ބޭވަފާތެރިޔަކީމޭ 28

“ހައު އެބައުޓް ގާލްއެއް ވިއްޔާ ޔަލީން. ބޯއި އެއްވިއްޔާ އީތަން. ކަޑަ؟” އިރުކޮޅަކު ފޮތް ބަލަން އިނދެފައި ޔޫހާންއެއްސެވެ. “ނޫން އެލާއަށްވެސް އެންމެ ކަމުދިޔަ ދެނަން ތިއީ. ހިހި. އަދި ވާނެ އިނގޭ އަހަރެމެން ވަން މޯ ބޭބީ ހޯދަން. މިފަހަރު ލިބޭ ޖެންޑާރ ނޫން އަނެއް ޖެންޑާރ ގެ ބޭބީއެއް” އެލީޝާ ދެއަތް ޖޯޑުކޮއްލަމުން ބުނެލިއެވެ. “އެލާ ބޭނުން ގޮތެއް” ޔޫހާން ހިނިތުންވެލާފައި އެލީޝާގެ ކޮލުގައި ފިރުމާލިއެވެ.

ރޭގަނޑުގެ ވަގުތެވެ. ޒިކުރާ އިންޓާރ ނޭޝަނަލް ކޮލެޖުގައި ފާހަގަ ކުރަމުން ދިޔައީ އެބެޗުގައި ގްރެޖުއޭޓުވީ ކުދިންގެ ގްރެޖުއޭޝަންއެވެ. ހުރިހާ ދަރިވަރުންގެ މޫނު މަތިންވެސް ދިޔައީ އުފާވެރިކަންފެންނަމުންނެވެ. ވާނީވެސް އެހެން ނޫންހެއްޔެވެ؟ އަހަރުތަކެއްގެ އުންމީދުގެ ނިމުމެވެ. ނަމަވެސް ގާތުގައި ހޭދަ ކުރި އެކުވެރިންގެ ދޫކޮއްދާން ޖެހޭތީވެ، އެހިތާމަވެސް ދިޔައީ ހުރިހާ ކުދިންގެ މޫނު މަތިންވެސް ފެންނަމުންނެވެ.

“ކޮންގްޖުލޭޝަން މައި ބޭބީސް” ގްރެޖުއޭޝަން ގައުންގައި ހުރި ޔަލްވީއަދި ޝާހާ ފެނި ލީޝާ ބުނެލީ ދެމީހުން އަތަށްވެސް މާ ބޮނޑިއެއް ދެމުންނެވެ.

“އޯ އެމް ޖީ އަޅޭ ވީއާރ ގޮނަ ބީ ވޯރކިންގ ސޫން އަޅޭ ކާންޓް ވެއިޓް” ޔަލްވީ ހީލާފައި ބުނެލިއެވެ. ޝާހާވެސް ހީލިއެވެ.

“ޝާ މެރީ ކުރާނަން ދޯ ދެން ވަރަށް އަވަހަށް” ލީޝާގެ ސުވާލާއި އެކު ޔަލްވީގެ ނަޒަރުވެސް ހުއްޓުނީ ޝާހާއަށެވެ. “ޔެސް. ނެކްސްޓްވީކް ގަ ރަން ކިޔަން” ޝާހާ ހީލިއެވެ. ހަގީގަތުގައިވެސް މައިކަލްގެ އަންބަކަށް ވެވެން އުޅޭތީވެ ޝާހާ ހުންނަނީ ވަރަށްވެސް އުފަލުންނެވެ.

“ހޫމް އޯކޭ. ދެން ޔަލް އޯ؟ މަންޖެވެސް އިންނަނީ ދޯ ރިލްވާންއަށް؟؟؟” ލީޝާ ޔަލްވީ އަތުުގައި ވިކައިގަތެވެ. “އައްދޯތް. އެންޑް ޔަކް. ނޯ ތެންކްސް. މަ އަދި މިހުރީ ކިހާ ޔަންގް؟” ޔަލްވީ ތުއި ވެލިއެވެ. ތިން އެކުވެރިންގެ ވާހަކަ މެދުކެނޑުނީ މައިކަލްއައުމުންނެވެ.

“ކޮންގްރާޓްސް ލަވް” މާ ބޮނޑިއެއް ޝާހާއަތަށް ދެމުން މައިކަލް ބުނެލިއެވެ. “ހޫމް ހޫމް އޯކޭއޭ. ކޮބާތަ އެ ރިލްވާންގަނޑު؟؟ އަހަރުން ކަޅުވީމަ ނާދޭ ހަމަ” ޔަލްވީ ފޫހިވިއެވެ. ނަމަވެސް ޔަލްވީގެ އަޑުއެއިން އެކަކަށްވެސް އިވުނު ހެނެއް ހިޔެއްނުވެއެވެ. ޕިސް ޕިސް ކިޔާފައި ޔަލްވީ ކުރިއަށް ހިނގައިގަތީ ފޯނު ބަލައިލަމުންނެވެ. “ގްރެޖުއޭޝަން ނިންމާފަ ކޭންޔޫ ކަމް ޓުމައި ހައުސް؟ އިންނާނެ ޓެކްސީއެއް ވެއިޓިންގ ގަ. ޔަލް ނިކުންނަ އިރަށް އެކާރު ޔަލް ކައިރިއަށް ހުއްޓާނެ. ލަވް ޔޫ” ރިލްވާންގެ މެސެޖުގައި އިނެނެވެ. އެވަގުތު ރިލްވާން ބުނިފަދައިން ކާރެއް އަހިސް މަޑު ކުރިއެވެ. “ޔަލްވީ ދެއްތޯ؟” ކާރު ދުއްވަން އިން ޒުވާނާ އެހީ ޔަގީން ކޮއްލާފަދަ ގޮތަކަށެވެ. ޔަލްވީ ބޯޖަހާލުމާއި އެކު ކާރު ހެޔޮވަރު ސްޕީޑްއެއްގައި ދުއްވާލިއެވެ.

ކާރު އޭގެ ދުވެލި މަޑުކޮއްލީ “ރޯސް ހައުސް” ގޭ ކުރިމައްޗަށެވެ. އޭރު ހިނިތުންވެލައިގެން ރިލްވާން އެގޭ ދޮރުމަތީގައި ހުއްޓެވެ. “ކޮންގްރާޓްސް ލޯބްސް” ބޮޑު މާބޮނޑިއެއް ޔަލްވީއަތަށް ދެމުން ރިލްވާން ބުނެލިއެވެ. “ހޫން ކޯއްޗެކޭ ކިޔާކަށްތަ؟ ނުވެސް އައި ވިއްޔަ” ޔަލްވީ ޝަކުވާ ކުރިއެެވެ. ހީލާފައި ޔަލްވީ އަތުގައި ހިފާ ރިލްވާން ހިނގައިގަތެވެ.

“އަނހާ މިއޮއްއައީނުން. އަވަހަށް އާދޭ ދެކުދިން” ޔަލްވީ ވަންތަނާ މެދު އުމުރުގެ އަންހެނަކު އަހިސް ޔަލްވީ ގާތުގައި ހުއްޓުނެވެ. ޔަލްވީ ރިލްވާންއާއި ދިމާލަށް ބަލައިލީ ސުވާލުގެ ނަޒަރުންނެވެ. “ޔަލް.. މިއީ މައި މަމް. ދެން އެއީ މައި ޑޭޑް” ރިލްވާން ތަޢާރަފް ކޮއްދިނެވެ. ރިލްވާންގެ މަންމަ ރައިލްޔާ އަހިސް ޔަލްވީ އަތުގައި ފިރުމާލިއެވެ. ފަހަތުން އަހިސް ރިލްވާންގެ ބައްޕަ ހިލްމީވެސް އަހިސް ރިލްވާންމެން ގާތުގައި ހުއްޓުނެވެ.

ހަމައެވަގުތެވެ. ލޯގަނޑު ކުރިމަތީގައި އިން ނަވްޔާ އިނީ މޭކަޕް ކުރާށެވެ. ތުންފަތުގައި ގަދަ ރަތްކުލައެއް ޖައްސާލެވިފައިވީ އިރު ވަނީ ކަޅު ކުލައިގެ ސިލްކްފޮތީގެ ޓޮޕްކޮޅެއް ލާފައެވެ. ހަމަ އެކުލައިގެ ސިލްކް ކުރު ސްކާރޓްކޮޅެއް ލާފައި ހުރި އިރު ނަވްޔާގެ ދޮން ފައި އޮތީ ހާމައަށެވެ. ލައިގެން ހުރީ ކޮނޑުނެތް ޓޮޕް ކޮޅެއް ކަމުން ކޮނޑުވެސް އޮތީ ހާމައަށެވެ. ހިތްހަމަ ޖެހޭ ވަރުވުމުން “ވައި އެސް އެލް” އަތްދަބަސް ނަގާ ކޮނޑުގައި އަޅުވާލަމުން “ލޫބަޓިން” ކަޅާ ރަތުގެ އުސްކުރި ބޫޓު ނަގާ ފަޔަށް ހެޔޮވަރު ކޮއްލިއެވެ. ފަހު ފަހަރު ފަރިބަލައިލަމުން ނަވްޔާ ކޮޓަރިން ނުކުތެވެ.

“ކޮންތާކަށް މިހާ ލަސްކޮއްފަ؟” ސޯފާގައި ފިކުރުތަކުން ގަރަގު ވަމުން ދިޔަ ޖައިޝްއަށް ނަވްޔާ ނުކުންތަން ފެނުމުން އެއްސެވެ. “ކަލެއަށް ކޮންކަމެއް މަ ކޮންމެތާކަށް ދިޔަޔަސް؟” ނަވްޔާ ފޫހި ރާގެއްގައި ބުނެލިއެވެ. “ދެން ކޮން އިރަކުންތަ އަންނަނީ؟” ޖައިޝް އަނެއްކައިވެސް އެއްސެވެ. ހިތުގައި ނޭނގޭ ބިރުވެރި ކަމެއް އުފެދިފައި ވުމުންނެވެ. “ބުނަން ވާހަކައެއް؟ އަހަރެން ދާހާ ތަނަކާ އަންނާނެ އިރަކާ ބަލާކަށް ކަލެއަކަށް ނުޖެހޭނެ” ޖައިޝްއަށް ރައްދު ދީފައި ނަވްޔާ ނުކުތީ ޖައިޝްގެ ބަހުގެ އިންތިޒާރަކަށް ނުހުރެއެވެ.

ނިދިފައި އޮތް އެލީޝާއަށް ދިޔައީ އުނދަގޫ ވަމުންނެވެ. ނޭނގޭ އުނދަގޫތަކެއް ދިޔައީ އެލީޝާގެ ބަނޑަށް ވަމުންނެވެ. ކޮޅުކޮޅަށް ފުރޮޅެމުން ދިޔައީ އުނދަގޫ ވާވަރުންނެވެ. ސޯފާގައި ލެޕްޓޮޕް ހިފައިގެން އިން ޔޫހާންގެ ލޮލުގައި އެލީޝާގެ އެ ޙަރަކާތްތަށް އަޅައިގަތެވެ. ލެޕްޓޮޕު ބާއްވާފައި އެލީޝާ ގާތަށް ދިޔައީ އެހެންވެގެންނެވެ.

“އެލާ؟” ޔޫހާން އެލީޝާއަށް ގޮވާލިއެވެ. އެލީޝާ ދެލޯ ހުޅުވާލިއެވެ. އެވަގުތު ބަނޑުގައި ހިފަހައްޓައިގެން އޮތް އެލީޝާއަށް އޭނާއަށް ކުޑަކަމުދެވުނު ފަދަ އިހުސާސްއެއް ކުރެވުނެވެ. އެލީޝާއަށް ވާނުވާ ދޭހަވީ އެހިސާބުންނެވެ. “ޔޫހާން… އަހަރެން ހޮސްޕިޓަލަށް ގެންގޮސް ދީބަ.. އައި ތިންކް މައި  ވޯޓާރ ބްރޯކް” ހަށިގަނޑުގައި އަޅަމުން ދިޔަ ވޭނަށް ކެއްކުރަމުން އެލީޝާ ބުނެލިއެވެ. ކުޑަ ހިނދުކޮޅެއްގެ ތެރޭގައި އެލީޝާ ހޮސްޕިޓަލަށް ގެނެވުނެވެ. އެލީޝާ ހަލުވި ކަމާއި އެކު ވިއްސާ ކޮޓަރިއަށް ވެއްދުނެވެ. ބޭބީގެ އަންނައުނަކާ އެއްޗެހި ހިފައިގެން އަނާޝާވެސް ހިނދުކޮޅެއްގެ ތެރޭގައި އައެވެ. ޔޫޙާންއަދި އަނާޝާވެސް އިންތިޒާރު ކުރަމުން ދިޔައީ އެ ތުއްތު ފުރާނައިގެ ފުރަތަމަ ނޭވާ ދުނިޔައަށް ލާނެ ވަގުތަށެވެ.

މަގުމަތީގައި ހިނގަމުން ދިޔަ ނަވްޔާގެ ވަކި މަންޒިލެއް ނެތް އިރު މޫނުމަތިވެސް ވަނީ މިލާ މޯޅިވެފައެވެ. އޭނާގެ ދިރިއުޅުން މިހާރު މިވަނީ ކިހިނެތް ވެފަހެއްޔެވެ؟ އޭނާގެ އުފާވެރި ދިރިއުޅުމަށް މިޖެހުނީ ކޮންފަދަ މުސީބާތެއް ހެއްޔެވެ؟ ޔޫހާންދެކެ ލޯބިވުން އެއީ ނަވްޔާގެ ހަޔާތަށް އެޅުނު ޒަހަރެއް ބާއޭވެސް އޭނާ ހިތަށް އެރިއެވެ. އެވަގުތު ވިދާލުމަކާއި އެކު ބާރު ގުގުރީގެ އަޑު އިވުނެވެ. ވިއްސާރަ ވާން އުޅޭ ކަމުގެ އަލާމާތްތަށް ދައްކަން ފެށިއެވެ. އުޑުމަތީގައި އިން ފުރިހަމަ ހަނދުވެސް ކަޅުވިލާތަކުގެ ޝިކާރަކަށްވެ ގެއްލުނެވެ. ފިޔަވަޅު އަވަސް ކޮއްލި ނަވްޔާ ހުއްޓުނީ ކުރިމަތިން ހިޔަންޏެއް ފެނުމުންނެވެ.

ކުރިމަތީގައި ހުރީ ހިމަތޮޅި، ނަމަވެސް ދިގު ފިރިހެނެކެވެ. ހަތަރިސްފައިގައި އޭތި މީތި އަޅާފައި ހުރި އިރު ކަންފަތް ވެސް ވަނީ ތޮރުފައިފައެވެ. އޭނާގެ ހަށިގަނޑުން ސިނގިރޭޓު ވަސް ގަދައަށް ދުވަމުން ދިޔަ އިރު ހުރީ ހަމައިގަހެންވެސް ހިޔެއްނުވެއެވެ. ބަނޑުހައިވެފައިވީ ސިންގާއެއް ފަދައިން އެޒުވާނާ ނަވްޔާއާއި ކައިރިވާން ފެށިއެވެ. ޖަހާލި ބާރުގުގުރިއާއި އެކު ފަޒާގައި ނަވްޔާގެ ވޭނީ ހަޅޭކުގެ އަޑުވެސް ގުގުމާލިއެވެ.

(ނުނިމޭ)