އެދިގެން ކަލާ ލިބޭތޯ 19

(19 ވަނަ ބައި)
“ނޫން…” ލޭކުލަ ފާޅުވާން ހުރި އަތުގެ އިނގިލިތަކާއި ދިމާލަށް ބަލާލެވުމާއިއެކު ޔަންހާގެ ދުނިޔެވެސް އެނބުރިގެން ދިޔަ ކަހަަލައެވެ. ބިރުވެރި ވަސްވާސްތަކުން އެހިތްފުރިގެންދިޔުމާއިއެކު އެ ދެލޮލަށް ކަރުނަ ގިނަވެލައިގެންދިޔައެވެ. ގިނަދުވަސް ތަކެއްވާންދެން ނަރުސްކަން ކިޔަވަން އުޅުމުން އެތެރެހަށީން އެގޮތަށް ލޭއައުމަކީ ކިހާ ނުރައްކާތެރިކަމެއްކަން އޭނައަށް ރަނގަޅަށް އިނގެއެވެ. އެފަދަ އަލާމާތެއް ފާޅުވާ ބަލިތަކާއިމެދު ވިސްނުމާއިއެކުހެން ޔަންހާގެ ހަށިގަނޑު ރޫރޫއަޅައިގެން ދިޔައެވެ.
“މަންމާ…” ޔުމްނުގެ ހާސްކަމުން ފުރިގެންވީ ބާރު އަޑާއިއެކު ދޮރުގައި ތަޅައިގެން އަޑު އެކުވެގެން އައުމާއިއެކު ޔަންހާ އަށް ހަމަހޭވެރިކަމަށް އާދެވުނު ކަހަލައެވެ. ފާހަނައިގެ ދޮރުގެ ހުޅުވިފައިހުރި ދޭ ތެރެއިން ކޮޓަރީގެ ދޮރާއި ދިމާލަށް އޭނަ އަށް ބަލާލެވުނީ ހިތްދަތިކަމުގެ ނަަޒަރަކުންނެވެ. ދެވަނަ ސިކުންތުގައި އޭނަ ހަށިފުރާ ނޭވާއެއްލީގޮތަށް ކަރުނަތަައް ހިންދާލި އެވެ. ލަސްލަހުން މޫނުދޮންނަ ތަށީގެ އިސްކޫރު ދޫކޮށްލިގޮތަށް އަތުގައި ހުރި ލޭތައް ދޮވެލިގޮތަށް އޭނަ މޫނުމަތިވެސް ދޮވެލިއެވެ. އެއަށްފަހު ތުވާލި ކޮޅަކުން އަތްފުހެމުން އ…