އުމުރަށް ތިޔަނަމުގައި………..

އެކަނި މާ އެކަނި ރަށުގެ މީހުން އާންމުކޮށް ދިރިނުއުޅޭ ހިސާބެއްގައި ހުރި ގަހެއްގައި އެލުވާފައި ހުރި އުނދޯލިތަކުން އުނދޯޔެއްގައި ހަލީނާ އެބައޮތެވެ. އޭނާގެ މާޒީގައި ދިމާވި ހިތާމަވެރިކަންތައްތައް ހަނދާން ކުރާށެވެ. ހަލީނާ އަށް މިކަންތައް ދިމާވިތާ މިހާރު ބައިއަހަރު ވެއްޖެއެވެ. ހަލީނާ މިހެން އޮންނާކަށް ޖެހިލުމެއް އަދި ބިރެއްވެސް ނުގަނެވެ. މެންދަމުންއަލިވެ ދޭއްޖަހައިފިއެވެ. އަދިވެސް ހަލީނާ އޮތް އުނދޯލީގައި އޭނާ އެބައޮތެވެ.

މީގެ ދޮޅުއަހަރެއްހާދުވަސް ކުރިއެވެ. ދުވަސްކޮޅަކީ ޛުލްޙިއްޖާ މަހުގެ ފުރަތަމަދިހައެވެ. ރަށުތެރެ ވަރަށްބާރަށް ޒީނަތްތެރިކުރަމުން އެބަދެއެވެ. ގޯތިތެރެއަށް އަކިރިލުމާއި, ފާރުތަކުގައި ކުލަލުމާއި, އީދު ކުޅިވަރުތަކަށް ވާންޖެހޭހުރިހާ ތައްޔާރީތައްވެ ނިމިއްޖެއެވެ. ޢީދުނަމާދުގެ ޖަމާޢަތައް ރަށުގެކުދިބޮޑު އެންމެން އައިސްފިއެވެ. ޢީދުހުތުބާއަށް ފަހު އަންހެންވެރިން އަވަސްވެގަތީ ޢީދު ސައިހެދުމުގައެވެ. ތަށިތައްޓަށް ޖޫހާއި ފަނި އަޅައި ޖޯޑުޖޯޑަށް ހޫނުކަޅުސައި އެޅުމެވެ. ސައި މޭޒުމަތީގައި ހުރި ތަށިތައް ހުސްވާ ވަރަކަށް އެތަށިތައް ފުރަމުން އެ ދަނީ ހޫނު ތާޒާ ހެދިކަލުންނެވެ.

“އީދުގެ ކުޅިވަރުތައް ފަށާނީ ފެންކުޅިންނެވެ. ” އަރަޝް އޭނާގެ އަޑުގެ ނެތްބާރަށް ހަޅޭއްފަޅޭއްޖަހައި ގަތެވެ. “ހަލީ . އޭއި ހަލީ ހިނގާބަލަ އެޔޮއް ފެންކުޅި ނުކުޅެވިގެންއުޅޭ ބިޓުންނަށް ނިކަން ކުޅިދައްކާލަން!! ” ޢަރުޝި ހަލީނާ ގައިގަ ވިކާލުމަށް ފަހު ބުންޏެވެ. ” އެއްކަލަ ވިކާ ބަދަވި. ޢަރުޝިއަށް މީހެއް ގައިގަ ނުވިކާލާ ވާހަކައެއްވެސް ބުނެވޭކަށް ނޯވޭ ދޯ؟ . ހޫން… ކޮބައިތަ ތިކިޔާ ގުރޫޕް؟ . އެތިބީތަ ފާތުމަދައިތަ ގޭދޮށުގަ؟” ހަލީނާ އޭނާގެ ރަހުމަތްތެރިޔާ ސިނާ ގާތުބުންޏެވެ. ސިނާ އަދި ހަލީނާ ވެގެން އެއުމުރުގެ އަންހެންކުދިން ކޮޅަކާއެކު ފާތުމަދައިތަގޭ ދޮށުން ދާން ހިނގައްޖެއެވެ. “އޭއި ހަލީ އެހެރީ ފެންކުޅި ނުކުޅެވިގެން އުޅުނު ސޮރު. ހިނގާ އެސޮރަށް ބޮންފަޅިއެއް ޖަހަމާ.” ހަލީނާމެންމާއެކު ދިޔަކުދިން ތަކުގެ ތެރެއިން ކުއްޖަކު ހަލީނާގެ ކަންފަތް ދޮށުގައި ބުންޏެވެ.

ހަލީނާމެނާ އެކު ދިޔަ ކުދިންކޮޅު ފާތުމަދައިތަގެއާ ކައިރި ނުވަނީސް އެ ފެންކުޅި ނުކުޅެވިގެން އުޅޭ ސޮރު ހަލީނާއަށް ފެނުގެ ހަމަލަ ދިނުންވީ އޭނާ އާއި އެކު ދިޔަ ކުދިންނަށް ވެސް ހައިރާން ކުރަނިވި ކަމެކެވެ. “ސޮރާ ހަނދާންކުރާތި އިނގޭ! ތިޔަ ކުލަޖެހުނީ ހަމަ ކުލަ ޖިންނި އަކާ!” ހަލީނާ އަރަޝް ހާސްކޮށްލުމުގެ ނިޔަތުގައި ބުނެލިއެވެ. “އައްދެ މައަޑުއެހި ގޮތުގައި ތީވަރަށް ލަދު ރަކި ކުއްޖެއް.” އަރަޝް ހަލީނާއާއި މަޖާކޮށް ލުމުގެ ނިޔަތުގައި ބުންޏެވެ.

“އައްޗީޑި މަ މައިތިރި . ހުހް މިރަށުގަވެސް ނުހުންނާނެ މަ ވަރުގެ ކެރިގެން އުޅޭ އަންހެނެއް. ކަލޭމެން ކުދިންނަށް އަދި މިރަށު ކުދިންނެއް ނޭންގޭނެ . އޮހޮހޯ މި ސޮރު ހިތުން މަ ދެން މީ މައިތިރިޔެކޯ! ” ހަލީނާ ވަރަށް ރުޅި ގޮތަކަށް އަރަޝް އާއި ދިމާއަށް ބުންޏެވެ. “އައްދެ މަންޖެ ރުޅި ދުރުވީތަ؟ ހާދަ ލަވްލީ އޭ މަންޖެ ރުޅިއައިމަ. އެކަމު މަ ގާތުގަ މަންޖެ ތީ މައިތިރި ކުއްޖެކޭ ނުބުނެ އެކަކުވެސް. ހަމަ ޖެއްސުންކޮށް ލުމުގެ ނިޔަތުގަ ބުނެލީ. ފުރަތަވެސް ފެނުނީމަ އެނގައްޖެ ތީ ‘ހިޓުލަރެއް’ ކަން. ” އަނެއްކާވެސް ހަލީނާގެ ރުޅި ގަދަކޮށް ލެވޭތޯ އަރަޝް ބުންޏެވެ.

“އޭއި އަރަޝް މިރަށަށް އަރާ ދުވަހެއް ނުވަނީސް ބިޓެއްނެގީ؟ ދެން ކީކޭ ބުނާނީ ދޯ. މި ރޯމިޔޯ ގޮވައިގެން ވީޔަ ތަންތަނަށް ދާން ވެސް ވާނީ. ” ނާހިދު އޭނާގެ މަންމަމެން ގޭގަ ތިބި ރައްޓެހިން ބަލާ އައި އިރު އަރަޝް ގޭ ދޮރޮށި މަތީގަަ ހުރެގެން ހަލީނާއާއި ވާހަކަދައްކަން ހުރުމުން ބުންޏެވެ.

ދެވަނަ ބަޔަށް އިންތިޒާރު ކޮށްލައްވާ!