ވާތީ ހިތަކު ލޯބި މަންމަންވެފާ 26

~މިބައިން ފެށިގެން “ވިވިއަން” ގެ ނަން ވާނީ “ވިޝާޙާ” އަށް ބަދަލު ކުރެވިފައެވެ~

ނަމަވެސް ދާއިޔަލް މާ ހުޝިޔާރެވެ. އޭނާ ހުރީ ލަޝްކާގެ އެ އަމަލަށް ތައްޔާރު ވެގެންނެވެ. ލަޝްކާގެ އަތުގައި ހިފާ އޭނާއާއި ދިމާލަށް ގެނެސް ދުރަށް ނުދެވޭ ވަރަށް ބައްދާލިއެވެ. އަދި ލަޝްކާއާއި އެއްވަރަށް ތިރިވެލަމުން ލަޝްކާގެ ތުންފަތައް ބޮސް ދިނެވެ.

(26 ވަނަ ބައި)

ލާންޗުން ފޭބި ޒުވާން އަންހެން ކުއްޖާއާއި ދިމާލަށް މީހުންގެ ލޯތައް ހުއްޓެން ފެށިއެވެ. ފިޔާތޮށި ކުލައިގެ ޝޯލްއަކާއި އެކު ހުދު ކުލައިގެ އަބާޔާއެއް ލައިގެން ހުރި އަންހެން ކުއްޖާއަކީ ބަލާލަން ރީތި ކުއްޖެކެވެ. ކުޑަ ކުޑަ ދެލޮލެވެ. ބޮޑު ފިޔާތޮށި ކުލައިގެ ތުންފަތެވެ. ދިގު އެސްފިޔައެވެ. ހިތިފަތު ބުމައެވެ. މޫނުމަތީގައި އެއްވެސް މޭކަޕެއް ނެތުމުން ވަކިން ރީތި ކަމަށް ދައްކައެވެ.

ލޮލުގައި އިން އަވި އައިނު ނަގައިލަމުން ވިޝާޔާ ކުރިމަތީގައި ތިބި އޭނާގެ ލޯބިވާ މަންމައާއި ދޮންތައަށް ހިނިތުންވެލިއެވެ. އަދި ގޮސް ދެމީހުންގެ ހަށިގަނޑުގައި ވެސް ބައްދާލިއެވެ. އުމުރުން 18 އަހަރުގެ ވިޝާޔާއެއައީ މާލޭގައި ހުރެ އޭ ލެވެލް ކިޔަވާ ނިންމައިގެންނެވެ.

“އަޅޭ ކޮއްކޮ މަތިން ވަރަށް މިސްވި. ދެން ނުދާތި ހޫންންން” އަކުރު ތަކަށް ދަމާލަމުން ވިޝާޙާ ބުނެލިއެވެ. “ސާބަހޭ ދޮންތީ. އަދިވެސް ދޮންތި މާ ބޭބީ ދޯ ޝާޔާއަށް ވުރެން” ފިރާޝާގެ މޫނަށް ބަލައިލަމުން ވިޝާޔާ ބުނެލިއެވެ. “މަންމައަށް ވިޝާޔާ ވެސް ވިޝާޙާ ވެސް ބޭބީ. އެހެންނުން ވާނީ. ދެކުދިން ކުރެ އެކަކު ވެސް އަދިވެސް މީހަކާ އިންނަ ހިޔާލެއް ކުރީކީ ނޫން” ބޯހޫރުވާލަމުން ފަރީޝާ ބުނެލިއެވެ.

“ސާބަހޭ މަންމާ. އަދި ނެތެއްނުން މީހަކާ ނީނދެވިފައެއް. ކޮއްކޮ ދޯ ކުރިން އިންނަންވީ ވެސް. ކޮއްކޮއާއި ޝަރަފްއާއި އެކުގަ އުޅޭތާ ކޮން ދުހެއް މިހާރު” ވިޝާޔާގެ ބަނޑުގައި ކޮއްޓާލަމުން ވިޝާޙާ ބުނެލިއެވެ. “ހޫންންން. ހެވޭ. ދޮންތި ނުހޯދަންތަ ބިޓެއް؟” ވިޝާޙާ ހެދިހެން ވިޝާޔާގެ ބަނޑުގައި ކޮއްޓާލާމުން އަހައިލިއެވެ. އެއާއި އެކު ވީޝާޙާގެ ޙިޔާލަށް އައީ މީކައިލްއެވެ. ލަދުން އިސްޖަހާލެވުނީ އެހެން ވެގެންނެވެ.

“އޯހޯ އެބަ ގެންގުޅޭ ދޯ ބިޓެއް؟” ވިޝާޔާ ދިމާ ކުރާ ރާގެއްގައި އަހައިލިއެވެ. “ޗީޑީ. ނޫޅެން. ހިނގާ ދެން ގެޔަށް ދާން. ހުންނާނެ ސޮސެޖް ހަނާ ކޮށްފަ ރޮށި ފިހެފަ. ކޮއްކޮގެ ފޭވްވް” ވިޝާޔާގެ އަތުގައި އެލިގަންނަމުން ވިޝާޙާ އެތަނުން ހިނގައިގަތެވެ.

ގަބުވެފައި އިން ލީރާ ކައިރީގައި އިން އިމްރާން އިނީ ފޫހި ވެފައެވެ. އަތުގައި އޮތް ޕާރުސަލް ތަށީގެ މަތި ނަގާފައި އޭނާ ގެނައި ޕްލާސްޓިކް އޫ އޭގެ ތެރެޔަށް އިމްރާން ލިޔެވެ. “އަން. ދެން މި ކައި” ލީރާއާއި ދިމާލަށް ތަށި ދިއްކޮށްލަމުން އިމްރާން ބުނެލިއެވެ.

“އަހަރެން ބޭނުން ވަނީ ލަޝް… ލަޝް ގެނެސް ދީ…” ލީރާއަށް އަނެއްކާވެސް ރޮވުނެެވެ. “ކިހާ ދެރަކަމެއްތަ ލީރާ؟ ލީރާއަށް ހީވަނީތަ ލީރާ އެކަންޏޭ މިކަމުގަ ހިތާމަ ކުރަނީ؟ ބަލަ މަވެސް ކުރަމޭ. ލަޝްކާ ނެތީމަ އަހަރެންވެސް ދެރަވެޔޭ. އެއީ އޭ މަގޭ ހުރި ހަމަ އެކަނި ދަރިއަކީ. އެކަމަކު އޭގެ މާނައެއް ނޫން ދޯ އަމިއްލައަށް މަރުވާން އުޅޭށެކޭ. މަ މިހުންނަނީ ވަރަށް ލަދުން ލީރާއާއި ހުރެ” އިމްރާން ހިތްހަމަ ނުޖެހިފައި ބުންޏެވެ. “ދެރަ” ވާ ކަމަށް ހެދި ނަމަވެސް އެމޫނު މަތިން ފެންނަނީ ރުޅިވެރިކަމެވެ. ހަގީގަތުގައި ލަޝްކާ ނެތުމުން އޭނާ ދެރަވަނީ އޭނާގެ އެ ވަހުޝީ އެދުންތައް ނުފުދޭތީއެވެ.

“މަ ނުބުނަން އިމްރާން ދެރަނުވާނެ އެކޭ. އެކަމަކު އަހަރެން މިއީ ލަޝްކާގެ މައިމީހާއޭ. 9 މަހާ 9 ދުވަހު ލަޝްކާ އޮތީ އަހަރެންގެ ބަނޑުގައޭ. އަހަރެން ބޭނުމެއް ނޫން އަހަރެންގެ ދެވަނަ ދަރިފުޅު ގެއްލުނު ހެން ލަޝްކާ ވެސް ގެއްލޭކަށް… އަހަރެންގެ މައިލަގޮނޑިއަކަށް ކެތެއް ނުވާނެ” މޭގައި ފިރުމާލަމުން ލީރާ ބުންޏެވެ.

“ލީރާ ހާދަ އަމިއްލަ އެދުން ބޮޑޭ ދޯ؟ ލީރާ އެންމެ ފަހަރަކު ވެސް މަށާ މެދު ވިސްނާލިންތަ؟ އޭނ؟ ބަލަ ޑަކްޓަރު އެހެން ބުނެގެން މުޅި މީހާ ނަފްސާނީ ވާން ޖެހޭތަ؟ ބަލަ އެންމެ ފަހަރަކު ވެސް އަލުން ކުއްޖަކު ލިބޭތޯ އުޅުނިންތަ؟ ބަލަ 13 އަހަރުވީ އަހަރެމެން ދެމެދުގަ ދެމަފިރިކަމުގެ ގުޅުން ނުހިނގާތާ. ބަލަ މަގޭ ހިއްސުތައް އަދިވެސް ސަލާމަތުންނޭ ހުރީ” ކަޅި އަޅާލަމުން އިމްރާން އެތަނުން ނިކުތެވެ.

ނޭފަތް ދަމައިލަމުން ލީރާ އެ ޕާރުސަލް ތަށި ނެގިއެވެ. މަޑުމަޑުން އޭގައި ހުރި ނޫޑްލްސްތައް ކާން ފެށި އިރު ލީރާގެ ލޮލުން ފަހަރަކު ކަރުނަ ތިއްކެއް އަންނަމުން ދިޔައެވެ. “ލަޝް… ލަޝް ތިހުރީ ގަދަ ވެ ސަލާމަތުން ދޯ؟ ލަޝް… މަންމައަށް މަޢާފް ކުރޭ… މަންމަ ދެން ނުވާނެ އެހެންނެއް. މަންމަ ދަރިފުޅަށްޓަކާ ޑިޕްރެޝަންއިން އަރައިގަންނާން. މަންމަގެ ދަރިފުޅު މަންމަ ކައިރިއަށް އާދޭ…” ލީރާގެ އަޑުގައިވީ ވޭން އިވި ހިލަ ހިތެއްގެ ވެރިޔާގެ ހިތްވެސް ހަލާކު ވާނެކަން ކަށަވަރެވެ.

“ޓޮއް ޓޮއް”

“މިގަޑީ ކާކުބާ؟” އޭރު ގަޑިން 11 ޖަހަނީއެވެ. ޓީވީ ބަލަން އިން ރަޝާ ހައިރާންވީ އެހެން ވެގެންޏެވެ. އަތުގައި އޮތް އާފަލު ކަމުން ގޮސް ދޮރު ހުޅުވާލި އިރު ދޮރު ކުރިމަތީގައި ހުރި ދިޔާން ފެނި ނިތައް ރޫތައް ގިނަވިއެވެ. “ކީއްކުރަން މިތަނަށް ތިއައީ؟ މަށަކަށް ނޭނގެޔޭ ދާއިޔަލް ވީތަނެއް” ކަޅި އަޅާލަމުން ރަޝާ ބުންޏެވެ. “އަހަރެން މިއައީ ދާއިޔަލްގެ ވާހަކަ ދައްކާކައް ނޫނޭ” ރަޝާގެ އުނަގަނޑުގައި ހިފާ ކައިރި ކޮށްލަމުން ދިޔާން ބުނެލިއެވެ.

(ނުނިމޭ)

ހަތާވީސްވަނަބައިގެ ތެރެއިން:

“ހަލޯ؟ ދިޔާން. ދާއިޔަލް ވީތަން އެނގިއްޖެ”

މިވާހަކައިގެ ދެންއޮތް އެޕިސޯޑުގެ ލިންކު ކޮމެންޓް ސެކްޝަންގެ ތިރީގައި ވާނެއެވެ.