Skip to content
އެސްފިޔަ

ކަތި ފިޔަވަޅު 7

އަހަރެމެން ހުއްޓާލީ ބްރޭކް ގަޑި ނިމެން ގާތް ވުމުންެނެވެ. އަތް މަތި އަވަސް ކޮށްލައިފައި އަހަރެން އަންނައުނު ލައިފައި ހަމަޖެހިލީމެވެ. އެއަށްފަހު ޖިން އަށް ހިނިތުންވުމެއް ހަދިޔާ ކޮށްލައިފައި ކެބިނުން ނުކުންނަން އެ ދޮރު ހުޅުވާލީމެވެ. ކުރިމަތިވާން އޮތް ކޮޅިގަނޑުގެ ބޮޑުކަން އިޙްސާސް ނުކުރެވޭ ޙާލުގައެވެ.

އަހަރެން ހުއްޓުން އެރީ އަހަރެންނާއި ދިމާލަށް އައި ފުލުސް ޓީމު ފެނިފައެވެ. ފަހަތަށް ދެތިން ފިޔަވަޅު އަޅާލެވުނެވެ. އެތަނުން އަންހެން އޮފިސަރަކު އައިސް އަހަރެންގެ އަތުގައި ބިޑި އެޅުވިއެވެ. ދެން ފެނުނީ އެމީހުން ކެބިނުގެ ތެރެއަށް ވަދެ ޖިން ހިފެހެއްޓި މަންޒަރެވެ. ޖިން ގަދަ ހަދަމުން ދަނިކޮށް އޭނާގެ އަތުގައި ވެސް ބިޑި އަޅުވައިފިއެވެ. އަހަރެންގެ ދެލޮލަށް ކަރުނަ ޖަމާވިއެވެ. އެމީހުން ދެއްކި ވާހަކަތައް އަހަންނަށް އިވުނީ ނުސާފުކޮށެވެ.

ފުލުސް އޮފީހަށް ގެންގޮސް އެމީހުން އަހަރެންނާއި ސުވާލުކުރަމުން ދިޔައެވެ. އަހަރެން ޖަވާބެއް ނުދެމެވެ. އެއްފަރާތަކަށް ބަލަހައްޓައިގެން އިނީއެވެ. “ލަމްޔާ ހަމީދު. އަހަރެމެންގެ ތަޙުޤީޤަށް އެއްބާރުލުން ދީބަލަ. މިހާރު އެނގެއެއްނު އަހަރެމެންގެ އަތުގައި ލަމްޔާއާއި ދެކޮޅަށް ވާވަރަށް ހެއްކާއި ޤަރީނާ ހުރިކަން. ވާހަކަ ދައްކަބަލަ.” މޭޒަށް އެތިފަހަރެއް ވީއްލާލަމުން އޮފިސަރ ހަމްދާން ބުނެލިއެވެ. އަހަރެން ހަމަ އިން ގޮތަށް އިނީ އެވެ. އެންމެފަހުން އެމީހުން އަހަރެން ގެންގޮސް ފުލުސް ސްޓޭޝަނުގެ ސެލް އަކަށް ލިއެވެ. ސެލް އަށް ގެންދިއުމާއި އެކު އަހަރެންނަށް އިސް ޖަހާލެވުނެވެ. ކުރިމަތީގައި ހުރި ސެލް ބަލަހައްޓާ އޮފިސަރަކީ އެއްބަނޑު އެއްބަފާ ދޮންބެ ކަމަށް ވާތީއެވެ. ލަދުން ބޯ ފަޅައިގެން ދާ ވަރު ވިއެވެ.

“ލަމްޔާ. އަޅެ ތެދު ތެދަށް ބުނެބަލަ އެ އަންހެން މީހާ މަރާލުމުގައި ބައިވެރިވީންތަ؟ ބުނެ އެއީ ދޮގެކޭ.” ދެލޮލުން ކަރުނަ އޮހޮރެމުން ދިޔަ ހާލު މަންމަ ވާހަކަ ދެއްކި އެވެ. ގާތުގައި ބައްޕަ އަހަރެންނަށް އަލިފާނުގެ ނަޒަރެއް ހަދިޔާ ކޮށްގެން ހުއްޓެވެ. ދޮންބެގެ މޫނުމަތީގައިވެސް ވަނީ އިންތިހާ ދަރަޖައިގެ ހިތްހަމަނުޖެހުމެވެ. އަހަރެން ހަމަ ހަނުހުރީއެވެ. ޖެހިގެން ހުރި ސެލްގައި ޖިން އެތަނަށް ރޯޅިއެއް ބާލަމުން ދިޔައެވެ.

އަހަރެން ހިފަހައްޓައިގެން ހުރި ކަރުނަތަކަށް ދުލެއް ދިނީ އެކަނިވުމުންނެވެ. އެ ރޭގެ މަންޒަރުތައް ލޯ މައްޗަށް ސިފަވަމުން ދާތީ ހިތަށް އުނދަގޫ ވަމުން ދިޔައެވެ. އެއާއެކު އަހަރެންގެ ބޮލަށް ބަރުވާން ފެށިއެވެ. ފާޑަކަށް މޭނުބައި ކުރާ ގޮތް ވިއެވެ. ދެން ވީގޮތެއް ނޭނގެއެވެ.

އަހަރެންނަށް ހޭވެރިކަމެއް ލިބުނު އިރު އޮވެވުނީ ހަސްފަތާލުގައެވެ. ދެލޯ ހުޅުވާލައިފައި އަހަރެން ބުރަކަށި ސީދާ ކޮށްލީމެވެ. ދެން ފެނުނީ މަންމަގެ މިލައިފައިވާ މޫނެވެ. ބައްޕަ ބާރު ބާރަށް ހިނގައިފައި އައީ އަހަރެންނާއި ދިމާލަށެވެ. ވީގޮތް ނޭނގޭތީ އަހަރެން ހިތް ބިރުގަނެ ހާސްވިއެވެ.

– ނުނިމޭ –

މިވާހަކައިގެ ދެންއޮތް އެޕިސޯޑުގެ ލިންކު ކޮމެންޓް ސެކްޝަންގެ ތިރީގައި ވާނެއެވެ.

Comments (4)

  1. Shaf_maan

    Maasha Allah mi prt vx vrh reethi
    Jin n lam police station ga eyyy
    So curious
    When nxt????
    Tc lyy💜

    1. White rose
      Shaf_maan

      Arn, mihaaru bust vehje viyya.
      Mihaaru submit kohlaifin.
      Shukran Shaf_maan ✨✨
      Lyt darl 💕💕

  2. Your fav bab

    Heeyrrr
    Mi part varah furihama MA
    Oh how great
    Lams worst nightmare came true!!
    Brruuuh☠️☠️
    Me dying outta curiosity
    When next?
    Lyyy

    1. White rose
      Your fav bab

      Hehe, lam ah nubai mageh choose kurevunyma vee goiy thaa
      Mihaaru submit kohlaifin.
      Shukran Your fav bab ✨✨
      Lyt darl 💕💕

Comments are closed.