ކުރުވާހަކަތަކުގެ ގުލްޒާރު 1 (ފިލާވަޅެއްގެ ދަތުރު) – 2

ޒިމް، ބަލާބަލަ ޒަމީ މިއޮތް ގޮވާލަނީ ބައްޕަ އޯ” ކައިރީ އިށީނދެލަމުން ހެވިފައި އިއްޒާ ބުނެލިއެވެ.
އާޒިމް ހިނިތުންވެލިއެވެ. އިއްޒާގެ ކޮންމެ އިސާރާތެއް އެހިތުގައި ބިންވަޅު ނެގިފައިވެއެވެ. އެ ލޯބި ތާޒާކަން މަތީ ވިހުރުވި ވިހުރުވި ވިއެވެ. އެއީ ނިއުމަތެކެވެ. ގުދުރަތުން ދެއްވި އަގުނުކުރެވޭ ނިއުމަތެއް ފަދަ އަގުހުރި ޖަވާހިރެކެވެ. އިހުމާލު ވެވުނީ އެވެ.
ނިމުނީ
ދެވަަނަ ވާހަކަ: ލޯބިވީމޭ…
(ހިތާ ރޫހުން ވެވުނު ލޯތްބެކެވެ.)
އެ ނިންމުން ހަދާން ވިޔަސް ލޮލުން ހިމަ ފޮދު ވާރޭ ވެހެވެ. ހާދަ ކެތް އެބަ ކުރަމެވެ. ނުރޯން ލައްކަ ހިތްވަރު ކުރަމެވެ. ކައިރީ އޮތް ފޯނު ހުޅުވާލުމާއެކު މާޒީގެ ސަފްހާތައް ނިއުޅިގެން ދިޔައެވެ. ދަތުރު ކުރަމުން ދިޔަ އަހަރެންގެ ނަވު ގޮސް ހުއްޓާލީ އެ ހަނދާން ތަކުގައެވެ.
މުޅި ކޮޓަރިތެރޭގައި އޮތީ މަރުފަދަ ހިމޭންކަމެކެވެ. ބޭރުން އިވޭ އާ އަހަރުގެ އުފާވެރި އަޑުތައް އެއްކޮން ހެން ހިދިއްޖެއެވެ. ކޮޓަރީގައި ހުރި އުނދޯލީގައި އިނދެލާފައި އެނދަށް އެރީމެވެ. ގަޑިން އޭރު އެކެއް ޖަހައި ބޮޑުވެއްޖެއެވެ. އެނދަށް އަރައި އޮށޯވެލީމެވެ. އެކަމަކު ނިދޭނެ ހެއްޔެވެ؟
ދަންވި ދަންވިހެން ނިދި ފިލާ ދަނީއެވެ. ނުނިދެނީއެވެ. ރޮވެނ…