ކުރުވާހަކަތަކުގެ ގުލްޒާރު 1 (ފިލާވަޅެއްގެ ދަތުރު) – 1

ފުރަތަމަ ވާހަކަ: އިހުމާލު
(އަހަންނަށް ދެވުނު އަނިޔާއެވެ.)
“ހެޔޮނުވާނެ އާޒިމް! އަހަންނަށް ތިހެން ނަހަދާ! އަހަރެން ދޫކޮށްނުލާ! ތި ރިކާ ނެއް ވެސް ނާންނާނެ… މިހެން މަށަށް ހެދުމުގެ ބޭނުމެއް އެބައޮތްތަ؟”
އެ ބަސްތައް އަހަން އިއްޒާއަށް ކެތްނުވީއެވެ. ހިތުގައި ޖެހުނީއެވެ. އޭނާގެ ބުނުމަކުން އާޒިމަށް އަސަރެއް ކުރާނެހެން ހިއެއްނުވެއެވެ. އޭނާ އެހުރީ ހަމަ ބުއްދި ފިލާފައެވެ. މީހަކު ބުނާ އެއްޗެއް އަހާ ދަރަޖަ އަކު ނޫނެވެ.
“އާޒިމް! އާދޭސްކުރަން، ތިހެން މިދުނިޔެއަށް އަހަރެން ގިނަކޮށް ނުލާ!” އިއްޒާގެ ދެލޮލުން އޮހެމުންދިޔަ ކަރުނަތައް ކޯތާފަތް މަތިން ތިރިއަށް ފޭދިގެން ދިޔައީ ހިތްދަތިކަމުގެ ކަނޑަކަށް އޭނާ ޣަރަގު ވަމުންދާކަމުގެ ހެކިބަހެއް ފަދައިންނެވެ. އާޒިމްގެ މޫނުމަތިން ފެންނަމުންދިޔައީ މި ނިންމުން ދެން ބަދަލު ނުވާނެކަމުގެ ނިޝާންތަކެވެ. އިއްޒާ ވީދެރައިން ފަސްއެނބުރި ދާން ހިނގައިގަތެވެ.
އިއްޒާގެ އަތުގައި އާޒިމް ބާރަށް ހިފާލިއެވެ. “އޭ! ތިހެން ދިޔަޔަސް މައްސަލަ ހައްލު ވޭތަ؟” އާޒިމް ރުންކުރު ރާގަކަށް ބުންޏެވެ.
“ކޮބާ ބޭނުމަކީ ދޯ؟ ދެން ދައްކާނެ ވާހަކައެއް އޮތްހެން އަހަންނަކަށް ހިއެއްނުވޭ.” ރޮވިފައި ހުރި އިއްޒާގެ އ…