އެދިގެން ކަލާ ލިބޭތޯ 23

(23 ވަނަ ބައި)
“ޝިފާންއަށް ދުވަހަކުވެސް އަހަންނާއިމެދު އެކުވެރިއެއްގެ ނަޒަރަކުން ނުދެކެވޭނެ… އަހަންނަކީ ޝިފާންގެ ފުރަތަމަ ލޯބި… އެކަން ބަދަލުކުރެވޭނެތަ؟ އަހަރެން ބޭނުމެއްނޫން އަންޖުއަށް ދެރައެއް ލިބޭކަށް… ވެދާނެ އަހަރެންގެ ހަޔާތަށް މިއެޅުނީ ޝެރީންގެ ބަދުދުއާތަކުގެ ހިޔަނިކަމަށްވެސް… އިތުރު މީހެއްގެ ހިތުގެ ކިލަނބުކަމާއި ކުރިމަތިލާނޭހާ ހިތްވަރެއް އަހަރެންގެ ގަޔަކު ނެތް ޝިފާން…” ޝިފާންއަށް ފަސްދިންގޮތަށް ދެލޯމަރާލައިގެން ހުރެ ޔަންހާ ވާހަކަދަައްކަމުންދިޔައިރު އެ ކޯތާފަތް މަތީގައި ކަރުނައިގެ ސައިލެއް ދެމެމުންދިޔައެވެ. ޝިފާންއަކީ ވަފާތެރި ފިރިއަކަށްވާނެކަމާއިމެދު އޭނަ ޝައްކެއް ނުކުރެއެވެ. އެކަމަކު އިޙުސާސްތަކަކީ ބައެއްފަހަރު އިންސާނާއަށް މަގު އޮޅުވާލާ އެއްޗެކެވެ. އަހަރުތަކެއްގެ ކުރީގެ އެ ލޯބި ޝިފާންގެ ހިތުގައި ފޮރުވިފައިވާއިރު އިތުރަށް އެ ލޯބި ފުންވުމަށް ފުރުސަތުދޭކަށް އޭނަ ބޭނުމެއްނޫނެވެ.
ހިމޭންކަމުގައި ވޭތުވެގެންދިޔަ ވަގުތުކޮޅަކަށްފަހު މަޑުމަޑުން ޝިފާންގެ ބަރު ފިޔަވަޅުތައް ދުރުވަމުންގޮސް ދޮރޯށި ލެއްޕި ގެންދިޔަ އަޑާއިއެކު ޔަންހާއަށް ފަސްއެނބުރި ބަލާލެވުނެއެވެ. އޭރު އެދެލޮލުގެ ތެރޭގައި ކަރުނ…