ދުރުގައިވިޔަސް 25 ވަނަ ބައި

ނަކީލްއާއި އެކީ މާޔަ އައީ ކާރު ޕާކްކޮށްލުމަށްފަހު ނަތީޤް ބަލައި އެ އިމާރާތަށް ވަނުމަށެވެ. އެހެންނަމަވެސް މަތިން އިވުނު އަޑާއި އެކު ބިންމައްޗައް ބަލައިލީ އެއްޗެއް ވެއްޓުނު ހެން ހީވުމުންނެވެ. އެއާއި އެކު ފެނުނު މަންޒަރުން މާޔާގެ ހިތް ނުހުއްޓުނީ ހަމަ ކިރިޔާއެވެ.

ފެނުނު މަންޒަރަކުން އަނގަމަތީ އަތް އެޅުނީ ލިބުނު ސިހުމުގައެވެ. ނަކީލްއަށްވެސް ވީ މާޔާއަށް ވީވަރެވެ. މީހާ ހުރި ފިޔަވަޅުމަތީ ގަނޑުވީ ސިކުނޑިވެސް އެވަގުުތު މަސައްކަތްކުރުން ހުއްޓާލުމުންނެވެ.

ވެއްޓުނުގޮތަށް މުޅިއެތާގައި ލޭގެ ކޯރެއް ހެދިގެން ދިޔައީ ބަސްބުނާހާ ކުޑަހިނދުކޮޅެއްގެ ތެރޭގައެވެ. ކުޑަކުޑަ ފުރާނައެއް ލެއާއި ތަތްތެޅިފައިވާ އިރު އޮތީ އެއްވެސް ހަރަކާތެއްނެތިފައެވެ. އެހާ މަތިން ވެއްޓުމުން އެކުނޑަ ހަށިގަނޑުގައި ކިހާ ވޭނެއް އަޅާނެހެއްޔެވެ. މާޔާއާއި ނަކީލްއަށް ދާދީ އެއްފަހަރާ ކަހަލަ ގޮތަކަަށް ދުއްވައިގަނެވުނީ އެކުއްޖާ ލައިގެން ހުރި ހެދުމާއި މިއަދު ނަތީޤްލައިގެން ހުރި ހެދުމާއި އެއްވައްތަރުކަމުންނެވެ.ހިތާއިހިތުން އެއީ އެމީހުންގެ ލޮލުގެ ކޮއިހެން ބަލަމުންގެންދާ ދަރިފުޅަށް ނުވުމަށް އެދި ދުއާކުރެވުނު އަދަދެއްވެސް ނޭނގެއެވެ. އެކުއްޖާއާއި ކައިރިވީ ވަރަކަށް މިވާގޮތް ދޭހަވާންފެށިއެވެ. މާޔާ އަޑުގެ ކޮޅަށް ހަޅޭލަވައިގަނެވުނީ ހިތަށް ކުރި އަސަރަކުންނެވެ.

“ނަތީޤް….” މާޔާ ގެއަޑުގައި އެކުލެވިފައިވަނީ ކޮންފަދަ އަސަރެއްތޯއެވެ. ހުރި ހަމައެކަނި ފުރާނަ އެގޮތަށް އޮއްވާ ފެނުމުން ކެތްވާނީވެސް ކޮންމަޔަކަށް ތޯއެވެ. އެ ފުރާނައަކަށް ޓަކައި މާޔާ ނުއުފުލަނީ ކޮން ބުރައެއްހެއްޔެވެ. ނަކީލްގެ ހާލާކީ ކޮބައިތޯއެވެ. ނަކީލް ދުވެގައި ގޮސް ނަތީޤް ނަގައި ބޭއްވީ އުގުމަތީގައެވެ.

“ނޯ ނޯނޯ…. ނޯ… ބޭބީ… ޑެޑީގެ ޕްރިންސް… ޕްލީޒް… ނޯ… އޮޕެން ޔުއާރ އައިސް… ޕްލީޒް…. މީހެކޭ… އެހިވޭދީ…. އެހީވެދީ…” ނަކީލްވެސް ގިސްލަގިސްލާފައި ރޮމުން އާދޭސްކުރަމުން ގެންދިޔައީ މިއީ ހަޤީގަތެއްކަން ޤަބޫލުކުރަން ބޭނުންނުވާ ފަދައަކުންނެވެ. މާޔާވެސް ނަކީލް ކައިރީ އިށީންދެ ނަތީޤްގެ އަތުގައި ހިފައިލީ ވިންދު ހުރިތޯ ބެލުމަށެވެ. އެ ވަގުތު ކޮޅުގައި ހިތުގައި އުއްމީދު އާލަވެގެން ދިޔައީ ވަރަށް ފަޑުކޮށް އެ ހިތުގެ ވިންދު އިހްސާސް ވުމުންނެވެ. އެ ތަނަށް ފުދޭވަރަކަށް މީހުން އެއްވެފައި ތިބި އިރު އެންމެންގެ ތުންުތުން މަތިން ވެސް އިވެމުން ދިޔައީ ކުއްޖަކު ވެއްޓުނު ގޮތުގެ ވާހަކައެވެ.

އެވަގުތަކީ މެލިސާވެސް އެތަނަށް އައި ވަގުތު ކަމުން މާ މީހުން ގިނަވެގެން އުޅޭތީ އެދިމާއަށް ދިޔައީ ކަންވެގެން އުޅޭގޮތް ބެލުމަށެވެ. ފުރާ ފުރިހަމަވެފައިވާ ދަރިފުޅު ރޮމުން ގެންދިޔައީ ކުޑަކުޑަ ނަތީޤް އުގަށްލައިގެންނެވެ. މެލިސާއަށްވެސް ހުރި ތަނަށް ތިރިވެވުނީ މަގެ ދަރިފުޅާއޭ ކިޔައި ގޮވަމުންނެވެ. އޭރު ޖެނީވެސް އެދިމާލަށް އައީ ކަރުނުން ފުރިގެންވާ ލޮލަކާއި އެކީގައެވެ. މީހަކަށް ޝައްކު ވެދާނެތީ އެކްޓްކުރަން ވެސް މޮޅީއެވެ.

ކުޑައިރުކޮޅެއްގެ ތެރޭގައި އެމްބިއުލާސް އައުމުން ކުޑަ ކުޑަ ނަތީޤް އެއަށް އެރުވުމުން މާޔާއާއި ނަކީލްވެސް ގޮސް އޭގެތެރެއަށް އެރީ އެއްވެސް ދިރުމެއް ނުވާ ފަދައަކުންނެވެ. އެދެމަފިރިންގެ ހުރިހާވެސް އުއްމީދެއް އެ ދަނީ މަރާއި ހަޤުރާމަކުރަމުންނެވެ. ހަށިގަނޑުގައި އިތުރަށް ދެން ހުންނާނީވެސް ކޮން ހަކަތައެއް ހެއްޔެވެ. މާޔާގެ ލޮލުން އެންމެ ފަހަރަކުވެސް ކަރުނަ ނުހިކޭ އިރު އެ ނަޒަރު ނަތީޤްއާއި އެންމެ ސިކުންތަކަށް ވެސް ވަކިނުވެއެވެ.

ނަތީޤްއަށް އެމަޖެންސީ  އިންޓެންސިވް ކެޔަރ ޑިޕާޑްމެންޓަގައި ފަރުވާ ދެމުންގެންދިޔައިރު މާޔާއާއި ނަތީޤް އަށް އެންމެ މިނިޓެއްވެސް ހީވަމުން ދިޔައީ އެތަށް ޤަރުނެއް ހެންނެވެ. މެލިސާއާއި ނިހާލް އަދި ޖެނީވެސް އެތަނަށް ވަނީ އެވަގުތު ކަމުން މާޔާ ފެނުމުންވެސް އަޅާނުލީ މިވަގުތުގެ ނާޒުކު ކަމުންނެވެ. މެލިސާއަށް އަމިއްލަ ނަފްސުކުށްވެރި ކުރެވުނު އަދަދެއްވެސް ނޭނގުނެވެ.  ގޭގެ ބެލްކަނީއިން ނަތީޤް ވެއްޓެން ޖެހުނީ މެލިސާގެ ފަރުވާކުޑަކަމުން ކަމަށް ޤަބޫލުކުރެވެން ފެށުމުން އެހިތްވެސް ރޫރޫއަޅައިގެން ދިޔައެވެ.

” ދަރިފުޅާ…މަންމައަށް މާފްކުރޭ..މިހެން މިވީ މަންމައާއި ހުރެ..” ގޮނޑީގައި ދެއަތުން މޫނުފޮރުވައިގެން އިން ނަކީލްގެ ކޮނޑުގައި މެލިސާ އަތްބާއްވައިލިއެވެ . އެއާއި އެކު ފެނުނީ ނަކީލް އެއަތުގައި ޖަހައި ފޮޅުވާލިތަނެވެ.

” މަންމަ ކީއްވެތަ… އަހަންނަށް އެނގޭ އަހަރެން ދުވަހަކުވެސް މަންމަމެންނަށް މުހިއްމެއް ނޫންކަން…މާޔާ ދެކެ ކިތަންމެ ރުޅިއެއް އެރިއަސް އެކުއްޖާގެ އޮތީ ކޮންކުށެއް…. މިހެން ވާނެ ކަން އެނގުުނު ނަމަ ދުވަހަކުވެސް މަންމަމެންނަށް ނަތީޤްއެއް ނުދެއްކީމުސް… އެނގޭތެ މަންމައަށް އެކުއްޖާއަށް ވާނެ ތަދު…” ނަކީލްގެ އަޑުގައި ވަނީ ވޭނާއި ޝަކުވާާއެވެ. ނަކީލް ޝަކުވާކުރަމުން ދިޔައީ ނަތީޤްއަށް މިނިޓެކަށް ނަމަވެސް އިހްމާލްވެވުނީތީއެވެ.

“އެނގޭތަ މަންމަމެންނަށް…މިއަދު ކިހާ އުފަލުންކަން ނަތީޤްހުރީ… އެނގޭތާ… ކިހާ އުފަލުންކަން ހުރީ މަންމަމެން ކައިރިއަށް ދެވޭތީ…އެކަމް ބަލާބަ މިވީ ގޮތެއް…” ނަކީލްއަށް ރޮވެން ފެށުމުން މެލިސާގެ ގައިގައި ބައްދައިގަތީ އެހިތްބަލިކަށިވެފައި ވުމުންނެވެ. ކިތަންމެ ރުޅިއަކާއި ޝަކުވާއެއްވިޔަސް އެވަގުތުވެސް ނަކީލް މަންމަގެ ހިމާޔާތަށް އިންތިހާއަށް ބޭނުންވިއެވެ.

” މާފްކުރޭ ދަރިފުޅާ… އެވަގުތު މަންމަ ބޭރަށް ދާން ޖެހުނީ.. ޖެނީ ހުރީމަ މަންމަ ދިޔައީ… އެކަމް ކީއްކުރާނީ…މިހެން ވާނެކަން އެނގުނުނަމަ މަންމަ އެއްވެސް ތާކަށް ނުދިޔައީސް…” ނަކީލްގެ ކައިރީ މެލިސާވެސް ހާމަކުރަމުންދިޔައީ ތެދުވާހަކަތަކެކެވެ. އެއީ ހުރި ހަމައެކަނި މާމާ ދަރިފުޅުވީއިރު އެހިތުގައިވެސް ކިހާ ވޭނެއް އަޅާނެ ހެއްޔެވެ.

މާޔާ އިނީ އެއްވެސް ހަރަކާތެއް ނެތި ހުއްޓުން އަރާފައެވެ. މިތަން ފެނި ޖެނީގެ ހިތަށް ލިބުނީ ބަޔާންކުރަން ދަތި ހިތްހަމަ ޖެހުމެކެވެ. ނަކީލް ރުއިން ހުއްޓާލުމަށް ފަހު މާޔާ ގެނެސް މެޔާއި ލާ ބޮޑިކޮށްލިތަން ފެނުމުން އެހިތަށް ވެގެން ދިޔައީ ނުބައި ގޮތެެކެވެ. މިކުރެވުނު ކަމަކުން ނަކީލްއާއި މާޔާގެ ގުޅުން ކުރިއަށް ވުރެ ވަރުގަދަވާނީ ހެއްޔެވެ. ޖެނީއަށް ނަކީލް ނުލިބުނިއްޔާ ވަކި މާޔާއަކަށް ވެސް ލިބިގެން ނުވާނެއެވެ.

” އަހަރުމެންގެ ބޭބީއަށް ނުވާނެ ދޯ އެއްކަމެއްވެސް… ހީ ވިލް ބީ ފައިން ދޯ… އައި ކޭން ޓްރޭޑް މައި ލައިފް ފޯ ހިމް…. ނުވާނެ ދޯ އެއްކަމެއްވެސް..” ނަކީލްގެ މޭގައި މޫނު ފޮރުވައިގެން މާޔާ ވާހަކަ ދެއްކިއިރު ދިރިއުޅުމުގެ ހަގުރާާމައިގައި ވަރުބަލިވެފައިވާ މީހަކު ފަދައެވެ. ކުއްލި ގޮތަކަށް މި ދިމާވިކަމަކުން މާޔާގެ ހުރިހާ ހިތްވަރެއް ވަނީގެއްލިފައެވެ. ސިކުނޑިއަށް ކިތަންމެ ވަރަކަށް ބާރު ކުރަމުން ދިޔަކަމުގައިވިޔަސް ނުވިސްނާ ހުރެވޭނީވެސް ވަކި ކިހިނެތްހެއްޔެވެ. އެއީ މާޔާ ގެ ހުރިހާވެސް އެއްޗެކެވެ. އަލުން ދިރިއުޅުމާއި ކުރިމަތިލާން ދަސްކޮށްދިން ފަރާތެވެ. އެ ފަރާތާއި ނުލައި އެންމެ ދުވަހެއްވެސް ވޭތުކުރަން ޖެހިދާނެހެން ހީވުމުން ކެތްވާނީވެސް ކިހިނެތް ހެއްޔެވެ.

” ޝްޝް… ޑޯންޓް ސްޓްސް މައި… އިރާދަކުރެއްވިއްޔާ ނުވާނެ އެއްކަމެއްވެސް….ހީ އިޒް ބްރޭވް…. ” ނަކީލް މާޔާއަށް ހިތްވަރުލައިދެމުން ގެންދިޔައީ އަމިއްލަ ހިތަށްވެސް ވިސްނައިދެމުންނެވެ.

އިރުކޮޅެއްފަހުން ޑޮކްޓަރެއް ބޭރަށް ނިކުތުމުން އެދިމާލަށް މާޔާއަށް ދެވުނު ގޮތެއްވެސް ނޭނގުނެވެ. އެތެރޭގައިވި ނަތީޤްގެ ހަބަރެއް އެނގެން ބޭނުން ވެފައި ހުރިވަރުން އެންމެންވެސް  އެތަނައެއްވީ ހިތްއަވަސް ވެފައިވާ ހާލުގައެވެ.

” ޑޮކްޓަރ ހައު އިޒް މައި ސަން…” ނަކީލް ހާސްވެފައިހުރެ ސުވާލުކޮށްލީ ބޭރަށްނިކުތް ޑޮކްޓަރ ކައިރިންނެވެ. އެއާއި އެކު ފެނުނީ ޑޮކްޓަރ ވެސް މާޔޫސްވެފައި އިސްޖަހާލިތަނެވެ.

” މިތަނަށް ގެނައި އިރުވެސް ވަނީ ވަރަށް ބައިވަރު ލޭ ފައިވާފަ… އެތެހަށީގެ ހުރިހާ ގުނަވަނެއްހެން ހުރީ ޗިސްޗިސްވެފައޭ ބުންޏަސް ދޮގަކަށް ނުވާނެ… ވީ ޓްރައިޑް އަވަރ ބެސްޓް… ޔުއަރ ސަން ވޯސް އަ ފައިޓަ… އައި އެމް ސޮރީ… ހީ އިޒް ނޯ މޯ..” ނަކީލްގެ ކޮނޑުގައި މަޑުމަޑުން ޖަހާލުމަށް ފަހު ޑޮކްޓަރ އެތަނުން ދުރަށް ދިޔައީ އެއާއިލާއަށް ވަގުތު ދެމުންނެވެ.

ޑޮކްޓަރ ދެންމެ އިއްވި ހަބަރަކުން ހީވީ އެތަނަށް ބޮމެއް ގޮއްވާލިހެންނެވެ. މެލިސާ އަބުރައިގަނެން ވެއްޓުުނު އިރު ނިހާލްއަށް ހިފުނީ ކިރިޔާއެވެ. ކާފަ ދަރިފުޅު އެހާ ކުއްލިއަކަށް ބީވެގެން ދިއުމުން އެހިތަށްވެސް ވަނީ ވަރަށް ފުން އަސަރެއް ކުރުވާފައެވެ. ޖެނީގެ މޫނުން ކާމިޔާބީގެ ހިނިތުންވުމެއް ވެރިވީ އެއިވުނު ހަބަރަކުންނެވެ. ދެން އޮތީ ނަކީލްގެ ފަހަރޭ ބުނެވުނީ ހިތާއި ހިތުންނެވެ. މިވޭނުގައި ދިރިއުޅެން ޖެހެންޏާ މާޔާވެސް ޖެހޭނީ މިއާއި ހަމަ ކުރިމަތިލާށެވެ.

ނަކީލް މަޑުމަޑުން ފިޔަވަޅުތަށް ފަހަތަށް ޖެހެމުން ދިޔައީ މަރުވެފައިވާ ހިތަކާއި އެކުގައެވެ. ގައިގައި ހަކަތަ ހުސްވެފައިވާ އިރު އެ ލޮލުން ކަރުނަ ވެސް ފައިވަން ހަދާން ނެތިފައިވާ ފަދައެވެ. ހަދާނަށް އައީ ނަތީޤްއާއި އކީ ހޭދަކުރެވުނު މަޖާއަދި ލޮބުވެތި ވަގުތުތަކެވެ. އެހާ ކިޔަމަންތެރި ބަސްއަހާ ކުއްޖަކަށް މިދިމާވީ ހާދަހާ ދެރަގޮތެކެވެ. މާޔާވެސް ނަކީލް ދޫކޮށްފައި ދާން އުޅޭ ހެން ހީވެސް ނުކޮށްހުއްޓާ ނަތީޤްވެސް އުމުރަށް ވަކިވީއެވެ. އެކަން ވީ އެހިތަށްވެސް ބަރުދާސްތުކުރަން ދަތި ކަމަކަށެވެ.

” ބާއީ މަންމީ… ޑޭޑީ… ކޮއްކޮ ވަރަށް ލޯބިވޭ..” ނަތީޤް ގެ ލޯބި އަޑުން މިއަދު ކޮށްލީ ވަދާއި ސަލާން ހެއްޔެވެ. ދެން ޑެޑީ އޭ ކިޔާ ނުވާނެހެއްޔެވެ. ނުދެތުވާނެ ހެއްުޔެވެ. ބައްޕައާއި އެކީ ސަކަރާތް ޖަހާނެ ކުއްޖެއް ހަމަ ނުހުންނާނެހެއްޔެވެ.

މާޔާ ދުވެފައި ގޮސް ހުއްޓުނީ ނަތީޤްގެ ފުރާނަ ނެތް މަސްގަނޑު ބާއްވާފައި އޮތް އެދުކައިރިއަށެވެ. ” ނޫން…ނޫން… ކޮއްކީ ހޭލަބަ… މަންމީ މިހިރީ އޭ… ހޭލަބަ ދޫނި… އެއްފަހަރު މަންމިއަށް ބަލާލަބަ…މަންމި ނުދާނަމޭ ދޫނި ދޫކޮއްފަ އެއްވެސް ތާކަށް…. ތެދުވެބަ… ބޭބީ … ޕްލީޒް ތެދުވެބަ… މަންމީގެ ސްޓްރޯންގް ބޭބީ އެއްނު ތީ…. ލޯ ހުޅުވަބަ ދޫންޏާ… ލޯ ހުޅުވަބަ…ޕްލީޒް.” މާޔާ ނަތީޤްގައިގައި އޮޅިލައިގެން އޮވެ އާދެސްކުރަމުންދިޔައީ މޮޔައަކު ފަދައިންނެވެ. ނަކީލްވެސް އައިސް މާޔާ ނަތީޤްއާއި ދުރުކޮށްލާ ވަރަށް ލޯބިން ނަތީޤްގެ ނިތުގައި ބޮސްދިނީ ވަދާއި ސަލާން ކުރާން ފަދައިންނެވެ.

” ކީލް… އަހަރެމެންގެ ބޭބީ މަރެއް ނޫވާނެ… މި މީހުނަށް އެކައްޗެއްވެސް ނޭނގެނީ… ހީ ކާންޓް… ހީ ކާންޓް ލީވް ހިޒް މަމް… ހީ ކާންޓް…” މާޔާ ހީވަނީ ހަމައިންވެސް ނެއްޓިފައި ހުރިހެންނެވެ. ނަތީޤް ކައިރިއަށް ޖެހިފައި ނަތީޤް ތަޅުވަން ފެށީ ހޭ އަރާތޯއެވެ. މާޔާ ސީޕީއާރުވެސް ދޭން ފެށީ އެގޮތްތުންވެސް ނަތީޤްގެ ހިތުގެ ހިނގުން އިއާދަވެދާނެހެން ހީވާތީއެވެ. މާޔާ އުޅޭ ގޮތް ފެނުމުން ނަކީލްގެ ހިތް ހައްތަހާވެސް ދިޔައީ ޒަހަމްވަމުންނެވެ. ނަކީލް މާޔާ ގަދަކަމުން ކަހަލަ ގޮތަކަށް ނަތީޤްއާއި ދުރުކޮށްލާއި މާޔާއަށް ވިސްނައިދެވޭތޯ ކުރި މަސައްކަތްވީ ބޭކާރެވެ. މާޔާ އެއްވެސް އެއްޗެއް އަޑުއަހަން ބޭނުންނުވާ ފަދައެވެ.

” ނޫން ކީލް…. ހީ ވިލް ވޭކް އަޕް… މައި ބޭބީ އިޒް ނޮޓް ޑެޑް… ހީ ކާންޓް ލީވް މީ ލައިކް ދަ ރެސްޓް… ނޯ…” މާޔާ ގެ އަމަލުތަށް ހުރި ގޮތުން ނަކީލް ކިޔާ އެއްޗެއްޗެސް ނީވޭ ފަދައެވެ. ކުރިމަތިން ފެންނަން ހުރީ ހަޤީގަތް ކަމަށް ވީހިނދު އެ ހަޤީޤަތް ޤަބޫލުކުރާކަށް ހިތްބޭނުމެއްނުވަނީއެވެ. އެންމެ ފަހުން ކެތްކުރަން ދަތިވުމުން މާޔާގެ ކޯތާފަތްތުގައި ޖަހާލެވުނީ ބޭއިހްތިޔާރުގައެވެ.  މާޔާ އަށް ހޭވެރިކަންވީ ނަކީލްގެ އެހަރާތުންނެވެ.  އަޑުން އަޑުނަގައި ރޮއެގަނުވީ ނަކީލްގެ މޭގައި މޫނު ފޮރުވައިގެން ހުރެއެވެ.

ނަތީޤްގެ ކަށުކަމާކެމީގެ ކަންތައްކޮށް ނިންމާލުމަށްފު ގެއަށް އައިސް ވަތްއިރު މާޔާއާއި ނަކީލްވެސް ތިބީ ވަރުބަލިވެފައެވެ. ނިހާލް ކިތަންމެ ވަރަކަށް އާދެސްކުރުމުންވެސް ނަކީލް އެގެއަށް ދާން އެއްބަސްނުވީ ކުރިން ދުވަހު ނިހާލް ދެއްކިވާހަކަތަައް އަދިވެސް އެހިތުން ނުފިލާތީއެވެ. ގެއަށް ވަމުމާއި އެކު ހުރިހާ ހަދާންތަކެއް އެއްފަހަރާ އުދަނގޫކުރަން ފެށިއެވެ. ނަތީިޤްއާއި ނުލައި ގެއަށް ވެރިވެފައިވަނީ ފަޅުކަމާއި ހުސްކަމެވެ.

ސޯފާގައި ވިސްނުމަކަށް ގެއްލިފައިއިން މާޔާ ކައިރިއަށް ނަކީލް ދިޔައީ މާޔާ ބޭސްނުކައި ހުރިކަން ހަދާންވުމުންނެވެ. މިވަގުތުގައިވެސް ހާދަހިތްވަރެއް ކުރަން އެބަ ޖެހެއެވެ. ހިތް ފުރެންދެން ރޯން ބޭނުންވިޔަސް މާޔާއަށ މިވަގުތުވެސް ނަކީލްގެ އެހީތެރިކަން އިންތިހާއަށް ބޭނުންވެއެވެ. ނަތީޤް ބީވެދިޔަ ފަދައިން މާޔާ ބީވެ ދާކަށް ނަކީލްއެއް ނޭދެއެވެ.

” މައި… ހިނގާ ދޯ އެއްޗެއް ކާން… ބޭސް ވެސް ކާން ޖެހެއެއްނު އަދި..” ނަކީލް މާޔާކައިރީ އިށީންދެ ބުނެލީ ލޯތްބާއި އެކުގައެވެ. މާޔާ ވޭނުންފުރިގެންވާ ގޮތަކަށް ނަކީލްއާއި ދިމާލަށް ބަލާލާއި ބޮލުގެ އިޝާރާތުން އިންކާރުކުރިއެވެ.

” މައި ކާން ވާނެ އެއްނު… އައި ކާންޓް ލޫސް ޔޫ… ޕްލީޒް… ޔޫ ހޭވް ޓު ބީ ސްރޯންގް..” ނަކީލް މާޔާއަށ ވިސްނައިދެވޭތޯ ބެލިއެވެ.

“އައި ކާންޓް… އައި އޭމް ޓަޔަޑް… ދެއަރ އިޒް ނޯ ހޯޕް ނައު…” މާޔާ ނަކީލްގެ އުނގުގައި ބޯ އަޅާލީ ވަރުބަލިވެފައި ހުރެއެވެ.

” ޔޫ ކާންޓް ގިވް އަޕް…. މައި އާ ނުލާއި އަހަންނަކަށް ނޫޅެވޭނެ… އިޕް ޔޫ ލީވް މީ އައި ވިލް ފޮލޯ ޔޫ… އެންމެންވެސް އަހަރެން ދޫކޮށްފައިދާތަން ބަލަން ކިހިނެތް ހުންނާނީ..” ނަކީލް ގާތަށް ރުޅިއައީ މާޔާ ބަލިގަބޫލުކުރިކަން އެނގުމުންނެވެ.  އެރުޅީގެ ފަހަތުގައި ފޮރުވިފައިވަނީ ބިރާއި ހިތާމައެވެ. ވޭނާއި ކެކުޅުމެވެ.

” ސޮރީ..” މާޔާ ނަކީލްއާއި ދިމާލަށް ބަލާލައި ހިނިތުންވުމެއް ރައްދުކުރެވޭތޯ މަސައްކަތްކުރިއެވެ.

” މައި ވިސްނަަބަ.. ނަތީޤްއެއްވެސް ބޭނުމެއް ނުވާނެ އެއްނު މައި ތިހެން ނިމި ދާކަށް… ނަތީޤް މައި އާއި ނުލައި ދެއްކި ކެތްތެރިކަމަށް ޓަކައި ވިޔަސް ޔޫ ހޭވް ޓު ފައިޓް…” ނަކީލް މާޔާގެ ބޮލުގައި ފިރުމަމުން ބުނެލިއެވެ.

ކޮންމެ ގޮތަކަށް ހިތަށް ތަސައްލީ އެއް ދޭން އުޅުނަސް އެދެމީހުންގެ ހަޔާތަށް މިއަދު ވެރިވި ހުސްކަން ފިލާނީ ކިހިނަކުންހެއްޔެވެ. މީހެއްގެ ނުބައި ރޭވުމަކުން ގެއްލިގެން އެ ދިޔައީ ދެމަފިރިއެއްގެ މުސްތަޤްބަލެވެ. އެހިތާމަށް ބޭރުފުށަށް ނުދައްކާއި ވޭތޯ ކިތަންމެ ވަރަކަށް މަސައްކަތްކުރިޔަސް އެކަން ކާމިޔާބު ވާނީ ކިހިނެތްހެއްޔެވެ. މާޔާއާއި ނަކީލްގެ ލޯބީގެ ނިޝާން އެ ނިވުނީ ދެމީހުން އެކަނި ކޮށްފައެވެ.އެހިތާމާއިގައި މުޅިއުމުރަށް އެދެމީހުން ތިބެނީ ތެޅިތެޅި ކަންޔަޤީނެވެ. އެޒަހަމްތަކަށް ފަރުވާ ލިބޭނީ ކޮންފަދައަކުން ހެއްޔެވެ. މަޔާކާއި ދަރިއަކުވަކި ވިއިރު ހާދާ ވޭނެއް އެހިތުގައި އަޅާނެތާއެވެ.

މިއީ ކޮންފަދަ އިންސާފެއް ހެއްޔެވެ. މައުސޫމް ފުރާނައެއް ދުނިޔެއާއި އަލްވަދާއު ކީއިރު އެ ހަރު ހިލަ ހިތަށް އަސަރެއްވެސް ނުކުރިއެވެ. އެހިތުގައި އީމާންތެރިކަމުގެ ޒައްރެއްގެ މިންވަރުވެސް ހަމަ ނެތީބާވައެވެ. އެކުޑަ ކުއްޖާ ކިހާ އާދޭހެއް ކުރާނެބާއެވެ.ކިހާ ބިރެއް ގަންނާނެބާއެވެ. އެރުއިމަކުން އެއްވެސް އަސަރެއްެވެސް ނުކުރިބާއެވެ.

މިވާހަކައިގެ ދެންއޮތް އެޕިސޯޑުގެ ލިންކު ކޮމެންޓް ސެކްޝަންގެ ތިރީގައި ވާނެއެވެ.