އަބަދުވޭ ހިތުގާ މަގޭ 18

“ދަރިފުޅޫ… މަންމަ ވަރަށް ލޯބިވޭ” އުޔޫނާގެ ހަށިގަނޑުގައި ބައްދާލަމުން އުޔޫނާ ބުނެލިއެވެ. “ހެހެ ޔޫންވެސް މަންމަ ދެކެ ވަރަށް ލޯބިވޭ” އުޔޫނާގެ އަޑު ކުރެހުނެވެ. “އޭ އަދި ނުވޭ އިނގޭ ރޯކަށް. ދެކުދިންވެސް ހުއްޓާލާ އަވަހަށް” ދެމައިންނަށް ރޮވެން އުޅުމުން ސަމާސާ ރާގެއްގައި ޔީޝާ ބުނެލިއެވެ. އެއާއި އެކު ދެމީހުނަށްވެސް ހެވުނެވެ.
ބޭރަށް ނިކުމެވުނު އިރު އަޝްރަފް ދެމައިންގެ އިންތިޒާރުގައި ހުއްޓެވެ. “މާޝާ ﷲ ދަރިފުޅު މިރޭ ވަރަށް ރީތި” އުޔޫނާގެ އަތުގައި ހިފާލަމުން އަޝްރަފް ބުނެލިއެވެ. ކާރަށް 4 މީހުން ކާރަށް އެރުމުން ކާރު ދުއްވާލިއެވެ. ކައިވެނީގެ ހަފްލާއަށް ޓަކައި އިންތިޒާރު ކުރަމުން އުޔޫނާ ހަމަ ޖެހިލިއެވެ. ރައިޒެލް ދެކުމަށް ބޭނުން ވިއެވެ. ރައިޒެލް ދެކިލުމަށް އެހިތް ބޭގަރާރުވާން ފެށިއެވެ. ސިކުންތުތަކަށް ދާންދެން އުޔޫނާ ވަގުތުތަށް ގުނަން ފެށީ އެވަގުތަށް އިންތިޒާރު ކުރެވޭ ވަރުންނެވެ.
(18 ވަނަ ބައި)
ސުކޫލާއި ހަމައަށް ދެވުމުން ކާރުން އެންމެން ފޭބިއެވެ. އުމުނާއާއި އަޝްރަފްގެ އަތުގައި ހިފައިގެން އުޔޫނާ އެތެއަށް ވަނެވެ. ފަހަތުން އުޔޫނާގެ ހެދުމުގެ ފަސްބައި އުފުލާލައިގެން ޔީޝާ ވަނެވެ.
ލަސް ހިނގުމުގައި އައި އުޔޫނާ ފ…