އަބަދުވޭ ހިތުގާ މަގޭ 17

“އަޅެ މީތި ކަމުނުދާތީ އޭ އެރޮނީ…” ޝިވާ ރޮވިފައިވާ ހާލުގައި ބުނެލިއެވެ. ލޯބިވާ ދަރިފުޅު އެވަރަށް ރޯ އިރުވެސް އެއްވެސް ކަމެއް ނުކުރެވޭތީވެ ޝިވާގެ މައިލަގޮނޑިއަށް ކެތް ވާވާރެއް ނޫނެވެ. “މަގޭ ކައިރީގަ މި ދަރިފުޅު ބޭނުމޭ އޭއްޗެކޭ މީއްޗެކޭ ކިއީ އިރު ހީވޭ ލައްކައެކޭ. ވިހޭމަ ތިއުޅެނީ ކިރު ފޮދެއްވެސް ނުދެވިގެން. ތިއީ ކީއް ކުރާނެ މީހެއް ތަ އަޅެ؟” ނިޔާލް ބާރަކަށް ބުނެލިއެވެ. އަދި ބާލިސް ހިފައިގެން ކޮޓަރިން ނިކުތެވެ.
ޝިވާ ބުއްފުޅި ބައިންދާފައި އަލުން ގާތުން ދެވޭތޯ މަސައްކަތް ކޮއްލިއެވެ. ނަސީބަކުން އެފަހަރު ޝިވާނަށް ބޯންދޭނެ އެތިކޮޅެއް ލިބުނެވެ. ޝިވާއަށް ހަމަ ޖެހުމުގެ ނޭވާއެއް ދޫކޮށްލެވުނެވެ. އެހެނަސް ރޮއެ ރޮއެ ވަރުބަލި ވެފައި އޮތުމުން ޝިވާން ކުކުރަމުން ދިޔައެވެ. ޝިވާން ކުކުރާލާ ކޮންމެ ފަހަރަކު ޝިވާގެ ހިތުގައިވެސް ކޫރެއް އެޅެމުން ދިޔައެވެ.
(17 ވަނަ ބައި)
ރޮއެ ރޮއެ ވަރުބަލި ވުމުން ނިކާލް ޔީޝާއާއި ދުރުވެލިއެވެ. ދެލޯ ފުހެލަމުން ދުރު ބަލާލިއެވެ. އޭރު ނިކާލަށް ގިސްލެވެޔެވެ.
“ނިކްއަށް މަންމަ ބަނޑުބޮޑު އިރު ނިކްގެ ބައްޕަ ނިޔާވީ…” ނިކާލް ވާހަކަ ފެށީ އެންމެ ދުރުންނެވެ. “ހަމަ އެދުވަހު ނިކް ވިހެއީ ވެސް. އެކަމ…