Skip to content
އެސްފިޔަ

ބޭވަފާތެރިޔަކީމޭ 18

2 ހަފްތާ ފަހެވެ. އުފާވެރި ދުވަސްތަކަކަށްފަހު ޔޫހާންއަދި އެލީޝާ އެނބުރި ރާއްޖެއައެވެ. އެންމެ ކުޑައިރުންސުރެވެސް ދުބާއިއަށް ދާން އެލީޝާ ބޭނުން ވާޙަކަ އަބަދުވެސް ކިޔާތީވެ، ހަނީމޫންވެސް ޔޫހާން ހަމަ ޖެއްސީ ދުބާއީއަށެވެ. އުފާވެރި، މަޖާ، ވަގުތުތަކަކަށް ފަހު އެނބުރި ދެމަފިރިން ރާއްޖެއައެވެ. އެލީޝާގެ ތުންފަތްމަތީގައިވީ ހިނިތުންވުން ޖައްވުގައި އިން އިރަށްވުރެވެސްގަދަ ކަމަށް ދައްކައެވެ. މެންދުރުގެ ވަގުތު ކަމުން އަވިން އަލިގަދަ ކޮއްލާފައިވީ މަގުތަށް އަނދިރިވާން ފެށީ ޔޫހާންއާއި އެލީޝާ ބަނދަރުގައި ހުއްޓައެވެ. ކަޅު ވިލާގަނޑެއް އަހިސް ދޮން އިރު ނިވާކޮއްލިއެވެ. މަގުތަށް އަނދިރިވެ ވައިގަދަވާން ފެށިއެވެ. އަންނަން އުޅޭ ތޫފާނުގެ އިންޒާރު ދޭންފެށިއެވެ. އެއީ އެލީޝާގެ ދިރިއުޅުމަށްވެސް އަންނަންއުޅޭ ތޫފާނެއްގެ ފެށުންބާއެވެ؟

“ނެތް ޑިއުޓީއަށް ދާހިތެއްވެސް. ހަމަ އެލާ ކައިރީ އޮންނަ ހިތްވަނީ” ލޯގަނޑުކުރިމަތީގައި ރީތިވާން ހުރި އެލީޝާގެ ހަށިގަނޑުގައި ޔޫހާން ފަހަތުން ބައްދާލިއެވެ.

“އެކަމަކު 24 ގަޑިއިރު އެހެން ހުރީމަ ކޮންތާކުންތަ ރުފިޔާ ހޯދަނީވެސް؟” ޔޫހާންގެ ހިތަށިކޮޅު ހާވާލަމުން އެލީޝާ ބުނެލިއެވެ. އެވަގުތު ޔޫހާންގެ ފޯނު ރިންގުވިއެވެ. ފޯނުއައީ ހޮސްޕިޓަލުންނެވެ.

“ޔޫހާން ޑިއުޓީއަކަށް ނާންނަންތަ އަދި؟ މިއަދު ދޯ ނިކުންނަނީ؟” ހޮސްޕިޓަލް އެމާރޖެންސީ ރޫމްގައި މަސައްކަތް ކުރާ ދާއިން ޔޫހާންގާތުގައި އެއްސެވެ. ދާއިންގެ އަޑުގައި ހުރި ހާސްކަން ދިޔައީ ފޯނުންވެސް އިނގެމުންނެވެ.

“ޔެސް ދާން މިއުޅެނީ. ބްރޯ ހާދަ ހާސްވެފަ ކިހިނެތްވީ؟” ޔޫހާން އެއްސެވެ.

“އިސް އެލީޝާ ވިތް ޔޫ؟” ދާއިންވެސް އެހީ ސުވާލެކެވެ. ޔޫހާން އާއެކޭ ބުނުމުން “އައިމް ހިއާރ” އޭ އެލީޝާ ބުނެލިއެވެ.

“16 އަހަރު ކުއްޖެއް. 10 ވަރަކަށް މިނިޓް ކުރިން އެކުއްޖާ ހޮސްޕިޓަލްއަށް ގެނައީ. ވަރަށް ހާލުގަ އޮތީ ގެނައިރުވެސް. ހަށިގަނޑުގެ އެކި ދިމަދިމާލުން ލޭއާދޭ.. އެންޑް.. ގައިނީއެއް އަހިސް ބަލާފަ ބުނި ޝީ ވޯސް ޕްރެގްނެންޓްއޭ.. އެކަމަކު ހޮސްޕިޓަލަށް ގެނައިރުވެސް ވަނީ ބައިގެން ގޮއްސަކަމަށް ގައިނީ ބުނީ. މިސްކެރެޖްއެއްވުމާއެކު އިޝާ ބުނުއްވީ ބޭނުމޭ ސޮނޯހިސްޓޯގްރާމް ސާޖަރީއެއް ހަދަން. ކުރިންވެސް ޕީ.ޓީ.އެސް.ޑީ ހުންނަ ކުއްޖެއްކަމަށް ވަނީ.. ޝީ ހޭސް ތްރޮމްބޯއެމްބޮލިޒަމް އޯލްސޯ. އެހެންވެ އިޝާ ބުނުއްވީ ޔޫހާންއާއި އެކު، ކޮންބައިން ސާޖަރީއެއް ހަދަން ބޭނުމޭ. ވަރަށް އަވަހަށް އާދޭ. އޭނަގެ ހާލު ވަރަށް ދެރަ. ހޮސްޕިޓަލަށް ގެނައުމުގެ މަގުމަތީގައިވެސް އެރެސްޓްއަކަށް ދިޔަކަމަށް ވަނީ. މިތަނަށް އައިފަހުންވެސް އެއްފަހަރު އެރެސްޓްއަކަށް ގޮއްސި. އެހާ ސްޓޭބަލްއެއްނޫން. ވަރަށް އަވަހަށް އާދެބަ. ދެން އެލީޝާ ގާތުގަ ބުނީ ސާޖަރީއިން އެކުއްޖާ ހޭއެރުމާއި އެކު އެކުއްޖާގެ ހާލަތު ބަލަން އައުމަށް ބުނާށޭ” ލަސް ލަހުން ދާއިން ހުރިހާ ވާހަކައެއް ކިޔައިދިނެވެ. ފޯނު ބާއްވާފައި ދެމީހުންވެސް އަވަސްވެގަތީ ހޮސްޕިޓަލަށް ދިޔުމަށެވެ.

“ޑަކްޓަރ ދާއިން؟ ފުލުހަށް ރިޕޯރޓް ކޮއްފިންތޯ؟” ފަހަތުން އިވުނީ އިޝާގެ އަޑެވެ.

“ނޫން މިއުޅެނީ ގުޅަން. ސައިކޭޓްރިސްޓް އެންޑް ކާރޑިއޮލޮޖިސްޓްއަށް ގުޅާލީމި”

“އާހް އަޅެ އެހާ ހެޕީ ދުވަސްކޮޅަކަށް ފަހު ފުރަތަމަ ދުވަހު ވަޓް އިސް ދިސް” ކަން ހިނގައިދިޔަ ގޮތުގެ ވާހަކަ އެނގުމުން އެލީޝާ އިނީ އުނދަގޫވެފައެވެ. އަދި މިކަންމިވީ ކައިވެންޏަށް ފަހު ނެގި 3 މަހުގެ ބްރޭކްއަށް ފަހު ކަމުނެވެ.

ހޮސްޕިޓަލަށް ވަދެ ޗެކިންވިގޮތަށް ޔޫހާން ދިޔައީ އޮޕަރޭޝަން ތިއޭޓަރަށެވެ. އެލީޝާވެސް ތައްޔާރުވާންފެށިއެވެ.

“އެލާ.. ހޭވް ޔޫ ހާރޑް؟؟ އެލާއަށް ގުޅިތަ؟” އެލީޝާ ޗެކިންވިކަން އެނގުމުން މައުނާ ދުވެފައިހެން އަހިސް އެލީޝާ ކޮޓަރިއަށްވަނެވެ.

“ޔޭސް ހޮސްޕިޓަލަށް އަންނަން އުޅެނިކޮށް ދާއިން ގުޅީ. ޔޫހާންވެއްޖެ ސާޖަރީގަ” އެލީޝާ ބުންޏެވެ.

“މަށަށް ހުވާ ނޭނގުނުވީ ގޮތްވެސް. އެކުއްޖާ މަންމައާއި ބައްޕަވެސް އެބަ ރޮއެ ހޭރޭ. އޮންލީ ޗައިލްޑް އެއްކަމަށް ވަނީ. އަޅޭ ޝީ އިސް 16 ވިއްޔަ. ބަނޑުބޮޑު ކަން އެނގި، ދަރިފުޅު ރޭޕްކޮއްލިކަން އެނގި.. ޑަކްޓަރ އިޝާ ވެއްޖެ މިޙާރު ތިއޭޓަރގަ.. ރޭޕް ކިޓް ނަގަންވަދެ. އޭރުން ދެން ފަށާނެ” މައުނާވެސް އިނީ ހާސްވެފައެވެ.

“ހަމަ އަސްލުތަ؟ އޮންލީ ޗައިލްޑްއެއް؟ ސުބްހާނައްﷲ”

“ޔާ.. ވަރަށް ފަގީރު ދެމަފިރިންކަމަށް ވަނީވެސް…” ދެއެކުވެރިންއެވާހަކަ ދެއްކުމުގައި އިންދަ ވަގުތުތަށް ފާއިތުވެގެން ދިޔަގޮތްވެސް ނޭނގުނެވެ.

“ކިހިނެތްވެގެންތަ މިއަދު މާ ފުލުހުން ގިނަވެގެން މިއުޅެނީ؟” ޑިއުޓީއަށް އައި އިރު ފުލުހުން ތިބުމުން ލީޝާ ރިސެޕްޝަނުގައި އިން ކުއްޖެއްގާތުގައި އެހިއެވެ.

“ވީ ހޭވް އަ ރޭޕްޑް ޕޭޝަންޓް…” އެކުއްޖާ ބުނެލިއެވެ. “ވާޓް؟؟؟” ލީޝާއަށް ބުނެވުނެވެ.

“އަޅުގަނޑުގެ ދަރިފުޅަށް އިންސާފު ހޯދަދެއްޗޭ.. ހެޔޮނުވާނެ..” ޕޭޝަންޓުގެ މަންމަ ކަމުގައިވީ އައިޝާއަށް ރޭޕް ކިޓް ހިފައިގެން ނިކުން ފުލުސްކުއްޖާ ފެނި ބުނެލިއެވެ.

“ލައްބަ. އިންޝާ ﷲ” ފުލުސްކުއްޖާ ބުނެލިއެވެ. އައިޝާއާއި ދިމާލަށް ބަލާލާފައި ޔޫހާން އޮޕަރޭޝަން ރޫމްއަށް ވަނެވެ.

އަނދިރި ކޮޓަރިއެކެވެ. މުޅިކޮޓަރިވަނީ އެފުއްމިފުށަށް ޖަހާލެވިފައެވެ. ބިންމަތީގައި ތެޅިފައި ހުރިއެއްޗެހި ހުރިއިރު، ހަޑިވެފައި އޮތް އެނދުމަތީގައި ފުދޭވަރަކަށް ލޭވެސް ހުއްޓެވެ. ތުރުތުރު އަޅަމުން ދިޔަ އެޒުވާނާގެ އަތްތިލައިގަވެސް ލޭހުއްޓެވެ.

“ނޫން.. އަހަރެން އޭނަ މަރައެއްނުލަން. މަ އޭނަ މަރައެއް ނުލަމޭ! ޝީ ޑިޒާރވްޑް އިޓް.. އެކަހަލަ ބޭވަފާތެރިޔަކަށް ލިބެން ޖެހޭނެ އަދަބަކީ އެއީ…” އެޒުވާނާ ދިޔައީ އަމިއްލަ ނަފުސާ ވާހަކަ ދައްކަމުންނެވެ. އެވަގުތު އެޒުވާނަގެ ސޫރަ ކުރިމަތީގައި ހުރި ލޯގަނޑުން އޭނާއަށް ފެނުނެވެ. ލައިގެން އިން ވަޅު ފެހި ކުލައިގެ ގަމީހުގެ ފުރަތަމަ ތިން ގޮއް ނެއްޓިފައި އިނުމުން އެޒުވާނާގެ ތަނަވަސްމޭމަތި ފެންނަން އިނެވެ. މޭގެ މެޔާ ދިމާލުން ވަކި އަޅުވާފައިހުރި ކަހަލަ ނިޝާނެއްހުއްޓެވެ.

ބޮޑު ބިރެއް ފެނުނުހެން އެޒުވާނާ އަވަހަށް މޭމަތި ފުހެން ފެށިއެވެ. ކަބަޑުތެރެއިން ކަޅުކުލައިގެ ބޮޑު ދަބަހެއްނަގާފައި އަލަމާރީގައި ހުރި އަންނައުނުތަށް އަޅަންފެށިއެވެ.

“ޕޭޝަންޓްސް ނޭމް އިސް އައިޝަތް މިޝްއަލް ހުސެން. 16 އިއާރސް. ޝީ ވޯސް ރޭޕްޑް އެންޑް ހޭޑް އެ މިސްކެރެޖް. މީ އައިޝަތް އިޝާ ގައިނީ ސާރޖެން އެން ޔޫހާން ފްރޮމް ކާރޑިއޮލޮޖީ ޑިޕާރޓްމެންޓް. އައި ވިލްބީ ޕާރފޯރމިންގެ އަ ސޮނޯހިސްޓޯގްރާމް އެންޑް ޔޫހާން ވިލްބީ ޕާރފޯރމިންގ އަ ޕަލްމޮނަރީ ތްރޮމްބޯއެންޑާޓެކްޓޮމީ (ޕީ.ޓީ.އީ) ކޭންވީ ސްޓާރޓް؟”

“މިޝްއަލް؟ 16؟” އިޝާގެ ވާހަކަތަށް އަޑުއަހަން ހުރި ޔޫހާން ހާސްވާން ފެށީ އެކުއްޖާގެ ނަން އިވުމުންނެވެ.

“ކޭންޓް ބީ ހާރ….؟” ހިތާހިތުން ޔޫހާންއަށް ބުނެވުނެވެ. މިޝްއަލްގެ މޫނާއިދިމާލަށް ޔޫހާން ބަލައިލެވުނީ ކުރެވެމުން ދިޔަހީ ދޮގު ކުރެވޭނެ ކަމުގެ އުންމީދުގައެވެ. ނަމަވެސް…….

(ނުނިމޭ)

މިވާހަކައިގެ ދެންއޮތް އެޕިސޯޑުގެ ލިންކު ކޮމެންޓް ސެކްޝަންގެ ތިރީގައި ވާނެއެވެ.

Comments (11)

  1. Your fav bab

    Very nice!!!
    If yoohaan is so sacred about that does it !wan that he did that hideous thing????????
    I’m very curious
    When next?

    1. shihaamaa ali
      Your fav bab

      Hihihi neynge dhwww
      Lets see
      In sha allah tmrw

  2. gurrrrl

    btw vrh reethi yoohaan haasvaan v keehve is she yoohaan ge sister??
    mishal aa yoohaan aa othyy kn gulhumehh anehkaa yoohaan… no no
    ehn neh nuvaane cant wai for next vrh curious

    1. shihaamaa ali
      gurrrrl

      Neynge shiherrr akh hama eh gothakah vess hehe hingaa balamaa dhw

  3. Nawar

    Maashaa allah mi part vx varah varah reethi…
    Yoohaan aa mishal hury kn gulhumehbaa??
    Can’t wait for next 😊❤️

    1. shihaamaa ali
      Nawar

      Jazaakallah khairan
      Hehe lets see dhw you’ll know very soon
      In sha allah tmrw
      Stay tuned

  4. Annora

    heiii shihaa… mi part ves vvv furihama hama unmeedhu kuri gothah.. even yoohan has dark side.. i fell in love with him ..hahah 🙂 cant wait to read next part <3 🙂

    1. shihaamaa ali
      Annora

      Hiiii Annora
      Awwwnn soo happy to hear that❤️
      Hehe dhw everyone dose
      Stay tuned

  5. Butterflyyyyy

    Heyyy shiherrr
    mi part vx vrh reethi maasha allah… haadha curious kohlaafa eyy nimmaaley thi😭😭😭
    Yoohan ge past ge kujjakah vedhaanebaa rape kuri kujjakey or his relative or something??? well next part ga ingeynethaa..
    cant wait for the next part..
    LYSSM darlinggg💜🦋

    1. shihaamaa ali
      Butterflyyyyy

      Hiiii butterflyyy
      Hehe ya dhn hingaa dhw balamaa
      Yes, vrh avahah enegyne mishal aky yoohaan ge kaaku kan
      Love you moree loab❤️❤️❤️

  6. Naikko

    Maasha Allah………..
    Mi part ves V reethi 👏👏👏👏

Comments are closed.