ފުން ލޯބި (26)

” ބައްޕަގެ ޕްރިންސެސްއަށް އަދިވެސް ކެތްކުރާކަށް ދަހެއް ނުވޭދޯ..” ބައްޕަ ހީލަމުން ބުނެލިއެވެ. އަހަރެން އަބަދުވެސް ބައްޕަ ވާހަކައެއް ބުނަން ބޭނުމޭ ބުނެފިއްޔާ ކެތްނުވެވިގެން ބައްޕައާ ސުވާލުކޮއް ހަދަމެވެ.

” ދަރިފުޅުގެ ބައްޕަ އެހެން ކަންތައް ކުރުމުން މަންމަ ދުވަހަކު ދެރަނުވާވަރަށް ދެރަވެ ހިތުގަ ޖެހުނު.. އެންމެ ފަހުން ނިންމީ ބައްޕަގެ ބަސް އަހައިގެން ބައްޕައާއެކު ގައުމަށް ދާން.. އެކޮޅަށް ގޮސްވެސް ހޮސްޕިޓަލްއިން ވަޒީފާ ހޯދައިގެން ހޮސްޕިޓަލަށް ދާންފެށީ.. އަހަރެން ކައިވެނި ބައްޕަ ރައްޓެއްސަކާ ކުރުވަން ވަރަށް މަސެއްކަތް ކުރި.. އެކަމް އަހަރެން ބުނިން ގަދަ ކަމުން ތިހެން ކައިވެނި ކުރުވައިފިއްޔާ ބައްޕައަށް ފެންނާނީ އަހަރެންގެ ފުރާނަނެތް މަސްގަނޑޭ.. ދެން އޭގެ ފަހުން މާ ބޮޑުކޮށް ނޫޅޭ ކައިވެނި ކަންތަކަކާއެއް..މަންމަ އޭރުވެސް ލޯބިވަނީ ދަރިފުޅުބައްޕަ ދެކެ.. މަންމައާ ދޭތެރޭ ކޮންމެ ގޮތަކަށް ކަން ކުރި ނަމަވެސް އެ ލޮއެއްބަކަށް ބަދަލެއްނާދޭ.. އިތުރު މީހަކާއެކު ދިރިއުޅުމެއް ފަށަން ބޭނުން ނުވީ އަސްލު އެހެންވެ..ކޮއްކޮވެސް އޭރު ވިހައިގެން ޒައިންއަށް އެއް އަހަރުވީ.. އެހެން އުޅެނިކޮއް ބައްޕަ ބައިވަރު ޑްރަގް ތަކަކާއެކު އަތިލައިގަތީ.. އެ މައްސަލަ ބެލި އިރު ބައްޕައަކީ ޑްރަގް ޑީލްކުރާ ބިޒްނަސް ކުރާ މީހެއް.. އެމައްސަލައިގަ ބައްޕަ އުމުރަށް ޖަލައްލީ..

ދަރިފުޅު ބައްޕައާ މަންމަ ދިމާވީ ވަރަށް އެހެން ކަހަލަ ގޮތަކަށް.. މަންމަ އުޅުނީ އާދައިގެ މަތިން ޑިއުޓީގަ.. ދެން ވަރަށް އެމަޖެންސީކޮއް ޕޭޝަންޓެއް ގެނައިމަ މަންމައުޅުނީ އޭނައަށް އަވަސް ފަރުވާ ދޭންވެގެން.. މޫނު ފެނުމާއެކު މަންމައަށް އިނގިއްޖެ ދަރިފުޅު ބައްޕަކަން.. ހިތުގަ ވަރަށް ގިނަ ސުވާލުވެސް އުފެދުނު.. އެކަމް ފުރަތަަމަ ބެލީ ބައްޕައަށް ފަރުވާ ދެވޭތޯ..ބޭރު ފުށުން މާ ބޮޑު ގެއްލުމެއް ފެންނަން ނެތަސް ބޮލަށްވަނީ ވަަރަށް ގެއްލުން ލިބިފަ.. ހީވަނީ ބޮލުގަ ބަރު އެއްޗަކުން ޖެހިފަވާހެން..  އޭރުވެސް ބައްޕަ ހެޔެއްނާރާ… ދެން ބޭރަށް ނިކުމެ ބައްޕަ ގެނައި މީހާއާ ސުވާލު ކުރުމުން އޭނަ ބުނީ ކަނޑުމަތިން ހޮވި މީހެކޭ.. ލަކުޑިގަނޑެ ކަހަލަ އެއްޗެއް މަތީގަ އޮއްވާ ފެނުނު އިރު އޭނަ ވަަރަށް ހާލު ދެރަވެފަ އޮތް ކަމަށް.. ދެން އެމީހުން ނަގައިގެން އެންމެ ކައިރީ ހުރި ހޮސްޕިޓަލް އަކަށް ގެނައީ ކަމަށް.. އެމީހާ ޕޮލިހަށް ގުޅަން އުޅެން ފެށީމަ މަންމަ ހުއްޓުވީ.. އަނެއްކާވެސް ބައްޕަ ގެއްލެން ނޭދޭތީ އެމީހާކައިރީ ބުނިން  އެއީ މަންމަގެ ހަސްބެންޑޭ ޕޮލިހަށް ރިޕޯޓް ކުރާނެ ކަމެއް ނެތޭ.. ދަރިފުޅު ބައްޕަ ހޭއެރިއިރު އެއްވެސް އެއްޗެއް ހަނދާނެތް ނެތް.. މަންމަ މީ ކާކުކަންވެސް ނޭންގެ.. ސްކޭން ތަކާއެއްޗެހި ބެލުމުން އިނގުނީ ސިނކުޑިއަށް ލިބިފައިވާ އަނިޔާއެއްގެ ސަބަބުންކަން ހަނދާން ނެތެމަށް މެދުވެރި ވީ.. އެކަމް މަސެއްކަތް ކޮއްފިއްޔާ ކުރީގެ މެމޮރީ ރިގެއިންވާނެ ޗާންސް އިން.. އެހެންނަމަވެސް ވޭތިވެދިޔަ އަށާރަ އަހަރުގަ ދަރިފުޅު ބައްޕަ އުޅުނީ ކޮން ހާލެއްގަ ކަމެއް އަދި ކޮން ކަހަލަ ދިރިއުޅުމެއްގަކަން ނޭންގޭތީ މަންމައަށް ބައްޕަގެ ގެއްލިފައިވާ ހަނދާންތައް އާކުރެވޭ ގޮތެއް ނުވި..އެކަމް ބައްޕަ ކައިރީ ބުުނިން އެވާހަކަ..  ދެން ވިސްނީ އަލުން އާ ފެށުމަކުން ފަށަން.. ދަރިފުޅު ބައްޕައާ އެކުވެރިކަން ބަދަހިވެ ދަރިފުޅު ބައްޕަވެސް މަންމަ ދެކެ ލޯބިވާކަން އިނގުނު ހިސާބުން ކައިވެނި ކުރީ.. ކައިވެނި ކުރުމުގެ ކުރިންވެސް ދަރިފުޅު ބައްޕައަށް ކިޔާދިނިން ކުރިން ކަންވެފަ އޮތް ގޮތް.. ކުރިންވެސް ދެމީހުން ކައިވެނި ކޮއްގެން ދަރިޔަކު ލިބިފަ މަރުވި ވާހަކަ.. އަދި މަންމައަތު ހުރި ދެމީހުން އެކު ނެގި ފޮޓާތައްވެސް ދެއްކިން.. އެކަމް ހަނދާން އާ ވާ ގޮތް ނުވުމުން މާޒީ ހަނދާން ނައްތާލާފަ ދެމީހުުން އަލުން ދިރިއުޅުމެއް ފެށީ.. މި ވޭތުވެދިޔަ ދެ އަހަރު  އަހަރެން ހުއްޓާނުލާ މަސެއްކަތް ކުރިން.. އެކަމް އަހަރެންނަށް ކާމިޔާބުވާގޮތެއް ނުވި.. އެންމެ ފަހުން ދަރިފުޅު ފެނުނު ދުވަހު ދަރިފުޅު ބައްޕައަސް ހުރިހާ ކަމެއް ހަނދާންވީ.. އެދުވަހު ހޮސްޕިޓަލްގަ އިނދެ މަންމައަށް ކިޔާދިނީ ކާފަގެ އިންޒާރުތަކަށް ބިރުން ދަރިފުޅުގެ ސަލަމަތައްޓަކައި ދޮގު ހެދިވާހަކަ… މަންމައަށްވެސް އިނގޭ ދަރިފުޅު ކާފަ އެއީ ކިހާ ވަރެއްގެ މީހެއްކަން.. މީހަކު މަރާލަންވެސް ފަހަކަށް ނުޖެހޭނެކަން.. ” މަންމަ މަޑު މަޑުން އިނދެ އަހަރެންނަށް ކިޔާދިނެވެ. އަހަރެންނަށް ހުރިހާ ކަމެއް ސާފްވާގޮތްވެއްޖެއެވެ. ދެން އިތުރަށް މާޒީއާ ދޭތެރޭ ވިސްނާކަށްވެސް އަހަރެން ބޭނުމެއްނުވިއެވެ. ބޭނުންވި ހުރިހާ އުފަލެއް ދުނިޔެއިން ލިބިއްޖެއެވެ.

” އޭސް މަމް ސެއިޑް.. ލެޓްސް ފޮގެޓް ދި ޕާސްޓް…” އަހަރެން މަންމައާ ބައްޕަގެ އަތުގަ ހިފާލަމުން ބުނެލީމެވެ.

” ނޯ ވެއިޓް.. މަންމަ އާ ބައްޕައާ ދެމީހުން ހުރިހާ ވާހަކައެއް ކިޔާދިންއިރު ދަރިފުޅުގެ ވާހަަކަ ނުކިޔާދެމެންނު.. ކޮބާ އަނެއް މަންމަ..” ބައްޕަ ވިސްނަން އިނދެފަ ބުނެލިއެވެ.

” ހަމަ ޕާފެކްޓް.. މަންމަވެސް އެބައުޅޭ… ޔަލްއަށް ވަަރަށް ރަނގަޅު..” އަހަރެން ބައްޕަކައިރީ ދޮގުހެދީ ތެދު ހާމަ ކޮއްފިއްޔާ ބައްޕަމެން މާދެރަވާނެތީއެވެ. އަހަރެން އުޅުނު ހާލު ކިޔާދީފިއްޔާ އެދެމީހުން އެމީހުންގެ ނަފްސް ކުއްވެރިކުރާނެތީ އަހަރެން އެވާހަަކަތައް ދައްކަން ބޭނުން ނުވީއެވެ. އެހެން ނޫނަސް އެވާހަކަތައް ދައްކައިގެން ވާނެ ފައިދާއެއް ނޯންނާނެކަން އިނގެއެވެ. ބައްޕަ ދޮންމަންމަ ދެކެ ރުޅިއައުން ނޫން ކަމެއް ނުވާނެއެވެ. ބައެއް ކަންތައް މަސްލަހަތައްޓަކައި ސިއްރުކުރުން ބުއްދިވެރިކަމަށް އަހަރެންނަށް ވިސްނުނެވެ.

” ދެން ހޫ އިޒް ހައިކަލް..؟” މަންމަ ހެވިފަ އިނދެ ސުވާލުކޮއްލިއެވެ. އަހަރެން ރަކި ހިނިތުންވުމެއް ހަދިޔާ ކުރީމެވެ.

” ނުބުންޔަސް މޫނަށް އަރާ ކުލަތަކުން އިނގިއްޖޭ.. އަހަރުންނަށް ދަރިފުޅު އަނބުރާ ލިބުނު އިރު ބޮޑުވެގެން މީހަަކާ އިންނަންވިއްޔާ ދޯ މިއުޅެނީ..” ބައްޕަވެސް ދިމާކޮއްލިއެވެ. އެދުވަހު މަންމަމިނާއެކު އުފާވެރި ވަގުތުކޮޅެއް ހޭދަކުރެވުނެވެ. ދެން އަބަދުވެސް މަންމައާ ބައްޕަގެ ލޮއެެއްބާ އޯގާތެރިކަން މިހެން ލިބޭނެ ކަމަށް ހީކުރެވުނެވެ.

މަންމަމިނާއެކު ސަކަރާތް ޖަހާ މަޖާކޮއްހެދި އިރު އަހަރެން ހައިކަލް މަތިން ހަނދާންވެސް ނެތް ކަހަަލައެވެ. ފޯނު ބަލާލަންވެސް އަހަރެން ހިތައްނޭރިއެވެ. ބައްޕަ ބޭނުންވީ އެރޭ ސަފާރީގަ މަޑުކުރާށެވެ. މަންމައާ ބައްޕަ އަހަރެން މާ ޅަ ކޮއްގެން ގެންގުޅޭތީ ބައެއް ފަހަރު މަޖާވެސް ވެއެވެ. ރޭގަނޑު އަހަރެންނަށް ކާންވެސް ދިނީ މަންމައެވެ. ތަގުދީރުގެ މޮޅު ރޭވުންތެރިކަން ނިކަން ދެކިބަލާށެވެ. މަންމަގެ ލޮއެއްބައް ސަލާންޖަހަމުން އަހަރެން ކިހާދުވަހަކު އުޅުނިން ހެއްޔެވެ. ލޯބި ނުލިބުނު ތާނގަ ލިބެމުން ދިޔަ އަނިޔާތަކަށްވެސް އަހަރެން ދިޔައީ ކެތްކުރަމުންނެވެ. މިއަދު ކެތްތެރިކަމުގެ ފޮނި ރަހަ އަހަރެންނަށް އިހްސާސް ކުރެވިއްޖެއެވެ.

ފޯނު މަތިން ހަނދާންވީވެސް އެރޭ ނިދަން ދިޔަ ފަހުންނެވެ. ހައިކަލް އަހަރެންގެ ހަބަރެއް ނުވެގެން ވަރަށް ގުޅާފަ އޮންނާނެ ކަމަށް ހީކޮއް ފޯނު ބަލާލިއިރު ހައިކަލްގެ ވިއްސަކަށް މެސެޖް އިނެވެ.  އަހަރެން އަވަހަށް ހައިކަލްއަށް ގުޅާލީމެވެ. އަހަރެން އުފާވެފަ ހުރި ވަރު އަހަރެންގެ ވާހަކަތަކުން ހައިކަލްއަށްވެސް ނަގައިގަނެވުނެވެ. ބައިގަޑިއެެއްހާއިރު ދެމީހުން ވާހަކަ ދެއްކުމަށްފަހު އަހަރެން ފޯން ބޭއްވީ މާދަން ހެދުނު ހޭލަން ޖެހޭތީއެވެ.

މަންމަމެން އަހަރެންނަށް ގޮވުމުގެ ކުރިން ހޭލައިގެން ފެންވަރާ ތާޒާވެލައިގެން ބޭރަތް ނިކުތް އިރު މަންމަމެން ފެންނަން ނެތުމުން އަދި ނުހޭލަނީކަން އިނގުނެވެ.

” އަނހާ ދަރިފުޅާ ހާދަ އަވަހަށް މޯނިންގް ވީ..” ބައްޕަ ކޮޓަރިން ނިކުންނަމުން ބުނެލިއެވެ. އަހަރެންނާ ޖެހިގެން ސޯފާގަ އިށީންނުމުން އަހަރެން ބައްޕަ އުނގުގަ ބޯ އަޅާލީމެވެ.

” އައި މިސްޑް ޔޫ ޑޭޑް.” މަންމައަށްވުރެ ބޮޑަށް އަހަރެން ހަނދާންވަނީ ބައްޕަ މަތިންނެވެ. ކުޑައިރުއްސުރެ މަންމަ މަރުވެފަ ވާ ކަމަށް ބުނުމުން އަހަރެން މަންމައަށް ހެޔޮދުއާ ކޮއްއަބަދުވެސް ހަދަމެވެ. ނަމަވެސް ބައްޕައާއެކު ވަގުތު ގިނަ ވަގުތު  ހޭދަކޮއްފަ ވުމުން މި ވޭތުވެދިޔަ ދެ އަހަރު އަހަރެން ހާދަ ބޮޑަށް ބައްޕަމަތިން ހަނދާންވިއެވެ.

” ދެން އިރާދަކުރެއްވިއްޔާ ހުރިހާ ކަމެއްވެސް ރަނގަޅުވާނެ..” ބައްޕަ އަހަރެން ބޮލުގަ ފިރުމާލަމުން ބުނެލިއެވެ.

” މަންމައަށް ނެތްތަ ޖާގައެއް..” މަންމަވެސް އައިސް ސޯފާގަ އިށީންނަމުން ބުނެލިއެވެ.  އަހަރެން ތެދުވެ ސޯފާގަ ހަމަ ޖެހިލީމެވެ.

މަންމަމިނާއެކު ސަފާރީގަ އުޅެފަ ގެޔަށް ދެވުނު އިރު ހުރީ އިރުއޮއްސިފައެވެ.

މިއަދު މޫދައް އެރި އުޅުމުގެ ސަބަބުން ހުރީ ފުދޭ ވަރަކަށް ވަރުބަލިވެފައެވެ. އެހެންކަމުން ފެންވަރައިގެން ޖައްސާލިތަނާ އަހަރެންނަށް ނިދިއްޖެއެވެ. ދެން ހޭލެވުނީ މަންމަ ރޭގަނޑު ކާން ގޮވުމުންނެވެ. އަހަރެން ތިރިއަށް ފޭބި އިރު ބައްޕައާ ހައިކަލް ބޭރުން އައިސް ގެޔަށް ވަންނަނީއެވެ. ބައްޕަ ފާޑަކަށް އަހަރެންނަށް ބަލާލިއެވެ. ކާން އިން އިރުވެސް ބައްޕަ މާގިނަ ވާހަކަ ނުދައްކާކަން ފާހަގަ ކުރެވުނެވެ.

ކައިނިމިގެން އަހަރެން ކައިރީ ބައްޕަ ކޮޓަރިއަށް އަންނަން ބުނެފަ ބައްޕަަ ދިޔައީ ކޮޓަރިއަށެވެ. އަހަރެން ހައިކަލްއަށް ބަލާލީ ސުވާލުން ފުރިގެންވާ  ނަޒަރަކުންނެވެ. އަނެއްކާ ހައިކަލް ބައްޕަ ކައިރީ އެއްޗެކޭ ކީހެއްޔެވެ. ބައްޕަ ހުރީ ފުދޭވަރަކަށް ހިތް ހަމަ ނުޖެހިފަކަން އަހަރެންނަށް ނަގައިގަނެވުނެވެ. ކައި ނިމިގެން އަހަރެން ބައްޕަކޮޓަރިއަށް ދިޔައީ ތެޅިތެޅިއޮތް ހިތަކާއެކުގައެވެ. އަހަރެން ކޮޓަރިއަށް ވަނުމުން ބައްޕަ ކައިރީ އިށީންނުމަށް އިށާރާތްްކޮއްލިއެވެ.

” ބައްޕަ ދަރިފުުޅު ކޮންއިރަކު އެހާ އަވަހަށް ބޮޑު ވީ.. ބައްޕައަކަށް ނޭންގެ ދަރިފުޅު ކޮންތާކުން ކަމެއް އެހެން ދޮގު ހަދަން ދަސްކުރީއެއް.. ހައިކަލް ބައްޕައަށް ހުރިހާ ވާހަކައެއް ކިޔާދީފި.. ކީއްވެ ތިހާހާލުގަ އުޅުނުއިރު ބައްޕައަށް ތި ސިއްރުކުރަނީ.. ބައްޕަ ހިޔެއް ނުކުރަން ސިރުމީނާވެސް އެހާ ނުބައި ވާނެ ކަމަކަށް.. ލަދެއްވެސް ނުގަނެއެއްނު އަހަރެންގެ ދަރިފުޅު ގޭން ނެރެލާފަ އޭނަ އެހެން އުފަލުގަ އުޅޭކަށް.. ނަސީބެއްނު ހައިކަލް ކަހަލަ ރަނގަޅު ޑޮކްޓަރަކާ ޖެހުނުކަން.. ނޫން ނަމަ ދަރިފުޅު މިއަދު އުޅޭނީކޮން ހާލެއްގަ.. ” ބައްޕައަށް އެކަން ސިއްރުކުރުމުން ބައްޕަ ހުރީ ނުހަނު ދެރަވެފައެވެ. ބައްޕަ ކޮނޑުގަ ބޯ އަޅާލައިގެން އޮވެ އަހަރެން ހިތް ފުރެން ދެން ރޯލީމެވެ. ހިތުގަ ގިނަވެފަ ހުރި ޝަކުވާތައްް ބައްޕައާ ކުރީމެވެ. ބައްޕަ އަހަރެންނަށް ހިތްވަރުދިނެވެ. އަހަރެން ކަހަލަ ދަރިޔަކު ލިބުނީތީ އުފާކުރާވާހަކަ ބުނެލިއެވެ.

” ދަރިފުޅާ މަންމަ ކައިރީ މީގެން އެއްވެސް ވާހަކައެއް ނުދައްކައްޗޭ.. ދަރިފުޅު އެހާލުގަ އުޅުނުކަން މަންމައަށް އިނގިއްޖިއްޔާ އަދި މާ ދެރަވާނެ..” ބައްޕަ އަހަރެންގެ ކަރުނަތައް ފޮހެލަމުން ބުނެލިއެވެ.

ބައްޕަ ކައިރީ އިރުކޮޅަކު އިނދެލުމަށްފަހު އަހަރެން ދިޔައީ ނިދަންށެވެ. މާދަމާއަކީ ޒައިން ކައިވެނި ކުރެވޭ ދުވަހަށް ވުމުން އަވަހަށް ހޭލަން ޖެހޭނެތީއެވެ. އިރުނާރަނީސް މަންމަ އަހަރެންނަށް ގޮވައިފިއެވެ.  ގޭތެރެ އޮތީ އެއްކޮއް ހަލަބޮލިވެފައެވެ.ޒައިންގެ އާއިލާ މީހުންވެސް އައިސް ކަންކަމުގަ އެހީތެރިވެދީ އުޅެއެވެ.

ކުލަގަދަ ރަސްމިއްޔާތަކާއެކު ޒައިންގެ ކައިވެނި ކުރެވިގެން ދިޔައެވެ.

” އައިޝް މީ ޔަލް.. ގެއްލިފަ ހުރި ކަޒިންއެއް..” އައިޝާ ގޮވައިގެން އައިސް އަހަރެން ކައިރީ ހުއްޓިލަމުން ޒައިން އެރަށު ބަހުން ބުނެލިއެވެ.

” ކޮންގްރެޓްސް.. ވިޝް ޔޫ ބޯތު އަ ވެރީ ހެޕީ މެރިޑް ލައިފް..” އައިޝާއާ ސަލާމްކޮއްލަމުން ބުނެލީމެވެ. އައިޝާގެ ރީތިކަމަށް އަހަރެންނަށްވެސް ތައުރީފް ކޮއްލެވުނެވެ.

” ކޮބާ ހައިކް.. ނުވެސް ދެކެން އަދި..” ކައިވެނި ރަސްމިއްޔާތު ފެށުނުފަހުން ހައިކަލް ނުފެންނާތީ އަހަރެން ޒައިން ކައިރީ އަހާލީމެވެ.

“ހައިކް ދެންމެ މިތާ ހުރި.. ނޭންގެ މިހާރު ދިޔަތަނެއް..” ޒައިން އެހެން ބުނެލުމުން އަހަރެން ހައިކް ފެނޭތޯ ބެލީމެވެ. ތަންކޮޅެއް އެކަހެރިކޮއް ހުރި މޭޒެއްގަ އަންހެން ކުއްޖަކާއެކު ހައިކަލް އިންދާ ފެނުނެވެ. އެ އަންހެންކުއްޖާގެ މޫނު ނުފެނުނު ނަމަވެސް ދެމީހުން ތިބީ ކޮންެމެވެސް ވާހަކައެއް ދައްކާފަ ހޭންށެވެ. ހައިކަލް އަހަރެން ހުއްޓަ އިތުރު އަންހެންކުދިން ނާ އެކު ހީ ސަމާސަ ކުރަން ޖެހޭ ހެއްޔެވެ. އެވަގުތު  އެތާ ކައިރީ ހުރީ މޭޒަކުން ޖޫސް ތައްޓެއް ނަގައިގެން އަހަރެން ހައިކަލްމެން ތިބި މޭޒާ ދިމާލަށް ދާން ހިނގައިގަތީމެވެ. ރުޅިއައިސް ދަތްކުޑި ވިކި ވިކި ހުރި އިރު އެކުއްޖާ އަދިވެސް ހެނީއެވެ. ހައިކަލް ކޮނޑުގަ ކުޑަކޮށް ޖަހާލިތަން ފެނިފަ އަހަރެން ރުޅިގަނޑު ގަދަވިއެވެ. ކައިރީގަ ތިބި މީހަކަށް ބެލުމެއްނެތި އަހަރެންގޮސް އަތުގަ ހުރި ޖޫސްތަޓި އެ ކުއްޖާ މޫނަށް ޖެހީމެވެ.

” ވަޓް ދަ ހެލް..” އެކުއްޖާ ރުޅި ވެރި ކަމާއެކު އަހަރެންނަށް ބަލާލަމުން ބުނެލިއެވެ.

 ނުނިމޭ