ލަފްޒު (ފެށުން)

“ޝިޓް!” އަހަރެންނަށް ބުނެވުން އިރު މާ ބޮޑަށް ލަސްވެއްޖެއެވެ. ސާރވެސް އަހަރެންނަށް ބަލަން ހުރި އިރު ހީވަނީ އަހަރެންގެ އިތުރު ބޮލެއް ފަޅާފައި އިންހެނެވެ. ބުނެވެނުނީ މާބާރަށެވެ. އަހަރެމެންގެ އެސައިންމެންޓް ހަވާލު ކުރަން އޮތީ މިރެއެވެ. އަހަރެން މި އައީ އަވަހަށް އަންނަން ހަދައިން އެވެސް ގޭގައި ބާއްވާފައެވެ. ގުޑް ޖޮބް! ސާރ މިހާރު ލޮލުން ކިހިނެއްވީތޯ އަހަނީއެވެ. “އަމް…. އައި ފޮރގޮޓް މައި އެސައިންމެންޓް..” އަހަރެން އިސް ޖަހައިން ބުނީމެވެ.

   “ދެން އެހެންވިއްޔާ ބަލާދޭ. އެކަމު 20 މިނެޓްސް މެކްސިމަމް!” އިރުކޮޅެއް ވުމާއިއެކު ސާރ ބުންޏެވެ. އަހަރެންގެ ދަބަސް ކޮންޑުގައި އެޅުވުމަށްފަހު އަހަރެން ވަގުތުން ދުއްވައިގަތީ ބޭރަށެވެ. ކޮލެޖްގެ ދޮރާއި ހިސާބަށް އެރުމާއި އެކު އަހަރެން ފޯނު ނަގާ ހަމައެކަނި ހިތުން އެނގޭ ނަމްބަރަށް ގުޅީމެވެ. އެހެން ނަމްބަރެއް ބޭނުން ވާންވީ ކީއްވެ ހެއްޔެވެ؟ އަހަރެން މިހާރު ހުރި ހަމައެކަނި ހުރިހާއެއްޗަކީވެސް އެއީއެވެ.

   ފޯނެއް ނުނަގައެވެ. ދެވަނަ ފަހަރަށް ގުޅީމެވެ. ތިންވަނަ ފަހަރަށްވެސް ގުޅީމެވެ. އެފަހަރު ފޯނު ކަންފަތާއި ދުރުކޮށްލި ގަޑީގައި ދޮރުކައިރިއަށް ޓެކްސީއެއް މަޑު ކުރަނީއެވެ. އޭގެން މީހަކު ފޭބުމާއި އެކު އަހަރެން އެއަށް އެރީއެވެ. އަވަހަށް އެޑްރެސް ދިނީމެވެ.

   ގެއަށް ކާރު މަޑު ކުރުމާއި އެކު އަހަރެން ދަބަހުން ތަޅުދަނޑި ނަގަމުން ދުއްވައިގަތީމެވެ. ފުރަތަމަ ސިޑިން ނުވެއްޓުނީ ކިރިޔާއެވެ.  އަހަރެމެންގެ އެޕާރޓްމަންޓާއި އަރާ ހަމަ ވުމާއި އެކު ފެނުނީ ދޮރުގެ ތިރިން ފުރޭނިގެން އަންނަ އައްޔެވެ. އެކެމު އަހަރެން ދިޔައީ ބޮކި ނިވާލާފައެވެ. ތަޅު ހުޅުވަމުން އަހަރެން ވަތް އިރު ގޭތެރެއަކު އަކު އެކަކުވެސް ނެތެވެ. އަހަރެންނަށް ހަނދާން ނެތިގެން ނުނިވާލާ ދެވުނީ ކަންނޭނގެއެވެ.

   އަވަސް އަވަހަށް ކޮޓަރިއަށް އަހަރެން ވަނީ ފައިލް  އޮތީ އެތާގައި ވީމައެވެ. ނަމަވެސް ވަނުމާއި އެކު ވަގުތުން ދޮރުމަތީ ގަނޑުވިއެވެ. ހީވީ މީހަކު އަހަރެންގެ ކަންކަށި މަތީ ޖެހިހެންނެވެ. ނޫނެކެވެ. އެއްފަހަރަކު ނޫނެވެ. ދެފަހަރެވެ. އަހަރެން ހަމަ ދޮރު ކކައިރީ ލޯބޮޑުވެފައި ހުރީއެވެ. ހިނގަންވެސް ނޭނގިފައެވެ. ވަގުތުން ފަހަތަށް ޖެހެމުން ދިޔައީމެވެ. ނަމަވެސް ބާރުކޮށް ދޮރުގައި ޖެހުމާއިއެކު އެދެމީހުން ވަގުތުން އަހަރެންނާއި ދިމާލަށް ބަލާލިއެވެ.

   ދެމީހުން ލޯބޮޑު ވެފައި ތިބިއިރު އަހަރެންނަށް ފެންނަނީ އަހަރެންގެ މުޅި ދުނިޔޭގެ އެނބުރުން ހުއްޓެމުންދާ ތަނެވެ. ނަމަވެސް އަހަރެންނަކަށް އަދިވެސް ޖުމްލައެއް އުފެއްދޭ ވަރެއް ނޫނެވެ. ދުވަމުން ނިކުތީއެވެ. ނަމަވެސް ދޮރާ ހިސާބަށް އަރާ ހަމަ ވުމާއިއެކު މާޔާ ގޮވިއެވެ. އަހަރެން ހުއްޓުނީމެވެ. މާޔާ. އަހަރެންގެ އެންމެ ގާތް ރަހުމަތްތެރިޔާ، އެއް އެނދެއްގައި އެ އޮތީ އަހަރެންގެ ފިރިމީހާ އާއި އެކު އެވެ.

  މުޅި ގައި ތުރު ތުރު އަޅަނީއެވެ. ނަމަވެސް އަދިވެސް އަހަރެން ރުއިމަށް ދެކޮޅު ހެދީމެވެ. މިމީހުން ކުރިމަތީއެއް އަހަރެންނެއް ނުރޯނަމެވެ. “ޒީމް! ޕްލީޒް!” މިފަހަރު އާދޭހުގެ އަޑުން ގޮވިއެވެ. އަހަރެން އަދިވެސް ނޭނބުރެމެވެ. “އެކްސްޕްލޭން ކުރަންދީބަލަ!” ހުސެއިން ބުންޏެވެ. އަހަރެން ބޭނުންވީ ހޭށެވެ. އިތުރަށް އޭނާ ބުނަން އޮންނާނީ ކޯއްޗެއް ހެއްޔެވެ؟ ހަމަ ގައިމުންވެސް ދެމީހުން ހެދުމެއް އަމިއްލައަކަށް ނުބޭލޭނެއެވެ.

  “ހަ! އިތުރު އެއްޗެއް އެބަ އޮތޭ ބުނަން!” އެނބުރެމުން އަހަރެން ހަޅޭލަވައިގަތީމެވެ. “ގޭގެ އެންމެނާ ދެކޮޅަށް ކައިވެނި ކުރީ. އެކަމު ލިބުން އެއްޗަކީ މިއީ ދޯ!” އެއައްފަހު އަހަރެން ވަގުތުން ނުކުމެގެން ދިޔައީއެވެ.

   މީހުން ބުނަނީ ތެދަށެވެ. އެ ތިން ބަސް އެއް ޖުމްލައަކަށް ހަމަ އާދެއެވެ. މިސާލު މި ފެނުނީ ޚުދު އަހަރެންނަށެވެ. ޔަންގް އިން ލަވް އެންޑް ސްޓޫޕިޑް ދުވަހަކުވެސް އަހަރެންނަށް ދިމާވާނެ ކަމަކަށް ހިޔެއް ނުކުރަމެވެ. ނަމަވެސް އަހަރެންވެސް ގަމާރެވެ. ޒުވާނެވެ. ލޯބިވީއެވެ. ކުށުގެ އިލްޒާމް އަޅުވާނެ މީހެއް އަހަރެން ފިޔަވާ އެކަކުވެސް ނެތެވެ.

  އަހަރެންނެއް ނުރޯނަމެވެ. އަހަރެންނެއް ނުރޯނަމެވެ. ހިނގުން ވަރެއް އަހަރެންނަކަށް ނޭނގެއެވެ. ދެވެނީ ކޮންތާކަށް ކަމެއް ނޭނގެއެވެ. ނަމަވެސް މިހާރު ލޯ ކޮންމެ ދެ ސިކުންތަކު އެސްފިޔަ ޖަހަންޖެހެއެވެ. ހަމަ ލޯ ފުސްވަނީއެވެ. ކަރުނައިންނެވެ. ފޯނު ރިންގް ވާ ވަރުން އުނދަގޫ ވަނީއެވެ. އަހަރެން އެނެ ފަހުން ބެލުމެއް ނެތި ފޯނު ނެގީމެވެ. “ހަލޯ! މިދަނީ ދާ… ޒިމް؟ ކީއްވެ ރޮނީތި؟” ހުސެއިންނެއް ނޫނެވެ. އަހަރެން ނުރޮވޭތޯ ވަރަށް ބެލީމެވެ. ނަމަވެސް އޭނާގެ އަޑު އަހަރެންގެ ކަންފަތުގައި ޖެހުމާއި އެކު ހުރިހާ ހިތްވަރުތަކެއް މޮހެވިގެން ދިޔަކަހަލައެވެ. ބާރަށް ރޮވެން ފެށުނީ ދެނެވެ.

(ނުނިމޭ)

މިވާހަކައިގެ ދެންއޮތް އެޕިސޯޑުގެ ލިންކު ކޮމެންޓް ސެކްޝަންގެ ތިރީގައި ވާނެއެވެ.