އިންސާފު ލިބޭނެބާ – 11

” ޝޫޝް.. ރިލޭކްސް.. އަހަރެން މިޔާއަކަށް ކަމެއް ނުކުރާނަން.. މިޔާ ނުރުހެންޏާ ގައިގަވެސް ނާތްލާނަން. އެކަމް ޕްލީޒް ރުއިން ހުއްޓާލާ.. އަހަރެން މިޔާއަށް ވައުދުވަން މިޔާ މިތަނުން ސަލާމަތް ކޮށްދޭނަންކަމަށް.. ” ދާރިއަން އަމާންދޭ ފަދައަކުން ދެއަތް މައްޗަށް ނަގަމުން އާދޭހާއިއެކު ބުންޏެވެ. މިޔާގެ ރުއިމުގެ އަޑު އިވުމުން އޭނާގެ ހިތުގައި ވަކިއެޅޭ ފަދަ އިހްސާސެއްވަމުން ދިޔައެވެ.

*** ޕާޓް 11***

ދާރިއަން ލޮލުގެ އެއްކޮޅުން ފައިބަން ތައްޔާރުވެފައިވާ ކަރުނަ ތިކި ސިއްރުން ފޮހެލިއެވެ. މިޔާ ހަމައަކަށް އެޅެން ދެން ދާރިއަން މަޑުމަޑުން މިޔާއަށް ބަލަން އިނެވެ. އޭރު އޭނާގެ ސިކުނޑީގައި ތޫފާނެއް އުޅޭހެން ހީވިއެވެ. އޭނަ މިޔާ ސަލާމަތް ކުރަން އެވަގުތުން ވަގުތަށްވެސް ބޭނުންވިއެވެ. ނަމަވެސް އެހެން ހަދައިފި ނަމަ އެ ގޭންގް މީހުން އޭނައަށް ޝައްކުކޮށްފާނެއެވެ. އެހެން ހިތާ ދާރިއަން ވިސްނާލިއެވެ. މިޔާ ސަލާމަތް ކުރަންޏާ މާވިންއަށް ގުޅިގެން އޭނައަށް އެކަންތައް ކުރެވިދާނެއެވެ. މިޔާގެ ހަގީގަތް އެނގުމުން މާވިން އޭނައަށް އެހީވެދޭނެއެވެ. ހިޔާލުތަކުގައި އިނދެ ދާރިއަންއަށް އެއްލި ކަޅިއަކުން ފެނުނީ މޭޒުމަތީ ބަހައްޓާފައިހުރި ކޮންޕިޔުޓަރާއި އިލެކްޓްރޯނިކް ސާމާނެވެ.

” މިޔާ.. މިޔާ ބުނީމެއްނުން ވަދީހު މިޔާ ގާތު އަހަރެންގެ މައުލޫމާތު ހޯދަން ބުންޏޭ؟ އެ ކޮމްޕުތައް ވޯކް ކުރަންޏާ ކީއްވެ މިޔާ އޭގެ ބޭނުން ނުކުރީ.. މިޔާއަށް ފުލުހުންނަށް އެންގުނިސް އެއްނުން؟. ” ދާރިއަން މިޔާ ގާތު އަހައިލިއެވެ. މިޔާ މަޑުމަޑުން ލޯފޮހެލަމުން ކޮމްޕިޔުޓަރުތަކާއި ދިމާލަށް ބަލައިލިއެވެ. ” އަހަރެން ތިހެން ހެދިން.. އެއީ މިތަނަށް އައި ފުރަތަމަ ދުވަސްކޮޅު.. އެކަމަކު.. އެމީހުންގެ ތެރޭގައި އުޅޭ ފުލުހަކަށް އަހަރެންގެ މެސެޖް ފެނުނީ.. އަހަރެނަށް ވަރަށް އަނިޔާ ކުރި އޭގެ ފަހުން.. މަންމަމެން މަރާލާނެކަމުގެ އިންޒާރު ދޭން ފެށީ އެހެންވެ އަހަރެން ފަހުން އެކަހަލަ ކަމެއް ނުކުރަން. ” މިޔާ އެދުވަހުގެ ހިތި ހަދާން އައު ކޮށްލަމުން ބުންޏެވެ.

” މާވިންއަށް އެނގޭތަ؟ ” ދާރިއަން އަހައިލިއެވެ. މިޔާ ބޯހޫރައިލިއެވެ. ” އެމީހުން ދޮންބެއަށް ދޮގުހެދީ.. ދޮންބެ ކައިރީ ބުނީ އިދިކޮޅު ގޭންގް ބަޔަކު އަހަރެން ކިޑްނެޕްކޮށްގެން ސެކްސް ސްލޭވްއަކަށް އިންޑިއާގައި ވިއްކާލާފައި ހުރިކަމަށް.. އެމީހުން ބުނީ ދޮންބެ އެމީހުންނަށް ވޯކްކޮށްގެން ފައިސާ ނުހޯދާދޭނަމަ އަހަރެން ސަލާމަތް ނުވާނެކަމަށް.. ވަދީހު ދޮންބެގެ ބޮލަށް މިހާރުވެސް އެރެނީ.. ވަދީހު ދޮންބެގެ ގާތުން ބުނާގޮތުންނަމަ ވަދީހު ދޮންބެއަށް އެހީވެދެނީ އަހަރެން ސަލާމަތް ކުރަން.. ” ދާރިއަން އިނީ މިޔާގެ ވާހަކަތަކުން ހައިރާންވެފައެވެ. އެކަހަލަ ނުބައި މީހުން ދުނިޔޭގައި އުޅޭބާއޭ ހިތަށް އަރާފައެވެ.

” މިޔާ މިތާ ކެމެރާ ނޫނީ ރިކޯޑިން ޑިވައިސްއެއް ހުރެ ދާނެތަ؟ ” ކުއްލިއަކަށް އެއްޗެއް ހަދާންވި ފަދައަކުން ހާސްވެފައިހުރެ ދާރިއަން ސުވާލުކުރިއެވެ. މިޔާ މޫނު މަތިން އެއްވެސް އަސަރެއް ދެއްކުމެއް ނެތި ކޮޑު އަރުވައިލިއެވެ. އެއާއެކު ދާރިއަންގެ ދެލޯ ބޮޑުވިއެވެ. އޭނަ އަވަސްއަވަހަށް ތަންތަން ބަލަން ފެށީ ކެމެރާއެއްފަދަ އެއްޗެއް ފެނޭތޯއެވެ. ” ރިލޭކްސް ފްލިން ރައިޑާ އަހަރެން މިތަނުގައި ހުރި ކެމެރާތަކާއި ރިކޯޑިން ޑިވައިސްތައް ހަލާކުކޮށްލާފައި ހުންނާނީ.. ފުރަތަމަ އަހަރެން މިތަނަށްލީމަ ކުރިކަންތައް އެއީ.. އާފްޓަރ އޯލް އައި އޭމް ގުޑް ވިތް ކޯޑިން އެންޑް ހެކިން.. ” އެއްމިޔަކަނުން ހީލަމުން މިޔާ ބުންޏެވެ. އޭނަ ހުރީ ދާރިއަން ތަޅުވައިލެވުމުން ހިނިއައިސްފައެވެ. ދާރިއަން މިޔާއަށް ބަލައިލަމުން ހިނިތުންވެފައި ބޯހޫރައިލިއެވެ. މިޔާގެ ހިނިތުންވުން ފެނި އޭނާގެ ހިތަށް ފިނިކަމެއް ލިބުނެވެ.

ކުއްލިއަކަށް ދޮރާއި ދިމާލަށް ފިޔަވަޅުތަކެއް އަންނަ އަޑުއިވުމުން މިޔާ ތެޅިގަތެވެ. ” ކާމް ޑައުން ރެޕަންޒިލް.. އަހަރެންގެ ޕްލޭން އާއި އެއްގޮތަށް ހަދާބަ.. ދޭ އެހެން އެއްޗެއް ލައިގެން އަންނަން.. އަހަރެމެން އެމީހުން ދެކެން ބޭނުންވާ މަންޒަރު ދައްކާނީ އޭރުން ރެޕަންޒިލްއަކަށްވެސް އަނިޔާއެއް ނުވާނެ.. ” ދާރިއަން ވިސްނުންތެރިކަމާއި އެކު ބުންޏެވެ. ” މޮޔަ މީހާ.. އަހަރެން ނޫޅެން ކަލެޔާއެކު ނިދާކަށް.. ” ދާރިއަންގެ ވާހަކައިން މިޔާ ހުރީ ރުޅިގަދަ ވެފައެވެ. އޭނާގެ ކޯތާފަތަށް ލަދުވެތިކަމުގެ ފިޔާތޮށިކުލަ ވަނީ ވެރިވެފައެވެ. ” މިޔާ ބޭނުންވަނީ އަނިޔާ ލިބެންތަ؟ އަހަރެން ބުނާ ގޮތަށް ހަދާބަ.. އޭރުން އަހަރެން ޔަގީންކަންދެން އަހަރެން ނޫން އެހެންމީހަކު މިތަނަށް އެމީހުން ނުވައްދާ ގޮތަށް ހަދާނެ ކަމާއިމެދު.. ” ދާރިއަން ފިޔަވަޅުގެ އަޑު ކައިރިވާން ފެށުމުން ބުންޏެވެ.

މިޔާ މަޑުމަޑުން ދާރިއަންއަށް ބަލަންހުރެފައި އައު ޓީޝާޓްއެއް ހިފައިގެން ފާހަނައަށްވަނެވެ. އެ ޓީޝާޓް ބަދަލު ކޮށްގެން އައިއިރު ދާރިއަން ހުރީ އޭނަ ލައިގެން ހުރި ޓީޝާޓް ބާލައިގެންނެވެ. މިޔާގެ ދެލޯ ބޮޑުވިއެވެ. އޭނާގެ ހިތުގެ ތެޅުން އަވަސްވީ ގަތް ބިރެއްގެ ބޮޑުކަމުންނެވެ. ދާރިއަން އަތްމައްޗަށް ނަގައިލީ އޭނާގެ ފަރާތުން އެއްވެސް ނުރައްކަލެއް ނެތްކަމުގެ ޔަގީންކަން ދޭށެވެ. ދާރިއަން މިޔާއަށް އެއްޗެއް ދިއްކޮށްލިއެވެ. ” އަހަރެން ރެޕަންޒިލްއަށް އިތުބާރުކުރަން މީގެ ބޭނުން ހެޔޮގޮތުގައި ހިފާނެކަމަށް.. މިތަނުން މީހަކު ރެޕަންޒިލްއަށް އަނިޔާއެއްދޭން ނޫނީ ނުނިޔަތަކު ރެޕަންޒިލްގެ ހަށިގަނޑުގައި އަތްލިޔަސް މި ޕެޕާރ ސްޕްރޭ އެމީހާގެ މޫނަށް ޖަހައި.. ދިސް ވިލް އިމޯބަލައިޒް ހިމް ސޯ ޔޫ ކޭން ގެޓް ޓު ސޭފްޓީ.. އަދި މިގަޑީގައިވެސް މިޔާ އަހަރެންދެކެ ބިރުގަންނަންޏާ ނޫނީ އަހަރެންނަށް ފުލީ އިތުބާރު ނުކުރެވެންޏާ ޔޫސް ދިސް.. އައި ވޯންޓް ޔޫ ޓު ފީލް ސޭފް.. ” ދާރިއަން މިޔާގެ އަތަށް ޕެޕާސްޕްރޭ ފުޅިލައިދެމުން ބުންޏެވެ.

މިޔާ ހައިރާންވެ ހުރެ އެ ފުޅިއަށް ބަލައިލިއެވެ. އޭނައަށް ދުވަހަކުވެސް ދާރިއަން ފަދަ ފިރެހެނެއް ފެނިފައި ނުވެއެވެ. މިތަނަށް ވައްދާ ގިނަ ފިރެހެންނުންނަކީ އަބަދުވެސް އޭނާގެ ހަށިގަނޑަށް ދަހިވެހިވެފައިވާ ސިންގާތަކެއް ފަދަ ބަޔެކެވެ. ނަމަވެސް ދާރިއަންއަކީ މަޑުމައިތިރި އިންސާފަށް ލޯބިކުރާ މީހެއްކަން މި ކުޑަ ވަގުތުކޮޅު ތެރޭވެސް އޭނައަށް އެނގިގެން ހިނގަށްޖެއެވެ. ދާރިއަން ހުރީ އޭނަ ތިރިން ލައިގެންހުރި ފަޓުލޫނުގައެވެ. އެނދަށް އަރައި މަޑުމަޑުން އެނދުގައި ބަނޑުވަތަށް އޭނަ އޮށޯވެ މިޔާއަށް އެފަދައިން ކަންތައް ކުރުމަށް އިޝާރާތްކޮށްލިއެވެ. މިޔާ މަޑުމަޑުން އަތުގައި އޮތް ޕެޕާސްޕްރޭ ފުޅިއަށް ބަލައިލިއެވެ. އޭތި އޮތީ ދިގުކޮށް ހިމަކޮށެވެ. ހީވަނީ ކުޑަކުޑަ ސެންޓްފުޅިއެއް ހެންނެވެ. އޭތި އަތުތެރެއަށްލައި ފޮރުވައިލަމުން މިޔާ ދާރިއަން ގާތު ދުރުމިނެއް ބަހައްޓަމުން އޮށޯވެ މުޅި ހަށިގަނޑު ބްލެންކެޓްއިން ފޮރުވައިލިއެވެ. އޭރު އޭނާގެ ހިތް ދިޔައީ ބާރަށް ތެޅެމުންނެވެ.

ދާރިއަންގެ އިޝާރާތަށް މިޔާ ލޯމަރައިލިއެވެ. މިޔާ އޮތީ އޭނާގެ ހަމުގެ ކުލަފަދައިން ހުރި ކްރީމް ކުލައިގެ އަތްދިގު ޓީޝާޓްއަކާއި ޖިންސެއް ލައިގެންނެވެ. ފިޔަވަޅުތައް ކައިރިވަމުން އައިސް މީހަކު ދޮރުގައި ޓަކި ޖަހައިލިއެވެ. އެ މީހާ ދޮރުހުޅުވަން އުޅުމުން ދާރިއަން އޭނާގެ ހަށިގަނޑު ނިވާ ކުރާކަމަށް ހެދުނެވެ. މިޔާ ވެސް ދާރިއަންއެކޭ އެއްފަދައިން އަމަލު ކުރިއެވެ. ކޮޓަރިއަށް ވަންނަން ފިޔަވަޅުއަޅައަޅައި ހުރި ވަދީހުގެ ފިޔަވަޅުތަކަށް ހުއްޓުމެއް އެރިއެވެ. އޭނަ ދާރިއަންމެނަށް ބަލައިލުމަށްފަހު އަވަސް އަވަހަށް ދޮރުލެއްޕިއެވެ. ދާރިއަން އޭނާގެ ރޭވުން ކާމިޔާބުވުމުން ކާމިޔާބީގެ ހިނިތުންވުމެއް މިޔާއަށް ދިނެވެ. ” އަހަރެން މިވަގުތު މިދަނީ.. އަހަރެންގެ ޓީމް ގާތަށް ގޮސް މިޔާގެ ދޮންބެ އާއި އެއްބައިވެގެން މިޔާ ސަލާމަތް ކުރާނަން.. ” ދާރިއަން ޔަގީން ކަމާއިއެކު މިޔާގާތު ބުންޏެވެ. މިޔާ ބޯޖަހައިލުމުން ދާރިއަން ދިޔައެވެ. އޭނަ ދޮރުން ނިކުތް އިރު ވަދީހު ފިކުރެއްގައި ހުއްޓެވެ.

” ކަލޭ ކިހިނެއް އެމަންޖެއަށް ހަދައިގެން އޭނަ ކަލެޔާއިއެކު ރޭކުރީ؟ ” ދާރިއަންއާއި ދިމާލަށް ތޫނު ނަޒަރަކުން ބަލަން ހުރެ ވަދީހު އަހައިލިއެވެ. ” މަ.. މަ ކީއްކުރީ.. މަގޭ މޫނު ފެނިފަ އޭނަ އެއްބަސްވީ.. ” ސަމާސާ ރާގަކަށް ދާރިއަން ބުންޏެވެ. އެއާއިއެކު ވަދީހު ދާރިއަންއާއި ދިމާލަށް ލޯއަޅައިލިއެވެ. ” އަހަރެން ކަލެޔަށް ދޭނަން ދިހަ ހާސް ރުފިޔާ މިމަހު އެއްކޮށް އަހަރެން ނޫން މީހެއް އެކޮޓަރިއަށް ވައްދައިގެން ނުވާނެ.. ” ދާރިއަން ވަދީހުއާއި ދިމާލަށް ބަލައިލަމުން ބުންޏެވެ. ވަދީހު ހައިރާންވެހުރެ ދާރިއަންއަށް ބަލައިލިއެވެ. ” ކަލެޔަށް އެކަނި މަހަކަށް؟؟ ” ވަދީހު ދާރިއަން ކުރެ އަހާލިއެވެ. ” ފައިސާ ލިބޭނުން އެބަ.. ” ދާރިއަން މާބޮޑު ކަމަކަށް ނުހަދާ ބުންޏެވެ. ” އާނ.. މައްސަލައެއް ނެތް.. އެކަމަކު ކަލޭ ކިހިނެތް އެވަރަށް ފައިސާ ހޯދަނީ.. ” ވަދީހު އަހައިލިއެވެ. ” މަގޭ އަތުގައި އެބައޮތް ކުރިން ފަޅާލި ފިހާރަތަކުގެ ފައިސާއާއި އެއްޗެހިވެސް.. ” ދާރިއަން ދޮގުހަދައިގެން ބުންޏެވެ. ވަދީހު ބޯޖަހައިލިއެވެ.

” މިއަދަށް ނިމުނީ ދޯ؟ މަ ތާކަށް ޖައްސާލިޔަސް ހެޔޮތަ؟ ” ދާރިއަން ވަދީހު ގާތު އެއްސެވެ. ” މަމީ ކަލޭ ބައްޕައެއް ނޫން ދާނެ ތާކަށް ދާން ވީ.. އާނ މިއަދު ކަލެޔާ ހަވާލު ކުރި ކަންތަށް ނިމިއްޖެ.. ކަމެއް ޖެހުނިއްޔާ ގުޅާނަން.. ” ވަދީހު އެހެން ބުނުމަށްފަހު ހިނގައިގަތެވެ. ދާރިއަންވެސް އެތަނުން ދާން ހިގައިގަތެވެ. އެއްވެސް މީހަކު ފާރަލާތޯ ބަލަމުން ގޮސް އޭނަ ޓީމް މީޓިން ބާއްވާތަނަށް ވަދުނެވެ. ކުރިންވެސް ވަދުނު ފަޅު ގެޔަށް ވަނުމަށްފަހު ވަޅުން ފުންމައިލައި ކޯޑު ޖަހައިގެން އެ ކުޑަކޮޓަރިއަށް ވަނެވެ. އޭރު އޭނަގެ ޓީމް މީހުން އެތާގައި ތިއްބެވެ.

އުކައިލް ދާރިއަން އާއި ދިމާލަށް ބަލައިލަމުން ހިނިތުންވުމެއް ރައްދުކޮށްލިއެވެ. ދާރިއަން އުކައިލްއަށް ބޯޖަހައިލަމުން ވާހަކަ ދައްކަން ފެށިއެވެ. ” އަހަރެންނަށް މިޔާ ފެނިއްޖެ.. ” ދާރިއަން އިއްވައިލިއެވެ. އެޔާއިއެކު އެންމެންގެ ނަޒަރު އޭނައާއި ދިމާލަށް ހުއްޓުނެވެ. ” މިޔާ ކޮބާ؟ ” ދާލިޔާ އަވަސް އަވަހަށް އަހައިލިއެވެ. ” އެމީހުން އެތާގައި ހިލިހިލާ ޖަހާފައި ހުރީ.. އޭނަގެ ބައްޕަ އޭނަ އެމީހުނަށް ވިއްކާލީ.. ” ދާރިއަން ބުންޏެވެ. ” ވަޓް؟؟ ހިޔުމަން ޓްރެފިކިންވެސް ތި ގޭންގްގައި އޮންނަނީ ތިހެންވީމަ.. ކިތަށް މީހުން އެގޮތަށް އެމީހުން ގެންގުޅޭނެ.. ” ޒާލިކް ހައިރާންވެ ހުރެ ބުންޏެވެ. ” އެ މީހުން މިޔާއަށް އަނިޔާ ކުރޭތަ؟ ” އުކައިލް އަހައިލިއެވެ. ދާރިއަން ބޯޖަހައިލިއެވެ. ” އަހަރެން ވައުދުވީން މިޔާ ސަލާމަތް ކޮށްދޭނެކަމަށް.. މިޔާގެ ދޮންބެ މާވިންއާއި ގުޅިގެން މިޔާ ސަލާމަތް ކުރެވިދާނެއެއްނުން؟.. ” ދާރިއަން ބުންޏެވެ.

” ދެޓްސް ޓޫ ޓްރިކީ.. މާވިން އެއީ އެމީހުންގެ މީހެއް، ކިހިނެތް އެނގެނީ އަހަރުމެންނަށް މާވިން އަހަރުންނަށް ބިޓްރޭ ނުކުރާނެކަމެއް.. ” އިޔާދު ބުންޏެވެ. ” އެއީ މިޔާގެ ބޭބެއޭ އޭނަ ބޭނުންވޭ މިޔާ ސަލާމަތް ކުރަން.. ” ދާރިއަން އަޑަށް ބާރުލަމުން ބުންޏެވެ. ” ދާރިއަން ޕްލީޒް މިކަހަލަ ކަންކަން އިމޯޝަނަލް ވެގެނެއް ހައްލެއް ނުވާނެ.. ” އިޔާދު ބުންޏެވެ. ދާރިއަންގެ ދެބުމަ ގޮށްޖެހުނެވެ. ” އާރ ޔޫ ސީރިއަސް- ” ދާރިއަންގެ ވާހަކަ އުކައިލް މެދުކަނޑައިލިއެވެ. ” އިނަފް.. ޒުވާބުކޮށްގެންވެސް މިކަހަލަ ކަންކަމެއް ހައްލެއް ނުވާނެ.. ” އުކައިލް ބުންޏެވެ. ” އަހަރެންނަށްވަނީ އިޔާދު ސާރ މިވަގުތު މިތަނުން ދާން.. ” ދާރިއަން ދެބުމަގޮށްޖަހައިލައިގެން ހުރެ ބުންޏެވެ. އިޔާދު އެއްޗެކޭ ނުބުނެ ހިތްހަމަ ނުޖެހި ހުރެ އެތަނުން ނިކުތެވެ. އިޔާދު ދިޔަތާ އިރުކޮޅެއް ނުވެ ދާރިއަން ނިކުތެވެ. ދާރިއަން ފަޅުގެއިން ނިކުތްއިރު އޭނާގެ ފިޔަވަޅުތަށް ހުއްޓުނީ ކުރިމަތީ ހުރި މީހަ ފެނިފައެވެ.

( ނުނިމޭ )