Skip to content
އެސްފިޔަ

ލޯބީގެ ޙިމާޔަތުގައި (ފުރަތަމަ ބައި)

ހަނދުވަރު ތޫނު މޫސުމް ރީތި ރެއެކެވެ. ފެހީގެ ވާދީތަކާއި ފެނާރުތައް ފަސްދެމުން ވައިސޫރިއެއްހެން އޮމާން ދުވެއްޔެއްގައި ހަލުވިކަމާއެކު ދުވަމުންދިޔަ ކަޅުކުލައިގެ ބެންޒް ކާރެއް ނިއުޒީލެންޑްގެ ހައިބަތުހެޔޮ ގަނޑުވަރެއްފަދަ ގޭގެ ޕޯޓިކޯ ކުރިމައްޗަށް ހުއްޓާލައިފިއެވެ. ހަގީގަތުގައި އެއީ މީހުން ދިރިއުޅޭ ގަނޑުވަރެއް ނޫނެވެ. ޝާހީ ކުލަތަކުން ފަވާލެވިފައިވާ، އަމިއްލަވަންތަ އިހުސާސެއް ގެނުވާލަދޭނެ، ގަނޑުވަރެއްފަދަ ބިޔަ ރެސްޓޯރެންޓެކެވެ. ލޯބިވެރިންގެ ޚާއްޞަ ސަމާލުކަމެއް މި ރެސްޓޯރެންޓަށް ލިބިފައިވަނީ  އެވެރިންގެ ލޯބީގެ މާތަށް އެންމެ ހުވަފެނީ ގޮތެއްގައި ފޮޅުވާލަދޭނެ މެހެފިލް އަކީ މިއީ ކަމުގައި ގަބޫލުކުރެވިފައިވާތީއެވެ.

ރެސްޓޯރެންޓްގެ ފުޅާ ގޯތިތެރޭގައި ހައްދާފައިވާ ގަސްގަހުގައި ފޮޅިފައިވާ މާތަކުން މުޅި ހިސާބަށް ފެތުރިފައިވާ މީރުވަހުން ބަހާރު މޫސުމުގެ އުފާވެރިކަން އޭގެ ހަގީގީ މާނައިގައި ލިއްބައިދީފައިވެއެވެ. ކާރުގެ ދޮރު ހުޅުވާލުމަށްފަހު، އެއިން ނުކުތް ސަމައްތަރުހެޔޮ، ރީތި ޒުވާނާ ނިކަން ފަރިތަކަމާއެކުގޮސް ކާރުގެ އަނެއްފަރާތު ދޮރު ހުޅުވާލަދީފިއެވެ. އެއާއެކު ޒުވާނާގެ އަތްތިލައިގައި ލުއިގޮތަކަށް ހިފަހައްޓާލައިގެންހުރެ ކާރުން ފޭބި ޖިންސުއްލަތީފުގެ ރީތިކަންފެނި ރަނިކަމުގެ ތަހުތެއްގައި ފަލަކުގައި އިނދެ ރަނިކަންކުރަމުން ދިޔަ ރީތި ހަނދުވެސް ވިލާކޮޅާކާ ނިވާވެލިފަދައެވެ. ލައިގެންހުރި ޗެރީ ރަތްކުލައިގެ ދިގު ގައުންގައި ޒުވާނާ ފެންނަލެއް އެހާވެސް ފުރިހަމައެވެ. ކަޅުކުލައިގެ ދިގު އިސްތަށިގަނޑު ބޮލުމެދަށް ނަގައި ޖަހާފައިވާ ހުޅިއާއެކު ނިއްކުރީގެ ދެއަރިމަތިން ތިރިއަށް ދޫކޮށްލެވިފައި ވާ އިސްތަށިކޮޅުން ހެދުމުގެ ޒީނަތްތެރިކަން ފުރިހަމަކޮށްދީފައިވެއެވެ. ބަދަންކުލައިގެ ދިގުކަނދުރާގެ ވަށައިގެން ޒުވާނާގެ ޖާދުލެއްފަދަ ދޮންކަން ފާޅުވަމުންދިޔައެވެ. ދިގު އެސްފިޔަތަކުން ހިޔާއެޅިފައިވާ ބޮޑު ދެލޮލުގެ ކަޅިރަވައިގެ ތޫނުކަމާހެދި ފެންނަ ކޮންމެ ހިތެއް އެ ރީތިކަމަށްޓަކައި ފިދާކުރުވާހާ ވަރުވެއެވެ.

ލަސް ހިނގުމެއްގައި ރެސްޓޯރެންޓް ތެރެއަށް ވަދެގެން ދިޔައިރު ދެ ޒުވާނުންގެ ދެމެދަށް ވެރިވެފައިވަނީ އާދަޔާ ޚިލާފް ހިމޭންކަމެކެވެ. ރަތްދޫލައިގެ މަރުހަބާއަކުން، އެ ޝާހީ ގަނޑުވަރެއްފަދަ ރެސްޓޯރެންޓް ދެ ޒުވާނުންނަށް އިސްތިޤުބާލުކުރަމުން ދިޔައިރު، ރަންކުލައިގެ ޗާންދަލިޔާތަކުން ފެތުރިފައިވާ ފަނޑު ރަން، އަލިން ތަނުގެ މާހަވްލު އިތުރަށް ހިތްގައިމުކުރުވާފައިވެއެވެ.

މަޑު ހިނގުމެއްގައިގޮސް ދެ ޒުވާނުން ރެސްޓޯރެންޓްގެ ވަރަށް އެކަހެރިކޮށް އިން މޭޒެއްގެ ދޮށުގައި އިށީންދެލައިފިއެވެ.

“އާޝީ މިރޭ ހާދަ ރީއްޗޭ…” ފުން ނޭވާއެއް ބޭރުކޮށްލަމުން، ކުރިމަތީގައި ދިއްލާފައިވާ އުއްބައްތީގެ އަލި އެޅިފައިވާ އާޝިޔާގެ ރީތި މޫނަށް ނިކަން ފުން ނަޒަރަކުން ބަލައިލަމުން މަޑުމަޑުން ޒުވާނާ ބުނެލިއެވެ. ޒުވާނާގެ ތޫނު ދެލޮލުގެ ބެލުންތަކުން އާޝިޔާ ރަކިވާގޮތްވިއެވެ.

” ޒަފަރުވެސް….” ލަދުރަކި ހިނިތުންވުމަކާއެކު، އިސްޖަހާލަމުން އާޝިޔާ މަޑުމަޑުން ބުނެލިއެވެ. މިރޭގެ މިވަގުތުގައި އޭނާގެ އަތްފައި ފިނިވެ، ހިއްސުތަކަށް ވަރުބަލިކަން އިހްސާސް ކުރެވިފައިވާފަދައެވެ. މޭގެތެރޭގައި އޮވެ އެހިތް ބާރު ބާރަށް ތެޅެމުންދަނީއެވެ. ކޯޅުމާއި ރުޅިވެރިކަމުން ފެށުނު ގުޅުމެއް މިހާ ކުއްލި ގޮތަކަށް ތަރައްޤީވެ ބަދަހިވެގެންދިޔަ ގޮތާމެދު އާޝިޔާ އިނީ ހައިރާންވެފައެވެ. އެކަކު އަނެކަކަށްޓަކައި ހިތު ވިންދު އަވަސްވެ، މިހެން ކުރިމަތީ ތިބެ ފެނިދެނިވުމަކުން އުފާލިބިގަނެވިދާނެކަމާމެދު އެމީހުން ދުވަހެއްގައިވެސް ފިކުރުކޮށްފައެއް ނުވެއެވެ.

*********

ދުވަހަކީ ޖުލައި މަހުގެ ނަވާވީސްވަނަ ދުވަހެވެ. ފިނިމޫސުމުގެ ފިނިން އާޝިޔާ ތުރު ތުރު ލަމުން ދިޔައެވެ. ލުއިކޮށް އައިސް އޮހެމުންދިޔަ ސްނޯގެ އެތި އެތި ކޮޅުން، ލައިގެން ހުރި ބޯ ލެދަރ، ގަދަ މުށިކުލައިގެ ޖެކެޓް ހުދުވަމުން ދިޔައެވެ. މި މާހަވްލު އޭނާއަށް ވީ އަޖާއިބަކަށެވެ. ސްނޯ ވެހެން ފެށުމުުން، މޫނު މައްޗަށް އުފުލާލައިގެން އިރުކޮޅަކު އޭނާއަށް ހުރެވުނީ އެހެންވެއެވެ. މިއީ އޭނާ މިކަހަލަ ފިނި މާހަވްލަކަށް ނޭވާލި ފުރަތަމަ ފަހަރެވެ. ނިއުޒިލެންޑްގެ ޔުނިވަރސިޓީ އޮފް އޯކްލެންޑުގެ ބިޒްނަސް ސްކޫލުން އެމްބީއޭ ހަދަން ފުރުސަތު ނުލިބުނު ނަމަ، މި އީ އޭނަ ހުވަފެނުންވެސް ދެކޭނެ މަންޒަރެއް ނޫނެވެ.

ސްނޯ ވެހުން ބޯވެ، ފިނިން ހަށިގަނޑު ރައްކާތެރި ކުރުމަށްޓަކައި، އޯކްލޭންޑް ޔުނިވާސިޓީގައި އާޝިޔާ ހުންނަން ހަމަޖެހިފައިވާ ހޮސްޓެލްގެ ތެރެއަށް ވަނުމަށްޓަކައި އެޅި ފުރަތަމަ ފިޔަވަޅާއެކު ނިކަން ހަލުވި ކަމާއެކު، ފަހަތުން އައިސް އެތެރެއަށް ވަންނަންއައި މީހެއްގެ ގައިގައި އާޝިޔާ އަޅައިގަތެވެ. އެވަގުތު އޭނާގެ އަތުން ހިފަހައްޓަލައިގެން ހުރި ކަޅު ލަގެޖް ސްނޯއިން ފޮރުވިފައިވާ ހިލައިގެ ތަޅުމުގައި ޖެހުނުގޮތުން ލަގެޖްގެ ޒިޕް ހަލާކުވެ ކޮންމެވެސް ވަރަކަށް ޒިޕް ކެހުނެވެ. އެއާއެކު ގުދުވެ ލަގެޖް ނަގަން ހިފާލެވުނު ގޮތުން ޒިޕްކެހި، ފޮށީ ހުޅުވިއްޖެއެވެ. ފޮށީތެރޭގައި ހުރި އާޝިޔާގެ އެންމެ ޕްރައިވެޓް ތަކެތި ހާމަވާ ގޮތް ވުމުން އަވަސްއަވަހަށް ފޮށި ލައްޕާލައި ކޮޅަށް ތެދުވެ ހިންދެމިލި ވަގުތު، ފޮއްޓަށް ބަލަހައްޓައިގެން ވަގު ހިނިއައިސްހުރި ޒުވާނާ ފެނުމުން އާޝިޔާ ރުޅިއަންނަ ގޮތްވިއެވެ.

” ތަންކޮޅެއް ބަލައިގެން އުޅެން ވެއްޖެއެއްނު…” ޒުވާނާ ބަލަން ހުރި ކަން އެނގުމުން އާޝިޔާ ލަދުގަންނަ ގޮތްވިޔަސް، އޭނާގެ މޫނުމަތިން ދެއްކީ ރުޅިވެރިކަމެވެ. ހުރެވުނީ އެހެން ގައުމެއްގައިކަންވެސް ހަނދާންނެތި، އާޝިޔާ ވާހަކަ ދެއްކީ ދިވެހި ބަހުންނެވެ.

” އޯހް… ދިވެއްސެއްދޯ! ހީކުރަން ދިމާވާނެކަމަށް….މިސް ޕިންކީ…!!” ހެވިފައި ހުރެ ކަޅުކުލައިގެ ބޯލެދަރ ހޫޑީ ޖެކެޓުގެ ހުޑް ފަހަތަށް ވައްޓަލައި، ދެޖީބަށް އަތް ޖަހާލަމުން ދިވެހި ބަހުން ޒުވާނާ އެހެން ބުނި އިރުވެސް ހުރީ ހެވިފައެވެ. ފޮށީ ގެ ތެރެއިން ފެނުނު އެއްޗެހީގައި ގިނައިން ހުރީ ފިޔާތޮށި ކުލަކަމަށްވާތީ، އާޝިޔާއަށް އެންމެ މަޤުބޫލުކުލައަކީ ފިޔާތޮށި ކުލަކަން ޒުވާނާ ދެނެގަތެވެ.

“ހެލްޕެއް ބޭނުންތަ؟…” ގުދުވެލާފައި، އާޝިޔާގެ ފޮށީގައި ޒުވާނާ ހިފިއެވެ. އެވަގުތު ވިހައެއް ކެވިގެން ތެޅި ފޮޅި ގަންނަ ފަދައިން އާޝިޔާ ޒުވާނާގެ އަތް ފޮޅުވާލަމުން ފޮށީގައި އަތް ނުލުމަށް ބުނާ ބީދައިން ލޯއަޅަލިއެވެ.

” އައްދޭ! ހާދަ ޕްރައިވެޓޭޭ ދޯ…. އޯކޭ.. އޯކޭ…” ދެއަތް މައްޗަށް އުފުލާލަމުން ޒުވާނާ ކޮނޑު އަރުވާލިއެވެ.

” ބައިދަވޭ! މަގޭ ނަމަކީ ޒަފަރު! ހީވާގޮތުން މި ޔުނިވާސިޓީގަ އަހަރެމެން ދެމީހުން ނޫން ދިވެއްސަކު ނޫޅޭ! އެހެންވީމަ އަހަންނަށް ހީވަނީ ދެމީހުންގެ ދެމެދު ރައްޓެހިކަން އޮތުން މުހިންމުހެން… ކޮން ނަމެއްތަ ކިޔަނީ.؟؟؟؟. މިސް ޕިންކީކީކީ….!!”  އާޝިޔާގެ ޅަމިޒާޖު ފެނި އެކުވެރިކަމެއް ފަށަން ބޭނުންވެފައި ވިޔަސް  ޒަފަރު އެހެން ބުނެލީ ސަމާސާގެ ރާގެއްގައި އާޝިޔަގެ ކަންފަންދަށަށް ގުދުވެލަމުންނެވެ. އާޝިޔާ ހުރީ ޒަފަރު އެތަނުން ނުގޮސްގެން ފޫހިވާ ގޮތް ވެފައެވެ. އަނެއްކޮޅުން މިފިނިން އޭނާގެ ތުނި ޖިސްމު ހީވަނީ ގަނޑުވެދާނެހެންނެވެ.

” މަށަކަށް ހިއެއް ނުވޭ ތިހެނެއް! ދެން ދާން އުޅޭބަ މިތަނުން…” އަޑަށް ތަންކޮޅެއް ބާރު ލަމުން އާޝިޔާ އެހެން ބުނެލުމާއެކު، ޒަފަރު ސިހޭގޮތް ދައްކާލިއެވެ.

“މުހަންމަދު އާޝިޔާ…. އާޝިޔާ މުޙަންމަދު ދޯ…!” އެވަގުތު ގުދުވެލުމަށްފަހު ސްނޯތަކުގެ މައްޗަށް ވެއްޓި ހުޅުވިފައިވާ އާޝިޔާގެ ޕާސްޕޯޓުގައި އިން ނަން ޒަފަރު ކިޔާލިއެވެ. އާޝިޔާ ޖެކެޓްގެ ޖީބުގައި އަތް ހާކާލަމުން ޕާސްޕޯޓުނަގައި އަނެއްކާވެސް އެ ޖީބަށް ލިއެވެ.

އާޝިޔާ… އާޝި… މިސް ޕިންކީގެ ނަންވެސް އެނގުނީނުމި…!” އޭނާއާ ދިމާއަށް ލޯއަޅައިގެންހުރި އާޝިޔާއަށް ބަލައިލަމުން ލާނެތް ހިނިތުންވުމަކާއެކު ހެމުން ޒަފަރު ދުރަށް ހިނގައިގަތެވެ. އަދި ހޮސްޓެލްގެ މެއިން ގޭޓުން ތަނބުތަކަކުން ހަދާފައިވާ ދިގު ކޮރިޑޯގެ ތަނބަކާ ނިވާވެގެން ހުރެ  އާޝިޔާ ކުރާކަމެއް ބަލަން އޭނާ ހުއްޓެވެ.

ޒަފަރު އެތަނުން ދިއުމުން އާޝިޔާ ދަބަހުގެ ޒިޕް ހެދޭތޯ ކުރި މަސައްކަތް ވީ ބޭކާރެވެ. ހުޅުވިފައިވާ ފޮއްޓެއް އަތަށް ނަގައިގެން ގެންދާނީވެސް ކިހިނެތް ހެއްޔެވެ؟ އަނެއްކޮޅުން އެފޮށި އެހާ ބަރު ވިއްޔާއެވެ . މާލެއިން މިކޮޅަށް އައި އިރު ފޮށިތައް އުފުލަދޭނެ ކުއްޖަކު ހަމަޖައްސާނެކަމުގައި ދަތުރު ހަމަޖެއްސި ފަރާތުން ބުނި ނަމަވެސް، އެކަހަލަ އެއްވެސް އިންތިޒާމެއް ހަމަޖެހިފައެއް ނުވެއެވެ. އަނެއްކާ އެހީއަކަށް އެދޭނީވެސް ޚާކު ކައިރީގައިހެއްޔެވެ؟

“އައުޗް..!!” ވިސްނުމާ ފިކުރެއްގެ ތެރޭގައި ހަދާނެގޮތް ހުސްވުމުން އާޝިޔާއަށް ނިޔަފަތިކަމުންގޮސް ކުޑަވައިއިނގިލިން ހަންކޮޅެއް ދަމައިގަނެވުނު އިރުވެސް ނޭނގުނެވެ. ފިނިބޮޑުވެ ރޫރޫ އަޅަންފެށުމުން ޒަފަރުގެ އެހީތެރިކަން ލިބިގަނެވުނު ނަމައޭ އާޝިޔާގެ ހިތަށް އެރިއެވެ. އެއާއެކު ފޮށީތެރެއިން މައްޗަށް ވާގޮތަށް ހުރި އޭނާގެ ޒާތީކަން ބޮޑު ހުރިހާ އަންނައުނެއް ފޮށީގެ އެންމެ އަޑިއަށް ލައިފިއެވެ.

“މިތަނުގަ އުޅޭ މީހުން ނޫޅޭނެ ތި އެއްޗިއްސަށް ބަލާކަށް.. މިއީ ރާއްޖެއެއް ނޫނެއްނު! އެހެން ނޫނަސް ތި ހުރިހާ އެއްޗެއްގެ ކުލަ މިހާރު މަށަށް އެނގިއްޖެ…! ” ކުރިމަތީ ހުރި ޒަފަރު ފެނުމުން އާޝިޔާ ސިއްސައިގެން ދިޔަވަރުން ޚުދު އޭނާވެސް ހިނިއައެވެ.

“ހިލަ އަޅައިގެންތަ ތިއުޅެނީ؟!” ދެއަތުން ހިފައި ފޮށި ނަގަމުން ޒަފަރު އެހެން ބުނެލުމުން އާޝިޔާ އެއްޗެއް ބުނަން އަނގަ ހުޅުވާލުމަށް ފަހުވެސް އަނގަ ހިމޭނުން ލިއެވެ. ޒަފަރުގެ އަނގައިން ނާރާނެހެން ހީވާތީއެވެ. ހޮސްޓެލްގެ ކޮރިޑޯ ތެރެއިން އަންހެންކުދިންގެ ރޫމްތައް ހުންނަ ހަމައަށް އާޝިޔާގެ ފޮށި ގެނެސް ދިނުމަށްފަހު ޒަފަރު ސަލާމަށް އަތް ދިއްކޮށްލިއެވެ. އެ އަތުގައި ހިފުމުގެ ބަދަލުގައި ހަމަ ކުރިންވެސް ދެލޯ އަޅާލިގޮތަށް ދެލޯ އަޅާލުމަށްފަހު، އޭނާ ކޮޓަރިތެރެއަށް ވަދެގެން ހިނގައްޖެއެވެ. ޒަފަރު ދާން ހިނގައިގަތުމާއެކު އާޝިޔާ ކޮޓަރިތެރެއިން ބޯދީ ބަލައިލިއެވެ. އާޝިޔާގެ ތުންފަތުގައި ކުޅެލި ލުއި ހިނިތުންވުމާއެކު އަނެއްކާވެސް ކޮޓަރިއަށް ވަދެގެން ހިނގައްޖެއެވެ. ކޮޓަރިއަކީ ޕްރައިވެޓް ރޫމެއް ކަމަށްވަތީ، މިނިވަންކަމާއެކު އެ ފުރިހަމަ ކޮޓަރީގެ ކުޑަ އެނދުގައި އާޝިޔާ އޮށޯވެލިއެވެ.

ޖެހިގެން އައި ދުވަހު ޔުނިވާރސިޓީގެ ފުރަތަމަ ގަޑިއަށް ހާޒިރުވާންޖެހޭތީ އާޝިޔާ އިނީ ކޮންމެވެސް ވަރަކަށް ހާސްވާގޮތްވެފައެވެ. ގާތް ރައްޓެއްސެއްވެސް ނެތް މި މާހަވްލަށް އޭނާއަށް އަދި ވަރަށް އަލެވެ. ކުޑަނަމަވެސް ހިތްހަމަޖެހުމެއް އޭނާގެ ހިތަށް ލިބިފައިވަނީ، ކޯސް އިންތިޒާމު ކޮށްދިން ފަރާތުން މިތަނުގެ ކަންކަން ކޮންމެވެސް މިންވަރަކަށް ކިޔާ ދީފައިވާތީއެވެ. ހެނދުނު ދިހައެއް ޖެހިއިރު އޮތް ގަޑިއަށް  ކްލާސް އޮންނަ ހޯލްތެރެއަށް ވަދެވުމާއެކު އާޝިޔާއަށް ދެބުމަ ގޮށްޖަހާލެވުނެވެ. ފަސްސަތޭކައެއްހާ ކިޔަވާކުދިން ތިބޭނެކަމަށް ލަފާކުރެވޭ އެ ބޮޑު ހޯލްވަނީ އެކި ނަސްލުގެ ޒުވާނުންނައިގެން ފުރިފައެވެ.

އެއްވެސް މީހެއްގެ މޫނަށް ބެލުމެއްނެތި މަޑު ހިނގުމެއްގައި ގޮސް އެންމެ ފުރަތަމަ އޭނާގެ ލޮލުގައި އަޅައިގަތް ހުހަށް އިން ގޮނޑީގައި އިށީންދެލި ބާރުމިނުގައި  އޭނާއަށް ކޮޅަށްްވެސް ތެދުވެވުނެވެ. އަދި ދެ ލޯ ބޮޑުކޮށްލެވުނެވެ.

ނުނިމޭ

 

 

 

މިވާހަކައިގެ ދެންއޮތް އެޕިސޯޑުގެ ލިންކު ކޮމެންޓް ސެކްޝަންގެ ތިރީގައި ވާނެއެވެ.

Comments (28)

  1. Lam

    Waiting

    1. Rau
      Lam

      🙂

  2. Aish

    Wow Rau u r back duo.

    1. Rau
      Aish

      yes Aish i m back… hehe 😛

  3. ..

    salhi feshume
    waiting for next ep

    1. Rau
      ..

      thanx dear

  4. ..

    komme duvahaku upkodhenan dw

    1. Rau
      ..

      time vanyaa ingey …. 😉

  5. Xxxx

    V.nice beginning… waiting 4 next part??????

    1. Rau
      Xxxx

      thanx dear <3 😀

  6. Rau

    assalaam alaikum all…
    Rau ge mivaahaka ves hurihaa kudhinnah kamudhaane kamah heekuran… 🙂 thikudhinge comment v beynun… hehehhe 😉 😛

  7. Ish

    Mivaahaka bodah vaththaree ehen meehehge liyumun nakal kohfa oiy echhakaa…faharehga vedhaane tharujamaa eh kamahves noonee…kureege liyuntheri ehge basmagu tharujama nakal kohfa huree kamahves…rauge kureege vaahakaya alhaabalaairu liyuntherikan v thafaathu…

    1. Rau
      Ish

      Ish
      mivaahaka akee hama Rau ge vaahakaeh… 🙂 kuryge dhivehi liyuntherin ge liyunthah Rau ah varah kamudhey… eliyuntherin ge liyunthah ves v ginain kiyey… ehenveema kamahves vedhaane… heheh.. ekm Ish thihen buny negative koh or positive koh viyas Rau v ufaavehje thihen bunyma… heheh 😀 🙂 … May Allah bless you <3

    2. Ish
      Ish

      Ish ehen bung positive koh nd happy? ? to say Rau Comment positive koh neygyma vvv salhi when nxt part
      Waiting……….

  8. Aya

    V molhu Rau kureege style eh innaathee v v kiyaahievejja. Waiting

  9. Mansh

    Vaahakage feshun reethi

  10. Amin

    Reethi.. Faahaga kurevey emme kushe ves neh.. Baraabar

    1. Rau
      Amin

      thanx dear… 😀

  11. Yayya

    V furihama reethi vaahakae. RAU ge faraathun ummeedhu Kurt fenvaruge vaahakaeh

    1. Rau
      Yayya

      thnx dear… 😀

  12. Yayya

    Rau ge faraathun ummeedhu kuri fenvaruge vaahakae. V furihama

  13. maroon

    V reethi ?

    1. Rau
      maroon

      thnk u maroon dear… and ur story is fab hama… 😀

  14. Xidhan

    Vaahakaiga varah classic goteh huri kamah faahaga kurevey umeedhu kuran kuriyah oihthanuga vaahaka salhi gothakah gendhaane kamah..☺☺
    Guud luck rau

    1. Rau
      Xidhan

      Thanx dear… masaikai kuraanan vaahaka migothuga kuriah gendhan.. hehe 😀

  15. naaaz

    V salhi keep it up Rau

    1. Rau
      naaaz

      thanx dear

  16. Hafeez

    Mi part hama Varah Reethi. Ekamaku rau ge liyun Kureege vaahaka aa alhaa balaairu varah thafaathu.

Comments are closed.