އެސްފިޔަ 
ހިތުގެ މަގުތައް-9
Level 1
މާލޭގެ މަގުތަކުގައި ދުއްވާފައިދިޔަ މަދު އުޅަނދުތަކުގެ އަޑު ފިޔަވައި މުޅި ސިޓީ އޮތީ ނިދާފައެވެ. ނަމަވެސް އަފްލާޒްގެ ސައިކަލުގެ ދުވެލި ހުރީ އާދަޔާ ޚިލާފަށް ބާރުކޮށެވެ. އޭނާގެ ދެލޮލުން ކަރުނަ ފައިބަމުންދިޔައިރު، ހިތް ބާރަށް ތަޅެމުންދިޔައެވެ. އައިޖީއެމްއެޗް ހޮސްޕިޓަލުގެ އިމާރާތް ފެނުމާއެކު އޭނާ ސައިކަލު ޕާކުކޮށްފައި އެމާޖެންސީ ރޫމާ ދިމާއަށް ދުއްވައިގަތެވެ. އެތަނަށް ވަތްއިރު، ޔައިޝްގެ ކޮއްކޮ އާއި އާއިލާގެ ބައެއް މީހުން ރޮއެރޮއެފައި ތިއްބެވެ. އެމާޖެންސީ ރޫމްގެ ރަތް ބައްތި ދިއްލިފައި ހުރީ އެތެރޭގައި ހިނގަމުންދާ ފުރާނައިގެ ހަނގުރާމަ ބުނެދޭ ފަދައަކުންނެވެ.
އަފްލާޒް ދުވެފައި ގޮސް ޔައިޝްގެ ކޮއްކޮގެ ކައިރީގައި ހުއްޓުނެވެ. “ކޮބާ ޔައިޝް؟ ޑޮކްޓަރުން ކީކޭ ބުނީ؟” އޭނާގެ އަޑު ތުރުތުރުލަމުންދިޔައެވެ.
“އަދި އެއްވެސް ޚަބަރެއް ނުވޭ… އެތެރެއަށް ވެއްދި ގޮތަށް ޑޮކްޓަރުން މަސައްކަތް ކުރަނީ. އޭނާގެ ބަނޑުން ބޭސްތައް ނަގަނީ ކަންނޭނގެ،” ޔައިޝްގެ ކޮއްކޮ ރޮމުން ކިޔައިދިނެވެ. އަފްލާޒް ފޯނު ނަގައި ތުރުތުރުލާ އަތަކުން ޒައިން އަށާއި ޔަޝްމީއަށް ގުޅާފައި މި ބިރުވެރި ޚަބަރު ދިނެވެ.
ޚަބަރު އިވުނުތާ ބައިގަޑިއިރުވެސް ނުވަނީސް ޒައިން، ޝައިހާ އަދި ޔަޝްމީ ހޮސްޕިޓަލަށް އަތުވެއްޖެއެވެ. ޔަޝްމީ ހުރީ ބިރުން ގޮސް އަފްލާޒްގެ ގައިގައި ބާރަށް ހިފަހައްޓާލައިގެންނެވެ. ޝައިހާވެސް ރޮމުން ދިޔައެވެ. ޒައިން ބޮލުގައި އަތްއަޅައިގެން ފާރުގަ ލެގިލައިގެން ހުއްޓެވެ. ކޮލެޖުގައި އެންމެ މަޖާކޮށް އުޅުނު އެމީހުންގެ ގްރޫޕަށް މިފަދަ ދުވަހެއް އައްނާނޭ އެކަކުވެސް ހިޔެއް ނުކުރެއެވެ.
“އަހަރެމެން ލިޔޫއަށް ގުޅަންޖެހޭނެ،” ޝައިހާ ކަރުނުން ފުރިގެންވީ އަޑަކުން ބުންޏެވެ. “އޭނާއަށް އެނގެންޖެހޭނެ ޔައިޝް މި ހާލަތަށް ދިޔައީ ކީއްވެގެންކަން. އޭނާ ނައިސްފިއްޔާ ޔައިޝް ސަލާމަތްވިޔަސް ދުވަހަކުވެސް އަމިއްލަ ނަފްސަށް މާފެއް ނުކުރާނެ.”
“އަހަރެން ގުޅާނަން،” ޔަޝްމީ ފޯނު ނަގައި ލިޔުޝާގެ ނަންބަރަށް ގުޅަން ފެށިއެވެ. ފުރަތަމަ ދެތިން ފަހަރު ފޯނެއް ނުނެގިއެވެ. ނަމަވެސް ހަތަރުވަނަ ފަހަރު ލިޔުޝާ ފޯނު ނެގިއެވެ. އޭނާގެ އަޑުންވެސް ހީވަނީ ނުނިދާ ރޮއެރޮއެ އޮތް ހެންނެވެ.
“ލިޔޫ… އަވަހަށް ހޮސްޕިޓަލަށް އާދޭ… ޔައިޝް… ޔައިޝް ބޭސް ގުޅަތަކެއް ކައިގެން އެމާޖެންސީގައި އެބައޮތް. އޭނާގެ ފުރާނަ ސަލާމަތްވާނެ ކަމެއްވެސް ނޭނގެ،” ޔަޝްމީ ގިސްލަމުން ބުންޏެވެ.
ފޯނުގެ އަނެއްކޮޅުން އިވުނީ ބާރަށް އެއްޗެއް ވެއްޓުނު އަޑެވެ. ލިޔުޝާ ވާހަކައެއްވެސް ނުދައްކާ ފޯނު ކަނޑާލިއެވެ.
ލިޔުޝާއަށް އެ ޚަބަރު އިވުމާއެކު މުޅި މީހާގެ ވިންދު ހުއްޓުނު ފަދައެވެ. އޭނާ ޔައިޝްދެކެ ކިތަންމެ ރުޅިއައިސްފައި ހުއްޓަސް، އޭނާގެ މަރު ދެކޭކަށް ދުވަހަކުވެސް ބޭނުމެއް ނޫނެވެ. އޭނާ އެހުރި ގޮތަށް، ކޮޓަރިން ނުކުމެ، ގޭގެ ދޮރު ހުޅުވާލާފައި މަގުމައްޗަށް ނުކުތެވެ. އެއްވެސް ޓެކްސީއެއް ނުލިބުމުން، އޭނާ ހޮސްޕިޓަލާ ދިމާއަށް ދުއްވައިގަތެވެ. މަގުމަތީގައި ކިތަންމެ ފަހަރަކު އަރި އަޅާލި ނަމަވެސް، އޭނާގެ ހިތް ގޮވަމުންދިޔައީ ޔައިޝްގެ ކައިރިއަށް ދިއުމަށެވެ. “ޔައިޝް… ހެޔޮނުވާނެ އަހަރެން ދޫކޮށްލާފައި ނުދާތި… އަހަރެން ޔައިޝްދެކެ ވަރަށް ލޯބިވޭ،” ލިޔުޝާ ހިތާހިތުން ރޮމުން ދުވަމުންދިޔައެވެ.
ހޮސްޕިޓަލުގެ މައި ދޮރުން ވަދެގެން އައި ލިޔުޝާގެ ހާލު ފެނިފައި އެންމެން ދުވެފައި ގޮސް އޭނާގެ ގައިގައި ހިފެހެއްޓިއެވެ. ލިޔުޝާގެ ފައިން ވާގިދޫވެގެން ބިންމައްޗަށް ވެއްޓުނެވެ. ޝައިހާ އާއި ޔަޝްމީ އޭނާގެ ދެފަރާތުގައި އިށީނދެ ބައްދާލިއެވެ.
“ލިޔޫ… ހިތްވަރުކުރޭ… ޑޮކްޓަރުން އެތެރޭގައި އެބައުޅޭ،” ޝައިހާ ލިޔުޝާއަށް ވިސްނައިދިނެވެ.
“މިއީ އަހަރެންގެ ކުށް… އަހަރެން އެ ފަށް ޔައިޝް އަތަށް ނުދިން ނަމަ އޭނާ ތިކަހަލަ ކަމެއް ނުކުރީސް… އަހަރެން އޭނާ މަރުގެ ތުންފަތަށް މިލީ،” ލިޔުޝާ އަމިއްލަ ނަފްސު ކުށްވެރިކުރަމުން ހަޅޭއްލަވަމުން ރޮއެގަތެވެ.
ދެ ގަޑިއިރުގެ ދިގު އިންތިޒާރަކަށްފަހު، އެމާޖެންސީ ރޫމްގެ ރަތް ބައްތި ނިވި، ދޮރު ހުޅުވުނެވެ. މާސްކު ނަގަމުން ނުކުތް ދިވެހި ޑޮކްޓަރުގެ މޫނުމަތިން ފެންނަނީ ވަރުބަލިކަމެވެ. އެންމެން އެކުގައި ދުވެފައި ގޮސް ޑޮކްޓަރުގެ ވަށާލިއެވެ.
“ޑޮކްޓަރ! މަގޭ ދަރިފުޅު ކިހިނެއް؟” މަންޒަރު ބަލަން އިން ޔައިޝް ގެ ބައްޕަ ކުރިއަށް ޖެހިލިއެވެ.
ޑޮކްޓަރު ފުން ނޭވާއެއްލިއެވެ. “ވަރަށް ކްރިޓިކަލްސް ހާލަތެއްގައި ގެނައީ. ގިނަ އަދަދެއްގެ ނިދާ ބޭސް އެތެރެހަށިގަނޑަށް ވަނީ ފެތުރިފައި. އަޅުގަނޑުމެން ބަނޑުން ބޭސްތައް ނަގަން ވަރަށް މަސައްކަތް ކޮށްފިން. ނަސީބެއް ގަޑި ނުޖެހި ހޮސްޕިޓަލަށް ގެެނެވުނުކަން. މިހާރު އޭނާގެ ހާލަތު ސްޓޭބަލް. އެކަމަކު އަދިވެސް ހޭ ނާރާ. އައިސީޔޫއަށް މި ބަދަލުކުރަނީ. ހޭއެރީމަ ހަގީގީ ހާލަތު އެނގޭނީ.”
ޑޮކްޓަރުގެ ބަސްތަކުން އެންމެންގެ ހިތްތަކަށް ބޮޑު ހަމަޖެހުމެއް ލިބުނެވެ. ލިޔުޝާ މާތް ﷲ އަށް ޝުކުރު ދަންނަވަމުން ރޮއެގަތެވެ.
ފަތިހުގެ ހޫނު ދޯދިތައް ދުނިޔެއަށް އެޅެމުންދިޔައިރު، ހަ އެކުވެރިން ތިބީ އައިސީޔޫގެ ބޭރުގައި ހުރި ގޮނޑިތަކުގައެވެ. އަފްލާޒް އާއި ޒައިން ގޮސް އެންމެންނަށް ކޮފީ ހިފައިގެން އައެވެ. ލިޔުޝާ އިނީ އައިސީޔޫގެ ބިއްލޫރިގަނޑުން އެތެރެއަށް ބަލަހައްޓައިގެންނެވެ. އެތެރޭގައި އެކި ކަހަލަ މެޝިންތަކާއި ހޮޅިތައް ގުޅާފައި އޮތް ޔައިޝް ފެނުމުން އޭނާގެ ހިތް ރޮމުންދިޔައެވެ.
ޔަޝްމީ މަޑުމަޑުން ގޮސް ލިޔުޝާގެ ކައިރީގައި އިށީނދެލިއެވެ. “ލިޔޫ… އަހަރެން ވާހަކައެއް ބުނަންވެގެން. ލިވީގެ ކަންތަކުގައި ޔައިޝްގެ އެއްވެސް ކުށެއް ނެތް. އޭނާ ރަށުން އައީ އަމިއްލައަށް ކުށްހީއެއްގެ މަތީގައި. ޔައިޝް އޭނާދެކެ ލޯތްބެއް ނުވޭ. ޔައިޝް ހަމައެކަނި ލޯބިވަނީ ލިޔޫދެކެ. އޭނާ ކޮލެޖުގައި ކުރިން އުޅުނު ގޮތުން ލިޔޫއަށް ޝައްކުވީކަން އެނގޭ، އެކަމަކު އޭނާ މިހާރު ހުރީ މުޅިން ބަދަލުވެފައި. މިއަދު އޭނާގެ ހާލަތުން އެނގެނީ ލިޔޫއާ ނުލައި އޭނާއަށް ދިރިނުއުޅެވޭނެކަން.”
ލިޔުޝާ ޔަޝްމީގެ މޫނަށް ބަލައިލިއެވެ. އޭނާގެ ހިތުގައި އޮތް ހުރިހާ ޝައްކެއް މިއަދު ފިލައިގެންދިޔައެވެ. “އަހަރެންނަށް ވިސްނިއްޖެ ޔަޝް… އޭނާ ހޭއެރިހާ އަވަހަކަށް އަހަރެން އޭނާގެ ކައިރީގައި ހުންނާނަން. ދުވަހަކުވެސް ދެން ދުރެއް ނުވާނަން.”
އެވަގުތު އައިސީޔޫގެ ތެރެއިން ނަރުސް ކުއްޖަކު ނުކުމެ ލިޔުޝާއަށް ގޮވާލިއެވެ. “ޔައިޝް ހޭއަރައިފި… އޭނާ އެންމެ ފުރަތަމަވެސް އެ ގޮވަނީ ‘ލިޔޫ’ ގެ ނަން.”
ނަރުސް ކުއްޖާގެ ބަސްތައް އިވުމާއެކު، ލިޔުޝާގެ ފައިގައި އާ ހަކަތައެއް އުފެދުނު ފަދައެވެ. އޭނާ އަވަސްއަވަހަށް ލޮލުން ފައިބަމުންދިޔަ ކަރުނަތައް ފުހެލުމަށްފަހު، ނަރުސް ކުއްޖާގެ ފަހަތުން އައިސީޔޫގެ ތެރެއަށް ވަނެވެ. އެތަނުގެ އެތެރޭގައި ވަނީ ފިނި އަދި ބަރު ހަމަހިމޭންކަމެކެވެ. އެކި ކަހަލަ މެޝިންތަކުން އިވޭ ބީޕް އަޑުތަކުން މާހައުލުގެ ސީރިއަސްކަން ބުނެދެއެވެ.
ލިޔުޝާ މަޑުމަޑުން ގޮސް ހުދު އެނދުމަތީގައި އޮތް ޔައިޝްގެ ކައިރިއަށް ހުއްޓުނެވެ. ޔައިޝްގެ މޫނުމަތިން އަދިވެސް ވަރުބަލިކަން ފެންނަމުންދިޔައިރު، އޭނާގެ ދެލޯ ވަނީ ކުޑަކޮށް ހުޅުވިފައެވެ. އަތަށް ގުޅާފައި ހުރި ޑްރިޕްތަކާއި މެޝިންތައް ފެނުމުން ލިޔުޝާގެ ހިތް ކުދިކުދިވިއެވެ.
“ޔައިޝް…” ލިޔުޝާ ވަރަށް މަޑުމަޑުން ގޮވާލަމުން ޔައިޝްގެ ފިނިވެފައިވާ އަތްތިލައިގައި އޭނާގެ ދެއަތުން ހިފަހައްޓާލިއެވެ.
ޔައިޝްއަށް ލިޔުޝާގެ އަޑު އިވުމާއެކު، އޭނާގެ ނަޒަރު ލިޔުޝާގެ މޫނަށް ހުއްޓުނެވެ. އޭނާގެ ދެލޮލުން ކަރުނައިގެ ތިއްކެއް ފައިބައިގެން ކޮލަށް ދެމިގަތެވެ. “ލިޔޫ… އަހަރެންނަށް… މާފުކުރޭ…” ޔައިޝްގެ އަޑު ނުކުތީ ވަރަށް ބަލިކޮށެވެ. އޮކްސިޖަން މާސްކުގެ އެތެރެއިން އޭނާ ވާހަކަދައްކަން އުނދަގޫވަމުންދިޔައެވެ.
“ނޫން ޔައިޝް، ވާހަކަނުދައްކާ ރީތިކޮށް އޮވޭ،” ލިޔުޝާ ގުދުވެލާފައި ޔައިޝްގެ ނިތްކުރީގައި ބޮސްދިނެވެ. “އަހަރެން ޔައިޝްއަށް މާފުކޮށްފިން. އަހަރެންނަށް ހުރިހާ ހަގީގަތެއް އެނގިއްޖެ. ލިވީގެ ކަންތަކުގައި ޔައިޝްގެ ކުށެއް ނެތްކަން އެނގިއްޖެ. އަހަރެން ދެން ދުވަހަކުވެސް ޔައިޝް ދޫކޮށްލާފައި ނުދާނަން.
ލިޔުޝާގެ އެ ބަސްތަކުން ޔައިޝްގެ މޫނުމައްޗަށް ލުއި ހިނިތުންވުމެއް ވެރިވިއެވެ. އޭނާ ލިޔުޝާގެ އަތަށް ކުޑަކޮށް ބާރުކޮށްލިއެވެ. އެއީ އެމީހުންގެ ލޯބި އަލުން ދިރިގެންދިޔަ ވަގުތުކޮޅެވެ.
ލިޔުޝާ އައިސީޔޫއިން ނުކުމެ، ބޭރުގައި އިންތިޒާރުގައި ތިބި އެކުވެރިންނަށް ޔައިޝްގެ ހާލު ރަނގަޅުވަމުންދާ ކަމުގެ ޚަބަރު ދިނުމުން، އެންމެންގެ މޫނުމަތިން ބޮޑު ހިތްހަމަޖެހުމެއް ފާޅުވިއެވެ. ޝައިހާ އާއި ޔަޝްމީ އުފަލުން ގޮސް ލިޔުޝާގެ ގައިގައި ބައްދާލިއެވެ.
“މާތް ﷲ އަށް ޝުކުރުހުރި،” އަފްލާޒް ފުން ނޭވާއެއްލަމުން ބުންޏެވެ. “އަހަރެމެންގެ ގްރޫޕަށް އައި އެންމެ ބޮޑު ތޫފާން މިހިސާބުން ނިމުނީ. ދެން އޮތީ އެންމެން އެކުގައި ކުރިއަށް ދިއުން.”
“އާނ، މިއަދު އަހަރެމެންނަށް އެނގިއްޖެ އެކަކު އަނެކަކުގެ އަގު،” ޒައިން ޝައިހާގެ އަތުގައި ހިފާލަމުން ބުންޏެވެ. “ކޮންމެ ފަދަ ހުރަހެއް އައީމަވެސް ދޫކޮށްލުމުގެ ބަދަލުގައި، ހަގީގަތް ހޯދަން މަސައްކަތް ކުރުމުގެ މުހިންމުކަން މިއަދު ވިސްނިއްޖެ.”
ދެ ހަފުތާގެ އަރާމުކުރުމަށްފަހު، ޔައިޝް ފުރަތަމަ ފަހަރަށް ކޮލެޖަށް އައި ދުވަހެވެ. އޭނާގެ ހަށިގަނޑު މިހާރު ހުރީ މުޅިން ދުޅަހެޔޮކޮށެވެ. ނަމަވެސް އެއަށްވުރެ ބޮޑަށް އޭނާގެ ނަފްސާއި ހިތް ވަނީ އާދަޔާ ޚިލާފަށް އުފާވެފައެވެ. ކޮލެޖުގެ މައި ގޭޓުން އޭނާ އެތެރެއަށް ވަތްއިރު، އޭނާގެ އަތުގައި ހިފައިގެން ހުރީ ލިޔުޝާއެވެ. ލިޔުޝާގެ ކަރުގައި އޮތީ ޔައިޝް ކުރިން އަނބުރާ ދިން ރަން ފަށެވެ. އެމީހުންގެ މެދުގައި އޮތް އިތުބާރު މިހާރު ކުރިއަށްވުރެ މާ ވަރުގަދައެވެ.
ގަސްތަކުގެ ހިޔަލުގައި ހުރި ބެންޗެއްގެ ކައިރީގައި އަފްލާޒް، ޔަޝްމީ، ޒައިން އަދި ޝައިހާ ތިއްބެވެ. ޔައިޝްމެން ފެނުމާއެކު އެންމެން އަތްޖަހާލަމުން އެމީހުންނަށް މަރުހަބާ ކިޔެވެ.
“ވެލްކަމް ބެކް، ބްރޯ!” ޒައިން ގޮސް ޔައިޝްގެ ކޮނޑުގައި ޖަހާލިއެވެ.
“ޝުކުރިއްޔާ އެންމެންނަށް. ތިޔަ އެކުވެރިން ނެތްނަމަ މިއަދު އަހަރެން ދުނިޔެއަކު ނުހުރީސް،” ޔައިޝް އަސަރުގަދަ އަޑަކުން ބުންޏެވެ. އޭނާ އަފްލާޒްއާ ދިމާއަށް ބަލައިލީ ފުން ޝުކުރުވެރިކަމަކާއެކުގައެވެ. ދަންވަރުގެ އެ ބިރުވެރި ވަގުތު އަފްލާޒް ކަންތައް ކުރި ގޮތަކީ އޭނާގެ ފުރާނަ ސަލާމަތްވި ސަބަބެވެ.
އެންމެން އެކުގައި ސަކަރާތް ޖަހަން ތިއްބާ، ޒައިންގެ ފޯނަށް މެސެޖެއް އައެވެ. އެއީ އޭނާގެ ބައްޕަ ޤާސިމްގެ މެސެޖެކެވެ.
“ޒައިން، މާދަމާ ރޭ ބައްޕަ ބޭނުންވަނީ ޝައިހާގެ އާއިލާއާ ބައްދަލުކުރަން. އަހަރެމެންގެ ގޭގައި ރޭގަނޑުގެ ކެއުމަކަށް އެމީހުންނަށް ދައުވަތު ދީފިން. ޒައިން ޝައިހާ ގާތު ބުނެގެން ހުރިހާ ކަމެއް ތައްޔާރުކުރޭ.”
މި މެސެޖު ކިޔާލުމާއެކު ޒައިންގެ މޫނުމަތިން ހާސްކަން ފާޅުވިއެވެ. ބައްޕަ މިހާ އަވަހަށް ދެ އާއިލާ ބައްދަލުކުރުވަން އެއުޅެނީ ކީއްވެގެން ހެއްޔެވެ؟ އޭނާ ޝައިހާގެ މޫނަށް ބަލައިލިއިރު، ޝައިހާގެ މޫނުމަތިންވެސް ކަންބޮޑުވުން ފާޅުވާން ފެށިއެވެ.
ނުނިމޭ!
ހުރިހާ ކިޔުންތެރިންއަށް މިބައިވެސް ކަމުދާނެ ކަމަށް އުންމީދުކުރަން! 8 ވަނަ ބައިގަ އަޅުގަނޑު ބުނެލިން ބްރޭކް އެށް ނަގާ ވާހަކަ އަކަމް ވެސް ހަމަ މިއަދު ފްރީ ވީމަ ހިތައް އެރީ ކިޔުންތެރިން އަށް ސަޕްރައިޒް އެށް ދިނުމުގެ ގޮތުން މި ޕާޓް ޕަބްލިޝްކޮށްލަން! ހުރިހާ ކުދިން އަށް ވެސް ސަޕްރައިޒް ކަމުދާނެ ކަމަށް އުންމީދުކުރަން ! 💗
މިވާހަކައިގެ ދެންއޮތް އެޕިސޯޑުގެ ލިންކު ކޮމެންޓް ސެކްޝަންގެ ތިރީގައި ވާނެއެވެ.
Comments (15)
Comments are closed.
varah reethi
Thank youuu i really appreciate ur support 🥰💗
ހޮސްޕިޓަލެއް ނޫން، ހަސްފަތާލު. ޑޮކުޓަރެއް ނޫން، ޑަކުތަރު ނޫނީ ޑަކުޓަރު. އެމަޖެންސީއެއް ނޫން ކުއްލިހާލަތު ބެންޗެއް ނޫން ދިގުގޮނޑި. ދިވެހި ބަސް އޮއްވާ އިނގިރޭސި ބަސްތައް ނުލައި
ޝުކުރިއްޔާ ބުނެލަދިނީމަ ދެން ފަހަރަކުން ރަނގަޅު ކޮށްލެވޭތޯ ބަލާނަން އިންޝާ ﷲ 🥰
What a surprise 😲 Aslu Shaba bunigothuh hiyeh nukuran mihaa avahah kiyaalan libeyne kamakah hama vrh ufaavaa varuge suprise eh 😍… Finally yaish safe vehje dhw 😀 Aww yaish and liu soon cutee 😚… Welcome back bro seems like Zain vrh cool hahaha I want him 🤣… Kihineh vegen Baa Zain bahppa shaiha family aa badhalu kuran beynun V? Next part Kon irakun thw?
Lysm ❤️
Vrh fahkaa dhw ehenma suprise 😃 Yh finally yasih safe yea they both are so cute 😘… Aww anonymous ah hama xain dheefa ehury 🤣… xain is very cool dhw… let’s see keehve thw 👀… next part soon IA stay tuned Lym dear 🫀💌
Reethi 👍❤️
Thank youuuuuu 🥰
Mi part ves habeys hama 🔥💯
I’m really Sorry for not commenting all the episodes I was so busy last few days 😭😞 I feel bad for not commenting hurihaa part eh ves hama 💯 thi gothuga kuri ah dhey kaamiyaabu vaane IA ☝🏻❤️ I’m so proud of you
Keep it up keep shining ✨ waiting for the next part When’s next? Lysm and miss you sm 💗😭
Happy to know that you enjoyed 🥰
It’s ok my dear i understands 😉
Awww thank youuuuuuuu soo muchhh 🥺💕
Next part soon IA stay tuned
Lym and miss youuu moree 🫀💌
Hii my lwbi kokko ….
Mi part vess vrh rythi 💓
Curiously waiting for the next part
Whnn nxttttt?
Lysm and tcc my fav cousin 💗😘
Heyy
Happy to know that you enjoyed 🥰
Next part soon IA stay tuned
Lym u also tc fav 🫀💌
Little Update From My Heart 🥹🤍
I know I told you all in Part 8 that I would take a break and come back on 10th September, after my assessments were finished, so I could focus properly on my studies. But after thinking about it, my mind changed. 🥹
I realized that I don’t want to leave this story unfinished. This story has become so special to me, and I really want to continue this journey with all of you and give it the ending it deserves. 🤍
So, I’ve decided to continue the story and finish it first, and then take my break. 🫂❤️ I might not always be able to upload as quickly as before because I still need to focus on my studies, and there may be some delays.
But I promise I’ll try my absolute best to upload each part as fast as I can. 🥹🤍 Please be patient with me if an update takes a little longer than expected.
Thank you for understanding, for waiting, and for loving this story as much as you do. Every single bit of your support means more to me than you know. 🫂✨
I may be a little slower, but I’m not giving up. I’m going to finish this story with you. 🤍
Thank God your mind change yayy 😁😀
Hehehe 😃