ފެންނާތީ ޔާރާގެ މޫނު (9)

އިރުގެ އަލި ކޮޓަރި ތެރެއަށް އެޅިގެން ދިޔަ ތަން ބަލަން އޮތް މިޝިޔާގެ ލޮލުގައި އޭރުވެސް ކަރުނަ ނުހިކި ހުއްޓެވެ. ލޮލުގެ ވަށައިގެން ލެވިފައިވާ ކަޅު ބަޔަށް ބަލާލުމުން ރޭގައި އެންމެ ނިދި ކޮޅެއްވެސް ނުނިދާކަން އެނގެއެވެ. ނާވީއާއި ބައްދަލު ކުރަން ދާނެހާ ހިއްވަރެއްވެސް އޭނާ ގަޔަކު ނެތެވެ. ކުރެވުނު ފާފަ މުނި ގުނިޔެއަށް ފަޅާއަރާކަށް މާކަގިނަ ދުވަހެއް ނެތްކަން އެނގުމުން އަނެއްކާވެސް ރޮވިއްޖެއެވެ. މަންމައާއި ބައްޕަމަތުން ހަނދާން ވުމުން މިޝިޔާއަށް މޭގައި އަތް ޖައްސާލެވުނެވެ. ނާވީއަށް ގުޅާލަމުން އެގެއަށް ދަންތޯ މިޝިޔާ އަހާލިއެވެ. ނާވީ ގަޔާނުވާ ކަހަލަ ގޮތަކަށް ބުނެލިއެވެ.

ގޭގެ ދޮރު ހުޅުވާލި ނައުޝާއަށް ދޮރުމަތީގައި ހުރި މިޝިޔާ ފެނުމުން ހިތް ނުތަނަވަސްވިއެވެ. މިލާފައިވާ އެކުއްޖާގެ މޫނު ފެނުމުން ހީވަނީ ބަލި އެނދުގައި އޮވެފައި އައިސް ހުރި ހެންނެވެ. ނާވީ ކޮބައިތޯ އަހާލިއިރު އޭނާގެ އަޑު ކުރެހުނުކަން ހަމަ ރަނގަޅަށްވެސް ނައުޝާއަށް އިނގުނެވެ. އަފީފާވެސް ހުއްޓާއި މިޝިޔާ ގޮސް ނާވީގެ ކޮޓަރިއަށް ވަދެއްޖެއެވެ. އަފީފާ ލޮލުގެ އިޝާރާތުން ކިހިނެއް ވީތޯ އަހާލިއެވެ. ނައުޝާ ކޮނޑު އަރުވާލަމުން ނޭނގޭ ކަމުގައި ބުނެލީ އަނގައަށް ގޮތެއް ހަދާލައިގެން އިނގެއެވެ. ލޯގަނޑު ކުރިމަތީގައި ރީތިވާން ހުރި ނާވީއަށް ކޮޓަރިއަށް ވަން މިޝިޔާ ފެނުމުން އެއްފަހަރުވެސް އޭނާ އެކުއްޖާގެ މޫނަށް ބަލައެއް ނުލައެވެ.

“އައި ލަވް ޔޫ.. އައި ލަވް ޔޫ” ދުވެފައި ކަހަލަ ގޮތަކަށް އައިސް ނާވީގެ މެދުހަށީގައި ބައްދާލި މިޝިޔާ ބުނެލިއެވެ. އެއްވެސް ދިރުމެއްނުވާ އެއަޑު އިވުމުން ނާވީ ލޯގަނޑުން މިޝިޔާގެ މޫނު ފެނޭތޯ ބަލާލިއެވެ.

“އަހަރެން ވަރަށް ބޮޑު” މިޝިޔާ ވާހަކަ ބުންނަ އުޅެނިކޮށް ނާވީ އޭނާގެ އަތް ނައްޓުވާލިއެވެ. އަދި ގަމީސް ގަޔަށް މަހާލިއެވެ.

“އައި ޑޯންޓް ހޭވް ޓައިމް ޓު ޕްލޭ ވިތް ކިޑްސް.. ކުރިން ދުވަހު އެއީ ހަމައެކަނި މިސްޓޭކްއެއް” ފޯނު ނަގައި ޖީބައް ލަމުން ނާވީ ދޮރާއި ދިމާލަށް ހިނގައިގަތެވެ.

“ޕްލީޒް ނާވީ.. ވަރަށް މުހިންމު ވާހަކައެއް” މިޝިޔާ އަޑަށް އެއްވެސް ސަމާލު ކަމެއްނުދީ ނާވީ ނިކުމެގެން ހިނގައްޖެއެވެ. ދޮރުން ނިކުތް ނާޥީ ދޮރުގައި ލެގެލިތަން ފެނުނު ނައުޝާގެ މެޔަށް ފިނި ވެލިއެވެ. އޭނާގެ ދޮންބެ މިޝިޔާ ދެރަ ނުކުރަން ދުރުވަނީ ހެއްޔެވެ؟ ނަމަވެސް ދެން ރައްޓެހި ވެފައި އެހެން ހަދަނީ ކީއްކުރަން ހެއްޔެވެ. ކޮޓަރީގެ ތެރެއިން މިޝިޔާގެ ގިސްލުމުގެ އަޑު އިވުމުން ނާވީގެ ހިތް ކުދިކުދި ވި ކަހަލައެވެ. އެފަދައިން ހިތްދަތި ވެގެން މީހަކު ރުއި އަޑު އޭނާއެހި މީ ދެވަނަ ފަހަރެވެ. ދުރުގައި ފިޔަވަޅު އަޅާމުން ގޮސް ނާވީ ގެއިން ނިކުތީ އޭނާގެ އިހުސާސްތައް ނުހިފޭއްޓޭނެއޭ ހިތަށް އެރުމުންނެވެ. ނާވީ ލޮލުން ފުހެލި ކަރުނަ ތިއްކަކީ ހަމައެކަނި މިޝިޔާގެ ނަމުގެ ކަރުނައެވެ.

ފެންވަރާލައިގެން ހުރިއިރުވެސް އެމޫނުގައި އެއްވެސް ތާޒާ ކަމެއް ނެތެވެ. އިސްޖަހާލައިގެން ހުރެ ނާވީ މެންގެއިން ނިކުމެގެން މިޝިޔާ ދިޔައީ ވިލިގިއްޔަށެވެ. ވިލިގިލީގެ އަތިރިމަތީގައި ފައި ޖެހުމުން އޭނާ ދޮންވެލިގަނޑުމަތީގައި އިށީނދެއްޖެއެވެ. ވަޔާއެކު ހެލެމުން ދިޔަ ގަސްތަކަށް ބަލަންއިން މިޝިޔާގެ ލޮލުން އޭރުވެސް ހޯސްލާފައި ފެން އާދެއެވެ. ތުންފަތުގައި ދަތްއަޅާލައިގެން ހުރީ ގިސްލެވިދާނެތީއެވެ. އެރަތްކަން ގަދަ ތުންފަތްވެސް ވަނީހުދުވެފައެވެ. އެއްވެސް އެއްޗެއް ނުކައި އެހެން ހުރުމުގެ ސަބަބުން މާބޮޑަށް ބޯ އަނބުރާހެންވެސް ހީވެއެވެ. ނަމަވެސް އެހަށިގަނޑުގައި ހީގަންނަހާ ވަރުވެސް ނެތެވެ.

ޔާސްމީން ހާސްވަމުން ދިޔައީ ހެނދުނު ގެއިން ދިޔަ މިޝިޔާ ރޭނގަޑު ހަތެއް ޖެހިއިރުވެސް ގެއަށް ނައުމުންނެވެ. ހާސްވެފައިހުރި ޔާސްމީންއަށް ރޮވެންވެސް އުޅެއެވެ. އޭނާގެ ދަރިފުޅުގެ އުޅުން މިފަހަކަށް އައިސް ވަނީ ވަރަށް ބޮޑަށް ބަދަލު ވެފައެވެ. ޔާސްމީން ނައުޝާއަށް ގުޅާލަމުން މިޝިޔާ ކޮބައިތޯ އަހާލިއެވެ. މިއަދު ހެނދުނު އައިސްފައި ދިޔަކަމަށް ނައުޝާ ބުނެލިއެވެ. ޔާސްމީން ދެން ގުޅީ ޒަޔާން އަށެވެ. އެއްކޮށް އުޅޭ ކުދިން ކަމަށް ވުމުން ފަހަރަކު މީހަކަށްހެން އޭނާ ގުޅިއެވެ. ނަމަވެސް އެއްވެސް މީހަކަށް މިޝިޔާވީ ތަނެއް ނޭނގުނެވެ. ޒަޔާންގެ ހިތަށް އެންމެ ފުރަތަމަ އައީ ނާވީއެވެ. ނަވީއާއި ހެދި މިޝިޔާ ގެއަށް ނައިސް އުޅޭ ނަމަ އޭނާ ނާވީ މަރާލާނެއެވެ. ސައިކަލަށް އަރާ އެގެއާ ދިމާލަށް ޒަޔާން ދިޔައީ ހިތުގައި ނޭނގޭ ބިރުވެރި ކަމެއް އޮތުމުންނެވެ. ބާރުބާރަށް ދުއްވަމުން ދިޔަ ސައިކަލު ދެފަހަރަކު އެއްޗެއްގައި ނުޖެހުނީ ކިރިޔާއެވެ.

ދުރުގައު ފިޔަވަޅު އަޅަމުން ގައިސް އެގޭގެ ދޮރުގައި ޖަހާލި ޒަޔާން ހުރީ ވަރަށް ރުޅި ގަދަވެފައެވެ. އަފީފާ ދޮރު ހުޅުވާލަމުން ނާވީ ކޮބައިތޯ އަހާލިއެވެ. ކޮޓަރީގައި ކަމަށް ބުނުމުން އޭނާ ގޮސް އެކޮޓަރީގެ ދޮރު ހުޅުވާލިއެވެ. ޒަޔާން ދިޔައީ ސިއްސައިގެންނެވެ. ފިރާޝާގެ އުނގުގައި ބޯ އަޅާލައިގެން އޮތް ނާވީ އޮތީ ވަރަށް ހެވިފައެވެ. އެރި ރުޅީގައި ޒަޔާން ގޮސް ނަވީ އަތުގައި ހިފާ ތެދުކޮއްލިއެވެ. ފިރާޝާ ގަތް ލަދުން އެތަނުން ނިކުމެގެން ދިޔައީއެވެ. މިފަދަ ގިތަކަށް ޒަޔާންއަށް އެނގިދާނެ ކަމަކަށް އޭނާ ހިއެއް ނުކުރެއެވެ.

“ކޮބާ މިޝީ؟؟ ކޮބާހޭ މިޝީ” ހަޅޭލަވައިގަތް ޒަޔާން އަޑު ތުރުތުރު އަޅާއިގަތެވެ. ނައުޝާއާއި އަފީފާވެސް އެއަޑަށް އައިސް އެކޮޓަރިއަށް ވަދެއްޖެއެވެ.

“މަށަށް ކިހިނެއްތަ އިނގެނީ.. ޝީ އިޒް އޯލް ޔުއަސް” ފަރުވާ ކުޑަ ގޮތަކަށް ނާވީ ބުނެލިއެވެ.

“ނާވީ…” ނައުޝާވެސް ރުޅި އަންނަ ގޮތްވިއެވެ.

“ކީއްވެތަ އެންމެން އަހަރެން ދެކެ ތި ރުޅި އަންނަނީ.. އަމް ޑަން ވިތްހަރ.. ބޭސިކަލީ ދެން ޒަޔާންއަށްވެސް އަހަރެން ނުކުރާ ކަމެއް ނުކުރެވޭނެ” ނާވީގެ ކޯތާފަތް މައްޗަށް މިފަހަރު އެރީ އަފީފާގެ އަތުގެ ހޫނު ހަމަލާއެކެވެ.

“ރަނގަޅު.. ތީ އަހަރެން ނާވީއަށް ތިން ތަރުބިއްޔަތު.. ކިތަންމެ ރަނގަޅަށް ގެންގުޅުނު ކަމުގައިވިޔަސް ހަމަ އެ ނުބައިލޭ ތީ” އަފީފާގެ އެޖުމްލައިން ނާވީ އިތުރަށްއައީ ރުޅިއެވެ.

“ނާވީ މިޝީ ނުފެނިގެން މިއުޅެނީ.. ޕްލީޒް ބުނެބަލަ” ޒަޔާން އެހެން ބުނެލުމުން  ނާވީއަށް ބޮލުގައި އަތް ހާކާލެވުނެވެ. މިޝިޔާއަކީ އެހާ މޮޔަ ކުއްޖެއް ހެއްޔެވެ. އޭނާގެ މައުސޫމް ކުއްޖާ އަމިއްލަ ނަފްސަށް ގެއްލުމެއް ނުދިނިއްޔާ ރަނގަޅެވެ. ނައުޝާއަށް ވަގުތުން މިޝިޔާ އިންނާނެހެން ހީވި ތަނެއްގެ ނަން ބުނުމުން ނާވީއާއި ޒަޔާންވެސް އަވަހަށް ދުއްވައި ގަނެއްޖެއެވެ. ނާވީ ކައިރީގައި ކުރިން ދުވަހެއްގައިވެސް މިޝިޔާވަނީ އަބަދުވެސް ވިލިގިލީ އަތިރިއަށް އަންނަ ވާހަކަ ބުނެފައެވެ.

ފެރީން ފޭބި ދެމީހުން ދުވެފައި ކަހަލަ ގޮތަކަށް އަތިރިއަށް ހިނގައްޖެއެވެ. ތަންކޮޅެއް ދުރުގައި ހުރި ގަހެއްގައި ލެގެލައިގެން ނިދިފައި އިން މިޝިޔާ ފެނުމުން ނާވީގެ ފުން ނޭވާއެއް ދޫކޮށްލިއެވެ. އަދި ޒަޔާންއަށް ވުރެ ކުރިން އައިސް މިޝިޔާގެ ކޮނޑުގައި ހިފަހައްޓާލިއެވެ. އެއާއެކު ކަނޑާލި ރުކެއްހެން އޭނާ ވެއްޓުނީ ނާވީގެ އަތު ތެރެއަށެވެ. ނާވީ މިޝިޔާގެ ވިންދު ބަލާލަމުން ގެންދިޔައީ ކުލީ ކޮޓަރިއަކަށެވެ. ޔާސްމީންއަށް ގުޅާލަމުން މިޝިޔާމިރޭ ނައިޝާކައިރީގައި މުޑު ކުރަނީ ކަމަށް ބުނެލިއެވެ. ޒަޔާން ދުވަހަކުވެސް ދޮގެއް ހަދާފައި ނެތުމުން ޔާސްމީންއެއް އެވަރުންނެއް ނޫޅޫނެވެ.

އެނދުގައި އޮތް މިޝިޔާއަށް ބަލަހައްޓައިގެން ނާވީ އިނީ ހިތްހަމަ ނުޖެހިފައެވެ. އޭނާ ވަކިވިއޭ ކިޔާފައި މިވަރު އަރުވާލަން ޖެހޭ ހެއްޔެވެ؟
“ނާވީ ޕްލީޒް މިޝީއަށް ތިހެން ނަހަދާ.. މިޝީ ކުޑަޔަކަސް އޭނާ ވަރަށް ލޯބިވޭ ނާވީ ދެކެ” ޒަޔާން އާދޭސް ކުރާ ކަލަހަ ރާގަކަށް ބުނެލިއެވެ.

“ޕްލީޒް އެހެން ނޫނަސް އަހަރެން ދެން ކުރަން އޮތް ބޭނުމެއް ނެތް” މިޝިޔާއަށް ދެލޯ ހުޅުވާލެވުނީ ނާވީގެ އެޖުމްލައާއި އެކުގައެވެ. ނަމަވެސް އަވަހާއި ލޯ މަރާލީ އެމީހުނަށް އޭނާ ހޭ އަރާއޮތްކަން އެނގިދާނެތީއެވެ.

“ޒަޔާން ބޭޓުން ދައްވީއެއްނު.. އަހަރެންނަށް ދެ އަންހެން ކުދިންވެސް ލިބުނީ.. ފިރާވެސް” ނާވީ އެހެން ބުނުމުން ލޯ މަރާލައިގެން އޮތް މިޝިޔާގެ ލޮލުން އަނެއްކާވެސް ކަރުނަ ތިއްކެއް އެއްފަރާތަކަށް ފައިބައިގެން ހިނގައްޖެއެވެ.

“ނާވީ ހާދަ ހަޔާތްވެސް ކުޑައޭ.. އާނ އަހަރެން ބެޓް ކުރިން އެކަމް ތިހާ ގޯހެއް ނޫން އަހަރެންނެއް” ޒަޔާން އެހެން ބުނުމުން މިޝިޔާއަށް ޔަޤީންވެސް ނުވިއެވެ. ޒަޔާންވެސް އެވަރުގެ ކަމެއް ކޮއްފާބެ ހެއްޔެވެ؟ ޒަޔާންއަކީ އޭނާގެ ކުޑަ ދުވަހުގެ ރަހުމަތްތެރިޔާއެވެ. އިތުރަށް އަޑު އަހަން ބޭނުން ނުވުމުން މިޝިޔާ ކެއްސާލީ އޭނާ ހޭ އެރިކަން އަނގާލަން ވެގެންނެވެ. ޒަޔާން ދުވަފައިހެން އައިސް މިޝިޔާ ކައިރީގައި ހުއްޓިއްޖެއެވެ. މިޝިޔާ މިފަހަރު ނާވީއަށް ބަލާވެސް ނުލިއެވެ.

“ޒަޔާން އަހަރެން ގެއަށް ގެންގޮސް ދީފާނަންތަ” މިޝިޔާ އެހެން ބުނެލުމުން ޒަޔާން ދެކޮޅެއް ނުހެދިއެވެ.

ފެރީ ތެރޭގައި ހުރިއިރުވެސް މިޝިޔާ ނާވީ ފެންނަ ކަމަށްވެސް ހަދާނުލިއެވެ. ހިތްވަރު ކޮއްލީ ހަމައެކަނި ގެއާއި ހަމައެކަނި ގެއާއި ހަމައަށް ދެވެންދެކަށެވެ. ޒަޔާންމެން އޭނާ ގެއަށް ލައި ދިނުމުން އޭނާ ވަރަށް ލަސްލަހުން އައިސް ދޮރު ހުޅުވާލިއެވެ. މަންމައާއި ބައްޕަ ހުއްޓައި މިޝިޔާގެ މިސްރާބު ހުރީ މާޒްއާއި ދިމާލަށެވެ. މާޒްއަށް ކަމެއް ގޯސްވެއްޖެކަން ވަގުތުން އިނގިއްޖެއެވެ. އަބަދުވެސް ކަމަކާއި ދެރަ ވެއްޖެނަމަ އޭނާގެ އަމަލުތައް ހުންނަނީ އެހެންނެވެ. މާޒްކައިރިއަށް ހުއްޓުމަށްފަހު މިޝިޔާ ކުޑަކަކޫ ޖަހާލީ މާޒްގެ ދެފައު ބުޑުގައެވެ. މާޒްގެ ހިތް ކުދިކުދި ވި ކަހަލައެވެ.

“ދޮންބޭ އަޅުގަނޑު ވަރަށް ބޮޑު ފާފައެއް ކުރެވިއްޖެ.. ދޮން.. ދޮންބޭ އަޅުގަނޑު ބަނޑުބޮޑު” މިޝިޔާ އެހެން ބުނި އަޑު އުވުމުން ޔާސްމީން މޫނު މައްޗަށް އަނދިރި ވާގޮތްވިއެވެ. ގިސްލެވެމުން ދިޔަ ކުއްޖާ އެންމެ ފަހުން މާޒްގެ ފައިގައި ބައްދާލައިފިއެވެ. މާޒްއަށް ހަމައެކަނި ކޮއްކޮ ބޮލުގައި ފިރުމާލެވުނީއެވެ. އޭނާގެ އަރު ބެދެމުން ދިޔައީ ހިތުގައި ޖެހުނުލެއް ބޮޑުކަމުންނެވެ. ބޭބެއަކަށްވެ ހުރެ މިއަދު އޭނާ ދުނިޔެ ކުރިމަތީގައި ދައްވެއްޖެއެވެ.

“ކީކޭ… އަދި އެއްފަހަރު ބުނެބަލަ ނިކަން…” އިލްހާމް ރުޅި ކޮންޓްރޯލުން ނެއްޓެން އުޅުނެވެ. އެހާ ލޯބިން ގެންގުޅުމުން ލިބެންވީ ފައިދާއަކީ މީހެއްޔެވެ.

“އެއްވެސް މީހަކު މިޝީގެ ގައި އަތް ނުލާތި” މާޒް އޭނާގެ ބައްޕައާއި ދިމާލަށް އަޑުހަރުކޮށް ބުނެލިއެވެ. މިއަދު ތަޅައި އަނިޔާ ކުރުމުން އަނެއްކާވެސް ހަމަ ދާނީ އެމަގުންނެވެ.

ދެދުވަސް ނިމިގެން ދިޔައީ އެފަދަ ގޮތަކަށެވެ. މިޝިޔާ އެހެން ނުކައި ހުންނަން ފެށުމުން އިލްހާމްވެސް ޖެހުނީ ހަތިޔާރު ބަހައްޓާށެވެ. އެންމެންގެ މޫނުމަތީގައިވާ ހިނިތުންވުން މިޝިޔާ ގެންގޮސްފިއެވެ. ކައިގެން ކޮޓަރިއަށް ވަން އެންމެންވެސް ނިދީއެވެ. ގޮވިއަސް މިޝިޔާއެއް ނުހުޅުވާނެއެވެ. މާޒްއަށް ހޭލެވުނީ މީހަކު ގިސްލާ އަޑަށެވެ. ބާރު ބާރަށް ރޮމުން ގެންދިޔައީ މިޝިޔާކަން ވަގުތުން މާޒްއަށް އެނގިއްޖެއެވެ. ދުވެފައި ކޮޓަރިން ނިކުތްއިރު ޔާސްމީންމެންވެސް އެދިމާލަށް އަންނަނީއެވެ. ތަޅުދަނޑިން ދޮރު ހުޅުވާލަމުން މާޒް ހިތްވަރުކުރި ނަމަވެސް މިފަހަރު ރޮވިއްޖެއެވެ. ނިދާފައި އޮވެގެން ނާވީހެ ނަން ގޮވަމުން ދިޔަ ކުއްޖާ ފެނުމުން މާޒްއަށް ނޭވާވެސް ނުލެވުނެވެ. ނަމަވެސް މިޝިޔާ އެންމެންނަށް އެގެއަށް ދިއުން މަނާ ކުރުމުން މާޒްއަށް ހަދާނެ ގޮތެއް ނޭނގުނެވެ.

ނާވީވެސް ފުރަންއައިސް ހުރިއިރު ދެފަހަރަކު މިޝިޔާގެ ފޯނަށް ގުޅޭތޯ ބަލާލިއެވެ. ނަމަވެސް އެނަންބަރު ވަނީ ނިއްވާލާފައެވެ. މިދިޔަ ދެތިން ހަފްތާގައި މިޝިޔާ އޭނާއަށް ވަރަށް ގުޅިއެވެ. އެކި މެސެޖްތަކުން އޭނާއާއި ވަކި ނުވުމަށްވެސް އެތައް އާދެސް ކޮއްފައި އޮތެވެ. ނާވީ އޭނާގެ ފޯނުގެ ސްކިރީނުގައި އިން މިޝިޔާ ފޮޓޯއަށް ބަލާލަމުން ހިނިތުން ވެލިއެވެ.

“ބީ ހެޕީ” ނާވީ އެހެން ބުނެލަމުން އެންމެންނާއި ސަލާމް ކުރަމުން އައިސް ނައުޝާއަށް އަތް ދިއްކޮއްލިއެވެ. ނައުޝާއަށް ނާވީ ފެންނަ ކަމަށްވެސް ހަދާ ނުލިއެވެ. އޭނާގެ ދޮންބެ ސަބަބުން އޭނާވެސް ވަނީ އޭނާ އެންމެ ލޯބިވާ ފަރާތާއި ވަކިވާން ޖެހިފައެވެ. އަދިވެސް މާޒްގެ ޖުމްލަތަށް ނައުޝާގެ ކަންފަތް ބުޑުގައި ހަރުލާފައި އެބަހުއްޓެއެވެ. މިޝިޔާއަށް އޮޅުވާލައިގެން އޭނާގެ ދޮންބެ ފިރާޝާއާއި ރައްޓެހިވީއެވެ.  މާޒް ބުނި ގޮތުން ހީވަނީ މިޝިޔާ ވަރަށް ހިތާމަ ކުރާ ހެންނެވެ. ކުރެހިފައިވާ މާޒްގެ އަޑު އަދިވެސް އޭނާއަށް އިވޭ ކަހަލައެވެ. ނާވީ ކައިރީގައި މިޝިޔާއަށް އެހެން ނެހެދުމަށް އެދި ކުރަމުން މާޒް އޭނާ ކައިރީގައި ރުޔެވެ.

“ނައު ދޮންބެ އާ ސަލާމް ނުކުރާނަންތަ؟” އަފީފާ އެހެން ބުނެލުމުން ހިތަދަތިވެފައިއިން ނައުޝާ ކަރު ކެހިލިއެވެ.

“އަހަރެންގެ ނުހުންނާނެ ދޮންބެއެއް” ނާވީ ދެލޯ ބޮޑުކޮށްލަމުން ނައުޝާއަށް ބަލާލިއެވެ. ވީ ކިހިނެއް ކަމެއް ހުދު އޭނާއަށްވެސް ނޭނގެއެވެ.ެ ނާވީވެސް ލަސްވަމުން ދާތީވެ އަވަހަށް އެއަޕޯޓް އެތެރެއަށް ދާން ހިނގައިގަތެވެ.

ހިޔާލުތަކަށް ގެއްލިފައި އޮތް މިޝިޔާ ސިއްސުވާލީ ކުޑަކުޑަ ހިބާ ނިދީގެ ތެރެއިން ކުކުރާ ލުމުންނެވެ. ތުން ފިއްތާލައިގެން އެކުއްޖާ އޮތް ގޮތުން މިޝިޔާ ފޮޓޯއެއް ނަގާލިއެވެ. ކުރީގައި މިޝިޔާ އެންމެ ގިނައިން ކީ ލަވައިގެ ތަންކޮޅެއް ހަނދާން ވުމުން އަނެއްކާވެސް އޭނާ އެތަންކޮޅު ކިޔާލިއެވެ.

“ފެންނާތީ ޔާރާގެ މޫނު.. ތެދެކޭ ތިއީގެ ހުވަފެނުގެ ރާނީ” މަޑުމަޑުން އެލަވަ ކިޔަމުން ދިޔަވަރަކަށް އޭޏާނެ އަޑަށްވެސް ބަދަލު ތަކެއް އަންނަމުން ދިޔައެވެ.

ނުނިމޭ