ފުން ލޯބި (25)

” ވެއިޓް..” އެހެން ބުނުމަށް ފަހު ހައިކަލް ފޯނު ކަނޑާލިއެވެ. ހައިކަލްވެސް ހާދަ ފޮންޏެވެ. އެހެން ފޯނު ކަނޑާލަން ޖެހޭ ހެއްޔެވެެ. އިރުކޮޅަކުން ދޮރުގަ މީހަކު ޓަކި ޖަހާލި އަޑު އިވުނެވެ.

” މިހާރު ހުވަފެނެއް ނޫންކަން ޔަގީންވެއްޖެ ދޯ..” ދޮރު ކުރިމަތީ ހުރި ހައިކަލް އަހަރެން ނޭފަތުގަ ހިފާލަމުން ބުނެލިއެވެ.

” އާހް… ތަދުވެއްޖޭ..” އަހަރެން ނޭފަތުގަ ފިރުމާލަމުން ބުނެލީމެވެ.

” ލެޓްސް ގޯ އައުޓް..” ހައިކަލް ބުނެލިއެވެ.

” ވަޓް.. މިގަޑީގަ.. މިހެން ހުރެ..” އަހަރެން ހައިރާންކަމާއެކު އަހާލީމެވެ.

” ކިޑިން.. ބޭބީ ކޮޅާ..ހަަމަ ބޭބީ ދެކިލާހިތުން މިއައީ..” ހައިކަލް އެހެން ބުނެލަމުން އަހަރެން ގައިގަ ބައްދާލިއެވެ.

” ޔޫ ސްމެލްސް ގުޑް..” އިތުރަށް އަހަރެން ހައިކަލްގެ އަތުތެރަށް ބޮނޑިވެލީމެވެެ.

” އެހްމް.. އެހްމް..” ދެމީހުން ސިއްސައިގެން ދިޔައީ ކައިރިން މީހަކު ކަރުކެހިލި އަޑަށެވެ. ހައިކަލްއާ ދުރަށް ޖެހިލަމުން ބަލާލިއިރު ޒައިން ދެމީހުނަށް ބަލަހައްޓައިގެން ހެވިފަ ހުއްޓެވެެ.

” މީ ދޯ ދަންވަރު ބޭރަށް މި ނިކުންނަ ކަމަކީ.. އަހަރެން ފެންވަރައިގެން ނިކުތް އިރު ހައިކް ފެންނަންނެތީމަ ކޮބައިތޯ ބަލާލަން ނިކުތީ.. ނޭންގޭނެއްނު މިކަހަލަ މަންޒަރެއް ފެންނާނެ ކަމެއް.. ސޮރީ ފޯދި ޑިސްޓާބެންސް.. ޔޫ ގާއިސް ކޮންޓިނިއު.. އައި އޭމް ގޮއިން..” ޒައިން ލާނެތް ފާދަކަށް ހެވިފަ ހުރެ އެހެން ބުނެލުމަށް ފަހު ކޮޓަރިއަށް ދާން ހިނގައިގަތެވެެ.

” އަހަރެން ދެމީހުންވެސް ނިންމާލީ ދޯ ޔަލް..” ހައިކަލް އެހެން ބުނެލަމުން އަހަރެން ބޮލުގަ ފިރުމާލަމުން ޒައިންއާ އެކު ދާން ހިނގައިގަތެވެ. އުފަލުން ހުރެ އަހަރެން ކޮޓަރިއަށް ވަދެ ނިދަން މަސެއްކަތް ކުރީމެވެ. މިހާ ބޮޑު އުފަލެއް އެއްފަހަރާ ލިބުމުން ލިބޭނެ ހިތާމަވެސް ބޮޑު ވާނެ ކަމަށް އަހަރެންނަށް ވިސްނުނެވެ. އުފަލަކަށް ފަހު ހިތާމައެއް އަންނާނޭ ބުނާ ފަދައިން އަހަރެންނާވެސް ހިތާމަތައް ކުރިމަތި ވެދާނެތީ ބިރުގަންނަން ފެށިއެވެ. ނަމަވެސް މިކަހަލަ ބޭކަރު ކަންތަކާ ވިސްނައިގެން ހަމަޖެހުން ނަގާލުން ނޫން ކަމެއް ނުވާނެތީ އަހަރެން އެހިޔާލުތަކުން ބޭރުވެ ނިދަން މަސެއްކަތް ކުރީމެވެ.

” ދަރިފުޅާ.. ދަރިފުޅާ..” އަހަރެންނަށް ހޭލެވުނީ މަންމަ ގޮވާ އަޑަށެވެ. ކަންނެތް ކަމާއެކު ލޯ ހުޅުވާލިއިރު އެނދުގެ ދެފަރާތުގަ މަންމައާ ބައްޕަ އިށީންދެލައިގެން ތިއްބެވެ.

” ސުބްހާނަﷲ… ދަރިފުޅު އަތަށް މިހިރީ ކިހިނެތް ހަދާފަ.. ސުއިސައިޑް ވާން ޓްރައި ކުރީތަ.. ބައްޕަ ދަރިފުޅު ހަަމަ އެހާ ހާލުގަތަ އުޅުނީ…” އެންމެ ފެންނަން ބޭނުންނުވި ތަން ބައްޕައަށް ފެނުނީއެވެ. މަންމަވެސް ދެލޯ ބޮޑުކޮއްލައިގެން އަހަރެންގެ އަތައް ބަލަން އިނެވެެ. އަހަރެންގެ އަތް އޮތީ ލަކުނު ތަކުން ފުރިފައެވެ. ދިރިއުޅުމުގެ ބައެއް އިމްތިހާން ތަކާ އަހަރެންނަށް ކުރިމަތި ލާނެ ހިތްވަރު ނުލިބުނީއެވެ.

” އައި އޭމް ސޮރީ..” އަހަރެން މަންމައާ ބައްޕަގެ ކިބައިން މާފަށް އެދުނީ އެދެމީހުން ދެރަވާނެ ވަރު ވިސްނާފައެވެ. މަންމަވެސް ފެންކަޅިވެފަ އަހަރެން  އަތުގަ ފިރުމަން އިނެވެ.

” އެކަމް ދަރިފުޅާ ހާދަ ވަރެއް ވެފައޭ ތިއޮތީ..” ބައްޕަ އަދިވެސް އިނީ އަހަރެންގެ އަތް ފެނުމުން ގަބޫލު ނުކުރެވިފައެވެ. އަހަރެންމީ އެއްވެސް އިރެއްގަ އެހެން ނަފްސައް ގެއްލުންދިން މީހެއް ނޫނެވެ.

” އައި ސްޓޮޕްޑް ހާޓިން މައި ސެލްފް..” އަހަރެން މަންމަމެން ހިތްހަމަ ޖައްސާދިނުމަށް ބުނެލީމެވެ.

މަންމައާ ބައްޕަ އަހަރެންގައިގަ ބައްދާލިއެވެ.

” ދަރިފުޅާ ބައްޕަމިނަށް މާފް ކުރޭ.. ދަރިފުޅު ތިހާލުގަ އުޅެން ޖެހުނީ ހަމަ ބައްޕަމެންގެ ސަބަބުން..” ބައްޕަ އަހަރެން ނިތް ކުރީގަ ބޮސްދެމުން ބުނެލިއެވެ.

” ދެން ދަރިފުޅުގެ މިލޮލުންެ އެންމެ ކަރުނަތިއްކަކަށްވެސް ޖާގައެއް ނުދޭނަން.. އެޔަށްވުރެ އުފަލުގަ ދަރިފުޅު އުޅޭނީ..” މަންމަވެސް އަހަރެންގަޔާ ކައިރި ކޮއްލަމުން ބުނެލިއެވެެ.

” ސްޓިލް އައި ނީޑް ޓް ނޯ އެވްރީތިންގް..” މަންމަވެސް ބައްޕަވެސް މާ ބޮޑަށް  ކަންވީ ގޮތުގެ ވާހަކަ ނުދައްކާތީ އަހަރެން ބުނެލީމެވެ.

” ހިނގާ ސައިބޮއެގެން ބޭރަށް ދާން.. ” ބައްޕަ އެހެން ބުނެލުމުން އަހަރެން ވަަރަށް އުފާވިއެވެ. އަލަށް މަންމައާ ބައްޕައާއެކު ތާކަށް ދެވޭތީ އަހަރެން ހުރީ އުފަލުންގޮސް ހެވިފައެވެ.

” ދެން ކޮލްގެޓް އިސްތިހާރު ނުކޮށްދޭބަ ދޯ ދަތް އުނގުޅަން.. ޑރ.ހައިކަލްވެސް އެބައިން ޔަލްގެ އިންތިޒާރުގަ ސައި ނުބޮއެ..” ކޮޓަރިއަށް ވަންނަމުން ޒައިން ދިމާކޮއްލިއެވެ. އޭނަ އެއައީ ހައިކަލް ބުނެގެން އަހަރެން ސައިބޯން ބަލައެވެ. ނަަމަވެސް މަންމަމެން ތިބުމުން ހައިކަލްްއަށް އަންނަން ނުކެރުނީ ކަންނޭންގެއެވެ.

” ހޫ އިޒް ޑރ.ހައިކަލް.. އޯ ޒައިން ފްރެންޑް ދޯ..” މަންމަ ބުނެލިއެވެ.

” މިއަންނަނީ ސައިބޯން ރެޑީވެގެން..” އަހަރެން އަވަސް އަވަހަށް ފާހާނައަށް ވެންނީމެވެ. ސައިބޯން ދިޔައިރު އެންމެމެންވެސް އަހަރެންގެ އިންތިޒާރުގަ ތިއްބެވެ. ޒައިން މަންމައާ ބައްޕަވެސް އަހަރެންނާ ތަފާތު ވާހަކަ ދެއްކިއެވެ. އެމީހުނަށްވެސް އަހަރެންގެ ހަގީގަތް އިނގުމުން ތިބީ ނުހަނު އުފާވެފައެވެެ.

ސައިބޮއެ ނިމިގެން އަހަރެން މަންމަމިނާއެކު ބޭރަށް ދަމުން ހައިކަލްއަށް މެސެޖް ކޮއްލީމެވެ.

ބައްޕަ ކާރު  ދުއްވަމުން ދިޔައިރު އަހަރެންނާ މަންމައިނީ ފަހަތު ސީޓްގައެވެ.

” ކޮންތާކަށް މިދަނީ ޑޭޑް.” އަހަރެން އަހާލީމެވެ.

” އަ ސަޕްރައިސް” މަންމައާ ބައްޕަ އެއްފަހަރާ ބުނެލިއެވެ. ބައްޕަ ކާރު މަޑުކޮއްލީ ޖެޓީއެއް ކައިރީގައެވެ.  ކާރުން ފައިބައިގެން ކައިރީ އޮތް ކުޑަ ލޯންޗަކަށް އަރަންބައްޕަ ބުންޏެވެެ.

” ފިޝިން ޓްރިޕް؟..” އަހަރެން އަހާލީމެވެެ.

” ނޯ.. ޖަސްޓް ވެއިޓް ބޭބީ..” މަންމަ އަހަރެން ގައިގަ ކުޑަކޮއް ބައްދާލަމުން ބުނެލިއެވެ.

ލޯންޗް ފުދޭވަރަކަށް ދުއްވުމަށް ފަހު މަޑުކޮއްލީ ބޮޑު ސަފާރިއެއް ކައިރީގައެވެ. އަހަރެން އެ ސަފާރީ ބޮޑުކަމުންނާ ރީތި ކަމުން ޝޯހްވެފަ ބަލަން އިނީމެވެ.

” އިޓްސް ޔުއާސް..” ބައްޕަ ބުނެލިއެވެ.

” ވަޓް..” އަހަރެން ގަބޫލް ނުކުރެވިފަ ބުނެލީމެވެ.

” އަ ވެލްކަމް ގިފްޓް ފޯ އަވާ ބޭބީ ގާލް..” މަންމަވެސް ބުނެލިއެވެ.

އަހަރެންނަށް ހުރެވުނީ ބުނާނެ އެއްޗެއްވެސް ނޭންގިފައެވެ. އަހަރެން މިކަހަލަ އަގުބޮޑެތި ހަދިޔާތަކެއް ބޭނުމެއް ނޫނެވެ. އަހަރެނ   ް ބޭނުން ވަނީ މަންމައާ ބައްޕަގެ ލޮއެއްބެވެ. ލޯބި އެކަނި އަަހަރެންނަށް ފުދެއެވެ. ނަމަވެސް ގިފްޓާ ބެހޭގޮތުން އިތުރުއެއްޗެއް ނުބުނީ މަންމަމިން ދެރަވެދާނެތީއެވެ.

” ވަރަށް ގިނަ މީހުން އެބަ އުޅޭތަ..” އަހަރެން ސަފާރީއަށް އަރަމުން މަންމަމެން ކައިރީ އަހާލީމެވެ.

” ނޯ.. އޮންލީ ތްރީ އޮފް އަސް.. ފެމިލީޓައިމް..”

މަންމައާ ބައްޕައާ އެކު އެކަނި ވަގުތު ހޭދަ ކުރަން އަހަރެންްވެސް ހުރީ ނުހަނު ބޭނުން ވެފަ ކަމުން އުފަލުން ހިތް ފުރުނެވެ.

ސަފާރިއެކޭ ކުޑަ ގެޔެކޭ ތަފާތެއް ނެތެވެ. އެތެެރޭގަ ހުރި ސޯފާ ގަ އިށީންދެެލުމަށް ފަހު ބައްޕަ ވާހަކަ ދައްކަން ފެށިއެވެ.

” ދަރިފުޅާ.. ބައްޕައަށް މިވާހަކަ ފަށާނެ ގޮތެއްވެސް ނޭންގިފަ މިއިނީ..” ބައްޕަ މަންމައަށް ބަލާލަމުން ބުނެލިއެވެ.

” ޖަސްޓް ޓެލް މީ އެވްރީތިންގް ޑޭޑް..” އަހަރެން އިނީ އެވާހަކަތަށް އަޑު އަހާހިތުން ކެތް މަދުވެފައެވެ.

” އެއީ މީގެ ބާވީސް އަހަރު ކުރިން.. ބަލްޤިސް އޭރު އުޅެނީ ރަށު ހޮސްޕިޓަލްގެ ޑޮކްޓާރ އަކަށް.. ބަލްޤިސް ހުންނަނީ އަހަރުންގެއިން ކުއްޔައް ކޮޓަރިއެއް ހިފައިގެން.. އެހެން އުޅުމުގެ ތެރޭގަ ދެމީހުން އެކުވެރިވެ އެ ގުޅުމަށް އެހެން ނަމެއް ދޭން ޖެހުނެ.. ދެމީހުން އޭރު އުޅުނީ އެންމެނަށް ސިއްރުން ރައްޓެހިވެގެން.. އެކަމް މަންމަމިނަށް އެކަން އިނގޭކައް މާގިނަ ދުވަހެއް ނުނެގި.. ބައްޕަމެން ފުރަތަމަ ކޮޅު ވަރަށް ނުގަބޫލުވި އެހެން ގައުމެއްގެ މީހަަަކަށް ވީމަ.. އެކަމް ކައިވެނިކޮއްގެން ރަށުގަ އުޅޭވާހަކަ ބުނީމަ ގަބޫލުވީ.. ދެން ބެލީ ބަލްޤިސްގެ ބައްޕަ ރުއްސޭތޯ.. ނަމަވެސް ބަލްޤިސް ބައްޕަ ކައިވެންޏާ މުޅިން ދެކޮޅު.. ބަލްޤިސް ބައްޕަ ނުގަބޫލުގަ ދެމީހުން ކައިވެނި ކުރީ.. ކައިވެނިކޮއްގެއް ދަރިފުޅު ވިހަން އޮތް ދުވަހު ބަލްޤިސް ބައްޕަ ރަށަށް އައީ.. އަހަރެންނާ ވަކިން ބައްދަލް ކޮއްފަ ވަރަށް އިންޒާރުދިން.. ދަރިފުޅު ސަލާމަތުން ބަަހައްޓަން ބޭނުމިއްޔާ ބުނީ ބަލްޤިސް ކައިރީ ބުނާށޭ ދަރިފުޅު ވިހެއުމަށް ފަހު މަރުވީއޭ.. އަދި ބަލްޤިސްއަށް އެއްވެސް ގޮތަކުން ދަރިފުޅު ދުނިޔޭގަ ހުރިކަން ނާންގާށޭ.. ނޫނީ އޭގެ އަސަރު ދަރިފުޅަށް ކުރާނޭ..  ބަލްޤިސް ބައްޕައަކީ ފުދޭވަރަކަށް  ބާރުހުރި މީހަކަށް ވުމުން އަހަރެން ބިރުގަތީ ދަރިފުޅަށް ގެއްލުމެއް ވެދާނެތީ.. އެހެންވެ އޭރު މަޖްބޫރު ވީ ދަރިފުޅުގެ ސަލާމަތަކައްޓަކައި ބަލްޤިސް ކައިރީ ދޮގު ހަދަން.. ބަލްޤިސް ކައިރީ ދަރިފުޅު މަރުވި ވާހަކަ ބުނުމުން ވަަރަށް ރުއި.. އަދި އަހަރެން ބުނިން ދެން އިތުރަށް އުޅެން ބޭނުން ނުވާވާހަަކަ އާ އެހެން މީހަކާ  ކައިވެނި ކުރަން އުޅޭވާހަކަ… އަހަރެން އެހެން ކަން ކުރުމުން ބަލްޤިސް ބައްޕަ ބޭނުންވިގޮތައް ބަލްޤިސް ގައުމަށްދާން އެއްބަސްވީ.. ދަރިފުޅަށް އެކަން ސިއްރު ކުރީ ދަރިފުޅު ފަހުންވެސް ދަރިފުޅު މަންމަ ދުނިޔޭގަ ހުރިކަން އެނގުމުން ހޯދަން ގޮސްފާނެތީ.. ގޮސްފިއްޔާ ބަލްޤިސްގެ ބައްޕަގެ ކިބައިން ދަރިފުޅަށްވެސް ސަލާމަތް ނުވާނެކަން އިނގޭތީއެވެ… ބަލްޤިސްއަށްވެސް ދަރިފުޅު ދުނިޔޭގަ ހުރިކަން އިނގުނީ އިއްޔެ ފެނުނީމަ..” ބައްޕަ ފެންކަޅިވެފަ އިނދެ ކިޔާދިނެވެ. މަންމަވެސް އިރު އިރު ކޮޅުން ކަރުން ފުހެލާނެއެވެ.

” ދެން އެހެން ވިއްޔާ ބައްޕަ ކީއްވެ ޕާކިސްތާންގަ މިހާރު ތިއުޅެނީ؟.. ކިހިނެތް މަންމައާ ދިމާވީ ފަހުން؟.. ކިހިނެތް ކާފަ ކިބައިން ސަލާމަތްވެގެން މަންމައާ ކައިވެނި ކުރީ؟…ކީއްވެ މަންމަ ކައިރީ އަހަރެންްގެ ވާހަކަ ނުބުނީ؟.. ” އަދިވެސް އަހަރެންގެ ހުރިހާ ސުވާލުތަކަށް ޖަވާބު ނުލިބޭތީ އިތުރަށް ބައްޕައާ ސުވާލު ކުރީމެވެ. ބައްޕަ އިސްދަށައް ޖަހާލީ ކުއްވެރިއަކު ފަދައިންނެވެ.

 ނުނިމޭޭ