އެދެމޭ ކަލާޔާ ގާތުގާ ވުމަށް (ނުވަވަނަބައި)

އާދުވަހަކަށް އިރު އަރައިގެން އައި އިރު ރާއްޖޭގެ މީހުންގެ ހިތްތަކުގައި ބިރުވެރިކަން ވިއެވެ. ޔުސްރާއާއި އަލާނިޔާވެސް ހެނދުނު ހޭލައިގެން އެންމެ ފުރަތަމަ އަހަން ޖެހުނު ހަބަރަކީ އިތުރު މީހެއް މަރާލައިފާވާކަމަށް ބުނާ ހަބަރެވެ. އެވަގުތު ދެމީހުންގެ ހިތުގައިވެސް ބިރުވެރި ކަމުގެ ރާޅެއް ދަތުރުކޮށްލިއެވެ.

އެންމެފުރަތަމަވެސް އަލާނިޔާ ގުޅާލީ މުލައިލްއަށެވެ. ދެ ރިންގާއެކު މުލައިލްވެސް ފޯނުނެގިއެވެ. އަދި އަލާނިޔާ އެއްޗެކޭ ބުނުމުގެ ކުރިން ޔުސްރާ އާ ދެމީހުން ރަނގަޅުތޯއެއްސެވެ. އަލާނިޔާއަށް މުލައިލް ސަލާމަތުން ހުރިކަން އިނގުމުން ފޯނު ބޭއްވުމަށްފަހު ލައިތްއަށް ގުޅާލިއެވެ. އޭރު ޔުސްރާ އުޅުނީ އިންޓާނެޓް ރައުޓާ ކާރީގައެވެ. ލައިތްވެސް ފޯނު ނެގުމާ ދެމީހުންގެ ހާލު އެހުމާ ދިޔައީ އެއްކޮށެވެ. އަލާނިޔާ އެމީހުންވެސް މުލައިލްވެސް ރަނގަޅު ކަމަށް ބުނުމުން ލައިތް ފޯނު ކަނޑާލިއެވެ. ލައިތްގެ ސިކުނޑި މަސައްކަތް ކުރަން ފެށީ އެވަގުތުއެވެ. އެންމެ ބާރަށް އަދި ޓެކްނޮލޮޖީގެ އެހީގައި އެމީހަކު ހޯދުމަށް މަސައްކަތް ކުރަމުން ގެންދިޔައީ ހާޝިރް އެއް ނޫންހެއްޔެވެ؟ ލައިތް އަވަހަށް ބޮލަށް ޓީޝާރޓް މަހާލަމުން ބާރަކަށް ދުއްވާފައި މުލައިލް މެންގެ ގެއަށް ވަނެވެ. އޭރު އޭނާގެ ހިތް ދިޔައީ ބާރަށް ތެޅެމުންނެވެ. ” މުލް.. އޭ..!! އަހަރެން ގުޅާ ގުޅާވެސް ހާ..ހާޝިރް ނުނަގާ ފޯނެއް.. އަޅެ ގުޅާބަލަ!” ލައިތް ހާސްވެފައިވީވަރު ފެނުމުން މުލައިލްއަށް ވެސް ލޯބޮޑު ކޮށްލައިފައި އަވަހަށް އޭނާއަށް ގުޅާލެވުނެވެ. އިރުކޮޅެއް ނުވެ އަލާނިޔާ އަދި ޔުސްރާވެސް އެގެޔަށް އައިސް ވަނެވެ.

“އޭ.. ރުއާ.. ފޯނެއް ނުނަގާ..ލައިތް މެން ތީ ޕޮލިހުންނެއްނު. އެމީހުންނަށް އޮޅުވާލިޔަސް އަހަރުމެންނަށް ހަގީގަތް އިނގޭ ދޯ.. އަސްލު ކުރަނީ ކޮން މަސައްކަތެއް ކަން ނޭންގުނަސް ޔަގީން ތީ ކްރައިމް ޑިޕާރޓްމަންޓްގެ މީހުންކަން.. ހޯދަބަލަ ކާކުތޯ މަރުވެފަ އޮތީ..” އަލާނިޔާ އޭރު ތުރުތުރު އަޅައެވެ. އެ ފަކީރު ބިރުން ހީވަނީ ވިރި ދާނެހެންނެވެ.

“އަހަންނަށް ހުއްދަ އެ ލިބުނީ ދެންމެ. މިހާރު އެ ހުރިހާ ކަމެއް ބަލަހައްޓަނީ ވަރަށް މަތިން. އެކަމްވެސް އަހަރެން މީ އިންޗާޖު. މުލައިލް. އަހަރެން މި ވާހަކަ ނުބުންޏަސް އަހަންނަކީ މުލައިލް މިހާރު ތި މަސައްކަތް ކުރާ ކޭހުގެ ޑިރެކްޓާ” ލައިތް ބުނި އެއްޗަކުން މުލައިލް ސިހުނު ވަރުން އޭނާގެ ފޯނު ވެސް އަތުން ދޫވިއެވެ. “އަހަންނަށް ވެސް ކިޔާދޭންވީނު މިތާގަ މި ވާގޮތެއް!!!!” އަލާނިޔާ އައި ރުޅީގައި ބުންޏެވެ. އެއާ އެކު ލައިތް މީހުން މަރަމުން ގެންދާ މީހާގެ މާހަކަ ކިޔައިދޭން ފެށިއެވެ. އަދި އެއީ މިހާރު ހަވަނަ މަރުކަން ވެސް ކިޔާދިނެވެ. ކޮންމެ މީހަކު މަރާލައިފަ އޮންނަ ގޮތާ ޔުސްރާ އެމީހުންނަށް އެހީވާ ވާހަކައެވެ.

އެކުރިހާ ވާހަކަތަކެއްގެ ސަބަބުން އަލާނިޔާ ވަރަށް ހިތުގައި ޖެހުނެވެ. އެއްވެސް މީހަކު އޭނާގެ ގާތގައި އެވާހަކަތަށް ބުނަން ނޫޅުނީމައެވެ. ވީ ދެރައިން އަލާނިޔާ ގޮސް ނިކުތީ ބެލްކަންޏަށެވެ. ފަހަތުން ޔުސްރާވެސް ދާން އުޅުނެވެ. ނަމަވެސް އެކަން މަނާ ކުރީ މުލައިލްއެވެ. އަދި މުލައިލް އަލާނިޔާހުރި ދިމާއަށް ހިނގައިގަތެވެ. އޭނާގެ އަމަލުން ޔުސްރާ އަދި ލައިތްވެސް ހައިރާންވިއެވެ.

“ލާނީ.. އަހަންނަށް އިނގޭ ލާނީ ދެރަވާނެކަން. އެކަމު ބުނަންތަ؟ ލާނީ ބިރުގަތީމަ އަހަރެމެން އެންމެން ވެސް ވަރަށް ކަންބޮޑުވޭ. އެހެންވެ ލާނީ އުފާވެރިކަމާއެކު ބެހެއްޓުމަށް ނުބުނީ.. އޮޅުވާލާކަށް ނޫން. އަހަރެން ކަހަލަ އަޅާލުން ކުޑަ އިގްނޮރަންޓް މީހަކު މިކަހަލަ ވާހަކަ ދެއްކީމަ ފަހަރެއްގަ ގަބޫލު ނުކުރެވިދާނެ. ހަގޣިގަތުގަ އަހަރެން އެހެން އުޅުނަކަސް ތިމީހުންނާ ދޭތެރެ ވަރަށް ވިސްނަން.. ” މުލައިލް އަލާނިޔާ ގެ ކޮނޑުގައި އަތް ބާއްވާލަމުން އެންމެ ފަހުން ތެދު ހާމަ ކޮށްލިއެވެ. އެޔާއެކު އަލާނިޔާ އެނބުރިފައި މުލައިލްގެ ގައިގައި ބާރަށް ބައްދާލަމުން ރޯންފެށިއެވެ. “ސޮރީ…މުލް.. އަހަރެން ބޭނުމެއް ނޫން އެކަކަށްވެސް ދެރަގޮތެއް ވާކަށް… ޕްލީޒް..” އަލާނިޔާ ގިސްލަ ގިސްލާފައި ވާހަކަ ދެއްކިއިރު މުލައިލްގެ މޭގައި ރިއްސާލީ އެކުއްޖާއަށް ވާވަރު ފެނިފައެވެ. އޭނާވެސް އަލާނިޔާ ހުއްޓާލަން ދެން އަލާނިޔާގެ ގައިގައި ބައްދާލައިގެން ހުރީއެވެ.

ހިތް ފުރޭވަރަށް ރޯލުމަށް ފަހު އަލާނިޔާ ތެދުވެ މުލައިލްގެ ކިބައިން މާފަށް އެދުނީ ލަދުން ހުރެއެވެ. މުލައިލް ވެސް ހީލަމުން އެއީ މައްސަލައެއް ނޫންކަމަށް ބުންޏެވެ. ދެމީހުން އެތެރެއަށް ވަތްއިރު ލައިތްއާ ޔުސްރާ ބަލަން ތިބުމުން ދެމީހުންވެސް ލަދުގަތެވެ. ނަމަވެސް އެވަގުތު ކޮޅަށް ނިމުމެއް އައީ ލައިތްއަށް ފޯނެއް އައުމުންނެވެ.”އޭ.. ސާރ ބުނީ މިހާހިސާބުން ބޮޑީ އަހަރެމެން ނާ ހަވާލޯ.. އޭނަ މަރުވެފަ އޮތީ އަޑިޕާރކް ތެރޭގަ. ތިމީހުން ދާނަންތަ؟” އަލާނިޔާ އަދު ޔުސްރާވެސް ލައިތްގެ ސުވާލަށް ބޯޖަހާލިއެވެ. ކާރެއްނަގައިގެން ދިޔަ މަގުމަތީގައި އަލާނިޔާ ފޯނުން ޑޭޓާ ޖައްސާލިއެވެ. އެވަގުތު ވައިބާއިން ހާޝިރްގެ މެސެޖުތަކެއް އަންނަން ފެށިއެވެ. ލިބުނު ސިހުމުގައި އަލާނިޔާއަށް ހާޝިތރް އޭ ކިޔާ ހަޅޭއްލަވައިގަނެވުނެވެ. ކާރު ދުއްވަން އިން ޑްރައިވަރުވެސް މަޑުކޮށްލީ ލިބުނު ސިހުމެއްގައެވެ.

“ހާޝިރްގެ މެސެޖެއް.. ރޭ ދަންވަރު ދޭއްޖެހިއިރު.. އަލާނިޔާ ވާހަކައެއް ބުނަން ބޭނުމޯ.. ވަގުތެއް ނެތޯ.. ދެން އިނީ ކިލާ އެއީ ކާކުކަން އިނގުންވާހަކަ….ޑްރައިވާ.. އަވަސް އަވަސް..” އެވަގުތު އަނެއް ތިން މީހުންވެސް ލޯބުޑުވެ އަލާނިޔާއަށް ބަލަހައްޓައިގެން ތިއްބެވެ. ލައިތް އަށް ހޭވެރިކަން ވުމާއެކ ޑްރައިވަރަށް އަވަސްކުރުމަށް އެންގިއެވެ. ފަސްވަރަކަށް މިނެޓުތެރޭގައި ހެންވޭރު އަޑިޕާރކަށް ދެވުނެވެ.

އެންމެ ފުރަތަމަ ކާރުން ފޭބީ އަލާނިޔާއެވެ. ދުވެފައި ދިޔަގޮތަށް އެތާތެރެޔަށް ވަތް އަލާނިޔާއަށްފެނުނު މަންޒަރުން ބަސްހުއްޓިފައި ހުރެވުނީއެވެ. ޔުސްރާއަށް ވަތްބާރަށް ނިކުމެވުނެވެ. އަދި ހޮޑުވެސް ލެވުނެވެ. މުލައިލް އަދި ލައިތްއަށް މީ އާކަމަށް ނުވިޔަސް މި ފަހަރު ހާޝިރްއަށް ވަނީ މާ ބޮޑުވަރު ކޮށްލާފައެވެ. އަލާނިޔާއަށް އެއީ ހާޝިރްކަން ޔަގީންވީ އެތާކައިރީ އޮތް ހާޝިރްގެ ފޯނު ފެނުމުންނެވެ. އެއީ އެންމެ ފުރަތަމަވެސް އަލާނިޔާ ހާޝިރް ދެރަވެފައި ހުރުމުން އުފާވެރި މޫނެއް ކުރަހަދިން ފޯނުވިއްޔާއެވެ. ހޭވެރިކަން ވުމުން އަލާނިޔާ ދެލީ މަރާ ތަގުޅިކޮށްލިއެވެ.

ހާޝިރް ގެ ބަނޑު އެއްކޮށް ފަޅާލުމަށްފަހު ހުރިހާ ގުނަވަނެއް ވަކިކޮށްލާފައި ވެއެވެ. މޫނުވެސް ވަކިވާވަރެއް ނޫނެވެ. ދެލޯވެސް ވަނީ ނަގާ ކައިރީގައި ބައިންދާލާފައެވެ. މުލައިލްމެން އެތަނަށް އަންގިފަދަ ތަކެތި ހިފައިގެން އައި އިރު ސިނާމެންގެ ޖިޕު ވެސް އޮތެވެ. އަލާނިޔާ ފެންނަމުން ދާ މަންޒަރަށް ފަރުވާލެއް ނުބަހައްޓާ ދުވެފައި ގޮސް ހާޝިރްގެ ގާތުގައި އިށީނެވެ. އެވަގުތު ދެން ތިބި އެންމެނަށްވެސް ސިހުންލިބިގެން ދިޔައެވެ. ދެން ފެނުނީ އަލާނިޔާ ބާރުބާރަށް ރޯންފެށިތަނެވެ. ސިނާ ދުވެފައި އައިސް އަލާނިޔާ އެތަނުން ދުރުކުރިއެވެ. އެންމެންގެ ހިތަށްވެސް ފުން އަސަރުތަކެއް ކުރަމުން ދިޔައިރު ކޮންމެ މީހެއްގެ ހިތުގައިވެސް ވަނީ އިންތިހާ ދަރަޖައިގެ ބިރުވެރިކަމެވެ. މުލައިލްމެން މަސައްކަތް ނިންމާލުމަށް ފަހު ހުރިހާ އެއްޗެއް ލެބަށް ފޮނުވާލިއެވެ. އަދި ސިނާމެންވެސް އެތަނުން ފޮނުވާލިއެވެ. އޭރު ފަހުން އައި ޖިޕެއްގައި ޔުސްރާއަދި އަލާނިޔާ ތިއްބެވެ.

“ލާނީ.. އިނގޭ ހާޝިރް އެއީ ލާނީގެ ވަރަށް ގާތް ރަހުމަތްތެރިއެއްކަން. ހަގީގަތުގަ އެއީ ވަރަށް މޮޅު ކުއްޖެއް. އޭނަ އެންމެ ފަހުން ކުރަމުން ގެންދިޔަ މަސައްކަތަކީ އެނުބައި މީހުން ހޯދުން.. އެއީކީއްވެ ކަން އިނގޭތަ؟ އޭނަ ލާނީދެކެ ލޯބިވާތީ..އާނ. އަހަންނާ އެންމެ ފަހުން ދިމާވިރޭ ހާޝިރް އަހަންނަށް ހުރިހާ އެއްޗެއް ކިޔައިދިން. ” ލައިތް އައިސް ދެއްކިވާހަކަ ވާހަކަތަކުން ދެންތިބި ތިން މީހުންނަށްވެސް ހައިރާންކަން ލިބިގެން ދިޔައެވެ.

“ރުއާ..އަދިވެސް ނުގުޅޭ…” ޔުސްރާ މައުޟޫ ބަދަލުކޮށްލުމަށް އެހެން ބުނެލުމާއެކު އަލާނިޔާގެ ފޯނު ރިންގުވާން ފެށިއެވެ. ފޯނު ބޭއްވުމަށްފަހު އަލާނިޔާ ފާޑަކަށް ލައިތް އާދިމާއަށް ބަލަން ފެށިއެވެ.” އޭނަ މިއަދު ހެންދުނު ފުރީއޯ.. ޝޫޓިންގް އަކަށް. ލައިތްގަނޑަށް ވެސް އިނގޭނެޔޯ..” އެހެން ބުނުމާއެކު ވޭނީ ގޮތަކަށް ހަތަރުމީހުންނަށް ހީލެވުނެވެ. “ކިތަންމެ ދެރަވިޔަސް ކުރާނެކަމެއް ނެތް..އަހަރެމެން ވީ ދެން ބާކީ ތިބި މީހުންގެ ފުރާނަ ސަލާމަތް ކުރެވޭތޯބަލަން. އޭޒް އަޓީމް.” މުލައިލްއަތް ވައްޓާލަމުން އެހެން ބުނެލުމާއެކު ދެންތިބި ތިންމީހުންވެސް އެހަރަކާތުގައި ބައިވެރިވިއެވެ.

ޖިޕުގައި ހަތަރު މީހުންވެސް ދިޔައީ މުލައިލްމެންގެ އޮފީހަށެވެ. އޮޓޯޕްސީ ރިޕޯޓު ނިމެންދެން އެމީހުން އެތާމަޑުކުރަން ނިންމީއެވެ. ދެން ދިޔައީ ހަމަހިމޭން ކަމުގެ ވަގުތުކޮޅެކެވެ. ކޮންމެ މީހަކުވެސް ވިސްނަމުން ދިޔައީ ދެންވާނެ ގޮތަކާމެދުއެވެ. ކޮންމެ ގޮތެއްވިޔަސް އެމީހަކު އެބުނާ ގޮތްހަދައިގެން އަތް އުރާލައިގެން ތިބެވޭކަށްވެސް ނެތެވެ. ނަމަވެސް އެކަމާ ދެކޮޅަށް މަސައްކަތް ކޮށްފިނަމަ އަގަކީ ކޮންމެސް އެކެއްގެ ފުރާނައެވެ. ވީރު ކޮންމެ މީހަކުވެސް ވިސްނަމުން ދަނީ އަނެކާއަށް ގެއްލުމެއް ނުވާނޭހެން މަސައްކަތް ކުރެވޭތޯއެވެ. ވިސްނާ ވިސްނާވެސް އެކަކަށްވެސް އެކަށްޗެއްވެސް ނުވިސްނުނެވެ. އެންމެ ފަހުން އެތަނުގެ ހިމޭންކަން ފޫދުއްވާލީ ލައިތްއެވެ.

“ރިޕޯޓް ލިބިއްޖެ. ހިނގާދާން.” ލެބަށް ދެވުނުއިރު އެތާގައި ހުރީ ޝިފާންއެވެ. އަލާނިޔާ އަދި ޔުސްރާވެސް ހައިރާންވީ މިއޮއްވީހާދުވަހު އެމީހުންނަށް އެއްކަމެއްވެސް ރޭކާނުލުމުންނެވެ. ނަމަވެސް ޝިފާން އެއީ މާބޮޑުކަމަށް ނުހަދާ ވާހަކަ ދައްކަން ފެށިއެވެ.”މިހާރު ރިޕޯޓި އަންގާ ގޮތުން ހާޝިރް މަރާލެވިފައިވަނީ ބަރާބަރު ދޭއްޖަހާ އެއްމިނެޓުގަ. އޭނަގެ ފޯނު ބެލިބެލުމުން އިނގުނު ގޮތުގައި އޭނަ އެންމެ ފަހުން މެސެޖުކުރީ އަލާނިޔާއަށް. އެއީ އެއްގަޑި ފަންސާސް ނުވައެއްގަ. ދެން އެމެޖަށް ބަލާއިރު އޭނަ މަސައްކަތް ކޮށްފަ ހުރީ އަލާނިޔާއަށް ކޮންމެސް މުހިންމު އެއްޗެއް ކިޔާދޭން. އެކަމު އެކަން ވަނީ ނާކާމިޔާބު ވެފަ. އެއީ އެމީހަކަށް ބަރާބަރަށް ތިމީހުންގެ ހުރިހާ މައުލޫމާތެއްވެސް އިނގޭތީ.. ދެން ބޮޑީ.. ކުރިންވެސް ހުރިހެން ހަމަގުނަވަންތަށް ނަގާފަ. ދެން ތަފާތު ކަމަކީ ލޯ ނަގާފަ އޮތީ..ޕްލަސް މާބޮޑުވަރު ކޮށްފަ. ބެލެވެނީ ޒާތީ އެއްޗެއް ފިލުވާފަ ކަމަށް. އެހެންމީހުނަ އެކަމު މަރާފަހުރީ އޭނަޔަށް އެކަމުން އުފާލިބޭތީ….”

ދެންވެސް އެތަނަށް ވެރިވީ ހިމޭޏްކަމެވެ. އެކަކަށް އެކަށްޗެއްވެސް ނުވިސްނިފައި ތިބީއެވެ. ދައްކާނެ ވާކަ ހުސްވެފައިތިބި މަގު ގެއްލިފައިވާ ބައެއްފަދައިން ހިތާމައިން ފޯވެފައި ވާ ހާލުއެވެ. އެ ހިމޭޏްކަމުގެ ސަބަބުން އުދަނގޫވެގެން ޝިފާން ރަނގަޅު ހިޔާލެއް ދިނެވެ. ” އަހަންނަށް ބެލެވޭ ގޮތުގަ ހާޝިރް ވަނީ ތި އެންމެންގެ ފޯނާ އެއްޗެހި ހެކް ކޮށްފަ. ދެން އެމީހަކު ހެކް ކޮށްފަ ހުރީ ހާޝިރްގެ އެއްޗެހި.. ތި އެންމެން ތި ގެންގުޅޭ ހުރިހާ އެއްޗެއްގެ ޕާސް އެންޑް ފޯނުފަދަ ތަކެތި ބަދަލްކޮށްލަން ފެނޭ..” އެންމެ ފުރަތަމަ އެކަމަށް ތާއީދު ކުރީ ލައިތްއެވެ. އޭނާއަށް މާކުރިންވެސް ހާޝިރްގެ ގެ އެހުނަރު ފެނިފައި ވީއިރު އެކަމުގެ ސަބަބުން އޭނާ ނެތްދުނިޔެއެއްގައި އެކަމުގެ ނާޖާއިޒް ފައިދާ ނެގިޔަ ދޭން ލައިތް ބޭނުން ނުވީއެވެ.

އެންމެން އަނެއްކާވެސް ލައިތްގެ ކެބިންއަށްވަނެވެ. އަދި ހުރިހާ ސޯޝަލް މީޑިއާއެއް ޑީއެކްޓިވޭޓް ކޮށްލިއެވެ. އެކަމުގައި އުޅުންއިރު ކޮންމެސް ވަރަކަށް އެމީހުން ދިޔައީ އެކަކު އަނެކަކާ ވާހަކަ ދައްކަމުންނެވެ. ނަމަވެސް އަލާނިޔާ ވަނީ އެއްކޮށް ހިމޭން ވެފައެވެ. ނުހަނު ހިތްވަރުން ހާޝިރް ދުނިޔެއާ ކުރިމަތިލުމަށް ފުރުސަތެއް ހޯދައިދިން މީހަކީ އަލާނިޔާ ކަމަށް ވީއިރު އެދެމީހުން އެކުގައި ހޭދަކުރި މަދު ދުވަސްކޮޅުގެ ތެރޭގައިވެސް ހާޝިރްވަނީ އަލާނިޔާގެ ހިތުން ޖާގައެއް ހޯދާފައެވެ. ހަމަ އެހެންމެ އަލާނިޔާއަށްޓަކާ ފުރާނަ ގުރުބާންކުރުމުން އަލާނިޔާއަށް މަރުގެ އިލްޒާމް އެޅުވެނީ އަމިއްލަ ނަފްސުގެ ބޮލުގައެވެ. ކޮންމެ މީހެއްނަމަވެސް ވާނީ އެފަދަ ގޮތެއްކަންނޭނެންގެއެވެ.

އެކަން އެންމެ ފުރަތަމަ ނަގައިގަނެވުނީ ޔުސްރާއަށެވެ. އެހެންކަމުން އަލާނިޔާއާއި ވާހަކަ ދައްކާލުމަށްޓަކާ އަލާނިޔާގެ ގާތަށް ޖެހުނުއިރު އަލާނިޔާގެ ފޯނަށް މެސެޖެއް އައި އަޑުއިވުމުން މަޑުޖެހިލިއެވެ. އިރުކޮޅެއްނުވެ އެންމެންގެ ފޯނަށްވެސް މެސެޖެއް އައި އަޑު އިވިގެން ދިޔައެވެ. ޔުސްރާ މަޑުން އިނދެ މެސެޖު ކިޔާލިއެވެ.

“ސަލާމް..އަހަރެން ހޯދަން ތިހުރިހާ ދަލެއް އޮހޮރުވުމުގެ ބޭނުމަކީ ކޮބާ؟؟؟ ބުނަން. ތިހެން އެޗެހިތަށް ޑީއެކްޓިވޭޓް ކޮށް ފޯނާ ނަންބަރު ވެސް ބަދަލުކުރުމުގެ ބޭނުމެއް ނެތް. އަހަރެން މިހާރު މިހުރީ ތި މީހުންގެ ހަޔާތުގަ. ދެން އަހަރެން ބޭރަށް ލުމުގެ އެއްވެސް ބާރެއް ތިއިން އެކަކަށްވެސް ނޯންނާނެ. އެންޑް ހާޝިރް އާ ބެހޭގޮތުން ބުނާނެ އެއްޗެއް އެބައޮތްތަ؟ ނެތް ދޯ.. ދެން ކާކުގެ ލޭކޯރެއްބާ ހެދޭނީ.. އިންތިޒާރުގަ. ތިމީހުންގެ މަރު”

ހަތަރުމީހުންގެ ގައިންވެސް ހީބިހި ނަގާލައިގެން ދިޔައެވެ.

ނުނިމޭ…

މިވާހަކައިގެ ދެންއޮތް އެޕިސޯޑުގެ ލިންކު ކޮމެންޓް ސެކްޝަންގެ ތިރީގައި ވާނެއެވެ.