ކުއްޅައްފާ

އިރުއޮއްސި އަނދިރިވަނީއެވެ.ވަގުތުގެ ގޮތުންވެސް ތޯއްޗެކެވެ.އަތިރިމަށްޗަށްވަނީ އާދަޔާއި ހިލާފު ފަޅުކަމެއް ގެނުވާފައެވެ.އެހެން ނުވާންވި ސަބަބެއްވެސް ނެތެވެ. ނަގަމުން އައި ވިލާގަނޑާއި އެކު ވިދަމުންދިޔަ ވިދުމުންވެސް ރެއަކީ ވިއްސާރަ ރެއަކަށްް ވާނެކަން ދޭހަ ކޮއްދެއެވެ.  “ކޮއްކޯ ތި ތަންކޮޅެއް ބާރަށް އާދެބަލަ! ވިއްސާރައިގައި ނުޖެހި ގެއަށް ނުދެވިއްޖެއްޔީ މާދެރައެއްނު.” ފައިން ބޯޅައިގަ ތަޅަމުން އައި ކޮއްކޮއަށް ގޮވާލަމުން އަހަރެން އެހެންބުނީ، ފުރޮޅުލީ ގޮނޑީގައި އިން މާމަ އަށް ބަލާލަމުންނެވެ. މާމަ އިނީ ކަމަކާ ވަރަށް ފިކުރު ބޮޑުވެފަހެން ހީވެގެން ކުރިއަށްވުރެވެސް ބާރަށް ގޮނޑި ދުއްވަން ފެށީމެވެ. “މާމާ! ކަންބޮޑު ނުވައްޗޭ! އިރާާދަކުރެއްވިއްޔާ ވިލާގަނޑުގެ ކުރިން ގެއަށްދެވޭނެ.” އަހަރެން އެވަގުތު މަސައްކަތް ކުރީ މާމަ ހިތްހަމަ ޖައްސައި ދެވޭތޯއެވެ.   ކޮންމެ ހުކުރު ދުވަހަކީ އަހަރެންނާއި ކޮއްކަޮ މާމަ ގޮވައިގެން ރަށުގެ ޕާކު ސަރަހައްދަށް ހިނގާލަންދާ ދުވަހެވެ. މިއަދަކީވެސް ހަމަ އެފަދަ ދުވަހެކެވެ. މިފަދަ ކޮންމެ ދުވަހަކީ މާމަގެ މޫނު މަތިން އުފާވެރިކަން ފެންނަ ދުވަހެކެވެ. މާމައަށް ވާހަކަ ނުދެއްކުނަސް މާމަގެ ހިނިތުންވުމާއި ފިރުމުންތަކުން އެ އުފާވެރިކަމަށްން މާމަ އެދޭ މިންވަރު ހާމަވެއެވެ.                  ގެއަށް ވަދެވުނީ ހަމަ ކިރިޔާއެވެ. ވާރޭގެ ބޮޑެތި ކަނިތައް އޮއްސާލައިފިއެވެ.އޭރު މަންމަވެސް އަހަރެމެން ނައިސްގެން ކަންތައް ބޮޑުވެފައި ހުއްޓެވެ.ގެއަށްވަދެ މާމާ ގަވައިގެންމާމާ ކޮޓަރިއަށް ގޮސް މާމައަށް ނަމާދު ކުރަން ތައްޔާރު ކޮއްދިނުމަށްފަހު އަހަރެންވެސް ދިޔައީ ނަމާދު ކޮއްލުމަށްޓަކައި އަހަރެންގެ ކޮޓަރިއަށެވެ. ނަމާދުކޮއްގެން ގުރުއާން ކިޔަވާލުމަށްފަހު، އެނދައް އަރާ ވައިބަރ އޮން ކޮއްލީީމެވެ. އެކުވެރިއެއްގެ މެސެޖެއް އައިސްފަ އޮތެވެ. މިއީ ސުކޫލް ޗުއްޓީއަށް ވުމުން، މާލޭގަ ކިޔަވަންތިބި ވަރަށް ގިނަ ކުދިން މާދަން ބޯއްޓުން ރަށައް އަންނަނީއެވެ. އުފަލުން ނަށާލެވުނެވެ.     ކުއްލިއަކަށް ޖަހާލި ބާރު ގުގުރި އާއި އެކު މުޅި ރަށުން ކަރަންޓު ހިނގައްޖެއެވެ.އެއާއި އެކު އިވުނީ މާމަ ބިރުން ރަޮަޮއެގަތް އަޑެވެ. އުމުރުން ހަތްދިހައިގެ އަހަރުތައް ގުނަމުންދާ މާމަ، އަނދިރިވުމުން އެ ގަންނަ ބިރަކީ އަޖައިބެކެވެ..  ފޯނުގެ ލައިޓު ޖައްސަމުން ދުވެފައި ކަހަލަ ގޮތަކަށް މާމަ ކޮޓަރިއަށް ވަންއިރު މާމަ ހީވަނީ ބިރެއް ފެނިގެން އުޅޭހެންނެވެ. އަހަރެން ފެނުމާއިއެކު އަތުން އިޝާރާތްކޮއް ބޭރަށް ހުޅުވާފައި ހުރި ކުޑަދޮރުާާދިމާ ދައްކާލިއެވެ. މޭގަނޑު އަތަށްނައީ ކިރިޔާއެވެ…