އެދިގެން ކަލާ ލިބޭތޯ 31

(31 ވަނަ ބައި)
އައިޝަމްއަށް ވަގުތުން ގޮނޑީން ތެދުވެވުނުއިރު އެ ދޮންމޫނުމަތި ހުދުވެފައިވިއެވެ. ހަށިގަނޑުގެ ބާރު ނެތިގެން ހިނގައި ދާނެހެން ހީވުުމާއިއެކުހެން އޭނައަށް މޭޒުގައި ހިފަހައްޓާ ބާރުކޮށްލެވުނެވެ. އޭނައަށް ހިނދުކޮޅަކަށްވެސް ހީވީ މިޝްޔާގެ އެންމެ ފަހު ވަގުތުކޮޅު އޭނަގެ ހަމަލޮލަށް ފެނުނުހެންނެވެ. ރެއިލިންމަތީން ދެފައިތިލަ ނެއްޓިގެން މިޝްޔާގެ ލުއި ހަށި ގަނޑު ފަސްވަނަ ފަންގިފިލާގެ މަތީން ވެއްޓެމުންއައި މަންޒަރު ހަނދާންވުމާއިއެކު އޭނަގެ ނިއްކުރިމަތީގައި ދާތިކިތައް ވިދަމުން އައެވެ.
“އައިޝަމް…” އައިޝަމްގެ ހަށިގަނޑު އަރިއަޅާލައިގެންދިޔައިރު ޒައިތޫންއަށް ހަޅޭލަވައިގަނެވުނެވެ. އޭނައަށް އައިޝަމްއާއި ހަމަޔަށް ދެވުމުގެ ކުރީން ރަޒްދާން އައިޝަމްގެ ހަށިގަނޑުގައި ހިފަހެއްޓިގޮތަށް ގޮނޑީގައި ބޭންދިއެވެ. އޭރު ޒައިތޫންއަށް ވެސް މޫނު ހަދާލައިގެން ހުރެވުނުއިރު ޝަޔާދީންއާއި ނާދީންއަށް ތިބެވުނީ ހިމޭންވެފައެވެ. ހުރިހާ މެހެމާނުންހެން އެ އަންހެންކުއްޖާގެ ކެރުންތެރިކަމަށް ސާބަސްދެމުންދިޔަޔަސް މެހެލްގެ މެންބަރުންނަށް އެ މަންޒަރުތައް ފެނުނީ ބިރެއްފަދައިން ނެވެ. ހަޔާތުގެ އެންމެ ހިތްދަތި އަދި އެންމެ ބިރުވެރި ދުވަ…