ފުރާނައިގެ ދިރުމޭތިއީ 31

“ދެން ވަރަށް އަވަހަށް ޖޮބް ހަމަ ޖެހޭނެ. ލުބާ ހާސްނުވޭ. އިންޝާ ﷲ ޒެވް ލުބާއަށް އިންސާފު ހޯދަދޭނަން. ޒެވިއާރް ބުނެލިއެވެ. “އެކަމަކު އަހަރެންގެ 2 ޝަރުތު އެބައޮތް..” ލުބައިނާ ލިޔެލިއެވެ. “އަވަހަށް ބުނޭ.” ޒެވިއާރް ބުންޏެވެ.

“1، މިކައިވެންޏަކީ ދެމީހުނަށް މަޖުބޫރުން ކުރެވުނު ކައިވެންޏެއް. އެހެން ކަމުން މިކަންކޮއް ނިމުމުން ވަރިކޮއްދިނުން އެދެން. ޒެވް ބޭނުން މީހަކާއި މެރީ ކުރުމުގެ ހައްގުދޭނަން. 2، އެންމެ ފަހު އަދި އެންމެ މުހިންމު ޝަރުތު. ޒެވް ދުވަހަކުވެސް އަހަރެން ދެކެ ލޯބިނުވާތި” ލުބައިނާ ލިޔެފައިދިނެެ. “ޑީލް” ސަލާމްއަށް އަތް ދިއްކޮއްލަމުން ޒެވިއާރް ބުންޏެވެ.

****

މާޒީގެ އެދުވަސް ހަނދާންވުމުން ލުބައިނާގެ ދެލޮލުގައި އިތުރަށް ކަރުނަ ވިދައިގަތެވެ. އެހެންކަމުން ޒެވިއާރް އެހެން ކުއްޖަކު ހޯދީތާއެވެ. “އެކަމަކު… ލުބާ.. ލުބާ ބޭނުން… އެޝަރުތު އުވާލަން…” ލުބައިނާއަށް ބުނެވުނެވެ. “ޒެވް އެޝަރުތު އުވާލިތާ ކިތަންމެ ދުވަހެއް..” އަސަރާއި އެކު ޒެވިއާރް ބުންޏެވެ. އެހެންވެ ޒެވިއާރް ލޯބިވީ ފަރާތަކީ ލުބައިނާކަން އޭނާއަށް ޝައްކެއްނެތް މިންވަރަށް ޔަގީންވިއެވެ. “އައި ލަވް ޔޫ ސޯ މަޗް” ޒެވިއާރްގެ ހަށިގަނޑުގައި އޮޅުލައިގަންނަމުން ލުބައިނާ ބުންޏެވެ. “އައި ލަވް ޔޫ މޯރް” ލުބައިނާގެ ހަށިގަނޑު ގަޔާއި ތަތް ކޮއްލަމުން ޒެވިއާރް ބުންޏެވެ.

އެކޮޓަރި އެނދު ދަށުގައި އޮތް ކަޅު ކުލައިގެ އެތިން އޭރު ދިޔައީ ރަތް ކުލަ ދިއްލެމުންނެވެ. ލެޕްޓޮޕު ކައިރީ އިން ޔައިލްއަށް ޒެވިއާރް އާއި ލުބައިނާ ދެއްކި ހުރިހާ ވާހަކަ އެއް އަޑު އިވުނެވެ. “މިހާރު މިއީ އެންމެ ރަނގަޅު ވަގުތު” ޔައިލް މަކަރުވެރި ހިނިތުންވުމަކާއި އެކު ބުންޏެވެ.

ފެންވަރާލައިގެން ނިކުން ލުބައިނާ އިނީ ލޯގަނޑު ކުރިމަތީގައި ރެޑީވާށެވެ. ލުބައިނާއާއި ދިމާލަށް ހިނދުކޮޅަކު ބަލަން އިނދެފައި ޒެވިއާރް ގޮސް ލުބައިނާ ގާތުގައި ހުއްޓުނެވެ. “ދެލޯ މަރާލަަބަ” ޒެވިއާރް ލޯބިން ބުންޏެވެެ. އިތުރު އެއްވެސް ސުވާލެއް އެހުމެއް ނެތި ހީލާފައި ލުބައިނާ ދެލޯ މަރާލިއެވެ.

ޒެވިއާރް ޖީބައް އަތް ޖަހާލާފައި ނެގީ ރިހި ކުލައިގެ ފަށެކެވެ. ރަތް ކުލައިގެ ހިތެއް އިން ފުލުގައި ހުދުކުލައިން “އެކްސް” އަކުރެއް ޖަހާލާފައި ވިއެވެ. ޒެވިއާރް ވަރަށް ލޯބިން ލުބައިނާގެ ދޮން ކަރުގައި އެފަށް އަޅުވާލަދިނެވެ. “ވާއު. ވަރަށް ލޯބި މާޝާ ﷲ” ލުބައިނާ ބުންޏެވެ. “ހެހެ. ތިފަށް ނުބާލައްޗޭ ދެން. އޭރަށް ދެން ތިފަށް ފެންނަ ކޮންމެ ފަހަރަކުވެސް ލުބާއަށް ޒެވް މަތިން ހަނދާންވާނެއްނުންދޯ؟ ހެހެ” ޒެވިއާރް ބުންޏެވެ. ލުބައިނާ ބޯޖަހާލިއެވެ.

ސިޓިންގ ރޫމްގައި އިން ޔައިލްއާއި އޭނާގެ “ބައްޕަ” ދިޔައީ ލުބައިނާއާއި ޒެވިއާރްގެ ވާހަކަތަށް އަޑު އަހަމުންނެވެ. “ހޫމް. މިހާރު މިއީ އެންމެ ރަނގަޅު ވަގުތު. މިދެމީހުންގެ މެދުގައި ލޯބީގެ ގަހެއްވެސް ފަޅައިފިތާދޯ؟ ހަހަ” ޔައިލްގެ “ބައްޕަ” ބުންޏެވެ. “ދެން ކިިހިނެތް މިކަންތައް ކުރިއަށް ގެންދަނީ؟” ޔައިލް އެއްސެވެ. ކިތޭ އިރަކު ދެން ކަންކުރާނެގޮތް ދެމީހުން ރޭވިއެވެ.

ސޯފާގައި އިން އަހުމަދު ދިޔައީ ވިސްނަމުންނެވެ. އޭނާގެ މަގުސަދު ކޮންމެވެސް ވަރަކަށް ނަމަވެސް މިހާރު ލުބާންއަށް އެނގިއްޖެތާއެވެ. އަލާޔާ އެކަނި އިންނަވަގުތަކާއި ދިމާނުވާތީވެ އަހުމަދުގެ “ޕްލޭން” ކުރިއަށް ދާނެ ގޮތެއް ނުވިއެވެ. ސިޓިންގ ރޫމުގައިވެސް އެކަނި ނުބައިންދާއިރު ކޮޓަރީގައިވެސް މިހާރުވަނީ ކެމެރާ ހަރުކޮއްފައެވެ. “ހީކުރީތަ ތިކަންތިހެންވާނޭ؟ މަމިކަން ކުރާނަން.” އަހުމަދު ހިތާހިތުން ބުންޏެވެ. ޖީބުގައި އޮތް އޭނާގެ ފޯނު ނަގަމުން އަހުމަދު ކޮންމެވެސް މީހަކަށް ގުޅައިލިއެވެ. ހީހީފައި އެމީހާއަށް ވާހަކަ ދައްކާ ނިމުން އިރު އޭނާގެ މޫނު މަތީގައިވީ މަކަރުވެރި ހިނިތުންވުމެކެވެ.

އެއް ހަފްތާ ފަހެވެ. ދުވަހަކީ ލުބައިނާގެ އުފަން ދުވަހެވެ. 12 ޖަހަން ގާއިތް ވުމުން ލުބައިނާ އިންތިޒާރު ކުރަން ފެށިއެވެ. އެހާ އިރަށް ޒެވިއާރް އޮތީ އަންނާނަމޭ ބުނެފައެވެ. އުފާވެރި ކަމާއި އެކު ލުބައިނާ ދެކޮޅަށް ހިނގަމުން ދިޔައެވެ. “ޓޮއް ޓޮއް” ކުއްލިއަކަށް އިވުނީ ކުޑަދޮރުގައި ޓަކި ޖެހި އަޑެވެ. “ޒެވް އަޅެ އެދޮރުން” ހީލާފައި ލުބައިނާ ބުންޏެވެ. ޖާލި ދޮރު ހުޅުވާލީ އިރު އޭނާއަށް މަރްހަބާ ކިއީ ކަޅު އަނދިރި ކަމެވެ. “ޒެވް؟” ލުބާ މަޑުމަޑުން ގޮވާލިއެވެ. އެއްވެސް މީހަކު ނުފެނުމުން އޭނާ ތަންކޮޅެއް ބޮޑަށް ބޯނެރެލާ ބޭރުބަލާލިއެވެ. އެވަގުތު ލުބައިނާގެ ކަނދުރާގައި އެއްޗަކުން ޖެހިކަން އޭނާ އަށް އެނގުނެވެ. ދެން ވީނުވީއެއް ނޭނގުނެވެ. އޭރު ގަޑިން 12 ގަޑި ސުންމިނެޓެވެ.

ހަމަ އެވަގުތެވެ. ޒެވިއާރް ގެއަށް އައީ މާބޮނޑިއެއް ހިފައިގެންނެވެ. ނަމަވެސް ގެއަށް ވައިން އިރަށް އިވުނީ ކުޑަކުޑަ ޒެވިއަންގެ ރުއިމުގެ އަޑެވެ. ދުވެފައިގޮސް ދޮރު ހުޅުވި އިރު ޖާލިދޮރު ހުޅުވާފައި ހުރުމުން ޒެވިއާރް ހައިރާންވިއެވެ. އެނދުމަތީގައި ރޮއެ ރޮއެ އިން ޒެވިއަންވެސް ދިޔައީ އެތަނަށް އިޝާރާތް ކުރަމުންނެވެ. “ލުބާ؟” ޒެވިއާރް ހާސްވިއެވެ. ޒެވިއަން ގޮވައިގެން ޒެވިއާރް ދުއްވައިގަތީ ލުބާންގެ ކޮޓަރިއަށެވެ. “ހާދަ ދަންކޮއްފަ ކިހިނެތްވީ އަނެއްކާ؟” ހާސްވެފައި ލުބާން އެއްސެވެ. “ޒެވިއަން އުރާދީބާ. ލުބާއެއްނެތް. ހީވަނީ އަނެއްކާވެސް ކިޑްނެޕް ކުރީހެން. މަންމަމެން ކައިރީ ބުނައްޗޭ. ޒެވް މިދަނީ” ލުބާންއަތަށް ޒެވިއަން ދީފައި ޒެވިއާރް ނުކުތެވެ.

ދުވަމުން ދުވަމުން ނިކުން ޒެވިއާރް ފޯނު ނެގިއެވެ. ކޮންމެވެސް އެޕްއަކަށް ވަދެ ބެލި އިރު ލުބައިނާގެ ލޮކޭޝަން ފެނަން އިނެވެ. އާއެކެވެ. އޭނާ ދިން ފަށުފުލުގައި އިނީ “ޓްރެކް” ކުރާ އެއްޗެކެވެ. އެއަށް ބަލަމުން ޒެވިއާރް ބާރު ދުވެލީގައި ސައިކަލު ދުއްވާލީ ލުބައިނާއަށް ދެރަގޮތެއް ނުވުމަށް އެދި ހިތާ ހިތުން ދުޢާ ކުރަމުންނެވެ.

(ނުނިމޭ)

މިވާހަކައިގެ ދެންއޮތް އެޕިސޯޑުގެ ލިންކު ކޮމެންޓް ސެކްޝަންގެ ތިރީގައި ވާނެއެވެ.