އީލާމް -11

“ބޭބީ ގާރލް ،އައިލަވް ޔޫ ، ލާސްޓް ނައިޓް ވޯސް އޯސަމް ، ލެޓްސް މޭކް ލަވް އަގެއިން ” އަބީ އީލާމްއާއި ދިމާލަށް ގުދުވެލާފައި ބުންޏެވެ.

ސްކައި ހައުސްގެ ގޭޓުން އަބީގެ ކާރު ދުއްވާލުމާއެކު އީލާމްގެ ހިތުގެ ތެޅުން އަވަސްވެ ، އަތް ފިނިވާން ފެށިއެވެ. އަބީ ގޮސް ގޭ ދޮރުމައްޗަށް ކާރު މަޑުކޮށްލުމަށްފަހު އީލާމްގެ އަތުގައި ހިފާލިއެވެ. ” ބިރުގަނޭތަ ލޯބިކޮޅާ ” އަބީ އީލާމް ކައިރި ސުވާލުކޮށްލީ އަތް ފިނިވެފައި ހުރުމުންނެވެ. އީލާމް ބޯ ޖަހާލީ އާނއެކޭ ބުނާފަދައިންނެވެ. މެހެރޫ ދުވަމުން ކަހަލަ ގޮތަކަށް ގޭގެ ދޮރުމައްޗަށް ނިކުތީ އޭނާގެ ދަރިފުޅު އަބީ އައިކަން އިނގުމުންނެވެ.  އަބީ ކާރުގެ ދޮރު ހުޅުވާލުމަށްފަހު  ނިކުމެ އީލާމް ގެ އަތުގައި ހިފާލިއެވެ. މެހެރޫއަށް ހިނިތުންވުން ފަނޑުވީ އަބީ ކައިރީގައި ހުރި އަންހެން ކުއްޖާ ފެނުމުންނެވެ. އަބީ އީލާމްގެ އަތުގައި ހިފައިގެން އޭނާގެ މަންމަ ކައިރިއަށް ގޮސް ހުއްޓިލިއެވެ. ގޭތެރޭން އެއްވެސް މީހަކު ފެނޭތޯ ބަލާލުމަށްފަހު އަބީ އޭނާގެ މަންމަގެ ގައިގައި ބައްދާލިއެވެ. މެހެރޫގެ ލޮލުން ކަރުނަ ފާއްދާލީ އޭނާގެ ދަރިފުޅު ކިތައްމެ ގިނަ ދުވަހެއްކޮށްފައި ފެނުނަސް ، އޭނާ ދެކެ ވާ ލޯތްބައް ބަދަލެއް ނާންނާތީވެއެވެ. އަބީ އޭނާގެ މަންމަގެ ދެލޮލުން ފާއްދާލި ކަރުނަ ފޮހެލަ ދިނުމަށް ފަހު އީލާމްގެ އަތުގައި ހިފާލިއެވެ. ” މަންމާ މީ އީލާމް ، މައި ވައިފް ، މަންމަގެ ދަނބި ދަރި ” މެހެރޫއަށް ބުނާނެ އެއްޗެއްވެސް ނޭނގުނެވެ. މެހެރޫ ހީކުރި ގޮތާ ހިލާފަށް އަބީ އޭނާގެ އަންބެއްގެ ގޮތުގައި އީލާމް ދެއްކުމުން ވި އުފަލެއް ބުނަންވެސް ނޭނގުނެވެ. މެހެރޫ އީލާމް ގެ މޫނުގައި ހިފަހައްޓާލުމަށް ފަހު ރަނގަޅަށް ބަލާލިއެވެ. އަދި އޭނާގައިގައި ބައްދާލީ ވީ އުފަލެއްގެ ބޮޑުކަމުންނެވެ.  ” މަންމަ ވަރަށް އުފާވެއްޖެ ދަރިފުޅު ރަނގަޅު އަންބެއް އިހްތިޔާރު ކުރީމަ ، އަލީޒާ ދެން މިގެއަށް ނުގެންނާތި ” އީލާމްއަށް މެހެރޫ ދެއްކި ވާހަކައިން އަލީޒާގެ ނަން އައުމުން ހިތަށް އުނދަގޫ އިހްސާސް ތަކެއް ވީކަހަލައެވެ. ” މަންމާ ކޮބާ އަލީޒާ ؟ އަބީ ސުވާލުކޮށްލިއެވެ. ” އަލީޒާ އަށް ނިއު ޔޯކް އިން ވަޒީފާއެއް ހަމަޖެހިގެން ދިޔައީ ، އަބީ ނައިސްގެން ވަރަށް ޝަކުވާ ކުރި ، ބުނި ޗުއްޓީއެއް ލިބިއްޖެއްޔާމް އަންނާނެ ވާހަކަ” މެހެރޫ އޭނާގެ ދަރިފުޅަށް ޖަވާބު ދިނީ އަލީޒާ ނެތީމައި އެކަމާ އުފާވާ ފަދައިންނެވެ. މެހެރޫ އީލާމް ގެ އަތުގައި ހިފައިގެން ގޮސް ގޭގެ ސިޓިންގް ރޫމްގައި އިން ސޯފާގައި އިށީނދެލިއެވެ. ” ދަރިފުޅު މި ގެއަށް މަންމަ ކައިރިއަށް ބަދަލުވާންވީނު ” މެހެރޫ އީލާމް ކައިރީ ބުނެލުމުން އަބީ އޭނާގެ މަންމައާއި ދިމާލަށް އެނބުރިލާފައި ވަރަށް އަވަހަށް މަންމަ ކައިރިއަށް ބަދަލުވާނޭކަމަށް ބުންޏެވެ. އީލާމް އެގޭ ތެރެއަށް ނަޒަރު ހިންގާލިއެވެ. އީލާމް މިހާރު ދިރިއުޅޭ ގެއަށް ވުރެ ބޮޑެވެ. އެންމެ ފަހުގެ ފަރުނީޗަރުން ގޭތެރެ ޒީނަތްތެރިކޮށްފައިވާއިރު ، ގޭގެ އެއްފާރުގައި ފުރާ ފޮޓޯ ހަރުކުރެވިފައިވެއެވެ. އީލާމް މެހެރޫ އާއި ދިމާލަށް އެނބުރިލުމަށްފަހު މިގޭގައި ދިރިއުޅެނީ ކޮންބައެއްތޯ ސުވާލު ކޮށްލިއެވެ. ދެ މީހުން އެ ކަކު އަނެކަކާ އެކި ވާހަކަ ތަކުގައި ތިބިއިރު އަބީ އޭނާއަށް ހާއްސަވެފައިވާ ކޮޓަރިއަށް ވަނެވެ. ވަރަށް ފޮނި އުއްމީދު ތަކާއިއެކު އޭނާގެ މުޅި އާއިލާ ސައުތް އެފްރިކާއަށް ބަދަލު ކުރީ ހުރިހާ އެންމެނަށްވެސް ރަނގަޅު މުސްތަގްބަލެއް ހޯދައިދިނުމަށެވެ. އޭނާގެ މަންމަ މެހެރޫ ، ބައްޕަ  މަހޭޝް ، ދައްތަ ރާކީ އަދި އޭނާގެ ކޮއްކޮ އަމާން ، އަބީ އާއި އެއްކޮށް އެއްގޭތެރޭގައި ދިރިއުޅެމުން ދިޔައިރު ޖެހެމުން ދިޔަ މައްސަލަތަކާއި ހެދި އޭނާ ވަކި ދިރިއުޅުމެއް އިހްތިޔާރު ކުރީ އެއީ އެންމެ ރަނގަޅު ނިންމުމައްވާތީއެވެ. އަބީ ހިޔާލު ތަކައް ގެއްލިފާ ހުއްޓާ ކޮޓަރީގެ ދޮރު ހުޅުވާ އީލާމް އެތެއަށް ވަނެވެ. މުޅި ކޮޓަރީގައި ވަނީ ހުދު ކުލައެވެ . އަޅާފައިވާ ބެޑް ޝީޓްއަކަށްވިޔަސް ، ލާފައިވާ ކުލައަކަށް ވިޔަސް ހުދުކުލައެވެ. އީލާމް އަށް އޯޝަން ރެސިޑެންސް އަށް ވުރެ މިގެ ހިތް ގައިމުކަމަށް ބުނެލިއެވެ. އަބީ އޭނާއާއި ދިމާލަށް ހިނިތުންވުމެއް ދިނުމަށްފަހު އެބަ  އަންނަން ކަމަށް ބުނެ ކޮޓަރިން ނިކުތީ އީލާމް ކޮށްފާނޭ ސުވާލަކަށް ޖަވާބު ދޭން ބޭނުން ނުވާތީވެއެވެ. އީލާމް އެ ކޮޓަރީގެ އެނދާއި ޖެހިގެން އިން މޭޒު ވަތްގަނޑު ހުޅުވާލިއެވެ. އަލްބަމްއެއް ފެނުމުން އޭގައިވާ ފޮޓޯތައް ބެލުމުގައި މަސްއޫލްވެގެން އިނެވެ. އިންޑިއާގެ އެކި މާހައުލްތަކުގައި ނަގާފައިވާ ފޮޓޯތަކުން  އަލްބަމް ފުރާލާފައިވިޔަސް އޭގައި ވަނީ އަބީ އާއި އެކި އަންހެން ކުދިންނެވެ . ހިތް ނުތަނަވަސްވާން ފެށުމުން އިތުރަށް އަލްބަމް ނުބަލާ ލައްޕާލުމަށްފަހު އަބީ ދިޔަ ތަނެއް ހޯދާލުމަށް އީލާމް ކޮޓަރިން ނިކުމެލިއެވެ.

ސްކައި ހައުސްގެ ހިމޭންކަން ފޫ އަޅުވާލީ އަމާންއެވެ. ޢެނާ ނިދައި ހޭލައިގެން ނިކުމެ ތުވާލި ކޮޅު އަނދެލައިގެން ދެކޮޅަށް ބޮސީވެގެން ހިނގަމުން ދިޔައިރު ގޭގައި އިތުރު ބަޔަކު އުޅޭ ކަމެއް ނޭނެގެއެވެ އީލާމް ކޮޓަރިން ނިކުމެ ސިޑިން ފައިބަން ދިޔަ މަގުމަތީގައި އަބީ ފެނުނު ހެން ހީވެގެން އެދިމާލަށް ބަލާލިއެވެ. ” އަބީ ކޮބާ ހެދުން ” އީލާމް ނުރުހިފައި އަބީ ހުރި ހިސާބަށް ދިޔައެވެ. އަމާން އަށް ފަހަތަށް ބަލާލެވުނީ އަންހެން ކުއްޖަކު އޭނާއަށް އަބީ ކިޔައިގެން ނުރުހިފައި ވާހަކަ ދައްކަމުން އޭނާއާއި ދިމާލަށް އަންނާތީވެއެވެ. އީލާމް ކުރިއަށް އެޅި ފިޔަވަޅު ފަހަތަށް ޖެހުނީ އަބީ ނޫންކަން ޔަގީންވުމުންނެވެ. “ހާދަ ވައްތަރޭ އަބީ އާ ” އީލާމް އަށް ހިތާ ހިތުން ކިޔާލެވުނެވެ. އީލާމް ސިޑިން ފައިބަން ދާން މިސްރާބު ބަދަލު ކޮށްލުމުން ” ހެލޯ ބިއުޓިފުލް ، ކާކު ހޯދާލަނީ ،އަނެއްކާ އަބީގެ ދުވަސްކޮޅެއްގެ މެހެމާނެއްތަ” . އީލާމް އަށް އިވުނު ވާހަކައިން އަބީ ވަރަށް ކުދިންނާއި ގުޅުން ބާއްވާކަމަށް ގަބޫލު ކުރެވުނެވެ . އިތުރަށް އަނގައިން ނުބުނެ އީލާމް ދާން ފެށުމުން އީލާމްގެ ފަހަތުން އަމާން ހިނގަމުން އައެވެ . އަމާންއަކީ އޭނާ ހިތް ނުރުހޭ ކަމެއް ދިމާވެއްޖެއްޔާމް ، އޭނާގެ ރުޅި އެހެން މީހުންނަށް އަނިޔާ ވާގޮތަށް ދައްކާ މީހެކެވެ.އީލާމް އަށް އަބީ ފަނުމުން ދުވެފައި ގޮސް އޭނާގެ ގައިގައި އޮޅުލައިގަނެވުނެވެ. އަބީ އީލާމްގެ އިސް އުފުލާ ކިހިނެއްވީތޯ ސުވާލު ކޮށްލިއެވެ.  އަމާން އޭނާގެ ބޭބެ އާއި ދިމާލަށް ހިނގާލަފައި އަންނަތަން ފެނުމުން އަބީއަށް ކަންތައްވީގޮތް ނަގައިގަންނަށް އުނދަގުލެއްނުވިއެވެ.

” އީލާމް މީޓް މައި ބްރަދަރ އަމާން ” އަބީ އެހެން ބުނެލުމަށްފަހު ، އަމާން އާއި ދިމާލަށް އެނބުރިލާފައި ބުނެލިއެވެ.” އަމާން ، ދިސް އިޒް މައި ވައިފް އީލާމް ”  އީލާމް އަށް ބުނާނެ އެއްޗެއްވެސް ނޭނގުނެވެ. އަމާން ލާނެއް ހިނިތުންވުމެއް އީލާމް އަށް ދިނުމަށް ފަހު އަބީގައިގައި ބައްދާލީ ދެ މީހުން ބައްދަލު ނުވާތާ ގިނަ ދުވަސްވެފައި ފެނުމުންނެވެ. އީލާމްއަށް އަބީ ދެކެ ބޭ އިހްތިޔާރުގައި ރުޅި އާދެވުނެވެ. އާއިލާ އެއްވެސް މީހަކާ ބެހޭ ގޮތުން އީލާމް އާއި ހިއްސާ ނުކޮށް އޮތީމައެވެ.އޭނާގެވެސް މައްސަލައެވެ. އަބީ އާއި ބެހޭގޮތުން މާގިނަ ކަންތައްތަކެއް ނޭނގެނީސް ކައިވެނި ކުރެވުނީމައެވެ.  އަމާން އީލާމް އާއި ސަލާމް ކޮށްލުމަށްފަހު ކެއުމުގައި ބައިވެރ ވުމަށްފަހު ދިއުމަށް އެދުނެވެ.

ސްކައި ހައުސްގެ ސުފްރާމަތި ތައްޔާރުކުރަމުން ދިޔައިރު މެހެރޫ އޭނާގެ ދަނބި ދަރިފުޅު އީލާމްގެ އަތުގައި ހިފައިގެން ހުރެ އެކި ކަންކަމާ ވާހަކަ ދައްކަމުން ދިޔައެވެ. ޑރ. މަހޭޝް މެންދުރުގެ ކައުމަށް ގެއަށް ދުރުވީ މެހެރޫގެ ފަރާތުން އަބީ އައިސް އުޅޭ ހަބަރު ލިބުމުންނެވެ. ރާކީ އާއި އޭނާގެ ފިރިމީހާ ނިކިލް އައިސް ގޮނޑީގައި އިށީދެލުމަށްފަހު އީލާމް އަށް ދިމާލަށް ބަލާލިއެވެ. ކާ މޭޒު ކައިރިއަށް އެންމެން ހަމަވުމުން އަބީ ކޮއްޅަށް ތެދުވެލުމަށްފަހު އީލާމްގެ ތައާރަފްއެއް ދިނެވެ. ޑރ.މަހޭޝް އީލާމް އަށް ބަލާލުމަށްފަހު އިސްޖަހައިގެން އިނދެ ކެއުމުގައި މަސްއޫލްވިއެވެ. އަބީ އަށް އޭނާގެ ބައްޕަ ނުރުހުނުކަން އިނގުމުން މޭޒު މައްޗަށް ވެރިވެފައިވާ ހިމޭންކަން ނައްތާލުމަށްޓަކައި އެކި ވާހަކަ ދައްކަމުން ދިޔައެވެ. ރާކީ އީލާމް އަށް މުހާތަބްކޮށް ކައިވެނި ކުރީ ކޮންއިރަކު ތޯ ސުވާލުކޮށްލިއެވެ. އީލާމް ގެ ޖަވާބުން ކާން ތިބި އެންމެނަށް އޭނާއާއި ދިމާލަށް އެއްފަހަރާ ބަލާލެވުނެވެ.