އަބަދުވޭ ހިތުގާ މަގޭ 2 (4)

ހިނދުކޮޅެއް ފަހުން ޔުއެލް ތިރިއެއް ފޭބިއެވެ. “ކިހިނެތް ވެފަތަ ބުރާންތި ވެފަ ތިހުރީ؟ ވަދޭ އެތެރެއަށް” ޔުއެލްގެ ވިހަ ބަސްތަށް އިވި ޒައިނީއަށް ހިންދިރުވާލެވުނެވެ. އަތުގެ އިނގިލި ތަކާއި ކުޅެމުން މަޑު މަޑުން ޔުއެލްއާއި އެކު އެތެރެއަށް ވަނެވެ.

(4 ވަނަ ބައި)

ޔުއެލް ނަގާފައި އިން ކޮޓަރިއަށް ވަދެވުމާއި އެކު ހައިވެފައިވާ ސިންގާއެއް ފަދައިން ޒައިނީގެ ހަށިގަނޑުގައި ތަތްވެގަތެވެ. ވަގުތުން ޒައިނީ އަށް ރޯން ފެށުނެވެ. “މިދެން ކިހާ ދެރަ ކަމެއް ތަ؟ ކާކަށް ދައްކަން، ނޫނީ ކާކަށް އިއްވަން ރޯ ރުއިމެއް ތަ ތިއީ؟ ކަލެއަށް ހީވޭ ތަ ތިރުއިން އަހާނެ މީހަކު ވާނެހެން؟” ޔުއެލް ވިހަ ބަސްތަކުގެ ހަމަލާއެއް ޒައިނީ އަށް ފޮނުވާލިއެވެ.

“ވަރަށް ތަދުވޭ…” ކުރަކި ވެފައިވީ އަޑުން ޒައިނީ ބުނެލިއެވެ. ޔުއެލް ފެށީ ހޭށެވެ. “ހަހަ ހަހަ. ބަލަ ކަލެއަށް ތަދު ކުރާށޭ މިހެން މި ހަދަނީ ވެސް. ކިތޭ ވަރަށް ތަދު ކުރިޔަސް ހެވެއްނުން؟ ކަލޭ ހުރީ ކާކު މަ ނޫނީ؟ އެހެންވެ ހަމަ މަ ބޭނުން ގޮތެއް ހަދާލާނީ” ޔުއެލް ވިހަ ހިނިތުންވުމަކާއި އެކު ބުނެލިއެވެ. ޒައިނީ ހިންދިރުވާލަމުން ދެލޯ މަރާ ބާރު ކޮއްލިއެވެ. ހީވީ ދެންވާން އުޅުނު ކަމަކަށް ތައްޔާރު ވެލީ ހެންނެވެ.

ނަމަވެސް އިތުރު ކަމެއް ނުކުރެވެނީސް ޔުއެލްގެ ފޯނު ރިންގުވާން ފެށިއެވެ. ޒައިނީއާއި ދިމާލަށް ކަޅި އަޅާލާފައި ޔުއެލް ފޯނު ނެގިއެވެ. ގުޅަމުން ދިޔައީ ނަވާންއެވެ. “އޭ ބްރޯ. މިއުޅެނީ ރާމެން ދޮލަނގެއް ހަދަން މިއަދު. ސޮސެޖާ އެކު. ބައިވެރި ވާނަން ތަ؟” ނަވާން އަހައިލިއެވެ.

“ކޮން އިރަކުން އޮތީ؟” ޔުއެލް އަހައިލިއެވެ. “މެންދުރު 1 ޖަހާއިރު ދާނީ. 10 ޖަހާ އިރު ފިހާރައަށް ދަނީ. ޒައިނީ ގޮވައިގެން އަންނައްޗޭ ނިޝްމެން ބުނީ” ނަވާން ބުނެލިއެވެ. “އާނ. ދާނަން. އެކަމަކު ފިހާރައަކަށް ނުދެވޭނެ. ރުފިޔާ ދޭނަން އެންމެނަށް ފަހުން އޯކޭނުން؟” ޔުއެލް ބުނެލިއެވެ. އަދި ފޯނު ބާއްވާފައި ޒައިނީއާއި ދިމާލަށް ހިނގައިގަތެވެ.

“ޓޮއް ޓޮއް” ފޮތް ކިޔަން އިން އަކްޔަލް ސިހުނީ ދޮރުގައި ޓަކިދޭ އަޑަށެވެ. “ވަދޭ” އަކްޔަލް ގޮވައިލިއެވެ. އެއާއި އެކު އެލީކާ ދުވެފައި ކަހަލަ ގޮތަކަށް ވަނެވެ. “އޭ. މިއުޅެނީ މިއަދު ރާމެން ދޮލަގަނޑެއް ހަދަން. ހިނގާބަ ދާން އެންމެން ވެސް ދޭ” އެލީކާ ބުނެލިއެވެ. “ނޫން. ކިޔަވަން އިންނާނީ” އަކްޔަލް ދެކޮޅު ހެދިއެވެ. “ދެންންންން ނޫން. އަޅެ ހުރިހާ ކުދިން ވެސް ދެޔޭ” އެލީކާ ތުންކޮޅު އޫކޮށްލިއެވެ.

“އެންމެން؟ ސޯ އޭނަ ވެސް…؟” އަކްޔަލް ހިތާހިތުން ބުނެލިއެވެ. “އެންމެ ރަނގަޅު ދާނަން” އަކްޔަލް އެއްބަސް ވިއެވެ.

10 ޖެހި އިރު ނަވާން، އެލީކާ، އުޔައިނާ، އަކްޔަލް، އަދި ރައިޒެކް ހުރީ “ސަންފްލާވާރް” ގޭ ކުރިމަތީގައެވެ. “މަންމާ. ނިޝް ދަނީމި އިނގޭ” ހުރިހާ ކުދިން ހަމަ ވުމުން ނިޝްވާ އެތެރެއަށް ވަދެ ބުނެލިއެވެ. “ކޮބާ ހިނގާ ދަމާ؟”

ފަސް އެކުވެރިން ފިހާރައަށް ދިޔަ އިރު ތަފާތު އެކި އެކި ވާޙަކަ ދެއްކެމުން ދިޔައެވެ. “ގާއިޒް. ނެތް ތަ ޓީއެއް؟” ވާހަކައިގެ ތެރެއިން އުޔައިނާ އަހައިލިއެވެ. “އަހަރުން ހުންނާނީ ކޮލެޖް ޓީއެއްނުން؟ ތިއީ ސްކޫލް ކުއްޖެއްނުން؟ އެހެންވެ ކޮއްކޮމެން އަދި ތަންކޮޅެއް ކުޑަ ހަހަހަ” އެލީކާ ހީލާފައި ބުނެލިއެވެ. “ދެން ހާދަ ހެއްވައޭ” އުޔައިނާ ތުންކޮޅު އޫކޮށްލިއެވެ.

“ކޮބާ ތަ ޒައިއާ ޔުއެލްއާ؟ އެމީހުން ނާންނަނީ ތަ؟” އެލީކާ އަހާލިއެވެ. “އެދެމީހުން އަންނާނަމޯ 1 ޖަހާ އިރު އަތިރިއަށް. ބުނީ ފިހާރައަކަށް ނާދެވޭނޭ” ނަވާން ބުނެލިއެވެ.

އަތިރިއަށް ދެވުމުން ހުރިހާ އެކުވެރިން ކެއްކުމަށް ތައްޔާރު ވެލިއެވެ. އިރުގެ ހޫނު ގަދަ އަވިން ވެލިގަނޑަށް ވެސް ވަނީ ހޫނުކަން ވެރިވެފައެވެ. އިރުގެ ރަން އަލީގެ ސަބަބުން މޫދުގެ ލޮނުގަނޑަށް ވަނީ ޖާދޫވީ ރީތި ކަމެއް އައިސްފައެވެ. ބަލާ ބަލާ ފޫހި ނުވާނޭ ފަދަ ރީތި ކަމެކެވެ. މާތް ﷲ ގެ ކުޅަދުންވަން ތަ ކަމުގެ ލާމަސީލު ނަމޫނާއެކެވެ.

“އަހަރެން ބޭނުމީ ކައްކަން. މިއެންމެން ތެރޭގަ ވެސް މަހާ ކުޅަދާނަ މީހަކު ނުހުންނާނެކަން މުޖައްރިބު” އުޔައިނާ ފޮނި ވެލާފައި ބުނެލިއެވެ. “ހުވާ ތަ؟ ސުބްހާނައްﷲ އެންމެނޭ ހިނގާ އަވަހަށް ގެއަށް ދާން. މިކައިގެން އަހަރުން ވާނީ މަރު” އެލީކާ ހާސްވެފައިވާ ރާގެއްގައި ބުނެލިއެވެ.

“ދެން އެލީ ގަނޑާ” އުޔައިނާ ތުންކޮޅު އޫކޮށްލިއެވެ. “ގައިމު މިދިޔަ ހަފްތާގަ އަހަރެން ކެއްކި ރާމެން އަކޫ އަށް ނުލާހިކު ކަމުދިޔަ” އުޔައިނާ ފޮނިވެލާފައި ބުނެލިއެވެ. ނަމަވެސް ބުނެވުނީ ކީކޭކަން އެނގުނީ ނިޝްވާގެ ނަޒަރު އޭނާއަށް ހުއްޓިފައި ހުރިތަން ފެނުމުންނެވެ. ދުރުބަލާލާފައި އުޔައިނާ ކަރުކެހިލިއެވެ.

“ދެން ތިހާ ކުޅަދާނަ ވިއްޔާމުން ކައްކަބަލަ އަޅެ. އެނގިދާނެތާ ވިހަވޭކަން ނޫނީ ނޫން ކަން. ވިހަ ވިޔަސް އެނގޭނެތާ ދޯ؟” ދަބަސް ތެރެއިން ނެގި ރާމެން ޕެކެޓްތަށް އުޔައިނާ އާއި ދިމާލަށް އެއްލަމުން ނަވާން ބުނެލިއެވެ. “ހޫން. އެންމެން ހައިރާން ވާހާ މީރުކޮށް ކައްކާނަން. ބަލައްޗޭ” އުޔައިނާ ދޫނެރެލާފައި ކެއްކުމަށް ތައްޔާރު ވާން ފެށިއެވެ.

ކެކެމުން ދިޔަ ފެންގަނޑަށް ގެއްލިފައި އިން ޒައިނީގެ ޙިޔާލުގައިވީ މިއަދުގެ ހަނދާން ތަކެވެ. އެއީ އަލަށް ވީ ކަމެއް ނޫނަސްވެސް ޔުއެލްގެ ކޮންމެ ވަތްކަކުން ޒައިނީގެ ހިތުގައި އައު ލަކުނެއް ކުރެހެޔެވެ. އެހެނަސް ޒައިނީ ކުރާނީ ކީއްހެއްޔެވެ؟

“ޒައީ” އުޔައިނާ ގޮވައިލި އަޑަށް ޒައިނީ ސިހުނެވެ. “ޔެސް؟” ޒައިނީ ހަމަ ޖެހިލިއެވެ. “ޕިންކް ރާމެން ކޮޅު އަޅާލަބަ” އުޔައިނާ ބުނެލިއެވެ. “ލައްބަ” ޒައިނީ ފިޔާތޮށި ކުލައިގެ ޕެކެޓުތަށް ނަގާ ފެންގަނޑު ތެރެއަށް އަޅަން ފެށިއެވެ. ރާމެންތަށް އެޅުމުގެ ތެރެއިން އޭގެން ފެންތިއްކެއް ދަރުތަށް ހަމަޖައްސަން ހުރި ޔުއެލްގެ އަތަށްބުރިއެވެ. “އައްދޯތް” ޔުއެލް ބާރަކަށް ބުނެލިއެވެ. އެއަޑަށް ސިހުނީ ޒައިނީ އެކަންޏެއް ނޫނެވެ. އެންމެން ވެސްމެއެވެ.

(ނުނިމޭ)

ފަސްވަނަބައިގެ ތެރެއިން:

“ކިހިނެތް ވީ ބިމަށް ތުންހަރައިގެން ތިހުރީ” ފަހަތުންއައި ނަވާން ނިޝްވާ ގާތުގައި އިށީނެވެ. “ކަމެއް ނުވޭ؟ ހިނގާ ދާން” ނިޝްވާ ހީނލާފައި ހިނގައިގަތެވެ. އެވާހަކަ ދައްކާކަށް ނިޝްވާ ބޭނުމެއް ނުވިއެވެ.

މިވާހަކައިގެ ދެންއޮތް އެޕިސޯޑުގެ ލިންކު ކޮމެންޓް ސެކްޝަންގެ ތިރީގައި ވާނެއެވެ.