ވާތީ ހިތަކު ލޯބި މަންމަންވެފާ 35

“ދާއިޔަލް…” ލީރާ ދާއިޔަލްއާއި ދިމާލަށް ބަލައިލިއެވެ. ދާއިޔަލް މިހާރުވެސް މަންމައަށް ވުރެ ރަނގަޅަށް ލަޝް ރައްކާތެރި ކޮށްދީފި. ދެންވެސް އެކަން ކޮށްދެއްޗޭ… މިއީ މި މަންމަގެ ފުރާނަ” ލީރާ ބުނެލިއެވެ. “އަޅުގަނޑު ދިރި ހުރިހާ ދުހާކު ލަޝްކާ ހުންނާނީ ރައްކާތެރި ކަމާއި އެކު…” ދާއިޔަލް ޔަގީންކަން ދިނެވެ.

(35 ވަނަ ބައި)

“އިމްރާން؟؟ އިމްރާން!!” ޙިޔާލު ތަކުން އިމްރާންއަށް ނިކުމެވުނީ އެޒިކިއެލް ވާހަކަ ދައްކަން ފެށި އަޑަށެވެ. އިސްޖަހާލުމާއި އެކު އިމްރާންއަށް ފެނުނީ ބިޑި އަޅުވާފައި އިން އޭނާގެ ދެއަތެވެ. “ޝިޓް…” ދަތްކުނޑި ވިކައިލަމުން އިމްރާން ބުނެލިއެވެ. “ވާހަކަ ދައްކަން ތައްޔާރުތަ؟” އެޒިކިއެލް އަހައިލިއެވެ.

“ފަށަމާ ދޯ؟” އިމްރާންގެ މޫނު މައްޗައް އަރަމުން ދިޔަ ކުލަތައް ރަނގަޅަށް ދިރާސާ ކުރަމުން އެޒިކިއެލް ވާހަކަ ދައްކަން ފެށިއެވެ. “އިމްރާން! މަރިޔަމް ލަޝްކާ އިމްރާންގެ އުމުުރުން 6 އަހަރުން ފެށިގެން އިމްރާން ލަޝްކާ ރޭޕް ކޮށްފައިވާ ކަމުގެ ހެކި އަޅުގަނޑު މެނަށް މިވަނި ލިބިފައި. އެކުށަށް އިމްރާން އެއްބަސް ވާންތޯ؟” އަދަބުވެރިކަމާއި އެކު އެޒިކިއެލް އަހައިލިއެވެ. “އެބަ އަޅުވާލަން އޯޑިއޯއެއް” ދެންވެސް އިމްރާން އެއްޗެއް ނުބުނުމުން އެޒިކިއެލް ބުނެލިއެވެ. އަދި އޭރު އެލާރާ ފޮނުވި އޯޑިއޯ އަޅުވާލިއެވެ.

އިމްރާން: ކަލޭ ކީއްކުރަން މިތަނަށް ތިއައީ؟

ރަޝާ: ކިހިނެތްވީ؟ ހާސްވީތަ؟؟ ހާސްނުވޭ. ލީރާ އެއޮތީ ނިދާފައެއްނުން؟ ލީރާއަކަށް ނޭނގޭނެ މަށެއް. ކަލެއަށާ ލަޝްކާއަށް ދޯ މަ އެނގޭނީ؟

އިމްރާން: ވާޙަކަ ނުދައްކާ! ރައްކާވޭ މިތަނުން. މަށެއް ނުދަންނަން ކަލެޔެއް. މިހާރު ނޭނގެ ލަޝްކާ ދުނިޔޭގަ ވެސް ހުރި ކަމެއް. އެކަން އެ ނިމުނީ. ދެން ކަލޭ ދަންނަ އެކަކުވެސް ނުހުންނާނެ.

“ބުނަންތަ ރަނގަޅު ވާހަކައެއް؟ މަމީ ކަލޭ ނަމަ ކަލެއަށްވެސް ވީހީ ހަމަ އެހެން. ބަލަ އެ ލީރާ ނަފްސާނީ އަރައިގެން ގޮސް 24 ގަޑި އިރު ކޮޓަރީގައޭ އެ އޮންނަނީ. މަ ކައިރިވިޔަސް ‘ނެތް މޫޑެއް’ ، ‘ވަރަށް ވަރުބަލި’ ، ‘މިއަދަކު ނޫން’. ބަލަ މަ ވެސް މިއީ ހިއްސު ސަލާމަތުން ހުރި ބޮޑު ފިރިހެނެކޭ” އިމްރާންގެ ވާހަކަތައް އިވި އެޒިކިއެލް ގާތަށް އައީ އަމަށަކު ރުޅިއެއް ނޫނެވެ.

“ދެން އޭގެ މާނައަކީ ތިމާގެ ދަރި ގަޔަށް އަރާށޭތަ؟” އެޒިކިއެލް އެހެން އެހުމުން ބުނެވުނީ ކީކޭކަން އިމްރާންއަށް ރެއަކާ ލިއެވެ. “އޯހް ޝިޓް” ހިތާ ހިތުން އެހެން ބުނަމުން އިމްރާން ގޮނޑިން ތެދުވެ ކުޑަކަކޫ ޖެހިއެވެ. “މަށަށް މަޢާފް ކުރޭ. ހުރިހާ ކަމެއްވެސް ވީ ލީރާ ނަފްސާނީ ވުމުން. ލަޝްކާއާއި ލީރާ ވައްތަރުވީމަ އޭނަ ކައިރިއަށް ދާހިތްވީ. ދެން ނުވާނެ އެހެނެއް. އަޅުގަނޑަށް މަޢާފް ކުރޭ…” ދެއަތް ޖޯޑު ކޮށްލަމުން އިމްރާން ސަލާން ޖަހަން ފެށިއެވެ.

“އެހެން ވިއްޔާ މީގޭ 18 އަހަރު ކުރިން ރަޝާގެ މަންމަ ރީޝާގެ ބުއިމަކަށް ސުކްސިނިލްކޮލިން އަޅައިގެން ރީޝާ ޕެރެލައިޒް ކޮށްލުން. އެއީ ކޮން ކަމެއްބާ؟ ގައިމު ރަޝާ އެއީ އިމްރާންގެ ދަރިއެއްނުން؟”

“ހުއްޓާލާ!” އެޒިކިއެލްގެ ވާހަކަ ތަކުން އިމްރާން ދިޔައީ ހައްތަހާ ރުޅި ގަދަވަމުންނެވެ. “ކީއްކުރަން ހުއްޓާލަންވީ؟” އެވަގުތު އެތަނަށް ރަޝާ ވަނެވެ. “އަނެއްކާވެސް ކަލޭ؟؟؟ ކިހާ ބޮޑު މުސީބާތެއްތަ މިއީ ދެން އޭނ؟؟؟” ރައްކާވާށޭ މަގޭ ލޯ ކުރިމަތިން” ރަޝާގެ ކަރުގައި ހިފާ ފާރަށް ތަތް ކޮށްލަމުން އިމްރާން ބުނެލިއެވެ. “އިމްރާން! ރަޝާގެ ކަރުން ދޫކޮށްލާ” އެޒިކިއެލްގެ އަޑު އިވުމާއި އެކު އޭނާއަށް ހުރެވުނީ ކޮންތާކުކަން ރެއަކާ ލިއެވެ. ވަގުތުން ރަޝާގެ ކަރުން ދޫކޮށްލީ އެހެން ވެގެންނެވެ.

“އިމްރާން ކަލޭ ތިއީ ބައްޕައިންނަށްވެސް ހުރި ހުތުރެއް. ކަލޭ ތިއީ ކަލޭ ‘ލޯބި’ ވެގެން އިން މީހާއާއި އެކު ލިބުން ދަރި ގަޔަށް ވެސް އެރި ނުލަފާ ޖަނަވާރެއް. މާމަގެ ދުނިޔޭގަ ބަދީގޭގައި އިން ސީސީޓީވީ ކެމެރާގެ ރިކޯޑިންގ އޮތީ މަށަށް ދީފަ. ކަލޭ މަންމަގެ ރައިބީނާ ފުޅިއަށް ސުކްސިނިލްކޮލިން އެޅިތަން ކެމެރާއަށް އޮންނާނީ އަރާފަ. އެކަން މަށަށް އެނގުނީންސުރެ ބަދަލު ހިފުމުގެ ރޫހު މަގޭ ހަށިގަނޑުގައި ހިފި. ފުރަތަމަ އަހަރެން އުޅުނީ ލަޝްކާގެ ދިރިއުޅުން ހަލާކުކޮށް ކަލޭމެން މޮޔަ ވާ ވަރު ކުރަން. އެކަމަކު މާ ފަހުން އެނގުނީ މީނަވެސް މިހުރީ އެކަމާ އަރާކަން. ހެއްޔޮ ދަރި ވިއްޔާ މިއޮށް ހާ ދުވަހު މި ރޭޕް ކުރީ. ނަސީބެއް ތިކަހަލަ ބައްޕައެއް މަށަށް ނުލިބުންކަން!!”

ރަޝާގެ ވާހަކަ އަހަން ހުރި އިމްރާން ހުރީ ލަދުން ވިރި ވިރިއެވެ. އެހާ ރުޅިވެސް އައިއްސައެވެ. ލަދު ގަތީ ކުށްތައް ފަޅާ އެރުމުންނެވެ. ރުޅި އައީ ލަދުގަތުމުންނެވެ. ދެންވެސް ކުރެވުނު ކުށާއި މެދު ދެރަވެ، މަޢާފަށް އެދެމުގެ ޙިޔާލެއް އިމްރާންގެ ބޯ ހަރު ސިކުނޑިއަކަށް ނައެވެ.

“ކަލޭ… ކަލޭ މަގޭ މުޅި ދިރިއުޅުން ތި ހަލާކު ކޮށްލީ…” ދެންވެސް އިމްރާންއަށް ބުނެވުނީ އެހެންނެވެ. “ފެއާކޮށް ދޯ ކުޅެންވާނީ؟ ކަލޭ ފުރަތަމަ މަގޭ ދިރިއުޅުން ހަލާކު ކޮށްލީ. މަގޭގެ ބައްޕައަކަށް ވާން ނުކެރުނު އިރު އެހުރީ މަގޭ މަންމައަށް ހަދާލި ގޮތް. ކަލޭ މަގޭގެ މުޅި ދިރިއުޅުން ހަލާކު ކޮށްލީ” އިމްރާންގެ ކަންކަށި މަތީގައި ޖަހަމުން ރަޝާ ބުންޏެވެ. އަދި ބަރުހެލި ފިޔަވަޅު ތަކެއްގައި އެތަނުން ނިކުމެގެން ދިޔައެވެ.

(ނުނިމޭ)

ތިރީސްހަވަނަބައިގެ ތެރެއިން:

“ދެން؟ ރަޝާ އޯ؟” ދިޔާން އަހައިލިއެވެ. “އަހަރެން… އަހަރެން މިއީ ބޭކާރު މީހެއްނުން…؟” ހިނިތުންވުމަކާއި އެކު އެހެން ބުނި ނަމަވެސް ރަޝާގެ ދެލޯ ކަރުނުން ފުރި ބާރުވިއެވެ.

މިވާހަކައިގެ ދެންއޮތް އެޕިސޯޑުގެ ލިންކު ކޮމެންޓް ސެކްޝަންގެ ތިރީގައި ވާނެއެވެ.