ޒެވިއަންގެ ކަށުނަމާދަށް ފަހު ނުހާ އެނބުރި ގެއަށް ވަނީ މަރު މައްޔިތެއް ފަދައިންނެވެ. ލަސް ހިނގުމުގައި ގޮސް ނުހާ ކޮޓަރިއަށް ވަނެވެ. ހަށިގަނޑުގައި އެއްވެސް ވަރެއް ނެތުމުން ނުހާ ބޭނުންވީ އެއްވެސް ކަމެއް ނުކޮށް އޮށޯވެލައިގެން އޮންނާށެވެ. ޒެވިއަންގެ ފޮނި ހަނދާންތަކުން ނުހާގެ ހިތް ދިޔައީ ފިސްފިސް ވަމުންނެވެ. ނުހާ ޒެވިއަން އާއި ނުލާ ދެން ކުރިއަށް ދާނީ ކިހިނެތް ހެއްޔެވެ؟
ވާގި ދޫކޮއްލާފައި އެނދުމައްޗަށް ނުހާގެ ހަށިގަނޑު ދޫކޮއްލިއެވެ. ކައިރީ އޮތް ބާލީހުގައި ބައްދާލި އިރު ނުހާގެ ދެލޮލުން ފޭބި ކަރުނަތިކި އެއްވެސް ރަހުމެއް ނެތި ނުހާގެ ކޯތާފަތުގައި ފިރުމާލާފައި ވެއްޓިއްޖެއެވެ.
“ޒެވް.. ކީއްވެ ނޫ ދޫކޮށްލާފަ ތިދިޔައީ؟” ނުހާ ރޮމުން ވާހަކަ ދެއްކިއެވެ. “ކޮބާ ދުވަހަކު ނޫ ދޫކޮށް ނުލަން ވީވަޢުދު؟ ކީއްވެ ނޫ ދޫކޮށްލީ؟ ޒެވް ޕްލީޒް.. ކަމް ބެކް…” ނުހާ ރޮމުން ވާޙަކަ ދެއްކިއެވެ.
އެވަގުތު ނުހާގެ ހުއްދަ ނެތި އޭނަގެ ގުނަވަންތައް ހަރަކާތްތެރިވިއެވެ. އަނގަމަތީގައި އަތް އަޅައިގެން ހުރެ ފާޚާނާއަށް ނުހާ ވަނެވެ. ނުހާގެއެ މޭނުބައިކުރުން އެޙަބަރު ލިބުނީންސުރެ ނުހާގެ ހަށިގަނޑުގައިވިއެވެ. އުނދަގޫ ވަމުން ދިޔަ ނަމަވެސް ނުހާ ހީކުރީ އެއީ ހިތާމައެއް ކަމަށެވެ. ނަމަވެސް ރަނގަޅަށް ވިސްނާލުމުން 3 ދުވަސްކުރިން އެއިހުސާސް ކުރެވެން ފެށިކަން ނުހާ ހަނދާންވިއެވެ. ބަނޑުގައި އަތް ޖައްސާލެވުނު އިރު ކަން އެހެން ނުވޭތޯ ހިތާހިތުން ދުޢާ ކޮއްލެވުނެވެ.
ދުވެފައި ނުހާ ދިޔައީ ފާމަސީއަށެވެ. ޓެސްޓު ކިޓެއް ގަނެގެން އަހިސް އަނެއްކާވެސް ފާޙާނާއަށް ވަނެވެ. ނިޔަފަތިތައް ހެފެމުން ދިޔައިރު ނުހާގެ ދެލޯ ވަނީ ކަރުނުން ފުރިފައެވެ. ކުޑަ ހިނދުކޮޅެއް ތެރޭގައި ޓެސްޓުގެ ނަތީޖާ ލިބުނެވެ. އާއެކެވެ. ނުހާގެ ބިރުވެރި ހުވަފެން ހަގީގަތަކަށް ވެއްޖެއެވެ. ބަނޑުބޮޑުކަމަށް ދެއްކި އެޓެސްޓު ފެނިފައި ނުހާގެ ހިތްތެޅިގަތީ އެޔެއް މިޔެއް ބަލާފައެއް ނޫނެވެ. ދެން ނުހާ އެކުއްޖާ ބަލާނީ ކިހިނަކުން ހެއްޔެވެ؟
ނުހާ ބަލިވެއިން ވާޙަކަ އެއްވެސް މީހެއް ގާތަކު ނުހާ ނުބުނެއެވެ. ނަމަވެސް ނުހާ ދިޔައީ ސިއްރު ސިއްރުން ދަރިފުޅުގެ ހާލަތުވެސް ބަލަމުންނެވެ. އެގޮތުގައި ދުވަސްތައް ފާއިތުވަމުން ގޮސް ނުހާގެ ބަނޑަށް ދުވަސް ފުރުނެވެ. އެހެންވިޔަސް ނުހާ ހިކިކަމުން ބަނޑުބޮޑު ހެން ހީވެސް ނުވެއެވެ. ނަމަވެސް އެކަން އުމުރު ދުވަހު ސިއްރެއްގެ ގޮތުގައި ނޯންނާނެ ކަންވެސް ނުހާއަށް އެނގެއެވެ.
އިރު އޮއްސިއްޖެއެވެ. ހަވީރުންސުރެ ނުހާގެ ބަނޑުގައި ނުފިލާ ރިހުމެއް ވިއެވެ. ވަގުތު ޖެހެނީކަން ނުހާގެ ހަވަނަ ހިއްސު ބުނަމުން ދިޔައެވެ. އެހެން ނަމަވެސް ނުހާ ދިޔައީ ކެތް ކުރަމުންނެވެ. 5 ޖަހަން އުޅެނިކޮއް ނިދިފައި އޮވެފައި ނުހާއަށް ހޭލެވުނެވެ. ދެފައި ދޭތެރެއިން ކުރެވުނު ހޫނު އިހުސާސްއިން ވަގުތު އަހިސް ޖެހިއްޖެކަން ނުހާއަށް އެނގުނެވެ. ނުހާ ދެން ނިކުތީ ގެއިން ބޭރަށެވެ.
އިރު އޮއްސުނީން ސުރެ ވެހެމުން ދިޔަ ބޯވާރޭގެ ސަބަބުން ހުރިހާ އެންމެންވީ އެމީހުންގެ ގޭތަކަށް ވަދެއެވެ. ވިދާލާ ވިދުމުން މުޅި ޖައްވު ދިއްލާލާއިރު ޖަހަމުން ދާބާރު ގުގުރިން ހީބިހި އަރައިގެން ދެއެވެ. ޖެހެމުންދިޔަ ބާރު ވަޔާ އެއްވަރަށް ގަސްތަށް ނަށަމުން ދިޔައިރު ހީވަނީ ދެންމެ ދެންމެ ބިމުން ނެއްޓިގެން ހިނގައިދާނެ ހެންނެވެ.
އެވަގުތު ގެއިން ނިކުމެގެން ހިނގައިގަން ނުހާ ފެންނަމުން ދިޔައީ ހިޔަންޏެއް ފަދައިންނެވެ. ޖަހާލާ ބާރު ގުގުރިއާއި އެކު ސިއްސަ ސިއްސައިގެން ދިޔަ ނަމަވެސް ނުހާގެ ހިނގުމެއް ނުހުއްޓެއެވެ. ބަރުފިޔަވަޅު ތަކެއްގައި ނުހާ ގޮސް ވަނީ ރަށުގެ މީހުން ނޫޅޭ ހިސާބެއްގައި ހުރި ޖަންގައްޔެއްގެ ތެރެޔަށެވެ.
ވެފައި ހުރި ވަރުބަލިންނާއި އެކު ނުހާ ގާތުގައި ހުރި ބޮޑު ނިކަގަސް ބުޑުގައި އިށީނެވެ. ބިންމަތީގައި ހުރި ވެލިގަނޑުގައި އިނގިލިތައް ބާރުކުރަމުން ނުހާ ދިޔައީ ރޮމުންނެވެ. ވެހެމުން ދިޔަ ހިމަފޮދުވާރޭގެ ސަބަބުން ތެމިފައިވުމުން ހީކަރުވަމުން ދިޔަވަރުން ތެދަތްޕިލަ ނުޖެހޭއިރު ދެލޮލުން ހޯސްލާފައި ކަރުނަ އަންނަމުން ދިޔައެވެ.
ތިރީ ތުންފަތުގައި ދަތް އަޅާފައި ނުހާ ދެލޯ މަރާބާރުކޮއްލިއެވެ. ނުހާގެ ހަޅޭކުގެ އަޑާއި އެކު ޖަހާލި ބާރު ގުގުރިއަށް ފަހު ދެން އިވިގެން ދިޔައީ ތުއްތު ފުރާނައެއްގެ ރުއިމުގެ އަޑެވެ.
ފުން ނޭވާއެއް ދޫކޮށްލާފައި ނުހާ އެކުޑަކުޑަ ފުރާނަ އުރާލިއެވެ. ވެހެމުން ދިޔަ ހިމަފޮދު ވާރެއިން އެކުއްޖާގެ ހަށިގަނޑުގައި ހުރި ލޭތައްފިލާ އެކުއްޖާގެ މައުސޫމް މޫނު ކަޝްފުވެލިއެވެ. “ދަ..ދަރިފުޅޫ..” ނުހާ މަޑުމަޑުން ގޮވާލިއެވެ. ދެލޯ މަރާލައިގެން އޮތް އިރު އެކުއްޖާ ދޫނެރެލަނެރެލަ އޮތެވެ.
އަތުގެ މުއް ބާރުކޮއްގެން އޮތް އިރު އެކުއްޖާގެ ހަށިގަނޑަށް ވަމުން ދިޔަ ފިނިން އެކުއްޖާ ހީކަރުވަމުން ދިޔައެވެ. ނުހާ ބޮލުގައި އޮތް ބޮޑު ބުރުގާ ނަގާ އެކުއްޖާގެ ހަށިގަނޑު ނިވާކޮއްލިއެވެ. ނަމަވެސް ހީކަރުވަމުން ދާތީވެ އެކުއްޖާ ރޯންފެށިއެވެ. މިއޮށް ހާދުވަހު ރަނގަޅަށް ނުކެއީތީވެ، ނުހާއަށް އެކުއްޖާއަށް ދޭނެ ކިރުފޮދެއްވެސް ނުލިބުނެވެ. އެމައުސޫމް ފުރާނަ ރޯއަޑު އަހަން ކެތް ނުވެގެން ނުހާ ނިންމީ އެހީއަށް ގޮވާށެވެ. އެހެން ކަމުން ނުހާ ގެނައި ދަބަހުގައި އޮތް ފޯނު ނަގާ އާކިންއަށް ގުޅާލިއެވެ.
ނިދިފައި އޮތް އާކިންއަށް ހޭލެވުނީ ފޯނު ރިންގުވާއަޑަށެވެ. ނިދިފައި އޮތް މާޝާ ރީތިކޮއް ބާއްވާލާފައި އާކިން ފޯނު ނެގިއެވެ. އެހާ ދަންގަޑިއަކު ނުހާ ގުޅުމުން ކޮންމެވެސް ވަރަކަށް އާކިން ހައިރާންވިއެވެ. “ނޫ؟” އާކިން ގޮވާލިއެވެ. “ބައްޕާ…” ނުހާ މަޑުމަޑުން ގޮވާލިއެވެ.
“ދަރިފުޅު ކޮންތާކު މިއޮށް ދަންގަޑީގަ؟ ކޮން ކުއްޖަކު ރޯއަޑެއް އެއިވެނީ؟” އާކިން ހައިރާންވެފައި އެއްސެވެ. “އާދެބަ.. ނޫގާތަށް..” ނުހާ ހުރިތަން ބުނެލާފައި ނުހާ ބުންޏެވެ. އާކިން އަވަސް އަވަހަށް ގެއިން ނިކުމެގެން ދިޔައީ ކަޔާންވެސް ގޮވައިގެންނެވެ.
(ނުނިމޭ)
ސަލާމް…
20 ވަނަ ދުވަހަށްވީ ހުކުރު ދުވަހުން ފެށިގެން މިދިޔަ ހަފްތާ ހޯމަ ދުވަހާއި ހަމައަށް އަޅުގަނޑު ހޮސްޕިޓަލުގައި އެނދުމަތިވެފައި ވުމުގެ ސަބަބުން، ނެހެދި ދޫކޮއްލެވިފައިވީ ކޮލެޖް ފިލާވަޅުތަކުގެ ސަބަބުން މިބައި ނެރެދިނުން ލަސްވީ… އޭގެ އިތުރުން އަދިވެސް އަޅުގަނޑުގެ ސިއްހަތު މުޅިން ރަނގަޅު ނުވާތީ ބައެއް ދުވަސް ދުވަހު ކޮމެންޓު ތަކަށް ޖަވާބު ދާރީ ނުވެވިދާނެ ވާހަކަވެސް ބުނެލަން. އެހެން ނަމަވެސް ކޮންމެ ދުވަހަކު މިވާހަކައިގެ ބައެއް ކިޔާލަން ލިބޭނެ ވާހަކަ އުފަލާއި އެކު ބުނެލަން. މިވާހަކައިގެ ފުރަތަމަ 5 ބައި ހިލޭ ކިޔާލަން ލިބޭނެ ވާހަކަވެސް ބުނެލަން…!
މިވާހަކަ ކިޔުންތެރިންނަށް ކަމުދާނެ ކަމަށް އުންމީދު ކުރަން…
މިވާހަކައިގެ ދެންއޮތް އެޕިސޯޑުގެ ލިންކު ކޮމެންޓް ސެކްޝަންގެ ތިރީގައި ވާނެއެވެ.
Other Articles
މަޢާފް އެދެމުން 25
11 – މަލަކާ
6 Comments!
Comments are closed.
Hama mi vaahaka up veythww balabala mihury.. wowww damnnn haadha reehchey mi part.. sifa kohdheefa huri gothun heev hama lolah fennahen.. allahumma barak I love this story and this part.. next part ge inthizaaruga.. love you soo much darllll 💜🦋
hehe jazaakallah khairan dearr❤️
so happy u loved itt.. stay tuned for tmrww
lyyyysssmmmm ❤️❤️❤️
Masha allah mi part vs vrh reethi
e baby eii kaakuge tha?? Soo cuuriiouuss
btw cover vrhh cuutee
Lyy❤️
Jazaakallah khairan❤️❤️
Hehe next episode ga ingeyne hehe
Lyttt
Maasha Allah mi prt vx vrh reethi
Nuuuu😭😭😭
Yash’al ge kuhjey dhww
What is gonna hapen nxt????
Super curious
Can’t wait for the next prt
Whn nxt???
Tc.. Lysm Shiher 💜💜💜
Itz okah shiherr i understand 💜
Jazaakallah khairan dear
Hehe eii kaaku kujjeh kan nuu bunaane next episode ga.. stay tuned hehe
In sha allah next tmrw
Jazaakallah khairan for understanding..
Ilyt, tc 2❤️