“ކިސްއެއް ދީ.. މިތަނަށް.. އޭރުން އެއްވެސް ބަހަނާއެއް ނުދައްކާ ދާނަން..” ތުންފަތުގައި ޝަހާދަތް އިނގިލި ޖައްސާލަމުން ޔޫޝައު ލާނެތް ގޮތަކަށް ހީލާފައި އެހެން ބުނެލުމުން އައިކާއަށް ދެލޯ ބޮޑުކޮށްލެވުނެވެ. އައިކާ ޔޫޝައުއާ ދިމާއަށް އިލޮށިފަތި މަޅައިގަތުމާއެކު ޔޫޝައު ދުއްވައިގަތެވެ. އައިކާވެސް ޔޫޝައުގެ ފަހަތުން އިލޮށިފަތި ހިފައިގެން ދުއްވައިގަތެވެ. ދެމީހުން ދުވަމުން ގޮސް ޔޫޝައު އުޅޭ ގެ ހުންނަ މަގަށް ލަނބާލިތަނާ އެމަގުން ނުކުތް މީހެއްގެ ގައިގައި ލައިގެންފައި ޔޫޝައު އެމީހާއާއެކު ވެއްޓުނެވެ. އައިކާވެސް އައި ބާރުމިނުގައި ކޮންޓްރޯލް ނުކުރެވި ޔޫޝައުގެ ގައިގައި އަޅައިގެންފައި ވެއްޓުނީ އަނެއްމީހާގެ ގައިމައްޗަށެވެ. އައިކާ ވެއްޓުނު ވަގުތު އޭނާގެ އަތް ވިދުނު ގޮތަކުން އަތަށް ތަދުވިއެވެ. ނަމަވެސް ހިތްވަރުކޮށްފައި ތެދުވަންވެގެން ބިންމަތީގައި އަތް ވިއްދާލިއެވެ. އޭނާގެ މޫނުމައްޗަށް އިސްތަށިގަނޑު މޫނުމައްޗަށް ވެރިފައި އޮތުމުން ދެމީހުންނަކަށް ދެމީހުންގެ މޫނެއް ނުފެނެއެވެ.
“އައްދޯއި.. ނަގޫ**..” އައިކާގެ ތެދުވަންވެގެން ހިފާލި ވަގުތު އޭނާގެ ފައި އެޅުނީ އެޒުވާނާގެ އެންމެ ނާޒުކު ދިމާގައެވެ. އެވަގުތު އެޒުވާނާގެ ދުލުން ހުތުރު ބަސްތަކެއް ބޭރުވިއެވެ. އައިކާއަށް އެއްވެސް އެއްވެސް އިޚްތިޔާރަކާއިނުލާ އެޒުވާނާގެ މޫނަށް ބަލާލެވުނެވެ. އެވަގުތު އޭނާއަށް ސިހުމެއް ލިބުނީ އެއީ މާޒްކަމަށް ވީތީއެވެ. މާޒްގެ ދުލުން އެފަދަ ހުތުރު ބަހެއް އޭނާ އަޑުއެހި މީ ފުރަތަމަ ފަހަރެވެ. އެހެންކަމުން އޭނާއަށް ހައިރާންކަމާއެކު މާޒްއަށް ބަލަން އޮވެވުނީއެވެ.
“އައްދޯއި.. އާހް..” މާޒްއަށް އެދިމާގައި އަތްއަޅަމުން އެއްވެސް އިޚްތިޔާރަކާއިނުލާ ބުނެވުނެވެ.
“ތަންކޮޅެއް ބަލާލައިގެން އުޅެބަލަ..” މާޒް ރުޅިވެރިކަމާއެކު ބުނެލަމުން އައިކާއާ ދިމާއަށް ބަލާލިއެވެ. މާޒްއަށް އެއީ ކާކުކަން އެނގުމާއެކު ވަގުތުން އޭނާގެ ރުޅިގަނޑު ފިނިވެއްޖެއެވެ.
“އިކާ! ތަނަކަށް ތަދުވިތަ؟” މާޒް އޭނާއަށް ވަމުންދިޔަ ތަދަކަށް ނުބަލާ އައިކާއަށް ސަމާލުކަންދީ އައިކާގެ ތަނަކަށް ތަދުވިތޯ ސުވާލުކުރިއެވެ. އޭރު ޔޫޝައުވެސް ތެދުވެގެން އައިކާ ނެގުމަށްޓަކައި ގާތްވަނީއެވެ.
“ނޫން.. އެކަމް ސޮރީ.. ގަސްތުގައެއް ނޫން..” މާޒްއަށް ވަރަށް ތަދުވާނެކަން ވިސްނުމުން އައިކާ ބުނެލިއެވެ.
“އިޓްސް އޯކޭ.. ސޮރީ އަހަރެންނަށް އެކަހަލަ އެއްޗެއް ބުނެވުނީމަ.. ގަސްތަކު ނޫން..” ނޭނގުމެއްގެ ތެރޭގައި ނަމަވެސް އޭނާއަށް އައިކާއާ ދިމާއަށް އެފަދަ އެއްޗެއް ކިޔުމުން މާޒް ދެރަވިއެވެ.
“އިކާ އޯކޭ ދޯ؟ މާޒް އޯކޭތަ؟” ޔޫޝައު އައިކާ ނަގާފައި މާޒް ތެދުވަން އަތް ދިއްކޮށްލަމުން އަހާލިއެވެ.
“އޯކޭ ވާނީ މިވަރަކަށް.. މަގޭ ދުވަސް ކިރިޔާ ނުދިޔައީ.. އެކަމް ދެން އިކާ ވީމަ މާފުކޮށް ހިތްހެޔޮކޮށްފިން..” މާޒް އެހެން ބުނެލާފައި އެނބުރި ގެޔާއި ދިމާއަށް ދާން ހިނގައިގަތެވެ. އޭނާ ލައިގެން ހުރި ހުދުކުލައިގެ ގަމީހާއި ކަޅު ފަޓުލޫނު ވަނީ ހިރަފުހުން ތަތްތެޅިފައެވެ. އޭނާ ގެއަށް ދިޔައިރު ހިތާހިތުން ކުދިކިޔަމުން ދިޔައެވެ. ހުރިހާ ކަމަކީވެސް ޔޫޝައުގެ ކަންތަކެވެ. ގައިމުވެސް އޭނާ ކޮންމެވެސް ގޯނާއެއް ނުކުރަނީހެއް އައިކާ އިލޮށިފަތި ހިފައިގެން އޭނާ ފަހާ ނުދުވާނެއެވެ. ލޯބިވެރިންނެއް ކަމަކު އެކަހަލަ ސަމާސާކޮށްގެން ނުވާނެ ނޫން ހެއްޔެވެ؟ މިހާ ދުއްވާ އެއްޗެހި ގިނަ ޒަމާނެއްގައި އެކްސިޑެންޓެއްވެސް ހިނގުމަކީ ދުރުކަމެއް ނޫނެވެ. އެވަރު ޔޫޝައުއަށް ނުވިސްނެނީ ހެއްޔެވެ؟ އަންހެންކުއްޖަކު ކާމިޔާބު ކުރެވުނަސް އެއީ ދެން ތަންފުކެއް ބޮޑުވަރެއް ނޫން ހެއްޔެވެ؟ ކަން ހިނގިގޮތް ނޭނގިހުރެ މާޒްއަށް ކުށްވެރިކުރެވުނީ ޔޫޝައުއެވެ. މިއަދު އޭނާއަށް ކޮންމެ ގޮތެއްވިޔަސް އައިކާއަށް ގެއްލުމެއް ނުލިބުނީތީ އޭނާ ހިތްހަމަޖައްސާލައިގެން ހުރެ ގެއަށް ވަތްތަނާ ރަމްޒިއްޔާގެ ސުވާލުތަކާއި ކުރިމަތިވިއެވެ. މާޒް އެއީ ކުޑަކުޑަ އެކްސިޑެންޓެއް ވީކަމާއި އޭނާއަށް އެއްވެސް ކަމެއް ނުވާކަމަށް ބުންޏެވެ.
**********
“ބޭބީ ކީއް ތިކުރީ؟ މާޒްގެ.. ގޮއްވާލީނު ތި..” ގެއަށް ދަމުން ޔޫޝައު ލާނެތް ގޮތަކަށް އެހެން ބުނެލުމުން އައިކާ ގާތަށް ކުޑަކޮށް ރުޅިއައެވެ. ހުރިހާ ކަމެއްވެސްވީ ޔޫޝައުއާ ހެދިއެވެ. އެކަމަކު ކުށްވެރި މިވީ އޭނާއެވެ.
“މީ ޔޫޝްގެ ކަންތަކޭ.. ހަމަ ރީތިކޮށް ދާށޭ ބުނީމަ ދިޔަނަމަ އެހެނެއް ނުވީހެއްނު..” އައިކާ ހިތްހަމަނުޖެހިފައި ބުނެލިއެވެ.
“އަހަރެން ނުދިޔަޔަސް ބޭބީ ކުނިކަހަން އޮތްނަމަވެސް އެހެނެއް ނުވީހެއްނު.. ވެއްޖެވިއްޔަ އަހަރެން ފަހާ ދުވަން..” ޔޫޝައު މަޖާވެލާފައި ބުނެލިއެވެ.
“ހުހް.. މަޖަލެއް ނޫނޭ.. އެކަހަލަ ޑާރޓީ އެއްޗެހި ބުނާތީ ވާގޮތޭ އެއީ..” އައިކާ ހުރީ ދެންމެ އެވީ ގޮތަކުން ރުޅިއައިސްފައެވެ.
“ޑާރޓީ އެއްޗިއްސޭ!!؟ ގައިމު އެއަށްވުރެ މާ ޑާރޓީ ކަންތައް ކުރަން ޖެހޭނެ ދުވަހެއްވެސް އަންނާނެ.. އެދުވަހަކުންވެސް އެހެންތަ ހަމަ ހަދާނީ؟” ޔޫޝައު ލާނެތް ގޮތަކަށް ހީލަމުން ބުނެލިއެވެ. ޔޫޝައު އެބުނީ ކީކޭކަން އެނގުމުން އައިކާ ވަރަށް ލަދުގަތެވެ. ނަމަވެސް އޭނާ އެކަން ފޮރުވާލުމަށް ރުޅިވެރިކަން ދައްކާލިއެވެ. އިލޮށިފަތި މަޅައިގެންފައި ހަމަ މިހާރު ދާށޭ ބުނެލިއެވެ. ޔޫޝައުވެސް ފަހުން އަންނާނަމޭ ކިޔާފައި ދިޔައީ އިތުރަށް އައިކާ ރުޅި ނާރުވަންވެގެންނެވެ.
**********
“މަންމާ! އައިސް ކިއުބް އެބަހުރިތަ؟” މާޒް ރަމްޒިއްޔާ ގާތުގައި އަހާލިއެވެ.
“ހޫމް.. ހުންނާނެ ފުރިޖްގަ.. ކިހިނެއްވީ؟” ރަމްޒިއްޔާ އެހެން އަހާލުމުން މާޒް ބުނީ ވަރަށް ފިނިކޮށް އެއްޗެއް ބޯލަން ބޭނުންވީ ކަމަށެވެ. ރަމްޒިއްޔާ ހީލާފައި ކޮޓަރިއަށް ދިއުމުން މާޒް އަވަސްއަވަހަށް ބަދިގެއަށް ވަދެ ތަށްޓަކަށް އައިސް ކިއުބް އަޅައިގެން ކޮޓަރިއަށް ދިޔައެވެ. ކޮޓަރިއަށް ވަދެ ތަޅުލާފައި ފަޓުލޫނު ބާލާފައި އައިސް ކިއުބް ތަށި ހިފައިގެން ގޮސް އެނދުގައި އިށީނދެ ބޮނޑިތާންކުރަން ފެށިއެވެ. އޭރުވެސް އެތަން ހުރީ ކޮންމެވެސް ވަރަކަށް ދުޅަވެފައެވެ. އިރުކޮޅެއް ވަންދެން ބޮނޑިތާން ކުރުމަށްފަހު ތަށި ބަހައްޓާފައި އެނދުގައި އޮށޯވެލައިގެން އޮއްވާ އޭނާއަށް ނިދުނު އިރެއްވެސް ނޭނގުނެވެ.
“ދަރިފުޅާ! ކީއް ތިކުރަނީ؟ ނުކުމެބަލަ ސައިބޯން.. މިހާރު އެހެރަ ދިހައެއް ޖަހަނީއޭ..” ރަމްޒިއްޔާ ދޮރުގައި ޓަކި ޖަހަމުން ގޮވާ އަޑަށް މާޒްއަށް ހޭލެވުނެވެ.
“އާނ.. މަންމާ މި ނުކުންނަނީއޭ..” މާޒް ރަމްޒިއްޔާއަށް އިވޭވަރަށް ބުނެލިއެވެ. މާޒްގެ އަޑު އިވުމުން ރަމްޒިއްޔާ ހިތްހަމަޖެހިގެން ހުރެ ބަދިގެއަށް ދިޔައެވެ.
“ވަޓް!!؟ މިހެން ހުއްޓާތަ އަހަރެންނަށް ނިދުނީ!!؟” މާޒް ފާޚާނާއަށް ދާން ތެދުވި ވަގުތު ކޮޓަރީގައި ހުރި ބޮޑު އަލަމާރީގެ ލޯގަނޑުން އޭނާގެ ސޫރަ ފެނުމުން ޤަބޫލުނުކުރެވިފައި އޭނާއަށް މަޑުމަޑުން ބުނެވުނެވެ. އޭނާއަކީ ދުވަހަކުވެސް ބަރަހަނާ ހާލުގައި ނިދާ މީހެއްނޫނެވެ. ނަމަވެސް މިއަދު ކަން ހިނގިގޮތުން އެހެން އެކަންވީއެވެ. އޭނާއަކީ ދުވާލު ނިދާއިރު ދޮރު ތަޅުލާ މީހަކަށް ނުވީނަމަވެސް މިއަދު ދޮރު ތަޅުލާފައި ބެހެއްޓުނުކަންވެސް ނަސީބެކޭ އޭނާގެ ހިތަށްއެރިއެވެ. މިފަދަ ޚިޔާލުތަކެއްގައި ހުރެ އޭނާ ގޮސް ފާޚާނާއަށްވަދެ ފެންވަރާލައި ތައްޔާރުވެލައިގެން ބޭރަށް ނުކުތްއިރު ރަމްޒިއްޔާ އިނީ އޭނާގެ އިންތިޒާރުގައެވެ.
“ދަރިފުޅު ބަލީތަ؟ މަންމަ ހާދަ ވަރަކަށް ގޮވައިފީމޭ..” ރަމްޒިއްޔާ މާޒް ފެނުމާއެކު ސުވާލުކޮށްލިއެވެ.
“ނޫނޭ މަންމާ.. ހަމަ އޮށޯވެލައިގެން އޮއްވާ ނިދުނީ..” މާޒް އެހެން ބުނެލުމުން ރަމްޒިއްޔާ ހީލިއެވެ.
“ދެންވެސް އަވަހަށް ސައިބޯން އުޅޭ.. ބައްޕަވެސް އެތައްއިރަކު އިނދެފައި ފިހާރައަށް ގޮސްފި.. ދަރިފުޅުވެސް ސައި ބޯލައިގެން ދެން ދޭ އިނގޭ ފިހާރައަށް..” ރަމްޒިއްޔާ ތަށިތައް ގާތްކޮށްލަދެމުން އެހެން ބުނެލުމުން މާޒް އާނއެކޭ ބުނެލިއެވެ.
މާޒް ސައި ބޮއިގެން ފިހާރައަށް ދިޔައިރު މަންސޫރު އިނީ ފުން ވިސްނުމަކަށް ގެއްލިފައެވެ. އޭނާ ވިސްނަމުން ދިޔައީ މާޒް ގާތުގައި އޭނާއަކީ މާޒްގެ އަސްލު ބައްޕަ ނޫންކަން ބުނެދޭނެ ގޮތަކާއިމެދުގައެވެ. މާޒް ގާތުގައި އެވާހަކަ ބުނުން މިހާރުވެސް މާ ލަސްވެއްޖެކަމުގައި އޭނާގެ ހިތް ބުނަނީއެވެ. އަނެއްކާ އޭނާ އެވާހަކަ ބުނުމުން މާޒްގެ ހިތް އޭނާއާމެދު ގޯސްވެދާނެބާއެވެ.
“ބައްޕާ!” މާޒް ގޮސް މަންސޫރު ގާތުގައި ހުރި ގޮނޑީގައި އިށީންނަމުން ގޮވާލިއެވެ. އެއާއެކު މަންސޫރަށް ސިހިފައި ބަލާލެވުނެވެ.
“ދަރިފުޅު ތިއައީ ދޯ؟ ބައްޕަ ވަރަށް ގިނައިރު އިނިން ދަރިފުޅު ނުކުމޭތޯ..” މަންސޫރު ހަމަޖެހޭގޮތް ދައްކަމުން ބުނެލިއެވެ.
“ބައްޕަ ކޮންމެވެސް ކަމަކާ ވަރަށް ބޮޑަށް ވިސްނާހެން އެބަހީވޭ..” މަންސޫރުގެ މޫނަށް ބަލާލަމުން މާޒް ބުނެލިއެވެ. އެއާއެކު މަންސޫރު ފުން ނޭވައެއް ދޫކޮށްލިއެވެ.
“އާނ.. ވަރަށް ބޮޑަށް ވިސްނޭ އެބަ.. ވިސްނަންޖެހޭ ކަންތައްތައްވެސް ހުންނާނެތާ..” މަންސޫރު އެހެން ބުނެލުމުން މާޒް ހައިރާންވިއެވެ. އެހާ ހަމަޖެހޭ އުފާވެރި ދިރިއުޅުމެއްގައި އުޅޭ މީހަކު އެހާބޮޑަށް ވިސްނަންޖެހޭ އޮންނާނީ ކޮންކަމެއްބާއޭ އޭނާގެ ހިތަށްއެރިއެވެ. އަނެއްކާ މަންމައާއި ބައްޕައާއި މައްސަލައެއް ޖެހުނީބާއެވެ. އެކަމަކު އެދެމީހުން އުޅޭގޮތުން އެކަހަލަ އެއްވެސް ނިޝާނެއް ނުފެނެއެވެ.
“ބައްޕަ ވާހަކައެއް އެހިއްޔާ ދަރިފުޅު ތެދުތެދަށް ޖަވާބު ދޭނަންތަ؟” މަންސޫރު ކުއްލިއަކަށް އެހެން އަހާލުމުން މާޒް ހައިރާންވިއެވެ. އަނެއްކާ ބައްޕަ އެ އަހަން އުޅެނީ ކޮން ވާހަކައެއްބާއޭ މާޒްގެ ހިތަށްއެރިއެވެ.
“އާނ.. ބައްޕައަށް ހީވަނީތަ އަހަރެން ބައްޕައަށް ދޮގު ހަދާފާނެއޭ؟ އަހަރެން ދުވަހަކުވެސް ބައްޕައަކަށް ދޮގެއް ނުހަދަމެއްނު..” މާޒް އެހެން ބުނެލުމުން މަންސޫރު ބޯޖަހާލިއެވެ.
“ކުރިން ރެއަކު ދަރިފުޅު ވާރެޔާ ތެމިގެން އައިމެއްނު.. އެރޭ ވީގޮތް ކިޔައިދީބަލަ.. ދަރިފުޅު ނުބުންޏަސް ވަރަށް ބޮޑު ކަމެއް ވެއްޖެކަން ދަރިފުޅުގެ މޫނުމަތިން ވަރަށް ރަނގަޅަށް އެނގުނު.. އެކަމަކު އެރޭ އެއްވެސް ސުވާލެއް ނުކުރީ އެއީ އެވާހަކަ ދައްކަން އެންމެ ރަނގަޅު ވަގުތުކަމަށް ނުފެނުނީމަ..” މަންސޫރު އެހެން ބުނެލުމުން މާޒް ފަސްޖެހުނެވެ. އައިކާގެ ވާހަކަ ބުނުމުން މަންސޫރު ހިތަށް އަރާނީ ކީކޭބާއޭ އޭނާގެ ހިތަށްއެރިއެވެ. ނަމަވެސް ބައްޕަ ގާތު ތެދުތެދަށް ޖަވާބުދޭނަންކަމަށް ވަޢުދުވެސް ވެވިއްޖެއެވެ. އެހެންކަމުން މާޒް އެރޭ ކަންތައް ވީގޮތް މަންސޫރަށް ކިޔައިދިނެވެ.
“ތިވީ ވަރަށް ދެރަގޮތެއް.. އެކަމަކު މީ ދުނިޔެ.. ދުނިޔޭގަ އުޅޭއިރު ވަރަށް ގިނަ ކަންތައްތަކާ ކުރިމަތިލާން ޖެހޭނެ.. ކޮންމެ ކަމެއްވެސް ވާނީ ރަނގަޅަކަށް..” މަންސޫރު ދެރަވެފައި އިނދެ ބުނެލީ މާޒްއަށް ހިތްވަރެއް ލިބޭނެފަދަ ގޮތަކަށެވެ.
“އެކަމަކު ބައްޕާ.. އަހަރެން އިކާދެކެ ވަރަށް ލޯބިވޭ.. ދުވަހަކުވެސް އެހެން ކުއްޖަކުދެކެ ލޯބިވެވޭނެކަމެއް ނޭނގެ..” މާޒް އިނީ އޭނާގެ ހިތުގެ އުދާސްތައް މަންސޫރުގެ ކުރިމައްޗަށް ބަންޑުންކޮށްލަން ނުހަނު ބޭނުންވެފައެވެ. އޭނާގެ ހިތަށް ހަމަޖެހުމެއް ލިބޭތޯއެވެ.
“ދަރިފުޅާ! ތިހެން ވިސްނާކަށް ނުވާނެ.. ބައްޕަގެ ޒުވާން އުމުރުގަ ބައްޕަވެސް ތިހެން ބުނީމޭ.. އޭރު ބައްޕަ އިނދެގެން އުޅުނު މީހާ ހިލޭ ފިރިހެނަކާ އެކީ އޮއްވާ ފެނުނީމަ ބައްޕަގެ ހިތަށް ވަރަށް އަސަރުކުރި.. އެމައްސަލަގަނޑުގެ ތެރޭގަ ބައްޕަ އޭނަ ވަރިކުރީ.. އޭގެފަހުން ބައްޕަ ވަރަށް ދުވަސްވަންދެން އެއްވެސް ކުއްޖަކާ ރައްޓެހިވެސްނުވެ ހުރިން.. ބައްޕަގެ މަންމަމެން ވަރަށް ކީ އެހެން ކުއްޖަކު ހޯދައިގެން އިންނާށޭ.. އޭނައަށްވުރެ މާރަނގަޅު ކުދިން ލިބޭނެޔޭ.. އެކަމް ބައްޕަ އޭނަދެކެ އެހާ ލޯބިވާތީ އެވާހަކަ ޤަބޫލެއްނުކުރަން.. އަބަދުވެސް ޤަބޫލުކުރީ ދެން އިތުރު ކުއްޖަކުދެކެ ލޯތްބެއް ނުވެވޭނެޔޭ.. އެހެން އުޅެނިކޮށް ދަރިފުޅުގެ މަންމައާ ދިމާވީ.. ދެން މަންމައާ ގުޅުން އުފެދި ކައިވެންޏާ ހަމައަށް އައީ.. އޭރަކު ބައްޕަ މަންމަދެކެ ކުޑަކޮށްވެސް ލޯތްބެއް ނުވޭ.. އެކަމަކު ބަލާބަލަ މިހާރު.. މަންމައަށްވުރެ ބޮޑަށް ލޯބިވާ އިތުރު އެކަކުވެސް ނެތް.. އިރާދަކުރެއްވިއްޔާ ދަރިފުޅަށްވެސް އައިކާއަށްވުރެ މާރަނގަޅު ކުއްޖަކު ލިބޭނެ.. ދަރިފުޅަށްވެސް ދެން އެންމެ ރަނގަޅުވާނީ އައިކާގެ މަތިން ހަނދާން ނައްތާލާފައި ރަނގަޅު ކުއްޖަކު ހޯދައިގެން ދިރިއުޅުމެއް ފެށިއްޔާ.. ތިހެން އުމުރު ބޭކާރުކޮށްލާކަށް ނުވާނެ ދަރިފުޅާ..” މަންސޫރު ބެލީ އޭނާގެ ދިރިއުޅުމުން މިސާލު ދައްކައިގެން މާޒްއަށް ވިސްނައިދެވޭތޯއެވެ.
“ނޫން ބައްޕާ.. ތިކަމެއް ނުވާނެ.. އަހަރެންގެ ހިތް ބުނަނީ އައިކާ އަދި އަހަރެންގެ ގާތަށް އަންނާނެޔޭ.. އަހަރެން އެދުވަހަކަށް އިންތިޒާރު ކުރާނަން..” މާޒް އޭނާގެ ފަހުބަސް އިއްވުމުން މަންސޫރު އިތުރަކަށް އެވާހަކައެއް ނުދެއްކިއެވެ. ކިތަންމެ ވަރަކަށް އެވާހަކަ ދެއްކިޔަސް މިވަގުތު މާޒްގެ ވިސްނުން ބަދަލުނުވާނެކަން އޭނާއަށް އެނގޭތީއެވެ.
“އަދި ބައްޕަ ދަރިފުޅު ގާތު ދައްކަންޖެހޭ ވަރަށް މުހިންމު ވަރަށް ބޮޑު ވާހަކައެއް އެބައޮތް.. އެކަމަކު އެވާހަކަ ދައްކާނީ މިހާރަކު ނޫން.. މަންމަވެސް އިނދެގެން އެވާހަކަ ދައްކާނީ.. ފަހަރެއްގަ އެވާހަކަ ދެއްކީމަ ދަރިފުޅުގެ ހިތް ބަދަލުވެސް ވެދާނެ.. ދެން ބައްޕަ މިވަގުތު ގޮސްލަނީ އިނގޭ.. އަދި އަންނާނަން ބަންދުކުރުމުގެ ކުރިން..” މަންސޫރު އެހެން ބުނެފައި ދިޔައީ މާޒް ސުވާލުތަކެއްގެ ތެރެއަށް ދޫކޮށްލާފައެވެ.
ބައްޕަ އެހެން އެބުނީ ކީއްވެބާއެވެ. އޭނާ ގާތުގައި ދައްކަންޖެހޭ އެހާބޮޑު އަދި އެވާހަކައެއް ދެއްކުމުން އޭނާގެ ހިތް ބަދަލުވެދާނެފަދަ ވާހަކައަކީ ކޮބައިބާއޭ މާޒްގެ ހިތަށްއެރިއެވެ. އަދި މަންމަ އިންދާ ނޫނީ އެވާހަކަ ނުދައްކަން އުޅޭ ސަބަބަކީ ކޮބައިބާއެވެ. މިފަދަ އެތައް ސުވާލެއް މާޒްގެ ހިތަށްއަރާ ފައިބަމުން ދިޔަ ނަމަވެސް އޭނާއަށް އިތުރަށް އެކަމާ ދޭތެރޭ ވިސްނާނެ ފުރުސަތެއް ނުލިބުނީ ފިހާރައަށް ކަސްޓަމަރެއް އައުމުންނެވެ. އެމީހާ ގަންނަން އައި އެއްޗެހި ގަނެގެން ދިޔަތަނާ އަނެއްކާވެސް އެހެން މީހަކު އައެވެ. ދުވަހަކީ ހުކުރު ދުވަހަށްވުމުން ފިހާރަ ބަންދުކުރަން ވަންދެންވެސް އޭނާއަށް ވަރަށް ބާރުބޮޑެވެ. އެހެންކަމުން ހުކުރު ދުވަހު އާންމުކޮށް އެގާރަ ޖަހާއިރު ބަންދުކުރާ ފިހާރަ މިއަދު އޭނާއަށް ބަންދުކުރެވުނީ އެގާރަ ގަޑި ބައިވެސްވީ ފަހުންނެވެ. އޭނާ ފިހާރަ ބަންދުކޮށްފައި ގޮސް ކޮޓަރިއަށް ވަދެފައި އޭނާގެ ނުވަ އަހަރުގެ ކޮއްކޮ އެލީނާއަށް ގޮވާލިއެވެ.
“ކީކޭ ދޮންބޭ؟” އެލީނާ އައިސް ކޮޓަރިއަށް ވަންނަމުން ސުވާލުކޮށްލިއެވެ.
“އަން.. މި ގަމީހާއި ފަޓުލޫނު ގެންގޮސް މަންމަ އަތަށް ދީފަ ބުނޭ އިސްތިރިކޮށްދޭށޭ އިނގޭ.. ދޮންބެ މި ވަންނަނީ ފެންވަރަން..” މާޒް އޭނާގެ އަލަމާރިން މަޑު ނޫކުލައިގެ އަތްދިގު ގަމީހަކާއި ކަޅު ފަޓުލޫނެއް ނަގާ އެލީނާ އަތަށް ދެމުން ބުނެލިއެވެ. އެލީނާ ދިއުމުން މާޒް ކޮޓަރި ތަޅުލާފައި ތުވާލި އޮޅާލައިގެން ފާޚާނާއަށް ވަނެވެ. ފެންވަރާ ތާޒާވެލައިގެން ނުކުތްތަނާ އޭނާގެ ފޯނު ރިންގުވާ އަޑު އިވުމުން އޭނާ ގޮސް ބަލާލިއިރު ގުޅަނީ ސަނާއެވެ.
“ހެލޯ! މާޒްތަ؟ މިއަދު ހުކުރުން ފައިބައިގެން މިގެއަށް ކާން އަންނައްޗޭ..” ސަނާ އެހެން ބުނެލުމުން މާޒް ވިސްނާލިއެވެ. އޭނާ ހަމަ އައިކާމެން ގެއަށް ދާންވީބާއެވެ. ހަމަ ޔަޤީނުންވެސް ޔޫޝައު ދާނެއެވެ. ވީމާ އޭނާ ދިއުމުން އައިކާ ހިތްހަމަޖެހޭނެބާއެވެ. އައިކާއާއި ޔޫޝައު އޭނާގެ ކުރިމަތީގައި ލޯބިން އުޅޭތަން ދެކެން އޭނާއަށް ފަސޭހަވާނެބާއެވެ. ނުވާނެއެވެ. އެކަމަކު ސަނާ އެހެން ބުނުމުން ދެކޮޅު ހަދާނީވެސް ކިހިނެއް ހެއްޔެވެ؟ ސަނާއާއި ނާޒިމްއަކީ އޭނާއަށް މައިންބަފައިންފަދަ ބައެކެވެ. ވީއިރު އެމީހުން އެދުމުން އޭނާ ނުގޮސްފިނަމަ އެމީހުން ދެރަވާނެއެވެ.
“ހެލޯ މާޒް.. ކީއްވެ އެއްޗެކޭ ނުބުނީ؟ ނާދެވޭނެތަ؟” މާޒްގެ ޚަބަރެއް ނުވުމުން ސަނާ އަހާލިއެވެ.
“ނޫން.. ދާނަން އިނގޭ..” މާޒް އަވަސްއަވަހަށް ބުނެލިއެވެ. ސަނާވެސް އެންމެ ރަނގަޅޭ ބުނެފައި ބޯނު ބޭއްވީ މާޒް މިހާރު އުޅޭނީ ހުކުރަށް ދާން ތައްޔާރުވާންކަން އެނގޭތީއެވެ. މާޒް ފޯނު ބޭއްވިތަނާ ދޮރުގައި ޓަކި ޖަހާލިއަޑު އިވުމުން ގޮސް ދޮރު ހުޅުވާލިއިރު އެލީނާ ހުރީ އޭނާ އިސްތިރިކުރަން ދިން އެއްޗެހި ހިފައިގެން އައިހެވެ. މާޒް އެއެއްޗެހީގައި ހިފައިގެން ވަދެ ކޮޓަރި ތަޅުލިއެވެ. އަދި ރީތިވެލައިގެން ނުކުމެ އޭނާގެ މަންމައަށް ގޮވާލިއެވެ.
“މަންމާ! މިއަދު މެންދުރު ކާކަށް ނާންނާނަން އިނގޭ.. ސަނާއްތަ ބުނެފި އެގެއަށް ކާން ދާން.. އެހެންވެ..” މާޒް އެހެން ބުނެލުމުން ރަމްޒިއްޔާ އާނއެކޭ ބުނެލިއެވެ.
މާޒް މާޒް ހުކުރުން ފައިބައިގެން އައިކާމެން ގެއަށް ދިއުމަށް މިސްރާބު ޖެހިތަނާ ޔޫޝައު ގޮވާލި އަޑުއިވިފައި އެނބުރި ބަލާލިއެވެ. އޭރު ޔޫޝައު އޭނާއާ ދިމާއަށް ހުރެ އަންނަނީއެވެ.
“ކޮބާ މިހާރު ކިހިނެއްތަ؟” ޔޫޝައު އައިސް މާޒްއާ އަރާ ހަމަކުރަމުން އަހާލިއެވެ. ޔޫޝައު އެ އިޝާރާތްކުރީ ކޮންކަމަކަށްކަން އެނގޭތީ މާޒް ހީލަމުން މިހާރު ވަރަށް ބޮޑުތަން ރަނގަޅުކަމަށް ބުނެލިއެވެ.
“މާޒްވެސް ތިދަނީ އިކާމެން ގެއަށްތަ؟” ޔޫޝައު އެހެން އަހާލުމުން މާޒް ބޯޖަހާލިއެވެ.
“އެހެންތަ؟ އަހަރެންވެސް މިދަނީ އެގެއަށޭ.. ހިނގާ ދަމާ..” ޔޫޝައު އެހެން ބުނެލުމާއެކު މާޒްވެސް އަވަހަށް ހިނގާށޭ ބުނެލިއެވެ. އެދެމީހުން އެކުގައި ހިނގާލާފައި ދާތަން ފެންނަ ކޮންމެ މީހަކަށް ހީވާނީ އެއީ އެތައް ޒަމާނެއްވަންދެން އެކުގައި އުޅެފައި ތިބި ގާތް ދެ ރަޙުމަތްތެރިންހެންނެވެ. އެހާވެސް އެދެމީހުންގެ ގުޅުން ވަނީ ބަދަހިވެފައެވެ. ޔޫޝައު މާޒްއާ އެހާ ގާތްކޮށް ވާހަކަދައްކަމުން ދިޔަ މަންޒަރު ފެނުމުން ލިހާމްއަށް ހައިރާންވެފައި ބަލަން ހުރެވުނެވެ. އޭނާ ހީކޮށްގެން ހުރީ މާޒްގެ ވާހަކަ އޭނާ ދެއްކުމުން ޔޫޝައު މާޒްއާ އެއްވެސް ގުޅުމެއް ނުބާއްވާނެކަމަށެވެ. ނަމަވެސް ކަން މިވީ އޭނާ ހީކުރިފަދަ ގޮތަކަށް ނޫނެވެ.
“އަނހާ! ތި އައީ ދޯ؟ ހިނގާ އަވަހަށް ބަދިގެއަށް ދަމާ..” މާޒްއާއި ޔޫޝައު އައިސް ވަތްއިރު ސިޓިންގރޫމުގައި އިން ނާޒިމް ބުނެލިއެވެ. ނާޒިމްގެ ފަހަތުން މާޒްއާއި ޔޫޝައުވެސް ބަދިގެއަށް ވަނެވެ. އޭރު ސަނާއާއިއެކު އައިކާވެސް މޭޒުމަތި ތައްޔާރުކުރުމުގައި އުޅެއެވެ.
“އަވަހަށް ކާން ފަށާ.. އެބަ އަންނަން އައުފްއަށް ގޮވާފަ..” ސަނާ އެހެން ބުނެފައި ދިޔައީ އައުފްއަށް ގޮވާށެވެ. އޭނާ ދިޔައިރު އައުފް ބަދިގެއާ ދިމާއަށް އަންނަނީއެވެ.
“މަންމާ! ވަރަށް ބަނޑުހައިވެއްޖެ.. އަދިވެސް މާޒްބެމެން ނާދޭތަ؟”
“މާޒްބެވެސް ޔޫޝައުބެވެސް އެބައިން.. އެހެންވެގެން ދަރިފުޅު ބަލާ މިދަނީ.. އާދޭ އަވަހަށް..” ސަނާ ހީލާފައި އެހެން ބުނެލުމުން އައުފް ދުވެފައި ކަހަލަ ގޮތަކަށް އައިސް ބަދިގެއަށް ވަނެވެ.
“މާޒްބެމެން ހާދަ ލަހުންނޭ ތިއައީ.. އައުފް މިހާރު ބަނޑުހައިވެގެން މަރުވާވަރު ވެއްޖެ..” މާޒްއާ ޖެހިގެން ހުރި ގޮނޑީގައި އިށީންނަމުން އެހެން ބުނެލިގޮތުން އެންމެނަށްވެސް ހެވުނެވެ.
“މާޒްބެމެން ދިޔައީ މާޒްބެމެން ގޭ ކައިރީ ހުންނަ މިސްކިތަށޭ.. އެމިސްކިތުން ތަންކޮޅެއް ލަހުން ނަމާދުކޮށް ނިމުނީ.. އައުފް ދިޔައީ އަނެއް މިސްކިތަށް ދޯ؟” މާޒް އެހެން ބުނެލުމުން އައުފް ބޯޖަހާލިއެވެ. ދެން ކެއުމުގެ ވަގުތުގައި މާގިނަ ވާހަކަތަކެއް ނުދެކެވެއެވެ.
ކައިގެން ނުކުމެފައިވެސް މާޒްއަށް އައުފްއާއެކު އެތައްއިރަކު ވާހަކަދައްކަން އިންނަން ޖެހުނެވެ. ޔޫޝައުވެސް އެމީހުންނާ ބައިވެރިވެގެން މަޖާކޮށް ހީ ހެދިއެވެ. މާޒް ގެއަށް ދަންދެންވެސް އައިކާ ހުރީ ޔޫޝައުއާއި ބައްދަލު ނުކުރަން ނިންމައިގެންނެވެ. އޭނާ ޔޫޝައުއާއި ގާތުގައި އުޅޭތަން ފެނުމުން މާޒްގެ ހިތަށް ތަދުވާނެކަން އެނގޭތީއެވެ. ނަމަވެސް އެއީ ކިހާ ހެއްވާ ކަމެއްކަންވެސް އޭނާއަށް އެނގެއެވެ. އެހެނަސް އެނގި އެނގި ހުރެ މާޒްގެ ހިތަށް ތަދުކުރާކަށް އޭނާ ބޭނުމެއް ނޫނެވެ.
(ނުނިމޭ)
މިވާހަކައިގެ ދެންއޮތް އެޕިސޯޑުގެ ލިންކު ކޮމެންޓް ސެކްޝަންގެ ތިރީގައި ވާނެއެވެ.
Other Articles
ޔާރާއޭ
ލޯބިން އަންނާށޭ ކަލާ….
36 Comments!
Comments are closed.
Assalaam Alaikum!! Miothy “AIKAA”ge 7 vana bai.. Lasveethy maafah edhen hurihaa kudhin kibainves.. Mibai ehen baithakahvure thankolheh kuruvaane.. E-ee adhives Saandyge aiy ekkoh ran’galhu nuvey.. Aiy ran’galhu vandhen vaahaka up kolleveynee 2 dhuvahun 1 dhuvahukan hurihaa kiyuntheringe mauloomaathahtakaa dhannavaalan.. Ummeedhukuran hurihaa kudhinves inthizaaru kuraane kamah.. Baajjaveri dhuvahakah edhen 🙂
get well soon saandy, mi part v salhi. kuruviyas vv reethi. next part ah waiting
ThanQ song joong ki..KOREAN 🙂
18+ jehun muhinmmu.. Btw waahaka v salhi..
ThanQ 1997women 🙂
18+ jahan han’dhaan kohdhineethy ithuru shukureh.. Aslu han’dhaan nethigen nujehi othy 🙂
gws saandy balikon ulhey iruvess up kohla dhinymàa v happy vehje thanks a lot?
mi partvess v nice well done dear tc have a grt day saandy ???
ThanQ nuxu 🙂
Hehe.. varah majaa mi part ves….? varah reethi..?
Waiting for next part…nd Wish u a speedy recovery ❤❤❤❤
ThanQ Adha 🙂
V.nice..waiting
??????????? get well soon…
ThanQ Xxxx 🙂
V salhi.. Gws sandy..
ThanQ aish 🙂
Hahaha v shalhi mi prt v majaa ?? masha allah n shafakallah saandy stry obiness to the max ehaaves loabi mi stry thanks 4 the luvly stry saandy thank u so much keep it up ly??❤❤❤??????????
ThanQ khajja 🙂
wow v reethi mi part vex. get well soon saandy?
ThanQ azza 🙂
V reethi.
ThanQ Shifu 🙂
V rythi mi bai …..balikn ulhemun vx up kohdhinythy v ufaavehje. ..n yes mi vaahaka ah inthizaaru kurevey saandy nubunyas ….saandy ah avas shifa akah edhen ??☺
ThanQ Appy 🙂
Story k… bt 18+ jehun eden…. story akaa alhaa balaairu basmagu ehaa reehcheynun…. sifakurunvs kudaee… loabeege vaahaka takuga guduratee reeti sfakuruntah hunnanvaane… ehen nuny story ehaa furihamaeh nuvaane… kiyunteriehge haisihyatun bunelee… Gt wel soon Saandy.. uhmeedukuran ekan kan rangalhu kohlaane kamah… Rangalhu gotuga faadukiyumaky writter ah libey kurierumey kamah Zaa gaboolu kurany….
Mikahala comment libuneema v hiyyhama jehey.. Hamaekani reethi noony hadi, mihen buneleema ran’galhu kuran jehey kankan neyngeyne.. Thi bunedhin kankamah samaalukan dheynan.. ThanQ Zaain 🙂
Maaz ah ehen veema dhen kudhin kann nulibeyny.aikaa yooshau marry kohggn dharin libunyma yooshau vari kuraany kanne aikaa.heevany lamha ves preg vaany hn.dhen ikaa dhaany maaz gaathah.dhari govain.family complete .heeheheh.thats my pov ?
ThanQ Naa.. Let’s see dhw vaagotheh 🙂
Gws.. vvv rythi mivaahaka..
ThanQ Eekko 🙂
Ehaa bodah ekahala bai thah nugene liyunyma rethy.
Saandy alhe laara ge vaahakathah kiyaaba. Romane ge bai and 18+ jahaa varuge baithakeh nuhunnaane but story emme perfect vaane.
Shine vx maa bodah romance genna kan faahaga kurevey.
Eki writers ge style thafaathu vaane.. Thiyahen buneema bunaa hiyy vey, laaraage fan akah ve hure ves…. Laarage beynun vany yaaraa aky v v rom story eh.. E scene thah lolah nufenunas feel vaane. Ehaaves ebai bodu, which i liked.. But mihaaruge stories thah ekm v thafaathu which i agree with… But romance genesdhinumaky goaheh noon.. Massala akah vaany maa direct vefa adhi 18+ves nujahaathy… Take it easy, make it more romantic saandy.. But try to express it without going to the direct point.m eyrun ehaa vaahaka akun liben jehey hama jehumeh nulibey.. Just add more emotions and lust, without writing the direct thing ???
ThanQ Saraa.. Saandy akah Lara ge vaahakathah ehaa kamaku nudhey.. Beykaaru vaahaka maa ginaee.. Dhen 1997women ebunihen Beynunvany Yaaraa aky v romance bai bodu story eh.. Saraage khiyaalahves ih’thiraam kuran.. Dhen liyaa vaahakaehga thikamaa dheytherey visnaanan 🙂
Nice..but thankolheh adhabaa khilaafu basthah beynun koffa hureema kiyamun dhiyairu undhagoo gotheh huri…saandy ge fan akah veethee evaahaka bunely..hope u will take it positively.
ThanQ Noor.. Yes.. Thikamaa visnaanan kuriah oiythaa 🙂
Vvv nice …wateing nd get will soon saandy
ThanQ Rose 🙂
koniraku tho up kohla dhey nee
ThanQ Aki.. Up kollaafa inaany mihaaru 🙂