ފުން ލޯބި (24)

އެމީހާ އަހަރެންނަކީ ކާކުކަން ނޭންގިގެން ބަލަން އިރުކޮޅަކު ހުއްޓެވެ.

” ޔަލްވީ.. ދަރިފުޅާ ޔަލްވީ.. ” ބައްޕަ އަހަރެންނާ ދިމަލަށް ބަލަން ހުރެފަ ބުނެލިއެވެ. ނަމަވެސް އަހަރެންނަށް ބައްޕައާ ހަމައަށް ނުދެވެނީސް ބައްޕަ އަނބުރައިގަނެގެން ވެއްޓިއްޖެއެެވެ.

” ބައްޕާ..” އަހަރެން ބައްޕައަށް ގޮވަމުން ދިޔައީމެވެ.

އެވަގުތު ބަދިގެއިން ދެމީހުން ނިކުމެގެން އައިސް އަހަރެންނާ އަރާ ހަަމަވަނީއެވެ. އެތަނުން އެކަކު އަހަރެންނާ ހާދަ ވައްތަރެވެ. ޒައިން އަބަދުވެސް އަހަރެން އޭނަގެ ކޮންމެސް ދައްތައަކާ ވައްތަރު ވާހަކަ ދައްކައެވެ. މީ އެ ދައްތަ ކަން ޔަގީނެވެ. އޭނަވެސް އަހަރެންނާ ދިމާލަށް ބަލަން ހުރީ އެހާވައްތަރު ވީމަ ކަންނޭންގެއެވެ. އެވަގުތު އެތަނަށް ޒައިންއާ ހައިކަލްވެސް އައެވެ.

” ދޮންތާ.. ދޮންތަބެއަށް ކިހިނެތްވީ..؟ ” ޒައިން ބައްޕަ ސޯފާގަ ބައިންދަމުން އޭނަގެ ދޮންތައާ މުހާތަބުކޮއް ބުންޏެވެ.

” ހައިކް ހީޒް މައި ޑޭޑް.. ދެންެމެ ދަރިފުޅާއޭވެސް ބުނި…” ހައިކަލް ކައިރީ އެހެން ބުނަމުން އަހަރެންގޮސް ބައްޕަ ބާއްވާފަ އިން ސޯފާގެ ބައްޕައާ ޖެހިގެން އިށީންނީމެވެ.

” ޑޭޑް ވޭކް އަޕް.. އިޓްސް މީ.. ޔުއާ ޕްރިންސެސް..” އަހަރެން ބައްޕައަށް ގޮވަމުން ދިޔައީމެވެ. ޒައިންވެސް ފެން ތައްޓެއް ހިފައިގެން އައިސް ބައްޕަ ގެ މޫނަށް ފެން ފޮދެއް ވިއްސާލިއެވެ.

” މަމް… ކޯލް ދި އެމްބިއުލައިންސް..” ޒައިން އޭނަގަ މަންމަ ކައިރީ އެހެން ބުނުމުން އޭނަވެސް ހާސްވެފަ ހުރެގެން ފޯނުން ގުޅިއެވެ. އެކަމް ޒައިންގެ ދޮންތަ އަދިވެސް އެ ހުރިތާގަ އަހަރެނަށް ބަލަހައްޓައިގެން ހުރީއެެވެ.

” އިޒްް ހީ ޔުއާ ޑޭޑް..” ޒައިން ގެ ދޮންތަ އައިސް އަހަރެން ކައިރީ އިށީންދެލަމުން ބުނެލިއެވެ.

” ޔެސް.. އައިވް ލޮސްޓް ހިމް ޓޫ އިޔާސް އެގޯ..” އަހަރެން ބުނެލީމެވެ.

” ވަޓް.. ” އޭނަ އަދިވެސް ގަބޫލު ނުކުރެވިފަ އިން ގޮތަކަށް އަހަރެންނަށް ބަލަހައްޓައިގެން އިނީއެވެ.

” ދަރިފުޅާ… ޔަލްވީ..” ބައްޕަ ކުޑަކޮށް ލޯ ހުޅުވާލަމުން އަހަރެންނަށް ގޮވާލިއެވެ. ނަމަވެސް އަނެއްކާވެސް ބައްޕަ ލޯމެރުނެވެ. އެމްބިއުލެންސްް އައުމުން އެންމެން އަވަސް ވެގަތީ ބައްޕަ ހޮސްޕިޓަލްއަށް ގެންދާށެވެ. އަހަރެންނާ ޒައިން އަދި ހައިކަލް ދިޔައީ ކާރުގައެވެ.

” ޒައިން ދޮންތަ އާ ދޮންތަބެ މެރީކޮއްގެން އުޅޭތާ ކިހާ ދުވަހެއްވެދާނެ..” އަހަރެން އަހާލީމެވެ.

” ތްރީ ވަރަކަށް އިޔާސް ވާން އުޅޭނެ ކަންްނޭންގެ..އަސްލުވެސް އެއީ ޔަލްގެ ޑޭޑްތަ..” ޒައިންވެސް އިނީ އޮޅުން ބޮޅުން ގަނޑެއްތެރޭގައެވެ.

” ޔޭސް ހީ އިޒް މައި ޑޭޑް.. އެކަމް ޑޭޑްއަށްވެސް ފުރަތަމަ ޔަލް ފެނުނީމަ ވަކި ކުރާކަށް ނޭންގުނު ވަރަށް ގިނައިރު ބަލަން ހުރެފަ ޔަލް ޑޭޑް އޭ ބުނީމަ ދަރިފުޅާއޭ ކިޔާފަ ގޮވާލީ… ޑޭޑް ޔަލް މަތިން ހަނދާން ނެތިނީތަ؟…ކިހިނެތްތަ މިވަނީ..އަހަރެންނަށް އެއްވެސް ގޮތަކަށް މި ވާނުވާއެއް ނޭންގުނު…” އަހަރެންވެސް ހުރީ ވާނުވާ ނޭންގޭ ވަރުވެފައެވެެ. ބައްޕަ އަހަރެން ދޫކޮއްފަ ޕާކިސްތާނައް އައިސް  އުޅެންވީ ކީއްވެހެއްޔެވެ. ޒައިންގެ ދޮންތައާ ބައްޕަ މެރީކޮއްގެން އުފަލު އެ އުޅެނީ އަހަރެންމީ ދުނިޔޭގަ ނެތް މީހަކަށް ހަދާލާފަހެއްޔެވެ. މި ހުރިހާ ދުވަހު ބައްޕަ ގެއްލިގެން އުޅުނު އިރު އެ ބައްޕައާދޭތެރޭ އަހަރެން ވިސްނިފާ ހިތާމަ ކުރި ވަރެއް އިހްސާސްވެސް ކޮއްނުލެވޭނެއެވެ. ނޫނެކެެވެ. ބައްޕަ އެހެން އަހަރެން ދޫކޮއްނުލާނެއެވެ.

ބައްޕަގެ ކޮންމެވެސް މަޖުބޫރީއެއް އުޅެނީކަން ޔަގީނެވެ. ހޮސްޕިޓަލްއަށް ދިޔައިރު ބައްޕަ އެމަޖެންސީ ރޫމަށް ގެންގޮސްގެން ފަރުވާ ދެނީއެވެ. އެމާޖެންސީ ރޫމު ބޭރުގަ ޒައިން މަންމައާ ދޮންތަ ތިއްބެވެ. އަހަރެން ފެނުމުން ބަލަން ތިބެފަ ރަށުބަހުން ކޮންމެވެސް ވާހަކައެއްދެއްކިއެވެ. އަހަރެންނަށް ކޮންމެވެސް ވަރަކަށް ކީ އެއްޗެހި ނަގައި ގަނެވުނީ ހިންދީ ކޮންމެސް ވަރަކަށް އިނގޭތީއެވެ.

ޑޮަކްޓަރ ނިކުމެ ޒައިން ދޮންތައާ ވާހަކަ ދައްކަން ފެށިއެވެ.

” ހީ އިޒް ފައިން.. ހީ ރިގެއިންޑް ހިސް މެމޮރީ..” ޑޮކްޓަރ ބުނެލިއެވެ. އަދި އެގޮތަށް އެ އަބުރައި ގަތީ ސިކުނޑިއަށް މާ ބާރުބޮޑު ވެގެން ކަމައްށާ މިގަޑީ ރެސްޓް ބޭނުން ވާ ކަމަށް ބުނެލިއެެވެ. ” ރިގެއިން ހިސް މެމޮރީ” ގެ މާނައަކީ ބައްޕަ ހަނދާން ނެތް ވާހަކަ ހެއްޔެވެ. ބައްޕަ ގެ މެމޮރީ ލޮސް ވާންވީ ކީއްވެހެއްޔެވެ. އެތައް ސުވާލުތަށް ހިތުގަ ފުނިޖެހެމުން ދިޔައިރު ޖަވާބު ހޯދުމަށް އަހަރެން ހުރީ ކެތް މަދުވެފައެވެ. ނަމަވެސް މިގަޑީގަ ބައްޕަ އާ ބައްދަލު ކުރުން އެއީ ރަނގަޅުގޮތް ނޫން ކަމަށް އަހަރެން ވިސްނާފަ ބައްޕަ ރެސްޓްކުރަން ވަގުތު ދިނީމެވެ. ބައްޕަ ކައިރީ ޒައިން ދޮންތަ މަޑު ކުރިއެވެ. ހިފަހައްޓައިގެން އިން ކަރުނަތައް އަހަރެންނަށް ބޭރުކޮއްލެވުނީ ކާރަށް އެރުމަށް ފަހުއެވެ. ހައިކަލްގެ ކޮނޑުގަ ބޯ އަޅާލައިގެން އޮވެ އަހަރެން ރުއީ ދެރަވެގެން ކަމެއް ނޫނީ އުފާވެގެން ކަމެއް ނޭންގެއެވެ.

” ޔަލް ޑޯންޓް ކުރައި.. ހީ ވިލް ބީ ފައިން.. ޔޫ ގޮޓް ޔުއާ ޑޭޑް ބެކް.. ބީ ހެޕީ..” ރޯތަން ފެނިގެން ޒައިން ބުނެލިއެވެ.

” އައި އޭމް ނޮޓް ސުއާ.. ބަޓް އައި އޭމް ހެޕީ ހީޒް އެލައިވް..” އަހަރެން ކަރުނަތައް ފުހެލަމުން ބުނެލީމެވެ. ހައިކަލް އަހަރެންގެ ބޮލުގަ ފިރުމާލަ ފިރުމާލަ އިނެވެ.

” ވީ ވިލް ފޭސް އެވްރީތިންގް ޓުގެދަރ.. އައި އޭމް އޯލްވޭސް ވިތު ޔޫ ބޭބީ” ހައިކަލް  އަހަރެންގެ ލޮލުގެ ކަރުނަ ފުހެލަމުން ލޮލުގަ ބޮސް ދިނެވެ.

” އޯވން.. ބޭބީ ޑޯންޓް ކުރައި..” ޒައިން އަހަރެމެންނާ ދިމާ ކޮއްލިއެވެ.

ގެޔަށް އައި އިރު ޒައިން މަންމައާ ބައްޕަ ކޮންމެވެސް ވާހަކައެއްގަ ތިއްބެވެ. އެމީހުން ސައިކްގަ އައީމަ އަހަރުންނަށް ވުރެ ކުރިން އާދެވުނީއެވެ.

ޒައިން އަހަރެން ދެމީހުން އެމީހުނަށް ތައާރަފްކޮއްދިނެވެެ. ނަމަވެސް އެދެމީހުންވެސް މާ ވަރަކަށް އަހަރެެންނަށް ބަލާކަން ފާހަގަ ކުރެވުނެވެ. އެއީ  އަހަރެންގެ ބައްޕަކަން އިނގުނީމަ ކަންނޭންގެއެވެ.

ރޭގަނޑު ކެމަށްފަހު ޒައިންއާ ތިން މީހުން ތިބީ ސިޓިންރޫމްގަ ޓީވީއިން އަންނަމުންދިޔަ ފިލްމެއް ބަލާށެވެ. ނަމަވެސް އަހަރެންގެ ހިޔާލުތަކުގައި ވަނީ ބައްޕައެވެ. ޒައިން ކައިރިން އަހާލުމުން ބުނީ މާދަން ބައްޕަ  ދޫކޮއްލާނެ ކަމަށެވެ. އަހަރެން މަޑުކޮއްގެން ހުރީ ބައްޕަ ގެޔަށް އަންނަންދެކަށެވެ. އޭރުން ހަމަ ޖެހިލައިގެން ބައްޕައާ ވާހަކަ ދެއްކޭނެއެވެ. ކިތަންމެ ކެތް ކުރަން އުނދަގޫ ވިނަމަވެސް އިތުރުގޮތެއް ނެތުމުން ކެތްކުރަން މަޖުބޫރު ވީއެވެ. ބައްޕައަށް އެހެން ވީ ފަހުން ޒައިން މަންމަމެންވެސް ތިބެނީ ފާޑަކަށެވެ. މިރޭ ކޭ ގަޑީގަވެސް ޒައިން މަންމަ މިނެއް ނެތެވެ. އަނެއްކާ އެމީހުން ހިތްހަމަ ނުޖެހެނީ ހެއްޔެވެ؟ ހިތްހަމަ ނުޖެހުނަސް އަހަރެން ދެކެ ކިތަންމެ ރުޅިއަޔަސް ހަގީގަތް ބަދަލެއް ނުކުރެވޭނެއެވެ. އަހަރެންނަކީ ބައްޕަގެ ދަރިއެކެވެ. އެކަން ބަދަލު ކުރެވޭކައް ނޯންނާނެއެވެ.

” ވަޓް.. ހައު..” ޒައިންއަށް ފޯނުން ވާހަކަ ދައްކަމުން ބުނެލިއެވެ.

” އޯކޭ.. އޮން ދަ ވޭ..” އެހެން ބުނުމަށް ފަހު ފޯންބޭއްވިއެވެ.

” ޔަލް ލެޓްސް ގޯ.. ޔަލްގެ ޑޭޑް ޔަލް އެބަ ހޯދާ..” ޒައިން އެހެން ބުނަމުން ދާން ހިނގައިގަތެވެ. އަހަރެންވެސް ހައިކަލްގެ އަތުގަ ހިފާލަމުން އޭނަ ފަހަތުން ނިކުތީމެވެ. ކާރުން ފައިބަމުން ޒައިން އެދުނީ އަހަރެން އެކަނި ވަނުމަށެވެ. އަހަރެން މަޑު މަޑުން ހިނގާފަ ބައްޕައޮތް ކޮޓަރިއަށް ދިޔައިރު ޒައިން ދޮންތަ އިނީ ބައްޕަ އަތުގަ ހިފާލައިގެންނެވެ. އަހަރެން ވަނުމުން ކަރުނުން ފުރިގެންވާ ދެލޮލުން އަހަރެންނަށް ބަލާލިއެވެ.

” ދަރިފުޅާ..” ދުވެފަ އައިސް އަހަރެން ގައިގަ ބައްދާލަމުން ޒައިން ދޮންތަ ބުނެލިއެވެ. އަހަރެން އިނީ ވާނުވާ ނޭންގިފައެވެ. ޒައިންގެ ދޮންތައަކީ އަހަރެންގެ މަންމަ ހެއްޔެވެ؟ އަހަރެން ސުވާލުން ފުރިގެންވާ ނަޒަރަކުން ބައްޕައަށް ބަލާލީމެވެ. ބައްޕަ ބޯ ޖަހާލިއެވެ.

” މަމް..” އަހަރެންނަށްވެސް ބޭ އިހްތިޔާރުގަ ބުނެލެވުނެވެ.

މަންމަ ހީވަނީ އަހަރެން ފެނިގެން މޮޔަވެގެން އުޅޭހެންނެވެ. އެތަން މިތަނަށް ބޮސްދެމުން ދިޔައިރު ފެންކަޅިވެފަ ބައްޕަ އަހަރެމެން ދެމައިންނަށް ބަލަން އިނެވެ. އަހަރެން އަދިވެސް ހުރީ މި ފެންނަމުން ދާ ކަންތައް ގަބޫލު ނުކުރެވިފައެވެ.

” ބަލްޤިސް.. ދެން އެމަންޖެ ނޭވާލިޔަ ދީބަ.. ދެން އުމުރަށްވެސް ބަލްޤިސްއާ އެކުގައޭ އުޅޭނީ..” ބައްޕަ މަންމައަށް މުހާތަބުކޮއް ބުނެލިއެވެ.

ބަލްޤިސް؟؟؟ މަންމަގެ ނަމަކީ ބަލްޤިސް ތާއެވެ. މަންމައާ އެެއްވަރަށް ނަންވެސް ރީއްޗެވެ. ބައްޕަ އެހެން ބުނުމުން މަންމަ އަހަރެން ގޮވައިގެން އައިސް ބައްޕަ އިން އެނދުގަ ބޭންދިއެވެ. އަދި އަހަރެންނާ ޖެހިގެން މަންމަ އިށީނިއެވެ. މަންމައާ ބައްޕަ އަހަރެން ގައިގަ ބައްދާލައިގެން ތިބި ގޮތުން ބަލާލި މީހަކަށް ސިފަވަމުން ދާނީ ފިލްމެއްގެ މަންޒަރެއް ހެންނެވެ.

” ވަޓްސް ހެޕެނިންގް.. އޭމް އައި ޑްރީމިންގް..” އަހަރެންނަށް ބުނެލެވުނެވެ.

” ނޫން ދަރިފުޅާ މީ ހަމަ ހަގީގަތް.. ބައްޕައަށް އިނގޭ ދަރިފުޅު ހިތުގަ ވަރަށް ސުވާލު އުފެދޭނެކަން.. ގެޔަށް ގޮސް ހަަމަ ޖެހިލައިގެން ދޯ ވާހަކަ ދައްކާނީ..” ބައްޕަ އަހަރެންގެ ބޮލުގަ ފިރުމާލަމުން ބުނެލިއެވެ.

” ޓެލް މީ ވަންތިންގް.. ޔޫ ސެއިޑް މަމް ޑައިޑް އޭ.. ހައު ކަމް ޝީ އިޒް އެލައިވް..” އަހަރެން އެންމެ ޖަވާބު ހޯދަން ބޭނުންވި ސުވާލުކޮއްލީމެވެ.

” ދަރިފުޅާ އެއީ ދަރުފުޅުގެ ރައްކާތެރި ކަމަށްޓަކައި ބައްޕަ އަށް ހަދަން މަޖުބޫރުވި ދޮގެއް.. މަންމައަކަށްވެސް ނޭންގެ ދަރިފުޅު ދުނިޔޭގަ ހުރި ކަމެއް.. މިއަދު ދަރިފުޅު ފެނުމުން މަންމައަށްވެސް އިނގުނީ..” މަންމަވެސް ޒައިންހާ ފަރިތަކޮއް ދިވެހިން ވާހަކަ ދައްކާކަން އަހަރެންނަށް ފާހަގަ ކުރެވުނެވެ.

” ދަރިފުޅާ ދެން މާ ބޮޑަށް ނުވިސްނާ.. އިރާދަ ކުރެއްވިއްޔާ ދެން ދަރިފުޅު އުޅޭނީ މަންމައާ ބައްޕަ އާއެކު.. ގެޔަށް ގޮސް ހަމަ ޖެހިލައިގެން ވާހަކަ ދައްކާނީ ދޯ..” ބައްޕައަށް އަދިވެސް އަހަރެން ޖަވާބު ހޯދަން ބޭނު ބައިވަރު ސުވާލު ހުންނާނެކަން އިނގޭތީ ބުނެލިއެވެ.

” މަންމީސް ޕްރިންސެސް..” މަންމަ އަދިވެސް އިނީ އަހަރެންގެ ގައިގަ ބައްދާލައިގެންނެވެ. އަހަރެންނަށް މަންމައާ ބައްޕަގެ ލޯބި އިންތިހާއަށް ލިބެމުން ދިޔައެވެ. ގައިމުވެސް މިރޭ ވެގެންދާނީ އަހަރެންގެ ހަޔާތައް އައި އެންމެ އުފާވެރި ރެޔަށެވެ. އެރޭ އަހަރެން ގެެޔަށް ދާން ބޭނުން ނޫން ކަމަށް ބުނި ނަމަވެސް މަންމައާ ބައްޕަ އަހަރެން ނިދަން ގެޔަށް ފޮނުވިއެވެެ. ހޮސްޕިޓަލްގަ މަޑު ކުރިޔަސް އަހަރެން ނިދާނެ ތަނެއް ނުހުންނާނެތީއެވެ. ގެޔަށް އައި މަގުމަތީގަ އަހަރެން އެވާހަކަތައް ހައިކަލްއާ ޒައިންއަށް ކިޔާދިނީމެވެ. އެދެމީހުންވެސް އަހަރެންގެ އުފަލުގަ ބައިވެރިވިއެވެ.

އެރޭ ގެޔަށް ގޮސް އަހަރެންނަށް ނުވެސް ނިދުނެވެ. އުފަލުން އަހަރެން ކޮޓަރި ތެރޭ ނަށާލަ ނަށާލަ ހުރީ ދިރިއުޅުމުގަ ކަންތައް މިވަމުންދާ ގޮތް ގަބޫލު ނުކުރެވިފައެވެ. އުފަލުން ހުރެ ހައިކަލްއަށް ގުޅަލީމެވެ.

” ބޭބީ އޭމް އައި ޑްރީމިންގް..”  ހައިކަލް ފޯނު ނެގުމުން ސުވާލުކޮއްލީމެވެ.

” ވެއިޓް..” އެހެން ބުނުމަށް ފަހު ހައިކަލް ފޯނު ކަންޑާލިއެވެ. ހައިކަލްވެސް ހާދަ ފޮންޏެވެ. އެހެން ފޯނު ކަނޑާލަން ޖެހޭ ހެއްޔެވެެ.

ނުނިމޭ