އަބަދުވޭ ހިތުގާ މަގޭ 2 (29) ފަހުބައި

ދުވެފައި ހޮސްޕިޓަލަށް ވައިން ޔީޝާގެ ފަހަތުން އުޔޫނާ ވެސް ވަނެވެ. ދެމީހުން ފެނުމާއި އެކު އެލްވީން އަށް ތެދުވެވުނެވެ. ހިތް އަވަސް ވެފައި ހުރި ޔީޝާގެ ހަށިގަނޑުގައި ބައްދާލީ ލޯބިންނެވެ. އެވަގުތު ވެގެން ދިޔައީ ޑަކްޓަރު ވެސް ނިކުން ވަގުތަށެވެ.
“ޑަކްޓަރ. އަޅުގަނޑުގެ ދަރިފުޅު ކިހިނެތްތޯ؟” ޔީޝާ އަވަސް އަވަހަށް އަހައިލިއެވެ. “މަޢާފް ކުރައްވާ… އަޅުގަނޑު މެނަށް ނިޝްވާގެ ފުރާނަ ސަލާމަތެއް ނުކުރެވުނު…”
(29 ވަނަ ބައި / ފަހުބައި)
“ނޫން، ނޫން، ނޫން. ދޮގު ތި ހަދަނީ. ނޫން، ނޫން. މަގޭ ނިޝް މަރެއް ނުވާނެ. ތިއީ ހުސް ދޮގު. ނިޝް އަހަރެން މި ދުނިޔެ އަށް އެކަނި ކޮއްލާފައެއް ނުދާނެ. ނިޝް އެއަށް ވުރެ އަހަރެންދެކެ މާ ލޯބިވާނެ. ތި ހަދަނީ ހުސް ދޮގު. އަހަރެންގެ ދަރިފުޅު އަހަރެން ދޫކޮށްފައެއް ނުދާނެ. ނުދާނޭނުން މިބުނީ؟ ހަމަ މިހާރު އަހަރެންގެ ދަރިފުޅު އަހަރެންނާއި ހަވާލު ކުރޭ…” ރޮމުން ރޮމުން ޔީޝާ ޑަކްޓަރުގެ މޭގައި ތަޅައިގަތެވެ.
“ޔިޝީ… ހުއްޓާލާ. ހުއްޓާލާ. އިންޝާ ﷲ މިހާރު ނިޝް އެހުރީ މިދުނިޔެއަށް ވުރެ މާ ރަނގަޅުތާކު. ދެރަނުވޭ. ހިތްވަރު އެލުވާ ނުލާ. ކެއްކުރޭ…” ކަރުނަތައް ހިންދަން މަސައްކަތް ކުރަމުން އުޔޫނާ ބުނެލިއެވެ. ގަބ…