މާފު ކުރާށޭ ލޯބިވާ 1

“ޝާޝާ! އަވަސްކޮށްބަލަ. އެއޮއް ހަތަރެއް ޖެހީ” ލޯގަނޑު ކުރިމަތީގައި ހުރި ސަނާޝް ސިހުނީ ކޮޓަރި ދޮރު ހުޅުވާލަމުން އޭނާގެ އެންމެ ގާތް އެކުވެރިޔާ ޝޫރާ ވާހަކަ ދެއްކި އަޑަށެވެ. “މި ނިމުނީ އޭ ޝޫ” ސަނާޝް ހިނިތުންވެލާފައި ފޯނު ޖީބަށް ލަމުން ހިނގައިގަތެވެ. ހުދުކުލައިގެ ހުޑީ އަކާއި ނޫކުލައިގެ ޖީންސްއެއް ލާފައިވާއިރު އެއްވެސް މޭކަޕަކާއި ނުލައިވެސް ސަނާޝްގެ ރީތިކަން ފަނޑެއް ނުވެއެވެ. އެ ރީތިކަމަށް އިތުރު ފުރިހަމަ ކަމެއް ގެނެސްދެނީ އޭނާއަށް ލިބިފައިވާ މަޑުމުށިކުލައިގެ ކަޅިރަވަ އާއި މުށިކުލައިގެ އިސްތަށިގަނޑެވެ.

“ސާރާ ކޮބާ؟” ސަނާޝް ބޫޓަށް އަރަނިކޮށް ޝޫރާ އަހައިލިއެވެ. “ސާރާ ވީތަނެއް ނޭނގެ. ބޭރުގަ ކަންނޭނގެ” ދެކޮނޑު އަރުވާލަމުން ފަރުވާކުޑަގޮތަކަށް ސަނާޝް ބުނެލިއެވެ. އަދި އަވަސް އަވަހަށް ގެއިން ނުކުތެވެ. “ރިއަލީ ޝާޝާ؟ އެއީ ޝާޝާގެ ކޮއްކޮއޭ. ކީއްވެތަ ސާރާދެކެ ތިހާ ރުޅި އަންނަނީ؟” ޝޫރާ ސަނާޝްއާއި އަރާ ހަމަކުރަމުން އަހާލިއެވެ. “އަސްލު ބުނަން. އަހަރެން ސާރާދެކެ ރުޅިއެއް ނާންނަން. އެކަމަކު އޭނަ އުޅުނު ގޮތުން މިހިރީ ވަރަށް ދެރަވެފަ” ސަނާޝް އެހެން ބުނި އިރު އެއަޑުގައި މޮޅިވެރި ގޮތެއް ހުއްޓެވެ. “ސާރާ ކޮންގޮތަކަށް ތަ އުޅުނީ؟ އަަހަންނަކަށް ނޭނގެ ކުއްލިއަކަށް ޝާޝާއަށް ވެގެން ތިއުޅޭ ގޮތެއް” ޝޫރާ ހީވަނީ ސަނާޝް އެކަން ވީގޮތް ކިޔައިނުދެނީސް އެވާހަކަ ނުހުއްޓާނެހެންނެވެ. “އޯކޭ” ސަނާޝް ބުނެލިއެވެ. “އެކަމަކު ގެއަށް ގޮއްސަ ކިޔައިދޭން ވާނެ” ޝޫރާވެސް އެކަމާއި އެއްބަސްވިއެވެ. “ހޫމް ދެން ތިއެއް ނޫނޭ. ހިނގާ އައިސް ކްރީމް ބޮމާ” މާހައުލު އުފާވެރިކޮށްލުމަށް ޝޫރާ ބުނެލިއެވެ. ސަނާޝްވެސް ހީލަމުން ބާސްކިންރޮބިންސްއަށް ވަނުމަށް ހިނގައިގަތެވެ. ޝޫރާގެ ފަހަތުން ބާސްކިންރޮބިންސްއަށް ވަތް ސަނާޝް ސިހުނީ ފެނުނު މީހެއްގެ ސަބަބުންނެވެ. ސަނާޝްގެ ދެލޯ ކަރުނައިން ފުރިގެންއައިރު ޝޫރާގެ ދެލޮލުން ފެނުނީ ނަފްރަތެވެ.

މިވާހަކައިގެ ދެންއޮތް އެޕިސޯޑުގެ ލިންކު ކޮމެންޓް ސެކްޝަންގެ ތިރީގައި ވާނެއެވެ.