ތިޔައީ ހަނދޭ-4

ބުރަ ދުވަހަކަށް ފަހު ބްޜޭކް ލިބުމުން ރަޝްނާން ބޭނުންވީ ސިކުނޑި ތާޒާ ކޮށްލުމަށް އެއްޗެއް ބޯލާށެވެ. މިއަދު ކައިފް ނާންނާތިވެ އޭނާ އިނީ ފޫހި ވެފައެވެ. އެކީގައި ތާކަށް ގޮސްލާކަށް ކައިފް ނެތިއްޔާ ނެތެވެ. ފޯނު ބަލަމުން ރަޝްނާން ގޮސް ވަނީ އޮފިސް ކައިރީ ހުރި ކޮފީ ވިއްކާ ތަނަކަށެވެ. ބިއްލޫރި ކުދަދޮރު ކައިރީ ހުރި ގޮނޑީގައި ރަޝްނާން އިށީންތާ މާގިނަ އިރެއް ނުވެ އޭނާ ކައިރިއަށް ކުއްޖަކު އައެވެ.

“ކޯއްޗެއް ތޯ ބޭނުމީ..؟” ދަންނަ އަޑެކެވެ. ރަޝްނާން އިސްއުފުލައި ބަލައިލިއެވެ.

*ޕާރޓް-4*

ހަަމަ އެމޫނުކޮޅެވެ. ވަރަށް ވެސް މައުސޫމް އެވެ. މިކުއްޖާ މަސައްކަތް ކުރަނީ މިތާގަ ހެއްޔެވެ؟ އަނެއްކަ ފަހަރާ ދިމާވީއެވެ.

“އެކްސްޕްރެސޯއެއް..” ރަޝްނާން އެކުއްޖާގެ މޫނަށް ބަލަން ހުރެ ބުނެލިއެވެ. ރަޝްނާން ބަލާތީވެ ޒަހްރާ އިސްޖަހާލިއެވެވެ. އޭނާ ލަދުގަތީއެވެ.

“އެއްމެ ރަގަނޅު..” ޒަހްރާ އެހެން ބުނެ ހިގައިގަތެވެ.

ރަޝްނާން އިނީ ޒަހްރާ އަނެއްކާ އަންނާނެ އިންތިޒާރެއް ގައެވެ. އޭނާ އެކުއްޖާ އާއި ބެހޭ މައުލޫމާތު ހޯދަން ބޭނުމެވެ. އެކަމަކު ނުދަންނަ މީހަކު އެގޮތަށް މައުލޫމާތު އެހުމުން އެކުއްޖާ ހިތައް އަރާނީ ކީއްހެއްޔެވެ؟ ކޮންމެ ގޮތެއްވިއަސް އޭނާގެ ހުވަފެނުން ފެންނަން އަންހެންކުއްޖާ އާއި މި އަންހެން ކުއްޖާ އާއި ގުޅުމެއް ވެއެވެ.

ޒަހްރާގެ ފުރަތަމަ ދުވަސް ކަމުން އޭނާ އިނީ ކުޑަކޮށް ބިރުންނެވެ. ކަމެއް ގޯސްކޮށް ކުރެވިދާނެތީވެ އޭނާ އިނީ ހާސްވެފައެެވެ. ކޮފީ ހިފައިގެން ދަމުން ޒަހްރާ ފުން ނޭވާ އެއް ދޫކޮށްލިއެވެ. މަޑުހިގުމެއްގައި ފަރުވާތެރިކަމާއި އެކު ހިގައިފައި ދަނިކޮށް ހަމަ ރަޝްނާން އާއި އަރާ ހަމަ ވުމާއި އެކު ޒަހްރާ އަތުން ކޮފީތަށި ވެއްޓުނެވެ. އޭތި އެޅުނީ ރަޝްނާންގެ ގަމީހަށެވެ. ރަޝްނާން އަށް ތެދުވެވުނެވެ. ދިލަނަގަމުން ދިޔައީ އަމަަށަކު ވަރަަކަށް ނޫނެވެ. ޒަހްރާ އަށް ވާނި ކިހިނެއްހެއްޔެވެ؟ ޒަހްރާ އަތް ތުރުތުރު އަޅައިގަތެވެ. އޭނާ އިނީ ހުއްޓުން އަރާފަ އެވެ. މިވީ ކިހިނެއް ހެއްޔެވެ؟ އޭނާ އިންތިހާ އަށް ބިރުގަތެވެ. އަނެއްކާ އޭނާ މި ވަޒީފާ އިން ބޭރުކޮށްލާނީ ހެއްޔެވެ؟ ޒަހްރާ އަވަސް އަވަހަށް ގަމީހުގައި އިން ރުމާލެއް ކަހަލަ އެއްޗަކުން ރަޝްނާންގެ ގަމީސް ފުހެދޭން ފެށިއެވެ.

ރަޝްނާން އަށް ބަލަހައްޓައިގެން ހުރެވުނީއެވެ. އަޅަމުން ދިޔަ ވޭން މަތިންވެސް ިއރުކޮޅަކުން އޭނާ ހަދާން ނެތުނެވެ. ޒަހްރާގެ މޫނު އިނީ ރަޝްނާންގެ މޫނާއި ވަރަށް ކައިރީގައެވެ. ޒަހްރާގެ މޫނުމަތިން ކިތައްމެހާވެސް ހާސްކަން ފެންނަން ހުއްޓެވެ. އޭނާގެ ހަރަކާތްތަށް އަވަހެވެ. ޒަހްރާ ހުއްޓުން އެރީ ރަޝްނާން އޭނާގެ އަތުގައި ހިފޭއްޓުމުންނެވެ. ޒަހްރާ ރަޝްނާން އަށް ބަލައިލީ ހައިރާންވެ ހުރެއެވެ.

“އިޓްސް އޯކޭ..” ރަޝްނާން މަޑުމަޑުން ބުނެލިއެވެ.

“އޯކޭ އޭ..؟!! ހޫނު ކޮފީ އެއެޅުނީ..!!” ޒަހްރާ އަށް ހަޅޭ ލަވައިގަނެވުނީއެވެ.

ރަޝްނާން ހަމަ ބަލަހައްޓައިގެން ހުރީއެވެ. ޒަހްރާ ރަޝްނާންގެ އަތުގައި ހިފައިގެން ނުކުތީ ބޭރަށެވެ. ރަޝްނާން އިނީ ވާނުވާގައެވެ. އަނެއްކާ ވެސް ޒަހްރާ ވަދެއްޖެއެވެ. ހަމަ އަނެއްކާ ވެސް ޒަހްރާ އައިސް ރަޝްނާންގެ އަތުގައި ހިފައިގެން ހިގައިގަތީ އެވެ.

“މިދަނީ..؟” ރަޝްނާން އަށް ނުހުރެވިގެން އަހާލިއެވެ.

“މިދަނީ އަހަހަރެންގެ ގެޔަށް.. މިތާ ކަންމަތީގަ އިންނާނީ..” ޒަހްރާ ޖަވާބު ދިނެވެ.

އެގެޔަށް ގޮއްސަ ޒަހްރާ ހުޝާމްގެ ގަމީހެއް ރަަޝްނާން އަށް ދިނެވެ. އަދި ފެންވަރައިގެން ގައި ހިއްކާނެ ތުވާއްޔަކާއި އެލޯވެރާ ފަތެއް ވެސް ދިނެވެ. އެލޯވެރާ ފަތް މޭމަތީގައި ކުޑަކޮށް ހާކާލައިފައި ރަޝްނާން ވަނީ ފެންވަރާށެވެ. ފެން ވަރަން އިނީރު އޭނާ އަށް ވިސްނެމުން ދިޔައީ ޒަހްރާ އާއި މެދުއެވެ. ޒަހްރާ ހާދަ ރަގަނޅެވެ.

ރަޝްނާން އަނެއްކާ ވެސް އޮފިހަށް ދިޔައީ ފެންވަރައި ތާޒާ ވެލައިގެންނެވެ. އޭނާ އަށް އެއަންހެން ކުއްޖާގެ ނަން ވެސް އެނގިއްޖެއެެވެ.

“ޒަހްރާ..” ރަޝްނާން އެނަން ކިޔާލިއެވެ. އަދި ހިނިތުން ވެލިއެވެ.

ކްލާސްތައް ނިމުމުން ޔޫރާ ވެސް ނުކުތީ ގެޔަށް ދާށެވެ. އޭނާ އިނީ ނިދި އައިސް ފައެވެ. ރޭގައި ފިލާވަޅު ދަސް ކުރަން މާގިނައިރު އިދެވުނީއެވެ. މަޑު ހިނގުމެއްގައި ޔޫރާ ކޮލެޖް ގޭޓް އިން ނުކުތީރަށް އޭނާ އަށް ފޯނެއް އައެވެ. ބަލައިލިއިރު އަރުފާން އެވެ. ހީލާފައި ޔޫރާ ފޯނު ނގައި ކަންފަތުގައި ޖައްސާލިއެވެ.

“ހަލޯ..” ޔޫރާ ގޮވާލިއެވެ.

“ބަލާބަ ބޭބީގެ ކަނާތް ފަރާތް..” އަރުފާން އެހެން ބުނުމުން ޔޫރާ ފުޅާ ހިނިތުން ވުމަކާއި އެކީ އޭނާގެ ކަނާތް ފަރާތް ބަލައިލިއެވެ. އޭރު އަރުފާން އިނީ ހިނިތުން ވެލައިގެން ސައިކަލު މަތީގައެވެ. ގާތަށް އައުމަށް އަރުފާން އިޝާރާތް ކޮށްލިއެވެ.

“ތިއައީ އަހަރެން ބަލާތަ..؟” ޔޫރާ ގޮސް އަރުފާން ކައިރީ ހުއްޓިލަމުން އަހާލިއެވެ.

“ހޫމް.. ދެން އަވަހަށް އަރާ..” އަރުފާން ސައިކަލު ސްޓާޓް ކޮށްލަމުން ބުނެލިއެވެ. ދެމީހުން ވެސް ދުއްވާލަން ގޮށްސައި އަރުފާން އައިސް ޔޫރާމެން ގޭ ދޮރުމައްޗަށް ހުއްޓިލިއެވެ. ޔޫރާ ފައިބައިފައި ދަނީއޭ ބުނެލިއެވެ.

“އުހުން، އަދި ނުދެވޭނެ..” އަރުފާން ޔޫރާގެ އަތުގައި ހިފިއެވެ. ޔޫރާ ބުމަ އަރުވާލީ ކިހިނެއްވެހޭ އަހާ ގޮތަކަށެވެ. އަރުފާން ކުޑަކުއްޖެއް ފަދައިން އޭނާގެ ކޮލުގައި އިނގިލި ޖައްސާލިއެވެ. ޔޫރާ ހީލައިފައި އަރުފާންގެ ކޮލަށް ބޮސްދިނެވެ.

“ދެން އޯކޭތަ..؟” ޔޫރާ އަހާލިއެެވެ. އަރުފާން ބޯޖަހާލާފައި ޔޫރާ ވަންނަންދެން ބަލަން ހުރީއެވެ.

ޔޫރާ ވަދެގެން އައިރު ރަޝްނާން ފެނުނެެވެ. ރަޝްނާން ފެނުމާއި އެކު އޭނާ ހައިރާން ވިއެވެ. ރަޝްނާން ލައިގެން އެހުރީ ކޮން ގަމީހެއް ހެއްޔެވެ. ގައިމުވެސް އެއީ ރޭގައި އޭނާ ރަޝްނާން އަށް އިސްތިރިކޮށްދިން ގަމީހެއް ނޫނެވެ.

“ދޮންބެ ލައިގެން ތީނީ ކޮން ގަމީހެއް..؟” ޔޫރާގެ މި ސުވާލާއި އެކު ރާނިޔާގެ ވެސް ޝައުގުވެރިކަން ހުއްޓުނީ ރަޝްނާން އަށެެވެ.

*ނުނިމޭ*

މިވާހަކައިގެ ދެންއޮތް އެޕިސޯޑުގެ ލިންކު ކޮމެންޓް ސެކްޝަންގެ ތިރީގައި ވާނެއެވެ.