ދަރިފުޅު (ދެވަނަ ބައި)
ރިހޭ ފައި މައްޗަށް ފޮއެ ވެއްޓުނު ކަހަލައެވެ. ބިރުގެންފައި ހުރި ފާތުން ކުއްލިއަކަށް ބިންމައްޗަށް ވެއްޓުނީ ގައިން ވަރުދޫވެގެންނެވެ. ސިކުނޑީގައި އެނބުރެމުން ދިޔައީ ވާނުވާ ނޭގޭ އެތައް ހިޔާލުތަކެކެވެ. ތަޅުގައި ހިފައި، ތަޅުވާ އަޑުފަށް ގަނޑު ނޫން އިތުރު އެހެން އެއްވެސް އަޑެއް ފާތުންގެ ކަންފަތަކަށް ނީވޭ ކަހަލައެވެ. ކަންފަތަށް އުނދަގޫވެ ބޯ ފަޅައިގެންދާ ވަރަށް އެ އަޑު ދިޔައީ ގަދަވަމުންނެވެ. ފާތުންނަށް ހީވީ އޮތްތަނަށް ބިރުން ވިރިދާނެހެނެވެ. އޭނާގެ ބޯ, ފަން އިސްތަށިގަނޑު ވަނީ ވިހުރުވިފައެވެ. ތެދުވަންވެސް ނޭގިފައި އޮތް ފާތުންގެ އަނގައިން އަޑެއްވެސް ނުނިކުތެވެ. ފައި ކުރުގަޅުވައިގެން، ކަންފަތުގައި ދެއަތްއަޅައި ބާރުކޮށްގެން، ދެލޯ މަރައި، ތަގުޅިކޮށްގެން އޮވެ،ހިތްވަރުކޮށްފައި އަޑުގެ ނެތްތަނަށް ހަޅޭއްލަވައިގަނެވުނީ ވަރަށް ހާލުންނެވެ. ހަމަ އެދަނޑިވަޅަށް އެންމެ ފަހުފަހަރަށް ތަޅު އެނބުރުމަށްފަހު ކޮޓަރީގެ ދޮރު ހުޅުވާލާފައި ކޮޓަރި ތެރެއަށް ވަދެގެން އައީ ގޭގެ އެންމެނެވެ.
” ސުބުހާނަ ﷲ!،……… ދަރިފުޅާ ކިހިނެއްތަ ވީ؟” ހާސްވެފައިވާ ފާތުންގެ މަންމަ ސުވާލުކުރިއެވެ. ރޯން އޮތް ދަރިފުޅުގެ ހާލުފެނި، ދުވެފައި ގާތަށް އައިސް، ބޮލުގައި ފިރުމާލިއެވެ.
ފާތުން އޮތް ހާލުފެނި މަންމަ އާއި ބައްޕަ އަދި ފިރިމީހާ ވެސް ކަންބޮޑުވި އެވެ. އެއިރު އާލިޔާ ބާރު ބާރަށް މަންމަގެ އުރުގައި އިނދެ ރޮނީއެވެ. ފިރިމީހާ ހަސަން ދުއްވައިގަތީ ފާހާނާގައި ދޫކޮށްފައި ހުރި ޝަވަރު ބަންދު ކުރާށެވެ. ބައްޕަ އާއި މަންމަގެ އެހީގައި ފާތުން ތެދުވެ އެނދުގައި އިށީނދެއްޖެއެވެ.
” މަ މަ މަ މަ މަންމާ….” ފާތުންނަށް ވާހަކަވެސް ދައްކަން އުނދަގުލެވެ. އަދިވެސް ކޮޓަރީގައި ވީ ކަންތައް ޤަބޫލުކުރަން ދައްޗެވެ.
ފާތުންގެ ލޯބިވާ ފިރިމީހާ، ހަސަނަކީ މިޒާޖުގެ ގޮތުން މަޑުމައިތިރި، ވާހަކަ މަދު، މީހުންނަށް ކަމޭހިތަން ދަންނަ މީހެއްކަމުން، ފާތުންގެ މައިންބަފައިން ވާހަކަ ދައްކާތީ، ހަސަން ހުރީ ފާތުންގެ ގާތުގައި އޭނާގެ އަތުގައި ހިފައިގެން ފިރުމާލަ ފިރުމާލައެވެ. ފަހުން، ހަމަޖެހިގެން ފާތުންނާ މިކަމާ ވާހާކަ ދެއްކުމުގެ ނިޔަތުގައެވެ.
” ދަރިފުޅާ، ވީ ކަމެއް ބުނެބަލަ! އާލިޔާ ވެސް ރޮއެ ރޮއެ ހަލާކުވަނީ..” މަންމަގެ އުރުގައި އިން އާލިޔާ ބައްޕައާ ހަވާލުކުރީ އެ މަންޖެގެ އަޑު ނުކެނޑުނީމައެވެ. ބައްޕަ އާލިޔާ އުރާލައިގެން ކޮޅަށް ހުރެ އޭނާ ހުއްޓުވޭތޯ މަސައްކަތް ކުރަމުން ދިޔައެވެ.
ކަންބޮޑުވެ، ގަބުވެފައި އިންފާތުންނަށް ހަމަހޭވެރިކަމެއް ޖެހުނީ ތުއްތު އާލިޔާގެ ރުއިމުގެ އަޑު ސިކުނޑީގައި އެނބުރެން ފަށުމުންނެވެ. އެހެންކަމުން ފާތުން ހަމަޖެހެން މަސައްކަތް ކުރަމުން، ލޮލުގެ ކަޅި ކޮޅު ކޮޅަށް ހިންގާލިއެވެ. ލޮލުން ހިފެހެއްޓުމެއް ނެތި އައި ކަރުނަތައް ފޮހެލައި، އާލިޔއަށް ސަމާލުކަން ދޭން މަސައްކަތް ކުރަމުން ކުރަކި އަޑަކުން ބުންޏެވެ.
” އަ..އަ..އަ.އަ..އާނ ގެނޭ އާލިޔާ، އޭނަ ބަނޑުހައިވާނެ މިހާރު”
އިންތަނުން ތެދުވެ، ބޮލުގައި ހުޅިޖަހައިލައި، އާލިޔާ ނަގައިގެން ގޮސް އަވަސް އަވަހަށް ފާހާނައަށް ވަނެވެ. ތުރުތުރު އަޅާ ހާލު، ފާތުންގެ ދަރިފުޅު ރީތިކޮށް ހެދީ އެންމެންގެ ހާޒިރުގައެވެ. އޭނާ ގެ ހަލުވި ހަރަކާތްތަކަށް ބަލަން އެ ކޮޓަރީގައި އެންމެން ތިބީ ވީނުވީއެއް ނޭނގި އާގަމަ ވެފައެވެ. އެންމެންގެ ހިތުގައި އުފެދެމުންދާ ސުވާލުތަކަށް ފާތުންގެ ފަތާރުން ޖަވާބެއް ހޯދޭނީ އާލިޔާ ހަމައަކަށް އަޅުވާފަައިކަމުން އެއްވެސް މީހަކު އިތުރު ސުވާލެއް ނުކޮށް މަޑުކޮށްލައިގެން ހާސްކަމެއްގެ ތެރޭ ތިއްބެވެ. އެވަގުތަކީ ފާތުންގެ މަންމަގެ ފޯނު ރިންގުވީ ވަގުތެވެ.
“އައްސަލާމު އަލައިކުމް؟”
“ވައަލައިކުމުއް ސަލާމް ދައްތާ.” އެކޮޅުން ޖަވާބުދާރީވީ، ފާތުންގެ މަންމަ އައިމިނާމަނިކެގެ ކޮއްކޮ، އައިޝާގެ މަންމަ އައިސާމަނިކެއެވެ.
“ކިހިނެއްވީ އައިސާ މަނިކޭ؟” ފާތުންގެ މަންމަ އައިމިނާމަނިކެ ކޮޓަރިން ނިކުމެ ދޮރުލައްޕަމުން ސުވާލުކުރީ ފޯނުކޮށްގެން ހުރި އައިޝާގެ މަންމަ އައިސާމަނިކެއާއެވެ.
“އަައިޝާ ވީ ތިގޭގަތަ؟ އޭނަ ނައިސްގެން މިއުޅެނީ. ” އައިސާމަނިކެގެ އަޑުގައި ހާސްކަމެއް ވާކަން އައިމިނާމަނިކެއަށް ފާހަގަވިއެވެ.
“ނޫން، ނާދޭ. އެކަމަކު ފާތުން އަތުވެއްޖެ. އޭނަގެ ފޯނަށް ގުޅައިފިންތަ؟” ފެންޑާގައި ހުރި ގޮނޑިއެއްގައި އިށީންނަމުން އައިމިނާމަނިކެ ވާހަކަ ދައްކަމުން ދިޔައެވެ.
“އާ، މިއަންނަނީ ދެވެރިން. މިވަގުތަށް ބާއްވަނީ އިނގޭ ދައްތާ. ވަރަށް ސަލާމޭ” އައިޝާ އާއި އައިޝާގެ ދަރިފުޅު އަންނަތަން ފެނުމުން އައިސާމަނިކެ ފޯނު ކަނޑާލިއެވެ.
…………………………………………………………………………………………………………………………………………….
” އައިޝާ ގާތު ކިތައްފަހަރު ބުނެފިން އައިހަމް ގޮވައިގެން ރަތްވިލާ މައްޗަށް ނުދާށޭ! ބަލާބަލަ ގަޑިން 7:15 ވެއްޖެޔޭ މިހާރު!” އައިޝާގެ މަންމަ އޭނާގެ ގޭ ދޮރާށިމަތީ ހުރީ އައިޝާ އާއި 2 އަހަރުގެ އައިހަމް ގެ އިންތިޒާރުގައި ކަންބޮޑުވެފައެވެ.
” މަންމާ، ދެން ލަސްވީ އޭ! ފާތުންމެންނާ ވާހަކަ ދައްކަން އިނދެވުނީޔޭ!، އެންމެންވެސް ބުނި މަންމަ އަށް ސަލާމް ބުނާށޭ، މާދަމާ އަންނާނަމޯ އަނެއްކާވެސް ” ގޭގެ ގޭޓު ދޮރު ހުޅުވާލަމުން އެތެރެއަށް ވަނީ އައިހަމް އުރާލަމުންނެވެ. އައިޝާ މަސައްކަތް ކުރަމުން ދިޔައީ، މަންމަ ހަމަޖައްސާލެވޭ ތޯއެވެ.
” ބަލަ ކަލޭމެން ތުނޑިއަށް ގޮސް އުޅެނިކޮށް ކަމެއް ވެދާނެ. އަދި މި މީހުން އަވަށު އަތް ދަށުގަ އުޅޭނަމަވެސް އެންމެ ރަނގަޅުތާ!” ޕިސް ކަނޑަމުން ދެއަަތަށް ބޯ ހޫރުވަމުން ހިތްހަމަނުޖެހި ހުރެ އައިސާމަނިކެ ހާސަރު ދަމަމުން ދިޔައީ ރުޅިއައިސްގެން ހުރެއެވެ.
އައިޝާ އަކީ، ފާތުންގެ މަންމަ ފަރާތު 4 ބޮޑު ދައްތައިންގެ ތެރެއިން ދެވަނައަށް ހުންނަ ދައްތަ އައިސާމަނިކެއަށް ލިބިފައި ވާ، ފާތުންނާ އެއް އުމުރެއްގެ ދަރިއެކެވެެ. ފާތުންނެކޭ އެއްފަދައިންއައިޝާއަކީވެސް ފުރިހަމަ ރީތިކަމެއްގެ އިތުރުން އިލްމާއި ހިލްމް ވެސް ލިބިފައިވާ އަންހެނެކެވެ. އެރަށުގެ އެހެން އާއިލާތަކުން އައިޝާއާއި އެއްވަރަށް މޮޅަށް ކިޔަވައިގެން އުޅޭ އެފުރާގެ އަންހެންކުދިން ވަރަށް މަދެވެ. އައިޝާގެ އެ ބޮޑު އާއިލާއަކީ ކިޔެވުމަށް ވަރަށްމޮޅު އާއިލާއަކަށް ވާތީއެވެ. އައިޝާގެ އިތުރުން ފާތުންނާއި، އައިންތާއި، ރިޝްފާ އަދި ފާތުންގެ ދައްތަ މުނާ ވެސް ހަމަ އެހާ ކިޔެވުމަށް މޮޅެވެ. އެންމެން މާލެ ބަދަލުވިއިރު އައިޝާ ހުރީ ރަށުގައެވެ. އެމީހުން މާލޭގެސުކޫލުތަކުން ކިޔެވުން ނިންމި އިރު، އައިޝާ ސްކޫލު ނިންމީ ރަށު އަތޮޅު މަދަރުސާއިންނެވެ. ސުކޫލު ނިންމުމަށްފަހު ތިނަދޫ ގައި ހުންނަ ޔުނިވާސިޓީގެ ތިނަދޫ ކެންޕަހުން ސެކަންޑަރީ ޓީޗިން ހަދައި މިހާރު އޭނާ ވަޒީފާއަދާކުރަމުން ދަނީ ގައްދޫ ސްކޫލުގެ އިނގިރޭސި މުދައްރިސެއްގެ މަގާމުގައެވެ. ރަށުގައި އުޅެބޮޑުވިއެއްކަމަކު ޗުއްޓީގައި މާލެ ގޮސް ފާތުންމެންނާ އެކު ވަރަށް ވަގުތު ހޭދަކޮށް އުޅެއެވެ. ކޮންމެ ބޮޑުދައިތައެއްގެވެސް ފާތުންނާ، ފާތުންގެ ދައްތައާއި އެއްއުމުރުގެ އަންހެން ކުދިން ތިބޭ ކަމުން އެއެންމެން އެކަކުއަނެކަކާ ވަރަށް ގުޅެއެވެ. ރަހުމަތްތެރިންނަށް ވުރެ ބޮޑަށް ދެބޭންގެ ދެދަރިންނާއި އެކު ވަގުތު ހޭދަކުރަން މި ފަސްވެރިން މާ ގަޔާވެއެވެ.
ކޮންމެ މީހެއްގެ ވެސް ދަރިއަކު ހުންނާތީ ފަހަކަށްއައިސް އެކުއެކީހޭދާ ކުރެވޭ ވަގުތު ވަރަށް މަދެވެ. މިފަހަރު ސުކޫލު ބަންދުވެ ބޮޑު ޗުއްޓީ ވުމުން އެންމެން އެކައްޗެއް ކިޔައިގެން ރަށަށް އައިސް އެތިބީވެސް އެންމެން އެއްތަނަކުން ބައްދަލު ކުރުމުގެ ފޯރީގައެވެ.
ބިސްކޮށް ހުންނަ ތުއްތު އައިހަމް އުރައިގެން ފާތުންނަށް ގެއަށް ވަދެވުނުއިރު އޭނާ ހުރީ ވަރަށް ބޮޑަށްކަރުހިއްކައި ފެންބޮވައިގެންފައެވެ. ގެއަށް ވަދެ އައިހަމް އަރައިގެން ހުރި ބޫޓު ބޭލުވިއެވެ. އެހާ ލަސްވަންދެންތުއްތު އައިހަމް ގޮވައިގެން އައިޝާ ބޭރުގައި އުޅުމުން އައިސާމަނިކެ ހުރީ ހިތްހަމަ ނުޖެހިފައެވެ. އައިސާމަނިކެއަރައިގެން ރުޅީގައި ކޮޓަރިއަށް ވަދެ ބަންލާފަ ދޮރު ޖެހިއެވެ. އައިޝާގެ ބޭބެއާއި ފަހަރިވެސް ގޭތެރައިން ފެންނާކަށް ނަތެވެ.
އަތުގައި އޮތް ކުޑަ، ކަޅުކުލައިގެ ބޮއްޔާ ކުޅެމުން ދިޔަ އައިހަމް ހުރީ ނިދި ފާޑުވެ، ވަރުބަލި ވެފައެވެ. އާދަޔާ ހިލާފަށް އޮފްކަމެއް އަރަމުން ދިޔަ އެ ކަޅުކުލައިގެ ބޮއްޔަކީ ހަވީރު އެންމެން ތުނޑިއަށް ގޮސްގެން އުޅުނުއިރު މިވެރިންގެ ކުދިންތައް ހޯދައިގެން ކުޅެން ގެންގުޅުނު ބޮއްޔެކެވެ.
” މަންމީ، ފެންބޯ…ފެންބޯ..” އައިހަމް ފެންބޮވައިގެންފައި ހުރިލެއްބޮޑުކަމުން، އައިޝާގެ ހެދުމަށް ދަމަންފެށިއެވެ.
“އޯކޭ. މި އަންނަނީ ފެންތައްޓެއް ހިފައިގެން. ވެއިޓް ހިޔާ އެންޑް ސިޓް ނައިސްލީ” އައިހަމް ގާތު ސޯފާގައި އިޝީންނަން އިޝާރާތް
ކުރަމުން އައިޝާ މިސްރާބުޖެހީ ބަދިގެޔާ ދިމާލަށެވެ. އެވަގުތު ސޯފާ ކުރިމަތީ ހުރި މޭޒުމަތީގައި އޮތް ރިމޯޓް ނަގައި ޓީވީ ހުޅުވާލަމުން ބަސްއަހާ އައިހަމް ސޯފާގައި އޮށޯވެއްޖެއެވެ. އައިޝާވެސް އޭނާގެ އަތުގައި އޮތް އަތްދަބަސް ސޯފާގައި ބާއްވަމުން ސިޓިންގް ރޫމުގެ މެދުން ގޭ ތެރެއަށް ވަދެގެން ދިޔައެވެ.
އައިޝާމެންގެ ގެއަކީ ބިން ބޮޑުގެއެއް ކަމުން ގޭގެ ބަދިގެ ހުންނަނީ 4 ކޮޓަރި ފަސްކޮށް ގޭގެ އެންމެ އެތެރޭގައެވެ. ބަދިގޭގައި އުޅޭ މީހަކަށް ސިޓިންގް ރޫމުގައި ވާކަމެއް އަދި ބަޔަކުވެސް ނުފެއްނާނެއެވެ. ބަދިގެ ތެރެއަށް ވަދެ ދޮރު ކައިރީހުރި އައިސަލަމާރީގެ ދޮރު އައިޝާ ހުޅުވާލިއެވެ. ފިނިފެންފުޅިއެއް ނަގައިގެން އައިސަލަމާރީގެ ދޮރުލައްޕާލި އިރު ސިއްސައިގެން ގޮސް ހިފަހައްޓައިގެން ހުރި ފެންފުޅި އަތުން ވެއްޓުނީ ސޯފާގައި އޮށޯވެގެން އޮތް އައިހަމް އައިސަލަމާރި ކައިރީ ހުރިތަން ފެނުމުންނެވެ. މޭމަތީގައި އަތްއަޅައިގެން ހުރެ ފުން ނޭވާއެއްދޫކޮށްލައި އިސްދަށަށް ޖަހައިގެން ހުރި އައިހަމަށް ދެލޯ ބޮޑުކޮށް ބަލާލިއެވެ.
” އައިހަމް!! މަންމި ބިރުން ހަލާކު ވެއްޖެ! ބުނީމެންނު މި އަންނަނީއޭ. މަޑުކުރާށޭ ބޭރުގަ. ވައި ޑިޑިންޓް ޔޫވެއިޓް؟” އައިޝާ ހަމަޖެހިލަމުން އައިހަމާ ވާހަކަ ދައްކަމުން ދިޔައީ ބިންމައްޗައް ވެއްޓުނު ފެންފުޅި ނެގުމަށް ގުދުވަމުން، އައިހަމަށް ފުރަގަސް ދެމުންނެވެ.
ފެންފުޅިނަގައިގެން ތެދުވެ، އެނބުރުނީ އައިހަމް އުރާލުމަށެވެ. ނަމަވެސް އެތާ ހުރި އައިހަމްފެންނާކަށް ނެތެވެ. ޖެހުނުތާ ލަކުނުވެސް ނެތްކަހަލައެވެ. ބަދިގެ މެދުގައި ހުރި ޑައިނިން ޓޭބަލް ވަށައި ހަލުވި ހިނގުމަކުން ހިނގާލީ އައިހަމް އެތެރެއަށް ވަނީ ކަމަށް ހީވުމުން އޭނާ ހޯދަމުންނެވެ. ހަމަ ޔަގީނުންވެސް ބަދިގެއިން މީހަކު ދެންމެ ނުކުތްނަމަ އައިޝާއަށް ވަރަށް ރީތިކޮށް ފެނުނީހެވެ.
އައިޝާ ހާސްވެއްޖެއެވެ. ބަދިގެއިން އައިހަމް ނުކުތްތަން ނުފެނުމުން ކަންބޮޑުވާ ހާލު އަވަސް އަވަހަށް ބަދިގެއިން ނިކުމެ ސިޓިންގްރޫމަށް ދުއްވައިގަތީ އޭނާއަށް ވީނުވީއެއް ބަލާށެވެ. ސިޓިންގްރޫމާ ހަމައަށް އާދެވުނުއިރު އައިޝާގެ ދެއަތްތިލަ ފިނިވެ ހިތުގެ ތެޅުން އަވަސް ވެއްޖެއެވެ. މާ ގިނަތަނެއް ހޯދަން ނުހަދާ އައިޝާ ބަލަން ބޭނުންވީ އައިހަމް ގެއަށް ވަދެ އޮށޯތް ސޯފާއެވެ. ޝައްކެއްގައި ހުރި އައިޝާއަށް އެހުރިތަނުން ފެންނަނީ ސޯފާގެ ބިއްދޮށެވެ. މަޑު މަޑުން ހިނގާފައި ގޮސް ސޯފާގެ ކުރިމައްޗަށް ދިޔައީ އައިހަމް ސޯފާގައި އޮތްގޮތެއް ބަލާށެވެ.
އަނެއްކާވެސް އައިޝާއަށް ލިބުނީ ކުއްލި ހައިރާންކަމެކެވެ. އައިހަމް އެއޮތީ ފުން ނިންޖަކުން ނިދާފައެވެ. އަތުގައި އޮތް ކަޅުބޮލި އޮތީ ބިންމައްޗަށް ވެއްޓި މޭޒު ދަށުގައެވެ.
“އައިހަމް ކިހިނެއް ދެން ބަދިގެއިން އެފެނުނީ؟” ހިތާ ހިތުން އައިޝާ ސުވާލުކުރަމުން ދިޔައީ ވާނުވާނޭނގިހުރެއެވެ. ވެދިޔަ ކަންތަކާމެދު ވިސްނެމުން ބަދިގެ ފަރާތަށް ބަލަމުން ދިޔައީ ހައިރާންވެ އަންތަރީސްވާ ހާލުގައެވެ. ކުއްލިއަކަށް ހަނދާންވީ، އައިޝާގެ މަންމަ އޭނާއަށް ކިޔަދިންވާހަކަތަކެވެ. ގޭގައި ވަރަށް ކުރީ ޒަމާނަކު އަވައްޓެހި ކުއްޖަކު އުޅުނުވާހަކައެވެ. އެހެނަސް މިއަދާ ހަމަޔަށް އެކުއްޖެއްގެ ހިލަމެއްނުވި އިރު، މިއަދު އެކުއްޖަކު ފެންނަންވީ ވަކި ކީއްވެހެއްޔެވެ.
“އަނެއްކާ، އައިހަމް ހަމަ އަސްލުކޮށް އެހާ އަވަހަށް މިތަނަށް އައިސް ނިދީބާ، ނޫނީ އެފެނުނީ މަންމަ އެކިޔާ އަވަށްޓެހި ކުއްޖެއްބާ!! ނޫނީ އެއީ އަހަންނަށް ހީވި ހީވުމެއްބާ! ނޫން!! ހަމަޔަޤީނުންވެސް އަހަންނަށް އައިހަމް ފެނުނު.” ހިތުގައި އުފެދެމުން ދިޔައީ ޖަވާބުތަކެއް ނެތް ސުވާލުތަކެވެ. އެހެންކަމުން އައިހަމް އޮތްތަނުން ތެދުކޮށް ހޭ ޖެއްސޭތޯ އައިޝާ މަސައްކަތްކުރަން ފަށައިފިއެވެ. ނުކައި، ނުބޮއެ އޮތުމުންނާއި، މި ދިމާވި ކަމުގެ ހަޤީޤަތް އޮޅުންފިލުވާން ވެސް މެއެވެ.
” ދަރިފުޅާ، އައިހަމް؟ އައިހަމް؟ ” އައިޝާ އައިހަމް ތެދުކޮށް ސޯފާގައި ބައިންދައި، މޫނުގައި ފިރުމަން ފަށައިފިއެވެ.
“ހމމމ މަންމީ…ފެން…ފޭން!!!!” ކަރުހިއްކައިގެންފައި އިން އައިހަމް،ތެދުވެ ފުރަތަަމަވެސް ބޭނުންވީ ފެންބޯށެވެ.
އައިޝާގެ އަތުގައި އޮތް ފެންފުޅީގެ މަތިނަގާ އައިހަމަށް އެފުޅިން ފެންދިނެވެ. އެއިރު އައިހަމަށް ރަނގަޅަށްވެސް ހޭލެވިއްޖެއެވެ.
“މަންމީ، ކޮއްކޮގެ ޝެލް… ކޮބާ، ޝެލް” މައުސޫމު އައިހަމްގެ މޫނުމަތިން ހާސްކަން ފެންނަމުން ދިޔައީ، އޭނާ ތުނޑިން ގެނައި ކަޅު ކުލައިގެ ބޮލި ނެތްކަން އެނގުމުންނެވެ. ކޮޅުކޮޅަށް އެނބުރި ފައި، މަންމަގެ މޫނަށް ބަލައިލީ ހިތްހަމަނުޖެހި ހުރެއެވެ. އައިޝާ އައިހަމާ ސުވާލު ނުކުރެވިގެން އުޅެނިކޮށް، އައިހަމަށް އޭނާގެބޮލިފެނުނީ ބިންމަތި ހޯދަނިކޮށެވެ. އެހެންކަމުން، ބޮލި ނެގުމަށްފަހުކުރިންވެސް އިންތަނުގައި އިށީނެވެ.
” މި އޮތީ އޯ.. މަންމީ، ކޮއްކޮ ބޮލި ފޮލުވާނީ ކޮންތާކު؟ އާލިޔާ ކޮއްކޮ ދޮންވެލި ތެލެ އަށް ވަދެގެން، މާރމެއިޑް ގެ އަތުން ހޯދި ޝެލް އޭ..” ހަމަޔަށް ބަސް ކިޔަން ނޭގޭ އައިހަމް އޭނާގެ މަންމައަށް ފުރުސަތެއް ނުދީ އެ ބޮލީގެ ވާހަކަ ދައްކަމުން ދިޔައެވެ.
“އައިހަމް!!!!! މަޑުކޮށްބަލަ ދަރިފުޅާ! ” ހާސްވެފައި އިން އައިޝާ، ބޭ އިޙްތިޔާރުގައި އައިހަމާ ދިމާލަށް ހަޅޭއް ލަވައިގަނެވުނެވެ. ހަމަ އެއާއިއެކު، އައިހަމް ދައްކަން ހުރި ވާހަކަ ހުއްޓައިލާ މަންމަ އަށް އިޖާބަދިނެވެ.
“ސޮރީ މަންމި ދޫނީ…….. ދެންމެ މަންމިގެ ފަހަތުން ބަދިގެއަށް އައިންތަ؟ ތިއްތިކޮށް ބުނެބާ!” އައިހަމްގެ ކުރިމަތީ ދެކަކޫ މައްޗަށް ބިންމަތީގައި ކޮޅަށް ހުރެ އައިހަމްގެ ދެއަތުގައި ހިފަހަަޓައިގެން ހާސްވެފައި އިން އައިޝާ އައިހަމާ ސުވާލު ކުރިއެވެ.
“ނޯ މަންމީ، ކޮއްކޮ ނަންނާ ވީ އެއްނު! މަންމި އަކަށް ނޭނގޭ ދޯ!” ހިނިތުންވެލަމުން އައިހަމް ޖަވާބުދިނެވެ.
އައިހަމްގެ ދުލުން ބޭރުވި ބަސްތަކުން އައިޝާ ވަރަށް ބޮޑަށް ބިރުގެންފިއެވެ. ބަދިގެއިން ފެނުނީ އައިހަމެއް ނޫންކަން ޔަގީންވެއްޖެއެވެ. ހަރަކާތް އަވަސް ވަމުން، ސިއްރު ސިއްރުން، ކުރުސި ކިޔަންފެށީ އައިހަމް އުރައިގެން، ތެދުވަމުންނެވެ. އަވަހަށް ގޮސް މަންމަ އާއި ބައްޕަގެ ކޮޓަރި ދޮރުގައި ތަޅަންފެށީ ބިރުން ތުރުތުރު އަޅާ ހާލުގައެވެ.
“މަންމާ! ދޮރު ހުޅުވަބަލާ!” ރޮއެހޭރެމުން، އައިޝާ ގޮވަމުންދިޔައެވެ. އިރުކޮޅެއްގެތެރޭ ގޭގެ ކޮޓަރިތަކުން އެންމެން ނިކުމެއްޖެއެވެ. މަންމަ އައިސާމަނިކެއާއި، ބައްޕަ ގާހިރަށް އައިޝާ ހުރިގޮތްފެނުމުން ކަންބޮޑުވެއްޖެއެވެ.
“ކިހިނެއްތަ ވީ އައިޝާ؟” ބޮލުގައި ދިގު ނަމާދު ދޮޅިއެއް އަޅައިގެން ހުރި އައިސާމަނިކެ އަވަހަށް އައިޝާ އާއި ސުވާލުކުރިއެވެ.
” ކާކުތަ މަރުވީ އައިޝާ! މާ ބާރަށް ތި ހަޅޭއްލަވަނީ؟” ޖެހިގެން ހުރި ކޮޓަރިން، އައިޝާގެ ބޭބެ އަޝްރަފް، ނިކުމެ އައިޝާއާއި ދިމާ ކުރުމުގެ ނިޔަތުގައި އަހާލިއެވެ.
(ނުނިމޭ)
Other Articles
އަނިޔާ.. 11 ވަނަ ބައި
ނިޝާ 01
43 Comments!
Comments are closed.
Vrh vrh reethi…waiting 4 de nxt prt
Thank you 🙂
Habeys ?
Hehe thank you 🙂
Varah reethi mi partves
Interesting story,maree!!keep going…
nice! ekamaku maa explenation bai bodi! ebai thankolhe kudakola… plx…
Thank you. Will try and make it short next time 🙂
Wow…. this story is amazing…. good luck girl….
nice waitin 4 next part
Very interesting. Keep it up.
vrh salhi….. when nxt prt???
bt there is one prob….. the pic is the prob…. its freaking me out… hehehe….. seriouslyy its 2 creepy…. hoe u wil chnge it… oterwise stry is prfct………. 🙂 🙂 🙂 😀 🙂 😀 😀
Hehe.. A e beynumaki :p thanks!! Good to know that it’s creepy
Vara reethi
nop nice pic like it !!!!!!!!!!!!!!!!!!!!!!!!!!!!!!!!! nice story inthizaaruga next part ah hope it would be perfect……………………
Kiyaalaahithun kiyaalevunu . V Furihama
Thank you miss 🙂
varah rythi vaahaka eh varah dhuvas fahun rythi vaahaka eh kiyaalevu nythy varah happy next part ah inthizaaruga ……………………………..
ހާދަ ކޮމާ ގިނަ ވާހަކައެކޭ….. އައިސާމަނިކެގެ އަންހެން ދަރިއަށް އައިޝާ … އޮޑް ދޯ އަސްލު
Thanks for the comment..
thiyahen nubuney hehehehehe rythi ingey nd that does not fyl like odd……………………………………………………………………………………………………………………………………………………………………………………………………………………………………………………………….
Thanks for saying that !! 🙂 appreciate it 🙂
OMG…………..haadha reehcha I like the concept nd look foreward for next part……………..
Thank you 🙂
wow scary vaahaka eh vyma varah kiya hivvey >:D keep it up Mary! looking foreard to seeing next episode 😉
Thankyou faxoo.
vrh biruveri vaane dhw……….nukereyne kiaakah…..
Please….avaha up koh dhechey……can’t wait for the next part…..it’s a nice story….I love it….
❤❤❤❤❤❤❤❤❤❤❤❤❤
Vara salhi ingey…waiting for the next part ?
aishaa ge dhemain ge namuga alhai gath namaves. Varah shauq hifattaakahala style ehmary ge liyumuga eba huri. Mivaru dhigen noon. Kuru nukurachchey kanbuloa
Thank you 🙂
Varaaaaaaaaaaaah ryrhi. Waiting for the next part eagerly. Curious to know whats next???. I just lurrrrrv these kind of stories. Keep it up. But story kiyaafa biru vs ganey hehe??????
Hehe. Next part Varah biruveri vaane hopefully 🙂
Nice story Darling… V scary .. But I liked it..Emmen ulhey dhw meega ?
Good job ????
Enmen laigen story make kureveytho mi balanee hehe. Majaa dho.. Tell your mom to read this.. Hehe
Varah interesting story eh… varah like vey writing style adhi concept ves. N maree u r from gaddhoo? I have a cousin from gaddhoo who is also a trained primary teacher. Anyways story is vvvvvv good. Like this a lot. Inthizaaring for the 3rd part.
Yeah.. I’m from gadhoo. 🙂 and thanks a lot
I saw your story link from Facebook and it brought me here. This is my first time reading a dhivehi story and I must say I’m impressed with your writing. Keep up the good work and can’t wait for the next update!
Oh thanks 🙂
Hey nice vara.. Plx avaha next part beynun kiyan.and emmen eba ulhey dho? Mi vahaka vara biruveri vaane dho?
Nice
vrh vrh vrh salhi……….
Vrh vrh reethi