެ. ޝިކާގެ މޫނަށް ބަލާލެވުނެވެ. ވިކާޝްގެ ހިތްތެޅޭލެއް ބާރުކަމުން އޭނާއަށް ހަރަކާތްކުރަންވެސް އުނދަގޫވިއެވެ. ޝިކާ އުފުއްލާލައިގެން ގެނެސް އޭނާ ބޮޑާށި ތަންދަށަށް ކޮއްޕާލުމަށްފަހު ބޭރުގައި ހުރި ލަކުޑިތައް އެތަނަށް ވައްދާ ޝިކާގެ ހަށިގަނޑު ފޮރުވިއެވެ.
އޭރު ފަތިސްނަމާދު ބަންގީގެ އަޑު އިއުލާންކުރަން ފެށިއެވެ.
އަލިވުމާއި އެކު ވިކާޝް ބިރުގަންނަން ފެށިއެވެ. ގޭތެރޭގައި ގަބުރެ ބާއްވައިގެން ގޭގައި ހުންނަން އޭނާ ނުހަނު ޖެހިލުންވެސް ވިއެވެ. އަދި އޭނާއަށް ކުރެވުނު ކަމާއި މެދު ޖެހިލުންވެ ބިރުވެތިވާ ޙާލު އޭނާ ދުޢާ ކޮއްލަ ކޮއްލާ އިނެވެ.
************************
އިރުއޮއްސެން ގާތްވުމާއ އެކު ވިކާޝް ގިފިއްޔަށް ވަނެވެ. އަދި ވަލެއްގެ އެހީގައި އާނިޔާ ވަޅުންނަގަން އޭނާ މަސައްކަތްކުރިއެވެ. ވަރަށް އިރުން އޭނާއަށް އެކަން ކުރެވުނު އިރު އަނދިރިވެސް ވެއްޖެއެވެ. އޭނާގެ ހަށިގަނޑަށްވަނީ ވަރަށް ބޮޑެތި ބަދަލުތަކެއް އައިހެވެ. އާނިޔާ އޮތީ ނިވާކަމެއްނެތް ޙާލުގައެވެ. ފޯވެފައިވާ އާނިޔާގެ ހަށިގަނޑު ގައި ވާގަނޑު އައްސާ ބާރުކޮއްލިއެވެ. ވަޅުގެ ފެންގަނޑު ކުނިވާނެކަން އޭނާއަށް އެނގެއެވެ، ވަޅުދިޔަ ހިއްކާނަމޭވެސް އޭނާގެ ހިތަށް އެރިއެވެ. އޭނާ ވަޅުގެ ތެރެއަށް ބަލަން ހުރެ އާނިޔާގެ ފުރާނަނެތް މަސްގަނޑަށް ބަލާލިއެވެ، އަދި ދަމަމުން އަވަސް އަވަހަށް އާނިޔާ ގެންގޮސް، މެންދުރުގަޑީގައި ވަލަށްވަދެ އޭނާ ކޮނުނު ވަޅުގެ ތެރެއަށް އާނިޔާ ވައްޓާލުމަށްފަހު އޭނާ ގެއަށް ދިޔައީ ޝިކާ ބަލައެވެ. ނޭވާ ހިފަހައްޓައިގެން ހުރެ ލަކުޑިތައް ބޮޑާށި ދަށުން ނެރެމުންދިޔައެވެ. ޝިކާ ފެނުމާއި އެކު ވިކާޝްއަށް ދުރަށް ޖެހެވުނެވެ. ދެލޯ ހީވަނީ ނުކުމެފައިވާހެންނެވެ. ހީވަނީ އޭނާއަށް ބަލަން އޮތްހެންނެވެ. ޝިކާވެސް އޮތީ އާނިޔާ ފަދައިން އެއްވެސް ފޭރާމެއް ނެތިއެވެ. ވިކާޝް ބިރުން ހުރެ ޝިކާ ދަމާފައި ނެރުނެވެ. އަދި އޭނާގެ ގައިގައިވެސް ވާފަށް އެއްސުމަށްފަހު ދަމަންފެށިއެވެ. އަނދިރި ވަލުގެ ތެރެއަށް އޭނާވަނީ ފިތާބައްތީގެ އެހީގައެވެ. އާނިޔާ އޮތް ވަޅުގެ ތެރެއަށް ޝިކާވެސް ވައްޓާލުމަށްފަހު ވިކާޝް ފަސްއަޅަންފެށީ ހިތް އަތަށް ލައިގެންނެވެ. އޭނާއަށް ހީވަނީ އެ ދެ ގަބުރު ދެންމެ ދެންމެ ވަޅުން އަރާފާނެ ހެންނެވެ. އަދި އޭނާގެ ބޮލުގައި ހިފާ ވަޅުގެ ތެރެއަށް ވައްޓާލަފާނެޔޭވެސް ވިކާޝްއަށް ހީވަމުން ދިޔައެވެ. ފަސްއަޅާ ބާރުކުރުމަށްފަހު ފަތްތައް ވަޅުގެ މައްޗަށް އަޅަންފެށިއެވެ. ހިތްބިރުގަނެފައިވާ ވަރުން އޭނާ ތުރުތުރުލަމުންދެއެވެ. މަސައްކަތް ނިމުމަށްފަހު އޭނާ ދުއްވައިގަތީ ވަލުން ބޭރު ވުމަށެވެ. ބާރުބާރަށް އައިސް އޭނާ ގެއަށްވަތް ގޮތަށް ބޮޑާށި މައްޗަށް ވެއްޓުނީ ހެއަށް ގޮތްވެގެންނެވެ
އޭނާއަށް އެހެން އޮވެވުނީ އިރުކޮޅަކުއެވެ. ސިހިފައި ތެދުވެވުނެވެ. އޭރު ގޭތެރެވަނީ އެއްކޮށް އަނދިރިވެފައެވެ. އޭނާ ބައްތި ދިއްލާލުމަށްފަހު މެދުގޭގެ ބޮކި ޖއްސާލިއެވެ. އަދި މަޑުމަޑުން ކާގެއަށް ދިޔައީ ގައިގައި އެއްވެސް ވަރެއްނެތް މީހަކު ދާފަދަ ގޮތަކަށެވެ. އޭނާ ތަޅުމުގައި ހުރި ލޭތައް ސާފުކުރުމަށްފަހު ފަންކަލަށްބަލާލިއެވެ. ފަންކަލުގައި ހިސާބަކަށް ލޭ ހުރިނަމަވެސް އޭނާ އަޅާނުލާ ނުކުތީ ކޮންމެ ގޮތެއް ވަރިހަމަކޮއްފައެވެ. ވިކާޝްވަނީ ހިމޭންވެފައެވެ. އޭނާ ގޭތެރެއަށްވަދެ ދަބަސް ހިފައިގެން ނުކުތީ ބޭރަށެވެ، ބަނދަރަށް ނުކުތްއިރު މާލެދާން ފުރާ ލޯންޗެއްދުއްވާލަނީއެވެ. އޭނާ ހަނާ އަޅާލުމާއި އެކު އެ ލޯންޗް ގާތްކޮއްލީ ފާލަމާއެވެ. އޭނާ އެއަށް އެރުމަށްފަހު ޝީޓްގައި ހަމަޖެހިލިއެވެ. އަދި ލޯންޗަށް ދައްކާވަރަށް ފައިސާ ބެހެއްޓުމަށްފަހު ދެން ހުރި ހުރިހާ ރުފިޔާއެއް ރޭގަނޑުގެ ކަނު އަނދިރީގެ ތެރެއަށް ދޫކޮއްލީ ލޯންޗުން ބޭރަށެވެ.
މާލޭ ފަޅަށް ވަތް އިރު ޝިކާގެ ސަފާރީ އޮތްތަން ފެނުނެވެ، އެ ސަފާރީ އޭނާ ވިއްކާލިކަމީ އޭނާގެ ނަސީބެވެ، އެހެން ނަމަ ސަފާރީ ޝިކާއަށް މިލްކު ކުރެވި އޭގެ މީހުން ޝިކާ ހޯދާނެކަން ޔަޤީނެވެ. މިހާރު އެއްވެސް މީހަކު އެމީހުންނެއް ނުހޯދާނެއެވެ. ޝިކާ އާއި އާނިޔާ އަދި ވިކާޝްއަށް ވީ ގޮތެއް މީހުންނަކަށް ނޭނގޭނެއެވެ، ބޮޑު ރަށަކަށް ވާއިރު ގިނަ މީހުންނަށް އެއީ ކޮންބައެއް ކަމެއް ވެސް ނޭނގޭނެއެވެ، ވިކާޝް ވިސްނުމެއްގައި ހުރެ ހިނގައިގަތީ ދާނެ މިސްރާބެއް ނެތިއެވެ.
*****************************
މާޒީ ކިޔައިދީ ނިންމާލުމަށްފަހު ވިކާޝް އަހަރެންނަށް ބަލާލިއެވެ. އަހަރެންނަށް ހުރެވުނީ ގަބު ވެފައެވެ. ހަރަކާތްތައް ހުއްޓިފައެވެ. އަހަރެންގެ މޫނަށް ފުން ނަޒަރަކުން ވިކާޝް ބަލަމުން ދެއެވެ. އަހަރެންގެ ދުލުން ބޭރުވާނެ ޖުމުލައެއްގެ އިންތިޒާރުގައެވެ. ހިމޭންވަގުތުކޮޅެއް މެދުވެރި ވީނަމަވެސް ގިނަ އިރު ކުރާކަށް ވިކާޝް ބޭނުމެއްނުވިއެވެ. އޭނާ އައިސް އަހަރެންގެ ދެކޮނޑުގައި ހިފާ ތަޅުވައިގަތެވެ.
” ޝަނޫ! އެއްޗެއް ބުނެބަލަ.. ޕްލީޒް.. އެއްޗެއް ބުނެބަލަ! “
ވިކާޝްގެ ދެލޮލުން ފެންތައް ފައިބައިގަތެވެ. އޭރުވެސް އަހަރެންނެއް ނުރޮމެވެ.
( ނުނިމޭ )
Other Articles
ވީރާނާ (10 ވަނަ ބައި)
ލަފްޒު (ފުރަތަމަބައި) -ސްނީކް ޕީކް-
7 Comments!
Comments are closed.
🙂
wowwwwww ……vvvvvvv nice mi part vs…….
alhe aani n shika vs ulhunu gotheh dw……
dn shanoo kihinehba hadhaany……
next part vs kiya hihvany…….
achheeee. miulhey goikuda 2 anhenun dhw. cheee cheee. sala story hama best ige. alhe dhen emeehunge faraathun e 2 kudhin save kohdhee avahah.
alhe vaahaka salhikamaaeve, waiting waiting waiting,,,,
meega neh rangalhu ekaku ves
yu r so briliantttttt nice
Wowwww…vrh salhi